[فيتامين سي]

البارت الثاني

كعدت ع صراخ بين امي وابويه حاولت اكعد سمار وحنان بس هذني تنابل
شيكعدهم فضلت اكوم واسمع وافهم شنو السالفه
اتقدمت شويه يم الباب وسمعت اسمي
يمه شجابني بالنص الفضول كام يقرا عندي الف شكو وشصاير وشمسويه اني (زينب عبد المطلب
كلت ما منها خوف اروح واسمع زين
وياريتني مسامعه
طلع صديق بابا ابو حسام عنده ولد اكبر مني ب5سنوات يريد اله عروسه بعمري بعدها صغيره
ولان ابني الوحيد ومدلله ميقبل ينطيه لوحده غريبه وميعرف اهلها منو
وبما انو اقاربه ماكو بنات بعمري للزواج طلب من ابويه يزوجني اله
اني استغربت معقوله ابويه ينطيني بعدني صغيره باعتبار 2متوسط ويني و وين الزواج
الي خلاني شويه ارتاح رفض امي القاطع للموضوع وهالشي طمني شوي
رجعت للغرفه وعيوني مبين عليها باجيه
حنان:صباح الخير ..يااا شبيها عيونج منو وياج ليش دتبجين؟
غرام:ماكو شي رحت اغسل وعيوني صار بيها صابون وحركتني
سمار:مو انكولج ثوله مصدكين
حنان:لا مو ثوله ما اسمحلج تحجين عليها تروح فدوه للاثول
واهنا بدا المكافش بيناتنه والضحك وحتى نسيت كلشي
دخلت علينه امي بضربه برجلها للباب وربي خلتنه طشار
اول مشفتها اذكرت الكلام الي سمعته وهي باوعت عليه وابتسمت
الام:يله بسرعه كل وحده بيكم ترتب فراشها ونزلن حتى نتريك وراكم دوام

حنان:اي هسه نجي وراج
نزلت امي رحت اغسل بعد ما رتبت فراشي ودخلت للغرفه لبست ملابس
الدوام ونزلت
الكل كاعد ومحد يحجي خراتي انتبهو ع ابويه كان معصب وامي ساكته
واحنا ع سكوتهم سكتنه
اندكت الباب عرفت سما اجتي عليه كملت بسرعه لفتي وسلمت عليهم وطلعت
سما:صباحووو يحلوه
غرام:صباح النور
سما:شبيج مدلغمه منو وياج من الصبح
غرام:بالمدرسه اسولفلج امشي لنتاخر

واحنا بالطريق حسيت احد ورانه
سما:ولج هم هذا اجه ورانه
غرام:اي مو ناقصته لهذا فاجاه يكملها

جود:شبيه الحللو اليوم ضايج منو مضوجه من الصبح

غرام:شلون حندار عليه هسه واسحله
سما:دمشي عيني جون سينا المن تسحلين والله بدفره يطيرج
غرام:ولج دشوفيه مينجررع وييع
جود:والله لو مو بس تكرهيني لو تلعب روحج مني اخذج اخذج
غرام:اي مو هي بقت عليك
يما:ولج اسكتي عوفيه يولي
غرام:لا شو ما اسكت
وانداريت عليه
متكولي انت شرايد مني متستحي يوميه لاحكني
ما اكولك عندك خوات ومن هالاسطوانه لا بس ليش ترضاها عليه من احد
يشوفك ورانه يوميه يكول عليه مو زينه واني اصلا ما اعرفك
(زينب عبد المطلب
جود:بهايه حقج واني مقصدي اضرج وتجي عليج حجايه محلوه بس اني
الي اريده منج ميتم الا بموافقتج
غرام:شوف خويه الي تريده مرفوض واني مو مال علاقات ومن هالخرابيط
بعدني صغيره وعندي اهم شي دراستي
جود:واني مكلت.....
غرام:قبل لتكمل كلامك اني كتلك اني بعدني صغيره ومن رخصتك بعد
ما اريدك تتعرضلي لا بروحه ولا بجيه
جود:ع راحتج واني جداا اعتذر
مع السلامه
سما:يااا راح الولد
غرام :وروحتهم امشي اتاخرنه بسرعه حيدك الجرس
يله بسرعه امشي

جود :اعرفكم عن نفسي
اسمي جود عمري 20سنه اصغر واحد من اخواني
ابويه شيخ العشيره بس ماعندنه هايه السوالف مال فصليات وهالامور
راحت هالشغله ويه وقتها
حاليا حل المشاكل بطريقه ترضي الطرفين وبدون ميتاذى احد او ينقهر
وهذا كان دور الوالد لما كان يحضر كعدات يفضها بحل يرضي الطرفين
طبعا اني الوحيد من اخواني ممزوج وطبعي نحس كلش وعدنه ابن الشيخ
يزوج من وكت حتى ولده يكبرون بسرعه وياه ويعلمهم
والي نختارها تكون صغيره ومن الاقارب ومناخذ غريبه
اني ماعندي اي مشاعر ويه اي وحده من اقرباءنا اعتبرهن خواتي وخصوصا (زينب عبد المطلب
الي بعمري او اصغر مني
لحد ما يوم شفت بيه غرام وانغرمت بيها من اول مشفتها
صح بعدها صغيره بالمتوسطه بس هذا العمر يعتبر عدنه مال زواج وعادي
تزوج حتى نربيها ع ايدنه وتتعلم الي نريده بسرعه
شكد ما حاولت وياها هالبنيه تصرفاتها مو مال وحده صغيره كانت ترفضني
وجوابها الي كلش يخجلني وخصوصا اخر مره من تكولي الي يشوفني وياك
حيكول عليه مو زينه
فعلا خجلتني كلمتها هذه بس حظل وراها لحد ما تقتنع بيه
اني ابن شيخ ومستحيل اخلي غرام تصير لغيري.....

غرام:شفتي مو كتلج حتتاخر استلمي دك الحرس شيخلصنه من لسان المدرسه هسه
سما:باعي حتى منترزل شوفي شحسوي
غرا:شسوين يغبره امشي بسرعه
سما:لج اوكفي وجع
و وكعت سما روحها بالكاع وتسحل بصدريتها لحد ما صارت وسخه
واني واكفه مدري اضحك عليها مدري اريد اكومها(زينب عبد المطلب
سما:شبيج اضحكين يغبره مو هالشغله هي حتنقذنه
غرام:ولج شتنقذنه مو صدريتج صارت وصله مسح
سما:غير تسكت النظيفه وتعوفني اكمل شغلي
غرام: إلصمت اريد اشوف تاليتها...

بعد ما كملت سحل بروحها سما دخلنه للصف والمدرسه اول مشافتنه
سما:اااخ يمه لحكيني ست شوفي حالي شصار بيه
المدرسه:لج شصاير بيج غرام احجي شبيها سما
غرام:هاااااا
سما:ست شنحجيلج اووف. اكو چلب يم الخرابه ركض ورانه وغرام اسرع مني واني
ملحكت و وكعت واجقلبت بالشارع والعالم خلصوني من الكلب وخطيه غرام تبجي عليه
ومن وراه اتاخرنه
المدرسه:شلون ويه الكلاب السايبه
دروحي غرام اخذيها للحمام مسحي صدريتها من التراب وغسليلها وتعالن يله
غرام:اي ست مشكوره هسه اخذها ونجي بسرعه
المدرسه :بيج حيل تمشين سما
سما:هااا اي ست بيه حيل
المدرسه:دروحن يله ...زينب عبد المطلب
غرام:ولج والله انتي شيطانه ولا حجت علينه
سما:دمشي عيني قبل شويه اضحكين عليه وهسه اتكولين شيطانه امشي بسرعه مو كرهت
روحي من التراب كمت احك
غرام:هههه يله تعالي...

وبيومها خلصنه الدروس كلها صح هذه السنه الثانيه بنفس الصف بس احس روحي
اطرش بالزفه اعرف واهسي مو بالدراسه ولا احبها بس اريد انجح وما اعرف شلون
رجعت للبيت والطريق كله انتبهت الولد ماكو
اووي واني شعليه بيه واذا ماكو معناتها فادت الرزاله والله بعدها بالباكيت

رجعت للبيت وشفت امي وجها مكلوب اذكرت موضوع الصبح يوو بس لا صار
شي جديدلو ابويه لح عليها لان اعرفه من يريد شي يسويه

غرام:سلام
الام:وعليكم السلام
شلونج بالمدرسه
غرام:زينه الحمد لله
الام:اي زينه وراها تجينه كلها حمر
شوفي غرام بعد 5شهور للامتحانات اذا منجحتي هالمره ابوج ايكول اكعدها
غرام:هللوو شنو يكعدني وكل خواتي يداومون
الام: حتى اذا مبطلج تنفصلين اصلا صار 2بنفس للصف
غرام: اي عادي عود امتحن خارجي
الام؛ ولج هو انتي بالمدرسه مدرستج تشرح مدبرتيها تريدين خارجي
دصعدي بدلي احسلج بين ما خواتج يجون نتغده
غرام:اي حصعد بس من هسه كولي لابويه تبطيل ما ابطل
الام : دصعدي يله بسرعه لتحجين زايد
ااوف لو تدري ابوها شناوي يسوي اذا منجحت

حنان:ليش شنو ناوي ابويه ...........

يتبع..