البارت الثامن
"لا أحد منّا يعرف طريقةً يتفادى بها الأيام السيئة، ولكننا ننجو على أي حال "
بعد المغرب بيت الجد
ادم بهمس : شفيه جدي من جلس وهو يخزك
محمد بنفس الهمس : حتى انت لحظت تصدق من الظهر وهو جالس بس خز فيني بديت اخاف
ادم بضحكه : هههههههه تخاف هذا وانت السمي وحبيبه
محمد: والله مع هالنظرات طبعاً اخاف ولا بعد هالنظره مافيها حبيب
:
:
:
:
عند الحريم
ريم بهمس : ها اخبارك بشريني
غاده : تمام الحمدالله
ريم : وكلامك امس
غاده : لا الحمدالله طلعت كلها شكوك فيني
ريم : كيف يعني
غاده : كلمني اليوم عن نفس الموضوع وقال لي انه هو مو من هالنوع وكان يبي نملك مني ونتزوج على طول بس طلعت سالفة عمي أجل الزواج
ريم : الحمدالله شفتي قلت لك خليها وربك بيحلها
غاده : والنعم بالله
:
:
:
:
امل : صحيح اللي قالت اريج
جوري : وهذي اي شيء يصير تروح تقوله
امل : يعني صحيح
جوري لفت عليها : اي صحيح في شيء
امل : اي في غلط اللي سوتيه ماكنت اعرفك كذا جوري
جوري: الدنياء تتغير وبني ادم مايتم على حاله
امل : وشنو هالشيء اللي خلاك كذا
جوري: شيء بيني وبين نفسي
:
:
:
:
محمد : الا اقول ادم حددت زواجك ولا بعد
ادم شرق بالماء : كح كح
محمد فيصل ضرب ظهره وبضحكه : صحه
ادم : حددته بعد شهرين
محمد : على خير ان شاء الله
محمد فيصل بهمس : تقول يخز فيني صارت فيك
ادم : اسكت بس لايسمعك شوفه للحين يطالع فينا
محمد : الا اقول انت " اشر على محمد فيصل " متى ناوي تخطب وتتزوج
محمد بلع ريقه : بدري جدي
محمد : ومتى بدري ان شاء الله عمرك 26 سنه واعيال عمك اللي بقدك اللي تزوج واللي خاطب واخوك اللي اصغر منك خاطب بعد وش تنتظر انت
محمد فيصل : ان شاء الله بتزوج بس مو اللحين
محمد : لين زواج ادم اذا ماخطبت بخطب لك
محمد فيصل : وش هالكلام جدي
تركي : يبه وش هالكلام وخل الولد على راحتة وقت اللي مستعد ويبي يتزوج بيجي بنفسه وبيقول زوجوني
خالد: وكل الشباب ي يبه هن طلبوا يتزوجون
فيصل : كلام خالد صح حتى حاتم هو بنفسه قال ابي اتزوج
محمد : انا قلت الكلام اللي عندي ولا علي منكم
:
:
:
:
اريام بغمزه : لهدرجه الزواج مخليك حلوه اجل بتزوج بكره
نوره بنفس الغمزه : خلاص اجل بقول حق ادم الزواج بكره
اريام وقفت بارتباك واحراج: انا بقوم اجدد القهوه
نوره : فديت زوجت ولدي اللي تستحي
فاطمه بضحكه : حرام عليك نوره احرجتي البنت
فوز : هذي سوالف نوره ماتفوت شيء على البنات
نوره : شسوي احب اشوف وجههم وهم منحرجين
مريم : الا اقول الله يعين بنتي عليك شكله بتصبح وبتمسي على احراج
نوره بضحكه : واحلا صباح ومساء
:
:
:
:
جوري : يبه فاضي
جاسم : اي يبه تعالي
جوري : وش صار على الموضوع
جاسم : انا كلمت ابو فيصل وانتظر رد منه
جوري : بس يبه مايصير
جاسم : ليش مايصير احنا اتفقنا ولا علي من احد
:
:
:
:
صقر بهمس : تصدق جدي ماقال كذا الا ناوي على شيء
احمد : الله يستر من هالشيء
عبدالله : انت تعرف هالشيء
احمد : اي اعرف والله يعين محمد
صقر : الله يستر من جدي ويعين الكل
:
:
:
:
فوز بهمس : الا اقول مريم مو ناويه تزوجين محمد الصراحه وجدان كبرت ومحلوه شفتيها كيف بالزواج
مريم بنفس الهمس : الا شفتها وودي اخطبها لمحمد قبل تروح عليه بس شسوي فيه رافض الزواج
فوز : كلميه يمكن يوافق الصراحه انا لو عندي ولد مو متزوج كان خطبتها له
مريم : بكلمه وان شاء الله تكون من نصيبه
الى الملتقى