فطوم : هلآ
العنود يلست تشرح لها الاشارات
فطوم ابتسمت : هههه معقوله مآعرفتيهم ( ويلست تحكي لهههآ ) احذري زين !
العنود : فطوم اللي قلتيه غلط ( ويلست تخبرهآ ) اتوقع جي !
فطوم منصدمه وتذكر : صححح العنود صح صح كلآمج .. انتبهي زين يالعنود هالشغله مب هينه
العنود بخبث تآم : هههههههه فططآمي بكلمج بعدين اوكي .. ورآي شغل الدنيآ
فطوم : آني هيلب تراني وياكم ماهي خاربه خاربه
العنود : مآتقصرين ( بندت وفرت الفون على يزوي )
روضه رجعت السكن وهي هآديه وجآفت حآرب واقف ويا البنات سيدة راحت صوبهم
روضه : آمم يزوي ممكن اكلمج شوي !
يزوي راحت وياها على طرف
روضه يلست تخبرها : انا لازم ارجع والله ابوي بعدين مآبيخليني !
يزوي : آوفففففففف انا خيفانه عليج يا غبيه والله هاي ناويه عليج قلبي مب مطمن
روضه : شو يسوي حروب هني !
يزوي : شو درآني فيهم ياختي ناوين على ميره وحروب وياهم !! ويساعدون بعض المهم انا مقفله بروح الغرفه فوق ( رجعت الطاوله شلت فونها ورآحت تريح فوق )
العنود : خلآص حارب فليل تعال عسب تاخذ الارقام بتكون زآهبه , من الكبير للصغير بيب لك ارقامهم
حآرب : كفو يالعنود .. ومشكورين
مهره : آلعفو
حآرب رآحح وقربت روضه من الطآوله ..
روضه تنهدت : بنات انا باجر برجع الامآرآت !
مهره والعنود لفو : شوووووووووووه
روضه : ابويه حلف لو مآيت مآبيخليني اكمل درآستي .. آحس شي خولوه مسويه له ( سيده رن تلفونهآ وردت ) آلو
جآسم : لآ ترجعين يا روضه امي ناويه على شي مب زين !
روضه بخوف : شو تقصد
جآسم : مآعرفف بس شوق كانت تصيح وخبرت يسوف .. كان المفروض مآقولج بس اخاف عليج منهآ .. آمي عادي تسوي اي شي فيج .. !
روضه ابتسمت بطمآنينه : آصلآ آححلى شي صار لي انكم آخوآني .. وبعدين لآ تخآف علي ولا شي انا بي ابويه حلف مابيخليني اكمل دراستي وانا حرامم ماتم لي شي هني الا كم سنه وراجعه في بي يومين وبرجع هني !
جآسم : زين من توصلين دقي لي بي باخذج
روضه : آوكي
جآسم : في حفظ الله حبيبتي ..
روضه : ويحفظك آخوي العزيز ( وبندت وتنهدت ) جآسم يعرف شي ومخبنه عني يا بنات انا متاكده .. قالي لا ارجع لانه امه ناويه على شي مب زين
العنود : هو نفسه اللي كسر صورة امج !!!!!
روضه : هي تغير وآيد صار احسن .. مآعرف شو السبب بس الله يخليه جي دوم
مهره تنهدت : روضوه مآتردين بروحج فاهمه ولالا
روضه : لآزم ارد .. تبيني مآشوفكم ؟ وآنحرم منكم .. مآآلي حيـآه من غيركم لازم اروح .. اصلا هالشغله بتوقف للابد لو مآرحت
العنود ومهره خذوآ نفس طويل .. مب عارفين شو اللي يصير لهم كل وحده مشآكلهآ قآمت تكبر ..
مهره لمحت حميد طآلع بروحه : بنات انا رايحه وبرجع .. ( وركضت برع السكن تلحقه ) حمييييييييييييييد
حميد لف : نعم !
مهره افتشلت : ابا اكلمك شوي ممكن
حميد : تفضلي .. اذا الشي مب مهم مب لازم اسمعه
مهره جرحهآ هالكلآمم وآيد : خلآص عيل مب مهم ( ابتسمت ) آنآ رآيحه ( ويوم كآنت بتمشي )
حميد يود آيدهآ : قولي لا تعصبي بي يكفي انج حآرقه اعصابي من متى .. شو اللي قاعده تسويه ..
مهره لفت وعينهآ تلمع : آنآ آسفه .. انا عمري ماعتذرت لحد بس ماعرف ليش اقولك هالكلآم
حميد ابتسم : قولي مهره .. شو اللي قاعد يصير
مهره : آممم تعآل نمشي
حميد رفع حياته : بنرجع نغير الموضوع
مهره : آمم لآء بس انت تعال نمشي وبخبرك !
وقعدوآ يمشوآ ومهره خبرته كل شي ..
حميد منصدم : لآءء يا مهره لا تسون بالبنيه جي ! كم واحد ضدهآ آنتي وحآرب والعنود وروضه مب زين والله
مهره بضيج وكآنهآ طفوليه : حميييييييد لا ادافع عنهآ هي الغلطـآنه
حميد : هههههه تذكريني باليهآل !! .. اوقف معاي .. لا توقف معـآه .. هو البآدي .. !
مهره ابتسمت : يلآ عاد انا مب ياهله .. آلمهم انت مآتعرف شي ( لفت الصوب الثاني ) ميره شريره
حميد بهدوء : ألمفروض تكلمونهآ .. يمكن هي تبا تتقرب منكم
مهره عصبت : حميد شوفيك آدآفع عنهآ .. ميره وحده خبيثه لا تقعد تصدقهآآآ ( ومشت جدامه وهي وايد معصبه خلآهآ وهو يمشي بالهون عقب لحقهآ )
حميد : ابا اسمع السالفه كلهآ
مهره : آظن قلت لك
حميد تنهد : متاكده ان ها كل شي .. عيل من الحين اقولج ان ميره مظلومه
مهره طلعت من طورهآ : ميرة مظلومه , ميرة حبوبه , سير حبها حميييد سير حبببهآ , هاي خبيثه ( وقامت ) انت مآتفهههممممممم ( لا شعوريـآ ) هاي بتيب قناصين تبا تموت وحده فينا وانت تقول بريئه ومظلومه ( وويهآ آحمر وهي تصارخ ) آكرهههآ وانا برآويهآ شغلهآ
حميد نش ويحآول يستوعب كلآمهآ ويودهآ من كتوفهآ : شووووووووووووووه
مهره حست نفسها تعبـآنه لآول مره : حميد هدني خلاص روح عندهآ .. !
حميد قعد مهره وراح شرى لها ماي ورجع وعطآهآ : شربي وريحي !
مهره تشرب الماي وهي تحس صدق اعصابهآ تعبـآنه
حميد قعد حذآلهآ : شو تقصدين بقنآصين ؟ صدق هي بتسوي جي !! انزين متى ووين .. وانتي عسب جي صارقه مسدس !!
مهره سآكته ومآترد عليه
حميد : ردي علي
مهره بهدوء : حميد لو صار شي اعتني بخيلي .. انا هذا اللي يايه اقوله ( حآولت توقف لكن حست ريلها مآتشلهآ ) انا بقعد شوي اذا تبا تروح روح عآدي
حميد : لآ بتم ..
مهره ابتسمت ويلست تشرب مآي وهي تذكر .. !
مهره : مآمآ تتوقعين انا يوم بكبر بكون حلوة ؟
مولي " حليمه " تمشط شعر بنتها وهي تضحك : وحد مآيحب الاميرة الجميله !
مهره : ماما لا صدق صدق يعني تتوقعي حد بيحبني ( وبجرآه منهآ ) ولد يعني ؟
مولي متفهمه بنتها وتعقص شعرهآ : هي ومنو مآيحب المهره يا مهرتي الحلوه
مهره متضايجه : حمدان كله يقول عني ولد لاني عصبيه
مولي : هههه اضرب لج حمدآن مآمآ كله ولا زعل اميرتي
مهره لفت تطالع امها وعينهآ تلمع : صدق بتضربينه عشاني
مولي : وآضرب سيف وياه بس الحلوه مابيها تزعل
مهره عفدت في حضن امها وقلبتها : مآمآ انا وايد احبج
مهره رجعت للحآضر ودمعت عينهآ وسيدة مسحتهآآ
حميد يربت على كتفهآ وكانه حاس : اشتقتي لامج
مهره فجآه آطآلعته : آمييييييييييييييييه انت ساااااااااحر !!!
حميد : هههههههههه اعوذ بالله ..
مهره لا شعوريـآ بدت تقول آحآسيسهآ : كنت آستآنس يوم المرحومه تضرب واحد من اخواني دفاعا عني .. خاصه لما يقولي حمدان اني ولد لاني كنت اعصب عليهم وآيد .. وسواف دايما يقول اني شرسه لان مأكنت اعطيهم سالفه وكله اضربهم او افتن عليهم .. من يوم راحت امي .. ( خنقتها العبره ) انا تغيرت وآيد .. مآعدت مهرتهآ .. مهرتها تغييييرت .. صرت اكره الكل فيني .. ( وتذكرت ) انا ليش احكي لك كل ها .. ليش اعتذر لك ليش ؟؟ المفروض انا ماكلمك احس اني اخون ابويه وثقته فيني
حميد ابتسم : مآعليه يا مهره الزمن يتغير .. ولا تحاتين ماحد بيعرف انج كلمتيني ولا قلتي هالكلام .. وتاكدي ان مثل مابوج يثق فيج فانا اثق بالمهره آكثثر ..
مهره ابتسمت .. وكآنهآ يآهله وحد ونسهآ بحلآوه : من زمـآن مآسمعت حد ينآديني المهره .. كلهم نفس الاسم بس امي تسميني مهرتها !
حميد ابتسم : مآعليه انا بعد بسميج المهره يعني لو مآعندج مآنع
مهره قلبهآ يدققق طبول : آكيد مآعندي مآنع المهم انا لازم اروح
حميد : لا تروحين يا مهور لا تسوين شي بتندمون عليه
مهره : مضطره .. اسمح لي ( وسيدة راحت عنه )
حميد ابتسم وتنهد ..
.
.
راشد وذيـآب قرروآ يروحوون المول وبالصدفه راشد جآف احمد ومحمد ودآنه اما عن سلآمه والبوديقآرد كآنوآ ف المحلات مع سلآمه من محل ل محل ..
احمد : دآآآآآآآآآآنه
دآنه : نعم
احمد : ابا ايس كريم
دآنه : بررد انزين لا مهور بتهزبني بعدين
محمد : مآبنخبرهآ
دآنه رفعت حياتها : نعععععم بصفعكم يلآ قدآمي
احمد ومحمد قعدوآ يخبلوآ ف دآنه
دآنه : خلآص خلاص يلآ جدآمي بوديكم
احمد ومحمد : هيييييييييييييي ( ويرآكضوآ )
دآنه مغطيه ويهآآ : آآآه يا فضيحتيه عند العرب والقبآيل ( ومشت وهي تحاول تيودهم لكن مآقدرت )
وراحت وهي تشتري .. !
1 : مرحححبآآ يالغووي !
2 : بس تصدقين ريحه عطرجج عذآآآب آحح بس !
آحمد ومحمد : آنتوآ شو تبون روحوآ من هني
3 زخ محمد : تعآل ويآنآ
دآنه صارخخت : هدددددددددددددده !!!!!
راشد وذيآب يطآلعوآ : هذيل مب اخوان مهره !
ذيـآب : بلآ طآلع اشوف شباب يمطون محمد قوم نروح
رآشد : يلآ ..
احمد خاف : ايييه خلووووه
1 : شو رايك تي ويآنآ
ذيآب : شو رايكم تخلوهم لآ آكسر فجك انت ويـآه
راشد كآن وآقف ويطآلع رقم 3 ومآحصل غير بكسس محترممم على ويهه ونزل من خشمه شوي دم
راشد : هههههه جرب تعطيني واحد ثاني والله لآدفنك
3 قرب من راشد وعطـآه ثـآني وطلع من شفآيفه الدم
راشد طآحح فيه ضرببببببببببب لين مآسوآ علآمآت البلآ في ويه رقم 3
1 : خوزوه والله ليذبحه
ذيآب يخوز راشد : رآآآآآآآآشد دخيلك خلآصص
راشد : آيآ حيوآآآآآآآآآآآآآآآآآآن , انا انت تمد ايدك علي , هدني عليه هدنننننني خلني اربيه الحقير
دآنه سيدة تغشت وسلآمه وعآمر ونآدر يو وجآفوآ الضرابه عآمر طلع مسدسه وسيده قرب من من رقم 1
نآدر موجهه مسدسه صوب رقم 3 : تتحرشون فيهااا
عآمر محطي المسدس في رقبته : آذببببببببببحك
ذيـآب : دخيلكم خلآص .. يكفي الضرب اللي حصله هذآك يكفي
راشد : اذبحوه فكونا من حشرته هالجلب .. !
سلآمه : آمبييه طآعي ويه هذا انضرب بالققو
دآنه يتها حاله الخوف ومآقدرت تتنفس آببببد وكانت متغشيه فوق ها !
سلآمه تهزهآ : دآنه فيج شي , دآنه
نآدر يكلمهم : لو صار فيها شي بنذبحكم وتآكدوآ ..
سلآمه تهزهآ باقوى وتصارخ : دآآآآآآآآآآآآآآآآآآنووووو ووووووووووووووووووه
راشد سيدة لف يطآلعهآ كآنت طآيحه على كتف اختها ومتغشيه ومب ظآهر منهآ شي وتذكر
" آنآ يوم اخاف تيني حآله مآقدر اتنفس هو مب مرض يعني عآدي "
نآدر : عآمر خلنآ نروح !
عآمر دخل المسدس : يلآ ..
سلآمه سآعدت اختها لين وصلوآ للبوآبه وسيدة توجهوآ للمستشفى ذيـآب روحح وراشد لحقهم للمستشفى بدون لا حد يعرف عنه
راشد : آممم اريد الاستفسار عن الانسه التي دخلت للتو
الممرضه : هي بخير الان .. يضعون لها الاكسجين وسوف يتم تخريجهآ
سلآمه تعبت : انا ابا ارد الفندق
عآمر : بوديج وبرجع لهآ
دآنه بحزم : لآ كلكم روحوآ .. طلعوآ احمد ومحمد مسآكين اليوم بنروح .. كتبولي اسم الفندق في ورقه وانا برجع
سلآمه : شو هالكلام لاء
دآنه : بليز سلآمه محتاجه اني اريح وبطول شوي روحوآ آنتوآ تمشوآ ومآوصيج خذي لي انا وياج وطيفو ومريوم نفس اللبس واكسسوآرآت وحركآت
نآدر : بس
دآنه : لآ بس ولا شي من اخلص بدق لكم لا تحآتون
وبعد محآولآت من دآنه طلعوآ الكل عنهآ وراشد جآفهم عقب سيدة راح لها الغرفه ودخل بدون لآ يحس
دآنه من التعب متسآندة ومحطوط لهآ ألآكسجين وشعرها الاشقر شوي طالع واول ماجافت راشد سيدة تحجبت وبطلت عنهآ : انت !
راشد تسآند صوب الباب : آنتي بخير !!
دآنه افتشلت : هي انا بخير لآ تحآتي ( بتردد ) آمم مشكور .. لآنك دآفعت عنآ وسوري على الضرب اللي حصلته
راشد : مآعليج حصل خير .. يلآ حبيت اطمن عليج ادريبج خوآفه وتتعبين .. مع السلآمه ( وطلع )
دآنه عقت راسها على المخده " فددديت هالريحححه علني مآخخخليت ,, آوففف يا غبيه يا انا هو يحب غيرج , طلعيه من راسج خلآصصصص " ! ويوم خلص آكسجينهآ دقت لهم يمرون يآخذونهآ ..
.
.
مهآ وخواتها كانوا لابسين مخور .. اما هجور بنطلون وقميص .. والريم واهلها كانوا بعبيهم بس رايحين البدآير كلهم
فيصل : تعالي بنسولف
رقيه افتشلت
عاشه : لآ ماتسولف ولا شياتك يلآ يلآ عن هالمصاخه قبل العرس .. !
فيصل : آمييه والله بكلمهآ باشياء مهمه
عاشه : عاد اللي يقول رقوي ميته ماتباك اقول روحوآ ويآويلكم ان حد جافكم ولا سويتوا شي ( وبتهديد ) الله فوق وبتدخلون النار
رقيه : هههههه آميه شقصدج .. نحن بس بنرمس
عاشه : زين لا تبطون
رقيه وفيصل رآحوآ يتمشون وقعدوآ يرمسوآ باشياء مشتركه تخصهم .. وطلعت وآيد اشياء متشابهه فيهم ..
صوب بطي مانسى الشي اللي سوته هجور وانقهر اكثر يوم جافها ببنطلون وقميص وراح بعيد وهي لحقته
هجور : بطوي شفيك مآتكلمني مثل الناس احسك زعلآن ؟
بطي : يوم بتغدين حرمه تعاليني كلميني
هجور : شو تجوفني قدامك
بطي : عيل بنت جدام عيال عمهآ جيه تلبس .. جد جد فشلتيني .. تشوفين بنات عمي كلهم مخور واهل الريم بعبيهم واكيد مخور شحقه انتي مالبستي مخور .. هاي اول مره اشوفج ببنطلون وقميص واحسني كل مالي اتقزز منج لا تقربين مني ابد يا هجور .. انتي وايد تغيرتي .. مآعدتي هجور اللي احبها من ايام الطفوله ( وخلاها ورآحح اما هي تمت مصدومه !! )
حمد والريم كانوا قاعدين بطرف وقعدوآ يسولفون باشياء سخيفه لان مآيعرفون شو يقولون لبعض
اما صوب حنـآن ودلآل فكآنوآ يلعبون
حنـآن : ابا الدرآجه شرايج نركب
دلآل : آخآف ننقلب
مهآ : والله ان اميه بتمرغكم بقببببب محناااااااااااااااي جان سويتوهآ
حنـآن بجرم : يلآ
دلآل بخوف : يلآ
حنـآن راحت بعيد وشغلت الدرآجه وركبت هي ودلآل وقآمتت تسرع ودلآل تصرخ
دلآل بخوف : خففي والله اخاف ننقلب
حنآن لافه تكلم دلآل وفججآه .. !
مهآ : بسم الله الرحمن الرحيم ( تدور عكازها وجافته بعيد ) آحممممممممد .. آحمممممممممممممممممممممد
احمد قرب : شو صاير
مهآ تصيح : خواتي وين خواتي ماجوفهم توهم جدام عيني قلبي يعورني سير جوفهم !
احمد رآحح وجآفهم وضحك : لآ تخآفين هم بخير
مهآ : شو استوى !
احمد : حنون طايحه ف دلول ضرب لان خلتها توقف ههههههههه !
مهآ : ههههه خسهم الله ( تمسح دموعهآ ) تحريتهم انقلبوآ شي
احمد : فديت الناس الحنونه انا ياربي علني ماخليت
مهآ افتشلت : ولآ خلينآ من ناس نحن بعد .. "
حنآن : آنزلي لقعه تلقعج يالملقوعه انززززززززززززززززلي
صالحه جافتهم : آمييييييييييه طآعي حنون ودلآل
عآشه عصبت : يا مسودات الويه , يا قليلات الادب , انا غضبانه عليييييييييييييكم
حنان : والعثررررررررررررره ( وتشخطه ) اخر دوره تحملي ( وتسرعع آكثر وآكثثثر ووقفت ) آوف يلآ ننزل !
دلآل ميته خوف نزلت وهي ترجف وراحت تقعد : يقولون عيوزي زعلآنه مني
عاشه : عيز حيلج انتي وريلج اللي بياخذج مالت عليكن من بنات لا تنفعن ولا شي .. لا تهشن ولا تنشن مالت بس انا ايام ماخذاني صالح كنت غرشوووووووووووب
صالحه : بدينـآآ .. كنتي غرشوب وضعيفه .. وتتمخطري ف الشوارع عسب تحصلي خطاطيب
مهآ & حنـآن & دلآل هلككككككككككوآ ضحك
عاشه : يا مسودة العين ايا قليله الادب .. شو تتحريني شراتكن مامتربيه انا اراويج ( وتعفد عليها بالنعال وضربتها 3 ضربات )
صالحه : آآآآآآآآآآآآآآآآآآآآآآآآآ ي , آبووووووووووووي صالح ( ونشت تركض صوبه ونامت ف حضنه ) اميه عاشه كله تضربني
صالح يطالعها : الا السميه يا عاشه ياويلج لو تقربينها
عاشه : ان شاء الله طال عمرك تامر امر
البنات يطالعون بعض
حنان : عشتوا للريل الحب والسمع والطاعه ولنا نحن نعال وقب !
عاشه : عيل لا يكون تتحرن عماركن مابتسمعن كلآم ريلكن امفف على هالبنات انا بربيكن من اول ويديد شكلكن !
وقعدوآ يسولفون وتغدوآ ف البدآير والاولاد لعبوآ وحسوآ جد هاليوم غير ومستآنسين من ناحيه حمد اتاقلم شوي مع الريم وفيصل ورقوي وايد متفاهمين ..
.
.
حمدان : ابوي ابا اشوف البنت !
بوحمدان : وآبوي عليك استحي اطلب منه هالشي
حمدآن : مآلي خص ابوي الحين تدق لعميه وتخبره
بوحمدان دق وهو مفتشل وخبر بوحميد ورحبوآ به اليوم ايون ويشوفون البنت ..
بوحميد : حمدوووه زهبي نفسج ريلج ياي
حمدة توترت : هآآآآ !!! ( وركضت فوق ويلست تفرفر ف كل مكان وهي خيفـآنه شسوي ياربي شسوي ! )
واخر شي قررت تلبس دريس جي هو آزرق وآبيض .. وحطت عليها الشمد الزرقـآ .. وجحلت عيونهآ من برع من طرف وسوت مسكرة خفيفه .. وسوت بلشر طششـآت وحطت روج وردي خفيف .. ( تبتسم وتطالع تقويمهآ ) يباله تغير اوف من هالحآله وتعطرت وقعدت تتريـآه !!
حمدة ياست ودقت لهنآدي : هنآدي انا خيفانه اليوم بشوفه !
هنآدي : هههههههههه وعاششو عاشششو يعيشيوووووووووووووون
حمدة : ههههه انتي مينونه ولا مينونه !
هنآدي : نزلي شوفيه ولو غاوي خبريني !!
حمدة : آنقلعي بس لايكثر امدح لج ريلي .. يلآ امي تناديني تحت شكلهم يو ( وبندت وخذت نفس ونزلت تحت عند آمهآ )
ام حميد : محلوه ماشاء الله
حمدة ابتسمت : مشكورة امايه !
ام حميد : طبعآ محد ياي من خوآته .. لان كلهم برع .. حبيت اخبرج ان هو بالميلس الثاني بروحه يتريـآج روحيله شكله يبي يكلمج
حمدة فجت عيونهآ وحلجهآ : بروحححححححححححححححي !!!!
ام حميد : روحي يلآلآلآ فكينآ عن يزعل ابوج ليش تاخرتي عن العرب
حمدة خذت نفس وتشجعت ودخلت وجافته سامت بكندورهه وعقـآل وانصدمت تيبست مآعرفت شو تقول او شو تسوي
حمدان ابتسم : دخلي !
حمدة دخلت : السلآم عليكم ..
حمدآن : وعليكم السلآمم !!
حمدة تمت صااااااااخه وطول الوقت منزله راسها ..
حمدان : ابا اخبرج اشياء عني عسب عقب مآتنصدمين او تقولين انج مآكنتي تعرفي عني عن هالاشياء
حمدة رفعت راسها وطاحت عينهآ فعينه وهي تترياه يرمس .. !
حمدآن " جميله .. فيهآ ملآمح من حميد .. برونزيه بعد " : آممم انا طبعا انسان ادمان شغلي .. طبعآ أنتي خبروج ان نحن بناخذ بعض بعد الثانويه .. فلو تبين تكملين عآدي مآعندي اي مانع تكملين مع خواتي او اي جامعه تبينهآ .. وبس والشغل على الله لبعدين بفكر لو بخليج ولالا , وهي صح ( وبجرآه ) انا ماخذتج حبآ فيج خذتج عشـآن ابوي
حمدة كآنه حد صب عليها ماي بارد سيدة لفت : وانا بعد !
حمدآن رفع حياته : شتقصدين !!
حمدة وقفت : يعني انا بعد وافقت عشان ابويه مب حبا فيك ( وطلعت عنه ويلست تتحرطم بصوت عالي وآيد ) مالت عليه من متكبر فالح يتشرط علي من اول يوم ..
حمدان يسمع حرطمتها من برع
ام حميد : بنتي شفيج !
حمدة : فيني عله من هالعله حمدان ( وصعدت فوق )
ام حميد : يا فضيحتيه وآلله يا هالبنت بتخبل فيني
حمدآن طلع وراح الميلس واسترخص لان عنده شغل وسيدة روحوآ لبيتهم ..
.
.
+ توقعـآتكم () !
_شو بيصير في الحديقه وميرة على منو ناويه هالمره ؟ ومنو اللي كانت تكلمهم بالتلفون وتعزمهم ؟ وليش دخلت مكتوم بالموضوع ؟
_شو بيصير مع كل من ( روضه , خوله , عبدالعزيز ) !!
_ناصر يا ترى بعد مايعرف عن امه في صف منو بيكون !
_حححآرب شو كآن يبغي قوم مهره يسآعدونه ؟ يآ ترى ارقآم منو يبغي !!
_رآشد ليش حب يطمن على دآنه ؟
_آذآ في توقعات ثانيه كتبوهآ ..
_ رآيكم بالبارت .. !
مخرج () *
آنآ آ?ِثر [ آنسـآن ] تعلمَ من ?ِثر مآ آخطأ و صآب
آنآ آخر [ لسـآن ] يت?ِلم في زمآن الثرثره? ()"
|