السلام عليكم ورحمة الله وبركاته
.
.
.
.
الجــــــــــــــــزء الثـــــــــــالث
.
.
___________________
تركي فجر جوالها : مييييين ... مييييين معاااي ... ياهوووو ... يااهيييي
جاه رد بعد ساعه :انا بنت
تركي مبتسم : ابوي الزين هلا وغلا مين انتي وش اسمك
نور بقهر من تركي الي من درى انها بنت خق : اسمي هديل
تركي : ونعمم اموت في هالاسم انا وناوي اسميه بنتي اذا الله رزقني ... من وين جبتي رقمي
نور منقهره منه : من عصفورتي
تركي : يلاعاد
نور : جبته وبس وش يهمك ؟
تركي عشان اعرف من انتي
نور : اممممم اجل مراح تعرفني قلت لك اسمي هديل وبس وش تبي اكثر
تركي : طيب يعني وش تبين ماخذه رقمي ومكلمتني تبين شي
نور : ايه ابي شي ولو مابي ماتجرأت وكلمتك
تركي : شوو آمري عيوني لك
نور : شي كبير مقدر اقوله .. تصبح على خير وقفلت الواتس اب ورمت جوالها منقهره ومبسوطه في نفس الوقت مبسوطه لانها بدت تنفذ الي براسها ومنقهره من تركي الي على طول من عرف انها بنت خق وذاب عنها
___________________
تركي يضرب شاشة الجوال بقهر لما شاف طلع له في صفحتها اخر ظهور : وجججع وجععع تعالي قولي من انتي الله يقطع وجهك
وعصب لما شاف اسم سمر كل شوي مكلمته
:يانعم ياخير سمر وش تبيييين
سمر معصببه : انت الي وينك ساحب علي كم يوم صار لي اكلمك وانت معطيني بو لباس حتى ماترد
تركي بملل :ياسمر مشغوووول والله اني مشغووووول حسي فيني
سمر : مشغول وعلى الواتس اب هااا كيف تجي هذي
تركي يسلك : اي شغلي في الواتس
سمر : يلا عاد تركي بلا ثقالة دم والله اشتقت لك وانت مو معطيني خبر
تركي ذاب : وانا بعد اشتقت لك بس شسوي طيب عندي زواج قريب وحايسين جدي حوس
سمر : طيب تعال عندي بس الليله وارتاح الله يخليييييك
تركي مبسوط : وووين اجيك
سمر : في بيتنا اهلي مسافرين لعمي في البحرين تعبان والبيت فاضي وانا تعيجزت اروح عشانك
تركي انصدم .. خبله ذي بيتهم مره وحدده ..: سمر ماتخافين على نفسك انتي
سمر بتطنيش : ليش اخاف وانت خطيبي
تركي : بس باقي ماصرت خطيبك
سمر : بتصير ياقلبي يلا قم بدل وتعال لي انتظرك على نارر
تركي سكر الجوال وهو منلخم لهالدرجه في بنات ببايعات نفسهم عادي باعت شرفها وعفتها عشان وناستها ومعشمه نفسها بزواج وقام بدل وتوجه لبيتها ولما وصل دق عليها تفتح الباب نزل من سيارته ودخل وهو خايف
وانصدم لما شافها لابسه شورت مايغطي شي من الفخذ الا قد اربع اصابع وبدي ابيض شفاف
سكر الباب وضمها
سمر بهمس :نروح غرفتي ؟
تركي كل ماله وينصدم في سمر اكثر : يلا وطوق اكتافها ومشى
سمر حست كبدها تقلب عليها وتبي تستفرغ بس مسكت نفسها وسحبته غرفتها ولما دخلو قفل الباب مرتين والتفت وانصدم الجو شمووووع وجوري وموسيقى
سمر لصقت في تركي وتلعب بأصابعها على صدر تركي وبهمس : اشتقت لطيفك
_________________
مر سبوع كامل وبقى 4 ايام على الزواج
فيصل من عرف بسالفة تقديم الزواج وهو محارب امه وابوه ومايداوم ورافع يده عن كل شي وامور الشقه كانت في مسؤلية امه وتركي
نور كل يوم اول ماتجلس تصبح على تركي وبس وهو يحن عليها يبي يسولف معها ياخذ ويعطي بس هي سافهته
مشاري قرر انه يخطب لينا وحس انه عشقها ومايقدر يصبر
نوف تقضي للزواج وفي راسها بتكسر راس فيصل يعني بتكسره
سمر دايما تحس بغثيان وترجع ومو عارفه شنو تسوي وحاطه في بالها تسمم
تركي تعود كل يوم يصحى ويلقى كلمة صباح الخير في الواتس اب ويبتسم بس يبي يعرف من هذي
_________________
في وحده من الصالونات كانت جالسه تسوي لها حمام مغربي ومستعده للزواج بأكمل وجه وفي راسها اشد انتقام مغمضه عيونها وتبتسم
ريم كانت برا مع نور وشوق وداليا وندى ولين ولينا
نور كانت حاطه جوالها صامت لان تركي زاعجها الو والو سولفي وتكلمي وهي سافهته
ريم : اقول اذا خلصت نوف تعالو معنا البيت نجهز لحفلة توديع العزوبيه
لين : امم طيب مامعنا ملابس
نور : الله واكبر ترى اغلبنا مقاس واحد عن العياره
داليا : انا موافقه وماعندي مانع واكيد شوق وندى ماعندهم مانع
لين ولينا : واحنا بعد
وبعد ساعتين خلصت نوف طلعت وكانت تلللمع من النظافه والبياض
البنات يصافرون
لين : لا لا يافيصل شكلك بتطيح ومحد بيسمي عليك
شوق بنبرة غرور : فيصل مايهزه شي
نوف : انا اكسر راسه واكسر قلبه وتغمز لها
شوق بتطنيش : ايييه بنشوف
ولبسو وطلعو متوجهين لبيت بو مشاري
دخلو وسلمو على ام مشاري وطلعو غرفة نوف يلبسون بجايم
لينا تشوف جوالها بيطفي يووووه ابغى شاحن كلا منكم ماخليتوني اروح بيتنا اجيب شاحن
وتلتفت على نور وريم ولين كل وحده شابكه جوالها بالشاحن
: اقول عاد استحو على وجيهكم انا ضيفتكم يلا عطوني شاحن
نور : انا بيطفي والله صبري ربع ساعه واعطيك اياه
لينا تفتح عيونها بصدمه وتمد لها الجوال : فيييييييه 2 بيطفي
نوف تأشر لها : طيب غرفة مشاري قريبه روحي خذي شاحنه هو ماياخذه معاه لاجا يطلع
لينا ميلت شفتها : هذا الي باقي ادخل غرفة اخوك ! عاد صح حنا فري بس مو لذي الدرجه عاد
نوف ببرود : شفييك شدعوه وش انا قايله تراه مو هنا لو هنا ماقلت لك روحي
لينا : متأكده ؟
ريم بدون انتباه : ايييه اصلا يوم جينا ماشفنا سيارته
لينا : طيب
___________________
بنفس الوقت
في الصاله عند ام مشاري كانت تشرب الشاي وتشوف برنامج طبخ
دخل مشاري وعليه بدلة رياضه وكان سابح من العرق : سلام ..... يمه مقدر احب راسك ريحتي فاقعه بروح اتروش وبرجع اطلع
ام مشاري بابتسامه : وصلت حبة الراس ياولدي روح لاتمرض من المكيف وجسمك سابح كذا
مشاري باستغراب وهو يسمع صوت ضحك : في احد فوق
ام مشاري وهي عيونها على التلفزيون : اييييه بنات خالتك وبنات عمهم هنا بينامون عندنا الليله وبكره بيسوون حفل
مشاري وقلبه فز لما قالت بنات عمهم وسوا نفسه مو مهتم : اها وراح غرفته وبسرعه دخل يتروش
......
دخلت لينا الغرفه وكانت انوارها خافته ودورت الشاحن بعيونها مالقته وصارت تفتح الدروج تدوره
طلع من الحمام متوجهه لغرفة التبديل واستغرب الباب مفتوح كله وهو متأكد انه سكره وستغرب اكثر يسمع صوت الدروج مشا متوجه لمصدر الصوت وفتح عيونه باستغرااااب وفز قلبه وابتسم لما عرفها من هيئة جسمها الي حفظها
سكر الباب بشويشش وتكتف : تدورين شي
لينا انصرعت ورمت الي بيدها وصرخت : وآآآ .. حطت يدها على قلبها من الروعه واستحت من الموقف هو بفوطه وهي من غير حجاب جلست على ركبها منخشه : ..أأأ كنت ابي شاحن خلاص بطلع معاد ابي شي ممكن تروح
مشاري مبتسم : دقيقه وراح غرفة التبديل وفك الشاحن من الكهرب وجا ووقف جنب الباب :تعالي خذيه
لينا بتبكي من الاحراج : خلاص روح داخل كيف امر
مشاري بإصرار : تعالي خذيه وروحي ليش منخشه
لينا تمسح وجهها بيدها من الخوف ونزلت راسها : مشاري انتبه لنفسك واطلع خلني اطلع من هنا قبل لااحد يجي
راح لها وهي على طول سحبت لحافه وحطته عليها , نزل على ركبته ومن غير تفكير سحب اللحاف من حضنها ومد يده : خذيه
مدت يدها تاخذ الشاحن بس مشاري شاد عليه , عقدت حواجبها :تركه
مشاري ماقدر يسيطر على نفسه وقرب منها ... شافته يقرب وخافت صارت تتراجع لين لصقت في الجدار
مشاري حاصرها في الجدار وصدره باين من الفوطه : سلبتي قلبي يالينا
لينا صدرها ينزل ويرتفع من الخوف ومو عارفه تتكلم : ابب ي اطط ـلع
مشاري مسك رقبتها من ورا وقرب راسها له وغمض عيونه وو
لينا طاحت دموعها وتحاول تبعده عنها
رخا يدينه وبعد عنها لقاها ترجف من الخوف ودموعها تطيح : آسف
طاح الشاحن من يدها قامت وهي شاده اللحاف عليها وتنتفض من الرعب وهرولت متوجهه للباب بتطلع بس مشاري ركض لها ومسكها بقوه ودخلها الحمام يغسل وجهها بالماي لانه كان وجهها مخطووف
مشاري انتبه لرجفتها وكانت تنتفض وتتنفس بسرعه ووجها صار اصفر : لينا آسف والله آسف ماقدرت امسك نفسي
لينا نفضت يده من يدها وهي تحس بأن الدنيا بدت تظلم بعينها صارت تمشي خطوتين وتوقف وهي تحاول تتزن وتردد بخوف لاتقرب لاتقرب وخرر لاتقرب
ظل واقف وهو يراقبها وقلبه مقبوض من الخوف عليهاا الين ماطلعت من الغرفه وعينه عليها بغى يلحقها بس خاف احد يطلع ويشوفهم
كانت تمشي وهي تتنتفس بخوف وسرعه ويدها على فمها تتحسس شفايفها وتحاول تخبيهم , مشت اسرع ودخلت دورة المياه وقبل لاتسكر الباب انصدمت بنوف الي طلعت من الغرفه : ليناااااا .. ليناااا
لينا بسرعه سكرت الباب: هنا هناا انا
نوف تطمنت ودخلت الغرفه وسكرت الباب
مشاري كان يمشي رايح جاي في الغرفه ويمرر يده في شعره : افففففففف شسوييييت انا شسووووويت وضرب الارض برجله وراح يبدل عشان بيطلع
لينا كانت في الحمام متسنده على الباب تبي انفاسها تهدأ وترخى اعصابها وقفت قبال المرايه وشافت شفتها لسا : يووووه , شغلت المويا البارده وصارت تغسل شفتها لمده طويله الين ماحست انهم مو ملفتين للانتباه
وفتحت الباب وطلعت مشت شوي لقت مشاري جاي باتجاه الدرج وانتبه لها بس نزل راسه ونزل وهو يركض رجعت انفاسها تتسارع وراحت وحطت يدها على اسوار الدرج وهي تراقبه وصحت من سرحانها لما شافته التفت لها وابتسم رجعت بسرعه وهي تتحلطم :غبييييي .. ورجعت لغرفة البنات
نوف تطالعها : وووجع عنبو كل ذا شاحححن وفتحت عيونها بصدمه لما شافت يدها فاضيه .....: وويين الششاحن عاد
لينا تتصنع العصبيه: مع وجهك قلبت الغرفه ومالقيت شي
ريم فصلت جوالها : خلاص خلاص تعالي خذي شاحني
لينا رمت جوالها على ريم : حطيه يشحن جنبك انا راسي مصدع برتاح شوي انام واذا جيتو تنزلون تجهزون صحيني مو تنسين, وانسدحت على طول وغطت نفسها وهي تحاول بقد ماتقدر تكون طبيعيه وتهدي من نفسها
ريم : اوك خمدي
____________________
مشاري لما نزل راح لأمه وحب راسها : اقول يمه لارجعت ابيك في موضوع ضروري
ام مشاري بانتباه : ان شاءالله خير ..
مشاري يبتسم وهو يطالع الدرج : لايمه خير خير وبتفرحيين ابشرك
ام مشاري فرحت : يلا عاد قول لي شعندك تخليني احتريك على نار الحين
مشاري وهو يقوم : لايمه انا الحين مستعجل وهالموضوع يبغا له جلسه اذا رجعت ابشري بعزك يلا مع السلامه
ام مشاري : الله حافظك
____________________
في بيت بو سعود
بو سعود : أقول سعود منت حاط في باللك تتزوج ماتشوف ولد عمك فيصل بيتزوج
سعود : لا يبه احس اني مو متفرغ للزواج والبيت وهالامور
ام سعود : بس تراك منت صغير يعني متى ناوي وترا الشغل عمره مايخلص واذا على كلامك بتقضي عمرك بلا زواج
نواف : وبعدين تعال انت مامره فكرت ببيت وعايله وتحس انك مسؤول
سعود يضحك : هههههه لا والله ماجاني هالتفكير ولا مره ليش انت قد جاك
نواف : الصراحه اي
ام سعود بفرح :يعني تبي اخطب لك
نواف توه بينطق الا تكلم بوسعود: لالا اول سعود بعدين يصير خير على نواف
نواف ضرب فخذه منقهر : لاعزة الله اني عرست
ام سعود تضرب كتف سعود بخفيف وهي تمزح : تحرك انت تحرك واترك عنك المصاخه وشغل ماشغل
سعود بضحكه :هههههه شجايكم اعوذ بالله خلاص لاقررت اتزوج بقول لكم
نواف يتحلطم : يعني يقال له الحين غير شي .."ويكش عليه"..
سعود ضحك : يبه يبه خله يتزوج لاينحرني .."وبتفكير لف على نواف"..: وبعدين انت معصب علي من جدك انت تبي تتزوج
نواف توهق : هههه حاليا صراحه لا
بو سعود يطالعه : اجل كل هوا
_______________
الساعه 2:30في الليل بيت بو مشــاري كانو في السرداب يجهزون لبارتي توديع العزوبيه
نور وندى يضبطون المفارش على الطاولات وداليا تضبط الاستريو ولين ولينا وريم وشوق ينفخون البوالين اما نوف كانت جالسه تشوفهم وتتسوي نفسها مبتسمه وهي من داخل شايله هموم الدنيا على راسها
لينا تعضض شفايفها وتنفخ
لين تضرب كتفها : هيييييي شققتي شفايفك بس تنفخو والله
لينا تسوي نفسها مفهيه : مدري شجايني اليوم
ريم يدها بخدها : حححح بالله قومي شوفي شكلك في المرايه متنفخين ومتشققين يلوعون الكبد
نور : تعالي معي حطي مرطب اكيد صايبهم جفاف
لينا ماتبي تروح فوق : ها لا مو جفاف بس يألمون شوي واعضضهم عشان يخفون
نور تجرها من يدك : اقول قومي اكره ماعندي اشوف شفايف متشققين
لينا استسلمت وقامت وصعدو فوق ومرو من عند باب الصاله وسمعو ام مشاري تزغرط بقوه
نور بفرح : يييوووه وش عندنا وفتحت باب الصاله وكانت ماسكه يد لينا بس انتبهت لمشاري جالس ومقابل امه ورجعت بسرعه
نور : قومي من اللفت مشاري جالس هنا وانتي بدون عباة
لينا ارتبكت وخافت : يلا يلا قومي قبل لايطلع
وراحو غرفة نور وحطت لها مرطب ورجعته
نور بشغف تبي تعرف شصاير : اقول ليون انتي انزلي من اللفت وانا بنزل من الدرج عشان اعرف شصاير
لينا وهي تاخذ شيبسات : لانوووور مابغى انزل لحالي اخاف اصادف اخوك
نور : لاتخافين هو متربع تحت عند امي وعندهم سالفه لازم اعرفها يلا روحي
لينا راحت اللفت وهي ماودها اما نور نزلت من الدرج وهي تنطط : هاااا شعندكم اسمع زغاررييط فرحونا معاكم
ام مشاري فرحانه : والله يانور ان اليوم فرحتي تسوى الدنيا ومافيها
نور تجلس على اخر درجه بحماس : طيب عاد فرحوووووني
ام مشاري وهي تطالع مشاري بفرح : مشاري جاي لي ويبيني اخطب له بنت الحلال يعني قرر يتزوج
نور فرحت وقالت وهي تتمصخر : عشتتتتتووو مشاري بيتزوج ومن هذي المقروده
مشاري عطاها نظره بس مو فاضي لها
ام مشاري : لينا بنت ام سعود
نور كأن احد كات على راسها مويه باردد: ماااااااااااالك امل مشاري اغسل يدك البنت غير غير
مشاري رافع حاجب : وشف فيك وش غير فيه تكلمي
نور : اولا لينا دلوعه وكل شي تبيه مجاب ثانيا انت انسان عصبي وكل شي مو عاجبك وتتحكم في الطلعه والدخله يعني ماتصلحون لبعض اببببد
ام مشاري : يابنتي ترى هذي مو مقاييس للزواج اخوك اذا تزوج يتغير واهي بعد تتغير ويتوفقون بحياتهم ويعيشون احلى حياه
نور قامت بتطلع من الصاله
مشاري : اقوووول هييه لاتقولين لها الحين اصبري الين امي تكلم امها بعدين يصير خير
نور بسرعه تكلمت : بس بقول خطوبه جديده وهربت بسرعه
مشاري فتح النافذه : ادفنك بمكانك ياهبله
نور سفهته ونزلت الدرج الي يودي للسرداب
ولقتهم مبسطين ياكلون شبساات
: ماشاءالله مافيكم صبرر ياجعلكم المغص
ريم تحرك يدها : اقول خلصي خلصي على امنا شعندها الوالده العزيزه فرحانه
نور لفت على لينا بسرعه ورجعت لفت على ريم : ايييييييه اقول لكم اخوي العزيز يبغي امي تخطب له
لينا كانت تاكل شيبس وشرقت فيها وصارت تكح بشكل فضيع وعيونهها دمعت
داليا قامت بفزعه تضرب بخفيف على ظهرها
ونور رجعت فوق بسرعه تجيب لها كاس مويه
ودخلت الصاله بسرعه للمطبخ وطلعت بيدها كاس مويه
ام مشاري بخوف : بسسم الله شفيك مطيوره
نور بسرعه : ترى بس قلت خطوبه وهذا هي غصت بأكلها وبتموت علينا وطلعت بسرعه
ام مشاري ومشاري قامو بسرعه ولحقوها
نور تمد المويه للينا وتمسكها من كتفها : سمي بسم الله
لينا تاخذ المويه ويدها ترتجف وكحتها قويه: بسم الله وشربت ورجعت تكح
ام مشاري جايه تسرع : بسم الله الرحمن الرحيم لاااله الا الله مافيك الا العافيه بس والله من الطياره الي فيكم حتى بالاكل
لينا ابتسمت بإحراج : هههه لاعادي بس شرقت بحبة الشيبس لان هالبقره كانت تصارخ وتأشر على نور ..
مشاري من بداية الدرج وهو خايف عليها ومعصب : الا والله من الخبال الزايد اجل احد يشرق بشيبس خبري الناس تشرق بمويه عصير
لينا من سمعت صوته رجع في بالها الي صار بغرفته
ام مشاري لما حست انها تطمنت على لينا : يلا اجل عن اذنكم وبشويش على نفسكم بشويش وابتسمت للينا وطلعت فوق
لينا هنا تأكدت انها هي عروسة الغفله " ياربييييي عاد مو مشاري لاااا والله انه بدوي مايجي لمي ابببد" وبسرعه لفت لنور : ايه ماقلتي منو بيخطب اخوك
نور تأشر بصبعها لفوق : محلفيني ماتكلم آسفه
شوق تأشر بصبعها عليها وعلى البنات : وحدها منننا ؟؟
نور تهز راسها بأيه وتحرك حواجبها
لين بحماس : نوررر قولي
نور تهز راسها لا
ندى بدلع : اكيييييد انا وه بس
نور : ههههههههه لا مو انتي
داليا : بتقولين ولا والله بهالشبشب الحين
نور تسوي نفسها مسكينه وتأشر بصبعها لفوق بعدين تمشي يدها على رقبتها يعني الي فوق يذبحوني
ومرت الليله وهم يبون يعرفون مشاري مين بيخطب واما لينا كانت غايصه في هدومها لانها عارفه انها اهي
______________________
سمر تكلم تركي بصوت تعبان : صار لي حول الاسبوع تعبانه بموت من التعب
تركي : يمكن ماخذه برد او نزله معويه او ماكله شي ومتسممه منه ليش مارحتي المستشفى وش تنتظرين وين اهلك
سمر تمسك بطنها بألم وتغمض عيونها : اهلي باقو ماجو من البحرين وانا ماحب المستشفيات ولا حب شقاهم خلاص الي فيني فتره ويروح
تركي تفاجأ من برودها : يمكن يتضاعف عليك اذا تركتيه يلا قومي تجهزي بجي امرك و نروح المستشفى
سمر بخوف : تركي حبيبي والله مابي اروح
تركي بنرفزه : كيف يعني ماتبين تروحين بكيفك هي ترى لصحتك حق عليك
سمر بتأفف : ياخي بروح وريحة المستشفيات كريهه وفي النهايه كرتونين دوا ويقلعوني
تركي بإصرار : يلا يلا انا قمت البس ثوبي 10 دقايق وانا عندك
سمر سكرت جوالها وهي تبتسم بنصر : يسسسس .... راحت تلبس وجا لها تركي وراحو المستشفى
سمر طلعت من غرفة تحاليل الدم وحاطه صبعها على وسط يدها اليسار وسافطتها ومغمضه بألم
تركي يجلسها : ماتوقعتك جبانه وتخافين من الابره
سمر تتمسكن : والله انها توجع وعلى الم هالابره بيقولون لي تسمم او شي غبي مثل وجههم
تركي : يابنت الحلال حتى لو قالو تسمم على الاقل تعرفين علتك وتاخذين ادويتك وتصيرين احسن ولاعاجبك وضعك كذا حرارتك مرتفعه وترجعين
مرت ساعه وهم ينتظرون بملل
طلعت الممرضه وبيدها اوراق سمر وابتسمت لهم : مبروك سمر حامل
تركي فتتتح عيونه على وسسعهم وقال بربكه : ممم ممين وششو شتقولين
الممرضه تضحك : الظاهر انك بتطير من الفرح بس المدام سمر حامل الف مبروك ولفت دخلت
تركي صنننم مكانه ومو قادر حتى يرمش ولايلتفت لسمر
سمر تسوي نفسها تبكي : متتتى وكييف صار كذا اهلي بيذبحونيييي والله بيذبحونيي
تركي بلع ريقه والتفت بيطلع من المستشفى
سمر تلحقه بترجي : تركي وقف والله اهلي يذبحوني ويخلون قبري عند باب بيتنا لو درو
تركي التفت وبحلقه غصصه مو قادر ينطق حط يده على فمه : ششششش
سمر خلته يمشي وهي من داخلها ميته من الفررح ورجعت داخل المستشفى " والله لاخليك تاخذني حتى لو تبرو منك اهلك لتبيع ماوراك ودونك وتتزوجني"
اما تركي طلع الشارع وهو مايشوف قدامه من الصدمه ركب السياره وضرب جبينه بيده : شالمصيييييبه وش هالبلوووه ياربي وش هالمصيبه الي انا انحطيييت فيها انا الغبي انا الي استاهل والا انا اتوهق مع هالسافله الي بايعه نفسها وبايعه كل شي وعايشه حياتها كيف ماتبي وصار يضرب الدركسون بأٌقوى ماعنده : افففف اففففف افففف
_________________
فيصل يفتح كرتون الزقاير الثالث وهو يزفر بقهر
سعود بعصبيه سحب الكرتون منه : مجنوووون انت هذا الكرتون الثالث ترى بتموت قسم بالله
فيصل بكره لوضعه : ياجعلني صج اموت واهلك وافتك من هالعيشه
سعود يهديه : يابن الحلال جرب الحياه معها شهر شهرين يمكن تلقاها بشخصيه ثانيه يممكن تتغير بعينك وقلبك وتفكيرك انت اصلا فترة الملكه ماجلست معاها والمفروض انك حاولت تضغط على نفسك مره ومرتين وعشر عشان تعرفها زين
فيصل : وش اتعرف عليها انا مابيها ماطيقها اكرها من بين كل بنات اهلي وبعدين ترى اكره ماعلى الرجال انه يجبرونه على شي
سعود : بذمتك انت قد جلست معها مره وماتهاوشتو مع بعض انت لسا تتعامل معها تعامل بزران .. ويحط يده مكان عقله .. : والله انا اكرهها والله انا اطيقها ومابيها وبطلقها بعد كم يوم الزواج انت بتظلم نفسك قبل لاتظلمها ماعشت ايام خطوبه حلوه ولاعشت ايام ملكه حلوه وياخي حتى شهر العسل ناوي فيه بالشر فيصل كبر عقلك شوي طيعني
فيصل يحط يده على خده بملل : وش تبي اطيعك فيه
سعود ياخذ نفس : اول شي تمسك يدك ولاتضربها مهما طال لسانها ياخي حقرها ماتعرف تحقر انت
فيصل وبنفس الوضعيه : غيره ؟؟
سعود : ماتصارخ ععليها ولاتحسسها في الطالعه والنازله انك مجبور عليها هذي نصيحتي لاتتحسف بعدين وترى الي ينكسر عمره مايتصلح
فيصل بنرفزه : ياعساه ولاعمره تصلح وكلامك مو مقنع ولايدخل العقل ولاني منفذ منه ولاحرف واحد
سعود يصفق بقهر : برافوووو برافووووو اهنيك على كبر عقلك
فيصل : اذا كان قصد اهلي يبوني اتزوج بتزوج ولايهمهم بطلق هالزفت اول ماناخذ شهر على زواجنا وبعدها بكم يوم بقول لامي تدور على بنت الحلال حتى لو كانت اختها حتى لو كانت اختك انت
سعود : معصصي وعلى قص رقبتي تطلق بنت خالتك وتاخذ اختي
فيصل انصدم : ليش وش فيني
سعود : مافيك الا العافيه بس انك تطلق حرمتك وتاخذ اختي صراحه انا واحد مارضا فيها
فيصل تضايق وتكلم بنرفزه وصوته عالي : طيب شالحل شالحححل
سعود من غير مايناظره مز رشقة عصير وهو يقول : الي عندي قلته وانت حر ...
___________________
يوم ثاني في الصبآح الساعه7:30 جلست نور من النوم ودخلت الحمام تاخذ لها شاور ولبست تنوره وبلوزه وحطت لها ميك اب خفيف وبعدين جففت شعرها وربطته ذيل حصان ولبست عبايتها وتوها بتطلع بس ذكرت شي مهم ورجعت بسرعه مسكت جوالها وفتحت الواتساب ورسلت لراكان : صبآح الخير وسكرته وطلعت من الغرفه
نزلت الدرج وهي تشوف امها وابوها ومشاري على الطاوله يفطرون راحت تبوس راس امها وابوها : صبآآآح الخير
ام مشاري : صباح النور تعالي افطري
نور : لايمه معليش متأخره عليكم بالعافييه
......................................
بمدرســـة لينا
بالفصل كانت لينا جالسه تكتب
رغد بهمس : فجر خلاص مالك شغل بالبنت ترى ماضرتك ليش تبين تخربين عليها عيشتها
فجر : مغروره وشايفه نفسها علينا وتعاملنا كأننا خدم
رغد بشوي عصبيه : حنا الي نبي كذذاااااا حنا الي نجلس تحت رجولها عشان واجباتها وعشان ترمي علينا فلوسها
فجر تهز رجلها بعصبيه : الي براسي بسويه بتجين معي ولا
رغد تلف عنها وتفتح دفترها : لا روحي لحالك
فجر : احسن انقلعي وقامت تروح جنب لينا
فجر : هلا ليوووون
لينا بدون ماتلتفت : هلا فجر .. ترى لسا ماخلصت الواجب عشان اعطيك
فجر هنا ارتفع ضغطها زياده : لالالا مابي واجب جيتك بموضوع ثاني
لينا : خيررر بعد
فجر : في بنات مسويين بارتي وعازميني وقالو لي اقولك ومصريييين انك تجين والله انهم حبوبين ويدخلون القلب
لينا : منو هالبنات اعرفهم انا ؟
فجر : اي تعرفيهم بنات الفصل الي جنبنا متجمعين في شاليه
لينا بتفكير : امممممم طيب متى اي يوم؟
فجر فرحت : بكره
لينا : طيب بس بروح شوي وبطلع لاني مشغوله حدي الخميس عندنا زواج
فجر بفررح : مو مشكله اهم شي تسيرين علينا
لينا لفت على كتبها : طيب طيب يلا ابي احل الواجب
فجر كشرت وقامت من على الكرسي ولفت على رغد الي كانت تناظرهم بخوف وغمزت لها
رغد انقهرت ورمت القلم بالارض : والله حرام علييييك البنت مسكينه
فجر : ياجعل السكينه الي تنغرس بصدرها ولفت للينا بخبث : دوا غرورها عندي
__________________________________