[فيتامين سي]

الساعة 10 المسا الكل دخل تعبان ...
والبنات في جناح لميا..
ام نمر تدخل عليهم..وش فيكم عاليه اصواتكم..
لميا..عنود تبغى ترجع البيت اقولها اهلك بيباتون الليله وبكرة وبعدة تقول كيفهم بروح البيت فيه اخواني ببات هناك وراي مدرسة.
ام نمر تطالعها محد بيوديك الشارع غرقان سيول المطر ابوا نمر محرص محد يطلع..
عنود..عمة وامتحاني..
ام نمر..الصبح نوديك المدرسة الحين نامي مع بناتي..الا عيونك شفيها..
عنود باحراج لا مافيها شي..
وعد جت بتقول مرضها مسكت معصمها عنود وسكتتها..
ام نمر..بتنبسطين الصبح بترجعين البيت تبدلين ملابسك وتروحين للمدرسة وترجعين نامي الحين يابنتي..
عنود..ان شاء الله.
ام نمر تصبحون على خير..
لميا ..عنود تعالي ابيك.
راحت وراها طلعت عنود بجامه من بجايمها القصيرة وناولتها عنود وعشان عنود اقصر صارت بالتمام على مقاسها..
لميا حست بخوفها من نمر عشان كذا رفضت تجلس استغربت مع انهم كانوا مندمجه وهو يشرحلها اليوم
نومتها بغرفتها والباقين بغرف متفرقة بالجناح ..
نامت عنود وسط يوم متعب لعب فيه تحت المطر وغرقة ثيابها نمر كان يطالعها من فوق المجلس الزجاجي هو واخوانه..اللي عارفين انها بنت هلا..

بشق الرجال...
فيصل ينزل ولده سعد للارض نمير وش فيك ..
نمر محفظتي ونظارتي السودة مدري وين اختفوا..
حاااااازم..(الخادم)..سم طال عمرك.
نمر ..ضيعت محفظتي ونظارتي دور عليها بكل مكان..


في الصباح قبل صلاة الفجر ..
قاموا الرجال وتوضوا و صلوا نمر انجن مفتاح سيارته بعلبة نظارته وين اختفوا...
صلوا جميع الرجال سوا..جماعة..
بعد الصلاة دخلوا القهوجية يقهون الجميع ..
نمر واصلة معاه من امس يبغى يطلع عنده مشوار يروح بدون علم ابوه برى المزرعه لانه مانع السواقين بعد 10 لايطلع بحد..
نمر منهبل ماتحلاله خلواته الا يهيص معهم اخر الليل ويرجع للبيت النهار..


بشق الحريم عنود صحت غسل وجهها بسرعه بتتأخر على المدرسة..
لميا..صباح الخير ياحلوة..
عنود..صباح يشبه من قالها..
لميا..صدق انا حلوة ولا تجاملين..
عنود انحرجت..
عنود..بروح البيت الحق المدرسة..
لميا..افرحي علقوا الدراسة برى غرق.
عنود..جد اشوى الحمدلله..اقدر اذاكر..
لميا..شكلك شاطرة..
عنود..يب انا الاولى هالسنة نفرق عن بعض بالفاصلة وكل سنه يتغير الترتيب بين ثلاثة ساعات اكون الثانية ساعات احافظ على رتبتي..
لميا..ماشاء الله..
عنود..الله شكل الصبح حلوا..

لميا تعالي اوريك المزرعة فيها خيول وحيوانات..
عنود..الله كان في بيت الامير اللي تربيت فيه حيوانات كنت دايم العب واتفرج عندهم بعد مامات الله يرحمه فقدت ذيك الاجواء..
لميا..شكلك تحبينهم..
آه من كلمة اسى تمحى سنين الشوق ولا ينتهي..
عيش ياساكن انفوس بين ضحكات الضيا وثغرالنجوم.
لامن قلت احبهم ذاك يعني دموعي تهل كل الليالي.
ياعسى كل من طاحت عيوني عليه منهم امحشوم
رد يادار شال مني احباب من فارقتهم علومي علوم.

عنود ..ايه اشتاقلهم .
لميا..تحبينهم..
عنود..اكيد كبرت وسطهم..
لميا..البسي نفر بهمر نمر..
عنود..لا مابركب معاه.
لميا..لاحول انا اللي اسوق.
عنود..جد الحين ابدل ثيابي..
لبست لبس امس اللي جففتوا من موية المطر غسلتهم الليل..تفاجأت بوسط شنطتها محفظة باين رجالية وعلبة نظارة دارت فيها الدنيا يوم فتحت قرت الهوية المحفظة لنمر..
يالله تذكرت امس يوم جلس عندها حط اغراضه هيا مع الربشة جت تنحاش وخمت اغراضها بدون ماتنتبه لاغراض نمر..
عنود..يالله بموت شسوي لو حطيتها بالغرفه يشكون فيني لاني اللي نمت مع لميا..
شسوي اذا عطيتهم شغالتهم توديه له والله بيتكلمون علي بسوء ظن شسوي ياربيه عمى شهالحظ لازقه معي ..
قررت تحطهم بنفس المكان اللي حطهم امس ..
لبست وتعطرت وطلعت ...


طلعت مع لميا اللي تدق على نمر..
رد نمر..هلا..
لميا..ابي سيارتك نمر بوري عنود المزرعة..
نمر..ماتبغون..دليلة.
لميا..الله يقطع سوالفك شمسوي في البنت بالموت خليناها تنام اقولها نروح بسيارت نمر قالت مابركب معاه..
نمر..ياحليله بزر .
لميا..بتعطيني ولا شلون.
نمر..واناخوك مضيع المفتاح والمحفظة والنظارة من امس..مارح اتنازل اجيب باقي سياراتي واسلمهم لك خوذي سيارة امي..
لميا..يعني لو بتعطيني اشحذك..
عنود كانت تمشي جنب لميا وتسمع كلام نمر اتوترت مرة..
قررت تقول للميا.
عنودمنزله راسها بحيا..لميا اغراض نمر عندي حطهم وسط شنطتي اللي كانت مفتوحه امس وانا اخم اغراضي مانتبهت انها بينهم شفتهم الصبح والله احترت كيف ارجعهم..
لميا بخبث....الرجال انجن من البارحه وانتي ساكته..
دقت على نمر..
نمربدون ماتقول لميا شي..خيييير مو معطيك لو تحبين راسي..
لميا..خلاص ترى ذليتني..تبي اغراضك..
نمر بهدوء ..لميوووه.
لميا..عند اللي كنت جالس عندها امس..جت وقالتلي مو موصلته لك موت قهر اخذه بنفسك..
نمر تذكر انه حطه فوق شنطة عنود لاتزلق النظارة والمحفظة من رخام ديكور النوافير اللي كانوا قاعدين عليه امس..
نمر..الله يصلحها هبلت في الخدم وينها عطيني اكلمها هالعصلا .