[أخت الشهيد.]

السلام عليكم حبيباتي
اللهم صلي على محمد
صلوا عليهx







《 البارت الثالث 》
٣





































في بيت أبو محمد

سانده ظهرها على الجدار ..وضامه ركبها لصدرها ..تبكي.. تبكي بقهر ..اول مره في حياتها ابوها يضربها.

ذبحها القهرx

..مقهوره من نفسها ...مقهوره من كلامها عن أبوها..كيف!!كيف قدرت

أقول هذاك الكلام عن ابوي ..كيف أنا ما تربيت على كذا ..والله اهلي ما

علموني ارفع صوتي على أحد..أقوم أرفع صوتي عليهم ..على امي

وابوي.. "اعتلت شهقاتها " هم
الغلطانين ..هم إلي يبوني اتزوج

واحد شايب ..علشان فلوسه ..ليش ليش ..أنا بنتهم ليه يرموني كذا ..


دخلت نوير ومعها منور ..وهم خايفين على عويش من أبوهم.. لان

شكله كان يخوف لما طلع ..من البيتx


نوير ركضت لعيوش تضمها.. / عيوش حبيبتي وش فيك!! ليش تبكين يا قلبي ؟؟x

"عيوش تمسكت في اختها وزادت في بكاها .. نوير ما قدرت تتحمل وبكت معها على طوووول "

نوير وهي تبكي / خلاص عيوش الله يخليك ..اسكتي والله قلبي عورني منك ..عيوش خلاص لا تبكينx

"عيوش كل ما حاولت تهدي نفسها شوي زادت بصياحها..وبعد جهد قدرت تهدي نفسها شوي ..وشهقاتها مازالت"

منور جلست عند خواتها ..على الأرض ..حطت إيدها على خد عيوش

الأحمر..إثر الكف إلي أكلته..وأصابع أبوها معلمه في وجهها ..منور بدموع

/ عيوش باب ضربك صحححح ؟!! هو ليش بابا ماعاد يحبنا مثل أول؟؟

"عيوش مع كلام منور ..انهاااارت ..ضمت منور..ورجعت تبكي من جديد"

منور تبعدها عنها شوي وهي تبكي / لا تبكين حتى انا الحين صارخ علي عند الباب ..خلاص انا ماعاد بحبه..

نوير تبعد منور عن عويش وبعصبيه / منور خلاص ماهو وقتك ..اطلعي براااx

منور بصراخ نفس نوير / لا ماراح اطلع ..ولاهو بكيفك تطلعينيx

نوير / لاحووووول ..منور روحي شوفي امي وينهي؟؟..ورجاء تروحي ساكته..لان الجو ابد مو ..رايق لك أبد


"منور طلعت تشوف امها ..وهي معصبه ..وتتحلطم .."

نوير تمسح على ظهر عويش وبحنيه/ خلاص عيوش تكفين ..والله قطعتي

قلبي من كثر ما تبكين ..ارحميني وارحمي حالكx


عيوش تبكي بإنهيار / اخ يا نوير اخ والله ..مو قادره ..موقادره اصدق إن

ابوي يسوي فيني كذا..كيف كيف يبيني أتزوج شايب أكبر منه كيف !!! ..

طول عمري أقول إن ابوي ..ما يهمه شي قد سعادتنا ..ولا يبي من هالدنيا

غير يشوفنا مرتاحين .. بس الحين لا لا تغير تغير وحيييل بعد..


نوير وهي تبكي مع اختها وتحاول تهديها / اووووووووش ..خلاص

؛خلاص اسكتي... لا تبكين خلاااااص


























































****************






جالس في مكتبه ويفكر في خطبته الحين أنا خطبت ثنتين!! أتزوجهم كلهم مره وحده ولا كيف ؟؟؟؟؟!!!

لا لا بتزوج إلي.. توافق بالاول.. xوالثانيه إذا احتجتها .. بجيبها.. لا لا

لو وافقوا كلهن.. هذا المنى وحده
.. مسيار والثانيه نوديها للبيييييييييتتت ؟؟؟؟


" وهو في عز افكاره ..يخطط لمستقبله هههه لزواجاته الألف!!!..

انفتح الباب بأقصى قوة.. دخلت عليه وهي بقمة عصبيتها ..وقهرها ..


/حسبي الله عليك ...حسبي الله عليك ..ياسالم ..الله يقهرك مثل ما قهرتنيx

..بعد هالعمر كله تبي تتزوج علي!! ..انا شيخة بنت الشيوخ تجي علىx

رأسي ..ذي إلي مادري من أي شارع
جايبها لي..تبي تشمت الناس فيني

.."وبأعلى صوت" يادممم قلبك ياشيخه ..يادم قلبك ..وياشماتت العدوان فيك ..يابنت حساان ..

أبو نايف ..انفجع منها ..درعمت عليه كذا ..من دون سابق إنذار.. / علامك يامره ..انجنيتي ..صار في عقلك شي؟؟!

شيخة تضربه على صدره ..بقهر/ تسأل بعد!!..حسبي الله عليك ..قالها المثل ..يقتل القتيل ويمشي بجنازته..

وهذا إنت اليوم..طعنتني وتسألني علامك.."وبحرقه"ياجعل ربي يحطها

بين عيونك.."المصايب قصدها..تكون بين عيونه"


أبونايف يسكر فمها وبعصبيه /اسكتي وحطي لنفسك قدر إن كان تبغين ..ولا

يبي يصير علم ..مابيعجبك ولاهو بمرضيك أبد


شيخة جلست بنهزام ..ونفس مكسوره..وكل شي يرجف ..فيها من القهر والعصبيه../ هذي دعوت أمك ..عليك ياشيخة


أبونايف جلس على.. الكرسي المقابل لها .. وبهدوء / ماهقيت هالتصرف ..يطلع منك أبد ..وهذا وأنا أقول إنك العاقلة..سويتي كذا!!

شيخة رفعت عيونها له ونظرات مكسوره / وش كنت تتوقع مني ؟!..وأنت بعد كل هالسنين ..وبكل

برود قلت لي بتتزوج علي.."وبصوت عالي شوي.. بعد ماكانت تتكلم

..بصوت خافت شوي" وجيت تبشرني بموافقتها ..اخ .. عمري ماقصرت

عليك بشي ..كل واجباتك وحقوقك علي تميتها لك ..قايمه فيك وفي بيتك

وبناتك..تسافر وتغيب بالأيام والأسابيع..وعمري ما شكيتك ولا قلت

مقصر .. اشغالي واشغال بناتك ..قايم فيها السايق ..ولا حسام الله لا

يخلينا منه ..وإنت مرتاح ولا انت مهتم اصلا..والحين تبي تتزوج..عطني سبب

واحد لزواجك واقنعني به..وأنا مستعده اشبكها لك لو تبي"قصدها

تلبسها الشبكه"..بس إنت اقنعنيx

أبونايف ببرود / تبغين سبب واحد؟؟! "وهو يرفع أصبعه السبابه..مشيرا للعدد واحد"

شيخة / لذي الدرجه ..كثيره الاسباب ..إلي تخليك تتزوج علي!!!

أبونايف بنص إبتسامة / إنتي قلتي سبب ..واحد وانا حبيت أتأكد ..علشان

أقولك .."وبرفعه حاجب" مو إنتي طلبتي

شيخة تنهدت بقهر / إيه قول..أسمعك..

أبونايف بنفس بروده ..إلي يقهر / بكل بساطة ..وبدون مقدمات ..راح

أقول لك ..واتمنى إنك ما تزعلين..من صراحتي ..وترا مالك

آي حق إذا زعلتي ..لانه من حقي وربي حلل لي ..أربع "وهو يأشر

بأصابعه ٤" وانا ابغى ولد ..يشيلني لا كبرت..ويشيل خواته ولا يخليهم

يحتاجون ..لأحد لا حسااام ولا غيره


"شيخة كانت بتتكلم وتشفي ..غليلها من زوجها وكلامه إلي ..يجيب المرض "
لكن أهو رفع يده ب"ستوب" في وجهها..


وبحزم / خلاص الكلام إنتهى..هنا وبس زواج راح اتزوج..


عجبك كان بها ..ما عجبك الخيار بيدك..تبغين بناتك.. اجلسي ببيتك


معززه مكرمه..لك حقوقك ولي حقوقي..وربي يقدرني واعدل بينكم..

" طلع من المكتب ..وهو مقفي / اطفي الانوار وسكري ..الباب لا طلعتي ياشيخة..واحتمال في ذا

الاسبوع ..تجي الحرمه الجديده..وابيك تعقلي وتعقّلي ..بناتك وحركات الشرايك ومرة ..الابو هذيك أنا ما بيها..

"طلع وهو يشوف سماح واقفه عند الباب.. عارف إنها واقفه ..من زمان

وسمعت كل شي..وهذا إلي يبه ..عطاها نظره وقفى عنها ..كمل

طريقه وطلع من البيت "








"سماح ..كانت في الصاله ولما.. سمعت صوت عالي.. من جنب مكتب

ابوها..توجهت له..

كانت أمي..إلي تصارخ!!! ..وقفت عند باب المكتب

وأنا..اسمعهم وأشوف كيف أمي..مجروحه من زواجة ابوي ..يالله

ياقساوة.. قلبك يايبه..بعد كل هالعشره..تقهرها وتكسرها ..تكسر

أمي!! وعلشان مين؟..علشان وحده وافقت عليك..بس لأنها طمعانه بفلوسك..والايام راح تثبت"


" بعد ما راح ابوي ..ركضت لأمي ابي ..اواسيها و اوقف معها ..وكانت

امي تبكي والله انها تبكي من قهر.. ويحق لها ..بس للامانه ابوي ما

يستاهل ..تبكي عشانه...ايه ما يستاهل لا تستغربون !!..صح هو

ابوي واحبه واحترمه بس فعايله بأمي..اجبرتني اقول كذا..ولو انا

مكان امي ..والله ماببكي عليه ..وهو باعني بسبة ..ذي إلي إلى

الحين ما جت وهو ..يسوي كذا أجل لو شرفت ست الحسن..وجابت الإمبراطور..وش بيسوي؟!!"


قربت من امي وحبيت راسها / خلاص يمه ..حبيبتي إنتي والله ما يستاهل دموعك ..تنزل عشانه


شيخه قربت بنتها منها وضمتها بقوه ..لحد ما بغت تكسر عظامها..وبقهر / يبي يلويني بك ياسماح ..يبي يلويني

بك وبختك يا يمه.. من قال إني ابكي عشانه ..لا والله ابكي عشاني عشان نفسي وعمري إلي ضيعته معه .. باع عشرتنا برخيص يايمه باع عشرتناx

سماح بهدوء / خلاص يمه خلاص لاتبكين، عشاني يمه

"بعد ما هديت أمي..وديتها غرفتها ..واكلت علاجها ونامت ..الله يجبر

قلبك يا يمه..نمتي ووجعك وقهرك في قلبك ..ما قاسمتي به احد "






في غرفة سماح،،
سماح بقهر/ سمعتي أبوك وش يقول!!!

....."ماسكه جوالها ومدنقه عليه " ببرود وطفش / إيه وش الجدييييد؟؟

..ابوك طول عمره يخطب ..ويهون وكل مره امك تسوي لها مسلسل ..

والنهايه نفس ماهي..وشهو الجديد بالله؟؟!! "ورجعت مسكت جوالها"



سماح بغيض من برود اختها / الجديد يا ست نوف إن الحمارة إلي خطبها ابوك وافقت


..والجديد انه بيسكنها في بيتنا ..في بيت أمي ..بيجيبها ويجلسها هنا


.."وهي تاشر على صدرها" عله على قلبك ..ياجعل قلبها للقهر يارب


والجديد بعد إن البيت قايم قاعد .. وانتي ولا حاسه بشئ..

امك بتموت من القهر والغش ..تقطع قلبها ..وانتي ما كلفتي على نفسك


..تنزلي تطيبي خاطرها بكلمه ..أو تحاولي تقنعي أبوك يطخ ..عن الخبال

إلي يبغى يسويه .."وبعصبيه" يلعن برودك ياشيخه ..


"نوف نزلت جوالها ..تناظر سماح

بعدم تصديق ..كيف !يعني الحين

خلاص..صدق ابوي بيتزوج على أمي ..مو نفس دايم بس كذا كلام !! "

سماح بوعييد وتهديدد / طيب تبين تعرفين للراحه طريق يال******

..أنا لك والله لاخليك تندمين ..يوم توافقين على أبوي..















































*****************










داخل السيارة في أحد شوارع الرياض














علي / لو تبي نصيحتي ..سيبك من هالبنت ..والله والكلام إلي ينقال

عنها..وعن أمها وربي ينفر الواحد..


سلمان بعصبيه /علي خلاص كم مره..تبيني اقولك ان كل.. الكلام إلي

أنقال وإلي لسى ..بينقال كله كذب ..وظلم وحرام عليك الحرمه ميته..تقوم تظلمها وتتكلم عليها ..


علي بنفووور / لا لا لا لا ..انا لا ظلمت ولا قلت شي ..من راسي وهذا

الكلام الناس كلها تعرف به ..وتتكلم عنه حتى من قبل ..لا تموت الحرمه ..وانت بكيفك هذي نصيحتيx


سلمان / خل نصيحتك لك ..احتفظ فيها لنفسك ..عساها تنفعك بس.. ولا تتكلم في

اعراض الناس..وانت ما تدري ..مجرد سمعت فلان أو فلانه تكلم..


علي / إن شآء الله بحتفظ فيها ؛ لكن بسألك أبوها كيف؟؟!!..مظلوم اهو بعد !!x

"سلمان ساكت ما عنده مبرر لابوها "

علي / إيه اكيد بتسكت ..ما عندك شي تقوله وتدافع عنه..او تبرر لهx

..قدام العين ..خمار سكار ظالم وحرامي ..والعياذ بالله ..هذا إذا ما

كان زاني بعد..أسألك بالله هذا واحد ..يشرف يكون ابو لزوجتك..أوجد لعيالك ؟!!


سلمان عصب وسودت الدنيا بعيونه / علي ممكن تسكت ..خلاص ماعاد ابي اسمع منك ..حرف واحد ..والبنت وش

ذنبها إذا كان ابوها كذا..هاه وش
ذنبها..تحاسبونها على فعايل ابوها

..اهي أكيد ما بيدها شي..ولا تنسى يا علي ..ان ابوها ما كان كذا..وتذكر

لما كنا في المدرسه..ست سنوات فراش.. في مدرستنا مافيه أطيب

منه..مصلي مسلم ..وانت خابره ..والحين ربي ابتلاه..والبنت مالها

دخل..والحين بدل ما تفرحون.. لها بتتزوج وتفتك منه ..ومن وساخته لا

تبون تقطعون نصيبها ..الله يا ناس خافوا ربكم..وترا الدنيا تدووور

..والحين وقف خلاص ابي أنزل "وبصرخه" ياخي وقففففف

علي زاد السرعه / ماني موقف ..واذا كلامي ما عجبك بكيفك..انا ما جبرتك

ولا راح اجبرك..خويي وابي لك الخير ..عقلك براسك وانت حر..مجرد نصيحه وقلتها لك ..تبي تاخذبها خير وبركة ماتبي انتت حررررررررx











































































**************










عند أبو محمد،،



"هذي هقواتك فيني..ياعيوش طماع وببيعك..انا ابيع عمري عشانك انتي وخواتك ..وشلون ابيعك !! على واحد بطران..نفس ما فكرتي ..صحيح انا غلطت لما فكرت ..إنك راح تساعديني في محنتي ..والله وشديتني من يدي الي تعورني ياسالم..."نرجع للخلف شوي"




" في شركة ابو نايف وتحديدا..في مكتبه.. سالم جالس على كرسيه العريض..بسترخاء 'رجل فوق رجل'


ببتسامه خبيثه وهو يشغل نفسه في الأوراق الكثيرة قبال وجهه/ حقي وانا طلابه..'رفع راسه له'وعشانك حبيب وغالي راح أساعدك



أبومحمد /وشلون تساعدني.. ثلاث ميه ألف هذي ..وأنا على الله وعلى راتبي ..إلي يروح ثلاث ارباعه ..للديانه.."يقصد الناس إلي لهم دين عنده"سيارتي وبعتها ..ولحقت بالبيت عليها ..


اتمنى انك تقدر تساعدني صدق ..لآن والله ضاقت علي وعلى عيالي ..وانت مب حاجتها..خيرك يا ما شاء الله ..



سالم / خيري الله يزيده قول آمين..لكن حقي وأظن يحق لي اطلبه ..في اي وقت ولا؟! ..يابو عايشة ..



أبومحمد وسعت عيونه ..كيف يعرف أبو عايشة!! / عفوا؟؟؟



أبونايف ببتسامة أعوذ بالله منها / قلت تبيني أساعدك ..هاه؟؟



أبومحمد وبدأ يعصب بس حده الزمن ..لكن قال بسخرية/ هذا إذا كان تقدر



أبونايف بخبث ومازالت نفس الابتسامه / لا نقدر إن شاء الله..بس بموافقتك.. 'رفع حاجب وحط عينه بعين أبومحمد ..



أبومحمد عقد حواجبه ..وش قصده؟! بموافقتك'


أبومحمد / موافقتي؟!!!



أبونايف بخبث /وموافقت عيوش ..والثلاث مية ألف.. ماتغلى عليها



ابومحمد قام يقال مقروص/ كييييف!! انت وش تقول..بعقلك؟؟!!



أبونايف / أجل يومين ..وفلوسي بجيبي..ودبر نفسك عاد..ولا تنسى إن نص الفلوس ..انا معطيها لأسامة ..هههه وأسامه إذا قال هات ما يعرف غير فلوس ..والباقي إنت عارف




أبومحمد قام وهو يغلي ..والله يالزمن يالي حديتني على ..هالاشكال "

والله إن السجن ابرك من المذله ..




















































****************










عند حلوم

منسدحه على فراشها تنتظر النوم ..متى يحن عليها و تغمض جفونها ..تفكر في كلامها هي وعيوشx


"جابت الصينية وجلست بجمبها .. وبمرح / حيا الله عيوش ..إيه شخبارك؟! ..غريبه جايه لوحدك ههههه وين منور عنك !!

عيوش ببرود / في البيت... ما عندها علم بطلعتي ولا كان تعلقت في ظهريx


حلوم / هههههه حبيبتي تطفش لوحدها ولا فيه أحد فسنها أو قريب لعمرها تلعب معه .. المهم خلينا منها
.. وقولي لي إنتي وش فيك ؟ احسك مو مروقهx

*عيوش تناظرها بصمت*

حلوم عقدت حواجبها بتساؤل / وش فيك وش إلي مضايقك ..x

*مازالت عيوش صامته*

حلوم بترجي / عيوش وش فيك تكلمي ...ترا ما احب كذا اشوفك زعلانهx

عيوش تاخذ نفس / أبوي يبي يزوجنيx


حلوم عقدت حواجبها وبترقب / إيه

عيوش / وشهو إلي `إيه`x

حليمة / ما تبين تتزوجي صح؟؟

عيوش وبدأت تخنقها العبرة / إيه صحx

حليمة / ليه وش السبب ؟!x

عيوش تناظرها بغيض

حلوم / هههههههه عويش ياعمري لا يكون صدقتي البنات أيام المتوسط ؟؟

الوعد والخرابيط هذيكك .. ترا كلهم كذابات.. وأول وآحد دق بابهم وافقوا عليه

عويش / حلوم انتي مو فاهمه عليx

حليمة / أجل فهمينيx

عويش خلاص حبتين وتبكي / ياربي حليمان والله ما ابغى أتزوج

حلووم / طيب قوليلي ليش!!.. وش سبب رفضك كذا من الباب للشباك ما

تبغين !! لازم يكون به سبب لرفضك ..وتري الزواج سنه الحياة ..وكلنا

ماشيين عليها..و إذا كان إلي خطبك شخص اخلاقه زينه وسمعته طيبه

..صايم مصلي يخاف الله فيك ..احمدي ربك و وافقي عليهx


عيوش بقهر / حلوم إلي خطبني شايب..شايب أكبر من أبوي!! متخيله اتزوج واحد اكبر مني بخمسين سنه!!!

حليمه انصدمت من العمر / خمسين؟!!

عيوش هزت رأسها بإيx

حلوم بدأت تخمن وتسال بسرعه / متزوج ؟ عنده عيال؟x

عيوش /إيه متزوج.. امي تقول عنده خمس بنات.. اصغر وحده فيهم إحتمال
تكون اكبر مني

حلوم بعصبيه / عمى بعينه .. وش عاد يبي يتزوجx

عيوش بقهر / يبي ولدددددد .. متزوج من عهد فرعون ولا جاب له ولد .. ولا

راح تزوج في وقتها .. لا الحين تو يبي ولد ..قال ايش يشيل اسمه عسى

عزرائيل يشيله.. اهو وإسمه إلي مدري وشهو
قولي آمين

حلوم من قلب / آميين ؛ عويش حبيبي قولي لأبوك إنك ما تبينه ..

وخلاص ماله نصيب عندك.. لا تضيعين عمرك مع ذا الشايب .. والله احس انه

مزواج ..ولا واحد بعمره فاضي للخطبه وللزواج ..هذا إلي بعمره

يطلب الله حسن الخاتمة ..مو يتزوج وحده أصغر من بناته بعد ..بيصير جدهاx


عويش بسخريه / ههه اقول لأبوي وكأن رأيي مهم.. إنتي ما شفتيهم لما

يقولون لي إني انخطبت هو وامي ..وكأنهم وافقوا وانتهوا وخلاصx

جايين يعطوني خبر !!..مو جايين يسألوني عن رأيي!!!


حلوم / لا مستحيل خالتي و خالي عبدالله يغصبونك.. خصوصا خالي

عبدالله ...طول عمره وإنتي دلوعته..الحين يقوم يغصبك على ذا الشايب..لا حرام لا تظلمينهx


عويش / لا انا ما ظلمته بس ابوي من فترة وهو متغير ..صار غير عن أولx

حلوم / كيف تغير؟؟!

عويش / تغير في كل شي ..في معاملته لنا ..صار طول الوقت عصبي

وما يتحاكى ..آي شي يعصبه وادنى شي يزعله..تخيلي باع سيارته لما كنا

في أبها ..وبعد أسبوعين باع بيتنا .. جلسنا في ملحق في بيت صاحبه ..ما

قدرنا نتحمل ..والله ياحلوم ماتتخيلي القلق إلي عشناه ..هذيك الفترة.. ما

قدرنا نرتاح في بيت الرجال خصوصا إن ابوي يطلع كثير في شغله وبعد ما

ينتهي دوامه ..قلنا له نبي شقه نسكن فيها ..قال ما أقدر ما عندي

فلوس..طيب فلوس البيت والسيارة وين راحت!!!


حلوم / يمكن ابوك يشرب؟؟x

عويش / بسم الله عليه ..الله لا يقوله وش يشرب ذي ..لا لا ابوي مو راعي ذا الحركات ابدx


حلوم / يمكن؛ مجرد تخمين لان لما قلتي كيف صار عصبي وما يتحاكى

تذكرت أبوي والفلوس ما تدرون وين يوديها نفس الشي ..المهم خالتي وش قالت ؟ ما اتوقع تجبرك هي بعدx



عويش / خالتك ؟ خالتك موافقه وكانها تبي الفكه مني ..صدعت راسي وهي تقنع فيني اوافق..بس انا بكلم ابوي بالأول..















*******




اللهُمَّ جنّة باردة لروحه الطاهرة، اللهُم آمين 🌿.

















إلى هنا احبتي
سبحانك اللهم وبحمدك أشهد أن لا إلاه إلا انت أستغفرك واتوب إليكx

ردودكم وتوقعاتكم