[فيتامين سي]

البارت الثالث والعشرون
مساء الخير احبتي بس حابه اشكرك تفهمكم لوضعي الحالي والكلامكم الحلو ..واحب بس اقول كلمه ياريت لمن تعلقوا تراعوا مشاعر الغير بس راح اكتفي بهذا الكلام ..
متابعه طيبه حبايبي
بنين الطائي ❤🦋 .....
.................................

ماحسيت غير صار وراي ..طبعاا ماالتفت بس احس بحرورة جسمه تضرب علي ..ونفاسه اسمعها بااذني
انقبض قلبي لدقيقه ..وصرت اتحرك سريع اصب بالعصير حتى كام يكب بكل مكان ..رايد اتحرك اطلع ..
بس للاسف تقرب مني قبل ما خلص ..
وماحسيت غير لزم كصيبتي ولفه على ايده ..وسحبني منها
اني بين المتفاجى والالم ..حجيت ..اخ ..شعري ..شبيك
شهاب .. وجع ..تردين هسه اعلقج بالبكنه من هاي كصبيتج ..
غاليه .. ااااخ ..شسويت اني
شهاب .. شسويتي ..ابد كلشي ماامسويه
لج البيت مو كل زلم .. شكواا مطلعه نص شعرج ..فرحانه بكصيبتج اكصهاا هسه الج
غاليه .. لالا ..عفيه ..مااامنتبهه والله
شهاب .. جااا ماامنتبهه حقج ..حاير توزعين ابتسامة وفاكه حلكج ..
غاليه بااستغراب ..اني .
شهاب .. لابوويه انه
بقيت صافنه علي شبي هذا
هو بس مخنزر علي ..ترك شعري من ايده ..بس لسه خازرني ..
دخلت ورده فجاه .. وين كيكج غاليه ..بس شهتينه ومااجبتي .... اهااا اسفه قاطعتكم
غاليه .. لا لا ..اصلا جنت جايه بالصينيه ..
طلعت بسرعه واني شايله الصينيه ..ورده وراي وتحجي
جنتم تسوون هاا ..قاطعتكم انه شكد ثولة ..مبين من شكلج صايره حمره جان يتغزل بيج موو ..
ضحكت بكلبي ..وحجيت .. ليش ماتسكتين احسن
ورده .. اي تخافين من حسد حقج عيني حقج
ماحجيت شي بس رحت اقدم للكل كيك وعصير
ورحت اريد اكعدت يم رقيه ..والبنات ..تلكاني مهند يم الباب ..كلي ..غاليه بس سويج مال شهاب جيبي من يم رقيه ..
غاليه .. اي لحظه
رحت عليهن وهو واكف ينتظرني يم الباب
بس اجانه صوت غصون وهي تحجي ..يوو شايف نفسه هذا ..والله لو ماعيب من خالتي جان عرفت شلون ارد علي عود يعني دكتور بعد عيني اسلوبة زباله متكليلي بااي كليه درس هذا ..
يبووو شكد فشله مهند سمعها وجهه نكلب برزت عروقه من الغضب ..
سمعت رقيه ترد ..بس عاد انتي هم السانج شطولة شكوا تلاسنين ..زين مابتله بيج ..تدرين ولدنه يتخبلون من وحده طول السانهاا ..
غصون .. امم هم ولد هل مله كلهم هيج ..بس شايفين نفسهم علينه على شنو ..ابقن انتن كثرن بيهم مااتاخذن غير منهم ... والله انه عن نفسي بوويه لو اموت مااخذ من هاي مله ..
احلام .. والله ماتستحين انتي ..سكتي شويه
غصون .. انجبي انتي ..شكوا غير حقي ..قابل اجذب لو اسكت ..
رقيه .. مااكلتي عيني من ياامله تردين لعد
غصون ..بلكي الكي تركي ..اويلي غير واحدهم بعشره من ذواله الملحان وبس يفيكوا ادري لعد لو عدكم شكول الاتراك وعينهم الي تجنن شسوا بينه يعمي ..
دخلت اركض عليهن ..وخزرت غصون ..وشرته تسكت
غاليه .. رقيه وين سويج شهاب
رقيه .. يمج على ميز
اخذته ورحت انطيته لمهند اخذا وطلع بسرعه بلا مايحجي كلمة ..
رجعت عليهن وحجيت ..انتي مااتعرفين تضبين السانج ..مهند سمعج وشكله ضاج كلش
احلام .. يبووو ياعيبت العيبه ..شكد فشله من الولد
ايات .. عليج علي ..يبوو والله عيب
غصون .. ياااا عزه ..والله اني الساني متبري مني ..وانتي صخامه مااحجيتي شي مااحسستينه بي واقف يسمع
غاليه .. هو انتي انطتيني فرصه اذا السانج تكول رشاشه ونهدت شسكتج بعد
رقيه ..على اساس انتي كلش اهتميتي صار ساعه تخرطين بيهم
غصون .. اي بس فشله يسمعني ..والله بعد استحي احط عيني بعينه
اجتي ورده تمشي وتحجي ..شبيكم على شنو تحجواا ..
كعدن يحجله عن غصون وصارت تحجي عليها ..بس غصون ام السان ماسكتت وين يالله نسدت السالفه وصارن يحجن بغير مواضيع
اني فتحت ضفيرتي واجيت الم شعري كله كبايه
بس طفرت ورده واخذت القراصه من ايدي وهي تحجي
شهل شعر عيني ..مال كاوليات
ضربت على ايدها ..انجبي حقيرة ..لعبتي نفسي من شعري ..
غصون .. لحظه غاليه ..الله ولج اول مره اشوفج فاتحه شعرج شكد حلوو ..هاي لو شعري حرام مااشده بعد الا خلي هيج مفتوح ..اوووي كيوته طالعه
رقيه .. هجم بيت الاوي والكيوته مالتج ..ماليكلج الدور ..بعدين كولن اللهم صلي على محمد وال محمد لا يصير شي بالبنيه
ورده.. صلينه عيني ..شنو عبالج نحسد لا عيني احنه منكم بيكم ..عيونه بارده على غلووي هاي الكلب مالتنه
ضحكت على كلامهن .. فديت اني وروده .. جيبي القراصه خلي المه
احلام .. لا شبيج خلي هيج ..والله حلو
غاليه .. شنو هيج ولجن ..انطني القراصه ..
اخذته غصون وركضت ...ركضت وراها طلعت من غرفه واني وراها ..واحجي غصون تعالي لا تنكتلين والله مابي حيل اركض وراج
غصون ..ههههههههه لعد خليج هيج مكفشه ..
غصون نزلت الدرج ..وجان شهاب ومهند كاعدين يصعدون
فعبرت شهاب وهي تحجي اسفه شيخ ..وهو مستغرب شبيها هاي ثولة ركضت من يمه ..ماتدري مهند صاير وراه مباشر هو هم ماجان منتبهه عليها ..
فتضاربواا على درج ورحت عثرت بحظن مهند الي لسه ماامستوعب الصار. ..
بقيت فاتحه حلكي وباووع عليهم ..موقف يفشل على مااصاير كدامي هيج شي ..بس استخطيته لان غطت بنص هدومها من فشله ..
مااحسيت غير واحد ساحبني من ذراعي
وجنت امشي وراه وهو يسحل بيه للغرفه ..ودفعني جوا وهو واقف معصب وعيون طالعه علي
شهاب .. بوويه اني اكلج ضمي نص شعرج ..الكيج مفرعه وفاتحه شعر واقفه .. ولج انتي تردين ابتلي بيج عاجبج تنكتلين لو شنو فلمج ..
وكتها لزمت راسي اتلمس شعري نسيت اصلا ..مااكوا لا حجاب ولا شي وشعري مفتوح ..واقف فاتحه حلكي ..اباوع كدام مهند ..
بلعت ريكي وصرت بالقوة اطلع الكلمة ..
غاليه .. مااا ..مااانتبهت ..جنت ..ار..كض ..وراه ..غصون ..
وو..اخ...
مااعرفت اكمل لان صار يتقرب مني ..وشكله معصب
رجعت ليوراه ..واني عيني علي ..وخايفه
طخيت الحايط وهو بعده يتقرب مني .
واني بس باوع بعينه بخوف نظراتي متعلقه علي اباوع واني غاطه جوا اباوع على ضخامة جسمه بالنسبه لجسمي وشكله يخليني اتخيله راح يمردني مرد ..لو بس يطبق ادينه الاثنين ..
صرت احجي بلا وعي وخوف وكلام يطلع من بصوت واحد مخنوق .. . والله اخر مره .. مااادري نسيت ..ما...
مد ايده علي ..اني حطيت ايدي على وجهي ظميته تخيلي راح يضربني ..





&&&&&&&
شهاب ..وكت الي شفت غاليه وهي تتحرك كدامنه وكصيبته نصها طالعه من وراه شالها صدك فار دمي
هو اني الي اسمي رجلها مامتمتع بهل شعر ..نوب نااس تباوع عليها ..
وباوع عليها تضحك ويه هذا وتبتسم ويه هذا ..ولاجن الصار ..ولا مهتمه ابداا
بعدين اضوج اشوفها تضحك لو تبتسم ويه احد
ليش ما ادري ..بس خدودها هذني يصيرن حلوات من تضحك لو تبتسم لوتخجل ..اكزكز عليها ..وهل شي
مااصاير بيه قبل اكزكز على وحده
بس هي وماادري ليش يمكن لان بالي ومااجاي انولها ..
من كدرت استفرد ابيها ..طلعت قهري بيها
ولزمت ظفيرتها ولفيتها على ايدي ادري وجعت بس تستاهل ..وحذرتها اشوفها مطلع شعرها نوب ..
مهند اجه كلي اريد سويجك عندي شغله هناا ..كتله انطيته الرقيه تصعده فوك ..
راح جاب واجه شكله مقلوب ..كتله اخذني وياك عندي شغله يم بيت جهاد
حجه وهو يطلع اني هم رايح عليهم تعال
رحنه سلمنه وحجيت ويه مرتضى شويه ..
وعفت مهند ويه جهاد ..شويه وطلعنه رجعنه للبيت
جان مهند يمشي وراي ويحجيلي ان يريد يسد عيادته هناك .. واحتمال يجي هنااا
عرفت بي شي ..بس مهند من نوع الكتوم ماايحجي بسهوله ..والشي يبقي بداخله لحد ماطك حوصلة يالله يحجي ..انه هم مالحيت علي تركته يحجي لحاله ..
جنه نصعد الدرج ماااحسيت غير غصون بنت عمتي فاطمه .. كمزت من بصفي .. واني صافن اباوع هاي شبيها البنيه نكرصت ..
مهند مامنتبهه عليها ..فنضربت بي ..اني رفعت راسي واشوفلك غاليه ..مفرعه وشعرهاا مفتوح ومطشر عليهاا
والله وكتها فار دمي فوره ..نوب واقف وفاتحه حلكه تباوع
واني مااشايفه بليلة عرسها بهذا شكلها ..واقف بنص البيت هيج شنوو بوويه تسودنت لو شنو
مااحسيت بنفسي غير كمزت سحلتها من ذرعهاا
ودخلت بيها للغرفه ..واني عيوني احسها طلع شرار من الغضب الي بداخلي ..
واجيت اتحرك بتجاه وهي ترجف وخايف مني ..حتى مااكاعد تعرف تحجي ..بدااخلي اضحك على شكلها تكول طفله وجاي تخاف من الحساب ..
وصلت يمها هي طخت بالحايط من شافت نفسها نحصرت ومااكوا مفرر ..كامت تتوسل وهي تباوعلي بخوف ..
مديتي ايدي اريد الزم شعرها ..
هي عبالها راح ظربهاا ..حطت ايدها على وجهه بخوف وهي تحاول تحمي نفسها مني ..
ضحكت بداخلي على منظر هل طفله هاي
اخذت نفسي احاول اكتم ضحكتي ..وضميت ابتسامتي
ولزمت خصله من شعرهااا ... ولفيتها على ايدي
لحد مااوصلت راسهاا
شهاب .. بعد ..تعديهاا
وخرت ايدها وهي تلزم يدي لفه بيها خصلة شعرها
غاليه .. لا لا ..والله ماعيدهااا
غاليه ..ترك خصلت شعري ..واني كعدت تلمس مكانه يوجعني
باوعلي وحجه .. يالله ولي منااا
ركضت من كدامه ..وبسرعه للغرفه همزين مالكيت احد ..حطيت ايدي على كلبي عزه بعينه والله يخوف

&&&&
شهاب نزلت رحت يم امي .. كعدت شويه ..وطلعت
كملت كلشي وراي ..وجان لزم التحق مباشره بعد العيد
فاالتهيت باقي الايام بالعشيرة والقرية وترتيب الشغلات الناقصه عدنه ..طبعا طول هاي فترة امل دك علي
بس اغلس عليها مارد ..
بعد العيد مباشر التحقت ..وبقيت هم مشغول هناك ..
وشغل ماايخلص وراي وراي وين ما روح ..
المهم بعد عشر ايام خلصتهن بتعب وهم
دكيت على امل ..وهي بدات تسال بيه ليش ما رد عليها ومن هل حجي ..المهم ختصرت وكلته باجر الصبح نرجع للعمارة ..كيفت هي ..
وصدك مريت عليها ..وتلكتني بالباب
واجتي باستني من خدي وهي تحجي ..مشتاقتلك هواي ..كل هل فتره وماسالت عني ..
رغم مااجنت متوقع بس مااحجيت شي ..اخذت جنطته وخليتها بالسيارة ..
وطول الطريق جنت معلي الراديو اسمع اخبار
وهي تنصي كل شويه وتكلي اريد احجي وياك ..مااشتاقيتلي ولو شويه ..
صراحه اني رجال حالي حال كل زلمه ..يسمع هيج كلام يتاثر ..خاص وهي مابيها شي مامقبول ..بس اني منعت نفسي عنها ..واني عندي قدره تحكم بنفسي خاصه ويه النسوان ...
بس غاليه كدامها مااسيطر على اي شي ..وافقد تحكمي هذا كله ..وهل شي مخليني دائما ضايج ومعصب عليها ..ليش هي بس دون عن الكل هيج تملك قدرة علي ..مادري
المهم رجعت للبيت ..ورجعت امل وياي ..




&&&&&

غاليه ..جنت جاي اشتغل بالبيت ..من شفت شهاب دخل وامل تمشي وراه ..
ومكيفه تتنعوص بمشيتهاا
دخل جنطته جوا ..وسلم علينه وباس راس خالتي وصعد بسرعه ..وهي هم صعدت وراه
مادري ليش بس احس اشتعل نار بداخلي ..
وركضت وراهم ..بااوعت من درج شفت دخل للغرفه وسد الباب
وهي مااكواا ..يعني دخلت ويه للغرفه
مادري شسوي بقيت اكل بنفسي ... وصلت يم الباب واجه بالي ادخل عليهم ويصير اليصير ..
بعدين كلت لا ..شراح يصير موقفي لو لكيتهم سوا بمنظر ..
راح كره نفسي ..وشستفاد ..يعني شراح اكدر اسوي
بس مااكدر ابقى واقفه احس ان شهاب الي خاص بيه
وتجي هاي تاخذه هيج بلا تعب وبسرعه ..لا والله ماخليهاا
بدون تفكير صرت ادك بالباب ..
فتح الي وهو نازع قميصه ..وكالي ..هااا شكواا ..شتردين
اجت بالي كل الافكار السوده ..ودماغي صار مايشتغل
هو جان واقف بالباب
ركضت عبرته ..واني ادور بعيني بالغرفه عليها
بس مااكوا ماهيه ..بقيت اباوع ناحية الحمام ..اكيد هنااا
بقى يباوعلي وحجه ..شنو ..تردين شي
حتى مابالي شي ..شراح اكله هسه
غاليه ..ااجيت ...اخذ ..ملابسك الوسخه ...اي لان راح اغسل ..حتى يعني ..اغسلهن وياي ..
ماعبرني هو ..وصار ينزع بالبنطرون ماله ..
وبقى بالشورت ..عطت اني من شفت لزم شورته
غاليه .. شنوووو ...شراح تسوي ..اطلع باره انزع

باوعلي وهو يرفعه ليفوك ..
شهاب ..وين بوويه اطلع ..انه بغرفتي ..وانتي دخلتي يمي
باوعت على وتذكرت اني صدك بغرفه ..يبوو الفشله
ركضت اطلع ..واحس خدودي اشتعلت نار ..شجاني تخبلت ورحت افتش بغرفته هيج احسن فشلة نفسي ..
واقف بالباب ..واجتي امل علي
امل .. شهاب هنااا
بقيت اباوع عليها يعني هاي مااجانت يمه يبووو صخام
عافتني وردت تدخل بس وقفت كدام الباب وحجيت
غاليه .. اي هناااا ..وجاي يبدل
امل .. اي عادي ..
ودفعتني راحت تدخل ..بس منعتها
غاليه .. شبيج ..موكالج جاي يبدل
امل ..عادي واني مرته قابل غريبه ..
جنت واقفه كدامها ..من فتح الباب وصار وراي
شهاب .. شكواا ..شصاير
امل .. لا هيج ..بس ردتك بموضوع ..يصير ندخل جوا نحجي
بقيت اكل بنفسي من هيج حجت ..
شهاب ..جااا شعندج احجي ..ماكوا موضوع سري بينه
بقت تباوع علي وضاجت كلش
بس اني عكسها فرحة وتقصدت مااتحرك وبقيت واقفه بمكاني
امل .. هو ردت ..اروح اسوي دفتر صحي للطفل ..بس تدري عمه مابيها حيل تطلع ..فكلت تاخذني انت ..
شهاب .. وانه شنو بسوالف النسوان ..عود اخابرج عمتي تجي تاخذج ..بعد تردين شي
امل .. لا ..ماتقصر ..
عافت ومشت الغرفته ..واني باوع وراها ..بالله شنو الموضوع السري بالسالف ..لو بس تريد تكرص ويه بالغرفه ...
مااحسيت غير نفس يضرب برقبتي ..جان شهاب قريب مني و حجه بااذني بصوت كل رجوله
شهاب .. وانتي ..تردين شي بعد ..لو تجين تاخذني الملابس الوسخه ..
كمزت من يمه ..وحجيت ..لا لا ..بعدين اخذهن
وركضت الغرفتي ..
طول الوكت امل بقت تحاول تقرب من شهاب ..بكل حجه..
خاصه تشوف الطريق كدامها مفتوح لان اني وهو كلمن بصوب ..
بس جنت فرحانه ان شهاب ابد مااينطيها مجال ومبتعد عنهااا
بس الى متى ..اكيد حاله حال كل ازلمه ..اكيد بالاخير يضعف ويتقبلها ..خاصه هو مااكوا بحياته غيرهاا
وطبعا مامقصره تحير شتلبس وشتحط ..
ورغم ان خالتي مامتقبله وجودها بس ماتحجي شي ويه باعتبارها حامل ..
فماخذ راحته على الاخير
الشي الخلاني على اعصابي واجيب وراقب بيهاا بكل مكان ..ما عندي شفله وعمله غير اراقبهاا خاصه من شهاب بالبيت ..
وهو ولا على باله ..واني متبهذله من وراه





وبيوم جانت الدنيا بداية برد خاصه بليل بيها ريحه شتاء ..جانت الساعه تقريبا الوحده ..نزلت للمطبخ شربت مي ..وباوعت غرفة خالتي لكيته بارده وهي تتمرض بسرعه بس تبرد ..
رحت نصيت التبريد ..وطلعت
وجاي اصعد الدرج سمعت صوت ..باوعت لكيت امل بطرك الثوب ابو خيوط ..وتفتح باب غرفه شهاب على كيفها ودخلت وسدتها وراهااا
محد يحس بالي حسيته ..وكتها اجيت اخذ سجين ودخل عليهم اكتلهم اثنينهم ..
بطني كامت تلوي بيه ..ومتت قهر شسوي ما ادري
بقيت اكل بنفسي يربي شهل قهر هذا
اتذكر اخر مره حاول يتقرب مني ..وشلون جان يتعامل وياي ..تمنيت لو عايفته جان هسه اني ويه بالغرفه جان ماتكدر هل سحليه تحوس هيج يمه ..
شاغت روحي واني اتذكر شلون جان يبوسني ويتقرب مني ..يعني هسه هو هم جاي يسويلها نفس الشي
تقربت على باب اسمع صوت شي
بس ماكواا شي ..بعدين سمعت صوت خفيف هي وهو هم ..
تخبلت وصرت ادك بالباب كل قوتي ..
ادك ودك بكل قهر .. طلع هو بسرعه وجان شكله بين نايم والكاعد ولابس بس شورته ..
شهاب .. شكوا ..شصاير
و عادي مثل كل مره ماجنت دري شكول هسه ..وبهل الوكت هذا ..
بس اجتي بالي سالفه وحده حجيت واني الهث من خوفي

غاليه ..ااا..خالتي ..خالتي ماااعرف شبيهااا ..وكالت اصيحلك ..بسرعه
شهاب .. امي ..شبيها ولج
غاليه .. ما...دري ..تعالى ..شوفهااا ..انت
ركض كدامي هو ..ونزل جوا ..وهي طلعت من الغرفه تعدل بثوبهاا ..باوعتلي بخزر ومشت
اني وكتها دخلت اركض الغرفتي ..وشيصير خلي يصير اهم شي بعدته عنه ...
ركضت اكعد برقيه وهي نايمه
غاليه .. رقيه ..رررقيه ..اكعدي ادني هناك
رقيه وهي نايمه ..شتريدن مني مو هناك فراشج
غاليه .. ادني انام بصفج اليوم ..
دنت بلا ماتحجي ..واني نمت بصفها ولفلفت نفسي
هسه اذا عرف خالتي مااصاحتله وكلشي مابيهاا شراح يسوي بيه ..
والله ليعلكني بالبنكه على هذيج هبطته وركضته ..يووو اهم شي مااخليته تستفرد بي ..
ثاني اليوم الصبح كعدنه على ريوك ..وكلنه موجودين اني طبعا مثولته ولا كنما مسويه شي ..
المهم جان هو يحجي ويه خالتي ..
شهاب .. يمه ..اني قررت ان احنه نرجع للقريه
كلنه ستغربنه وبقينه نباوع علي
خالتي .. ليش ..وبيتي
شهاب .. عوفي مثل ماهو ..تالي لو تحسنت الامور احتمال نرجعله ..
خالتي .. ليش شصاير ..اني عن نفسي مااترك بيتي ولاديرتي ..تعلمت على هناا ..مااكدر غير مكاني
شهاب .. يمه حبيبه ياهو الاهم الطابوق لو حلالنه وكيعانه ..هناك لو صار شي عليهن ..شمدرينه واحنه هنا نايمين ..وجااا بعدين الوضع هنا مو امان عليكم ..هناك بالقرية يم اهلنه وناسنه اطمن عليكم اكثر
خالتي .. لا يمه اني ماعوف بيتي ولا بيت ابوك ..هناا عشت كل ايامي الزينه والشينه ..شلون اعوفه تعودت علي وعلى العيشه هناا ..اذا تريد تروح انت روح يمه واخذ وياك نسوانك ..
شهاب .. جااا شنو يمه يعني اعيفج وروح شهل الحجي هذا ..بس اني كتلج المكان هناا صار خطر علينه كلنه ..وهناك كيعانه وحلالنه هم بخطر واحنه بعيدين عنهن ..بس ماجبرج يمه الي يريحج ..





خالتي .. بس يمه شهاب ماكتلي ..جابك نص ليل تكعد بيه ..وتكلي شبيج يمه هو اني جنت اون بليل لو شنو
هناا اني اعمل نفسك ميت ..جنت شايله القوري واصبلهم جاي ..جمدت بمكاني خاصه من كام يباوع علي ويحجي ..
شهاب ..الظاهر هيج ..جنتي تونين بااسمي ..بس الحمد الله مااطلع بيج شي
خالتي .. اي والله ..من تعب يمه ودوه ..همزين نصيت التبريد علي جان تمرضت للصبح ..سودة علي هبطت مبين اجيت تندهني وانت مرعوب علي ..
كعدت اني وهو عينه علي
شهاب .. لا يمه اذا موعليج اخاف جااا عليمن
خالتي .. الله يخليك الي حبيبي
شهاب ..ويخليج يالغاليه
رقيه سحبتني تشورني
رقيه .. شنو قصة ..مو شكلج البارحه بليل اجيتي نمتي يمي ..سويتي سالفه مو خاليه ..خاصه شهاب يباوع عليج كل الوكت ..
غاليه .. اش ..ااش ..سم بعدين احجيلج ..بس اسكتي ودعيلي ..لان رجليني خارن من خوفي ..
رقيه .. والله ..الله يعينج

خلص اليوم واني على طول مرتبكه وخايفه ..بس عبالكم تركت امل براحته ..لا وين ما تروح مثل ظلها
و عادي بلعت خوفي وكلما اشوفها تريد تروح يمه شهاب احط نفسي ..مااكدر على نفسي احبه واغار كلش علي ..بحيث لو لبست شي مفضوع كدامه اموت الف مره
والله بودي احركهاا
مااكدر اقلدها كلش استحي واصلا مو طبعي
وادري بيها تحاول بكل طريقه تجذبه ..بس على طول واقفتله بالنص مثل الشرطي مراقبته
هي كامت تموت مني وكل شويه تكلي اني ام ابنه ومرجعه الي ..وتتباهه بكرشها الكاعد يكبر وهي كاعده تسمن وكل نهار بس تاكل ...والله حتى لعبت نفسي من الحمل ..لو تاكل لو تتقيا ..لو تتنعوص بطني صفحتي
وكل شويه وديني للطبيبه ورجعني من الطبيبه
ماايروح هو بس عمتي كل ماتاخذها
وكالت ..كلشي مابيها بس تقلصات عاديه مال حمل ..
وخالتي تعوج حلكه ..بس ثبرتنه ثبيره ..اخ واحس بالم ..عبالك بس هي حبلانه ..والله فشلانه منج كل يوميا مبهذليج ويانه وجايبج مناك لهناك ..
عمتي .. والله شفايتي على تعبكم والله راحه ..ويوم عيد اشيل وليد شهوبي ... نصت صوتها عمتي ..بس كون من بنت عمه جان فرحتي صارت مااتنوصف
خالتي بحزن .. الله يقدم الي بي الخير
دخل شهاب ..وصار يشكر من عمتي ..وشويه كعدوا يشاقوا هو وياها ..هي كلش سبورتيه وتضحك وتشاقه وهو عنده ميانه وياهااا ..
فباوعت علي وحجت ويه
عمتي .. يوول ..شوكت ناوي تحبل الثانيه ..اريد اشوف نسلكم غير انتم الصاكين مال العائلة ..فرحوني اكوا شي بالطريق ..
غير متت بخجلي ..يبوو ياكاع نشكي وبلعيني ..نسفتني عمتي تمام ..وكملها هو بجوابه
شهاب .. والله عن قريب انشاء الله
عزه متت انتهيت ..هو يباوعلي ومبتسم ..واني اصلا بعد مااشوف غوشت عيوني وجهي احس كام يطلع نار .. وبكلبي احجي بكيفك تقرر انت
عمتي .. اي ولك استعجل ..نريد نسخ هواي عنكم ..خلي نزيد من هل الجمال ..بوويه اذا طلعوا الولد عليك والبنات على امهم ..تهجموا العمارة
شهاب .. لا اطمني ..نااوي اترس العمارة بجهالي ..اخذلي فد اربعه نسوان ..واكعد انوع بالنسل

باوعت علي بحقد احس دمي كام يغلي..والله تسويها ياشهاب وهاي العايزه بعد حتى اكتلك انت وهذني التلاثه ..
عمتي ..يااعزه بعينك ..جااا جنت قافل على نسوان هسه تريد اربعه ..بوويه غاليه فتحت شهيتك لو شنو ..شو اخذتها منا وكعدت تركع نسوان مناا ..





شهاب ..هههههههه ..اي والله لو ادري من زمان اخذها الغاليه ..طلع زواج ممتع
عفت وطلعت ..كام يمسلت ..واني من تصير مسلته مااحب اسمعهاا
للعصر جنت اعدل بغرفته .. واطلع ملابسه الي يحتاجن كوي ..
مااحسيت ..غير شهاب بصفي وحجه بااذني ..شنو تسوين بكنتوري ..
طبعا وكع كلبي وكمزت ..بس لان ادري بي جان طالع اني كدامه مااهتم بشي يخصه
حجيت بتوتر لان محصورة بينه وبين الكنتور
بس ضايجه كلش من كلامه ولسه يدك براسي ..
فتريت شلت القميص الوكع بالكاع
غاليه .. عادي ..اخذ الملابس اكويهن ..
شهاب ..وشبيج تحجن من وراه خشمج

&&&&&
شهاب ..طول الفترة المضت ..واني احس بغاليه تغيرت فدمره
رجعت تهتم بكلشي يخصني ..طبعا بدون ماتحجي
بس العجبني اكثر ان بدات تغار من امل وهل شي
واضح من اجتي امل و لسه ..هي مراقبته ولاتنطيها مجال تقرب مني
طبعا ادري كل زين ..وبكثر فرحان بكد ما مستغرب قدرته الغريبه هاي ..يعني هي بعيده عني لكن مسيطر كل زين
بحيث ماامخليتني احتاج امل بااي شي كلشي تسوي وبترتب هم بحيث صعب علي اطلب من غيرها تسوي
لان ماراحها تضبط الشي مثلها اصلا حفظتني وكلشي تسوي مثل ما اريد بالضبط ..
وبس اذا كلت ان لحظه وحده وقفت تفكير بيها اطلع جذاب ..صح حاول ابقى بارد ومااتقرب منها
بس طول الوكت بالي ..ولا جاي تطلع من بالي
وبتصرفاتها هاي كاعد تحط الحطب على نار ..ماتدري ان بالي نهائي ماايجي يم امل ..طالما هي كدامي ماعرف حتى افكر بااحد غيرها ..وهل شي معصبني ومخليني اصير نوبات بارد كلش وياها ..
بيوم الي دخلت امل على غرفتي بليل ..تفاجت بيها تحظني وتتقرب مني ...وتكلي اني حقهااا ..وهي حقي واحنه متزوجين ..شنو الي يمنع تتقرب مني ..جنت بعدني نايم ماوعي زين الها ..
بس حسيت بيها تبوس بيه ..وكتها نهضت ودفعتها عني ..وحجيت شبيج انتي ماعندج ذره احساس بويه ماعندي اي احساس اتجاهج ولا حتى رغبه حتى هاي ما عندي اياها اتجاهج ..ردت وهي تحظني ..انت بس اترك نفسك وياي وراح تحس بكلشي اني احسه ..انطيني فرصه وراح ماتندم ..بعدين انت رجال وماعندك مره بحياتك ..اكيد تحتاج وحده خليني اكون هاي مره ومارح تتندم راح اخليك تعيش كل السعاده الي تحلم بيها
دفعت وحجيت ..يااسعاده هاي انت ماتفهمين بالي مو يمج ابد ..ولا راح افكر اخذ سعادتي منج ..يمكن جنت طايش ومافكرت بيوم الي اجيت سكران بي بس خلي بالج بالي جان بوحده ثانيه و مستحيل انت تاخذين مكانها ..ويالله اطلعي منا
امل .. زين ما عندي مانع اكون ثانيه بس لا تهجرني اني هم حقي شنو ذنبي يعني حبيتك وحامل بابنك وابقى مرتك
اجتي تريد تحظني من جديد واني نهضت على حيلي وفرك براسي ..شلون طلابه وياج انتي جاي احجي ..سمعت صوت ضرب قوي على باب ..
وكتها عفتها ..وركضت فتحت ..وتفاجت ان غاليه بالباب
كالت امي مدري شبيها وتريدين ..بعد حيل ما بقى بي كلت اكيد امي بيها شي ..نزلت اركض ..وفتحت الباب واني بالكوة اجر نفسي ..
لكيت متمدده وصرت احجي بصوت ..يمه ..بيج شي ..شصاير بيج
امي كعدت من نوم خطيه وهي تباوعلي ..كلشي ماابيه يمه ..ليش شصاير ..
شهاب ..هيج يمه ارجعي نامي ..
عفتها وطلعت عرفت ..هاي الملعونه جذبت عليه ..بس اكيد شافت امل دخلت يمي ..
خرب يومها جنيه ..شلون عرفت وبلحظه هاي دكت عليه ..بسيطه اني اعلمها ..
وكتها تحلفت بيهاا ..بس بداخلي فرحت ان هي كاعد تبعد امل عني ..
بيوم عمتي جانت تشاقه وياي ..تقصدت اكول هيج كدامها ..اشوفها تضوج لو لا ..لو ضاجت معناها صحيح جاي تغار علي ..وما تريدني اتقرب من وحده ثانيه
المهم جنت طالع بشغله بعدين خابروني كلولي تاجلت فرجعت للبيت ..
اول ماصعدت للغرفه شفته جاي تعزل بملابس تقربت منها مااحست بي يمكن بالها مشغول وتفكر. ..
اجتني ريحتهااا يبووو دوخ والله وتقربت حجيت بااذنها
هي كمزت بعيد عني ..
من سالته شسوين ..تجاوبني وهي مطنكره ..عرفتها على شنو ضحكت بداخلي طفله ما تعرف حتى تضم مشاعرهاا ..رديت عليها
شهاب ..وشبيج تحجن من وراه خشمج
غاليه .. لا ..ليش احجي من وراه خشمي ..عادي ماابيه شي ..
شهاب ..هااا ..جاا خوش عبالي ضجتي من جنت اشاقه ويه عمتي ..طلع عادي مااضجت
غاليه .. تشاقه ...لو صدك تتمنى من كل كلبك تزوج
هلكد
شهاب ..وانتي شنو المضوجج ..وافرضي ردت ازوج اربعه
غاليه بغضب .. لا والله ..لزم افرح يعني
شهاب قربت منها وحجيت .. ليش لعد ماتفرحين ...بس اذا غرتي
غاليه بتوتر ..اغار ..ليش ..يعني اغار ...مااا..غرت
شهاب ..زين لعد ..
غاليه ..تقرب مني اني لزكت بالكانتور ..مد ايده اخذ القميص من ايدي ..وتحرك للباب وهو يحجي ..خلي امل تكوي لعد ..مو كله عليج هي هم مرتي ...
وطلع بره يصيح امل ..
اني ركضت واخذت من ايده ..وحجيت ..اني اكويهن ..ما....مااايحتاج تساعدني ..
رجعت اخذت الباقيات ..واجيت اطلع ..
بس تفاجت بي سحبني من ايدي علي ..وكعت بحظنه .. رفعت نفسي منه بخجل ..بس لكيت يحط ادينه يحاوطني من خصري ..جمدت بمكاني ..واحس كلبي كاام يطب
واني لسه لزمه ملابسه بين اديني
شهاب هو يهمس بااذني ..انه بحياتي مارغبت بمره ..ولا اجتي بالي وحده ..ولافكرت يوم ارتبط بمراه ..بس وياج القاعده هاي تروح ..وتصير عندي رغبة لكلشي بيج من عطرج للخدودج الشفتج..كلشي بيج يحركني ..

جان يهمس بااذني واني غمضت عيوني ..وذابت روحي بكلامه ..حسيت اخذ كلبي وراح ويه ..جنت فاصله عن دنيا مو مصدك ولا مستوعبه الي جاي اسمعه لو الي جاي يصير ..
تقرب من شفتي واني لا اول مره جنت مستسلمه بيده ولاافكر بشي انكطع تواصلي من الي حولي ..
هستوا يبوس بيه ..طفرنه على دكت الباب واحد دخل يصيح ..شهااب
امل .. شهاااب ..انت هناا واني صار ساعه ادور عليك
شهاب ..اي هناا كولي شتردين
بتعدت عنه ..بس هو حط ايده على جتفي حظني كدامها ..هي بقت تباوع علينه .. وتخزر بيه ..اني فرحت كلش كانما جاي يكول ان اني ملكه وهو ملكي وبس ...
امل .. لا هيج ..غير مره الظاهر ملتهي بغير شي ..
تركتنه وراحت ..
واني اخذت الملابس وتحركت بعدها بسرعه ..
وعفت كلبي يمه طاير من فرحته ..
باقي الايام جان على كلشي يصحيلي ..وعلى طول هادي وياي ..وعيونه علي دائما ..
رجعنه للاول ..قبل ما تجي امل ..وصار هو يصده وهي هم افتهمت ان باله كله يمي ..
هو يهتم بالطفل ويراعي الله بيها وهل شي مامضوجني منه بالعكس حبيت هل شي بي
اني ابتعدت عنها ومااعاد اراقبها مثل الاول ..وكلش حبيت ان اتقرب منه اكثر وجنت مستعده ان حياتيتنه تاخذ مسار ثاني ..بس مااستعجلت لان بعد بداخلي خوفه منه ...ورغم ادري بشهاب ماراح يعترف بسهوله بحبه الي لكن على الاقل كل تصرفاته وفعاله تثبت هل شي ..
بيوم جانت الدنيا ليل تقريبا الساعه عشره هيج ..
جان الكل نايم ..واني ورقيه كاعدين نباوع مسلسل تركي ..
خالتي بغرفته وشهاب جان نايم بصفهاا ..
وامل فوك نايمه ..
سمعنه دك قوي بالباب اني ورقيه..نصينه التلفزيون حتى نتاكد ..وفعلا جان دك قوي بالباب وناس تصيح شهاب ..شهااااب
وصوت زلم وهوسه ..اني ورقيه كمزنه نركض بعد مااندل الطريق ..بعدنه جاي نطلع من الصاله وسمعت اصواتهم عبروا الشياج وركض داخل كراج البيت ..
ركضنه على غرفة خالتي واحنه نصيح ..شهاب الحك احد داخل البيت ..كمزوا من السياج
شهاب طفر فد مره وحجه ..وهو يركض اقفلوا الباب عليكم ..ولا تخافواا ..
خالتي ركضت وراه ..وهو ركضت فوك ..جاب سلاحه ونزل يريد طلع ..
بس خالتي جلبت بي ..يمه وين ..تريدهم يكتلولك
شهاب دفعهاا جوا ودخلنه كلنه للغرفه
وحجه ..لا تخافين يمه ماكوا شي ..بس ادخلوا جوا وقفلوا الباب عليكم ..لا تفتحوا لو شيصير
جان اصواتهم عاليه وهم يصيحوا بااسم شهااب
وهو توجهه عليهم ..و خالتي مجلبه بي تخاف علي
بس دفعنه وسد الباب علينه ..وركض
خالتي ماقفلت الباب وبقت تصيح انطني موبايل خلي دك على علي ..ولجن موبايلي
ركضت انطيتها الموبايل ..ويه نزلت شايل سلاحه
خالتي صاحت يمه لا تطلع
وين تريد ..واسمع صوتهم كاموا يدكون بالباب وصياح مال زلم من شدها ماكمت اسمع شنو يحجوا
بس شهاب صاح بينه
دخلوا وسدوا الباب بسرعه
صاح بيه لمن شاف خالتي مجلبه بي
غاليه ..اخذيها جوا ..وقفلي الباب عليكم بسرعة
سحبت خالتي ..وهو سد الباب علينه
ورقيه غلقتها بالمفتاح ..وكعدت خالتي واحنه بصفه نايمه بحظنها ونرجف بخوف ..وخالتي تدعي


يتبع .....
....................