[فيتامين سي]

بمدرسة عنود..
عنود منهمكه في المذاكرة الاختبارات حلت باقيلها اسبوع وبحكم انها الاولى على فصلها تذاكر قبل موعد الامتحان كان الاختبار بكرة...
اريج ومها....شافوا عنود اللي تذاكر من بعيد تحت اشعة الشمس واللي يعكس صفاء بشرتها وعيونها العسلية اللي ماتتحمل اشعة الشمس.
مها..هالللوا نحن هنا.
انتبهت عنود..اهلين.
مها..تذاكرين يالدافورة.
عنود ..اسوي ملخصات بس عشان يوم الامتحان بس اقراها.
مهامدتلها يدها..قهوى .
عنود..تسلمين.
اريج..عنودة قلتيلي شفتي واحد شافك في القصر كان شاب حلوا ولا شين..
عنود..انطمي ياحمارة .
مها..تكفين حلوا ..وغمزتلها
عنود حست باحراج وقامت من عندهم.
مها..تعااااالي طيب الحلا ..
اريج ومها كانوا اكبر من عنود بس جيران بحي واحد.
المشرفه شافت عنود..ياطاااالبة .
عنود راحتلها..نعم ابلة .
المشرفة..العدسات ممنوعة..اطلعي اكتبي مخالفة.
عنود بقلة حيلة..ابلللله انا ..امم
المشرفة..لاتناقشيني اطلعي واكتبي فوق مخالفة.
عنود حست بحزن طلعت وكتبت مخالفة ماكانت المره الاولى ولا حبت تبين المرض اللي بعيونها لان فعلا منظر العين تشبه بروز العدسة الملونه..
رجعت الصف انتبهت لرسالة بجوالها..كانت تودي جوالها للمدرسة لان السواق ياخذها بوقت غير خروج اخوانها فترسله اول ماتطلع فيكون عند الباب.
فتحت الرسالة..من وعد.
الجو موت حلوا تجين اليوم القصر استانست معاك مرة المرة اللي طافت تعالي تكفين..
عنود تكتبلها..
عندي امتحانات ما اقدر..
وعد..
اوك نذاكر سوا.
عنود..
بستأذن من امي وابوي قبل.
وعد..
ونااااااسة ياربي تجين.
عنود..
ان شاء الله قلت اذا اذنولي جيت.

دق جرس الفسحة وانتظمت الدراسة بالحصص.
لين نهاية الدوام ودقة على السواق من دورات المياة وطلعت.

بيت ابو عماد..
عماد جالس مع اخوانه يلعبون كيرم محد راح المدرسة منهم كان عندهم يوم مفتوح فضلوا الاخوان يقضونه سوى ويتمشون ويعزمون بعض.
عنود طالعه من السيارة روزا شايلة اغراضها .
عنود شافت اخوانها..السلام عليكم.
الجميع..وعليكم السلام.
اشرف..جايبينلك بيتزا.
عنود..والله الحين افسخ عباتي واجي.
كانوا مايشترون شي الا ولاختهم نصيب منه بحكم انها ماعندها اخت كبيرة فتلجأ لخوانها ينبسطون معها ويشاركونها كل صغيرة وكبيرة.
حتى مشاويرهم ياخذونها معاهم.
فادية اللي عزمتها ام نمر هي وبناتها .
فادية..عنود.
عنود..سمي ماما.
فادية..رايحين للقصر عجلي تسبحي المغرب نكون عندهم..
عنود بصدمه بسم الله تو وعد ترسلي رسالة.
فادية..امهم عزمتنا.
عنود ..طيب.
لعبت مع اخوانها شوي.
دخل ابوها راحت حبت راسة ودخلت تتسبح وتبدل.
فادية تجلس جمب فهد..ان نمر عزمتنا.
فهد..بتتأخري.
فادية..لا10 برجع البيت.
فهد..طيب سلميلي عليهم.
فادية..يبلغ.
فهد..انا بوصلكم لان السواق ارسلته البريد.
فادية طيب اجهز واجي.
فهداستعجلي عندي موعد مع رجال.
فادية مارح اتأخر .
عنود جففت شعرها ولبست طوق احمر وفستان بيج بورود حمرة حطت كحل على عيونها العسلية ولبست بوت احمر.
اخذت معاها حقيبتها اللي من الكروشيه بيجيه حطت فيه كتابها وعطر وجوالها.
اختها مسرة ماكانت اقل منها اناقه.
نزلوا.
مسرة..حلوا شكلي..
عنود..يب.
مسرة ..متوترة.
عنود..ليه عادي القصر مليان بنات كبرك بتستانسين.
مسرة..جد.
ركبوا مع فادية السيارة.
راحوا للقصر.
بهالاثناء نمر اللي متعود يقضي نهاية الاسبوع برى البلاد ويرجع بأوله غيابه بالخارج كثير..رجع وجايب هديه لوعد وصديقاتها الجدد مسرة وعنود.
وعد عشان تعطيها الهدية بغتها تجي.
اول ماوصلوا القصر استقبلهم كبيرة الخدم وراح فهد بعد مانزلهم.
عنود ماقالت لامها ولا لاحد موقفها مع نمر خافت تهاوشها .
شافوا ام نمر معها حريم عازمتهم ..جلست فادية وبناتها في بين قامت وعد سحبت عنود من يدها ومسرة طلعتهم فوق بغرفتها.
وعد..عنديلكم مفااااجأة.
لميا ابتسمت وهي تشوف وعد طايرة في بنت هلا واختها.
لميا..اهلا اهلا.
سلموا عليها.
لميا..انا بنزل للحريم استانسوا.
دخلوا غرفة وعد ابهروا بالورود الحمرا اللي منثرة في كل مكان والشموع المضيءة تدفي المكان.
عنود..ماشاء الله.
وعد..جهزته عشانك.
عنود..حست باحراج اكثر.. ونزلت راسها.
وعد جابتلك هدية راحت وفتحت دولابها وطلعت كرتونين .
واحد لمسرة وواحد لعنود .
عنود تطالع الهدية..وساكته مب عافة شتعلق.
وعد..مارح تفتحوها.
عنود سحبت الشريطه تفاجأت بسلسال كرستال ورد احمر شكلة جميل وطوق من الورد الاحمر الكرستال.
وساعة من نفس النوع ..
عنود تطالع مسرة ..بابا يزعل والله لو درى.
وعد بحزن..ليش.
عنود..محرص ماناخذ من احد شي.
وعد..تكفين لاتقولين له طيب والله هذا عربون صداقتنا وجايبهم اخوي من فرنسا .
عنود انصدمت اخوها ..فرنسا..يعني اللي سلم عليها قبل اسبوع عليه ثوب اخوها..امداه يرجع.
دخلت عليهم لميا وراها الخدم شايلين عصيرات وحلى وشكلاطة.
لميا..الحلوا وين سرحان.
عنود انتبهت.
وعد..لميا تعالي تقول ماتاخذ الهدية.
لميا..هاااو ليه ياكافي.
عنود..ابوي مانع ماناخذ من احد شي.