دآنه : تغير ياختي مليت وانا اسوي خفيف .. بالعرس خفيف ان شاء الله
سلآمه : آن شاء الله
وعقب مآخلصوآ الحنآ وحآسبوآ الحرمه .. طلعت عنهم ودخلت ام حميد يآيبه الباستا وكرك وحطته لهم وقعدت تآكلهم كل ساعه وحدة
ام حميد : يآ آبوي تعبتوني مايصير جذه يلآ وحدة منكم تقوم تغسل حناتها وتسآعدني ..
مهره : آنآ بسير اغسل حنآتي بس وين
حمدوه : روحي فوق غرفتي وتغسلي وتعآلي هناك بتاخذي راحتج اكثر بتشوفين الغرفه بآردة شوي لاني مشغله المكيف
مهره : آوك ( وطلعت فوق وتذكرت شي هي مأسالت حمدوه اي وحدة غرفتها )
وحطت طرف ريلها عند الباب ولقت المكيف يشتغل ناظرت الغرفه الثانيه وتحرت هذيك غرفه حميد بطلت الباب بدفآشه شوي وسيدة رآحت الحمام حتى مآنتبهت للشبريه
حميد نش بتعب وهو يشم ريحه حنآ في غرفته صح هو يحب الريحه لكن استغرب منو اللي ياي وفوق ها يدندن في حمامه
مهره تدندن : آبي شورك دخيل الله يآبوخخآلد , ترى هالدنيآ ضآقت بي وانا ملييت , بلاني حب من خلا الفكر شارد , زعل مني واذا ماردلي جنيت ( تنهدت وهي تردد ) دخيل الله يآبوخآلد
حميد كآن مدآك صوب باب الحمام وهو يسمعها ..
مهره تطآلع عمرهآ كيف تغيرت وآيد .. مآصآرت الانسـآنه اللي هي تتمناها حتى تفكيرهآ تغير ورجعت من سرحآنهآ وهي تغسل حنآهآ وتكمل دندنتهآ : انا حبيته وآلله عآلم وشآهد , ويمكن دون مآقصد عليه اخطيت , تعذرت وتعبت اقول مو قاصد , ولا عبرني مآتسوى علي حبيت . . ( تنهدت ) هي وآلله مآيسوي علي
حميد مآسوى لحمدوه سآلفه يعرف حركاتها لمآ تبغي تغصص عليه .. مآكآن يعرف ان المهره هي اللي سمع صوتها وهي تغني جي .. فسحب ثيآب من عنده وفوطه ورآح حمام حمده وتسبح وتغسل وبدل ولبس له برمود آبيض وقميص آبيضه وفيه آحممر ورآح غرفته وتعطر ولآحظ آن بآب الحمام مثل مآهو دق الباب ..
حميد : حمدوه فيج شي ؟ والله تراج قاهرتني اطلعي بسرعه
مهره طلعت بهدوء وحميد تيبس يوم جآفهآ
مهره مفتشله وتلعب بصبوعهآ وهي منزله رآسهآ : سوري وآلله مآكنت اعرف ان هاي غرفتك حمده قالت لي ان في غرفتها مشغله مكيف بس ماخبرتني اي وحدة مآنتبهت ان في حد رآقد !
حميد ابتسم : مب مشكله .. حصل خير
مهره سيدة سحبت بعمرهآ ونزلت تحت وهي مفتشله وويهآ محروق من اللي صار لهآ .. سيدة قعدت ويآهم ووتمت سرحآنه وكلت شوي عقب قالت لهم آنهآ بتطلع بتشوف اليهال وسحبت تلفونهآ وطلعت
فهد يآ وسلم على مهره لانه ماجافها مساعه وقعدوآ يسولفون ويلعبون
فهد : تعآلي برآويج غرفه الالعآب ( وسحبوآ مهره وودوهآ الغرفه كآنت كبيرة وآيد مليآنه العآب ووآيد آشيآء معلقه على اليدآر وفي كل صوب عيبتها الغرفه وآيد وقعدت ويآهم وكلهم تجمعوآ وفهد يآب لهآ قصه ومهره يودتها وقعدوآ كلهم في حضنهآ بس فهد نآم على ريلهآ وقعدت مهره تقرآ لهم القصه ويوم خلصت )
فهد زعلآن : ليش الاميرة مآتت عنه حرآم هو يحبهآ
مهره ابتسمت : هي كآنت مريضه عسب جي ماتت
احمد متضايج : ميمي يعني نحن بنموت اخر شي
مهره تضايجت وآيد من سؤال اخوهآ : لآ مآبتموت انت بتم ويآي
حميد طآلع من برع وسمع اصواتهم وقف عند الباب يسمعهم
محمد يصيح وينخش في حضن مهره : آبآ مآمآ مهره
مهره ارتبكت وآيد آخوآنهآ يوم عن يوم يحنون لامهم وهي مش قادره تسوي لهم اي شي : محمد حبيبي ( تمسح على شعره ) انت تحب ماما ولآلآ ؟
محمد يصارخ ويصيح ومب رآضي يسمع اي شي ..
مهره توترت وآيد .. صآح آحمد وورآه صآح فهد بدون لآ يعرف ليش .. مآعرفت شو تسوي
مهره نزلت دمعه حآره من عينهآ على حآله آخوآنهآ اللي مآتهنوآ بشوفه آمهم ولآ يتذكرون ملآمحهآ مسحت دموعها بسرعه
حميد خذآ نفس وبطل آلبآب ودخل وجآفهم يصيحون
مهره مآقدرت تطآلع حميد تحس بالضيج تحس خلآص حيآتهآ وآيد اختربت من رآحت آمهآ
حميد قرب من مهره وسحب محمد من حضنهآ وقعد يرمسه : آنت ريـآل والريـآيل مآيصيحون
محمد يصيح وهو متعلق برقبه حميد : أنا وايد اشتقت لماما ابا اشوفها
احمد صاح : وانا بعععد
حميد قعد يهديهم وقعد يلآعبهم لين مآنسوآ آلسآلفه آمآ عن مهره خذت نفس طويل وسيدة طلعت عنهم
حميد خلآهم يلعبون وطلع يجوف مهره : مهره
مهره كآنت تصيح سيدة مسحت دموعهآ وخذت نفس طويل وتحآول مآتبين : هلآ حميد
حميد بينه وبين مهره مسآفه بسيطه : لآ تصيحين , كوني اقوى
مهره مآتحملت .. تعبت .. هي بروحهآ اشتاقت لآمهآ ولريحتهآ سيدة صآحت وآطلقت العنان في نفسها
حميد يود آيدهآ وودآهآ مكآن بعيد في صوتهم .. مكآن مسوينه للآولآد لمآ يتجمعون حميد وعيآل عمه كآن كله العاب وفي صاله كبيرة وبولينق وكل شي ممكن انهم يتمنونه
حميد : هني تقدرين تصيحين ولآ حد يشوفج آو يسمعج ( كآن بيشغل الليت )
مهره : لآ تشغله مآبآك تشوفني وانا بهالحآله
حميد ابتسم : مآبشغله خلآص هدي من نفسج
مهره قعدت تصيح وبصوت وتشآهق
حميد مآقدر آنه يسوي شي احسن لهآ تصيح .. تطلع اللي فيها كله بهالدموعع
مهره تصيح : حميد انا اسفه
حميد سحب كرسي وقعد مجآبلنهآ : على شو ؟
مهره : على كل شي احسني وآيد ضريتك وعآملتك بوقآحه وآنت مآلك خص باللي قاعد يصير
حميد تنهد : مسموحه .. مآله دآعي تصيحين خلآص يكفي !
مهره مسحت دموعها وراحت الحمام بعد مآدلآهآ حميد ومسحت دموعها ورجعت الصآله وهي محمرة
حميد يبا يغير الجو : حلو حنآتج
مهره تلعب بآصآبعهآ وبهدوء : مشكور
حميد : آسف مسكت ايدج مآكآن قصدي بس كنت ابا امشيج من هنآك عن آمي تشوفج
مهره : لآ مآعليه حصل خير ( وصلهآ مسج بطلته استغربت مكتوب فيه " دخيلج سآعديني " )
مهره سيدة دقت على الرقم كآنت تحآتي وآفكآر تيبهآ وآفكآر توديهآ وسيدة رن التلفون رنتين وردت وحدة عقب سحب الوآحد التلفون وبند ..
مهره رفعت حياتها : آآ شو هها
حميد : شفيج !
مهره رآفعه حياتها : في حد مطرش لي ساعديني !! ( ردت تدق وردوآ ) آلوو
هو : آلو
مهره انصدمممت : نهيـآآآآآآآن !!!!!!
نهيـآن ابتسم : للحين تذكرين صوتي
مهره نآظرت حميد اللي مب فاهم شآلسآلفه ولفت بعيونهآ : آنت لآزم ترجع الامارات
نهيـآن ابتسم : انا فالامآرآت يا هبله
مهره ابتسمت : ههه بعدك تسب ؟ آسمع في شو تباني اساعدك آنزين
نهيـآن تنهد : آبيج تروحين بيت ابوي بآجر وتكلمينه
مهره تمت تهز ريلهآ : آبوك عآآد .. آنزين وبعدين !
نهيـآن : وبس عقب بدخل انا وحرمتيه اباج تساعديني مهور .. خوآتي حيوآنآت مستحيل حد منهم يوقف بويه ابوي .. تذكرين
مهره ابتسمت كآنت كل مآتزعل من ابوه هو يدآفع عنهآ وكل حد هو كآن يدآفع عنهآ لكن كآنت علاقتهم آخوآن مش حبآيب
مهره : وحد ينسى يآ نهيـآن ,, آنت وقفت وياي في وآيد موآقف مستحيل آنسآهآ لك .. وآعتبرني وآقفه معاك
نهيـآن بجديه : جد مهرو .. بتتحملين النتآيج
مهره خذت نفس طويل : صدقني مهره اللي تعرفهآ تغيرت يآ نهيآن ومستعدة آوقف بويه الحق .. وبعدين انا بصير محاميه خلني ادرب عليك من الحين
نهيـآن : هههه مشكورة وآيد عمري مآبنسآهآ لج
مهره : تعآل باجر عند البيت .. بمآ آنه الجمعه الكل بيتجمع .. بنتشآوف هنآك انت خلك بالسيآرة برع وانا بدخل .. واذا جفتني جد جد طولت عاد ادخل وقتها
نهيـآن : مشكورة وآيد عمري مآبنسآ هالوقفه ولو اني اعرف ان بيصير شي جآيد مع ابوي لكن بعد على راسي يآ مهره على رآسي من فوق انتي وآلله
مهره : آنت آخوي مآله دآعي هالكلآم .. يلآ آخليك انا مع خوآتي الحين بكلمك بعدين آنزين
نهيـآن : آوق .. مع السلآمه
مهره صرخت : آوق مآلي لا تصرقها ي صراق كلمآتي وجملي
نهيـآن : والعثثثره مب كلمه هاي هههههههه زين يلآ جلبي ويهج
مهره : حيوآن .. يلآ بآي ( وبندت )
حميد لآول مره كآن متنرفز مآيعرف ليش يمكن لان هو فعلآ يبآدل مهره نفس الشعور وهالمكآلمه وآيد نرفزته وفسر من كيفه ان هالشخص مهره تحبه
حميد ينآظرهآ : تحبينه !
مهره ابتسمت : لآ مآحبه
حميد بعصبيه قرب منهآ ويود آيدهآ بقوه ومآبينه وبينهآ آي مسآفه آنفآسه كلهآ على ويههآ وعصبيته اللي طلعت من طورهآ وقعد يرص على ايدهآ لآ شعوريـآ
مهره مغمضه عيونهآ وبصوت يبين آنهآ تتآلم : حمييييييييييييييد عورتني وآلله
حميد حآول يهدي اعصابه وبعد عنهآ : منو ههآ
مهره معصبه : مآلك خص حميد مآلك خص .. مب يعني داريتني عسب شفت دموعي الحين بتيلس تتخبر عن كل شخص في حياتي
حميد : كنتي تغنين له فالحمآم ( صد يطآلعهآ وهو يصفق ) ههههههههه وآلله يآ مهره قطعتي قلبي
مهره شد من حيلهآ وعدلت شيلتهآ وابتسمت : وحتى لو كنت احبه واعشقه واموت في ترآبه انت لآ تتدخل
حميد قرب منهآ وسحبهآ من آيدهآ : مههههرهه لآ تستفزيني !!!!!
مهره تبعد آيدهآ : حمييييييييد تعورني وآلله آنك تآذيني ( هو يقرب منهآ وبعصبيه بآينه على ويهه خآفت آنه يسوي لهآ شي سيدة قآلت ) حميد هذآ ولد عممممممممممممي
حميد وكآنه بدآ يرتآح لكن مآبين لهآ : كملي !! شو بينج وبينه ؟
مهره تتآلم من آيدهآ : حمييد هدني وآلله بخبرك
حميد هدهآ : ترآج حلفتي
مهره قعدت على الكرسي و هي ميودة آيدهآ وتمسح بهدوء ولآفه عنه : ولد عمي تزوج آجنبيه واهلنا مايحبون هالطبع لآنهم غضبوآ من ابوي لمآ خذآ وحدة آجنبيه والحين لمآ ولد عمي عآد حركت ابويه عمييه تبرا من ولده وصارت سآلفه .. وهو رجع الامارات ويبا يصلح الوضع بين اهله ويبآني اساعده واكلم عمي بآجر فهمممممممممت .. فهمت يآ حمييييد فهمت ( تمسح على آيدهآ وبآلم ) وآلله العظيم عورتني ..
حميد قرب منهآ ونزل لمستوآهآ وخذآ نفس طويل : منو اللي تحبينه ابا اعرف ؟
مهره لفت ويهآ عنه : يآربي منك يعني منو بحب .. انا ماحب هالسوالف ليش شاك فيني
حميد : سمعتج بالحمام وانتي تغنين له .. منو هذآ اللي تحبينه ابا اعرف .. كيف قدرتي تخوني ثقه ابوج فيج
مهره قعدت تسمح كلآم وآيد يغث من حميد .. عن الثقه وخيـآنه الثقه اللي معآطيه لهآ وعن الحب الفاشل اللي تعيشه
مهره غمضت عينهآ وصرخت ف ويهه : آنآ حيوآنه لآني اتعلق فيك وبهآلحب الفاشل اللي تتكلم عنه ( ودزته وشردت برع ودخلت عند آم حميد عسب مآيقدر يوصل لها حميد )
حميد منصدمم رغم آنه طآح على الارض لكن تم يفكر ( معقوله .. معقوله يآ مهره انتي تبآدليني نفس الشعور .. آآخ منج بس ) ونش وطلع ورآح عند فهد واحمد ومحمد بحكم آن ربعه مب موجودين هني ..
مهره مفتشله وهي ميودة آيدهآ
آم حميد : بلآهآ آيدج آبويه ..
مهره : مآفيني شي بالغلط دزيت اليدآر وحسيتها ورمت واحمرت
ام حميد رفعت القميص شوي وانصدمت : آوييه هذآ وآيد يعورج يآ بنتي آوديج المستشفى
مهره : لآ يآ خآلوه لآ تعبين روحج بيروح بيروح ..
ام حميد : زين يلآ تعآلو على العشآ بروح انادي بوحميد وحميد
مهره مآقدرت تعآرض وتقول انهآ مآتبآ وياهم ولا اتعبهم ويبون للميلس فرآحوآ كلهم المطبخ اما عن اليهالو فالخدامه تمت تاكلهم في غرفه الالعاب لانهم مب راضين يطلعون عنهآ ..
هدوءء يفجر الاجوآء لكن قلبهآ ميت من الآحرآج بعد الكلآم اللي قالته .. ليش هي وياه بعد كل شي صار على نفس الطآوله ..
دانه وسلآمه كآنوآ ميطيحن الميآنه مع حميد .. ويسولفون عآدي .. وشوي رن تلفونه ورد
حميد : هلآ ذيـآب
ذيـآب : يآبوك وين مهره البنات يتصلون لها مآترد هاي اليازيه تخبلت ودي اصفعها طراق يا ريال
حميد : ههههههههههههههههه شو صآر !
ذيـآب حكآ له السآلفه : وآلله العظيم طلعت لي الشيب ندمت آني شليتها وراويتها المكان
حميد : لآ حول لآ تخلوهآ تتخبل علينآ بصفعهآ ترآني
ذيآب مفول : منو تكلم هالخبله اللي مآتسمع من ولآ حد .. لآ وبعد اشكره مب راضيه تسمعني ولآ رشود مسويه اكبر طاف
حميد : صبر هي صوبك
ذيآب : هي
حميد : عطهآ السمآعه
ذيآب يصآرخ ويفصخ السماعه اللي مركبتنها يزوي : حمود يبآج على الخط
يزوي ابتسمت : آلو
حميد : لآيكثر يآ بنت اتخبلتي انتي
ام حميد فاجه عيونهآ على حميد اللي ماخذ راحته ويكلم بنت قدآمهآ
حمدوه ميته ضحك هي والبنات
حميد : ويت ويت ( يطآلع آمه ) شبلآج هاي ربيعه مهره
ام حميد : لآ وآلله عيني عينك بعد تتخبرني عن البنت
حميد : يآ آمي صبري شوي ( يكلمهآ ) شوي وبدق لكم خلي الفون عندج
يزوي : آوق ( ورقعت الخط فويهه )
حميد : يآ آميه شبلآج معصبه ومتنرفزه تعرفين اني مآكلم بنآت
ام حميد : هذآ قبل لآ تروح تتصيع برع
حميد : ههههههه سمعي يا حرمه
بوحميد : آرمس يلآ
حميد : آنآ ومهره بالصدفه طلعنآ ندرس بنفس الجآمعه
ام حميد استانست ان مهره مآبتكون بروحهآ : هيييييي جذآ عيل السآلفه يآ ولدي !
حميد : هي نعم وهاي ربيعتها مسويه شي جايد وربيعي متصل معصب على هالحركات ويقول ان مهره مآترد على تلفونهآ فعسب جي انا كنت بكلمهآ لكنج خربتي كل شي ( مد تلفونه ) كلمي اليآزيه مخبله فيهم
مهره سحبت التلفون بهدوء وهي مستحيه ودقت لهم
يزوي : هآآآآآآآآ شو هالحشره خلاص حمود انا قراري ومآبرجع عنه
مهره بهدوء : يزوي !
يزوي شهقت : يآلخآيسه انتي ويـآه
مهره : هي انا في بيت آم حميد عسب حمدة لآه
يزوي ضحكت بخبث : ههههههه علينآ يآ مآمآ
مهره ابتسمت بالغصب : يوزي عن حركآتج المآيعه وخبريني شو مهببه ؟
يزوي : وآلله آني مآسويت شي يآ مهرو يظلموني انا بريئه
ذيآب مط التلفون : ربيعتج ينت وانا مليت منها ومن تصرفاتها
مهره : ليش شو صاير ؟
ذيآب : ربيعتج الحمآرهه متكشخه ويآيه بتعدل سيآرة والقسم هني كله آولآد خفنآ نخليهآ ولآ بعد شو سوت سكرت الباب في ويهنآ ودخلت غرفه المعدات بروحهآ عسب تعدل تقهرننننننننننننننننننننن ننننننننننننننننننننننا
مهره شهقت : لآ بالله ينت
ذيآب ابتسم : كلميهآ يرحم امج ( وفر عليهآ التلفون )
يزوي : آوففففففففف ميم لآ تتكلمين يآويلج
مهره : يزوي عيب عاد والله حركآتج تقهر ترى
يزوي : جب جب يزآتي ابا اعدل لج سيآرة ولي انزين انا اباها يلآ آنقلعي ( ورقعت الخط فويهآ )
مهره ابتسمت اونها عاد ومدت التلفون على حميد اللي فهم ان يزوي بندت ف ويهآ : آلله يهديهآ بس
وقعدوآ يسولفون وفججآه
بوحميد : مآوصيك في بنت ربيعي يآ حميد حطهآ بعيونك ترآك آخوهآ
حميد ابتسم " آي آخو يآ آبوي .. آنآ آحبهآ وتوني اعرف انها تبادلني الشعور واني اخوهآ " : آن شاء الله ابوي لآتوصي مهره بالحفظ والصون
بوحميد مطمن
دآنه مبتسمه : آبويه يسلم عليك عميه وآيد وآييييييييييييد يقول آنه اشتآق لك
سلآمه بجمود : جذآبه هاي اشتاق لك مآقآلهآ
دآنه افتشلت وفصتها : جب يعني يبين عليه مآلآزم يقول
سلآمه : ههههههههههههه
حميد : حرآم عليج قفطتيهآ
دآنه : جب جب انت بعد
بوحميد ابتسم يحس آن بنآت ربيعه كآنه بنآته بس حس ويه مهره مب طبيعي
بوحميد : بويه مهره فيج شي تعبـآنه ؟ مب على بعضج اوديج المستشفى يا بنتي ! من مساعه للحين مآكلتي شي فصحنج
مهره ابتسمت : لا آنآ بخير عميه لآ تحآتيني
بوحميد تنهد وهو يحس آن مهره فيهآ شي ومن شكلهآ يبين وخلت الخدامه تيب شنطتها وبالصدمه رن تلفونها
مهره : آلو
سيف : مهور آنتوآ وينكم كآنه تآخر الوقت وآنتوآ في بيتهم ؟ حمدآنوه متحرقص والله عور لي راسي تعالي له !
مهره ابتسمت : ليش شفيه !
سيف : شو يلبس آونه حتى النعآل يبآ يآخذ رآي فيها اوففف حتى آبويه مآسلم منه حشـآ مب هاي ملجه بآجر
مهره : زين من آرجع بكلمه
حمدآن يمط التلفون : مهرو اي اححلآ آبيض ولآ آسود
مهره تنزل عيونهآ : نعآل يعني !
حمدآن : هي قولي
مهره : شو لون الكندورةة !
حمدآن ابتسم : بيضة طبعآ
مهره : آلبس ابيض عيل
حمدآن : ههه مشكورة آختي ( وفر التلفون وقعد يتحرطم )
سيف : آوفففففففففف تعآلن سرعه البيت هذآ رفع ضغطي ترآآه
مهره : آن شاء الله سيف بس انت هد اعصابك
سيف : يلآ آختي هذآ خل فيني اعصاب .. يلآ بكلمج بعدين " في حفظ الله ( وبند )
مهره ابتسمت
بوحميد : عسآ مآشر يا بنتي ؟
مهره : ههه حمدان وآيد معصب في سيف ويبوني ارجع البيت
ام حميد : وحليله ليش شو سوآله ؟
مهره : تعرفين عاد بآجر ملجته ومحتشر كل ساعه ياخذ راي حد ومآط سوآف ومقعدنه وكل ساعه ياخذ رايه في شي وهذاك دودة مب راضي يعطيه الراي ولآ رآضي يقول شي ويتنآقعون في البيت
بوحميد : ههههههه حشآ حشآ كل ها لحمدة يعني
مهره : شدرآني هههه تستآهل حرمته بعد شو
حمدة قآفطه : آييه عآد بس من هالسالفه غيروهآآ
مهره تطآلع التلفون وسيدة وجآفت روضه تتصل
مهره : عن اذنكم خآلوه برد ع هالاتصال بعد ( وردت ) آلو
روضه كانت تتآلم ومآلقت حد غير مهره البعيدة يمكن تسمعهآ وبصوت مبحوح : اشتقت لج
مهره تحآتيهآ : شصآير ؟ لآ تقوليلي عسب يزوي !
روضه بهدوء : لآ
مهره : آسمعج ..
روضه تمت تشكي لهآ آلحآل وتخبرهآ عن كل شي في خآطرهآ : مآيآ جبر بخآطري يآ مهور .. انا مكسورة مابي خذلآن بعد خذلآن ابوي لي .. آبوي تخلى عني يآ مهور آنآ مستحيل الحين ارد الامارات
مهره تنهدت : روضه استهدي بالله .. واستغفري ربج على هالكلآم اللي تقوليه .. انا بيج تبين اي الجمعه فليل بعد الملجه وآلله بي بس لا تسوين في روحج اي شي ولا تقعدين تقولين هالكلآم
روضه ابتسمت : آدريبج بتسوين اي شي عشاني بس لا ترجعين الجمعه تعب عليج حبيبتي رجعي السبت احسن .. وبعدين العنود ويزوي موجودآت وآلله طآفح الكيل منهن كل وحده مشغولة بشي
مهره : ههه ربي يعينج
روضه : آنتي مع منو
مهره : مع حمدة
روضه شهقت : خت حمووووووود انتي في بييييييييييييييييييته
مهره افتشلت : هي هي .. شفيج يلآ جلبي ويهج بكلمج بعدين
روضه : يآ عييني يا عيني والعب يا ووولد
مهره : ههههههه حيوآنه .. يلآ مع السلآمه
روضه : في حفظ الله حبيبتي ( وبندت )
مهره ابتسمت : تسلم عليكم ..
ام حميد : ربي يسلمهآآ
دآنه رن تلفونهآ وابتسمت : هذآ حمدآن ( وردت )
حمدآن : اقول اختي اي لون ساعه اححلى اسود , بني , ولآ ابيض !
دآنه : هههههههههههههههه عنبوه انت وين رآيح كل ساعه تدق لوحدة فينآ صدعتني تراك
حمدآن عصب : آيييييييييييه انا اخوج العود يآلسبآآآآآآآآآآآآله شوفيكم انتوا عليه اليوم كلكم فديت مهرتي الوحيدة اللي خبرتني
دآنه بصوت مسموع : ول انت ومهرتك .. من ارجع البيت بجوف شغلي وياك وبجوف شو بتلبس اوك
حمدآن : سيري ولي انتي وريلج المستقبلي فاهمه آنقلعععععععععي ( ورقع الخط ف ويههآ )
دآنه : وآلعثثره شكله جد عصب !
مهره : محد قآلج .. يعني جآن عطيتي رايج الا هو لون ؟
دآنه : مرضآي يوم برد
مهره ابتسمت وكملوآ آكل الا هي مآكلت .. مآكلت بعد الكلآم اللي دآر بينهآ وبين حميد تحس نفسهآ منسدة ومآلهآ خآطر ترمس .. كل شي يطلع منهآ من ورى خآطرهآآ ..
احمد ومحمد مآخلوآ وردة مآقطعوهآ من حديقة آم حميد عسب يرآضون مهره اللي زعلوهآ مساعه ودخلوآ آلمطبخ بسرعه وكآن وياهم فهود آللي صار يخترش من يشوفهم
احمد محطي شي ورآ ظهره : آمم ميمي
مهره بدون لآ تطآلعه : هلآ حمود
احمد عصب : كله حمود انا احمد آنزيين
مهره لفت : ههه وآنزين وبعدين !
احمد قرب وبآسهآ ومد آيده ويآب الورود عقب سيدة رآح يبوس ام حميد وقعد يسآسرهآ وهي ضحكتت
مهره : من وين هآ ؟
احمد : من حديقه خالوه قطعناها
مهره افتشلت : يآ حممير
بوحميد : حرآم عليج منقود تقوليلهم حمير ريآيل
محمد يدلع لسانه : فديت عممميه اللي يدافع عنآآ
مهره : ههههه بسكت عنك بالبيت بتشوف دواتك
محمد ابتسم : ميمي نحن مانباج تزعلي منا نحن اسفين ماكان قصدنا
مهره : يآ حبيبي وآلله مآزعلت ..
وبآسوهآ مره ثآنية وطلعوآ يلعبون
آم حميد مستغربه : ليش شو صار يا بنتي عسآ خير ؟
مهره تنهدت : وآيد يصيحون , تعبوني , كله يسآلوني عن آمي , كله يبون آمي , كله مشتآقين لآمي , مآعرف شسوي وياهم فقعدوآ يصيحوآ هالثنين مساعه لمآ قعدت الاعبهم وجي .. يبون آمي ( خذت نفس طويل وابتسمت ) مصيرهم بيتعودون
بوحميد : ربي يصبر قلبج يآ بنتي .. لآ تزعلين جي هي الدنيآ
آم حميد : آفآ عليج يآ مهره بصير امهم بس انتي لا تضيجين بروحج
مهره ابتسمت : مب مضيجه بروحي , خآلوه بس مآوصيج فيهم من آرجع اروح حطيهم بعيونج
ام حميد : آخوانج عيآلي لآ تحآتين
سلآمه تبتسم لحميد : هلآ آخوي
حميد : ههههههههه هلآ وآلله آختي
وقعدوآ دآقينهآ سوآلف عقب مهره تعذرت وقآلت آنهآ تعبـآنه ولزوم تروح تنآم وورآهم نشه وآلخ
رجعت بيتهم وكانت منتهيه سيدة بدلت ونآمت . . "
.
.
حميد دخل غرفته وبدل وجي .. صح آنه رقد مساعه لكن مآحس انه شبعآن رقآد .. دخل الحمام عسب يبدل وهو ياي يفر ملآبسه لمح شي لونه وردي استغرب راح ودز سلة الملابس شوي وشآف سكآرفهآ آللي مدموج بين الابيض وآلوردي ابتسم وهو يشم ريحه عطرهآ فيه .. رآح وخشه في درج السدة ودخل ينـآم
.
.
آلجمعه السآعه 9:00 ..
آلكل كآن وآعي وسآبح بمآ آنه يوم فضيل ومآيتكرر الا مرة بالاسبوع المهره كشخت على السريع ونزلت
مهره : آبوي انا طالعه تامر بشي
بوحمدان : على وين يآ بنتي من الصبح ؟
مهره مآحبت تجذب : انا رايحه بيت عمي ابوي بسلم عليهم ورآجعه
بوحمدان تنهد : لآ تروحين .. بيسمعونج كلآم مآبتتحملينه
مهره : مآعآش من يكدر مهره بنت عبدالله يآ بوي مآعآش وبعدين انا رايحه سلآم لآ رايحه اذابحهم ولآ شي
بوحمدان : زين يآ بنتي كلتيني بقشوري روحي روحي الله يحفظج
مهره : هههه فديتك يآ بوي مآقصد ( باسته على راسه ) خوزت روجي .. يلآ مآعليه ( مشت بعيد ) آبويه آحبببببببببببببك
بوحمدان : حبج ربج يآ بنتي , حبج ربج الله يرضى عليج دنيآ وآخرة
مهره ابتسمت على دعوآت ابوهآ , وطلعت وشغلت سيارتها ورآحت بيت عمهآ وقفت وخذت نفس طويل .. كآنت لآبسه عبآيه مسكرة كآمله .. ومتحجبه طبعآ وكآنت رآسمه عينهآ من فوق بالاسود .. ومسويه روج آحمر غغغآممج ومسكرة شوي وكآنت متعطرة .. بندت السيارة وبطلتها ولبست نظآرتها هي نآزله وسحبت شنطتهآ آلحمرآ آلوآسعه ..
وقفهآ وآحد جدآمهآ كآن مستغرب وآيد منهآ
نهيـآن : مهره !
مهره فصخت نظآرتهآ : نهيـآآآآآآآآآن ( مدت ايدهآ وهو سلم عليهآ ) شخبارك يآ نهيـآن ؟
نهيـآن : بخير بعرفج على حرمتي
مهره راحت صوب سيارته وسلمت على حرمته وقعدت تروطن وياها عقب خذت نفس طويل
مهره : لآزم ادخل اليوم ملجه اخوي حمدان .. ( بمآ آنهم مآعزموهم طلعت جذبه ) آهل البنت طلبوآ بس اهلنا واهلهم وبالعرس كيفنآ وجي .. فمآريد آطول ( تطآلع ساعتها ) آلحين تسع وربع يوم بتي 9 و 40 آدخل .. آوك !
نهيـآن : آوك ( وركب سيآرته )
مهره لبست نظآرتها ورآحت لصوب باب البيت ودقت الجرس وبطلته حرمه ملآمحهآ ذبلآنه تتلهف بس تبطل الباب وتلاقي ولدهآ يمهآ
مهرة باستها على راسها وبصوت حنون : شخبآرج حرمه عمي ؟
حرمه عمهآ بدون لآ تميز الصوت : بخير آنتي منو يآ بنتي !
مهره فصخت نظآرتها : آنآ مهره بنت عبدالله مآعرفتيني
حرمه عمهآ ابتسمت : حيآج يآ بنتي .. زآرتنآ آلبركه
مهره : عسـآ مآتآخرت عن الجمعه ابيكم ف موضوع !
حرمه عمهآ : كلهم دآخل من 8 وآصلين
مهره : زين . .
ودخلت حرمه عمهآ ومهره وآلكل آنصدم لمآ جآف مهره من شبآب لبنآت كآنوآ كلهم متجمعين بالميلس الكبير من كبيرهم لصغيرهم دخلت وسلمت عليهم وآحد وآحد ..
عمهآ : شآيبج يآ مهره ؟ لا تقنعيني بعد هالعمر كله يآيه تسلمين علي
عمهم آكبر وآحد دخل وسلم على مهره وقعد : آهلين يآ بنتي , زآرتنآ آلبركة
مهره مبتسمه : آلبركة فيكم آن شاء الله
ولد عمهآ بوقآحه : بلآ هالرسميـآت اختصري .. اذا في فحلجج كلآم قوليه وفكينآ
عمهم آلكبير : عععيب !!
طبعآ محد يجآدل عمهم آلكبير آبد ..
مهره تطآلع عمومتهاآ : يت آكلمكم في موضوع .. موضوع وآيد حسآس وآبيكم تسمعوني زين
هي : وآلله نحن مب صمخين تنطقي ..
مهره طآلعتهآ بنظرة : آنتي اصلا مآلج خص في الموضوع فلمي ثمج واسكتي احسن لج ( تطآلع عمهآ وسيدةة ) انا يت اتكلم عن نهيـآن , آللف والدوران ترآني مآحبه
آلكل آطآلعهآ [ نهيـآن ] يآلله يهالاسم من متى مآسمعوه .. مآطآح لسآنهم في لسآنه بس عسب تزوج آجنبيه ..
حرمه عمهآ قعدت تصيح وتنوح بشكل يقطع القلب وبصوت مبحوح : وينه ولدي يآ مهره ؟
مهره : ولدج موجود يآ حرمه عمي .. هو طآلب آلمسآمحه وانا يت اتكلم عنه
ولد عمهآ : مآظن آنتي محآميته
مهره ابتسمت : لآ بس آنآ محآميه يآ ولد عمي جآن مآدريت ( وبوقآحه ) وبعدين آنت شو يخصك لو كنت محآميته ولآلآ
عمهآ : مآنبآ نرمس في هالموضوع يآ مهره .. ولدي وانا ادرى باللي اسوي فيه .. اذا بتمين ترمسين بهالموضوع وتزيدين فيه بيتي يتعذرج يآ مهره
مهره : وليش يتعذرني .. كل هذآ عسب نهيـآن .. عمي هذآ ولدك ليش تسوي جي فيه
عمهآ بوقآحه : نفس ابوج , فرج برع الدولةة ,, وولدي تبريت منه خبريني شالفرق من بينكم ..
بوحمدان دخل وهو مبتسم : آلفرق آن بنتي بترجع لي وانا واثق فيها بس انت متبري من ولدك ومآطآلعت في ويه وكلمته
آلكل صخت به الدنيآ .. معقوله عبدآلله سمع الكلآم .. كيف شعوره وهذآ آخوه ويقول عنه جي .. !
مهره ابتسمت : يآك الرد يآ عمي .. عسآ بس اشفى غليلك انا كلهآ كم سنه ورآجعه لهلي بشهآده وانا مب سايرة اتصيع .. انا رايحه ادرس ومثل مارحت سيدة برجع سيدة
بنت عمهآ : آللي يسير برع مآيحس بعمره يآ بنت العم كيف يتصيع تدريجيـآ ؟
مهره بحدة وهي تعرف كل سوآيآ آهلهآ من صغيرهم لكبيرهم : وآلله يآ بنت عمي , آللي بتصيع بتصيع في بيته .. يعني مثل سوآتج اللي سويتيهآ وسآمحوج عمومتي وغطوآ على موضوعج وسكروه نهآئيآ
بنت عمهآ شهقت وآفتشلت كيف آدآفع عن عمرهآ وكل كلمه مهره قالتها صدق ؟
مهره بحدة : أنا اعرف سواة العآيله كلهآ يآ عمي سواء غطيتوآ ع الموضوع آو لآ .. وانا هب يايه عشانكم اليوم يايه عشان نهيـآن
بنت عمهآ آلـ2 : يآيه عشان تدافعين عن حبيبج
دخل نهيـآن بهالوقت وسمع ردههآ
|