.
.
.
الجـــــــــزء التـــــــــــاسع عـــــــــشــر
.
.
.
في السـوق
تركي اتـصل على داليا وبعد كم رنه ردت بصوت مبحوح : هلا تركي
تركي بقلق : دالييااا وينك انتي
داليا : في السوق قريب منكم
تركي وهو يدور بعيونه : وين وين قريبه انا جالس اتلافت ماشوفك
داليا بهمس : دقيقه ..... والتفتت على سعود الي كان واقف يحاسب ومعطيها ظهره التفتت بخوف جهة الباب ورجعت تتفقد سعود وبسسرعه طلعت من المحل وهي تسرع بخطواتها تجاه الساحه الكبيره ورجعت تكلم تركي : ويينك انت وين واقف بالضبط
تركي يزم شفته : اممم شوفي انا بالضبط واقف عند واحد عنده عربيه ويبيع ذره مشويه شفتييه ؟
داليا وقفت تدوور بعيونها وشافته : اي خلاص شفتك ... وسكرت جوالها ومشت له
تركي : وين رحتي وين اختفيتي
داليا بابتسامه باهته وبصوت هادئ : ابد في محلات هنا دخلت اشوف
تركي بتفحص : فيك شي
داليا رفعت كتوفها : لاا
تركي وهو شاك : كنتي تبكين صح ؟
داليا بعدت وتسوي نفسها مستغربه : وش بكييت تركي وش فيك جالس تحقق
...................
عند سعود اخذ الكيسه ولف لجهتها ماشافها مشى شوي يدورها بعيونه ومالقاها راح بسرعه جنب غرفة القياس ولقى الباب مفتوح وهي مو فيه التفت بخوف جهة الباب ..: وييين راحتت .. ومششى بسرعه طلع وهو يدورها يمين ويسار اخر شي فكر انها ممكن رجعت لهم راح بجهة السسـاحه ووقف فجأه لما شاف تركي مقابله وداليا معطيته ظهره ومو منتبهين له .. مرر يده في شعره وزفر بارتياح خاف انها تضيع بوسط هالزحمه وتخاف ويصير فيها شي ... مشى بهدوء جهتهم وهو يتوعد داليا على حركاتها ذي
.......................
عنـد داليا وتـركي
تركي : كم مره قلت ماتقدرين تنكرين قداامي كم مره .. عيونك مفقعه ومحمرين وواضح انك باكيه وتقولين مابكيت
داليا صدت وهي تتأفف بضيق
تركي فجاه تذكر وسأل : ويين سعود
داليا قمطت ولفت له : خير يعني وانا شدراني عنه
تركي فجاه رفع راسه لما انتبه بسعود جاي جهتهم نزل راسه لداليا : قلتي ماتدرين اجل ؟؟
داليا استغربت : ايـ... الا انصدمت لما شافت سعود جا وقف معهم
تركي : وينكم وين رحتو
سعود يحاول يهدي اعصابه : ابد بدل ماننتظركم تخلصون العاب رحنا نتمشى شوي بالمحلات ... ولف لداليا الي كانت صاده بوجهها ...: بعدين داليا كيف تطلعين من المحل من غير ماتقولين وتخليني اخاف وادورك في المحلات ؟
داليا انصدمت ولفت لتركي الي يناظرها ورافع حاجبه متعجب ولفت لسعود وهي خايفه ومرتبكه : نسيت
سعود عطاها نظره ارعبتها ولف لتركي : وينهم
تركي تنهد : لينا تعبت علينا واضطرو يرجعون كلهم الفندق
سعود طير عيونه بخوف : خــير شصار
تركي يهديه : وشش فيك مافيها الا العافيه بس داخت من اللعبه واليوم كان متعب ف خلاص كلهم رجعو
سعود بخوف : يلا يلا نرجع بعد حنا
تركي : يلا
ومشو ثلاثتهم وركبـو السياره راجعين الفندق
_________________
في الفنـدق
فيصل رمش عيونه بصدمه وهو يشوف شوق ونوف متشابكين وماتبين وجييهم من نفشة شعورهم التفت لنواف الي شوي شوي بدا يبتسم وهو يسمع الصراخ اما هو دخل بسرعه وراح يحاول يفكهم وصرخ : ففككوووو ببعععضضضض وججعع
نوف شهقت وبسرعه فكت شوق والتفتت على فيصل وغمضت عيونها وتحس ودها الارض تنشق وتبلعها
شوق فتحت شعرها ونكست راسها وهزته بحيث شعرها يتحرك بسرعه وتعدلت وربطته وهي تتنفس بسرعه وتضحك : شافك على حقيقتك ياوحشه
نوف بلعت ريقها ومالها وجه تشوف فيصل وتسب شوق مليون سبه بداخلها الا فجأه سحبها فيصل : اكيد كسرتي ضلوعها يامجرمه
شوق طيرت عيونها : ووششووو الا شفني انا شمختتنيي مثل قططوو وججع ونتفت شعريي
نوف ماتحملت وفزت بترجع تضربها الا فيصل مسكها بسرعه : خلاص خلاص ماعليك منها حسابها عندي بعدين
شوق رفعت راسها بغرور وبطريقه تنزفز : خذ مرتك وبرررا من هينااا بسرعه
نوف بهمس : انطمي لااجي اقتلك
شوق ضحكت بقوه :هههههههههههه انتي انفكي من رجلك بعدين تعالي لي اذا قدرتي
نوف رفعت راسها لفيصل : تكفى فكني عليها
فيصل ابتسم وشدها بأقوى : مو مستغني عنك اناا عشان اخليك تروحين لذي ..
نوف قمطت وبسرعه صدت عنه وهي تسب فيه هو الثاني وكانه وقته يحرجها قدام الكل
شوق كشرت وناظرتهم بنص عين : قلللة اددددبب
فيصل لف للبنات : ندى او نور وحده منكم تقوم تجيب شنطة نوف
نوف بإندفاع : ليييييهه
فيصل همس بأذنها كلمه احرجتها لدرجة غمضت عيونها بقوه بدون ماتلف للبنات
شوق كشرت : فيــــصل ! استح على وجهك ععاااااد
فيصل ضحك : ههههههههههه اخاف حاسبتني اصغر عيالك تسنعي لااعلمك السنع
شوق : اجل لاتجلس لي تسوي حركات هنا قدامنا
فيصل : انطمي ... ولف لندى الي جابت شنطة نوف : يعطيك العافيه ... ولف لنوف : وين حجابك ؟
نوف اشرت براسها جهة نور الي رمته عليها لبسته بسرعه بدون ماتتكلم وتحس انا منحرجه من البنات ومالها وجه بسبب حركات فيصل
وهو مسك يدها وسحب شنطتها وطلع من الجناح شوق راحت وراهم وهمست : احح وجع كسرتني هالدفشه ... الا انصصدمت لما شافت نواف جالس قريب ومبين وجهه احمر من الضحك ششهقت وبسرعه سكرت الباب بقوه وهي تتنفس بسرعه : يووهه
عند نواف الي ماقدر يمسك نفسه عن الضحك على شكل شوق الي صاير طفولي لابعد درجه كشه ووجهها احمر وتنافخ معصبه تذكر لما كانت تطاقق معه كيف كان على قد مايعصب الا انه يموت ضحك عليها ماقدر يمنع نفسه انه يصد ويمتنع من شوفتهاا اساسا هو حفظها حفظ ماقدر يمسك نفسه وهو يسمع صوتها الغالب عليه الطفوله للحظه استغرب منها في الطياره ضرب رجلها ولاردت عليه بحرف ولما كان يصور راحت من الجهه الثانيه والحين صوتها واصل لاخر الفندق من الصراخ والهواش والي قالوه في السياره عنها للحظه حس انه منبوذ من قائمتها تضحك وتمزح معهم وتتهاوش معهم وهذا احلى شي فيها الا هوو صارت من تشوفه تصصنم مكانها وبسرعه تتهرب منه .. الا انتبه لها واقفه وهي مصصدومه وبسرعه سكرت الباب بوجهه تمنى تمنى لو انها صرخت عليه هزأته اي شي بس على الاقل حسسته انه حاله من حالهم حس بضيقه في صدره وتذكر كل الاشياء الي صارت بينهم ونزل راسه ليده الي ضربها كف فيها وقبضها بقوه لدرجة بانت عروق معصمه وهو يفكر ان ممكن شوق تاثرت من هالكف وصارت تتصدد عنه عشانه ضربها بهالطريقه
قـطع كلامه جية سعود وتركي وداليا .. فرك عيونه بتعب ورفع راسه لسعود الي يدق الباب : افتحووو
قامت لين فتحت له الباب ودخل ودخلت وراه داليا
سعود دق الباب وشوي وفتح له مشاري وهو هز له راسه بمعنى "وش فيها"
مشاري بهدوء : مافيها الا العافيه
سعود دخل ومشى للسرير وبعد اللحاف عن وجهها وشافها نايمه مسح على شعرها بخفيف قرب من انحنى لمستواها وباس راسها وتكلم بهدوء : ماتشوفين شر دلوعة سعود .. ولف ماشي بيطلع من الغرفه الا مشاري وقفه : صبر بجي معك
سعود : انتظرك برا ... واول ماطلع انتبه لداليا الي كانت جالسه على الكنب الي اول ماشافته تعدلت بجلستها وعطته ظهرها ... مشى وهو يتنهد
اما مشـاري انتبه للينا اول مامشى عنها سعود رجعت غطت نفسها بقوه وشهقت عرفها جالسه .. استجمع قواه وراح لها وجلس على ركبه ورفع اللحاف عنها بهدوء الا هي ششدته بعناد عقد حواجبه وبيده الثانيه فك يدها وبعد اللحاف عنها وانتبه لدموعها لكن سرعان ماهي صدت للجهه الثانيه وهو وقف بقلق وانحنى لجهتها : وش فيك ليه تبكين ؟
لينا ببحه : مافيني شي
مشاري جلس على حفة السرير ولفها له بقوه وثبت كتوفها : وش مافيك شي ليه هالدموع اجل
لينا بضجر : ماابكي ماابكي افههمممم فكنني اطلـ.. الا مشاري سد فمها بيده وقرب من وجهها وهو راص على اسنانه ..: اسكتي ماله داعي الي برا يسمعون صراخك
لينا تحاول تفك يده لكن هو رص عليها بزياده الا هي خززته وبخوف اقشعر جسمها لما قرب وجهه منها غمضت عيونها وهي مرتعبه خافت تكرهه زود ماحست الا بيده تبعد عن فمها وتوهـا بتسحب نفس ماحست الا بشفايفه تلامس شفايفها جنن جننوونها وبكل عصبيه دفته من كتفه : بععددد ... الا هو بحركه سريعه مسك يدينها بقوه وكتفهم ورصهم لعند صدرها وقرب من وجهها وحط عيونه بعيونها وهمس بطريقه اربكتها : مهما نفرتي مني ومهما عاندتي وصرختي انا بتمسك فيك اكثر ... وبنبرة سخريه .... تدرين ليه ؟ لانك دخلتي بمزاج مشاري .... وفك يدها وقـام بدون مايلتفت لها وطلع من الغرفه اما هي غطت نفسها ومسحت شفايفها بعنف وهي تشهق :مقرف ووصصخ
ماحست الا باصوات البنات دخلو سوت نفسها نايمه ومتجاهله ضحكهم وسوالفهم
_____________
بجنـاح فيـصل ونـوف
فتح الباب ودخل واشتغلت الاضاءه وفسح لها المجال تدخل
اما هي كان وجهها مصفوق منه دخلت بدون ماتحط عينها بعينه ودخلت الغرفه وفكت حجابها ومسحت وجهها بيدينها , التفتت يمينها لما حست فيه يبوسهـا بكتفها :بسم الله
فيصل ميل راسه لها : بسم الله عليك
نوف بنرفزه : وش فيك قلبت مراهق
فيصل : هاا وش سويت
نوف تأشر بيدها جهة الباب : ليه قبل شوي تسوي ذي الحركات قدام البنات
فيصل : ماسويت شي بس كلمتك باذنك بعد مايصير يسمعون الي بقوله
نوف ضربت الطاوله بقبضة يدها : وليييه اساسا تكلمني باذني قدامهمم اففف
فيصل ضحك عليها وسحبها لحضنه : استحيتي ؟
نوف بقهر : مدري والله اسأل نفسك
فيصل بهمس بدون مايناظرها : معصبه ومستحيه بنفس الوقت ! ... وتنهد .. ياويل حـالي
نوف قمطت منه وبعدت عنه : فيصل مافيني حيلك ترى اعقل عنني .....وتوها بتمشي الا هو سحبها وشد اذنها الا نوف صرخت : ااااييي فيصل وش فيك
فيصل شدها من اذنها وهمس : قدرت اتوحد فيك ولا ماقدرت ؟
نوف بغرور دفته : حظ نصيب حبيبي لاتفرح بعمرك
فيصل ماقدر يمسك نفسه وانفجررر ضحك :
نوف قمطت : سكنهم مساكنههم وش فيييك
فيصل جرها لحضنه وهو يضضحك ومو قادر يمسك نفسه
نوف رفعت راسها له وتأففت : ااافف عاد فيصل ضحكني معك لاتخليني كذا مسبهه
فيصل اشر لها تصبر وطلع جواله من جيبه وفتح الواتس على محادثة شوق اخته وبعد الجوال عنها وهو يناظرها بطريقة شرط : تقرين بدون ماتعصبين
نوف ابتسمت : زييين
فيصل عطاها الجوال وثبت ذقنه على كتفها ويقرا معها
.
.
فيصل : شوق وعمى
شوق : وش فييك
فيصل : اسمعي اختي حبيبتي ابي منك خدمه
شوق : مقابل ؟
فيصل : الله يقطع وجهك انتي عرفي وش ابي منك بعدين طلبي مقابل
شوق : طيب طيب وش تبي
فيصل : اسمعي ابيك تطفشين نوف اليوم تتهاوشين معها تنرفزينها كل الي يجي ببالك سويه
شوق : اعوذ بالله عاد ليه ؟
فيصل : عن اللقافه سوي الي اقولك وبس ولك ماتبين
شوق : اممممم اوكي خلاص تم اعتبرني انا ونوف متذابحين اليوم اول مانرجع بتشوف
فيصل : تمام والله انك قدها
.
.
نوف ظلت ترمش بعيونها مو مصدقه المعركه الي صارت تخطيط من فيصل وشوق على شوي كانو بيكسرون عظام بعض .. ووسط فهاوتها الا فزت لما باسها بخدها وتكلم بروقان : جبتك ولا ماجبتك ؟
حطت الجوال بعصبيه وقامت : والله والله تصصبررر والله لاذبحهاا
قطع كلامها فيصل الي بسرعه سحبها ورجعت طاحت بحضنه
نوف بعصبيه : والله انك تهددني عليها الحييوااااننهه كذذا تسسوي فيني
فيصل رفع حاجب : ششش اصلا انا بكافأها على الي سوته ماشاءالله اشتغلت على اكمل وجه
نوف بقهر : اساسا شوق ماطلعت لغريب دامك اخوها
فيصل ضحك : ههههههههههههههههه بس امانه قدرتي عليها ولالا
نوف بقهر : الشي الوحيد اني قطعت لها شعرها ولا هي كسرت ضلوعي الدفشه
فيصل : يعني تعادلتو
نوف خزته وقامت عنه تمشي للغرفه : حسابها معي بكرا الحيوانه الحين خلني ساكته
اما فيصل ضحك بخفيف وقام لحقها ودخل سكر الباب الا هي لفت له وتسمعه : اي اساسا انا ماجبتك هنا نتكلم عن شوق وغيرها
نوف : احسن بعد عشان ماتنرفز زود
فيصل مشى لعندها ووقف متكتف جنبها ويناظرها بتركيز وهي تمشط شعرها
نوف ارتبكت وحطت المشط بعصبيه : ااففف فيصل لاتناظر كذا والله معرف اتحرك
فيصل ضحك عليها : ههههههههههههههه انتي وش فيك معصبه للحين
نوف : الله عاد مدري اسأل نفسك
فيصل بهدوء قام وسحبها معه : اعرف وش يروقك
نوف وهي تمشي معه مستغربه ؛ خخييرر وش عندك
فيصل : ااصص امشي وانتي ساكته ... وراح فتح البلكونه .. : صبر اشوف فيه احد تحت .... وطل براسه بس سرعان مازم شفته
نوف بشك : فيه احد ؟
فيصل سكت فتره : ايه فيه بس اقولك تعالي واوقفي بعيد
نوف جات ووقفت وهو راح لها : اول شي خذي لك نفس من ذا الهوا الصافي
نوف لاشعوري ابتسمت وخذت نفس وهي مغمضه وفتحت عيونها : وبعدين !
فيصل بروقان سحبها لحضنه وهمس قريب من اذنها : تدرين انك روح فيصل ولاماتدرين ؟
نوف اختفت ابتسامتها وبلعت ريقها بينما هو همس مره ثانيه : تدرين انك هواي الي اتنفسه ولاماتدرين ؟
نوف وانحبست انفاسها ودقات قلبها تسرع بشكل غير طبيعي ماحست فيه الا يبوس خدهـا لفت مصصدومه والتقت عينها بعينه وهو ناظرها بمعنى "وش فيك"
نوف بلعت ريقها وهمست : كثير علي
فيصل ابتسم على جنب وشدها اكثر له من كتفها ومسك يدها وشد عليها : ششش مو كثير
نوف تنهـدت وهي تنقفل نظرها بين البحر والسما والسيارات وزحمة الناس
اما فيصل تعدل بوقفته واشر براسه : يلا ندخل
نوف بتهرب خوفا منه : لييه حلو الجو خلينا شوي
فيصل هز راسه بالنفي : لا يلا خلاص ادخلي
نوف مدت بوزها ودخلت وهـو لحقهـا
_______________
يــوم جـديـــد ،'
السـاعه 8:30 الصبـاح
في جنـاح البنات
نور صحـت من النوم وشافت البنات لسا محد جالس قامت دخلت تتروش وطلعت لبست وراحت جهة النافذه فتحتها وهب عليها الهوا ابتسمت من غير شعور والتفتت للبنات الي غاطين بنومهم راحت لسرير ريم وهزتها بخفيف : رييم .. ريييم .... وهزتها بأقوى ...: اففف رررييييم
ريم كشرت بانزعاج : نوير قومي عني لاارفسك الحين
نور ضربتها براسها : قوومي معي الجو برا ججننان
ريم دفنت راسها تحت المخده : ياررربي وش هالروقان طسسي عن وجهي فيني النوووم
نور تأففت وغطتها بعصبيه واحتارت من تصحي وراحت لشوق وجلست على سريرها : شوووق شوووووقق
شوق بصوت كله نوم : ههممم
نور تحمسها : قوومي معي نطلع برا ونفرفر شوي الجوو يههبل
شوق فتحت عيونها بتركيز : ككمم الساعه
نور : بقى شوي وتصير 9 تكفييين قومي
شوق قامت بحماس : يلا يلا بس اتروش
نور فرحت : يلا انتظرك في الصاله .... وراحت تنتظرها بينما شوق دخلت تتروش
وبـعد ماخلصت طلعت ولبست ملابسها وجففت شعرها وسوته كعكه ولبست حجابها وخذت شنطتها وطلعت بحماس : جهززت
نور قامت : يلا اجل
وطلعـو
.....................
عنـد الشباب
نواف طالع من الحمام ولاف الفوطه على خصره ونـاوي يطلع
لبس ملابسه وانتبه لتركي جلس بس ماقام من على السرير : انا بطلع تجي معي
تركي ببرود : زين بس اصبر اصحصح واقوم
نواف : اخلص عاد
تركي عطاه نظره بنص عين وكمل طقطقه على الجوال
نواف وقف يضبط شعره ولبس ساعته وتعطرر واخذ جواله ولف لتركي الي مغمض عيونه وعاقد حواجبه : بترجع تنام ؟
تركي فتح عيونه : لالا هذاني قمت .. وقام اما نواف راح الصـاله جلس على الكنب ينتظر تركي يخلص
_________________
عنـد شوق ونـور
جالسين يتمشون بجهة المطاعم الي حول الفندق وحايرين وين يجلسون
شوق : ليه ماجلستيهم كلهم
نور : اذا جلسو وش بيخلصهم الحين ولاالظهر نطلع وانا صراحه بودي طلعه من الصباح كذاا روقان وهدوء
شوق ضيقت عيونها : امممم طيب جوعانه
نور حطت يدها على بطنها : اخخ والله حتى انا
شوق وقفت : شوفيي ذا المطعم خلينا ندخل فيه
نور : يلا ..... ومشو فجأه نور وقفت وهي تشوف الي جالسين ..: ححح شوق كله شباب لا ومبينه السعوده
شوق : لا مو كلله شوفي ذي الجهه اغلبها بنات تكفين عاد
نور بتردد : نمشي وندخل مكان ثاني
شوق رفعت راسها لشكل المطعم : نوير ذا شكله دخل مزاجي يلااا عااد
نور : زين زين بس ان صار شي بدفنك بارضك
شوق سحبتها : فكيني مدري وش بيصير
ودخلـو ووقفو ثواني يدورون طاوله فاضيه ولقو فاضيه وراها طاولة شباب اما باقي حولها كلهم بنات او عوايل
نور بتردد : هاا
شوق : وش فيك انتي ترى عادي حمدالله والشكر وخذتها معها وجلسو على الطاوله
وبعد دقـايق طلبو لهـم فطور وجلسو ينتظرون الطلب يوصل
_______________
نـواف وتـركي طلعو من الفندق عشن يفطرون
تركي : فيه مطعم هنا شفته البارح يناسب لفطوور وكذا وشكله محترم وش رايك نروح له
نواف : عاددي بس اهم شي ابلع لي كم لقمه
تركي ضحك على كلمة نواف ومشى معه لمكـان مالمطاعم مصفوفه بجنب بعض
وقف فجأه وهو يحك ذقنه : احس اني خبصت بالاشكال نسيت شكله في الليل صاير غير وماركزت بأسمه
ودار براسه الا تكلم بحماس : اي اي هذا هوو
نواف رفع حاجبه باعجاب : عندك ذوق طلعت
تركي ضحك : هههههههههههه انطم وامش
ومشـو للمطعم ودخلو على طول راحو ووجلسو وطلبو لهم فطـور
..................
عنـد شوق ونور
شوق قالت لنور عن اتفاقها مع فيصل وتتكلم وهي ميته ضحك ونور مو اقل منها
نور : ههههههههههههههههه كلبه كلبه حرراام عليييك كل ذا مقلللبب
شوق : ههههههههههههههههههههه ششـ.. ههههههههههههههههه شوووفي
نور وهي تتلافت : شوووق وعمى خلااص اهجدي بتفضحينا
شوق تأشر لها مو قادره تسكت وحطت يدها على فمها وهي تضحك بقوه
نور ضحكت على ضحكها : هههههههههههه اشربي اشربي عصير تنطمين شوي
شوق مسكت العصير وهي تضحك وشربت شوي الا شررقت وحطت الكاس على الطاوله وماقدرت تمسك نفسها تككح وتتضحك
......................
عنـد تركي ونواف
تركي لف باستغراب من هالضحك وانتبه لبنتين متحجبين ومعطينه ظهره ووحده واقفه تضرب ظهر الي جالسه والي جالسه تكح وتضحك
نواف ضحك عليهم : ههههه وش هالضحك مهستريين ذولا
تركي : مجاانين ... ولف وكمل فطوره وهو يهز راسه عليهم
.......................
نور ضربتها بخفيف على راسها : قومي قومي الحمام غسلي وجهك صار كله دموع من هالضحك فشلتينا حسبي الله على عدوينك
شوق اشرت لها خلاص ووقفت : بـروحـحـ .... ههههههههههههههههههه
نور تكمل لها وتدفها : وبلحقك بلحقك بس ذلفي
شوق مشت للحمام وهي مسكره فمها بظهر يدها ودخلت بينما نور خذت شنطتها وشنطة شوق وحطت الحساب تحت الفاتوره وقامت بتروح لشوق وكان حمامين بجنب بعض الرجال والنساء
الا وهي داخله طلع رجال من حمام وكان يراقبهم من اول مادخلو ويراقبهم وهم يضحكون
مشت بتدخل الا انصدمت وقف بوجهها رفعت راسها بخوف : نعم
الشاب : مابي منك شي لاتخافـ..
نور قاطعته : بععد عن طريقي
الشاب ابتسم : ليه خايفه قلت لك مابي منك شي
...................
عند نواف رفع حاجبه باستغراب : وش فيه مسكر عليها الطريق الحيوان
تركي رفع راسه : منو ... ولف لوين ماننواف يناظر
نواف : وحده من البنات الي يضحكون قبل شوي
تركي بتركيز وهو يشوفها تتلافت يمين ويسار وهو مسكر عليها : شكله من اهلها
نواف فزز فجأه : اياا حيوان عططاها رققممم
تركي رفع راسه بتركيز ويحاول يدقق بيدها وانتبه للشاب مشى وهو يبتسم ولبس نظارته وطلع من المطعـم
........................
عنـد نور سحب الرجال يدها وحط فيها ورقه وسكر عليها : تكفين اتصلي .... ومشى عنـها اما هي دخلت الحمام وهي ترجف من الخوف ووجهها اصفرر وشحب لونه انتبهت لها شوق وجت ترككض : نووورر وش فيييك
نور بخوف بلعت ريقها : ووصخخ وصصصخخ
شوق بخوف وربكه : وش فييك من تقصددين
نور اعتدلت بوقفتها وضمت شوق بقوه وهي ترججفف
اما شوق قمططت وشدت عليها : بسم الله الرحمن الرحيم نور خوفتيني بسم الله عليك وش فيك
نور بغبنه : خلينا نطلع من هنا تكفين بسرعه خلينا نطلع برجع الفندق
شوق تهديها : خلاص خلاص اهدي وفتحت الباب بتفقد ولفت لها : يلاا امشي ... وطلعو يمشون وشوق مستغربه اما نور ترتعد وهي تمشي وضامه يدها بقوه الي كانت فيها الورقه
....................
نـواف وسع عيونه بدهشـه لما شاف البنات هم شوق ونور
تركي بتأفف : وش فيـ... الا انصدم لما لف وشافهم بيطلعون من المطعم ومانتبهو لهم
نواف بعصبيه قام لما عرف البنت ان وحده منهم هي الي كلمها
اما تركي عقد بحواجبه وهو يركز بلون حجاب نور بنفس لون حجاب البنت الي كلمها الشاب يعني ههييي اقشعر جسمه وعلى طـول قام ولحق نواف
نواف صرخ بعصبيه : وقففوووووو
شوق ونور لفو مفزوزين من هالصوت ولقو نواف واقف والشرار بعينه
عند تركي مشى لهم بخطوات سريعه وهو يخزهم وراح لشوق وشدها من ذراعها : من ذااا الي قبل شوي
شوق تفاجأت بخوف وهي تشوفهم معصبين : منن وشش ...... الا قطع كلامها صراخ تركي : منووو ذا الي كلمك قبل شوي عند الحمممااااام
نور ارتعبت وغمضت عيونها برعب اما شوق شوي وتبكي : منوو ذا والله مددرري
نواف راح لنور الي مبين انها بتموت من رعبها وتكلم بحده : نوور من ذذااا
نور بخوف والدموع تجمعت بعينها : مدرري ماعرفه والله ماعرفه
شوق لفت باستغراب : من ذا الي ماتعرفينه
تركي بعيون حمرت من العصبيه وبصوت جاف وكله عصبيه : وماتعرفينه وشش موقفك معه هاا
نور فزت بقوه من صوت تركي وشهقت : هـ هوو م مارضـ قطع كلامها تركي : وش مارضى وش مارضى
نور ارتعبت وراحت بسرعه لورا شوق وتمسكت فيها بخوف وشوق كانت مستغربه وخايفه بنفس الوقت
نواف ميل راسه ليد نور الي متمسكه بشوق وتقدم ببطئ بيسحب الورقه الا شهقت نور وشدتها بيدها وهي خايفه : والله والله مالي شغغل والله مالي دخل
نواف وقرب اكثر وصارت شوق قريبه منه حيل ومايفصل بينهم شي اما هو تجاهل وجود شوق وكلم نور بهدوء : طيب طيب عطيني الورقه
نور فكت يدها وطاحت الورقه المعفوسه على الارض ونحنى جابها وفتحها شاف مكتوب رقم جوال مع جمله " فديت ضحكتك ماعمري شفت مثلها "
تركي بجنون سحبها منه وقراها وععصصصببب بقووه وراح يمشي عنهم وهو يضرب جبهته باصابعه ورجع لهـم وهو منجن جنووونه ودف شوق بعصبيه الي صرخت :
طنشها وسحب نور من كم يدها وهو يتنفس بسرعه من العصبيه
ونور تثقل نفسها وتبكي برعب : مالي دخــــل واالله اسمعــني
تركي اشر لها تسكت بدون مايلتفت لها وكمل مشي
شوق لحقـتهم وهي خايفه ولاتدري وش صار ..... تكلمت بصوت عالي ....: ترركي وين بتروح
تركي وقف ولف لها : ششووق انقلعيي اللفنندق ولااشوفك لاحقتني تتررجععييين مع نواف الفندق الحين ولو اشوفك راجعه لوحدك اددفننكك بأرضضك .... ولف وسحب نور الي شهقت من البكي
اما شوق ضربت الارض برجلها : ااففف يااررربيييي .... ولفت بتردد لنواف لقته يناظر بنص عين تأففت ولفت للجهه الثانيه وهي ماتبي تكلمه
اما نواف وقف محتار بوده يرجعها الفندق وبوده يجلس معها شوي يكسر الحاجز الي صار بينهم مايدري وش فيه يحس بتشويش بعقله بس وسع عيونه بدهشه لما شافها مشت متجاهلته راح مسرع لها ومسك يدها من معصمها وهي تنرفزت وفكت يده بقوه سحب نفس متضايق : سمعتي اخوك ولا ماسمعتيه ؟
شوق لافه راسها للجهه الثانيه من غير ماترد
نواف زفر بضيق : شوق ليه تحقرين ؟
شوق سحبت نفس بهدوء اول مره تحقر انسان بهالطريقه بس مستحيل تكلمه من بعد الكف الي عطاها
نواف بتردد حط يده على كتفها ولفها له : شوووق اكلمك انا رديي
شوق بعدت كتفها بضيق وهو بالمقابل بعد يده وعرفها مراح تكلمه تكلم بهدو : امشي معي طيب ارجعك ... ومشى وهو يحس بضغط الدنيا كله عليه اكره ماعليه احد يعامله بهالطريقه ... التفت لها لقاها تمشي وعيونها قدام بدون ماتلتفت
___________________
عنـد تركـي ونور
وقفها عند البحر بعصبيه ومد الكرت بوجهها وتكلم بحده : اتصصلي عليييه
نور بخوف : تركـ... قاطعها بصررخه : لاتننططقينن اسمميي
نوف فزت وغمضت عيونها بسرعه من صرخته بس سرعان مافتحتها وهي تناظره بترجي وهي تبكي : خلني افهمك تكفى لاتفهمني غلط
تركي بعصبيه : ماابيي افهم شي ولاابي اسمع منك كلمه اتصصلي عليه بسرعه
نوف وهي تمسح دموعها : ليييه تظظلمني ليييه ماتبي تتسمعني خلني ابرر لكك
تركي صررخ : ننوووررر طططلععييي جووالك بسسرررععه
نور نزلت راسها وطلعت الجوال الا بسرعه هو سحبه منها واتصل على الرقم ومده لها : قولي له يجيك الحين
نور بترجي : الله يخلييك
تركي رفع حاجبه : ااصص لاتتكلمينن وسوي الي قلت لك عليه
نور حطت الجوال عند اذنها وانتظرت يـرد وبعـد كم رنه رد عليها : الوو
نور وهي تناظر تركي بخوف : الوو
الشاب : من معي
نور بلعت ريقها وهي تناظر تركي الي عاض شفته من القهر : انـا الي بالمطعم
الشاب بترحيب : يااههلاااا والله ماتووقعت بتتصلين من شفتك خايفه غسلت يدي
نور سحبت نفس بخوف وغمضت عيونها : تعـ....تنهدت بصوبه .....: تعـ..ـال عنـد البحـر مقابل المطعـم الي كنا فيه
الشاب ابتسم على جنب : دقايق وانا جاي انتظريني
نور ماردت وسكرت الخط بوجهه ونزلت راسها وهي تمسح دموعها
تركي بحـده ممزوجه بعصبيه : توقفين تنتظرينن هنا بدون ماتتحركين
نور رفعت راسها بسرعه : وانت
تركي : مالك شغل فيني ولف عنها ماشي ووقف بعيد وينتظره يجي
نور قابلت البحر وهي تمسح دموعها الي تنزل بسرعه وتشهق بقل حيله .: ياربي كل ماطلع من مصيبه اطيح بأكبر منهـا
........: سلامتك من المصايب
لفت مصدومه من هالصوت ولقته نفس الرجال الي كلمها في المطعم
الرجال استغرب : الله الله وش هالدموع وش فيك
نور نزلت راسها ومسحتهم بسرعه ويدها ترجف
الرجال بكل جرأه مد يده بيصافح : اسمي سلطان انتي وش اسمك ؟
نور رفعت راسها بخوف وهي تشوفه جاي من ناحية سلطان وجهه احمر من العصبيه
سلطان : وش فيك ؟ ..... ماحس الا بأصابع تدق كتفه بخفيف لف مستغرب : نعم !!
تركي بعصبيه : تبي تسلم وتعرف اسمها اجل ؟؟ ورفع يده وضضربه بوكس على وجهه : والله لاررربييييكك ياااكلللببب
سلطان حط يده على فمه بألم و دفه بعصبيه وطاح في الارض وتهججم عليه ضررب : ممنن تكـــــون عشانن تمد يددك يااابزرر
وتشابكو وهم يتـضاربون وكل واحد يسب الثاني ويحاول يضرب بشكل اققوووىى
ترركي وققف وسححبه من ياقته ورماه على العربيه الي جنبهم وتنثثر كل شي فييهااااا
نورر صرخت بخووووف وراحت لتركي ووقفت بوجهه : خلااص خخللااص تتررككييي
سلطان وقف وهو يتنفس بسرعه ومعصب من تركي : ووشش دخخلك اننتتت هااا وشش دخخللك
تركي يخزه : قررب اذا تشوف فيك خخيرر
نور تسندت على تركي بظهرها وهي تصاارخ بترجي : خلااص الله يييخخخليييككمم خخخخلااااص
سلطان بسخريه : تحتمي ورا بنت ياجبان !
نور بدون ماتحس دفت سلطان بقوه وهي تصارخ : خلااااص
سلطان ععصب وجن جنوونه وتقددم بيضربها الا دفه تركي من صدره : خييير وشش بتسووي خيررر
__________________
عنـد شوق
دخلت الجناح وقلبها يدق بسرعه خايفه وبنفس الوقت ضايعه ماتدري وش الي صار دخلت الغرفه لقت البنات لسا ماقامو طلعت وراحت الصـاله وهي تمشي بثقل وتتأفف راحت فتحت البلكـونه وطلعت شوي وتسندت على الجـدار وهي تنقل نظرها بين البحر وبين السيارات والناس الرايحه والجايه الا فجـأه لمحت ثنتين يتهاووشون ابتسمت على جنب وهي تهز راسها : حمدالله والشكر يتهاوشون قدام الناس .... وتقدمت شوي بخطواتها واتكت على السور لما لمحت بنت واقفه وتحاول تفاككهم عقدت حواجبها بتركيز : بسم الله كن ذي نوير ؟ ..... الا شهقت بصصـددمه لما طاح واحد على الارض وقابلها وبان لها انه تـركي ... : تتترركييي ... تراجعت بخووف واستعجال وركضت بدون تفكير وطلعت من الجناح وهي تركض بخطواتها ونزلت تحت بسرعه ولقت نواف جالس على الكنب راحت له بسسرعه وهي خايفه الا هو وقف مستغرب : وش فيك وش صاير
شوق باستعجال بكلامها وتأشر على برا : تررركي يتهاوش مع واحد بررا شفته شفته
نواف طير عيونه : ووشوووو .. وبعدها عن وجهه بسرعه وطلع وهي لحقته
لف لها وهو مرتبك : وويين وييين
شوق اشرت بيدها : مقابلنا شفهم
نواف التفت لوين ماهي تأشر ولوين مايقطعه عن تركي السيارات الي تمشي لقاهم يتكلمون ووااضح يصصارخون على بعض لف لشوق الي كانت واقفه وتناظر بخوف وبدون ماتحس سحب يدها وركض معها وهو يحاول يتخطى السيارات
وشوق الي انصدمت ومشت معه من بين السيايير وهي مرتعبه وخايفه اي سياره تصدمها اول ماوصلو ترك نواف يدها وبسرعه راح ورمى بنفسه وسطهم ودف كل واحد فيهم وصرخ على تركي : مجنننووننن انتتت مجننووووننن
تركي وهو يتنفس بسرعه حط يده على خشمه الي بدا ينزف : خلني خلني اعلمه المرجله
سلطان ابتعد بمشيته وهو يأشر بصبعه : متعلم المرجله قبل لااشوفك ياوصصخخ
ترركي فزز بيرورح له الا نواف صد له بصدره وصرخ بوجهه : تتررركييي ببسس .. وطلع من جيبه مناديل ورماهم على وجه تركي بعصبيه وهو خذاهم ومشى وهو رافع راسه وحط المناديل على خشمه
نواف التفت على نور الي كانت دافنه وجهها بحضن شوق وتبكي بخووف زفرر بعصبيه والتفت لتركي : ورب الكعبه مجنووون مثلك ماشفت
تركي اشر له بيده يسكت ومشى عنهم وهو يقطع الشارع ويرجع بناحية الفندق
نور بصـوت متقطع : ي ليـ..ـتني م ماطلعـ...ـت
شوق ضمت حطت يدها على راسها وعيونها على تركي : شش خلاص خلاص
نواف تنهـد وراح ووقف عندهم : خلاص اهدي نور وانسي الي صار
نـور شهقت وتوها بتتكلم الا نواف قاطعها : خلاص خلاص لاتتكلمين الوصخ اخذ حقه على الي سواه وتركي شوي ويهدأ عادي الي سواه اي واحد بمكانه بيسويه لما واحد يتعرض لبنات اهله
شوق بهدوء : خلاص يلا نرجع الفندق بلا مايجلسون الحين ويشووفونك كذا يلا قومي ... ومسكت يدها ومشو ثلاثتهم لجهة الفنـدق
____________________
في الفنـدق
صحـت لينا من النوم وقـامت بنشاط وكنها نست وش صار البارح او تتناسى خذت فوطتها ودخلت تتروش ولمـا طلعت لبست ووقفت عند المرايه وخذت المشط تمشط شعرها وهي سرحـانه وتفكر باللي تخطط عليـه وهي شبه خايفه من انها تفشل او ان تنذبح على يد مـشاري الا فجأه حطت المشط بتحدي ورفعت شعرها ذيل حصان : يخسي يلمس مني شعره عشان يذبحني هه هذا الي ناقص ! ... لمحت بعيونها سرير شوق ونور فاضيين عقدت حواجبها باستغراب وطلعت الصاله مالقتهم .. ضيقت عيونها بشوي قهر : طلعو لوحدهم الخايـ.... الا قطع كلامها صوت الباب الي انفتح لفت براسها وشافت نور وشوق داخلين ونور نزعت حجابها ورمته على الكنب وهي ساكته وتشهق على خفيف ومشت دخلت الغرفه بدون ماتلتفت للينا الي واقفه ومستغربه
لينا التفتت لشوق باستغراب : وش فيهاا ؟
شوق تنهدت وجلست على الكنب : اففف صارت سالفه لو ندري كملنا نومنا وماقمنا احسن
لينا : وش صار
شوق رفعت راسها : يعني انا دخلت الحمام وصارت سالفه وانا مدري ومالحقت الا على الصراخ والهواش
لينا مشت وجلست جنبها : صراخ من ؟ وهواش منن شوق وجع خبصتيني قولي وش فيه
شوق التفتت لجهة الغرفه ورجعت لفت للينا وتكلمت بهـدوء : اسمعـي ،،،،
________________
في جنـاح الشباب
تركي يمشي رايح جاي ومتنرفز وشعور الغيره بيذبحه ووده بعد لو كفخ نور شوي ويبرد قلبه .... رفس الكنب برجله ودفهه عن مكانه وججلس على الارض وهو شاد شعر راسه : بتجنني بتجنني
الا على دخلة نواف الي راح وجلس قريب منه : لو انه الحين يروح يشتكي وـ....
الا قاطعه تركي بعصبيه : فييه خخيرر يروح يشتكي ويشوف وش اسسوي فيه
نواف : وش بتسوي اكثر من الي سويته
تركي من بين اسنانه : لاخليه يرجع ديرته مكسر ويدفونه بسرير مو بكرسي .. اااخخخ لو انك متأخر شوووي ... فجأه لف على نواف : الا صدق انت وش دراك ؟ مارجعت الفندق
نواف تسند على الكنب : كنت جالس تحت ماشفت الا شوق جات تركض وقالت انك جالس تتهاوش
تركي رفع حواجبه : آآ يعني شافتنا من النافذه
نواف : ايه
تركي نزل راسه وسكت شوي ...: وش قالت نور
نواف بدون اهتمام : كأني سمعت قالت ياليت ماطلعت وكانت بتتكلم بس انا فهمتها انك معصب واي واحد مكانك بيسوي مثلك لما شفتها خايفه يعني
تركي تنهد ورفع راسه على الكنب وهو مغمض الا كشر بألم : ااخخ احس جسمي اندق الله ياجعل وين مايروح يهلك الحيوان
نواف : عاد كان عزمتني ادبغه معك
تركي لف له : خلاص اذا شفته مره ثانيه ادق عليك ونتولى امره
نواف : سجن جماعي ياحمار
تركي ضحك : ههههههههههههههههه نونس بعض هناك
نواف : انطم وانسنجن لحالك انا وراي عرس وعيال ومستقبل وموت وحياه
تركي رفع حاجبه : الله الله كل هالدنيا وراك
نواف : اجل تفكرني مثلك ماعندي اشيا تنتظرني اروح انسجن عشان هالخكيري
تركي للحظه تضايق ورجع براسه على الكنب وهو مغمض
نواف بشك : هيه وش فييك
تركي اشر لها بيده راسه يـدور .. " اما هو للحظة ماقال نواف تنسجن عشان ذا تضايق وانغمت قلبه لما تذكر الي صار وانه اساسا ممكن ينسجن من غيرته على نور كيف ماتحمل يشوف احد واقف يكلمها ولا بعد يمسك يدها تمنى تمنى لو انه ذبحه ذباح مو بس مطاقق حس بداخله متنرفز من نور حتى لو مالها دخل ليه من الاساس تطلع لوحدها في ذا الصباح وتتعرض لذي الاشكال ليه ضحكو ليه مادخلت الحمام على طول مع شوق لييييه ليييه هيي الي طاحت بهالموقف واشعلت غيرته مثل المجنون ابتسم بسخـريه على نفسه ..." بتجننين تركي يانور وانتي ماشلتي له خبر ..." كانت كل ذي الافكار تدور براسه وللحين حاط في باله انه نور ماعمرها فكرت تحبه وهو بس الي يحبها وكل ماحاول يخلص نفسه منها الا ويكتشف انه يحبها اكثر من قبل
_________________
بجنـاح البنات
لينا بصدمه : ييمممهه كل ذا سواه تركي مجنــــــوون
شوق : اصلا لو ماشفتهم ورحت قلت لنواف كان الله العالم بعد وش صار
لينا : احسسن يستاهل زين يسوي فيه تركي
شوق ضربتها : يمه عاد ذي الانتقاميه وش يستاهل شوي ويذبحه اقولك
لينا هزت راسها : مو اهو غلط ؟ خلاص يتحمل غلطته .... ورفعت راسها للغرفه ...: تهقين نور نامت ؟
شوق بهدوء : ماتوقع بس يمكن انسدحت شوي مسكينه كلت صراخ وتهزيئ
لينا طيرت عيونها : طيبب وش دخلهااا هي
شوق سكرت فمها بسرعه : ششش لاتسمعك
لينا بعدت يدها وتكلمت بخفيف : طيب طيب بس وشدخلها يصارخون عليها مسكينه
شوق : عاد دخلها ولا مادخلها المهم انها بلعت العافيه
لينا قامت تمشي للغرفه وشوق خافت تدخل لنور : هي وين
لينا تأشر للباب : بدخل عندها مسكينه بعد اخليها لوحدها ! .... ولفت عنها ودخلت الغرفه وانتبهت لها في السرير مشت لناحيتها ولقتها منسدحه على بطنها ودافنه راسها تحت المخده ... قربت منها ورفعت البطانيه وجلست جنبها ورفعت المخده عن وجهها ولقت وجهها احمر من البكي ميلت راسها لها : ليه تبكين !؟
نور ببحه : خـ..ـفت
لينا بهدوء : من وش تخافين ؟ عادي واحد تحرش واخذ حقه زين سوو فيه
نور وبداخلها كانت خايفه على تركي الي راح عنهم واخر شي لمحته انه ينزف من خشمه : لو انتي مكاني كان خفتي
لينا رفعت كتوفها بابتسامه : وين الي يخوف بالموضوع عااددي اصلا مفروض الحين يبرد قلبك على الي سواه فيه
نور انتبهت لشوق داخله وجايه ترركض وتنط على سرير نوور : اقووووول بس قوويي لاامردغك الحين انا
لينا : ايه ماشاءالله اخوان شاطرين في التمردغ
شوق : ههههههههههههههههه ناس ماتمشي الا كذا وش نسوي بعد ... ولفت لنور ...: هيه انتي قومي وخذي الموضوع بإيجابيه ياغبيه قولي انو حنا طلعنا وهسترنا ضحك في المطعم لدرجة واحد خق عند ضحكتك وجا رقمك واكل طق من ترركي وصاو اكشن وكذا يعني
لينا هزت راسها : الله يكملك بعقلك
شوق دفتها بحماس ولفت لنور : بالله بالله نوييررر كيف هسترنا ضحك بالمطعم .. ولفت للينا ..: والله والله ابغى امسك نفسي مو قااددره لا والحيوانه تقول لي اشربي عصير وتسكتين واخذ لك انا العصير واشرق لي ذيك الشرررقه
نور تعدلت بجلستها : محد جاب العيد غير ضحكك ياحماره
شوق انفجرت ضحك : هههههههههههههههههههههههه
نور شمرت كمومها : انا اعلمك ... وقامت طبت عليها وتضرب فيهااا : اننتي تضحكين وانا اكلهاااا
لينا فزت بسرعه من السرير بخوف يجيها شي منهم : رجعو استخفو حمدلله والشكرر
شوق تضضحك وتصارخ : نووويييررر قووممي عععمىى ااااهه
نور بضحك رصت يدين شوق تمنعها تتحرك وانحنت وخذت نعلتها وضربتها على ظظهررها وهي تضحك وتسب فيها
ندى الي كانت نايمه فتحت عيونها منزعجه من هالصراخ : هييييهه مو وققتكم
شوق تصارخ : ننندددى قوومممي الحقيينني
لينا قامت وهي تاشر لندى : خليها خليها تستاهل زين تسوي فيها
ندى ربطت شعرها وهي تناظرها وقامت دخلت الحمام تغسل وجههااً
نور وقفت على السرير واتكت بيدها على الجدار ورفعت رجلها على صدر شوق : تضحكين مره ثانيه كذا قدام الناس ؟؟
شوق بصراخ : لااااا يا دب لااااا شيلليي رجللك
نور ضغطت على صدرها بقوه : ززيييينن اججلل .... وبسرعه نزلت من السررير ورركض على الغرفه الثانيه ودخلت متجاهله لين وداليا الي جالسين ودخلت الحمام وقفلت على نفسها الا شوق جايه تركض وتنافخ ووقفت وهي تدور : وينهها وين تخبت
لينا اشرت لهم من وراها يسكتون
وداليا ولين مستغربين
شوق بتهديد : بتتكلمون ولاوحده منكم بتنطق بدالها الحين
داليا : وش فيك انتي الحمدلله والشكر توك صاحيه ومخك منتكس
شوق تأشر بصبعها : توني صاحيه !! اها انتي صدق مو بذي الدنيا
لين : شفييككمم مجانين
شوق رفعت حواجبها : اخلصصو علييي ويييينن ذلللفففتتت .... الا فجأه لفت على الحمام وراحت بسرعه ولقته مقفول : مندسه في الحماااام هاااا
نور تطبلل على الباااب : تتتتييراااام تتتيراام
شوق رفست الباب برجلهاا : اففتتتتححي يالجبببانه افتحي واعلمك وش اسسسوي فيك
داليا : ياربي هالمزعجين جايين عاندنا يتهاوشون ياخي جمعناكم بغرفه تهاوشو فيها تجون عندنا لييه
لينا جات وانسدحت على سرير نوف : اخخ والله دام نوف راحت جيبوني معكم لاتتركوني مع ذول وخلو ريم تنقلع هناك
لين لفت على ريم الي نايمه : خليها تسمعك بس وتقوم تذبحك
الا سمعو صوت من تحت البطانيه : سمعتها سمعتها الحيوانه بس تصبر الوعد مو الحين
لينا وهي منسدحه طيرت عيونها قامطه ولفت براسها جهة سرير ريم
لين وداليا ضحكوو على وجه لينا
شوق تخز لينا : انتي اعلمك دروبك تسانعين نوير عشانها اخت رجلك ههاا يالعجيزز
لينا فززت : وشووو شوووو
شوق : حركات زوجي واخته ذي مو عندنا .. وفصخت نعلتها ورمتها على لينا ...: تفهميييين
لينا حطت يدها على كتفها بألم : ااااححح وجع يوجعك ان شاءالله
ريم بتركيز : قولي قولي شوق وش سوت مرت اخوي العزيزه
شوق وفهمت فكرة ريم : تخيلييي نوير الدب دابغتني طق وهي ماسوت شي ولما قلت لندى تجي تفزع لي قالت خليها اهي تستاهل
ريم هدت راسها : اممممم هين هين يالينا
لينا باستنكار : وش بتسوين يعني
ريم قامت : ابد سلامتك اصبري وشوفي ...وراحت للحمام ودقت الباب ... : ههييه نووويرر اافتحي بدخل الحمام
نور من داخل : انقلعي الحمام الثاني حبكت بذا الحمام يعني
ريم : ههيي فوطتي داخل بتروش وفرشتي اافتحي عااااد
نور لفت بتفتح الباب وهي تستعد انها بس تطلع تركض الا ريم صرخت : نووررر
نور : بفتح بفتح اوووففففف ..... وفتحت البااب وتوها بتطلع الا شوق تمد يدها وتسحبهت من ياقتها ونور مسكتها : خلينا نتفاهم خللينا نتفااهمم بلا طق تكفين بلا طق
شوق : خلاص انتي صرتي من القائمه السودا عننندييي
وماحست الا نوور دفتها ورركض للغرفه الثانيه
داليا بهمس : يمه منها شوق مو مخليه احد في حاله
لينا : راكبها عنف اسري ماغير تطاقق
داليا : ههههههههههههههههههههههه
لين منزله راسها وماسكه الجوال وتبتسم
لينا انتبهت لها : هييه وش فيك توزعين ابتسامات
لين بدون ماترفع راسها : اكلم سعوود
داليا على طول لفت للين
لينا : حمدالله والشكر يعني تكلمين سعود تبتسمين
لين : لا عشان جالسين نتكلم بشي مخليني ابتسم اسكتو خلوني اركز معه
داليا مغصها بطنها لما عرفت هالموضوع وتذكرت وش كانو يتكلمون فيه هي ولين
نرجع لوقت ماكانو لوحدهم جالسين
.
.
.
لين بحماس : توقعععتتت تووووقععتت انه خذاك للسوق
داليا استغربت : ولييه
لين : ازعججنااا اززعجننااا انا مابخليي شي الا وبجيبه لها ياذذي هالدانه الي لحست عقل اخوييي وينه اول ذاك الراكد العاقل صصار مخخفف
داليا سحبت نفس : مو باين عليه يكون متحمس لهالدرجه
لين : اايي وانا مثلك ماكنت احس انه كذاا يعني ابد ابد ماعمره تكلم عن بنت او شي كذا يعني فجأه بيوم جاني قال انه يبي دانه ذي زوجه له وانا انصصدمت قلت كيف وش معنى اهي قال انه يحبها من زمان وخايف تتزوج غيره لانها ماتدري عنه
داليا رفعت يدها تعدل شعرها ويدها ترجف وتحاول تبتسم بمجامله وتقوي نفسها : الله يوفقه معها
لين فززت وكانها تذكرت شي : ااااايييي صصصح داالليييااا
داليا فزت : بسم الله وش فيك هاا
لين بحماس : سعود قال لي ان دانه بمثل جسسمك وطولك وكذا يعنننيييي
داليا بجمود : واذا يعني ؟
لين بتردد : يعني اذا اذا ماعندك مانع وتصيرين طيبه معه وتساعدينه
داليا : اساعده بوشو بالله
لين : تكملين جميلك معه وتطلعين معه تتقضون لزوجته وانا معكم
داليا تنرفزت من غير ماتحس : لسسا ماصارت زوجته
لين رمشت بعيونها : يعني في المستقبل زوجته اوكي ولايهمك خطيبته
داليا بهدوء : وبعدين انتي ولينا ثنتين ولاوحده تشبه جسمها شدعواا
لين : قللت له انا اطلع معك قال لا هي كنها داليا تطلع هي معي وتساعدني
داليا بهدوء : مابي اطلع
لين بترجي : تكفييين والله سعود تعب وهو يترجاني ومابي اكدرره تكفييين عااااااد
داليا : انا جايه هنا انبسط مو اطلع اساعده بمشترياته
لين : ااييي طيب انتو يعني كانكم تتمشون مع بعض عااادي
داليا : ليـ....
قاطعتها لين لما فزت يدها : تكفييييييين والله مايطاوعني قلبي اقوله مارضت واشوفه متضايق
داليا بهدوء : لين من جدك انتي وانا اقول انتي العاقله كيف يعني اطلع معه يشتري لخطيبته سلامااات
لين بنبرة استعطاف : تككفففيييين دلووول بس كم مره وبعدها خلاص انا بقول له يكفي يعني بس في مثلا اذا بيشتري فستان او شي كذا يعني
داليا بنرفزه : وبعدين لهالدرجه يعني حافظها حفظ لدرجة يعرف مين يشبه جسمها ومين لا
لين غمزت : مو اقووولك اخوي طاح ومحد سمى عليه طلع شايفها اكثر من مره ببيتهم ... يلا يلا عاد تكفين قوولي اي خلاص وافقي خليني افرحه
داليا تنهدت : طيب طيب خلاص بطلع معه
لين فرححت وتقددمت وضمتها بقوه : ياعمرررري جعلني اتقضى معك لعرسك
داليا غمضت عيونها بقوه وفكها يرتجف بلعت ريقها لما حست بغصه نشبت ببلعومها ...
.،
اي عذاب واي وجع قلب واي حرمان واي قساوه تعايشها بهالحب ذاا اي نوع من انواع الحب الي يبكيها ويعصر قلبها لحد الالم اي ححب انك تحب ششخص ويطلب منك العون عشان هو يوصل لحبيبه اي قلب يتحمل وممكن يعايش هالشعور ؟ اي شخص ممكن يدوس على قلبه وعشقه عشان يشوف الفرحه بعيون حبيبه يدوس على قلبه الي المفروض يكون حبيبه هو من يضحي عشانه مو العكس ... تنهدت وهي تمانع دموعها الي بدت تتجمع بعيونها .." ياسعد قلبي يومني اشوف الفرحه بعيونك "
.
.
.