[فيتامين سي]

رابط لتحميل الرواية هنـــــــــــــا




السلامـ عليكمـ ورحمة اللهـ وبركـآتهـ ..

اشحالكمـ عرب زاايد؟! ربكمـ الا بخير وسهالهـ ؟! >> كلن بحالهـ ..


امممم حبيت اعرض عليكم قصتي وهاي اول تجربه لي .. بعد قصتنا (عرفنا الحب واسراره وكتبنا اجمل اشعاره) ..

بعد مانالت قصتنا على اعجابكم .. حبيت اني انفرد واكتب قصة من تأليفي .. ف البداايه ترددت اني اعرضهاا ..

لكن ربيعاتي ماقصرووو .. وشجعووني اني انزلهاا .. وانا بتقبل اي انتقااد منكم .. واتمنى انكم تشجعوووني ..

وتفرحووني بردوودكم ع القصة .. واتمنى انها تعيبكم .. وتنال ع رضااكم ..

وحبيت اقوول للي يبى ينقل القصة :
1- الرجاء الاستأذان من الكاتبه(الي هي انا) ..
2- والرجااء كتابة اسم الكاتبه عند نقل القصة ...

همسهـ: وانا منزله القصة ف منتدى ثااني >> للعلم ..

واخليكمـ مع القصة .. { >> لا تحـاسبن? علـ? جرحٍٍٍٍِ نـزفـ .. انتــ سـآس الـجرحِِِ يالخــل العنيــدِِِ .. >>}

الشخصياات:

عائلة سلطان حميد الــــ ..............ي

اليد(سلطان) واليده(سلامه) : وعندهم بنتين و ولد..
البنتين : منى (ام سيف) و موزه ( ام سعيد) ..
الولد: حميد ( بوعلي)

عائلة علي سلطان حميد الــــ .......................ي

بوعلي (حميد) و ام علي (مريم) : وعندهم 3 اولاد وبنت
الاولاد: علي (24 سنه) .. احمد ( 22 سنه) .. عبدالعزيز ( 20 سنه) آخر العنقود
البنت : ميرة ( 21 سنه)

عائلة منى سلطان حميد الــ ..........................ي

بوسيف ( خالد) و ام سيف(منى) : وعندهم ولد وبنتين
الولد: سيف ( 22 سنه)
البنتين: عليا ( 20 سنه ) و ساره ( 18 سنه) آ خر العنقود

عائلة موزه سلطان حميد الــ ........................ي

بوسعيد ( منصور) ام سعيد( موزه) : وعندهم ولدين وبنت
الاولاد: سعيد ( 24 سنه ) ومالج ع بنت عمه روضة .. و عبدالله ( 22سنه)
البنت : شوق ( 20 سنه) آخر العنقود
الام ( موزه) : متوفيه من 5 سنوات

عائلة حسن سالم عبدالله الــ .........................ي

بو محمد(حسن) وام محمد(عائشة) : وعندهم 3 بنات و ولد
البنات: فاطمة ( 28 سنه ) معرسه وعندها بنت ( مريم 5 سنوات) و ولد(سلطان 3 سنوات) وريلها سالم ..
روضة: ( 23 سنه) و هي مالجه وعرسها بعد اسبوعين
مها: (21 سنه) آخر العنقود
الولد: محمد ( 22 سنه )
(وبو محمد و بو سعيد اخوان )



البــآآرت الاول ..


( انا مابين الجزر والمد مادري حبيبه او خويـه .. لا ماينجزى الإحسان بالصد
ولا تنجزى الحسنا بسيـهـ .. )

شوق : فديتج امايه .. اسمعيني بس
اليده(سلامه): لابس ولا شياته .. اشوو بعد تقصينه .. حلاته البنت بشعرها
علايه: امايه الحين نحن اطورنا .. والوحده مايهمها شعرها طويل ولا قصير
اليده(سلامه): وانا اشلي منكم .. مابتقصينه يعني مابتقصينه
شوق: امايه شو بستفيد من الشعر الطويل ؟!
اليده(سلامه): اشحلاته يوم يكون الشعر طويل .. واذا انتي ماتبينه ريلج يبااه ..
الشبااب: كح .. كح .. كح
والبناات صخن ولانطقن بكلمه ..
اليد(سلطان) : هههههههههههههههههههه .. شيااكم سكتووووو ..
اليده(سلامه): وانا قلت شي غلط .. غلطت بشي ..
شوق: أأأأأ .. عليووو نشي بنظهر ..
علايه: اووكيه ((وظهرن))

محمد: علووي .. قم بنظهر ..
علي: ع وين؟!
محمد: بنظهر قم ..

عزوز: يدووه فديتج صبيلي قهوه (وعيونه ع سااره) محلاته من ايدج فديتج
سيف: عيونك الغالي حاسب عليهن
عزووز فقط خخخ .. وسارة احمرت من الخاطر وصدت الصوب الثاني ..

ومن الصوب الثاني : عند علايه وشوق ..

شوق: افففففففف .. وانا ارووم اسوي شي والله فخاطري اقصه اهىء اهىء ,,
علايه: هههههه .. صيحي بصدقج ..
شوق: عليوووووووووو .. عن السخاافه افففففففففف ..
علايه: ههههههههههههه .. بلاج؟!
شوق: ماشي .. بس تدرين احبه ..
علايه: وامنو ها تعيس الحظ ههههههه
شوق: لا والله!!
علايه: هههههههههه انتي شكله القيج ظرب عندج اسكت احسن لي وحفاظا على ويهي خخخ
شوق: يكون احسن

عند علي ومحمد..

محمد: شورايكم هالويكند نسير المزرعه
علي: هيه والله ونااسه
محمد: عيل لازم نزهب البانشيات والدراجات وحاله ..
علي: اممممممم .. نحن بنتخبرهم وخلاف بنزهبهم ..
محمد: عيل قم نخبرهم ..

ف الصاله..

علي: اممممم شو رايك هالويكند نرووح المزرعه؟!
اليده(سلامه): لا لا بنسير العزبه .. من زمان ماخطفنا جداها
اليد(سلطان): عوقج اهناك لازم ..
الكل: ههههههههههههههههههههههههه ه
احمد: نروح المزرعه .. ونبات كمن يوم و بنشوي بعد ..
شوق: آآخ قلبي ..
اليده(سلامه): ودي بلاه قلبج
شوق قفطت من الخاطر وصدت جدى علايه
علايه: يالفضاااايح
محمد طول الوقت وعيونه عليها
اليد(سلطان): خلاص تم الساع.. سيرو زهبو غريضاتكم اليوم بنسرح ..
محمد: علي يلا عيل بنسير نزهب البانشياات ..

ع المغرب بعد الصلاه سرحو المزرعة .. بوصف لكم المزرعه..

(كانت المزرعه كبيرة واايد وفيها فلتين كبار .. (الفلة(1) ع صوب اليسار وفيها طابقين الي تحت فيه صالة عوده وفيها شرات مكانين حق ليسله وحده ع جهة اليمين والثانية ع جهة اليسار .. الطابق الي فوق فيه 3 غرف ( غرفة لبو محمد × ام محمد + بوعلي×ام علي + بو سيف × ام سيف)وفيه صالة ومطبخ تحضيري .. والطابق الي تحت 3 غرف ( غرفة لليد × اليده + وغرفة لـ بوسعيد + غرفة فاضية)وصااالة عووووده .. ) ( والفلة(2) ع صوب اليمين وفيها 3 طوابق وكل طابق فيه طاله ومطبخ تحظيري .. الطابق الاول فيه 3 غرف .. سالم×فاطمه + غرفة لليهال وفيها السوني والالعاب + غرفة فاضيه .. والطابق الثاني حق الشباااب .. وكل واحد عنده غرفه .. والغرف كلهن وساااع وكشخخه وكبااار يعني الغرفه فيها حمام والصالة صغيره حق اليلسه وهم 6 غرف .. والطابق الثاني .. وفيه6 غرف وكل الغرف وسااع وكباار وكشخه وفيهم صالة وحمام .. وكل بنت عندها غرفة .. وبرع شي ملحق حق الشبيبه حق اليلسة والسهر والمغازل هع ...) المزرعه كبيرة واايد وفيها نافورة متوسطة الحجم جدى البوابه وع يمب شي قارااج للمواتر وع صوب اليساار شي زرع وورى الفلة شي مسبح عود وصغير وشي مكاان للهوش والبوش والعنز ........ والخ .. وعند المسبح شي حديقة وشي عرييش ..وعندهم اسطبلات للخيووول )


شوووق: آآآآه.. الجو رهيب
علايه: هيه والله .. تعالي نسير جدى المسبح
شوق: اوكيه ,,

وهن يتمشن والا تيهن صواريخ من فوق ع روسهن ..

شوق: ايييييييييييييييييييييييي ييييييييييه
علايه فزت: امااااااااااااااااااااااا اااااااااااااااااااااايه
محمد وعلي: تعيشون وتاكلون غيرها
شوق: يالسبلاان حراام عليكم

علايه: يالهروووووووم ما احبـ ... (طآآآخ) بالونه ع راسها
علايه: انتوو ايييه .. ما احبكم اهىء وصاااحت خخخ
محمد: بنت خالتك وايد حسااسه خخخخخ
علي: هههههه اسكت الحين بتشوف الحساسه ع اصولها
محمد: جيه شـ .....
(علايه وشواقي سوو خلطة عجيبه حطو كل البهارات ويا ثلج والجدر ممزوور مااي .. تقولون صاالونه بهارات خخ ) ويصبوونها ع محمد
محمد فز: يالخياااااااااااااااااااا ااااااس ,,
شوق وعلايه ربعوو خاري ومحمد وعلي وراهن ..
شوق وعلايه وصلو عند المسبح وانخشوا ف مكان محد يقدر يشوفهن .. ومحمد وعلي وقفوا عند المسبح يدورونهن .. وشوق وعلايه من شافوهم وقفوا .. تنفسوا الصعدااء .. وربعوو عسب يدزوونهم .. وفجاة وهن يربعن ظهر سيف ف ويهن وهن كانو مسرعاات . ودزووو سيف ومحمد وعلي ف الحووض .. وهن طاحن وياهم خخخخ
وتبطلت شيلهن وعبيهن بعد واشكالهن فضيييعه

محمد: الله يخسكم .. زين جه
علي: ههههههههههههههههههههااااا ااااااااي حللللللوه ..
سيف: ويضحك بعد!! ... اونتوو ماتشووفن جدااكن .. الحيم انا شوو ذنبي
الكل: ههههههههههههههههههههههههه
وظهرووو من المسبح وكل واحد راح وخذ له شور وبهداه نزلوو تحت .. ( شواقي وعلايه بعد ماخلصن من لشور وصلن .. لبسن مخورة برتقاايه .. وحطوو كحل ونزلن تحت )
الجووو كان رهيييييب وكشخخخه وكاان برد .. والشبيبه كانوو يشوون اللحم والبناات والحرمات يسوون السلطة وباجي الاشيااء ..
شوووق: اويييييييه!!
الكل: شوووووووووووووووه؟!
شوق: ماشي هيهيهيهيهيهيهيهيهي
اليد(سلطان): طيرتي حمامة افوادي وتقولين ماشي
شوق فزت وراحت عنده وباسته ع راسه : فديتك وفديت حمامة افوادك
اليده(سلامه): امايه شوووق .. تعالي كملي شغلج احسسن
عزووز وشوااقي: اووب .. اووب .. اليده تغااااار ههههه
الكل: ههههههههههههههههه
اليده(سلامه) بنقمه : ضحكتوووو من سركم بلى ..
اليد(سلطان) راح جداها : فدييت عيووزي انا .. كله ولا زعلهاا
علايه: عااش العااااشق ههههههههههه
الكل: هههههههههههه
شوق: دادي .. باجر عندي موعد تقويم امنو بيوديني؟!
بوسعيد: امممممم .. سعيد بيوصلج
سعيد: لا بويه .. انا مارووم اصبر عن عناة روحي ثواني .. بعد ماتباني اصبح فـ ويهاا
روضة استحت من الخااطر: ........
محمد وهو يتذكر: امممممم .. انا بعد عندي موعد .. بوديج اويايه ..
شوق تهمس: هاا بلاه .. ف كل شي يرز فيسه
علايه: ههههه .. حرام عليج .. وبعدين احمدي ربج حد بيوديج
احمد ماشل عيونه عن مهاري .. ومن تصرفات محمد فياها..
عزووز: بوشهاب بلاك ؟ فيك شي؟
احمد: لا لا .. ماشي .. بس راسي يعورني شوي ..
عزوز: اها .. اوكيه .. سلاماات
احمد: الله يسلمك
بوسعيد: ها شواقي بتسيرين فياه ولا؟
شوق: امممممم .. مدري؟
محمد: بوديج بالفتك
شوق: امنو قاال مابرووح .. افا علييك .. عشاان الفتك كل شي يهوون
ساروه: لازم هذا عووقج ..
وبعد ماخلصوو من العشى .. والبناات راحو يسبحوون عسب ريحه المشااوي ..
والحريم والشياب راحو يرقدون .. ع الساعه 2:20 .. شواقي بعد ماخلصت من الشور لبست برموده وقميص نص كم .. وكانت لامه شعرها بتوكه .. كانت تبى تظهر عسب تروح غرفة السوني فيا علايه ... بس علايه اتاخرت .. وهي ظاهرة تاكدت انه مافي حد ف الممر .. وتربع .. وهي تركض دعمت شخص .. رفعت راسها .. وانصدمت بـــ ..................

كــــــــــــــــــــــــ ـــــــــــــــــــــــــ ــــــــــــت ..


امممممممم ..
امنوو تتوقعوون يكوون الي دعمته شواقي ؟!
وشو بيصير ف العايده ويا محمد وشواقي؟!
وشو رايكم ف الباااارت؟!


وحبيتـ اشكـر { i!اماراتيه كشخه!i } ع التصميمـ الغااويـ .. اليـ سوتهـ ليـ عسبـ القصة ..