[فيتامين سي]

#انتقام_عاشقة

الحلقة الأخيرة

_الكاتبة ميمي الترهوني


بعد مرور سنة
لبس البودري .....محلاه كل بنية نتمناه
بدينا وقلنا بسم الله نقيموا العرس اللي جيناه

بعد مايهلب نص الليل يجدن علي العين مواويل

غفيتي هف عليك مناك قفزتي تحسابيه حداك

هدب عيونه وين رمشن رشاشات اغراض يرشن

قطاطيها ريم الجفال اغربه حامن فوق رمال

طير غلاي ركب مكسيما عاود لاوهامه القديمة

نرجاكم نا قاعد قاعد كان قسم صوب المتباعد

نار غلاك الله لاتبلي ثصهد كيف صهيد القبلي

نار غني ماحاجة خلت هي كبرت والريح تعلت

اللي محرمته خط بخط شبوبه ع الولاف سقط

اللي محرمته كيف رداه نعاهد نفسي ماننساه
....................
دوروابيها دوروا بيها........وانشاء الله السعد ايواتيها

يامبروك عليك اشبورك.......وانشاء الله تموري في سورك

ياماشي قول لراجلها.......كيف القنديل فتايلها

شبرناها بالجداد.........اجعن جيبتها غير اولاد

يام اصباع اتقول شماعي .......جيتي للحنه تداعي

مبروك اشبورك بالنيره .......يازوجة بوعين كبيره

مرت الغالي امشبره........اللي انلاقيه انخبره

مبروك الحنه في ايديك........لبستي اللبس ومار عليك

يامبروك عليك الحنه.........وانشاء الله الدنيا اتهنى

ياسلم بو عين كبيره.......حناياته اتقول مسيره

_شهد :لووووووووووووووووووي الفاتحه نقرت لووووووووي جت طبطت في خواتها و تبكي
_شيماء:لووووووووووووووي و مشت فتحت لمنظومة
(ماقلت جيبولي البحر لا قلت جيبولي القمر لا الشمس بين ايديا ... لا قلت جيبولي عزيز بالفاتحه مقريــه
اريده امناي الي بعيد اريده الي ملقاه عيد انقول مرحبا بالجيه ... وماريد من غيره جديد لاندير بعده غـيه ....
ماقلت جيبولي اجبال لاقلت جيبولي اموال انا طالبه غاليا انا قلت جيبوه بحلال يانـــاس حسوا بيا ...
ماقلت جيبولي غلاي امنايا الي في ايده دواي يهدى البال اشويه ياناس لو تحسوا معاي بالنار هلي فيـــا )
و ناضت شيماء ترقص متفاعلة كانت مستاحشه طاهر هلبا
.
.
_احمد :حلالي
_سندس:عيون و روح و قلب حلالك
_احمد:نحبببببببببببببببببب ببك
__سندس:ههههههه اس يا مجنون قصدي خلاص وليت حرم سيد احمد مَش مصدقه
_احمد:نوعدك نحطك في عيوني و في قلبي و نصكر عليك
.
.
_محمد:منجيك بعدين نصور معاك بالبودري
_شيرين:لا نبيك تستاحشني لي الحفلة
_محمد :و عليا طلاق ماصارت
_شيرين:و عليا طلاق صار
(و طربقو ضحك )
_علي :شيمو تبيك شهد في دروج
_شيماءبه و طلعت لقت طاهر نص
دمت كانت مستاحشاته بس كرامتها مستحيل تخليها تكلمه)
_طاهر:قرب منها استاحشتك
_شيماء:استاحشتيني واضح لي درجة ليك سنة و 10شهور و يومين بعيد عليا و تلفت مشت
_طاهر:والله استاحشتك يا هبله
.
.(في ليل كانو مقعمزين شيماء و متكيه عليها علي اليمين سندس لابسه بودري و جنبها شيرين لابسه بودري و حاطه راسها علي رجلين امها و مقعمز طاهر و راقد عليه علي و نعيمه و في حجرها حميد ولد شهد ترضع فيه و شهد كانت في المطبخ دير في قهوة)
طق طق طق
_شيماء :شهددد افتحي الباب
_شهد:مصح وجهكم ندير قهوة و نفتح الباب؟
_سندس :عرايس احني دلعينا
_شهد:ننننن (ومشت فتحت الباب)هاااههاااانيبال و تلفت ليهم شوفو هانيبال و مشت وخرت تجري و قعدت شاده وجها تبكي بصوت عالي كانت خايفه علي مصدومه علي هلبا حاجات
_هانيبالكان لابس سروال توته اسود و تيشرت اسود و كان واضح عليه كيف محلق )و مشي يجري يبوس في رجليها استاحشتك يا غاليه استاحشت نوض علي دعواتك استاحشت نبوس راسك و حط راسها في رجليها و يبكي
_حميد:ماما خيرك تبكي تيتا نيمه منو ادا (نعيمه منو هادا) يشبه صوره لي عند ماما حي
_هانيبال:قام راسه و مصدومه و قعد يشبح لي امه
_نعيمه:و هيا تبكي نوض ياولدي بوس ولدك نوض وليدك حميد
_هانيبال:تلفت لي شهد و قعد يشوفلها ابتع حق ولدي
_شهد: هانيبااااااال و مشت تجري حدفت روحها عليه كيييف هنت عليك تخليني كيف هان عليك تصدقهم كيييف خليتني تبهدلت بعدك والله لو كنت مَش حامل ره قتلت روحي بعدك جابولي جته محروقه و قالو انت حررقو قلبي عليك قتلوني و قتلوك و احني عايشين اه ياربي الحمد لله و خدت حطت حميد في حجره كبر في ودنه كبر
_هانيبال: و هوا يبكي الله وأكبر الله وأكبر .... و قعد يبوس فيك و يبكي بعدها قريب بنص ساعه مشي لي شيماء و سندس و شيرين و خداهم في حضنه و قعدو يبكو و يبكي معاهم
فاتت ليله عليهم من احلا ليالي لانه رجع سندهم (فعلا رحمة ربي وسعة كل شي)
.
._شهد كان طول اليومين لي رجع فيهم تموت بالصامت بسبب معاملته جافه ليها و الكل لاحظ هالشي)
اليوم كان العرس
_حميد:ماما ابي أمسي مع بابا
_شهد:به البس كندرتك و تعاله معاي هي
رفعاته شهد
_شهد :هانيبال علاش تعامل فيا هكي
_هانيبال:باسها من خدها بعدين تعرفي هيا حبيب بابا تعاله يا بطل و غمزلها و مشو
_شهد:؟؟؟؟
.
.
_حميد:بابا سوف مذكرات ماما خديتهم و هيا متعرفش و طلعله اربعه مذكرات
_هانيبال :خود بابا شكلاطه هيا و أسس و قعمز يقرا فيهم
.
.
_المزينه في منو نبدا قبل
_سندس:في شيرين لانه بعدين تسريحتها بتعطل شعرها اطول مني
_المزينه:تمام
.
.
_طاهر حط شيماء و شهد في المزين نزلت شهد و كيف بتنزل شيماء شدها طاهر و قلها) اليوم نبيك في موضوع ضروري بعد العرس اطلعي بروحك نبيك
_شيماء:به
_طاهر :البسي خيمار بعدين
شيماء:حاضر
.
.بعد تلاته ساعات و هانيبال يقرا قي المدكرات لي درجت قعد يبكي من كلام شهد و قام تليفون بعتها(نحبك و من اليوم اني و انتي صفحة جديده مع بعض)
.
.
_محمدكان في الحلاق و معاه صحابه فجاءه خش معتز)
_معتز :مبروك ياولد خالتي فعلا انت الي راجل و تستاهلها
_محمد :يبارك فيك و ربي يعوضك بي بنت الحلال (طبعا معتز نية شيرين طاحت فيه و خطيبته سيباته و تجوزت صاحبه)
.
.
_احمد :فرحان يا صاحبي و اخير اليوم بتكون عندي
_صاحبه:قبل تلاته سنين كنت تضحك عليها سبحان الله
.
.
الحفلة❤️
خشو العروستين و كان واقف بينهم هانيبال و شادين في زوز وحده في الايمين و حده في الايسار و كانو واقفين قدامهم علي و حميد ❤️
_طبعا فيلو سندس كان ابيض ناصع و فيه كمام و في لقطة حزام و فاتحه شعرها و كان فلو لابسه تاج فخم
_ اما شيرين كان فيلوها ابيض و فيه فضي و كان منفووخ هلبا و موديله كندرتها تبان و كان منغير كمام و تسريحتها كانت كلهها فوق و نازل من خصلات ولابسه تاج بسيط
كانو طالعين روعة
دخلهم هانيبال و صور معاهم و لبسهم تاكم تاكم الماس و رقصو معاه شويه بعدين جت شهد شدت فيه و طلعو❤️
.
.
بعد مرور خمس سنوات
_حميد :عمي طاهر و خالتي شيماء تعالو لي علي و محمد و يارا من بكري يضربو في خواتي
_شهد :شيماء شدي فروخك الا بناتي فرح و مرح
_سندس :ياي علي اساس بنتك مرح طيرت شر ملايكه تو فروحه هادية مناخدها لي سفيان و يارا لي زياد ولا حميدا
_محمد :ايه من توا
_هانيبال:لالا بناتي منبيش نعطيهم من العيلة
_طاهر :اضرررب يساحبه عنده ملكات جمال اني عليوه مناخدله بنت احمد ناريمان
_احمد :هيا ليك
_شيرين:و حميد ياخد شريهان منعطيش وحده و تانيه تقعد عانس ههههههههه




تمت و الحمد لله



طبعا هادي كانت اول تجربه ليا في الكتابه و بأدن لله مَش لأخبره ان شاء لله بعد الامتحان عندي ليكم رواية قصة حقيقه (زوجي و لكن) بتكون حلوه و حلقاته زي هادو و توا نبي منكم تشجيع و تعلقو برايكم علي روايه و تقوليلي علي اغلاطي نبي اخر حلقة توصل لي عدد لايكات باليز و ادعولي امتحانات ❤️