آلبآرت السآدس عشر . . ’
مدخل () *
ترى لو للقلوب عيون و لدموع آلعيون آه?دآب
حشآ مآ تنزل آلدمع? لـ غير? لو تر?تيني ♥♥♥♥ '
تم النداء الاخير للطيآرة كآنت آفكآر مهره تيبها وتوديهآ مب عارفه شو تقول او شو تسوي ..
مهره ركبت الطيـآره وكآن حذآلهآ واحد بالبدآيه رفضت لكن مآقدرت تسوي شي .. حميد جافها متبهدله فغير مكانه مع الريال
مهره مفتشله : مشكور !
حميد : آلعفو ..
وبعد مآطآرت فيهم الطيـآره مهره صدق كانت تحس بتعب بطلت لها اللحاف وحطته على جسمها وتكورت ونامت اما حميد قعد يطالع فلم .. وفي نص الفلم انتبه على شكل مهره .. كيف بريئه وهي نايمه ومستويه مثل الكورةة
حميد " شكلهآ بردآنه " رفع اللحاف عليها عدل ورجع يطآلع فلمه ..
.
.
يزوي عقب ساعات نشت من تعبها وكانت تحس عمرهآ آحسن مسكت تلفونهآ وطرشت له
" شكرآ على الاتصال / آنآ بخير لآ تحآتي "
سيف مآرد عليهآ لآنه كآن منشغل مع اخوانه ومع حمدآن اللي مآحصل يفصل غير اليوم ويبغي كندورته بآجر
.
.
حمدة بخوف : بس انا مابا كل ها .. !
سلامه دقت لحمدة : حمدوووووووه
حمدة وكآنهآ تحس براحه لما حد يكلمهآ : هلآ فديتج !!
سلآمه : آممم نبا ني نتحنى عندج !!
حمدة : زين تعالي يلآ انا ملآنه هني بروحي .. امايه مب راضيه تتحنى .. آونه بروحها بتسوي قصه مآدري غمسه
دآنه : بنتريـآ مهره وبني كلنآ
حمدة : آووه مهآري يآيه زين وآلله بتونسوني .. بتريـآكم
سلآمه : آوك .. ( وبندوآ )
.
.
العنود كانت كاشخه وجي وقررت انها تنزل تحت الكوفي وتيب لها شي تشربه عسب تكمل المشروع مآلهآ ونزلت وخذت لهآ وهي طالعه جافت مكتوم يرمس بالتلفون ..
مكتوم : آمم آليوم ! .. هي منآسب .. بتيبين ولدج .. آهآ .. آوك .. آوك .. مع السلآمه ( وبند ) لف جآف العنود ورآه
العنود مشت وهي مبتسمه " خآين مثلهآ .. هي تلعب على الحبلين على ريلهآ وعليه وهو اهبل عايش على حب وحده مثلهآ " : آلله يآلدنيـآ
مكتوم : وليش عاد هالكلام
العنود : مآظن لك حق تلحقني ( وقامت من دربه ) تقدر تتفضل تروح !
مكتوم : آمم آلعنود
آلعنود : قمت اتقزز لمآ تنآديني باسمي .. مآيكفي عذبتني قبل .. لو تعرف كيف بس انا اكرهك !
مكتوم : العنووووووود !
العنود : وسم يسم العنود ويآخذهآ ويفكك منهآ .. مب هذآ اللي تبـآه لشو يآي وتعور برآسي وتردهآ علي !!
مكتوم : شو رديت برآسج عآد !
العنود : هه آنت ممثل وآيد عججيب تصدق .. بس بنفس الوقت غبي .. وآيد غبي يآمكتوم .. آفآ وآلله .. تحب تروح ورا حرمه متزوجه وصآر عندههآ ولد .. أنت شو من البشر .. ترضى حرمتك تروح عند غيرك وبينكم ولد .. وآلله انت مافيك مخ ( بعدت عنه ) لا تقرب مني .. آنآ نسيتك .. وآكرهك .. وآنت هآمش في حيآتي .. تبـآ عهود روح لهآ لانكم نفس الطينه وآلله ( ومشت وخلته )
مكتوم سوآلهآ طآف ورآح يكشخ عسب يجوف عهود . .
.
.
العنود صعدت فوق جافت روضه تقرا قرآن ويزوي تسبح ..
روضه من خلصت باست القران وحطته صوب شبريتها : هلآ عنآد
العنود : آهلين حبيبتي
روضه : وين رحتي ؟
العنود : نزلت ايب لي كوفي
روضه : الحمدالله آحسج آوك مآتضايجين الحين
العنود : هي .. لآني قمت اواجه مكتوم .. وبعدين انا قررت انسـآه وآبدآ بدآيه مآفيهآ مكتوم ولآ حب ولآ خرآبيط !! يمكن كآن مجرد اعجاب فيه .. هو يركض ورا عهود ويجوفني فيها .. آآه متى آيني ولد الحلال وافتك
يزوي طلعت من الحمام وهي تنشف شعرهآ : ههههههههه يالسودة تبي تعرسي
العنود تقعد : هي وآلله ابا اعرس يمكن احصل الاستقرار والامان اللي احلم فيه من كنت صغيرة .. هه لآ آهل مثل آلنآس ولآ شخص اعجبت فيه سوآلي سالفه رغم الاذى اللي سببه لي .. مآلت عليهم كلهم بس .. شقول خلوني ساكته احسن !
يزوي تطآلع عمرهآ بالمرآيه : شكلي يخرع .. ( وسوت ستآيلهآ المعتاد وتعطرت ) آممم بنآت خآطري آطلع
روضه والعنود بنفس الوقت : قري مكآنج
يزوي : هههههههه متفقات شو
روضه : جب جب .. ( يودت فونهآ ودقت لخآلهآ ) آلو
مبآرك : هلآ روآضي كنت اتريا اتصالج .. يآلخآينه هذآ كل يوم !!
روضه افتشلت : وآلله تعرف عاد بدينا دراسه ف مالحق اهم شي اتصل لك صح ولالا
مبآرك : صح فديتج صح ..
روضه : شخبارك .. شخبار يدوه ويديه و شخبار آبويه ؟
مبآرك : آبوج مآعرف عنه شي لكن آمي وآبوي بخير ويسلمون عليج ويبون يكلمونج هم وياي ويت ( وعطآ آمه الفون )
يدتها صاحت : وينج يآ بنتي مآتسآلين عن آمج
روضه مآستحملت ونزلت دموعهآ وبصوت مبحوح : آمييه شحقه تصيحين .. وآلله حقج علي بس مابي دموعج تنزل
يدتها : آنآ يوم اعرف انج بخير .. آكون بخير ( وتمسح دموعها وتحاول تقوي عمرهآ )
روضه تمسح دموعهآ : آمآيه .. آبآج دوم بخير عشآني .. آنتي سندي بهالحيـآه .. آنآ اشتقت لج وآيد ..
يدتها : يآ بعدي والله انا مشتاقه لج يآ حبيبتي انتي الضنآ وآنتي الغلا لآ تبطين في بلد الخياس هذيل بسج تعالي
روضه : ههه ان شاء الله يا قلبي ان شاء الله من اخلص بي
يدهآ سحب التلفون وسلم عليها عقب مبآرك كلمهآ شوي عقب بندوآ عنهآ ..
روضه بالم : اتضايج لمآ آجذب وآقولهم آني برجع
يزوي : نحن مآبنخليج هني
روضه : مب كيفكم .. نحن صح ربع لكن احترموآ قرآري لو مره .. طآوعوني عليه .. يآخي انا شو بستفيد يوم برجع تبون ابويه يصفعني يذبحني عشان خولوه .. ( حست عمرههآ بتصيح لو تمت ويآهم دخلت الحمام وسبحت ولبست وسوت جحآل من داخل عيونهآ وقلوس ابيض وتعطرت ولبست شيلتها وسحبت جاكيتها ونزلت )
العنود : كيف تطلب منآ هالطلب .. آدري انها متضايجه وآيد منآ بس شو نسوي ..
يزوي : مآنقدر نخليها هاي مينونه وآلله .. كيف تبا اتم هني بروحهآ .. اشتقت لميم احس مكانها فاضي وآلله ..
.
.
في الطيآرة كآن الوقت العصر .. تآخروآ وآيد لين مآ يآبوآ آلآكل حميد آحتآر كيف يوعي مهره قعد ينآديهآ
حميد بصوت خفيف : مهره .. مهره
مهره آبد مآردت
حميد مط اللحاف من تحت : المهره
مهره فتحت عيونهآ بتعب وهي تسمعه ينآديهآ
حميد : آلمهره نشي آكلج يآ
مهره قآمت بتعب وهي تحس راسها بينفجر .. وابتسمت لحميد وقآمت رآحت الحمام وغسلت ويههآ وطلعت ردت مكانها وتمت ساكته
مهره بس بطلت الماي وقعدت تشربه وهي تحس اعصاب مخها بدت تتلف .. كل شي حوآلينهآ يخليهآ ضعيفه مآتعرف شو تسوي
حميد : ليش مآتآكلين .. تبين يغيرون لج الاكل ؟
مهره ابتسمت وهي لافه تطالع الجامه : لآ مشكور .. مالي نفس
حميد : بس لازم تآكلين انتي ماكليتي شي من الصبح
مهره : لآ مابا شكرآ
حميد : برآحتج ( ولف عنهآ وقعد يآكل آكله )
مهره طلعت دفترها من الشنطه وطلعت القلم وقآمت ترسم اشيـآء هي تجهلهآ ..
مهره " شو اللي يصير لي .. آآه يآربي .. مشكله ورى مشكله .. حتى حميد اذيته ويـآي .. آوف مني آوف "
حميد طلب لها سفن آب وطلب له هو بيبسي بحكم آن رد بول مب متوفر عندهم
حميد مد ايده وحطآه : شربيه
مهره : آوك ( ونزلت الدفتر وخذت الكوب )
حميد يطآلع الرسمه .. كلهآ كآنت مربعآت متدآخله في بعضها .. رسومـآت وآيد مرسومه تحت هالمربعآت .. مآقدر يفسر شو هو شعور مهره في هالوقت ..
مهره قلبت الدفتر : دوم ارسم جي لآ يروح بآلك بعيد
حميد : وليش يروح بعيد !
مهره : لآن حمدآن لو جآفني ارسم هالشي بينآزعني ..
حميد رفع حياته : وليش عاد !
مهره بابتسـآمه وهي تلعب باظآفرههآ : عندي اسبابي الخاصه اعتذر مآقدر اقول
حميد ابتسم : مآخليتي شي مآقلتيه لي يات على هالسبب
مهره رفعت عينهآ : حمييد .. آنسى كل شي قلته لك .. !
حميد : آوك آوك .. مآله دآعي تردي تنفعلي خلاص خلنا جي كل واحد ف حاله احسن
مهره : يكون وآيد آحسن !
.
.
مهآ كآنت وآيد ذبلآنه في طول هالفتره الاخيرة مآكآنت متقربه من اي حد ولآ حتى خوآتهآ ..
صآلحه : لمتى بتمين جي ؟
مهآ بس كآنت تطآلعهآ وتبتسم بهدوءء مآعندهآ اي رد للمواضيع اللي يسولفون فيها لين دخل عليهم ابوهآآ
آبو مهآ : آنخطبتي مبروك
صآلحه و دلآل و حنآن ورقيه مصدومييين !!
حنـآن ( لآء يآ آبوي دخيلك لآ تقولههآ )
دلال غمضت عينهآ ( مستحيل اخليها تعيش اللي انا عشته .. ) : بس ابوي !
آبو مهآ : شو بس .. منو اللي شوره يمشي .. وبعدين هذا راي اختكم
صالحه ترفع حياتها : منو خطبهآ ؟
رقيه : هي صح ابويه يعني ماقلت لنا
آبو مهآ : آحمد اللي خطبهآ
مهآ رفعت عينهآ بهدوء .. تمنت ان اي شخص ثاني غير احمد .. ماتبا تعيشه بالكآبه اللي هي تعيشها هي صح تحبه بس ماتتمنى تعذبه وهي خلآص تحس روحهآ ذبلآنه مش قادرة تسعد نفسها عسب تسعد غيرهآ
ابو مهآ : شو قلتي يا بنتي !
مهآ بهدوء قآمت وقبل لآ تطلع من الغرفه : لي تشوفه ابويه .. اذا تشوف ان احمد مناسب وافق عليه ( وطلعت من الغرفه )
حنـآن بجرآه : كله منكم ابويه .. موتوآ البنت بتصير بلمآ بيهآ التوحد استغفر الله منكم بس ( وطلعت من الغرفه ولقت ف ويهآ صقر )
صقر : حنـآن تعآلي شوي
حنـآن بعصبيه : حنان حنان حنان .. بس تبوني يوم تبون شي اما لوجه الله ماشي .. دبروآ رآسكم بروحكم ماظن آني اشتغل عندكم انا .. ( ودخلت غرفتها ورقعت باب الغرفه بقو )
صقر : بل بل شقلت لها الحين !!
آبو مهآ نزل وخبر احمد آنهم موآفقين وجي وعآد وقتها آحمد طآر من الونآسه .. ووعد عمره يعوض مهآ عن كل آلم عآشته .. ويطلعها من الحآله اللي هي دخلت فيها ..
.
.
يزوي ترمس عنآد : تصدقين .. آفكر اطلع واروح احجز لنا سيارات نستخدمها هني ..
العنود : وين بتحصلين هني
يزوي : قبل فتره سمعت قوم ذيآبوه مستآجرين من عند وآحد لكن مآل سبآق بنجوف لو عندةة سيآرة محترمه لاني برد يآسر ويزيد الامارات ماباهم يتمون هني
العنود : لي تشوفينه صح سويه .. انا احاتي روضه .. شوفي صارت الساعه كم .. للحين مآردت !!
يزوي : بتكون بخير بتنزلين نشوف ذيآبوه وربعه ولالا
العنود : مآني طآيقه اجوف مكتوم .. آنزلي بروحج !
يزوي : يلآ عآدد
العنود : زين اسبقيني ببدل وبي
يزوي : آوق ( ونزلت عنهآ تحت )
العنود بعدههآ بشوي قامت بدلت ومآسوت اي شي في ويههآ وسيدة نزلت تحت وجافتهم وسلمت عليهم
يزوي : لآ انا ابا سيآرةة
ذيآب يطآلع الوقت : بتروحين الحين ؟
يزوي تطآلع العنود : بتروحين ؟
العنود تطآلعهآ : عندي مشروع انا متفيجه لسيآير
يزوي : مآروم اروح بروحي .. تعآلي وياي !
العنود تطآلع البآب .. بالها عن روضه وعقلهآ عند يزوي اللي تتحرطم وتصر
يزوي : يلآ عآآآآآآآآد
آلعنود لمحت روضه تدخل من الباب : انا بروح لروضه شوي وبيج
يزوي : آوف مآلت عليهآ .. آقول انا بسير خبروني المكان وانتوا تعالوا هناك
ذيآب : ****** اسم المحل وموجود في شآرع **** نتشآوف هنآك
يزوي ابتسمت : آوق . . ( ورآحت عنهم صوب البنآت )
روضه بضيج : آسفه بنات .. آحس اني عصبت من موضوع سخيف ومآيستآهل حقكم علي
العنود : لآ تقولين جي .. وآقين لآ تطلعين بدون لا تخبرينآ وين رايحه .. تعآلي يزوي تبانا نروح معاها
روضه : آوك .. ( ورآحوآ كلهم فوق .. آلعنود مآسوت شي ولآيزوي بس روضه بدلت وسوت جحال وقلوس خفيف وطلعت )
وخذوآ لهم تكسي ورآحوآ . . ولمآ وصلوآ جآفوآ آلآولآد هنآك . . !
ذيآب كآن يرمس رآعي المحل ويحآول ويـآه . .
هو : لكنني لآ آملك سيآرة لاعطيهآ للآجآر .. جميع السيآرآت هنآ فقط للسبآقآت
يزوي طآحت على سيـآره جديمه نصها طآلع ونصها مغطين عليهآ : آريد هذه ..
هو : لكنهآ قديمه .. وعتيقه جدآ لآيصلح استخدامها حتى اننا لم نبدا في صيانتها بعد
رآشد : يزوي انتي تدورين الخرابه شو
يزوي ابتسمت : لآ مب خرابه حلوه , اباها اقنعه يلآ
رآشد حآول ويـآه لكن بعد مآقتنع
يزوي : مآرآيك ان نعقد اتفاق ..
هو : ومآهو آتفآقك
العنود : يزوي على شو نآويه
يزوي تبتسم : آسكتي انتي ( تكلمه ) آن غيرتهآ انا ستعطيني الموافقه لآستآجآرهآ طوآل الفترة التي سابقى فيها هنا للدراسه .. لو لم افز في هذا الرهآن .. سوف آعطيك المآل وسوف تحتفظ بسيآرتك
هو ابتسم هاي فرصه بالنسبه له : حسنآ سنرى .. جميع العآملون يآئسين من هذه السيآرةة .. سنرى مآذآ ستفعل فتاة مثلك فيها .. ولكن بشرط !
يزوي: مآهو شرطك ؟
هو : لآ تستعيني باي حد , آي لا اسمح باي شخص في مساعدتك في تعديلها
يزوي : حسنآ .. آعتبره عهد مني ان لآ آسمح لاي شخص بلمسها حتى انتهي منها
هو : حسنآ .. آتفقنآ آذآ
يزوي ابتسمت
روضه : آنتي مينونه .. آوف منكم ترفعون الضغط
ذيآب : لالا جد ربيعتكم بايعتنها بضمير .. تشوفين السيآرة كيف خربه
يزوي : خلآص اسكتوآ شوي ( رآحت صوب السيارةة وبطلت البونيت اللي قدآم وطلع غبآر وقعدت تكح )
راشد : جفتي كيف .. يوم من بدآيتها جي
يزوي تمت تطآلع كل شي فيها وكتبت ورقة وحطتهآ على الطآوله : آحتآج لهذه الادوات اريدهآ غدآ .. !
هو : حسنآ
يزوي : خلونآ نطلع ..
ذيآب : اقسممممممممم بالله جد مينونه !
يزوي : خلاص بنجوف .. بنجوف وآيد تستهينوآ فيني , خلونآ نرجع احسن
ورجعوآ ذيـآب ورآشد بالتكسي .. ويزوي والبنات بتكسي ثآني
رآشد جآبل مكتوم : هلآ وين كنت ؟
مكتوم : مآلكم خص الا وين حروب
روضة دخلت السكن : حآرب مع ميرة بالكوفي الجريب من هني .. ( ومشت ودخلت دآخل )
ذيآب يحس في روضه .. يحس كيف آنهآ تتآلم من ورى ربيعه .. بس مآيقدر يكلم حآرب بهالموضوع ومخلي الامور تسير مثل ماهي
العنود دخلت ووراها يزوي ..
مكتوم بصوت خفيف : آليآزيه
يزوي لفت : نعم !
مكتوم : ممكن آكلمج
يزوي : تفضل .. ( ورآحت وقعدت على طآوله وهو قعد مجآبلنهآ )
مكتوم : العنود
يزوي ابتسمت بقو : العنود تعيش حياتها بدونك .. أنت تشوف في قرب اختها عهود بترتاح لك الحريه .. بس لآ تقترب منهآ ..
مكتوم ابتسم : آوك .. هذآ اللي كنت اباه ( بونآسه آكثر ) كنت اباها تبتعد عني لاني برجع لعهود
يزوي قامت وببرود : ربي يهنيك وياها ( ورآحت عنه )
مكتوم ابتسم وهو مستآنس .. آخيرآ عهود بتطلق وبترجع له وكل شي بيرد نفس قبل . . . . "
.
.
السـآعه 6:00 آلمغرب ..
آلطيآرة كآنت تنزل .. وهالشي خوف مهره وفززهآ من رقآدهآ العميق اللي رجعت ترقده بعد الشي اللي صار بينها هي وحميد
مهره : هئئئئئئئئئئ ( وغمضت عيونهآ صآرت تكرهه هالحركه .. آنهآ تقوم وهي فزعـآنه دآيمآ تتوهم انه بتصير اشياء مب زينه لحد هي تحبه )
حميد : بسم الله عليج شفيج ( يمد لهآ مآي ) دوج شربي شوي وسمي بالله
مهره خذت الماي وشربته وهدت من اعصابها شوي وعطته : شكرآ
حميد : شو صار لج ؟ تخافين من الطيـآرةة !
مهره بدون لآ تحس تحكيله : لآ بس فزيت بسبب نزول الطيـآرةة مآحب هالنشه من الرقاد احس شي مب زين بيصير
حميد ابتسم : لآ تحآتين مآفي شي مب زين .. كل الخير ان شاء الله
مهره ابتسمت : آن شاء الله . . !
وبعد مآحطت فيهم الطيـآرة في آلآمآرآت نزل كل واحد منهم وخلص معاملته بالمطآر وخذوآ شنطهم وطلعوآ .. مهره كآن يآي يآخذهآ حمدآن .. آمآ حميد فكآن ابوه ياي ياخذه وتلآقوآ وسلموآ على بعض وجي .. عقب كل واحد منهم راح
حمدان : شفيج مهرة .. ويهج هههه يضحكني يوم اشوفج بليآ مكيآج تخرعين والله
مهره : هههههه حيوآن توني قايمه من الرقاد كيف تباني اكون .. متمكيجه يعني !!
حمدآن : مهره آنا مب مرتاح ,, آحس كل شي صار سرعه سرعه .. انا ماعرف هالبنت اللي باخذها انا بس عشان ابوي وافقت
مهره : حمدآن
حمدآن قآطعهآ : لعلمج هي موافقه عسب ابوها بعد !!
مهره بطلت عيونهآ وآطآلعت آخوهآ : آححلف
حمدآن : ثنيناتنا مانبا نخرب علاقه ابوي بربيعه صح ولالا .. مآيصير نحن يهآل اخر زمن بعد نعصي اهالينآ
مهره : بس هاي حيآتك حمدآن ..
حمدآن : قضآْء وقدر يآ مهره .. وانا ماروم ارد لابويه طلب .. ابويه غآلي وها طلب بسيط مآتبيني اسويله اياه .. كلنا مابنطلع من يزآ آبويه .. خل يوتنس شوي .. اما اذا عن حمده يمكن على جدام نتآقلم انا وياها !
مهره ابتسمت : بتتآقلم انا اعرف حمدوه بنت طيوبه وبتحبها بسرعه
حمدان ابتسم وتم يسوق السيآرة لين دخل حمدان السيارة ومهره شهقت
مهره : هئئئئئئئئئئ حمداااااااااااااااااااان
حمدآن يطالعها : شوفيج
مهره غمضت عينهآ : نسيت مآمريت وخذت حلآوه لآحمد ومحمد
حمدآن : خليهم علي انا بوديهم ويآي الحلآق الحين يقص شعرهم الطويل هذآ
مهره : لآلآلآلآلآ لآ تقص شعرهم , روح انت احلق وعدل اللحية وحركآت وانا خليهم علي اصلا بنروح بيت حمدوه اليوم هنآك الحنآيه موجودة
حمدآن : آلحين منو بيوديكم ؟
مهره : سيف موجود
حمدآن : زين يلآ نزلي بروح الحلآق انا
مهره نزلت وخلت ميري تنزل الشنط ودخلت داخل وسلمت على الكل وقعدت تخبرهم شو صآر وان يزوي ما ماتت وعرفت اخبارهم
سلآمه : يلآ نشي بنروح بيت حمدوه هي شوي وبتخلص
مهره فتحت عيونهآ : هي للحين مآخلصت
دآنه : ترى اللي يايتنها وحدة بس ووآيد بطئيه يادوب توها باديه في ريلهآ خآطرهآ تحنيهآ
مهره : زين يلآ انا بسبح وببدل وانتوا لبسوآ عسب سرعه نطلع
عبدالله : الله يحفظكم وسلموا على صديقي
دآنه : ههه سلآمن يبلغ يالغالي
ورآحت كل وحدة في شغلها واللي سبحت واللي بدلت وخلصوآ آمورهم وعلى الـ6 ونص رآحوآ بيت آم حميد .. ورآحوآ ويآهم احمد ومحمد ..
احمد ومحمد كآنوآ كآشخين ببنطآلين وقمصآن وكآنوآ رايحين عند فهود وجي .. آمآ حميد فدخل ينآم من كثر مآتعبـآن بعد مآسلم على اهله ..
مهره دخلت هي والبنات وسلموا على ام حميد وحمدة وقعدوآ يسولفون معاها ويونسوهآ ..
ام حميد : آكيد يوعآنه يآ بنتي
مهره استحت : هي والله وآيد خآلوه مب محطيه شي ف بطني حتى اكلهم فالطياره ماكلته
ام حميد : عيل بنش اسويلج شي تآكلينه
مهره افتشلت بالقو : لآلآ خلج قآعدة مآيرزآ برآيه بتحمل عقب بآكل
ام حميد : مب كيفج .. بتموتين عنا بعدين حشا لالالا يابنتي مابخليج الحين بسير اسوي لج شي تآكلينه
ورآحت آم حميد المطبخ وقعدت تعآبل وكآنت تسويلهم { بآستـآ } يتسلون فيهآ وعقب بتحط لهم من العشـآ اللي كآن عبآره عن مشآوي وسلطآت وخفآيف يعني وآهم شي الكرك
دانه وسلآمه رآحوآ عند آحمد ومحمد وفهد وقعدت مهره مع حمدوه
مهره : خبرني حمدآن ليش انتي موافقه
حمدوه تنهدت : الشي مب بايدي يآ مهره اتمنى انج تكوني فاهمتني
مهره ابتسمت بابتسامه حلوه مليآنه حنيه وفهم : آكيد فآهمتنج .. ومآبلومج وانا اقولج اللي سويتيه صح ولو انا مكانج بسوي نفسج
حمدوه استآنست : صدق وآلله .. ( تشققت ) آول مره حد يونسني بكلآمه
مهره : هههه آنتي وآيد هآديه جدآم الكل الا هذيك المره ف بيتنآ آحسج خبله لكن مآتطلعين هالشي
حمدوه افتشلت : مآعندي حد .. بنت عمي بالزور بين فتره وفتره اشوفها مب ساكنين هني ف دبي .. ربج كريم
مهره : وآلنعم بالله . . لآ تضآيجين .. كل شي يصير لج خيره من الله وانتي تصبري وان شاء الله حمدان مآبيضرج في شي وبتكونون احلى معاريس باذن الله
حمدوه ابتسمت : آن شاء الله
وعقب يوآ البنآت وتحنوآ وكآنت آخر وحدة مهره اللي تحنت حنآ خفيف وآيييييييد .. كآن وآيد حلو طآلع عليهآ وسلآمه وحمدة كآنوآ نفس الشي لكن دآنه كآنت مسويتنه مثل العرايس كله حذآل بعض لكن بطريقه حلوة وآيد وتلفت النظر
دآنه : بنآتآت حلو مآلي ؟
مهره تطالعه : آمم هي حلو بس ليش خليتيه مليـآن ؟
|