[فيتامين سي]

روآض : هلآ ميم ( خافت ) شفيه صوتج لايكون تصيحين ؟
مهره انهارت : يزوي ماتت
روآض فزت : شوووووووووووووووووه شو تخربطين انتي
العنود دقت لروضه وشبكوها بالخط
مهره تصيح اكثر واكثر واخوانها مب قادرين يهدونهآ : فتحوا الاخبـآر , الطياره اللي متجهه لـ **** طآحت وقالوا انهم لقوا فيها جثه بنت مايعرفونها وهي نفس طياره اللي متجهه للدولة اللي ندرس فيهااا
روضه طاحت على الكرسي وهي مستوعبه شو يصير
العنود : مهرووووووووووووووو تتمصخرين !
مهره تصارخ : فتحوا الاخباـآر
والكل دمعت عيونه وصآحوآ وكانت المذيعه تتكلم عن الحادث بالتفصيل !
روضه تصيح : مستحييييييييييييييييييييي يييل
العنود تصيح بهدوء وتذكرت شي : آلظرف اكيد من عندها ويت بناااات ( وركضت بطلت الظرف وقعدت وتمت تقراهآ لهم )
" آلعنود , انا ماعرف متى بموت , وحبيت تقري هالرسـآله بعد ماكون انا مسـآفره خلآص , مهور وايد زعلانه مني خبريها تسامحني انا تعبت والله ونفسيتي داون , ماتهون علي وحده منكم تزعل احس الدنيا تضيق بي وايد , العنود بما انج اول وحده تعرفت عليها قبل مهرو وروضوه حبيت اوجهه الرساله لج , آنآ حبيت روضوه وايد خبله حبوبه وكييوت واعتبرها اختي ومهرو وانتي نفس الشي , العنود ديري بالج على عليهم وآيد , قال تعالى " وَمَا تَدْرِي نَفْسٌ بِأَيِّ أَرْضٍ تَمُوتُ " صدق الله العظيم , آحبكم وآيد ولآ تخلوآ شي يفرقكم , و و و و سـآمحوني كلكم "
مهره انهارت صدق يوم سمعت كلآمهآ : الله يغربلننننني شو سويت ماتت وانا السبب , آآآه ( وآنهآرت وفرت عنهآ التلفون وقعدت تصيح وهي تتالم من دآخلهآ بوآيد , خلت يزوي تروح وهي ماودعتها مثل الناس وفوق ها خسرتها بنفس اليوم )
العنود تممت تصيح بهدوء وكان روحها بدت تطلع من جسدهآ ( مستحيل مستحيل يزوي تموتت )
روضةة كانت تصيح بآلمم جدامهم كلهم ولاول مره الكل يجوفها ضعيفه
يوسف : روآض شفيج ؟
روضةة سآكته وتصيح بصوتتتتت وتشـآهق وسيده حضنتها يوسف
يوسف : هونيها وتهون مهما كان السبب
روضةة : ربيعتي ماتت يا يوسف مااااااااااااتت
عبدالعزيز انصدم : اي ربيعه ؟
روضةة : اللي يوم ياتني يا ابوي راحححت راححت عني راحححت
عبدالعزيز تم هآدي : انا لله وانا إليه لراجعون
. . . الـ 3 بنات دخلوآ في حآله نفسيه الله يعلم بههآ وتموآ طول اليوم منكدين ومآيسولفون وعقبها كل وحده رتبت شنطتها من التعب ونامت () ’
.
.
آلسـآعه 4:00 الفير نشت على منبههآ وهي عينهآ مورمات من الصيـآح
مهره دخلت سبحت ولبست وحطت عبايتها عليها وماسوت جحال ولا اي شي وسيدة نزلت شنطتها تحت وشافت الكل واعي
مهره : ابويه فديتك شحقه وآعي ؟
بوحمدان : افا افا والله بنتي تسافر وانا ماسلم عليها , وبعدين اصلا بعد شوي بيصلون العرب
مهره حضنت ابوهآ : علني ماخليت من هالويه يالغالي
وسلمت على خواتها واخوانها وعلى السـآعه 5:00 وصلت المطار وجافت البنات هناك وسلمت عليهم وقعدوا يتريون طيارتهم بهدوءء من الحزن اللي فيهم .. !
.
.
نفس الوقت لكن في العزبه ..
حنان نشت بتعب وراحت تغسلت وتوعيها : صالحه نشي عني اوف تعبتيني
صالحه : زولي عني
حنـآن : اوف منج اوف قومي صلآه بعد شوي
صآلحه : زين الحين بنش
وحنان راحت توعي كل حد بالغرف حتى امها وعمومها كلهم وراحت لغرف الاولاد دقت عليهم كلهم ويا دور غرفه صقر دقت الباب بهدوء لقت الباب مفتوح ترددت تدخل ولالا بس بالنهايه دخلت وكانت الغرفه ثلججج
حنـآن بهدوء : صقر صقر , نش صلآلآه
صقر : هههممممممم
حنـآن : صقرررر
صقر سوالهآ طآف حنان مشت تطالع غرفته بالعزبه وفي خاطرهآ ( اسميها امايه مدلعتنه وعاطتنه احلى غرفه بس يستآهل فديته )
حنـآن مشت جدام جافت مذكرةة لونها بنفسجي وفيها ذهبي بطلتها ولقت خط حلو فيها ( من متى خط صقور جي حلو ) وبفضول بطلتها ولقت مكتوب فيها كلام وقعدت على الكرسي ويلست تقرا وقام صقر
صقر عصب : منو سمح لج تفتحينهآ ؟
حنـآن خافت وفرتها : ماحد
صقر يزآعق : آطلعي برع والحييييييييين
حنـآن طلعت بكرامتها وركضت لبرع ودموع حآره تنزل على خدودهآ وراحت فوق ويوم آذن الآذآن صلت وركضت تحت للاسطبل عسب ماحد يجوفهآ
اما الباقين صلوآ وكلهم تجمعوا في الصاله وقرروآ انهم مآيرقدون لان مآتم شي على الصبح
صالحه بتعب : هاي حنون بصفعها طراق موعتني من الصبح اونه ظهرها يعورها من هالرقده ياخي شو يابها عندي ماعرف
مهآ : الا على طاري حنون ماشوفها
رقيه : ماجفتها , بس جفتها يوم يات توعينـآ
صقر كان يسمعهمم وكان ساكت
حمد : يمكن تتمشى
دلآل ساكته وماحطت عينها بعين حمد اببد
عاشه : بما انكم قمتوا بسير اسوي ريوق ويا الخدامات وبيون البنات يساعدوني
البنات كلهم قاموا ودلال راحت ويـآهم وقعدوا يسولفون ويا يدتهم الا دلال كانت ساكته عقب عاشه كلمتها ودلال وعدتها تتغير للاحسن وبجي انحلت سالفه عاشه ودلال ..
دلال : وين حنـآن ماجفتها
مهآ : ياخوفي عليها
عاشه : مآعليكم يمكن تتمشى بنتي واعرفها مابتروح مكان بعيد
اما صقر طلع يتمشى وهو يفكر وين حنـآن راحت وليش هو جي قالهاا بالاساس !
حنـآن مسحت دموعها وقررت انها تظهر ويوم ظهرت لقت صقر يتمشى وسيده رجعت انخشت عسب لا يشوفههآ بس هو لمحها وراح للاسطبل وهي دخلت ورى حصـآن وكانت خيفانه انه يرفسها
صقر : حنـآن آطلعي
حنـآن صآآخخخه
صقر : قلت لج آطلعي
حنـآن سكتت عسب ابد مايعرف هي وين قاعده بالضبط
صقر تنهد : هب ناويه تطلعين ؟
وفججآه بدون سآبق انذار ههآج الخيل اللي وراه حنـآن وحنـآن سيدة صارخت رآحح صقر وهداه وطلعت حنـآن من ورـآه
حنـآن وهي تمشي بسرعه : مشكووور ( وطلعت من الاسطبل وراحت سيدة المطبخ )
مهـآ : آآآآآآآع ريحتج كلها ريحه خيول سيري اسبحي
حنـآن : بسير بسير الحين ( وصعدت فوق غرفتها وتسبحت ولبست لها كندورةة وشمد ونزلت تحت اقين )
جافت صالحه قاعدة بروحها
حنـآن : امم صالحه بسالج
صالحه : سالي
حنـآن : أنتي ليش جي دايمـآ قاسيه واسلوبج جآف ؟
صالحه : بزا امج جي خلاني
حنـآن تفكر : بس امي مادلعتج وايد هذا يزاتها تحبج اكثر عنا ؟
صالحه سكتت : انتي ماتفهمين ولا عمرج بتفهميني
حنـآن : تكلمي نحن خوات يمكن اقدر اسوي شي
صالحه : انا حبيت واحد , وهو خـآني وانا اكتشفت هالشي , وبزا امي خلاني اصير اقوى وخذلانه لي خلاني اقسى من الانسانه اللي انا كنت عليها قبل !
حنـآن : ومتى كل ها صار ؟
صالحه : هه قلت لج ايام وعدت وخلاص
حنـآن حضنتها وهالشي سكت صالحه وباستها على خدهآ ويودت ايدهآ : اختي حبيبتي الدنيا ماتوقف على واحد وانا وياج دوم حتى مهايه ورقوي دوم وياج والله نحن نحبج بس اسلوبج يبعد الكل منج ياليت ترجعين صلوحه القبليه
صالحه طالعتها : شو بعد صلوحه انا بغير اسمي شكلي
حنـآن : هههههه يا ويلج يديه صالح بيزعل منج
صالحه ابتسمت : شكرآ
حنـآن : عفوآآ ( وقامت عنهآ )
.
.
يوسف قام وصلى وقعد يفكر ( والله البيت كان احلى بوجودهآ , والله انها احسن من خواتي ماعرف ليش جي كنا نعاملها من البدآيه , الحمدالله على كل حال والله يوصلها بالسلآمه , وان شاء الله بس تعرف اني احبها كاخو ونيتي صافيه تجاها تماما ) ..
.
.
جاسم دخل غرفه ناصر وهو هآدي
جآسم : انا مب مستوعب الكلام اللي قاله ابويه
ناصر تنهد : شو بايدنا نسوي كلمه ابويه هي اللي تمشي بهالبيت
جاسم : نحن جد ظلمناها يعني ؟
ناصر : كانه جي ههه شو هالسؤال العبيط ماتم شي ماسويناه لها وبعدك تقول ظلمناها يكفي انك كسرت صورة امها يعني انا لو حد سوا بي هالحركه بعصب وايد وعادي امد ايدي بس هي مادري كيف تبين القوةة وداخل الضعف ولا شو سالفتها ماعرف
جاسم : تعرف احس كلام ابويه عنها وعن امها غيرني من الداخل , يعني مادري كيف افهمك
ناصر يتمصخر عليه : لا تحسسني اكيد الورث هو اللي يهمك
جاسم : شو تتحراني شراتك , مب كل شي الفلوس انا جد اكلمك ولو بتم تتمصخر علي بطلع
ناصر : آبويه قال بيعطينا اي شي نبـآه اذا عاملناها زين بس ليش جي ابوي يسوي عشـآنهآ ؟ وليش قال لو مآعآملناها اوك بيحرمنا من الورثه ومن اشياء نحن نحبها وانه بيسعى في تدمير حلمنا
جاسم : انت غبي ولا شو سالفتك ؟ ترى روضه مالها غير ابوي من جي ابوي يحبها وايد وبعدين هي الوحيدة من امها كيف تبا ابوي يعاملها اكيد هي من ريحه الغاليه اللي ابوي فقدهآ , وبعدين تصدق انا مليت من هالعيشه المؤرفه .. متى بنتغير ماعرف وايد ظلمنا الخلق وتكبرنا وكله بسبب اميه وراجع كلامي زين وبتعرف ان وياي حق ( قام وطلع عنه )
.
.
جاسم نزل وجاف شوق كانت قاعده عند غرفه روضه
جآسم بهدوء : شحقه قاعده هني
شوق بخوف : جسوم روح عني انت كله تاذيني ( وصارخت ) آكرهك انت مب اخوي
جآسم قرب منها وحاول يفتح الباب وجاف ان غرفه روضه مقفوله : لا تترينها عيل لانها راحت
شوق قامت ونزلت ونزل وياها جسوم ويوم طلعت صوب القعدة في الخيمه راح وياها
شوق : شو سالفتك تلحقني ؟
جآسم : انا تعبت من اسلوبي القبلي وبتغير وحبيت اعتذر لج عن البارح
شوق : جسوم ترى والله انت مابتتغير وابصم , انت طينتك مثل نصور شو بيغيرك فهمني ؟ مسكينه هالروضه ماتعرف من وين ايها الظلم من امي ولا منكم
جآسم : ليش شوفيها امي ؟
شوق : ولا شي , بس اتمنى انك تتغير يا جسوم
جآسم : انزين انتي ليش خفتي البارح يوم قلت لج اني مابخليج تكملين دراستج ومن عصبيتي كنت بضربج ؟
شوق تقعد : كل بنت لها طموح يا جسوم واكيد انا لي طموح , وانا عن نفسي اطمح اني اكون نفسي واكون قويه مثل روضه , انا مابي اكون مثل منى , مرابعه بويات وتتخربط , وبعدين على فكرةة الحنان اللي عند روضه وتعاملها وياي عمري ماجفته من امي كنت مثل الخاتم ف ايد امي وللحين انا مثل الخاتم في ايدههآ , هه شو استفدنا غير طيرنا الناس من حوالينا وخلتنا نتكبر , امي يهمها جمالهآ وانا تهمني نفسي ! من جي انا وامي مب نفس الشي اما منى وامي لهم نفس المصالح ويحبون البيزات ف نفس الشي , اما انت ونصور يغلبكم حب الاشياء وتملكهآ , عادي تشترون شي وتفرونه اليوم الثاني ولا تحاتون ان في ناس في مناطق ثانيه تصيحح وتطلب طول يومها عسب قطعه خبز , والله انتوا مبزآين وابويه وايد ساكت عنكم
جاسم : خلاص فكينا قلنا لج بنتغير يا شوق ليش مب مصدقه
شوق : الايام بتثبت يا جسوم
جاسم تنهد : شو سالفه امي ؟ ليش قلتي الظلمم !!
شوق تنهدت : مترددة اقولك ولالا
جاسم : شوقو قولي
شوق تقربت من اخوها وطلعت صبعها صغير : اودعني بالصبع الصغير
جاسم : يهاااااااااا ( ووعدههآ )
شوق بخوف : مره كنت ماره وابي اروح الصاله الفوقانيه عسب اجوف فلم ربيعاتي خبروني عنه بالمسن , مريت صوب غرفه امي وسمعتها تكلم وحدةة , انت تخيل شو طلبت منها ؟
جآسم : آمم ممآعرف ماحب اخمن يلا قولي عاد
شوق : سحر لابويه تخيل وقالت لها بعطيجج 5 الاف بس يسمع كلامي ويحبني ومادري شو
جاسم انصدم وآيد من امه : مستحييييييييييييل
شوق : بتشوف الايام قداممم وبتعرف ان هالشي صار يا جاسم والكل بيكون ضد روضه وهالشي مخوفني , محد في صفها غير يسوف بس يسوف مستحيل يوقف بعد ضد اممي وايد !
جاسم تنهد : لا حول ولا قوه الا بالله , امي تخبلت
شوق : من قبل خبله
جاسم : ههه كانه مصخاناها
شوق : آمم جسوم اتغير للاحسن ماوصيكك اباك دوم وياي انا مالي غيرك بهالدنيـآ
جآسم : مآعليه يا اختي قلنا بنتغير بس بلا هالافلام الهنديه
شوق ابتسمت وقعدوا يطالعوا تلفزيون مع بعض . .
.
.
صالحة في خآطرهآ ( خل اقوم اساعدهم ) وقامت وراحت المطبخ والكل انصدم بس حنان ابتسمت
حنـآن : نور نور حيـآآجج
صالحه : ألله يحيج
والكل استانس وقعدوا يسولفون وعاشه اكثر وحده استانست بوجود صالحه وحستها لاول مره غير ومب جافه بالاسلوب وياهم
خلصوا وحطوا الريوق بالصـآله
حنـآن ودلال صبوآ لهم شـآي وطلعوا برع
حنـآن : لو يوعـآنه روحي دآخل
دلآل : لآ , بس ابي اقولج شي , احس العنود من يت صلحت كل شي من بينا ماتلاحظين
حنـآن : يب فديتها والله هالانسانه حبوبه زين انه تعرفنا عليهاا
دلآل ابتسمت : تعرفين ان العنود خلت امايه تسامحني على اللي سويته
حنـآن : آوونه
دلآل : هي والله وكان حلو الشعور والله وندمت اني عاملتها مب شي وهيك
حنـآن : آمم بسالج سؤال بس لا تزعلين مني ؟
دلآل : سالي
حنـآن بشك : وحمد ؟
دلآل ابتسمت بالم : حمد خلآني خلاص نحن مب لبعض والله يهنيه مع غيري
حنـآن سكتت وفي خآطرهآ ( يمكن انا بعد مالي نصيب ويا صقر )
دلآل : انتي تحبين حد من اهلنـآ ..
حنـآن : غيري السؤال
دلآل : ههه يعني تحبين
حنـآن : شورج ؟
دلآل : لا تستهبلين علي عاد
وطلع حمد وكآن يتمشى وطاحت عينه على دلآل ودلال سيدة لفت
حنـآن : لا حول الله بدينا بالغزل ههه من الصبحح اقول انا بقوم يمكن يبا يكلمج
دلال بترجي : دخيلج لاءءء
حنان ودرتها وراحت عنهم تتمشى وشلت شاهيها ويـآهآ
حمد قرب منهآ : حلو الجو
دلآل ابتسمت ( مثل حلاه قلبي المنكسر منك )
حمد : هآديه على غير العآدة
دلآل ( خليت فيني شي صاحي انت ؟ حطمتني ودمرتني بعد )
حمد : ححوه اكلمج
دلال : اسمعك وبعدين لي اسم ماحب حد يناديني حوه ؟!
حمد : شوفيج ؟
دلال : نحن عيـآل عم لا اكثر ولا اقل ليش متعب عمرك وياي تكلمني , مب انت اللي خليتني هاك اليوم منهاره ولا اعرفك ولا تعرفني والكلام اللي يسم البدن اللي سمعتني اياه شسوي فيه !
حمد تنهد : دلآل نحن جد مب لبعض وانا تراني بخطب جريب
دلآل بالغلط انصب الشاي على ثيابها وحرقهآ : آآحح ( وحاولت ماتبين المها اللي زاد من كلامه ) مبروك تستآهل الخير يا حمد
حمد : الله يبارك فيج , والله يعوضج بالريال الصالح اللي يسعدج
دلآل : آمين يآرب ( وقامت عنه واختفت من جدامه )
حمد تنهد : كيف تبيني اسامحج على شي سويتيه باختج ؟ الدور علي انا يا دلال صح علي !
.
.
حنـآن كآنت قاعده صوب الحشيش والورود وقرب منها صقر
صقر : ممكن اكلمج
حنـآن : تفضل
صقر : السموحه على اسلوبي مسـآعه آدري انه هب شي
حنـآن : مآعليه حصل خير ..
صقر تنهد : آحبهآ انآ
حنـآن : آدري باين من كلآمهآ فالمذكرة
صقر : هي ادري انها تحبني وانا احبها
حنـآن : ححلو , الله يديم هالمحبه
صقر : آبآج تتعرفين عليها
حنـآن كانه حد كسر قلبهآ وبقوه : آتعرف عليهآ !!!!
صقر : هي يعني جي اباها تعرف عايلتنا وجي تي العزبه واشوفها
حنـآن بآلم : أن شاء الله يا صقر لي تشوفه عطني بكلمههآ
صقر دق لها وعطا التلفون لـ حنـآن
شواخ ترد بلهفه : آلو
ووصلهآ صوت حنان الانوثي : يآ مرحب , السلآم عليكم
شوآخ انحبطت : وعليكم السلآم , مرحبتين , منو معـآيه ؟
حنـآن : همم انا بنت عم صقر , حنـآن , قالي اكلمج واتعرف عليج !
شوآخ استانست من تصرف صقر : هي حبيبتي والنعم والله , عاشت الاسامي حنونه انا اسمي شواخ
حنـآن : هي والنعم والله عاشت الاسامي شويخ
وقعدوا يسولفون شوي وعزمتها على العزبه اليوم وشواخ وافقت عسب تتعرف عليها اكثر وتشوف صقر وصقر استانس اما عن حنان ف تتالم ..
.
.
بعد سـآعآت من التعب فالطيـآرهه وصلوا البنآت للمكان المطلوب بامان , وكانت موقفه لهم بآصآت كبيرهه مآل آلجآمعه بآنتظآرهم وكان هاليوم اصلا يوم ان الشباب والبنات ايون ف عسب طرشوا لهم باصين واحد للبنات وواحد للاولاد
ميره بغرور : روضضضه
روضه طالعتها : خير
ميره بصوت ملغ : اليوم مب حلوه شفيه شكلج غريبه ماتعدلتي وشلتج نفس الشي
والشباب كانوا ينزلوا شنطهم والبنات نفس الشي وكلهم كانو بنفس السيد
روضه : ماطلبت رايج في شكلي , عليج بنفسج وبس ( ولفت عنهآ )
والشباب نقوا ضحكك
ذيـآب : ف نصف الجبهه ههه
ميروه طالعته : آكرهههههههكمممممممم ( وراحت )
روضه شلت شنطتها بتعب ومهره والعنود نفس الشي وسيدة راحوا الباص عسب يروحون الجامعه ويرجعون لحيـآه السكن والدراسه
.
.
+ توقعـآتكم () !
_يا ترى فعلا جاسم بيتغير للاحسن ؟ وناصر بيتغير ولا بيتم مثل ماهو ؟
_شو بيصير فاول يوم للبنات في السكن والجامعه ؟
_يا ترى يزوي ماتت ؟ وشو حياه الثلاثي بدون نصهم الرابع ؟
_شو بيصير بين شوآخ , حنـآن و صقر ؟
_يا ترى بوحمدان منو يبا يخطب لحمدان ؟
_منو اللي حمد يبا يخطبهآ ؟
_لو في توقعات ثانية كتبوها !!
_ رآيكم بالبارت .. !

مخرج () *

?ل الزهاب اللي معي ذ?رى من آصحاب الزهاب
واللي بقالي من عذاب اآشرس طريقي وآخطره? ♥♥♥’