[قال الزهر آآآه]

سمر - ..مانسيت !!!بعد لاتنسين ان الكل ..كان مزوجه للجوهره !!يعني بالاخير ...هم الي تسببو عليها ..!!
سمر بعصبيه- لاتقهريني ..رنا !!؟؟مالها عذر ..!!
رنا- ..تراني افهم ..واكبر منك واخبر ..خير ان شاء الله !!
سمر- انا علمتك وبس ....وبراحتك ..ياقربها انه يشبه قرصة الداب للوليد !!
اذن ...صلوا ..ورجعو..
يكملون....مشترياتهم ...وكل وحده ..بفكرها ..طاري ....
.................................................. ......................
بقصر الوليد ...
ام سلطان ..- ..تاخروا هالبنات ..من الظهر ..طالعات !!
نجلا - ..دقبت على سمر ..بالطريق خالتي ..!!
ام سلطان.. –..والوليد ؟؟ماكلمك ..!!
عضت نجلا شفتها ..وابعدت نظرها ..-لا..!!
ام سلطان..ببسمه ..- الله يعينه ..
نجلا..بعجل -..امين ..يارب.....!!
ام سلطان- ..ابدن مايرتاحون الين يشقونه ..!!توه طالع ...من المستشفى ..!!
نجلا- ..الله يكون بعونه ..!!هو بعد ..مايرحم نفسه ..!!
ام سلطان – امين ..يامي ....هذا هو من عرفته ..!
كملت ..ام سلطان .-!كلمتي ..اختك ..ومعازيمك ؟؟!!
نجلا..بفرحه- أي كلمتهم ..وبيجون ان شاء الله ..!
ام سلطان وهي تمد فنجالها لنجلا- لازم نروح مبكرين ..!!نسبق العالم ...!!الوليد ..عازم ....مابقى ..احد!!
ابتسمت ..وهي ..تلف خصلتها ..باصبعها ....
وبحرج- ..كلف ..نفسه ليته خلاها بينا !!
ام سلطان ..هزت راسها - ..ماعرفتيه ..!!انتي ..!!هو رفع ..البعيد فوق الراس ..شلون لاصار ..قريب ..!!واخوك ..غالي ..من طرف غالي!!
قالتها ..وهي تطرف عينها لها ...
نجلا..ببحرج ..متملكها .. – الله يسعده ..
ام سلطان- امين ..ويسعدك ..يازينة البنات!!
نجلا- ..ولا يحرمنا منك ..يا..روح البيت ..ياخالتي!!!
ضحكت ..ام سلطان ..اليوم البهجه ..سكنتها ..من هالثنين ..
لامنه الي ..نصاها ..يبي..شورها ...ولامنها الي ..
ملت ..قصرهم ,,حياه ..غايبه عنه ..
نزلت نجلا فنجالها ...
والتففت ..بتصميم ..تبي تعرف ..

نجلا - ..خالتي ؟؟
ام سلطان- لبيه ..
نجلا- ودي اسالك ..شي !!
ام سلطان -..وشهو ..يامي اسالي !!
تنهدت ..وعينها على ملامح ام سلطان الرحوم ..
نجلا- ..يوم ينولد الوليد كنتي موجوده !!
ام سلطان..وعيونها تراقب ..ترقب نجلا- ..لا ..ابو الوليد تزوجني بعد ..ماطلق امه ..!!لو انا موجوده ..كان خذته عقب امه ..ومارضيت يربى بعيد ..
عضت نجلا شفتها .. وابتسمت ..بحب ..كبير لها ..يعني..مثل أمها هي ...الزوجه الثانيه ...هي للوليد زوجة اب ..!!ورغم .هذا ..صارت له .ام !!لدرجة ..مايبي ..حتى تحس بالصراع الي بينهم ...
هالطيب كله ..يجي منه ..سلطان ..!!

ام سلطان ببسمه - علميني ..وش تبين تعرفين واعلمك ..
نجلا..- ..ليش انفصلو خالتي ..!!؟؟
ام سلطان ..- والله يابنيتي هذي ..سالفتها سالفه ..لو تسمعين كلمتي ..!!خليها ..ولاتسالين عنها ....!!
نجلا..- مابي اعرف ..بس شي واحد ..من الغلطان ..فيهم ..؟؟
ام سلطان- ..والله انا ..ماوصلني الا الي سمعت ....!!
نجلا بترقب ..-..ايوه ؟؟
ام سلطان ....جت ..بتنطق ..
الا بدخلة ..سمر ورنا ..
سمر- السلام عليكم ...هاه ..بشروا ..فقدتوني ؟؟؟!!..التفتت لنجلا ..
سمر.هزت راسها ..بمكر...- صباح الخير؟؟؟!!!سحبتي علي ..؟؟!!
نجلا..بضحكه خجول- ..وش اسوي؟؟ ...كنت بروح والله ....قاطعتهم رنا
رنا- السلام عليكم ..
ام سلطان ونجلا- وعليكم السلام ...
رنا- ..تعبتني بنتك يمه ....اخر مره اروح معها ...المره القادمه مع نجول
ضحكت سمر - ...هههههههه...هذا ..ان سمح لك فرعونها ...!!!
نجلا ..هزت راسه بتاكيد- ..ماله دخل فرعوني انا كنت بجي أساسا ..
سمر- يابنتي اسكتي ...تعلميني؟؟؟نجووول ..علي؟؟
كشرت بوجهها ..
سمر- انا بنفسي مقابلته ...!!!قالها لي بوجهي !!
لااحد يزعجنا !!
ضحكت بعد ماشافتها ...تلبكت ..
سمر- لبا فيس انتي ..لما يصير طماطه!!!!هههههههه
رنا بضحكه- اتركيها عنك ..بس !!تعالي فوق نجلا ..ابيك بشغله ..
ام سلطان- ..ترا بكرا ..بنروح مبكرين تجهزن من بدري ...!!
دق جوال ..نجلا ...
قامت ..تاخذه ..شافت رقم الجازي ..مشت بتطلع ..والتففت
نجلا-..روحي بجيك رنا ...
نجلا ببسمه وترحيب - ..هلا الجازي ...
الجازي- ..هلابك ..انتي ..اخبارك ..؟؟
نجلا- الحمد الله بخير الله يسلمك ...
الجازي – بسالك ..بكرا عادي اجيب ريوف!!!
نجلا- ايييي ياروحي جيبيها ...بتنبسط ...انا ابي ناصر يجي ..بس مدري عن ام نايف..بتخليه او لا ..؟؟
الجازي- ..اصلا ..بتذبحني ان درت اني رحت ...
نجلا ..بهاددي الصوت- الله يهديها ...معد اعرف وش أقول ..!!؟؟
الجازي- ..الله يعين ..يلا بخليك اجل ...انا بيمرني نايف ...اشوى فهد وافق!!
نجلا – الحمد الله ...اشوى فرصه اشوفك من زمان عنك ...اصلا ..وبصراحه يالجازي ..انا معد احب هذاك البيت ...!!
الجازي- ..معليه ..يبقى البيت ..الي تربيتي فيه ..يانجول ..!!بعدين تعالي ...وش الجديد الي حاصل ...؟؟
ابتسمت نجلا لفهمها المقصد- ..قصدك نايف ؟؟
تنهدت ..
نجلا- ..شفتي ؟؟زي الحلم يالجازي ...!!
الجازي- ..والله يانجلا ..كنت اعرف انه بيوم ..بيتحسن معك ..!!ترا نايف مب سييئ!!والله ..
نجلا..- صدقتي ...عاد الحمد الله ...الله لايفرقني عنهم جميع ...
الجازي- ..امين يارب ...
نجلا- المهم بكرا ..تعالو بدري ..بوريك ..شي احبه ..بالمزرعه .
الجازي ..بحماس ..– ايش ..؟
نجلا- تعالي بدري وبتشوفين ...قبل المغرب ..بالليل مااظمن يصير موجود ....!!!
..................................................
الساعه12 الليل.....
بالشركه ....
بمكتب الوليد ..
الوليد- ..اهم شي جيب لي إياه بسريه ...ولاجنس مخلوق .. يدري اني سالت!!
طلال- ..ماطلبت شي ...بس توقع يكون ..مستعار الرقم ..!!
الوليد..بتركيز- ..معليه ..الا لابد من خيط يوصلني لراعيه !!!
طلال- وش تبي فيه ؟؟وش صاير ؟؟
الوليد تساند ..على كرسيه ..وطقطق ..طاولة مكتبه ..- ..واحدن ..يبيله قرصة اذن ..!!!
عنده خيارين اثنين ..واحد منهم ...لازم يكون ...
من غيرهم !!؟؟
سلطان او الجوهره ...
كلهم ...حواليهم شكوكه ...
بس من الجريئ فيهم ..لهالدرجه ..!!مين ..الي ..مستعد ..يتواجه معه بالاخير ..!!!
طلال - ..عطني العلم ..!!
الوليد ..ناظره- ..لا !!..هالموضوع ,,,يخصني ...!!.
طلال- .يارجل؟؟؟!!
.طيب ..والوفد..الي جاك اليوم .!!وش بنسوي معهم !!
الوليد شد شفايفه ..يبستم ..- بكرا بتواصل معهم
طلال- والله طلعو ..زعلانين ..ماهقيت ..بيتراجعون ..!!!ضاربين مشوار !!!وش الي خلاك ..تسحب عليهم ..وانت احرص مني !!
الوليد,,قدم وتراكا بيدينه الثنتين ...وعينه على اخوه - ..شي من اولوياتي !!
تنهد طلال- اييييييييه...ياخوك!!!ماعليه !!
سمع ضحكته ...
الوليد رفع يده ..مهدد ...- لاتقول شي ؟؟
طلال ..ببتسامه ..- يلا اجل انا بستاذن ...تعبت اليوم ...بكرا بتمر !
الوليد-...يمكن امر ويمكن لا .. بكرا ..بروح ..الاصطبلات ..قبل المزرعه .....وبكرا العشا لاتنسى ...كم بدري ..تعال ..!!
مشى طلال بيطلع
الوليد- طلال!!
طلال- سم!!
الوليد- ..كلمت امي!!
طلال بنظرة تفهم ..- لي كم يوم عنها ...!!لهيت معك ..بس ان شاء الله انهم بخير ....!!
الوليد- ..تمام ..والبنات ..؟؟
طلال- ..ان شاء الله بروح لهم اذا رجعوا !!!
هز الوليد راسه موافقه ...
الوليد- ممتاز ..لاتخليهم ..!!
ترك طلال المكان ...
سحب الوليد ..جواله ..ورجع يفرفر بالرسايل ..من اخر رساله ..معد جاه شي ...!!
مايبي ..يستعجل ..هالمره ..غير ..بيمشي حبه حبه ..وبيماشيهم ...
وبيدفعهم ..ثمن فعلهم صح ..!!!
رفع كفوف يده ...وابتسم ...تذكر ..مجاراتها له ..ببوسة..اثر جرحه القديم ......
مثل الندى ..هي ...ومثل ..فرحة ..يتيم ..بلمة اهل ..واحباب ....هو..
شلون
..يستغلونها ..عشان يوجعونه!!؟؟
تذكر ..
وجهها ..المضطرب ..والخايف ..الخجلان ...ماتركها ..الا عشانها ...عيت ..تطلع ..له ..وقفلت على نفسها ..دورة المياه ..استغلت خروجه ..لغرفة ملابسهم ...
ولارجع ..بدري متقصد ,,مايبي يرجع ..الا..وهي ..بالمكان الي يبه ...
ابتسم ..ابتسامه جانبيه ...
ففتح درجه ..وخذا ..العلبه ..المخمليه ....حطها بجيبه ...سحب عصاه ..وترك المكان ...
................................................
بقصر الوليد
جناح رنا ..
نجلا- سلمتي حبييتي انتي ..مررا جميل ...
رنا- عليك بالعافيه ...اهم شي عجبك ..
نجلا- ..احب ..هالموديلات ..والله ..
رنا ..جابت لها ..فستان ..لونه ..ليلكي ...يجمع بين..زرقة ..محيط الليل ..وخضار ..العشب ...
...
رنا- ..قومي قيسيه وريني اشوف ؟؟!
نجلا ..وهي ..ترفعه بيدينها ..- ..خليه بكرا بلبسه ..اتوقع انه مقاسي ...ان شاء الله
رنا- ..ترا بيجون عالم ..عالم ..امي ..عزمت ..كل معارفها !!
قطبت نجلا بتفكير- ..بيناسب ..مرره حلو الي جبتيه ..وعندي ..كذا تايور ..
رنا- ..مدري وش البس ..وش كثر الي عندي ..بشوف شويات ..واقرر..
سمعو صوت الباب ينفتح ...وسمر .بعالي الصوت
سمر...ياحلواااات .....وش رايكم ؟؟
لابسه ..
بالطو ...للسفر ..وحجاب ..مرتب ...
سمر- وش رايكم ؟؟!!هذا بعض من كل ..
نجلا- اش هذا ؟؟وين بتلبسينه يعني ؟؟
سمر- مب الوليد ..وعدني نسافر!!!
تذكرت نجلا ...وخذت المخده ..حذفتها عليها
نجلا- يافتانه ..!!والله قلت ..بتسكتين منتي قايله !!!
سمر ابتعدت .عنها قبل ..توصلها ..وهي تضحك ..
سمر- ..معليش ..انتي والسفر ..ماتتشابهون ..!!!!
نجلا- ..هين ..يجيلك يوم ..!!!
سمر..انتبهت للفستان الي بيدها .. – لحظه جبت لك شي شي !!!..بروح اجيبه ..
نجلا.بفرحه -...كلفتو على أنفسكم
...ليه!!
رنا- ..ماسوينا شي ...!!!عادي ..!!
دق جوال رنا ...
شافت رقم الجوهره ..صمت الصوت ...
سمر...وهي ..ماسكه ..قطعتين ...لنجلا ....
سمر- ...وش رايك ....!!!
رفعت نجلا حواجبها ...بعتب – اش هذا ؟؟؟وين تبيني البسه ؟؟؟
سمر- ..بالبركه ..!!؟؟؟
سمعت ضحكتها ...
نجلا- ..من جدك ؟؟؟ياقلبي عنك ..مستحيل ..اسبح عقب ..هذيك المره ...مستحيل!!!
واصلا ...ان حصل ..!!؟؟..اشرت باصبعها ..على قطعتين السباحه ,,
نجلا- هذا مستحيل البسه ؟؟
سمر ..باستنكار- ليه ؟؟حلو ..يجنن ...وساتر ..ترا ..
نجلا- أي ساتر ؟؟لاتحاولين ..مني سابحه أصلا ..!!
سمر- ..على خير ..ماينجاب لك شي ..بدل ماتقولين ..لبا سموره الحلوه ..!!ذكرتني ...
ضحكت نجلا- ...ماقدر على زعلك ...هاتيه ...من يد ماعدمها يارب ...بس ..بستقبله ضيف ...ضحكت ..بهمس ..
وهي تقلب القطع بين ااناملها ..
نجلا- مانهبلت ..الين الان !!
سمر ..بضحكه ..مستفزه ضحوك..- ..هههههه ...بيجيله وقت..!انتي بتدورين عليه عشان تلبسينه !!!
هزت راسها نجلا واشرت بيدها إشارة الاستسلام ...
وهي مبتسمه ..

نجلا- يلا بروح ابي انام بدري ...ورانا روحه ..!!
سمر فتحت عيونها- ..بدري ..خلينا نسهر على فلم ..
نجلا هزت راسها ماشيه – لالا ...بنام ..خلها يوم ثاني ...
قالتها وهي مقرره تندس بفراشها قبل ..يجي ......
....مبتسمه ..دخلت جناحها ...بعجل ..
وعينها طرفت ..لغرفته ..
تركت لحافه ...واغراضه ...حتى جرئتها ..الي جتها بيوم ..وخلتها تاخذها ..فارقتها .....
بدلت ..وهي مستعجله ...لبست ..بجامه ....باكمام ...بلون ..وردي ..وازرار..اوف وايت ..
جدلت شعرها ...والتفتت لنفسها بالمرايا ...حمرة خدودها تلاحقها ..كل ماجت عينها على نفسها ..بالمريا وكنها تخجل حتى من حالها ...
طلعت ..متجهه لسريرها ....
قبل توصل ..خطرت ببالها ..فكره ..!!
راحت ..لغرفة الجلوس ..ورجعت بعجل ..
طفت الانوار ...واندست ..بسرعه ..
وهي ..تغطي عيونها عن مكانه ..بخجل ..
اوفف يانجلا ..وش صاير لك ..!!
.................................................. .............
بيت أبو نايف ...رحمة الله .عليه ..
ام نايف - ..ياولدي..!!اسمع مني ..هي مب بحاجتها ..!!!ولا قالت هاتوها ..!!!وش ذكرك فيها ..
نايف..جالس ..ومبتسم لامه – يمه انا ابي ارجعها ..مو من حقي ولا من حقك !!!
ام نايف..بعصبيه – غسلت مخك ومخ اختك !!مثل أمها ...!!حسبي الله عليها ونعم الوكيل ..!!
ناظرها ..نايف بتركيز ...طول عمره ..يسمع ذكر ام سعد بالشينه ...ماقد ,,حاول يسال ..او يعرف ...بس يسمع ...ويسمع ويجمع ...تنهد ...
ام نايف- ..خذت ابوكم ..والحين بنتها بتاخذكم !!
نايف- ياام نايف ..وش بعد ..فقد ابوي !!مب هو ..الغالي الي تحبين !!!؟؟مب عشانه كرهتي ..ام سعد ...!!
ام نايف ..بصوت ضايق- ..خذوه ..مني ...اوجعو قلبه ...وراح !!
نايف- استغفر الله ...هذا يومه ..ياروح نايف ...ماله الا الدعا ..الله يجعل مثواه الجنه ...

ام نايف رفعت راسها -...امين امين ...
نايف ..قرب لثم يدها ..بحنان – يمه ..؟؟راح ابوي ..وهم قطعتن منه !!!وش تبين ..اسوي !!اقطعهم ..واتركهم ..هم مب بحاجتي انا الي بحاجة خواني !!!
ام نايف باستنكار- وليه ان شاء الله !!!وش حوجك لهم ..!!
تنهد ..وهو يذكر ..المكتوب الي قراه ..والي لقاه ..مع
بشنطة ابوه ..
..الي يشيل بها كل أوراقه الخاصه ..
ابوه كان حاسس..بقرب الفرقى ...
شاركه فيها بشعور ..مدفون بقلبه الشايب ..
نايف- ..وصية ابوي ..يمه !!هم وصية ابوي لي !!
ام نايف..بتاافف- ..ماعلهيهم منكم !!هي راحت ..وافلحت !!!واخوك !!شف ترككم ..وسكن عنكم بعيد !!!
نايف- عشانك ..يمه ..ابعد ...!!
ام نايف - ..الا عشان بيطلب حقه ..بالبيت !!
تنهد نايف – يمه ؟؟وش شفتي من نوره !!غير انها خذت ابوي ..وش صار !!
يدري بقلب امه ..قلب ..انثى ..مغدوره ..الحب من الله ماهو بكيف ..الروح ....وابوه ..لغير نوره مانبض له قلب ...
ام نايف- ..غير انها ضرتي ..وش تبي بعد !!هي خذته كله ..كله ..!!عني وعنكم !!
نايف- ..ما بردت حرتك ..منها بعيالها يمه !!
ياكثر ماسوينا ..وياكثر ماتجنيت ..على سعد ونجلا !!!ابي ارجع الي خذته ...والي معك ..من حقها يمه ..ابي اقابل ابوي ان مت وهو ..راضي ..!!!
ام نايف بعجل- بسم الله عليك !!!الله يطول بعمرك...ياولدي !!
نايف..-
ابوي ..ترك لي ..غصه ..متمثله فيهم ..!!لاتجين علي وضدي ..ريحيني ..يام نايف ,,
ام نايف- ..خذه ..خذه ...!!!الله يوريني فيهم يوم ..!!!بيجي يوم ..وتنطلوني !!!عشنانهم !!!
نايف- ..له له ..والله مكانك فوق راسي ...!!يام نايف !!انتي الغاليه ..!!والحبيبه ..
ام نايف..وهي تمسح دمعه ..قهر- ..هذا الي احصله منك ..تلعب علي بهاالسان !!!
نايف- ..مابي اشوف دموعك ..!!!اليوم انا وقعت عقدي ..!!!ومبسوط ..واخواني بخير ...وانتي بخير ...والله لايحوجنا لبشر ..!!والي.. يجمعك مع حبيًيبك ...بجناته ..!!..انسي ..يمه ..!!..شفتي نجلا ..كثر ماشافت من هاليد ..!!نست !!وقالت ..جعل راسك شامخ !!..
سكتت ام نايف ...ونار تسعرها بجوفها ....امها ..خذت قلب غازي ...وهي خذت قلب ..ولد بطنها ...الي ..دايم ..يبرد حرتها ..هو يدها الي تجنت ..وبطشت .....وبردت نار قلبها ..المغدور ..والحين ..راحت ....
..سمعو صوت ...
ناصر ...ينادي ..
نايف- تعاااال ...انزل !!..التف لامه..الساهيه ..
نايف- ..ماودك اريحك منه بكرا !!!وناخذه معنا ..!!


التتمة هنا 👇🏼👇🏼في الصفحة التالية
https://www.rewity.com/forum/t441838-24.html