[اسفة]

طيب هشارك ماهو مينفعش من اولها كده ما فيش مشاركات ههههه
أنا بقى بعون الله من جمهور ساعة لقلبك وساعة لربك أحم عيب ياسفسف أحنا فى أيام مفترجة يبقى لازمن نتكلم بالنحوى

كما قال سيدنا على كرم الله وجهه

"اعمل لدنياك كأنك تعيش أبدا واعمل للآخرة كأنك تموت غدا"



أما الموقف

شوفوا بس من غير شماتة لو سمحتم أفتكروا إن الأيام دول وممكن تكون قارات



المهم فى بداية التزامى بالصيام وكان عمرى حينها 7 سنوات وكنا نقضيه جميعا فى بيت العائلة لمصادفته لأشهر الصيف

كل شوية كنت أنسى وأشرب وكانت عمتى فيفى ..هى أصغر أهل ابى أظن كانت فى بداية العشرينيات

أجرى عليها وأسألها هو اللى بينسى ويشرب يبقى فاطر

وكانت أجابتها لا بل الله أطعمه وسقاه تقريبا كل خمس دقائق

وفى أخر مرة سألتها والماء فى يدى فقالت لا وأخذتها منى وشربت سهوا

وعلى الأفطار قالت ظلت سكر تسألنى طوال اليوم هل من يشرب ناسيا يفطر حتى أنستنى انا شخصيا الصيام



الموقف الثانى أرسلتنى ماما لأحضار اللبن والزبادى والأرز بلبن لإنها نسيتهم عند اللبان والذى كان محله فى الxxxx المجاور لنا مباشرة وفى الخطوتين دول حصلت هوايل

قابلتنى طفلة صغيرة تقاربنى فى العمر وطلبت منى علبة منهم وافقت و جعلتها تختار واعطيتها ملعقة صغيرة ممن وضعهم اللبان داخل الكيس أمال هتاكل أزاى يعنى وكنت فخورة بنفسى جدا لعمل الخير

شكرتنى وقالت لى دوقى طعمه حلو جدا شاركتها

وكانت نتيجة فعل الخير تهزئ وبهدلة ونجوت من تحت إيد الماما بوصول ابى رحمه الله فى وقته المناسب ست الحبايب كانت ممكن تضرب ضرب خفيف كده تأديبا يعنى لكن أبى رحمة الله كان يمنعه منعا باتا وكان عنده له شروط قصوى

وسفسف بعون الله كانت من الحاصلين على وصاية



الله يرحمه يارب ويرحم كل موتى المسلمين كما أكرمنى

المهم كنت أعتقد السبب أنى منحتها مالم أملك ودون أذن

لكن ابى اخبرنى أتعلمين ما سبب غضب أمك منك بعدما أجبته وقبل أن يخبرنى صاحت أمى

هى تاكل زى ماهى عايزة لأنها مش مفروض عليها الصيام طيب نسيتى مالفتش نظرك إن اسمها كريستين وهى جارتنا المسيحية وكمان يابغلة بتشاركيها الأكل فى عز نهار رمضان

هيييح خير تعمل شر تلقى

ظلمتينى ياست الحبايب والله فعلا كنت ناسية



رمضان كريم عى الجميع