[Rewayt_dalia]

.
.
.
الجـــــــزء الخـــــــامــس والعــــشــرون
.
.
.
عنـد الشباب بعد ماخلصو عشآ
فيصل قآم : يلا ياعيال تصبحون على خير
سلطان ومشاري وتركي : وانت من اهله
طلع واول ماسكر الباب لمح نوف داخله جناحهم وصفعت الباب بقوه مشى لها مستغرب وفتح باب الجناح ودخل لقآها منسدحه على الكنب على بطنها وتبكي بصوت عآلي
سكر باب الجناح بسرعه وراح مسرع جلس على ركبه جنبها : بسم الله الرحمن الرحيم نوف وشـ
قآطعته لما فزت بسرعه ووجهها احمر : لاااااتتقررببب
وسع عيونه متعجب : وش فيك بسم بالله وش صار لك
نوف قآمت وهي معصبه وبنفس الوقت تبكي : فيني الي فينيي لااتسأل ووصل ؟؟؟ .. تجاهلته ولفت بتمشي للغرفه الا مسكها من معصمها وسحبها بقوه لفها ومسكها من عند فكها بشوي عصبيه : تكلميني بذا الطريقه من متى ان شاءالله
نوف دفته بقوه : اكلمك بالطريقه الي تعجبني واان كان مااااععجبتتك طق راسك بالجدااارر
فيصل صرخ : نووفف ووش صااار انهبلتي
نوف تتكلم وكأنها مو بوعيها : ايييهه انهبلت لااا والله جدد انيي انهببللت للمااا وواافقت علليك وااادري انك ماتبيني ااانهبلت لما خليتك تقرب ممني انهبلت لما سمحت لنفسيي اااحبكك وخليتك تتصرف وكأنك تحبني بس انت ماعمرك حبيتني انا عارفه ذاا الشيي عاررفته
فيصل وكأن احد صاب عليه مويه بارده : من لاعب بعقلك انتي ؟ مجنونه انهبلتي ؟
نوف تتنفس بسسرعه : مااني بزره ينلعب بعقلي
فيصل تنهد وهو عاض شفته حاط يدينه على خاصرته : ماتقولين وش فيك انتي وش ذا العصبيه الي من غير سبب
نوف : مو مجبوره اقولك كل شي يصير ليي
فيصل واحتدت نبرة صوته : لاا مجبوررهه انطقيي قوولييي
نوف بصراخ : ممااااااني قايلهه اذلف عن وجهي
من سمع اخر جمله منها انفلتت اعصآبه وكأن شياطين الدنيا واقفه بوجهه ، خذت شنطتها بسرعه ومشت الا ستوقفهاا صوته : اوووقفي
لفت له من غير نفس : مممااالـ..... قاطعـها بككففف جآمد طبع اثر اصآبيعه عـلى خدهآ بقريب من اذنها : اققطع ححسك ونفسك لو تتكلمين معي بذا الاسلوب مره ثآنيه واذا حابه يرجع فيصل القديم ترى ماعندي مشكله
_________________
في السعـوديـه ،
بيت بو سعـود
صآر له قرابة النص ساعه ماسك جواله وفاتح على اسمها ويقرا اخر رساله لها والي مارد عليها
اشتاق لها بشكل فضيع تنهد مغمض عيونه لما تذكر مواقفها معه لما كان بتركيا اشتاق لدموعها اشتاق لخوفهآ اشتاق لكل شي فيها ، رجع حماسه وصار يكتب ويمسح يكتب ويمسح اخر شي كتب " لضحكتك ولنظرة عينك ونبرة صوتك شي يصيبني بداخلي عجزت افهمه بس اني مرآت افهمه مثل العاشق المجنون ومرآت يصير مثل الشي الي يوتر دآخلي ويزعج احساسي ، "
سحب نفس طويل وكأنه سوا معجزه عظيمه لما ارسل هالرساله
قفل جواله وحطه على الكمدينه بجنبه ثوآني والا رن جواله برساله ، فزز بسرعه وسحب الجوال بحماس ويفتحه ،،
________________
في جنآح البنات
طلعت من الحمام ومن غير ماتناظر احد راحت لسريرها انتبهت لجوالها محطوط خذته وفتحت الدرج رمته بإهمال وانسدحت
لين كانت تحاتيها وراحت لها وبصوت خفيف : دلول
داليا : اذا بتسألين وش فيكم لاتسألين
لين : بس كلنا خايفين وش فيكم ليه صار كذا
داليا : لين عليك الله اتركيني بحالي شوي
لين رفعت راسها للبنات
وشوق اشرت لها تتركها ، رجعت نزلت راسها لداليا : طيب .. تصبحين على خير
وقآمت عنها وفتحت جوالها وهي تمشي طالعه للصاله كتبت له رساله " وش فيك وش فيك توني مسكت الجوال
جاها الرد بثواني : ومخليتني طول اليوم قلقان
لين جلست على الكنب وهي تتنهد : اخخخييييه والله صرت مرسال عشق !!
سعود ضحك.' : ههههههههههههه وش اخباركم
لين : اخبارنا كلها والا بس هي
سعود : تكلمي لآيجيك كف
لين : يمكن الي بقوله مايسرك بس بقوله
سعود فز من سريره : داليا فيها ، شي صار لها شي ، طاحت عليكم مره ثانيه
لين : لاحول الله صبر صبر عطني مجال اتكلم ولاشي صار من الي قلته
سعود بخوف : طيب تكلمي
لين صـآرت تسرد له كل شي
عنـد سعود الي ستتغرررب معقول داليا ونوف يتهاوشون !! الي مايجلسون الا مع بعض كذا يصير بينهم : طيب امانه وانا اخوك لاتفارقينها تكفين طالبك خلك جنبها ابيك لها اكثر من اخت
لين ابتسمت : من عيوني مايصير خاطرك الا طيب .. يلا اخليك الحين تصبح على خير
سعود : وانتي من اهله
_______________________
في جناح فيصل
نوف شهقت بقوه حاطه يدها مكان الكف ترمش بسرعه والدمع تنزل منها لاارادي
فيصل قرب منها ومسكهآ من فكها : الظاهر حنيتي لأيامك السوده حنيتي اصحيك بكف وامسيك بكف
نوف مآردت عليه ومشت بتطلع للجناح
فيصل بحـده : على وين ؟
وقفت ومن غير ماتلف له وبصوت وآطي : بروح هنآك مابغى اجلس هنا
فيصل ضحك بسخريه وراح لها : لا يابوي مو انتي الي تحددين تجلسين هنا او لا وانثبري مكانك مافي طلعه من هنا
نوف لفت له : الدعوه عناد ؟
فيصل راح لها : مو شغلك الدعوه عناد ولا غيره روحي الغرفه انثبري ورجلك ماتعتب الباب
صدت بعيونها عنه ومشت دخلت الغرفه وسكرت الباب بقوه ، رمت الشنطه بعصبيه على الارض وتتحسس خدها بقوه تضغط عليه : جعل الكسر يكسر يدينك .. حيوان
......................
برآ الغـرفه
جلس على الكنب يهز رجله بتوتر مستغرب وش الي قلب حالها وخلاها تخبص بالكلام بهالطريقه من لاعب بعقلها تأفف بضيق ومدد رجوله على الكنب وانسدح عشآن ينام
________________________
يـوم جديــد
صحت من النوم بدري قآمت غسلت وجهها وتوضت ولما طلعت صلت وجلست على السرير ، فتحت الدرج وطلعت جوآلها فتحته تطقطق بعشوائيه الا انتبهت برسآله من سعـود وسسعت عيونها بدهششه واستعدلت بجلستها وقلبها صآر يدق بقوه فتحت الرساله وتنصصدم اكثر لما قرتهآ " لضحكتك ولنظرة عينك ونبرة صوتك شي يصيبني بداخلي عجزت افهمه بس اني مرآت افهمه مثل العاشق المجنون ومرآت يصير مثل الشي الي يوتر دآخلي ويزعج احساسي ، "
من الصدمه والربكه قفلت الجوال بسرعه ورمته في الدرج ، مررت يدها بشعرها تهدي من نفسهآ شوي وهي مغمضه تتكلم بدآخلها " ياربي ذاا سعود الي راسل لي كذا ولا انا صار يتهيأ لي !!
وبحركه سريعه رجعت خذت الجوال وتفتح على الرساله مره ثانيه وتهمس : لا صدق مايتهيأ لي يآرب شسوي احس اني بمووت ، اااففف وينك يانووووف ووييينك
مسكت الجوال بحماس بترد عليه الا في آخر لحظه تراجعت : وانا وش فيني مطفوقه !! بيقول هذي تنتظر كلمه مني مراح ارد ،، وسكرت جوالها وقامت تصحي البنات بما انه باقي يومين ويرجعون للسعوديه لازم يفلونها شوي
________________________
في السعوديه تحديدا شركة بو سعـود
الوقت كآن بقريب الظهر
وفي مكتب بو سعود
سعود : مآجيت من هناك قبلهم الا عشان الزفت الي الحين فتكيت منهم وعشان ذا الشي
بو فيصل بهـدوء : وتبي هالشي بخاطر منك ولآ
سعود يناظر ابوه ويلف لعمه : بخاطر مني وانا سعود ولد فهـد تهقى بسوي شي مابيه !
بو سعود بضحكه ربت على كتفه : صدق اني ربيت رجال وانا ابوك
سعود ابتسم بتوتر : تسلم يالغآلي
بو سعود : ان شاءالله لك مآيسرك ويبرد خآطرك
بو فيصـل تنهد ووقف : عن اذنكم الحين انا بروح الشغل هناك مكود
سعود رفع راسه له بسرعه : عآرف وش في خاطرك ياعمي عارف وش تفكر به بس صدقني راضي
بو فيصل هز راسه وربت على كتفه : ارد لك خبر يآولدي ... ومشى طآلع من المكتب
سعود مسح وجهه بقوه بخوف الي في باله مآيتحقق
...............................
بجهه ثآنيه
جمع اوراقه بكل عصبيه بعد مآوقع على ورقة الاستقآله بعد التهديد الي جاله من سعود انه لو مآيوقع عليهآ راح ينسيه حليب امه الي رضعه : اجل انا الحين صرت مهمل بشغلي !! الله يكسر مجآديفك ويكسر غرورك كل ماشبعت ترفس النعمه زود
.............: تتكلم عن الاستاذ سعود !
خالد قمط ولف بسرعه لمحـمد الي كان واقف وباين سمع كل كلامه : التهي بشغلك ولاتتدخل
وبسرعه اخذ نظارته الشمسيه وحط ورقة الاستقاله على اطرف المكتب وهج من الشركه
_____________________
في قصـر جراح
مآسك جواله و يكلم بصراخ : وششلووووون يطردك من غير سبب ماتقول ماتتكلم
خالد : اقسم برب الكعبه مدري عنه قال اني مهمل بشغلي واتأخر في جيتي مع ان ولآشي من الي قآله اسويه !
جراح بسخريه ممزوجه بعصبيه : وصدقته !! صصددق انا مشغل عندي حمير وبهآيم ، وسكر الجوال وهو منررففففزززز
صوت نآعم من وراه : روقنا وش ذي العصبيه
جراح بحده : اطلعي قبل لايجون ويشوفونك عندي
بنبرة دلع : مآهقيتك تخآف من احد
لف دفها على الجدار بقوه قرب منهآ شاد شعرها من اسفله عند رقبتها وبهمس : ليه تحاولين تنرفزيني
.... تلامس خده بدلع : خلي الكل يعرف
جراح بعد عنها : اعقلي واطلعي برا قبل لااحد يجي ويشوفك
كشرت مبوزه وطلعت برآ جلست في الحديقه تنتظر متى يجتمعون
______________________
في تـركيـآ
رافعه شعرهآ لفوق وجآن جنونهآ مابقى مكان مادورت فيه تحوس بكل مكان في الجناح وتدور بأمل انها تلقاه
ريم : انتي وين فصختيه ؟
شوق شوي وتبكي : ومن قال اني افصخه من الاساس انا انام واتروش واسوي كل شي فيه ماعمري فصخته
ريم : وهي تدور : طيب غير معقول وين اختفى اجل
شوق سكرت الدرج بقوه وجلست بيأس : اوووففف ياربي مالقيته
لينا : طيب شوفي يآبعدي الحين قومي نطلع ننبسط واذا رجعنا ندوره مره ثانيه
شوق طيرت عيونها : لامستحيـل ماطلع قبل مالقاه
داليا : وافرضي انك مالقيتيه
شوق : لانفض تركيا نفض واطلعه
نور ضحكت : هههههههههههه مجنونه انتي انهبلتي ترى كله سوار
ندى توترت : شوق تكفين ابوي بس نرجع ندوره
شوق بنفاذ صبر : خخلاااص اطلعووو روحوو لاتنتظرووون يوووهه غغصصب اطلعي ولارجعنا ندوره ماني طالعه فكوني عاد خلوني ادور
داليا اشرت للبنات يطلعون وقآمو كلهم طلعو يمشون بيطلعون من الفندق
نور رافعه حاجب : شفيها من جدها تسوي كذا على سوار
ندى وداليا ناظرو بعض وسكتوو
لين وقفت : هي هي ماتتكلمون !! وش فيه وش صاير ؟
ندى وهي تناظر داليا : وش فيكم يعني بس حنا توترنا لانه لو مابتلقاه اعرفو ان شوق الي تضحك ذي بتنقلب لوحده ثانيه
ريم مستنكره : سحر ؟
داليا سحبت نفس : اسمعـو اسمعو ..
________________________
في السعـوديه
وقفها التكسي عند قصر جراح ونزلت بسرعه دخلت منفلته اعصآبها
رفست باب المكتب لدرجة جراح ففززز طير عيونه : اعوذ بالله !
هيا تمشي بناحيته : بتجنني انت ؟؟ ولانآوي تدمر لي حياتي بالتدريج
جراح صرخ : هههييييهه وين مفكره نفسسك فيهه
هيا بنفس النبره : انت الي وش مفكر نفسسكك ... وتطلع الحبوب ترميهم بوجهه ... كل ماتميت رسلت لي ذا الحبوب وااسالك وش هم تطننشش ؟؟ وش تبي مممنننييي وشش تتبييي
جراح بحده : خذي اغراضك وانقلعي برا
هيا فزت: مآني طالعه الا لما تقول لي ووش ذا الحببووب
جراح صرخ صرخه روعتهآ: اااااطلععيي
سمر من عند الباب بصوت واطي : تعالي ياهبله
هيا لفت لها بسرعه وراحت لها ركض وسكرو الباب بعد مآطلعو
جراح جلس ورفس الطآوله : ناقصك انا بعد
سمر : وش ناويه عليه انتي تودينا ورا الشمس
هيا بعصبيه : انتي الي وش ناويه عليه ليه ماقلتي له اني مابي مخططات ماااابيييي تتتببنننن اترركوني بحححااالي
سمر ترفع رآسها : انالله ... وترجع تنزل راسها : اقسم بالله وهذاني احلف لك لو يدري جراح ان في ذرة حب منك لتركي يذبحني معك
هيا : وهوو شدخله ... اسمعي ياماما من اليوم ورايح ماراح ارد على اتصالاتكم ولاني طابه ذا المكان مره ثانيه تفهميينن ولآلآ
سمر رفعت حاجب : بس بتندمين
هيا بسخريه : مآظنتي اكثر من ذي اللحظه ... ولبست نقآبها وطلعت من القصر ركبت التكسي راجعه لبيتهم
_______________________
في تـركيـآ
طلعو كلهم وبقى نوآف مآطلع زادت حرارته ومنهد حيله مافيه حتى يقوم واغلب الوقت نـآيم
بعـد مآمر حول الساعتين على طلعتهم
انفتح باب الجناح بهددوء .. ابتسمت للموظف وشكرته ودخلت بسرعه سكرت الباب : اكيد طاح هنا مكان مانمت امس وبسرعه تروح تشيل مخدات الكنب وتدور تحت الكنب وهم مآلقت ، جلست بعد مافقدت الامل مسحت دموعهآ بضيق : وين اختفى
.. الا فجأه تسسمع صوت عططسه لفت مفجوعه لمصدر الصوت : سكنهم مساكنهم !! نوووااف هننااا
قآمت بسرعه طلت من فتحة الباب الصغيره لقته نآيم ، فتحت الباب اكثر ودخلت تمشي على اطراف اصآبعها الين مآوصلت عنده لقت وجهه اااحممررر ومعرق وخشمه احمر اكثر وكأن الدم انحقن بوجهه من زود الحراره قربت لعنده تتفقده بعيونها
الآ هو فتح عيونه بتعب مآكان نايم وغرقان بنومه كانت غفوة تعب عقد حواجبه مستغرب ماهو من الشباب هذي بنت !! الا انصصددم : شوق !
شوق بعدت شوي : ء ء ايه انت للحين ماصرت احسن
نوآف هز رآسه بـ لا
قربت من عنده تتحسس جبينه بعفويه ،
بالمقابل هو غمض عيونه يسحب نفس عميق يشم ريحتهآ
شوق بشهقه روعته : نننووواف وربي لو تجلس ككذاا بتموت
رجع فتح عيونه بتعب ارتكزت بعينها : وش اسوي يعني
شوق : لاتناظر كذاا وش دراني انا انت الي تعرف مو انا
نوااف بتعب : مافيني حيل اتحرك
شوق حطت يدها على خده وتشيلها تحطها على رقبته وتهز راسهآ بأسف : حرآم عليك والله حرارتك مرتفعه كثير
نواف غمض وهو يحس بدقات قلبه تسرع بسبب وجودها : ادري ، خلاص قومي اطلعي
شوق بنبرة امر : قوم قوم يلا ادخل تروش
نواف فتح : هااه
شوق سحبته من يده تجلسه : قوم قوم يلا نومتك هذي بتضرك ماتنفعك
نواف جلس : شوق ترى مو وقت بثارتك
شوق : وربي من جدي اتكلم قوم اتروش شوف شكلك كيف مبهذل بتمرض زياده مابتطيب
نواف تأفف بتذمر ويرفع بلوزته فصخها .. الا شووق شههقت بسرعه ولفت : وجع !! استح عاد
نواف ضحك بخفيف : اطلعي برا طيب
طلعت بسرعه من غير ماتنطق بحرف وجلست تنتظره بالصاله بينما هو دخل يتروش
انتظرت حول العشر دقايق وقآمت دخلت الغرفه طلت براسها لقته مآطلع راحت جلست على سريره وهي تناظر بملل
الا فجأه جاها حماس ترتب سريره المحيوس والي يجيب الهم .. قامت فتحت النافذه على اكملها
وراحت سحبت اللحاف وشالت ملآبسه رمتهم وخذت جواله انتبهت للشحن فآضي راحت حطته يشحن ورجعت عشان تشيل المخده وترتبه له
الاااا تتتوووسعت عيونهااا بصددمه خفق قلبها بقوه مفجوعه
_______________________
عنـد البنــآت
وبين مآهم يتسوقون ويتقضون لزواج لينا
رن جوال لينا وطلعته من الشنطه ولمآ شافت منو رجعت الجووال بسرعه للشنطه وهي تتلافت بخوف يفضحهآ
بلعت ريقهآ وراحت بعيد عنهم ووقفت مستنده على الجدار وطلعت الجوال لما رن مره ثانيه وبنبرة خوف : يوووهه وش اقوله وش اكلمه وش ذي الوهقهه
وبعد مآسحبت نفس ردت : الوو اهلين
ضآري بنفاذ صبر : وووييينننجج انننتتتتيي ووين متخفيييهه خووفتييننني علييج
لينا بتوتر: ء وش اسوي مافضى دقيقه عشان اكلمك
ضاري : شاللي شاغلج ابي افهم انا، يامعوده بس على الاقل طمنيني انج بخير ورب الكعبه احاتيج ليل نهار اقول مادري شصار لها
لينا ابتسمت من غير ماترد
ضاري تنهد : اسف اشتطيت وايد بس والله صج خفت عليج خوفتيني تقولين لاتتواصل معاي وبعدها ماتردين شكان صاير لج ؟
لينا رجعت توترت : ظروف وش اسوي
ضاري تنهد : يلا ماعليه اهم شي الحين تطمنت انج بخير
لينا بهدوء : انت وش اخبارك
ضآري ابتسم : توني صرت بخير عقب ماتطمنت
لينا بضحكه : يلاا عااد
ضاري : والله صج ! لاتشوفيني امس لو بيدي حجزت وجيت تركيا طياري كلا في بالي انج لحالج ومو معاج احد وماتردين بعد !! هنا انا مت الا شوي
لينا : بسم الله عليك لاتقول كذا ..... ء ضاري انا الحين مع اهلي نتسوق بس اخلص برجع اكلمك
ضاري : مو تسحبين علي
لينا ابتسمت بتوتر : ان شاءالله ... وسكرته بسرعه وتضرب راسها بخفيف على الجدار : يااااربييي وش سسسووويييتت وش هالمصيبه الي حطيت نفسسي فيهآ
، فجأه توسعت عيونها بصدمه وكأن قلبها طآح ببطنها من شدة الخوف لما سمعت الي يكلمها : بسم الله عليك من المصايب !!
_______________________
في الفندق تحديدا جنـآح فيصـل
فتحت عيونها بتعب التفتت للجهه الثآنيه انصدمت ب فيصـل جالس على الكرسي وفآتح النافذه وبآين انه سرحآن
بلعت ريقهآ وصدت للجهه الثانيه غطت نفسها باللحآف
فيصل من غير مايلتفت : قومي ابغـى اتفاهم معك
نوف من تحت اللحاف : وانا مابغى اتكلم معك
فيصل تأفف بطفش وقام لعندها سحب اللحاف بقوه : بتقلبين الطاوله علي عشاني ضربتك وان تصرفاتك معي عاديه !
نوف : انا ماقلبت الطاوله ولاشي بس مابي اتكلم معك
فيصل : مهوب بكيفك قومي بسرعه لاتوصلينهآ معي
نوف تأففت وقامت دخلت الحمام غسلت وجههآ وتوضت ولما طلعت صلت وكل ذا وهو يرآقب تصرفاتها ، ولمآ خلصت راحت جلست مقابله : يلا
فيصل تنهد : انتي مريضه ؟؟
نوف لفت له بسرعه : لاا مو مريضه
فيصل مضيق عيونه : متأكده ؟؟ ولاحتى امس ماكان فيك مجرد صداع ؟
نوف بملل : وش فيك انت ! قلت لك مو مريضه ولاشي
فيصل رفع شنطتها من عند رجوله وفتحهآ وطلع كومة ادويه وبرز بعضهم لحالهم وطلع موآعيد مستشفى وحطهم بجهه ثانيه : اذا مانتي مريضه كل هالادويه وش تسوي بشنطتك !! وموعدك الي بكره الصبآح وش له ؟؟
________________________
في شركـة بو سعـود
بو فيصل منزل راسه : مستحيل !! سعود طلب مني شي صعب
بو سعود بهدوء : بس هو عارف كل شي
بو فيصل : حتى لو كان عارف ، ماظن هو متصور صعوبة الوضع الي بيعيشه اذا عطيته طلبه
بو سعود : سعود ولدي وعآرفه زين ماراح يخلي الوضع على ماهو وبعدين انت نسيت الموعد الي قالنا عليه
بو فيصل بضيق : لامانسيت بس ماظنتي الي يبيه بيصير بالساهل سنين وانا احاول بدون فآيده هو بيقدر بشهور ؟
بو سعود بضحكه : اشوفك مستهين فيه !
بو فيصل : لا والله ماني مستهين بس مستصعب الموضوع
بو سعود : انت عطه الي طلبه منك وسلم له مسؤوليتك بكل هالموضوع وان شاءالله مافي الا الخير
بو فيصل تنهد وهو يمسح وجهه ويلف لاخوه : اعتـبره تـم ياخوي وصدقني بس لانه سعـود
بو سعود ابتسم بفرحه غمرت قلبه : ماتقصر يابو فيصل ماتقصر والله انك فرحت قلبي
________________________
عنـد نواف وشوق
لفت وجهها بسسرعه مععصبه : وووججعع ماتستحي على وجهك انت !!
نواف بتعجب : الحين من الي داخل غرفة الثآني
شوق تضرب السرير : جيت ارتب هالحوسه الي انت فيهآ
نواف تذكر سوارها تحت مخدته ، وسع عييوونه بخوف انها شافته وخذته وراح بسرعه وسوا نفسه يسحب المخده وهو رفعهآ ويتنهد برآحه لما شافه على طول اخذه ورمى المخده على راسها : ماشوف شي ترتب !
شوق عصبت ورمت المخده على وراها بعشوائيه : ماامداني الا طلعت !! وبعدين ممكن تنقلع الحمام تلبس او تطلع برا لاتجلس هنا بفوطتك ياخي
نواف سحب نفس وجلس على السرير صارو كل وآحد معطي الثآني ظهره : والله انا تعبان ومافيني انقلع لمكان والي المفروض ينقلع عارف نفسه
شوق راصه على اسنانها : حححتتى وانت مرررييض طبعك مايتغير ولسانك وش طوله تتتغغثث تتغغغثث
نواف مآسك ضحكته : قومي قومي طلعي برا عن الهذره الزايده
شوق قآمت تمشي من غير ماتلتفت له وتتهتحلطم : ان شاءالله تتكسر تكسر مو بـ............ الا تخربطت مشيتها لما رمى عليها المخده غمضت عينهآ بقوه وهي تسحب نفس ورصت على قبضة يدها
انتبه لها نواف وضحك : هههههههههه عصبتي
شوق هزت راسها بوعيد : انت البس وشوف وش بسوي فيك
نواف تحمس وضحك : صدق !! يعني بتسوين فيني حركه قويه اقوى من انك رميتيني في البحر !!
شوق بدون ماتلف له همست : حمار
قام يمشي ووقف مقابلها وهمس : ...
_____________________
في السوق
قلبها بيطلع من بين ضلوعهآ وتحس بكل مافيها تشنج وهي تشوف مشآري واقف قبالها وبجنبه نور
نور مبتسمه ببرود : يااهوو وش فيك
لينا بلعت ريقهآ : هاه لآ ، وشو وش فيكم لاحقيني
مشاري بيتكلم قاطعته نور : لا من يقول كننا نتمشى انا مع مشاري عنده غرض بيشتريه وحب ياخذ رايي صدفه شفناك هنا تكلمين ومتخبيه ورا الجدار .. وبنبرة سؤال : ليه قلتي نلحقك ؟
لينا وبداخلها تتحسب على نور : لا بس اقول يعني
نور لفت على مشآري وابتسمت : يلا وهذاك صرت معها تمشو لكم شوي يمكن تقدر تفيدك باللي تبيه ،
مشاري عقد حواجبه مستغرب وبداخله " وش فيها هذي "
.
.
نرجع شوي
لوين مارن جوال لينا وتسللت من بينهم من غير محد يحس وراحت بعيد الا لمحتها نور وهي تمشي وباين عليها خآيفه لحقتها بسرعه ولقتها تكلم عصصصببت وضربت الارض برجلها بنرفزه ورجعت بسسرعه لمشاري الي كان مع تركي وسلطان مسكته من يده باستعجال : مشاري تعال معي
مشاري تفاجأ : وين بسم الله ووش فيك مطيوره
نور تسحبه : عليك الله تعال معي بس شوي
تركي عقد حواجبه مستغرب وبنفس الوقت مشاري ، مشى معها مستغرب وبين ماهم يمشون لفت بوجهها لتركي الي كان يناظرهم وهو مستغرب ابتسمت له بتسليك وهي مضيقه عيونها ورجعت تناظر قدامها
مشاري يناظر مستغرب : ووين ماخذتني
نور بهمس : لمرتك
مشاري استغرب زود : لينا !
نور تركت يده : وليه عندك حرمه ثانيه غيرها
مشاري : اوهوو يابنت الحلال وش له تاخذيني عندها البنت قالت لي مابي اشوفك الا بيوم الزوآج مدري ماعرفت وش تقصد بالضبط يعني بتقاطعني او شي كذا
نور رفعت حاجب : الحين باخذها لك مفروض انك تفرح طلع هذا كلامك ؟؟
مشاري تنهد ماله خلق لسان لينا واسلوبها معه ، االا نور تنرفزت : ييوووه وش فيك لاتقول ماتبي تروح
مشاري مسكها ومشى : من يقول مابي اروح
ومشو رايحين للجهه الي واقفه فيهآ لينا
.
.
نور ابتسمت خافت مشاري يخبط : ههه وبعدين هي مرتك واكيد بيعجبك ذوقها اكثر مني ،، يلا بااااايي
ومشت بسرعه عنهم وهي مبتسمه بنصر على الي سوته
لينا بهـدوء عكس الخوف الي يقرقع بقلبها : ماكان هذا اتفاقنا
مشاري مسك يدها بعناد مبتسم باستفزاز ويقرب من اذنهآ : آخر شي افكر اسويه اني امشي على رايك
لينا بعصبيه وتحاول تسحب يدها الي راص عليها : هه مو على كيفك يوم النحس مابقى عليه شي مابي اشوفك ياخي فكني شوي
مشاري رفع حاجب : مو على كيفك
لينا بعناد : كيييفييـ.... قآطعها لما حط صبعه على شفايفهآ ويهمس بهدوء : ششش اعصآبك ، عندي انا مافيه شي بكيفك
بعدت صبعه بقرف : لاتلمسني طيب اذا ممكن يعني .. ولفت بتمشي ويدها بيده الا سحبهآ لمكانها لصقت في الجدار وقف قبالها ويرفع يده مثبتها على الجدآر وباليد الثانيه يمرر يده على خدهآ وشفتهآ : عمري وحيآتي كلها وانا اسوي الي يعجبني ومحد يفكر حتى يعارضني .. يجن جنوني ساعتها وماشوف قدامي لما احد يفكر يعارضني او حتى يجادل ، حطي في بالك اني ساكت لك عشانك للحين ماصرتي معي تحت سقف واحد
لينا رجف قلبها هو خوف هو توتر يديه تلامس خدهآ وعيونهم تتضارب مع بعض وكل من يناظر الثآني بأشبه بالتحدي رمشت بسرعه بعيونها وهي تبلع ريقها : لاتفكر اني ممكن بيوم اخآف منك انسى هالشي احسن لك اسلوبي معك بيبقى هذا هو مراح يتغير لو تنطبق السما بالارض .. وبنبرة تحدي : وايدك مراح تنمد علي والايام قدآم
مشـآري ويضرب قلبه بقوه تلافت حوله مآفي ناس كثير قرب منها مسكها من فكهآ غمض عيونه ويبوس خدهآ بعمق وهـدوء ويهمس لها : رجفة يدك تبين لي اذا انتي خايفه ولآلا ، لاتتحديني توك طفله على التحدي معي
لينآ ماقدرت تحط عينهآ بعينه وتحس بقلبها تنسمع دقاته صدرها يرتفع وينزل من التوتر وهمست : لآتقول طفله
مشاري بضحكه نرفزتها : بعيني لو بعد مليون سنه مراح تكبرين .. ومسك يدها ومشى معهآ وهو مبتسم وقلبه يعشقهآ اكثر واكثر يحبها قويه يحبها تتحدى يحبها ماتخاف منه ويروضـــهــــآ يحبها بوسط قوتها وتحديها تنكسر من خوفها منه وتهآبه
_____________________
في الفندق تحـديدا جنـآح فيصل
نوف فتحت فمها وهي رافعه حواجبها بصدمه ودهشه : من سمح لك تفتش بأغراضي
فيصل بحده رفع الوورقه : ووشش عنــدك بمـوعـد طبـيبـبة النسـا ؟؟
نوف بلعت ريقها بخوف وهي تحاول تسحب الورقه : شي خاص فيني مراح اقوله لك لاتحـآول
مسكها من معصم يدهآ بقوه حست عظامها بتنكسر بين يدينه : تكلمي يانوف واقصري الشر
نوف غمضت عيونها بألم : ففييصصل اترركننني والله اووجعتتننننيييي حرام عليييكك
فيصل هزها بقوه وهو منرفز : صصاارر لك سبوعين وانتي توجعيني وانا ساكت لك ... وبصرااخ ... تكللمميييييي ققوووولللليييي وووشش فيييككك
نوف صررخت بوجهه : مرااااح ااقوووول
فيصل مندهش منهآ : غبيه انتي !! في حرمه تخش عن زوجها بوشو هي مريضه
نوف بعناااد : اايي انااا
فيصل هز رآسه وهو عاض شفته سحبهآ معه للغرفه ووقفها بالنص : خلك بذا الغرفه الين بكرا ومراح تروحين المستشفى الا ورجلي على رجلك
نوف بإندفااع : لاااااا
فيصل مآسك اعصابه : اااصص .. خلك يمكن تصحين من الي انتي فيه .. ومشى بيطلع من الغرفه الا هي مسكته بترجي : عليك الله فيصل لاتعاملني بذا الطريقه
فيصل ببرود : انتي كذا يعجبك ، وسحب يده بهدوء منها ويطبطب على خدها بهدوء : بخليك لوحدك يمكن تصحين وتفكرين زين ، وطلع سكر الباب وقفله عليهآ
رفعت رآسها بقل حيله تحبس دموعهآ تراجعت لوراها وجلست على السرير ضمت رجولها لعندهآ وبكت بضياع وتشويش عجزت تلقى الصواب ضيعت نفسهآ اكثر مما كآنت تحس ، اذا فيصل عرف بحملها وعرف بسبب موعدها مع الدكتوره الله العالم وش بيسوي بيكرهها بتطيح من عينه بيقسى عليهآ ويمكن اكثر من اول ، رصت على جبينها وعيونها مليانه دموع همست : لآزم القى حل والا بنتـهي بنتـهي وحياتي معه بتندممرر
_____________________
عنـد نواف وشوق
قرب من عندها وهمس : لو تعرفين بس وش احساسي بهاللحظه صدقيني لسانك مايطب لساني
شوق استغربت ولفت تناظره مستغربه : وشو ؟
نواف ابتسم وهو يتنهد : سلامتك .. اقول متحمس للي بتسوينه
شوق قابلته وهي عاقده حواجبها : وش احساسك ؟ وليه لساني مايطب لسانك !! مافهمت
نواف ابتسم وعطاها ظهره ماشي لدولابه : يلا يلا روحي شوفي وش بتسوين تراني متحمس !!
شوق بعصبيه ضربت الباب : وسؤالي ؟ تسفهني وتمشي ليه !!
نواف ارتاع من ضربتها : انتي متاكده انك بنت ؟ وش ذا الدفاشه وجع روعتيني
شوق : تقول لي احساسي مااحساسي وتسحب علي وتمشي وش شايفني بقره قدامك
نواف بضحكه : عارفه نفسك يعني ؟
شوق لسانها بعصبيه : كذا اجل زين يالسلق ... وطلعت سكرت الباب بقوه لدرجة نواف غمض من الروعه وهز راسه بضحكه : اجل انا اغرم بإنسانه بهالطفاقه !!
...................
تسندت على الباب وهي تدور بعيونها شي ممكن تسويه وارتكزت عينها على علبة صابون السايل وتنزل عيونها على الارض مكان ماهي واقفه وتلف للباب : زين ياحمار القايله !
وتروح بسرعه تاخذ الصابون ومعه كاس مويه وتجي عند الباب تعصر من الصابون وتصب عليه مويه وتخلطهم مع بعض وتكبه قريب من الباب وهي تضحك بخبث وبصوت عالي : البس زين وتدفى مالي خلق تمرض ولاتنسى جواريبك زين ياحمار القايله !
نواف ضحك عليها ولبس جواريبه مثل ماقالت له ووقف عند المرايه يتعطر ويمشط شعره وبصوت عالي : خلصتي ؟
شوق : ايه الوعد برا الجناح .. وراحت بسرعه فتحت باب الجناح وسكرته بقوه ورجعت تسندت جنب الباب بحذر انها ماتبين
________________________
في السـوق
نور تدور على نفسها قدامهم : ههاااااهه وش رايكم ؟
داليا متنحه : يهبل ياحيوانه وربي يخسبق
لين : وانا بععدد اقول كذا
نور بضحك مشت شوي ورجعت : هاااهه ولااشوف لي لون ثاني
ريم : لا يرحم لي والديك طقت كبدي من كثر ماتقيسين بذا الفساتين خلاص ذذا يههبل مثل ماقالو لك
ندى بإعجاب : اي والله صدق يفتن ماشاءالله عليك
نور : اااامم يعني استقر عليه
ريم وسعت عيونها بمملل : ااييييهه خلااص
نور كشرت : ااايي زين تعالي طقيني بعد ... وراحت ركض لغرفة القياس وقررت انها اخيرا تشتري ذا الفستان
ويكونون كلهم شرو فساتين لزواج مـشـاري ولينـآ
عنـد داليآ
الي رن جوآلها برساله فتحته على طول وترمش بعيونها بسرعه لما لقته سعود ضحكت بتعجب " وش فييه " الا انصصصدددددممممممممممممتتت تت من الي قرررتتتهه وككأأأننهه يحسدها على لحظظات السعاده الي تعيشها حالف مايخليها تعيش برآحه حتى لو كان بعيد ... طآحت دمعتها من غير ماتحس على شاشة جوالها وهي تعيد وتزيد برسآلته يدينها صآرت ترجف هي ماسكته ،
ندى الي كانت جنبها انتبهت لها : بنت ! وش فيك
داليا بهمس وبحه : ولآشي .. وبأطرف يدها مسحت دموعهآ بسرعه وهي تتكلم بداخلها " حقييرر وحيوان "
طلعت نور وحاسبو وطلعو من المحل يكلمون تسوق
_________________________
عنـد لينـا ومشاري
مشاري بعناد : بس انا عجبني هذا واشوفه بيصير احلى اذا لبستيه
لينا متنرفزه : طيب يااخي مو حلووو كيف اشتري شي مو عاجبنني !!
مشاري رفع كتوفه ببرود : اي مو لازم اهم شي انا يعجبني
لينا سحبت نفس وهي تلتفت للجهه الثانيه ومشاري ياخذ كم قطعه ويحطهم بيدهآ : ادخلي قايسيهم يلا
لينا بترجي : اوووفف مشاري مو حلو الفستان والله مو حللووو
مشاري برواق : عااجبنني يابنت الحلال والله عآجبني ادخلي قيسيه والي يضبط عليك ناديني اشوفه
لينا وسعت عيونها : بعععدد !!
مشاري ابتسم : اجل وش !! اكيد اني ابي اشوفه عليك بعد يمكن لا لبستيه مايصير حلو مثل ماهو معروض
لينا انقهرت : انا لو البس خيشه الي هي خيشه تطلع حلوه تفهم !!
مشاري وهو مبتسم : هذا رايك انا للحين ماشوف هالشي .. يلا اخلصي ادخلي البسيه
هزت راسها بتحدي ودخلت الغرفه تبدل وهو برا يضحك عليها كيف قادر يمشيها مثل ماهو يبي وجلس ينتظرها تناديه
_________________________
في الفندق
بالغرفه القى اخر نظره على نفسه في المرايه وراح بجهة الباب بيطلع فتحه ومشـى شوي ومآحس الا باللزززووجه تحت رجووله ززلقققتت رجله اليميين لقدااامم فققد تتتواازززنننه بيططييحح
هننا ششوق شششههققققتتت بصصدمه توسعت عيننهااا لما انتببههت للطاوله الي على ججننبب صصرخت : انننتتتتتبببببببببببههه ، وببسسسسرعه راحت ودفته تمسك بالكنب الاا هي زلقت وطآحت على وججههآآ تكسر ككاس المويه الي كان محطوط قدامها ، ونت بصوت بالكاد ينسمع : آآهه
ثـواني معدوده مرت مو قادر يستوعب وش الي جالس يصير زلق وكان بيطيح دفته بقوه على الكنب وهي الي طآحت .. نزل عيونه لها مصدوم لما انتبه للدم يسيل من جنب وجهها ... اانفجع ونزل لمستواهها رفعهآ من كتوفهآ بصرااخخ : شششوووووووققق
انففججعع من شكلها شفتها السفليه انجرحت والدم يسيل منها بغزاره وتحت شفتها وبقريب من خدهآ انشقت الجلده بسبب القزاز والدم يسيل ... سحبها شوي وسدحها على ظهرها يضرب خدودها بخفيف : ششوووقق شوووقق تسمعيييننيييي
شوق مغمضه عيونها من شدة الالم الي تحس بوجهها ودموعهآ تنزل ماهي قادره تنطق بحرف بسبب شفايفها
نواف بخوف وتوتر : خلاص لاتبكييين لاتبكيييييننن وقام بسرعه جاب مناديل حطهم على وجههاا وبعجله منه يتكلم : شووقق شوووقق فتتحييي عيووونكك لاتتغمضضيننهممم ماافييكك ششييي لاااتخاافييين مافيك شي بسس فتتححييي
شوق والالم يقطعهآ رفعت يدها ببطئ وحطتهم على شفايفها وتمررها على الاماكن الي توجعهآ وتشهق بقوه ماهي قآدره حتى تبكي شفتها متشنجهنواف مذعور: خ خ خلاااصصص م ماافييهااا شييي جرح بسسسسييط وبيصييرر احسسسن لاتخآفيين
وقام بسرعه فصخ جواريبه ولبس جزمته اخذ وجواله ويروح لهآ مسكها من يدهآ ويده الثانيه ورا ظهرها يسآعدها تقوم ولما وقفت تمسكت فيه بقوه خوف انها تطيح بحركه سريعه منه حط يده تحت رجولهآ ويحملهآ بخفه ويسرع يطلع من الجناح ويركض ينزل الدرج ويطلع من الفندق فتح سيآرته المستأجره ركبها قدام بجنبه سدح الكرسي شوي وراح ركب وبسسسررعه شغل السيآره ومشى على اقرب مستشفى يلقاها بوجهه
_______________________
عنـد فيصل
الي كان طالع يتمشى بملل لحاله ووده لو انه يبكي بنحيب وبصوت عالي الكل يسمعه .. مستغرب ليه جالس يصير فيه كذا وش الي سواه عشان تتعامل معه بهالطريقه" ليه قالت مااحبها ليه تذكرت الماضي ليه تذكرت اني مجبور عليهآ ! ليه تجاهلت اني الحين اترجى ضحكتها واتمنى قربهآ ليه تناست هالشي .. وان كنت تزوجتها مو برضاي بس الحين مابي غيرها زوجه لي ومااتخيل اني اعيش مع وحده ثانيه غيرهآ وجودها يكملني حبيتها بكل مافيها بكل اغلاطها وحبتني رغم اني كنت مابيها ، وش الي صار الحين وش الي تغير ، وش صار حتى تتذكر الايام المره ! هقيت اني بجي تركيا معها اعوضها عن اول شهر عشنا مع بعض بس الي عشته هنا اشبه بأول زواجنا ولاكأنها هي نفسها نوف الي قبل لانجي هنا بكت واعترفت انها حبتني بكل مافيني ... آآآآخخ ياربي والله عجزت عجزت ماني عارف وش اسوي
........................
بجهه ثآنيه وفي الفندق
منسدحه على السرير ودموعهآ تنزل باستمرار حاطه ذراعها تحت خدها ومنسدحه على جنب لامه رجولها قريب من صدرها ... رجعت علاقتهم تضطرب ووتتكهرب وكله بسبب غباءها بس هي مراح تتراجع ! لو تراجعت وقالت له ممكن انه يذبحها وتزيد مشاكلهم ، الاحسن ان تكمل الي خططت عليها ،
بكره موعدها بتجهض الجنين ،، كلها كم ساعه بتغيب عنهم دارِ درى و دارِ مادرى .. الكل بيكونون في المطار ينتظرون رحلتهم وهي بتكون فيي المستشفى بتخلص وبترتاح ساعتين بعدهآ بتروح لهم ، فيصل مالازم يجي معها ولازم تلقى طريقه بأسرع وقت تصرفه عنها من غير مايشك ولو بقدر ذره !
________________________
في المستشـفى
وبعـد ماخيطو الجروح لهآ ، جآلسه وحاطه مناديل على خدها وشفآيفها متسنده وهي مغمضه عيونهآ وكل شوي تتكرر تصرفاته قدام عينها طريقة لهفته وخوفه طريقته وهو يمسح على راسهآ .. تعيد وتزيد وهي تتذكر الموقف ، الا قطع عليها نواف الي دخل ومعه كيسة العلاج حقهآ جا وجلس على الكرسي جنبها وحط الكيسه بحضنها بضحكه : اقدر اقول من حفر حفره لاخيه وقع فيهآ
مسكت الكيسه وناظرته بنص عين من غير ماترد
نواف ضرب يدها بخفيف : امزح امزح وجع لاتخزيني كذا والله تخوفين ، امزح معك ماتشوفين شرر
شوق اكتفت بأنها تناظره وتصد بخفيف ماهي قادره تنطق بحرف تحس اذا تكلمت الخياطه بتنفتح وبتنزف شفتهآ ومآهي قادره تكلم نواف تحس انها تشوشت وتلخبطت
نواف ستغرب : هههيي انطرمتي
شوق بملل لفت له وهي تأشر على شفايفها
نواف رفع حواجبه : ماتقدرين تتكلمين
هزت راسها له بالايجاب
حز خاطره عليها ، تنهد وقام : طيب قومي نرجع عشان ترتاحين لك شوي اساسا عطوك ادويه الحين بتنامين
وقآمت معه من غير ماتنطق بحرف ولحقته طلعو من المستشفى وركبو السيآره ،، وحركو للفندق
_______________________
عنـد لينـآ ومشـاري
نادته بعد مالبست الفستان ووقفت بملل ورا الباب تنتظره يجي
اما هو قآم بحماس يشوفه ولمـا دخخلل صنــــــم مكانه انـبهر بكممية الجمممالل
( كان الفستان لونه عنآبي من فوق كت وتحت الصدر مآسك وبعده يتوسع بكسره من كل جنب ويوصل فوق الركبه بشوي )
اللون العنابي هذا كان كفيل بأنه يبرز بياضها بشكل كبير ، شعرها الطويل المنسدل بنعومه على ظهرها وجزء منه جاي قدام
لينا بعفويه تناظر نفسها : موديله مو جديد مراح اخذه
مشاري وسع عيونه بصدمه " انهبلت " وفجأه ابتسم بسخريه : اي مو مثل جماله لما كان معروض
لينا انصدمت : ننععممم
مشاري كشر : لالا صدق مو حلو جسمك نحيف مره مايساعد
لينا تنرفزت : ححلوو بس انا مابيه
مشاري ببرود : لا مو حلو نشوف لك غيره
لينا ناظرت نفسها : باخذه
مشاري بداخله يضحك : يابنت ماعجبني ، لما لبستيه غيرت فكرتي
لينا بعناد : بس انا اشوفه حلو
مشاري يناظرها متعجب ويمشي بناحيتها : انتي وش فيك !! هبله ؟
لينا تتراجع لوراها : طيب اوقف مكـ.... تعثرت بملابسها المرميه على الارض بتتطييييحح الا جاها بسسرعه مسكها من ظهرهآ : بشويش
دفته من صدره بسرعه : اطلع خلني ابدل عشان تحاسب لي اياه
مشاري مد يده : طيب عطيني يدك
لينا استغربت : ليه
مشاري : انتي عطيني وساعتها بقرر اذا اخذه لك او لا
عطته يدها مستغربه اما هو رفع يده معها : دوري على نفسك اشوف بسرعه خليني اقرر
تأففت بملل ودآرت على نفسها وماامداها تكمل دورتها الا يلف يدها لورها ويمسكها من خصرها يقربهآ له ويهمس : انتي زدتي من جماله ولاهو زاد بجمالك !!
تلعثثممتت وماعرفت ترد عليه وهو مقيدها بهالطريقه حطت يدها على صدره بتبعده الا نزلها بسرعه ، رفعت راسها بتهـآوش الا يمسكهآ من ورا رقبتها و يقطـع نفسهـآ لما بآس شفتهآ بعمق ويمنعها تتكلم
_______________________
ولمـآ وصلو الفندق سبقته لجناحهم ودخلت كانت بتسكر الباب الا حدها برجله ودخل راسه وهو مبتسم : رد الجميل واجب
عقدت حواجبها باستغراب مافهمت وش يقصد
نواف دخل وسكر الباب : جيتيني وخليتيني اقوم اصحصح واتروش وخليتي حرارتي تخف لازم ارده لك ، مراح اسوي شي بس بنتظرك تنامين وبروح
شوق مالها خلق تتجادل معه راحت رمت ادويتها على الكنب ودخلت الغرفه فصخت جزمتهآ وانسدحت على السرير وتلحفت وهي تتألم بخفيف تحس بنغزات خفيفه مثل القرصات بشفايفهآ وخدهآ
اما نوآف جلس على الكرسي يرآقب تصرفاتها وتكشيرة ملامحها لما تحس بشوية الم
مر الوقت عليـهم ومانتبه الا هي نـآمـت قام بهدوء وجلس قريب منها عوره قلبه على منظرها خدها وذقنها وشفتها مخيطين عقد حواجبه بإنزعاج من شكلهم رفع يده بتردد ومسح على الجروح وهو يتكلم : ياليتني ماقلت لك سوي الي بتسوينه ياليتني صارخت عليك وطردتك من الجناح ، ماكان صار فيك كذا ... كله مني انا ليتك تاركتني طايح ومتكسر ولاانه يصير فيك كذا ... تنهـد وقام طلع من الغرفه بعد ماخفف الاضاءه وسكر الباب وطلع من الجناح
فتحت عيونها بخفيف منصـدمه وتشويشها يزيد وش فيه ؟؟ ليه نبرته متغيره لسا ماستوعبت خوفه والحين يقول كذاا وش فيه متغير ؟
_____________________
في السعـوديه
بعد مااخذ الموافقه من عمه على خطته وكأن الارض مو سآيعته من الفرحه
على طول مسك جواله وارسـل لها " ابشـرك ملكتي بعد زوآج مشآري بأسبوع وبعدهآ ب 3 ايام ابروح بعثتـي "
سكر الجوال وهو مبتسم : عشقك لي يرجع مثل ماكان يعني يرجع
ام سعود جت جنبه : سعود !!
سعود : سمي
ام سعود : الطلب الي تبيه مايدخل العقل وشلون يمه اسوي كذا حتى ام فيصل مافهمت وش له نسوي كل هالخطه ... انتو بينكم شي ! يعني قصدي انت تحبها وهي تحبك او شي كذا يعني !
سعود ابتسم لامه : احبهـآ يمه والله احبهآ ..
ام سعود ضحكت بفرح : هههههههههههه ياجعل عيني تقر بشوفتك عريس واشوف من بعدها عيآلك
سعود وجهه مغمور بالفرح : امين يمه ... طيب الحين اسمعي بقولك وش تسوين انتي ومرت عمي
ام سعود : اسمعك
سعود : اول شي .....................
_______________________
بوقت متأخر في الليل
وبعـد مارجعو الفندق وهم داخلين ،
انتبهت لفيصل جاي يمشي على رجوله حامل جاكيته على كتفه سرحان مو منتبه لهم ، عطت الاكياس ندى وراحت تمشي بجهة فيصل الي انتبه لها : ها وصلتو
داليا : ايه ، وش فيك تمشي لحالك كذا ؟؟ وين نوف عنك فيصل تنهد : تعبانه تركتها ترتاح
داليا بهدوء : وش فيك بسم الله عليك
فيصل : تعباااان تعباااان
داليا خافت : يووهه بسم الله الرحمن الرحيم وش فيك
فيصل تسند على الجدار : مدري كاني ضايع كاني مو عارف اتصرف محتار ومتشتت
داليا باستنكار : تقول لغز !!
فيصل يناظر قدامه : انا الي صايره حياتي بمثل اللغز ماني عارف اعيشها صح
داليا وقفت بوجهه : يوووهه فيصل وربي خوفتني تكلم عاد
فيصل يناظرها بحيره وشك : اسألك سؤال تجاوبين عليه بصراحه
داليا ابتسمت : ايه اسأل اكيد بجاوبك
فيصل بهدوء : نوف وش فيها ؟ وش الي مخبيته عني ؟
داليا رفعت حاجبها من سؤاله هذا الي كانت خايفه منه :..؟؟؟؟؟
______________________
بجنـاح البنات
لين : ياعمرررررريييي قطعتي قلبيييي وش ذا الوجه
شوق بتعب : يخوف !!
ريم : لا مو يخوف بس مسكيين يعني ينرحم
شوق تأففت وتحط المرهم على الجروح من غير ماترد
ندى بتردد : لقيتي سوارتك ؟
شوق لآشعوري تغيرت ملامح وجهها ومالت للعبوس وهزت راسهآ بلا
نور ابتسمت : ماعليه ياامي وش تسوين طيب !! مكتوب انه يضيع
حست بدموعها تتجمع بعينهآ قامت بسرعه من بينهم وراحت للمغسله تغسل يدها بسرعه ودموعهآ تنزل بقهر ماقدرت تحافظ عليه وهو الشي الوحيـيد الي بقى لها ذكرى !!
سحبت المناديل تجفف وجهها ورجعت الغرفه والتفتت لندى وتكلمت بصعوبه وهي زامه شفايفها : مافيني حيل ارتب شنطتي اذا رتبتي شنطتك سوي حقتي معك
ندى ابتسمت لها واشرت على عيونها يعني من عيوني
ابتسمت لها شوق وراحت لسريرها انسدحت وتلحفت والغصه ناشبه ببلعومهآ
....................
عند البنات قررو يقومون يرتبون شنطهم ويجهزونهم من الحين عشان بكره ماينعفسون خصوصا ان رحلتهم بتكون على العصر
____________________
عند فيصل وداليا
فيصل يناظرها: وش فيك
داليا ضحكت : ههههههه من جدك فيصل ؟ تسألني عن شي مفروض انا الي اسألك عنه !! وش يدريني باللي مرتك خاشته عنك
فيصل بعدم تصديق : داليا !!
داليا : شفيييكك !! صدقني مدري ،
فيصل : تبين تقنعني ان انتي ونوف ماتدرون عن اسرار بعض
داليا رفعت اكتافها تتصنع البراءه : يمكن مو كل شي تقوله لي مدري عنها صراحه
فيصل تحطم : طيب طيب خلاص
داليا : زين اهي جالسه الحين ؟ خليني اروح اشوفها اتكلم معها شوي واحاول افهم منها
فيصل تعدل بوقفته بيمشي : لا ، لما تركتها كانت تعبانه شوي وقالت لي بتنام ... وانتي يلا ادخلي ونامي عشان تصحين بدري وترتبين اغراضك
داليا بهدوء : طيب .... ومشت معه راجعين الفندق وقلبها يتقطع عليه شايل هموم الدنيا وفي الاخر لانه يحس انه نوف مخبيه عليه شي .... " الله يسامحك يانوف "