[لامارا]

البارت السادس



خيبة الصاحّب دايماً تظل مِن أثقل الخيبات إللي مُمكن إنها تهز ثقتك بالحَياة مو بس بالأشخاص💔❤.



يوم زواج غاده وحامد


فوز : يمه غاده يلا قومي ماباقي وقت بسك نوم
غاده : خليني شوي يمه
فوز : اي شوي يمه من ساعه وانتي هذا كلامك يلا قومي ماابي ارجع واشوفك بفراشك
بالدور التحتي
فراس : الا العروس وينها مختفيه
ريم بضحكه : بفراشها رافضه تقوم
فراس : هههههه مو من صدقها المهم انا بروح لحامد اذا احتجتوا شيء دقوا علي
:
:
:
:
اريام : يمه تبين شيء قبل اطلع
مريم: لا يمه سلامتك
محمد : وين رايحه
اريام : بروح لغاده بس قبل بمر بطريقي وجدان
محمد: خلاص اجل امشيء نطلع سوا انا بمر ادم وبنروح لحامد
:
:
:
:
دخلوا البنات على غاده
وجدان : اوف وش هالظلام وهالبرد
اريام بصدمه : غاده مو من صجك للحين نايمه
غاده من تحت الحاف: مو نايمه
وجدان : اجل ليش للحين بفراشك قومي اشوف
غاده: ماابي اتزوج
اريام : شنو ماتبين على كيفك هو يوم صارت قلتي ماتبين
اسماء جلست على السرير مسحت على راس غاده: غاده حبيبتي فيك شي حامد مزعلك بشيء
غاده جلست وسندت نفسها على السرير : لا بس خايفه
ريم: جلست جنبها ولفت ايدها على كتفها : مافي شيء يخوف وكله روتين عادي انتي مرتبكه لانه اليوم لك وكل العيون بتكون عليك وكلنا كنا بخوفك
غاده : صج
ريم : اي صج يلا قومي اشوف
:
:
:
:
بالزواج عند الرجال
ادم : المفروض زواجي معاك بس ماادري وش ضرب بعقلي وخلاني ارفض اتزوج معاك
فراس: صدقني احسن لك
محمد: تكلم النايم
حامد بضحكه: صدقت من حملت مرته كله نايم تقول هو اللي يتنسه مو زوجته
فراس بسخريه : ههه سخيفه ماتضحك
ادم بضحكه: لا طافك امس بالدوانيه
حامد : فطس ضحك
فراس: انطم ياويلك تقول
محمد : دائم فيها ياويلك قول اجل
ادم : يقول مشتهي مانجو
محمد : هههههههه من صجك فراس مشتهي مانجو
حامد : قلت لك هو الحامل مش مرته
فراس باحراج : شسوي من كثر ماتقول لي مشتهيه مانجو صرت انا اشتهي معاها
حامد وادم ومحمد : تسدحوا ضحك ههههههههه
الجد محمد : بس انت وياه فشلتونا جالسين وتضحكون وانت ماكانك المعرس جالس لي بدوانيه
:
:
:
:
عند الحريم
ريم



خلود




هند


جنان




ساره




جنى





اسماء




اريام



وجدان



امل



جوري






اريج



غادة








اريام : اوف تعبت شرايك نروح لغاده هي وجدان وين رحتي
وجدان: ها شفيك
اريام : شفيني انتي شفيك طول وقتك عينك هناك من تطالعين
وجدان : شفتي جوري
اريام : اي شفيها
وجدان : ماخلت اغنيه مارقصت عليها
اريام : عادي حتى احنا رقصنا
وجدان : بس حركاتها تقهر واضحه تبي تقهر امي تتعمد تجي قبال امي وهي ترقص وتدلع
اريام : ماعليك منها وصدقيني خالتي مو عاطيتها بال
وجدان : ماعلي منها بس كانت بتكون مرت ابوي
اريام : قلتيها كانت يعني ماصارت قومي بس نروح لغاده


فوق عند غاده
ريم: هدي غاده ماله داعي الخوف هذا
غاده : ريم بقول لك شيء
ريم : قولي حبيبتي شفيك
غاده : انا اممم ولا تدرين خلاص
ريم حطت ايدها على دقنها ولفت راسها لها : قولي حبيبتي شفيك
غاده : ماادري اللي مخليني اخاف ماعمري حسيت حامد يحبني
ريم : كيف يعني مافهمت
غاده : يعني مامره دق انا اللي ادق عليه
ومايجي واذا جاء يكنون اخواني موجودين او ابوي وبس يستاذنون يقوم يتهرب ويمشيء مايجلس مامره جلسنا مع بعضنا تكلمنا تصدقين للحين مااعرف شنو يحب وشنو يكره رغم فترة خطوبتنا دامت ثمانيه شهور يعني المفروض اعرفه ويعرفني
ريم: شوفي حبيبتي انا مااقدر احكم لانه الرجال انواع وانتي توك تتكلمين لو قايله لي قبل كان تصرفت
غاده دمعت عينها : كنت اقول هو غير يمكن مايبي يحرجني بس لين متى
ريم مسحت دمعتها وضمتها: شوفي حبيبتي لاتكدرين خاطرك وافرحي اليوم فرحك والايام راح تخليك تعرفين يحبك او لا وانتي وذاك الوقت يصير خير

تحت بالقاعه
امل : شفيك من جينا وانتي عينك على نوره
جوري: مقهوره انا اصغر واحلا واقدر اجيب له اعيال ليش يرفض
اريج بسخريه: هه قلتيها اصغر بعمر بنته وعنده اعيال طبعاً بيرفض
جوري : انتي خليك بنفسك
:
:
:
:
بعد الزواج
بجناح غاده وحامد
حامد : انا بطلع دورة المياه( تكرمون )الخارجيه وانتي عندك اللي هنا خذي راحتك واذا خلصتي تعالي نتعشاء
غاده : ان شاء الله
:
:
:
:
فوز تبكي : مااصدق تزوجت وراحت عني
خالد باس راسها ومسح دموعها وضمها: لاتبكين وهذي الحياه ماردها بتزوج واللي يسمعك يقول بعيده عنك ها تكه وانتي عندها البيوت عند بعضها كلها خطوتين وانتي عندها
:
:
:
:
مريم: وجدان كبرت ماشاء الله عليها طالعه قمر والله يوم شفتها تمنيتها لمحمد
فيصل : خلي الولد براحته لحب يتزوج بيجي يقول لك
:
:
:
:
نوره : ماشاء الله عليها غاده طالعه قمر
تركي: ربي يوفقهم ( رنة موبايل )
نوره : شفيك ماترد
تركي : رقم غريب له ساعه يدق خليه عنك
نوره : يمكن احد مهم اذا دق رد بروح اجيب لنا عصير طلعت
دق الموبايل
تركي: الو
تركي : الو من معي
: السلام عليكم
تركي : وعليكم السلام
: اخبارك تركي
تركي : الحمدالله من معي
بدخلت نوره
تركي اشر لها تجلس جنبه
: جوري
تركي : هلا بنتي جوري امريني فيكم شيء





الى الملتقى