البارت السادس
بيت ابو عماد.
عنود تتعشى مع اخوانها وتلعب مع اختها اللي تصغرها بسنتين.
عنود..فيونوه ياكلبة وين عروستي الجديدة وين اخذتيها .
مسرة..ماثفتوا والله والله.
عنود..فيونوه وتشد شعرها جيبي عروساتي.
مسرة..ااااي والله ماثفتوا وتبكي..
جت ام عماد بعصبية اتركي بنتي ياكلبة شتسوين فيها لابارك الله فيك وتضربها..
عنود تبكي ..اخذت عروستي..
مسرة..تطالع امها وتحلف ما احتها(ما اخذتها).
ام عماد..تدف عنود انقلعي برى دوريها لعد اشوفك تضربين اختك فهمتي..
عنود تطلع من البيت زعلانه تتوجه للقصر.
تقابلها الجوهرة..
الجوهرة..ليش الحلو زعلان.
عنود تجمع دموعا وتغمض وتفتح عيونها ..امي ضربتني.
الجوهرة..ليش يابعدهم تضرب ثغنونتي الحين لاجت بهاوشهاتمد لها ايدها تعالي العبك.
تاخذها لغرفتها تجلسها بسريرها تهمس في اذنها انا بروح استحم اجلسي العبي انتي بعرايس مودة والعابها هي طلعت مع امها بتجي الليل انا بطلع سريع والعب معاك طيب ياحلوة.
عنود والفرحة توسعها ..طيب
تركتها تلعب ودخلت تتسبح.
عنود ملت لحالها مشت بالتجاه الباب وهي طالعه ذبحها الفضول شافت صوت يصارخ تأخروا الخدم يجهزوا قهوته .
ذياب قاعد بالكرسي بره يضرب الهوا شعره الاسود الكثيف رفع عينه لمح بنت صغيرة متخبية ورى باب البلكونه تطالعه..ابتسم وكمل يقرى الجريدة.
رفع عينه يشوفها لقاها اختفت** .
عنود وهي تمر شافت غرفهم مفتوحه صحوا من النوم قعدت تراقب سعد اللي يمسح وجهه التفتلها حس باحراج يوم شافها ابتسم عنود من الخوف ركضت برى..
صارت بغرفة الجوهرة.
الجوهرة..وين رحتي يالشقية..حسبتك رجعتي البيت امشي افطري معي.
جلسوا بالصفرة مع الحريم وافطرت معاها.
جا اخوها عماد ياخذها رايحين بيت خوالهم مجهزين السيارة وباقي عنود مابدلت ثيابها دخلت فاديه تودع الاميرة ام سعد وبناتها وتطلع .
في الطريق ..
عنود واشرف يمشون صادفهم جيب الامير محمد رايح لمجلس القبة العظيمه على طرف القصر.
الامير محمد لمح البنت واخوها..
الاميرمحمد..يافهد (السواق) وقف عندك وافتح الشباك .
وقف طلع الامير محمد يده من الشباك يأشرلهم يجون صاروا يركضون بالتجاهه .
وصلوا السيارة فتح بابها ودخلهم بالتناوب ابتسم لعنود شلونك طيبه.
عنود..ايوه.
صار يرفع شعرها عن وجهها يتأمل وجهها باسها على جبينها ..كنتي تلعبين.
عنود..ايوه.
الامير محمد..شتلعبين .
عنود..العب بموية النهر.
الامير محمد يضحك ..وش نهره
عنود تأشر على ساقي البيت.
**الامير محمد يناظر وين تأشر مسك يديها باس باطنها روح العبي انتبهي لاتتعورين اذا امسى الليل لاتطلعين من البيت طيب بابا .
عنود..ايوة
الامير محمد..تبغين حلاوة ..طالع في اشرف وقال للسواق توجه للقصر .
دخل القصر فيهم .
نزلوا الامير محمد الخدم وقده طعن في السن وحركته ماتساعده يمشي لحاله قابل ولده الكبير سطام حب على راسه ومسكه بيديه وهو يتأمل الصغار بالجيب ومستغرب.
الاميرمحمد..جبهم بعطيهم شي .
سطام ..راح وشافهم وسلم عليهم وحبوا يديه .
كان توه جاي من السفر لابس جاكيت جلد على ثوبه الرمادي وساعته اللي تبرز معصمه وابتسامته العذبه زاد من حيا عنود نزلت راسها بعد ماكانت تتأمله ورفع عينه انتبه لنظراتها الصغيرة مسكهم من يدهم ودخلهم لابوه.
الامير محمد..جيبولهم حلاو.
سطام ..ان شاء الله طال عمرك .
سار يسولف مع الصغار وبعد فترة رجع سطام ..
سطام..يبه ارسلت من يشتريلهم .
يدخل ..ابو عماد على الامير محمد يودعه رايح لاهله بمكه.
فهد يوم شاف عياله مع الامير محمد عصب وغمزلهم بعين حارة يطلعون.
الامير محمد انتبهله ..ماتخوف الله اطفال يافهد.
فهد يحب كتفه..ابد طال عمرك بس بسافر لهلي قلت ادخل اسلم عليك اودعك ..العيال امهم تدور عليهم وهم هنا يلعبون.
الامير محمد..جاو لبوهم مب لغريب .
سكت فهد منحرج منه ..الله لايخليني منك طال عمرك.
الامير محمد ..طلب من سلطان يتركهم لحاله يبي فهد بكلمة راس
بيت خوال عماد اهل فادية..
الجد..حسن
الجدة سلمى
اربع خالات سارة وتسنيم وحمده وهيام.
الخوال عصام وفريد وراضي وسفر.
دخلت فادية بعيالها اللي وصلهم ابوعمادلبيت اهل حرمته..
خالاتها اللي يستنوهم ويطالعوهم من الشباك هلوا بوصولهم ورحبوا بهم.
حمده..اللحمدلله على السلامة فادية ..
فادية..الله يسلمك..امي وابويا فين.
حمده ..جوه خوشي.
فادية شافت ابوها اللي ضمها وصار يبكي من الشوق هي احب بناته عنده انبسط وهو يشوف عيالهاويمسح على راسهم ..
تجمعوا الخوال عند ابوهم بعد مادخل فهد يسلم عليهم ..
ابو عصام..كيف حالك ياولدي..
فهد..الحمدلله طيب.
ابوعصام..كيف الرياض معاكم.
فهد..حلوة ياعمي
ابوعصام..والامراء كيف حالهم.
فهد..طيبين.
ابوعصام..يعاملوك بالحسنة.
فهد..الحمدلله ياعمي يعدوني واحد من عيالهم.
ام عصام دخلت وبيدينها صينية عصير لفهد.
جلسوا يسولفون ويضحكون .
عند الحريم ..
سارة توزع صواني الضيافه على فادية وعيالها وتسنيم وعيالها ..
حمدة شافت عنود مسكت من يدها وقربتها.
حمدة..تعالي مين اشترالك هدا الفستان حلو .
|