[لامارا]

بارت (٧) رجعت لوطني
#وهم_الاقدار
بقلم جوري
نبدأ البارت بعون الله



الهام: من شفت بنتي تقيئت دم شصار بحالي خفت هو اي وكنت اصيح اخترع مرتضى على صوتي
- شنو شبيج
- ما ادري شوف شوف جنان تقيئت
- كومي يلة نوديهة طبيب بسرعة
جان الوقت ساعة ب ٣ الضهر خطية توة راجع من دوامة ودينام يرتاح واني كنت اصيح الحك البنية مدري شبيهة طلعنة نركض بيهة لدكتور اطفال واني شحالني والافكار السيئة كلهة اجت براسي وابجي خايفة علة بنتي وصلنا للدكتور والحمدلله ماعليه ازدحام لان جايين من وكت
صاحو اسمنة ودخلنة
الدكتور: خير من شنو يشكي الطفل
الهام: دكتور الطفلة عمرهة اسبوع واليوم فجئة تقيئت دم
- نيميهة عى السدية افحصهة. چيكهة كال لاتخافون مابيهة شي كلش تمام وضعهة
- دكتور لعد شنو السبب
- ام الطفلة تشكي من تشقق حلمة صدرهة؟
- الهام: اي
- الدكتور: من صدر امهة ساحبة الدم وشي طبيعي الطفل يتقيئ فطلع مخلوط بالحليب دم مال صدر امهة .
من سمعت كلمة الدكتور طمني ارتاحيت تنفست الصعداء
الدكتور: لازم الام تعالج التشققات وهاي عصارة مرهم اكتبهة الة وانشاء الله مابيكم غير العافية .
مرتضى والهام: مشكور دكتور الله يوفقك
الهام : رجعنة للبيت نوعا ما مرتاحة من ناحية بنتي بس بعد رضاوي لازم اخلي يصالحني اليوم علمود بنتة شوية لين وكام يحاجيني يعني اكو امل اخلي يصالحني خلصنة من الدكتور جان وكت غروب
- مرتضى: اني رايح عندي شغل لاتنتضريني على العشاء
- براحتك حبيبي بس لا تتاخر بليل لان تعرفني اخاف وحدي
- ماشي.
حسيت نفسي رح اضعف امامهة وتنسة زعلي فتقصدت اطلع خارج البيت لان فعلا مشتاق الهة من اسبوع واني ماماخذ حقوقي كزوج واني رجل والي غريزتي فكلت احسن حل ابتعد عنهة حتة لا اضعف امامهة لان كلما اشوفهة انجذب الهة .
الهام : فكرت اليوم لا لا مااخلي على زعلة الة يصالحني اليلة اناب بحضنة اليوم ارجع لوطني الافتقدتة من اسبوع خل اكوم احضر للسهرة واخابر رغد
- الو هلو رغودة شلونج اكلج اليوم اريد افكارج اليلة لازم نتصالح الى متى
رغد: لج عوبة متفيد وياج الافكار منورة فهاوتج وهذا رجلج كامت متمشي عليه مال شموع وكيك ولبس صارت قديمة
- الهام: لعد شنو الجديد متكليلي شو كلهة نفس الشي لازم نلبس فستان سهرة حلو ومكياج وشموع وكيك
- ديلة سويهن بلكت هل مرة تمشي ويا باعي شوفي شيحب الوان لبسيلة
- يحب الوردي والاحمر
- اي اذا عندج شي جديد وردي لو احمر لبسيهم وحضري الغرفة عطريهة وفرشي فرشة حلوة فاتحة الوانهة وخلي ورد منثور بالغرفة وشموع وسوي صينية بيهة كرزات وحلويات وعصير يلة روحي ماضل وكت حيجيج ولاتنسين نعمي صوتج وتنعوصي شوية
- اي رايحة وادعيلي يسهل علية ويرضى يصالحني.
　
خلصت تحضيرات وسمعت صوت الباب عرفت اجة اجتني فكرة اسوي روحي متخربطة بالصالة وتمددت سمعتة اجة يركض ويصير حبيبتي شبيج من سمعت هلكلمة كامت تدك الطبول بكلبي كام يسوي بوم بوم بوم لان مفتقدة الكلمة من اسبوع
- اجيت دخلت البيت سنطة اتوقعت نامت من وصلت الصالة لكيتهة واكعة بنص الصالة ركضت الهة ادك على وجهة ماكو اصيح ماكو كمت جبت مي رشيت فتحت عيونهة
- ها شنو شصاير
- حبيبتي خوفتيني عليج اجيت لكيتج واكعة بنص الصالة شنو شحسيتي
- مااعرف بس جنت انتضرك وتدري اخاف وحدي ومحسيت الة وكعت
يلة حياتي هسة اسويلج عصير برتقال يقويج
- الهام: جريتة من جف ايدة قبل لا يروح للمطبخ روضي انت تحبني 🙂
- لعد ليش مااحبج اكو واحد ميحب روحة انت روحي وحياتي خوفتيني عليج .
- حبيبي لعد ليش عايفني كل هل ايام والله اشتاقيتلك واشتاقيت لحضنك وللمساتك وكلشي بيك اشتاقيتلة حضنتة وكعدت اشم بي وابوس بي حسيت بي نفسة ثكل وزادت دكات كلبة واتجاوب وياي بعدين حس على روحة
- اروح اسويلج عصير يقويج حتة نكمل البدينة بي وغمزلي
كلش فرحت بكلبي كلت خوش الخطة نجحت كتلة لا ماكو حاجة اني زينة الحمدلله يلة شيلني وديني للغرفة شالني ودخلني الغرفة تفاجئ من شافهة مزينة ومحضرة عرف الجذبة يبوو انوب زيدت الطين بلة شلون بية حيكول جذبتي علية دوم حبل الكذب قصير باوعت بعينة لكيتة صافن بوجهي وعيونة تحجي تكلي ليش تقشمريني ليش كلت خل احاول اقنعة
- الهام: ها حبي جنهة ماعجبتك التحضيرات الوكعتني صفح وتعبتني يجوز منوراهة تخربطت
- يعني وكعتج مو جذبة ؟( يحجي بصوت خشن وجاد)
- لا حبيبي جنت توني مخلصة التحضيرات وكاعدة اتانيك بالصالة وكلسع اباوع من الشباك حتة اشوفك وصار غواش بعيني والدنية ضلمت ووكعت محسيت الة انت جاي وتكعدني
- حبيبتي ليش اتعبين روحج تدرين روحج هي روحي مااكدر اعيش بدونهة
- حياتي فدوة الحلكك الحلو والله اشتاقيت لكلامك الحلو ليش حارمني
- هذا جان عقاب الج وخلي ببالج العقاب عقاب لاتفيد روحي ولا شي
- اممم التوبة رضاوي بعد مااضوجك واصير حبابة
- اهم شي عندي الاحترام وصوتج ماتعلي علية ولا تتجاوزين اذا صدك ماسويتيهن انت مرتاحة وابقة احبج طول العمر
- اي حبيبي مااسويهة بعد التوبة والله تعبت هل اسبوع اتوسل بيك ماكو اريد حضنك حرمتني منة تدري صارلي اسبوع مانايمة زين كلسع افز باليل لان متعودة على حضنك ارتاح بي احسة وطني لا تحرمني منة .
- غمزتلهة كتلهة ولا يهمج تعاي انيمج وووو
( امشو نطلع ونعوفهم وحدهم خطية مزوجين وزعلانين يردون يصالحون احنة شكو يلة متابعيني برة برة هههه)
الهام : كعدت الصبح مرتاحة وهو رجع لدلالة الي احس كانو عروسة واول صبحيتي
*************
بعد مرور ثلاث سنين
الهام : سكنة الكوت بعد ما روضي حصل نقلة وكعدنة ابيتنة الجديد كلش حلو ومرتاحين بي صار عندي اثنين بنات جنان ونوران الحمدلله على كل حال مامقسوم الولد مرتضى يداوم ضابط بالجنسية العراقية بالكوت ويروح الصبح يرجع الضهر ماكو خفارات الحمدلله لان قريب مو بغير محافظة علاقتي برغد بعدهة بس اقل من قبل نتخابر كل اسبوع ماانسة فضلهة ووكفاتهة وياي
عودة للماضي ....
الهام: حامل بطفلتي الثانية سنة ١٩٨٤ واني بالحمل يزيد القل واتعب حبالاتي صعبة كل شهر تطلعلي شغلة شكل كل شهر يمر لازم مريضة وصلت شهري التاسع والام المخاض قوية ومحد يمي روضي دوام شلت التليفون الارضي دكيت على رغد عدهة سيارة تسوق ودتني وجبت نوران محد ويانة حتة جنان اخذناهة امي مريضة وخواتي هم دوام موضفات ومعلمات ملكيت غير رغد هي صديقتي واختي حارت بينة اني وجهالي خلصت وجبت من دنطلع حرت بالبنات اضحك مدري ابجي كادتني جنان ورغد شايلة نوران ونمشي طلعنة من المستشفى محد يدري لا اهلي ولا روضي اجة ساعة ب٣ تفاجئ شافني نايمة والطفلة بصفي تفاجئ كعدني
- هاي شنو شوكت جبتي الحمدلله على سلامتج لعد شو محد يمج وحدج
- امي مريضة واصلا مكتلهة جبت من حسيت عندي ولادة خابرت رغد اجتني ودتني وجنان ويانة ورجعتني بقت وياي كملت كل شغلاتي وكالت نامي اني اروح البيتي جهالي رح يجون من الدوام وخلت التليفون يمي كالت اي شي تحتاجين خابريني واخذت جنان وياهة والله الله يطيهة العافية خوش مرة وبت اوادم محد يسوي سوايتهة.
- اي الله يحفظهة خوش مرة اني من تعرفتي عليهة كمت اطمان عليج من اعوفج واطلع واروح للدوام اكول رغد موجودة وشاطرة اذا احتاجيتي شي هي يمج الحمدلله من رزقنة بهيج جارة اروح اشكر منهة
الهام: مشت الايام وداروني رغد وروضي من يرجع من دوامة واني سبوع وتحسنت كمت على بيتي من طلع اربعينة واحس نفسي بعدني تعبانة ودائما مو نضيفة استمر ينزل علية وسخ مال نفاس رغم خلصت نفاس وطلع الاربعين بس ابد متوقف واصخن هواي راجعت دكتورة خوفتني وحولتني لدكتور جراح نسائية رحتلة شرحتلة وضعي طلب تحاليل سويت تحاليل ورجعتلة من قرة التحليل هبطت معنوياتي كلش
مرتضى : شنوووو شبيهة

يتبع.....

اسفة جدا اسفة على تاخري والله ضروفي متسمحلي نفسيتي تعبانة والكتابة يرادلهة بال صافي نفسية مرتاحة اني متتوفر عندي اعتذر مرة ثانية اتمنى لكم قراءة ممتعة
لاتنسون تعليق + تصويت