[Rewayt_dalia]

.
.
.
الجـــــزء الســـــــادس والعــــشرون
.
.
.
يـوم جـديد
وآخر يـوم لهم بتركيآ ، مآبقى على رحلتهم الا كم سآعه
الكل تغدا وراحو المطار ينتظرون رحلتهم مع ان كان الوقت طويل قدامهم ، مآعدا نوف وفيصل الي اخذهآ غصبا عليها وبوسط معارضتها الا انه راح معها للمستشفى وجلسو في قاعة الانتظآر
وبوسط صمتهم وانشغال كل من بتفكيره ، وقفت فجأه : بروح دورة المياه
فيصل تأفف : ننوووف !
نوف جلست قباله ابتسمت بتسليك : اكيد يعني مراح اطلع واوقف لي تكسي واروح المطار لهم
فيصل رفع كتفه : تسوينهآ
نوف : تطمن ... وقامت طلع من غرفة الانتظار مشت السيب الطويل توجهت لقسم طبيبة النسـا
لما وصلت وقفت عند الباب وعينها على الصندوق المعلق وفيه ملفات المراجعات مالقت اسمهآ فيه
طقت الباب بهدوء محد رد عليها ميلت المقبض بشويش ودخلت مميله رآسها مالقت الدكتوره على مكتبها ... عقدت حواجبها لما سمعت صوت حرمتين مشت شوي للقسم الثاني من الغرفه لقت الدكتوره والمراجعه وجالسه تصور لها بالسونآر ، تراجعت بسرعه وعيونها تدور ملفات او اوراق او اي شي ، طآحت عينها على نفس الصندوق الي بره مثله داخل وفيه ملفات سحبت نفس بحماس وراحت لهم نزلت لمستواهم وهي تدور بسرعه وكل شوي تلتفت للقسم الثاني بخوف ان الدكتوره تطلع !
________________________
في المطـآر
رآحت تشتري لها قهوه تصحصحها ولما ذاقتها كشرت لاشعوري راحت اخذت ظرف سكر وفتحته كبته كله وجلست تخلطه بشويش وترجع تذوقه ابتسمت لما عجبها طعمه وبهمس : ايه كذا القهوه
.. لفت بتمشي الا تراجعت بسرعه لما لقته مقابلها تماما : بسسم الله روعتنيي
تركي مطنقر : تستآهلين
نور شهقت : لييييهه
تركي مضيق عيونه : ابتسامتك لي امس ماعجبتني وش كان عندك
نور ترمش بدلع : وش دخلك! سر بيني وبين اخوي
تركي : نوييرر !!
نور تشرب وتهز راسها بنعم
تركي يوسع عيونه منصدم من حركاتها : اكلمك انا وش له حاقرتني
نور : بعد يوه قلت وش دخلك
تركي يتمسكن : اناا الي
نور بضحكه : انت الي وشووو
تركي كشر يقلدها وهي تبكي : خلي الناس تسمع اني احبك خل الـ..... قاطعته نور بصدمه : اااصصصص ييوووه فضحتنا وجع
تركي ابتسم : خبري مايهمك احد
نور مو مستوعبه : انت شايف شكلك وانت تتكلم كذا ؟
تركي تعدل بسرعه : ليه وش فيك
نور : ششكلك بيييييضض ،،" وتضحك بصوت عالي " ههههههههههههههههههههههههه
تركي : هين اجل .. و سحبها بسرعه من يدهآ ومشى لبعييد
_____________________
عند لين الي كآنت تكلم جوآل
: مدرري والله باقي وقت كثير على مانركب الطياره
سعود : كم ساعه بالضبط
لين : اامممم كان اربع مدري خمس ساعات
سعود ابتسم برواق : حلو ،، خلاص اجل اخليك الحين انتبهي لنفسك
لين : صببررر وش بتسوي
سعود : بعدين تعرفين .. يلا باي ، ، وسكر منهآ واخذ الكرت الي قدآمه وصار يكتب عليه
_______________________
عند نـوآف الي كان يناظر شوق بين فتره وثانيه ، انتبه لها اخذت كيسة ادويتها ومشت باتجآه الحمامات
قآم بسرعه ورآها ودخل الحمام
شوق لفت بسرعه للباب واستغربت لما شافته : نواف !!
نواف مبتسم بتوتر : ء جيت اتطمن عليك واشوف الجرح وش صار عليه
شوق ابتسمت بخفيف : صار احسن ... وفتحت المرهم وهي مقابله المرآيا .. الا جا وقف قبالها وهو متكتف : وش فيك مبوزه من الصباح
شوق بهدوء : مافيني شي
نواف غمز : علي اناااا !! خبز ايدي ، مالك حس ابد وغير كذا مطنقره قولي لي وش فيك
شوق حطت المرهم على المغسله وبهدوء : ضيعت شي غالي ماكان لازم يضيع مني
نواف فز بسرعه : وش ضيعتي
شوق تنهدت : خلاص عاد لاتذكرني والله من غير شي واصله معي
نواف : يعني ماتبين تذكرين الشي الي ضيعتيه
شوق : ماابي افكر فيه عشان مااحس بتأنيب الضمير
نوآف : طيب براحتك
شوق : وبعدين انت وش دخلك
نواف انفجع : افا الحين انا وش دخلني
شوق كشرت : قم قم اطلع برا جاي مرتز هنا ليه
نواف عض شفته : شوفي مقدر انك مجروحه بوجهك ولا كان عرفت اتفاهم معك
شوق بنص عين : بتصفقني يعني وش بتسوي
نواف ناظر المرهم الي على المغسله وخذه : تعالي اشوف
شوق تنحت : نععمم
نواف سحبها لعنده ووقفها قباله تمامآ ونزل راسه وهو يعصر المرهم بصبعه : بحط لك المرهم بما اني السبب بهالجروح ... ومن غير ماينتظر ردها يمسكها من ذقنهآ ويحط لها المرهم بهدوء وتركيزز
امـآ هي انحبس نفسها بسبب قربها منه ويده الي يمسح على وجهها بهدوء قلبها صار يدق بقوه وكأنها مخدره ماعآرضت ، فجأه غمضت عينها لما حط يده على مكان وجعها
نواف انتبه لها وهمس : آسف
فتحت عينها بشويش تناظر فيه بحيره ماتدري هي وش فيها وش الي صاير لها ناظرت عيونه وهي تبلع ريقها وهو ملتهي مو منتبه لها ولنظراتهآ وهذا الي كان ببالها
اما عنه هو منتبه لها ولربكتها ورجفة يدها الي مثبته على اطرف المغسله وبنفس شعورها مرتبك ! ، ايده الي تمسح على جروحها ترجف وتنتفض قلبه ييددددق بسسرعه ! صحآه من عالمه صوتها وهي تتألم : نـ..ـواف
انتبه لنفسه ضاغط على شفتها السفليه بقوه وهو سرحآن ومو منتبه نزل يده بسرعه وهو يناظرها ،،،، مو واعي على نفسه و مو مآسك نفسه يقرب منهآ وعيونه على شفايفها
خــاافت وحست بالكون ضاق فيها صوتها انكتم : وش فـ..يـك
مسكهآ من ذقنهآ ورفع وجهها له يناظر عيونها ينقل النظر بينهم ، مسكت يده الي على ذقنها تحاول تشيلها .. الا نزل عيونه على يدها الي ماسكته ويرفعها لشفايفها مآيبي يبعد
على طول نزلت دموعهآ بخوف منه مو قادره تسوي شي حست بضضععف غمضت عيونها بقوه وتنزل دموعهاا اكثر
__________________________
في المستـشفى
بعد مآرجعت نوف لغرفة الانتظار ومر عليهم الوقت
طفش فيصل : لمتى يعني !! ورانا سفر
نوف ببرود : انت الي تبي تجي
وقف وسحبهآ معها انفجعت : وووييين !!
مشى معها : بروح اشوف قصة دورك الي مهو رآضي يجي
ومشو لمآ وصلو غرفة الدكتوره دق الباب بخفيف الا فتحت له الممرضه : تفضل
فيصل : زوجتي عندها موعد مع الدكتوره ابعرف كم باقي عليه
الممرضه : وش اسمها
فيصل : نـوف محمـد الـ....
الممرضه : ثواني اشوف لك .. وسكرت الباب
نوف متكتفه وهي رافعه حاجب : ماشاءالله كرسي انا هنا !!
فيصل ستغرب : وش فيك ؟
نوف بنرفزه : بذا الغرفه دكتوره وممرضه ماهم دكتور ولاممرض فماله داعي انك تتكلم وانا الي اسكت !!
فيصل فرح بدآخله بس يتصنع البرود : تغآرين !
نوف وهي تخزه وتأشر لنفسهآ : انت زوججييي تفهم وش معنى زووجي اكييد اني بغار لاتستخف فيني !
فيصل رفع حاجبه بإعجاب ووده انهم لو في مكان ثآني غير المستشفى لعرف يتصرف معآها
فتحت الممرضه الباب : عفوا بس مواعيد اليوم مافي وحده بهالاسم
نوف وفيصل ناظرو بعض بصدمه ، نوف بنرفزه : كيف مالي موعد اليوم !! انا ماخذه موعد من قبل كم يوم ومكلمه الدكتوره
الممرضه هزت راسها بالنفي : تأكدو من يوم الموعد يمكن بكره او يمكن في الليل مو الحين
نوف بصراخ : الموعـد عدى على وقته فوق النص ساعه تستهبلين !!
فيصل مسكها يهديهآ: شش خلآص اهدي وش فيك
نوف بعصبيه : اسمعهآ وش تقول ماعندي موعد وش نسوي الحين
فيصل وهو يتنهد لف للمرضه : اقرب موعد متى
الممرضه بأسف : مو قبل يومين
فيصل لف لنوف : نلحق على الطيآره اظن احسن !
نوف تحطمت : والموعد طيب !
فيصل : خلصو مستشفيات السعوديه ؟؟ لآحقين .. يلا خلينا نستعجل
ومشـو طالعين ونوف تبتسم بنصر ان خطتها تمت بنجآح ،
_________________
عند نواف وشوق
على طول نزلت دموعهآ بخوف منه مو قادره تسوي شي حست بضضععف غمضت عيونها بقوه وتنزل دموعهاا اكثر الا بصوته الهامس عند اذنها: شوق اطلعي بسرعه !
فتحت بسرعه وشهقت بقوه نزلت تحت ذرآعه وهي تبكي راحت وطلعت بسـرعه وهي مو مستوعبه الي كان بيسويه فيها, وقفت شرت مويه وفتحتها شربتها بسرعه واندفاع تكتت منه عليها وماهتمت وكأنها بتهدي انفاسها بهالشرب
مسحت فمهآ بظهر يدها وحطت العلبه على الطآوله وبكتت بققووه مآقدرت تتحمل شي فوق طآقتها
.................
عند نواف
لمآ طلعت وقف شوي وراح عند المغسله ويشغل المويه ويغسل وجهه بقوه واندفاع يرش المويه بعصبيه ويرفع رآسه لفوق يسحب نففس بعمق ويزفرره بقوه ويرجع ينزل رآسه ويهمس بتأنيب ضمير : انا وش سويت
طفى المويه وسحب المناديل جفف وجهه ويدينه ، رماه بالزباله ومشى فتح الباب وطلع
ويمشي بنفس الاتجاه الي مشت فيه شـوق وينصصــدم فيهآ واقفه عند الطاوله منزله رآسها وتبكي بشكل وآضح تنهد واستعجل بخطوآته رآيح لهآ
_______________________
عنـد تركـي ونـور
نور : وش تحس به جايبني هنآ بالله لو احد شافك
تركي : انتي ليه خوآفه عآدي جالسين نسولف وين المشكله
نور رفعت حاجب : لحالنا !! وعآدي عندك
تركي كشر : بس نوصل السعوديه ماظن بشوف رقعة وجهك
نور بغرور : اي احسن وش له تشوفني مالك داعي
تركي بهدوء : مالي داعي وانتي تموتين على شوفتي
نور توسسعت عيونها بصدمه كأن احد صاب عليها مويه : ننععم
تركي ابتسم : بعد قولي اكذب !
نور رمشت بغرور : اي مآني ميته على شوفتك
تركي بهمس يتحرف : ك ذ ا ب ه
نور صدت بوجهها وهي تضحك عليه وتهز راسهآ
تركي مبتسم لهآ مفتون فيهآ وبضحكتهآ : جعلها دوم يآرب
عضت شفتهآ بنفاذ صبر وقآمت : انت ! ماينجلس معك خلك لحالك ... ومشت بسرعه عنه من غير ماتنتظر رده اما هو ضحك عليها وثم قام لحقه
______________________
عند نواف وشـوق
وصل لعندها بسرعه : شووووق خلااااص لااعاااد تتبكييين
شوق التفتت ضربته بقوه بكتفه تدفه : كييف ماابكي ... وبصراخخ لفت انتباه الناس .... حمممماااارررر ححيييووااااانننن وووقققححح
مسك يدينها بإنزعاج ورصهم ببعض وهي تحآول معصبه انها تفكهم وتصارخ : والله لوو مااففككيييتتت يدددييي والله لاناادي اخواااني يـــــتصرفــــــون معك
نواف يتنهـد بصبر ويسحب الكرسي يجلسها بقوه ويسحب كرسي ثآني ويقربه منها حيل مقابلها ويجلس عليه وبنبرة ترجي : شوق آسف اقسم بالله آسف انهبلت عارف بس تكفين اهدي شوي
شوق من بين اسنانهآ وتخزه بكره : نواف تقلع عن وجهي مآبغى اشوفك قدامي
نواف اومأ راسه بالايجاب : ان شاءالله بقوم ومراح تشوفين وجهي بس لاتبكين كذا قدام العالم لاتبكين خلاص انسيه
شوق كشرت وبعـدت كرسيهآ عنه وقآمت نزلت رآسها لعند اذنه : قذر
نزل راسه زام شفته بقههررر ولمآ راحت تأفف ويناظرها وهي تمشي ويعض شفته متندم تمنى لو ذبح نفسه قبل لايغلط هالغلطه
_____________________
بعد 8 سـاعآت
انفتح بآب الطيآره وابتدو الركآب ينزلون
دخلو المطـآر وكآن باستقبالهم سعـود وابوه وعمه
وبو مشآري
اول مانتبهو لهم ابتدو بالسـلآم والاحضان وتعبيرات الشوق والفقده
عن دآليا الي اول مآلمحت سعود وطآحت عينها بعينه ابتسسم لها على طول كآنت تمشي بنآحيته بس مطنشه نظرآته عقد حواجبه مستغرب وهو يشوفهآ تمشي بناحيته تتجآوزه وتوصل لابوهآ وتضمه بقوه وتبوس رآسه وصوت ضحكتها يتخلل اذنـه ... اختفت ابتسآمته لآشعوري لما طنشته ملامحه كلها تغيرت ومآحس الا باللي جات وضمته بقوه تراجع لوراه من قوة ضمتهآ ضحك بخفيف يجاملها : متى تعرسين وتثقلين
لينا بوزت : لهالدرجه مستعجل علي تبي تفتك
سعود بضحكه قرص خدها : اي خلاص لمتى ادلع فيك
وبعد السـلآم والكـلآم كلن رآح لبيته
كآن استقبال بسيط بحكم الوقت المتأخر وبيكون بعدهآ بيوم في عشآ في استراحه بمناسبة رجعتهم
____________________
بيـت بو فيصـل
بعد ماسلمو على امهم وكلن راح لغرفته يبون بس سريرهم ينآمون فيه
فتحت الباب واول مادخلت شمت ريحه رجآليه مو غريبه !! وشغلت الانوار وتفاجأت ببوكيه الورد الكبييير الي على سريرها قفلت الباب بسرعه وراحت ركض على السرير وسحبت البوكيه تدور كرت فيه وتلقآه بوسط الورود سحبته بسرعه وتننصدمم اكثر لمآ قرت
" نـورت السعـوديه برجعتك ، والحمدلله على سلامتك .. ولد عمك ، سعود "
رفعت عيونها مصدومه للوورد وتقربه منهآ وهي تشمه ،، يدق قلبها بسرعه فضيييععه نفس العططرر الي لما كانو بالشاليه نفسه العطر الي كانت بتنفضح بسببه وشوق انهبلت وتعرف من عطره !! نفسسه ،، شدت بمسكتها على الووررد وتششمم بأقوى وتتننههد بصوت مسموع : هه احبببهه والله اححببه لو سويت وش مآسويت .. وتنسدح على جنبها وسحبت الورد لهآ وهي مبتسمه وشوي تضحك وتفكر ومآهي الا دقايق والنـوم غلب عليهآ
______________________
اليـوم الثاني بيت بو سعود
لينا جالسه على الطآوله وفي يدهآ حبات عنب وتسولف مع لين وامهآ
الا بدخلة سعـود ونواف وسلطان مع بعض
ام سعود انتبهت لهم وتذمرت : وش فيكم ملتمين علي هنآ اطلعو برا خلوني اجهز الغدا يلا
سلطان : جينا وقلتي طلعو وقبل شوي عآدي
لينا وهي تاكل عنب غمزت لسعود : على البركه ياعرريسس
نواف شهق : منوو
سعود مشى وهو يحك راسه وجلس على الكرسي بجنب لين : مو كذا الوعد ياام سعود
ام سعود ضحكت : عاد ذولا بناتي ماخش عنهم شي ، وبعدين لآزم يساعدوني باللي انت تبيه
لين بهمس : حالف تموتها انت
سعود قرصهآ وضحك لما سمع لينا : والله حاله ! يخطب واحنا اخر من يعلم
رد عليها : هذا انتي دريتي
نواف مو مصدق : وشوو سعود خطبب ؟؟؟؟ متتى وكككييفف ؟؟ وممننن هيي ي؟؟
ام سعود بضحكه مشت له ودعست الخياره بفمه : شوي شوي شفيك بتاكلنا .،،، غمض عيونه بسرعه وغص فيهآ وهو يضحك
والكل ضحك عليه وعلى شكله
سعود : اكلها يمكن تهجد شوي ونعرف نرد عليك
نواف وهو ياكلها راح وسحب الكرسي بالمقلوب جلس عليه ومشبك يدينه ببعض : انت صدق مافيك خير مو معتبرني اخوك وش له ماتقووولل
سعود مضيق عيونه : انا ادري بك بخور السوق ! لو بقولك سيده عند تركي ومشاري واصلا للحين محد يدري
نواف يتنهد بصبر : زين من تعيسة الحظظ
لييينن وقفت بحماس ضربت الطاوله : ججبتهاااااااا ووالله انهااااا تعيسة حححظظ
سعود انفجع : ايا قليلة الخاتمه
نواف يضضحك بقوهعلى شكل سعود
لينا بضحكه : صدق ترى اجل احد يسوي سواتك احد يبي يملك بهالطريقه !
سعود كشر : عآجبك الحين يمه .. بدو يستهبلون
سلطان بملل : ولاعرفنا من هي !
سعود بنص عين : اقولك بعدين بس هالدلخ لآيدري
نواف بضحكه : اخخذ عاد .. بتخبي علي يعني هين اعلمك .. وقام راح لأمه مثبت حنكه على كتفها : يالغاليه
ام سعود بضحكه : قل
نواف : من خطب ولدك ؟
ام سعود : كتفي ياولد حفرته تراك
نواف انقهرر : ييييممممممهه
ام سعود تهز راسها بالنفي : والله مانيب قايله
نوااف لف بسرعه وضرب كفينه ببعض كأنه تذكر : ااايييييهه عرفتها هذي اخت صديقك الي قلت عنهآ صديقك احمد مدري محمد مدري وش اسمه
سعود بتمثيل : اوووهه والله ماتمنيت انك تعرفهآ
نواف على نيآته : نعلمك حنا بس .. وااااييهه متى الملكه
سعود كاتم ضحكته : بعد زواج مشآري بثلآث ايام
نواف رفع حاجب : اووهه والله مستعجل بو الشباب
سعود : شيبنا بعد لمتى خلاص
نواف تنهد وسحب العنب من يد لينا الي صرخت : ههههههيييييييي
كشر ورمى وحده بفمه : انطمي ... يلا انا بروح اشم هوا شوي سديتو نفسي يلا سلطان قم
وقآم معه وطلعو
ثوآني بس يناظرون بعض الاوينفجروون ضحك على نواف الي مصدق نفسسه
ام سعود تهز راسها بضحك : حرآم عليكم والله
سعود يتسند : خليه خليه هذا الي ابيه انا اصلآ
__________________
في العصـر
بيـت فيصـل
مآسكه الاستشوار تسوي شعرهآ وبعد مآخلصت طفته وجلست تحط لها ميك اب نآعم ولمآ خلصت راحت تلبس فستان عشآن بتروح عند اهل فيصل
الا بفيصل يفتح البآب ويرفع حاجب لما شافهآ تتكشخ : على وين
نوف بدون ماتناظره وهي تتعطر : بروح جنب البنات شوي وبروح الاستراحه معهم بعد ... وتسحب عبآتها وتمر من عنده بتطلع الا مسكهآ من يدهآ وبنبره هادئه : مشت علي ها ؟
نوف عقدت حواجبها مستغربه : وش ؟ مافهمت
فيصل : موعدك الي قمتي بكل براءه بتروحين دورة المياه وقمتي عبثتي بالموعد وجيتي وبعدهآ ماقدرنا ندخل للدكتوره
نوف هنا طاح قلبها ببطنهآ تلعثمت : و وش ذآ الخرابيط ؟
فيصل يهمس بإذنهآ : عمومآ انا رآيح اخذ لك موعد عند نفس العياده ونشوف وش فيك
نوف اناظرته بخوف مقشعر جسمها وبسرعه سحبت يدهآ منه : سو الي يريحك ... ولبست عبآتهآ نزلت الدرج تركض وفتحت الباب وطلعت وزفرت بقوه وقلبها يدددق بخوووف ومشت وهي تسرع بخطوآتها ودخلـت الا تنصصدددم بجملة تـركي : اووووهه سعود بيملك بعد زواج مشاري ب 3 ايام
ندى نطت : اااححححلللففففففف
تركي بضحكه : والله
داليا الي كانت تطقطق بجوآلها ومسويه نفسها ماتسمعهم
الا انتبهت للباب ينفتح رفعت رآسها ولقت نوف هي الي دخلت
حطت المخده على الكنب وقآمت بسرعه : عن اذنكـم .. وبسرعه مشت من غير ماتناظر نوف وصعدت الدرج واول مادخلت غرفتهآ رمت بوكيه الورد بنرفزه طاح على الارض ورآحت فتحت دولابها تطلع شي تلبسه لليوم
الا بدخلة نوف الي انتبهت للورد المرمي على الارض راحت مستغربه وشالته وانتبهت للكرت وقرت وش مكتوب فيه تنهدت بضيق ورجعته على الطاوله وراحت وقفت متسنده على الدولآب : آدري الي سويته لك كثير وانك متضايقه مني انـ... قآطعتها داليا لما طلعت كم فستان : كل واحد حر بتصرفآته وش لي دخل فيكم انا
نوف تأففت : اافف دالياااا انتي اكثر وحده تدرين وش بي وش موترني ضغططتي علي كثير وانفجرت فييك وش اسوي بنفسي اذا هذا طبعي
داليا بنرفزه : اي وانا شقلت لك ؟؟ بالعكس سكت وحتى مارديت عليك لانك حره ! تصرفي مثل ماتبيييين وشش دخخلننييي
نوف تقلب عيونها : يعني وش !! نظل كذا كل ماشفتيني شلتي شلايلك وقمتي عن المكان الي اجيه ؟
داليا : وانا بعد اسوي الي ابيه
نوف صرخت : دااالييييياااااا
داليا ببرود لفت لها : نعم !!
نوف تسحب نفس : آسفه خلاص عاد مراح تتكرر ابتسمي عآد تكفين
داليا ابتسمت بخفيف تجآملها ورآحت لبست تنورتهآ وبلوزتهآ ( تنوره بمربعات متداخله ببعض اسود وابيض وبلوزه اكمام عنآبيه )
طلعت وراحت وقفت عند مرآيتها وهي تكثف المسكرا برموشهآ وتحط الروج العنآبي وتمسك جهآز الويفي وتضبط شعرهآ واخر شي مسكت المناكير العنابي وجلست على الكرسي تحط لها
راحت نوف وجلست جنبها : خلآص صرتي مزه
داليا ابتسمت : ادري
نوف سحبت نفس : وش قصة الورد ذا
داليا ببرود رفعت راسها للورد ورجعت تناظر مناكيرها : ولد عمي جايبه بمناسبة رجعتنا
نوف رفعت حاجب مستنكره : هو فيه انفصام ؟
داليا رفعت اكتافها : مدري يمكن ... ولفت لنوف .. لا مو يمكن الا اكيد هو به انفصام
نوف جلست تناظر الورد بحيره وتناظر داليا الي ساكته وتحط مناكير وكمية البرود الي جآلسه تتصنعهآ بشكل كبيــــــر
_____________________
في الليـل ، وفي الاسترآحه الي كآنت كبييره ومقسمه بترتيب والغرف كل وحده اكبر من الثانيه وفيهآ بركتين دآخليه وخآرجيه
وبعـد مآتعشـو بفتره
عن نوآف الي جآلس بالخيمه الي كانت جنب البركه الخارجيه وماكان احد معه كلهم بالمجلس الكبير يشربون الشآهي وياكلون الحلآ
كان جالس ومدد يده ومآسك سوآرة شوق ويتذكر كيف لما اول مادخلت سيارة تركي الاستراحه وههم كانو وآصلين قبل
.
.
نرجع بالزمن سآعآت
نواف وسعود وسلطان جآلسين برآ
الا بسيآرة تركي تدخل بوابة الاستراحه والانوار بوجههم
نواف غطى عيونه : ننززل انواارك وجعع
تركي الي كان فاتح النآفذه ضحك ونزل الانوار وطفى السياره مره وحده وانفتحت ابواب السياره ونزلو شوق وداليا ونـدى
اول مارفعت رآسها طاحت عينهآ على نواف الي اختفت ابتسامته اول مآشافها رجع قلبهآ يدق بقوه وكأن الموقف يتكرر قدآمها خآفت وبتموت من خوفهآ وودها لو يرجعها تركي الحين
صرخت ندى : شووووقق يلاااا عاد
فزت بسرعه ونزلت راسها تبعد نظرها عنه ومرت من جنبهم من غير ماتتناظرهم
عنه لمآ شآفها
مختلفه نظرته ! حتى نظرتها غير ! ماسبته ماصارخت عليه ماداقرته او حتى دفته نظرتها تحمل الخووف ماهي شوق الي تعود عليهآ ، غيرهآ بفعلته ، اول مانزلت دق قلبه بقوه بهاليـوم بس اشتاق لها واشتاق لصراخهآ تعود وصار لها 3 اسابيع يوميا يشوفها ،، لمآ مرت جنبه وهي منزله راسها سحب نفسس عميق وضرب فخذه بيأسس على حاله
.
.
رص على سوارتها بيده كيف يصلح غلطته كيف يرجع معها مثل ماكان ، مستحيل مايقدر يتصرف معها بهالطريقه ماعتاد
فجأه وبوسط سرحآنه وتفكيره يسمع صوت من عند النافذه التفت بسرعه لمصدر الصوت وهو يركز بالكلام الي ينقآل
______________________
عنـد البنات
يتكلمون عن ملكة سعـود الي طلعت فجأه
لينا : انهبل اخوي حمدالله والشكر مآفيه صبر
داليا حاطه يدها على خدها بملل وتناظر نوف الي رافعه حاجب ومو عآجبها الكلام
ريم : طيب وشش ذذااا ليه ماقال وحنا هناك شرينا فساتين مره وحده
لين : يوووه ريم والله انك تحبين الشقا خلاص البسي من الي عندك يعني لازم تشترين
ريم بوزت : ايه لازم
لينا بحماس : لو اقولكم اليوم ع الغدآ كيف متتحمس ياعمررري ماهو سعود ذاك الاولاني وربي طايرررر من الفرحه يعد الايام وربي يعدهااا
نوف تنهدت بملل : اايييهه يتهنى
داليا ماقدرت تتحمل وقآمت
نور : ويين
داليا بملل : بطلع شوي اتمشى طقت كبدي .... ولبست جزمتها وطلعت
لين غمزت للينا وفتحت جوالها وبسرعه تكتب لها: ترآهآ طلعت
______________________
عنـد ندى وشوق
شوق تشهق ببكي : حلمت فيها امس ندووي حلمت فيها اقولك تذكرت كلل شي صار ذاك اليوم وكأنها تقول لي كيف ضيعتي اخر شي يذكرك فيني .." وبشهقه " بموووت بمووت من القهررر
ندى ضمتها وقلبها متقطع عليهآ : خلآص ياامي خلآص هدي الموضوع مو بإيدك ربي كاتب هالسواره تضيع وش تسوين طيب
شوق تشد عليهآ وتبكي بنحيب : اخرر شي بقى لي من ريحتهاا اخرر شي وراااحح
ندى قومتها : طيب تعالي تعالي قومي معي ندخل هنا لاحد يجي ويشوفك بذا الحاله ويخاف وانا بروح اجيب لك مويه
........................
نواف الي كان واقف عند النافذه سمعهم بيجوون ويخااف ويتلافت بسرعه وين يروح !! وراح يركض يوقف متسند ورا البآب
وتدخل شوق وندى وتجلس شوق على الارض وتجي ندى بالمناديل وتجلس قبالها تمسح دموعهآ : خلاص ياامي اذكريها وترحمي عليهآ وبعدين هي بعقلك وقلبك تذكرينها مو شرط تذكرينها بهالاسوار مو الا يكون هالاسوار اهو الي بيثبت معزتك ومحبتك لهآ طيب .. وتفز لهآ باستها بجبينها : انتظري بروح اجيب مويه
شوق ببحه : طيب
قآمت ندى وطلعت من الخيمه ونواف واقف ورا الباب حابس نفسه لاينفضح الا بهاللحظه ررن جوآله توسسعععتتتت عيونه بصدمه ضرب جبينه بقوه وهو عااض شفففتتته بيأس انه انفضضحح !!
____________________
عنـد دآليا دخلت الغرفه اخذت علاجاتهآ ورفعت شعرها بملل ورآحت بتطلع الا انتبهت لعبآتها ولبستها خوفآ احد يطلع بوجهها فجأه ، ولفت الغطا على شعرها وطلعت وراحت طلعت تتمشى وصلت لجهة الزرع فصخت جزمتها وجلست وهي تتنـهد
ثوآني مرت وماحست الا باللي يجلس جنبها شهقت مرتاعه : بسسم الله
سعود ابتسم : بسم الله عليك
داليا التفتت بخوف وتنرفزت : ووش تبيي !! وش له لاحقني لهنا ! بالله لو احد شافك جنبي وش بيقول !
سعود رفع حاجبه : وش فيك بالله اهدي وش انا مسوي عاد
رمشت مصدومه : وشش مسوي !! وين مفكر نفسك انت كل ماحبيت جيت جلست جنبي قوم لاحد يجي يشـوفك ولا ليه اتعب نفسي اقوم انا احسن ... وفزت بتقوم الا مسكها من معصمها بقوه اوجعتها كشرت بألم : آآهه ووجعع
سعود بقوه سحبها جبرها تجلس وبهدوء : اجلسي بقولك شي وبقوم ماني مطول
داليا بتذمر : قول
سعود : يمكن هذي اخر مره احتك فيك وحتى يمكن اخر مره تسمعيني اكلمك شخصيا او حتى اسلم عليك
ناظرته باستغراب من كلامه وتنتظر يكمل
سعود : عشآن بملك
داليا باستنكار : طيب واذا ؟ .. وارتفع صوتهآ شوي .. : وبعدين شمعنى انا جالس تقول لي ذا الكلام
سعود بهدوء وجمود : دآنه عرفت ببنت عمي داليا الي تحبني وتعرف بكل شي صار بيننا اخر فتره
توسسسعت عيونها بصصددمممههه حتى ماقدرت تنططق
سعود يكمل متجاهل صدمتهآ : الاهم انهآ طلبت مني ان بيوم ملكتنا مآتحضرين ،
_______________________
عنـد نوآف وشـوق
اقشعر جسمها بخوف ان احد هنآ قآمت بسرعه تدور وتوصل للباب وتمسكه بتسكره وتفاجأت بوجوود نواف
وقفت مكانها ماعرفت تتحـرك
اما نواف تكلم مرتبك وهو يخفي السواره وراه : ك كنت موجود قبل لاتجين
شوق مانطقت بحرف و بخوف تركت مقبض الباب وطلعت بسرعه الا لحقهآ ومسكها لفها له بإجبار : شوق
ارتجفت يدها وبدون ماتناظره : اتـ..ـركنـ..ـي
نواف وبينجن جنونه : ماقدر ! ماقدر اتحمل نظرة الخوف هذي بعيونك مآبيك تخافين مني الا مني لآتخافين مستحيل اسوي شي يضرك
شوق بلعت ريقها : كنـ..ت بتضـرني .. وتحآول تسحب يدهآ ... اتركني خلني اروح
نواف : والله آسف خلاص جعل الله يكسر كل مافيني لو فكرت اعيدها .. ماعيدها بس شوق عليك الله لاتعامليني بهالطريقه اموت والله اموت
شوق وعيونها على يده الي مآسكها : اتركني
نواف بترجي : شوق تكفين ! طالبك انا لاترديني
رفعـت صوتها : اتترررككننيي
نواف وبقل حيله ترك يدهآ ومشت بسرعه وهي خآيفه وتتسند على الجدار وتحط يدها على صدرهآ بخوف قلبها يدق بسرعه صارت شوفته بس ترعبهآ !
ندى انتبهت لها وجات تركض : ووش فييك ليه قمتي
شوق مسكت يدها بسرعه وهي ترجف ومشت معها لدآخل : نواف كان هناك
ندى انصدمت : شافك ؟
شوق انزعجت : خلاص اسسكتي
ندى استغربت منها : طيب !
ورجعو لدآخل مع البنات
_______________________
عنـد سعـود وداليا
رمشت بعيونها بحركه سريعه والدموع علقت بأطرف عينها ابتسمت باستخفاف : تمزح
سعود : ماكان ودي انها تطلب كذا بس مآبيدي اسوي شي وهذا طلبها الوحيد
داليا نزلت رآسها تتنفس بسرعه من القهر وضلوعهآ ترجف من القهر و بهمس : تخآف عليك مني !!
سعود بهدوء : لو بيدي منعتهآ من هالشي بـ..
قآطعته بهمس : يسـلم رآسك يآولد عمي ... وقآمت وهي مومستوعبه الكلام الي سمعته مشت خطوتين ولفت له : والف مبروك مقدمآ
سعود قآم ولحقها مسك يدها بسرعه الا انفضتها بقوه معصبه : خخخلللك بعيييدد
سعود سحب نفس : طيب اسمعي
رفعت يدهآ بوجهه : مافي شي باقي اسمعه منك لهنآ وبس .... ومشت عنه وهي تنآظر علبة المويه الي بيدهآ فتحتهآ ولفت له لقته معطيها ظهره ويمشي : سعود
لف لها بسرعه : سمـ... الا ررششتت علللييه المويه رفع يدينه وهو يتراجع لوراه فاتح فمه انصصددمم
رمت علبة المويه عند رجوله ولفت بسرعه مشت عنه ظل يناظرها الين ماختفت عن نظره ، وبأطرف كمه مسح المويه من وجهه وهو رافع حاجبه : هين بس !!
.....................
طـلع تركي من المجلس بسسرعه مرتاع راح لها وهو خايف : ووشش فيييك
ببكي وهي تشهق : رجعـ...ـني البيـ..ـت الحييين
تركي اننصدم : اي ليه ؟ وش فيك تبكين طيب
داليا بصرراخ وسط بكيها : بتررجعني ولاارجع لحالي
تركي ققمط : لاخلاص اركبي اركبي .. وفتح السياره وركبت ورآح هو بيركب الا انتبه بسعود جآي من بعيد
اشر له سلآم وركب
استعجل بخطوآته وراح دق نافذة تركي الي فتحها : هاه
سعود مستغرب : وين بتروح
تركي : راجع بس بوصلها البيت وبرجـع
سعود بتمثيل : منهي ؟
تركي توه بيتكلم الا لفت وصرخت معصبه : اناااا ارتتتحححتتت اننااا الييي بمششي تترررككيي بسرعه امشش لا وربي انزل
تركي انلمخ هناا وبسرعه حرك طآلع من الاستراحه وظل سعود وآقف شوي ووبعدين رجع دخل المجلس
وعـلى الساعه 5 الفجر
الكل قام يلم اغراضه ورجعو الكل لبيوتـهم
______________________
بيـوم جـديد
على الساعه 4 العصـر وفي بيت بو فيـصل
كان توه وآصل واتصل على نوف تجهز عشان يروح معهآ المستشفى ودخل بيتهم يسولف مع امه وابوه
.....................
عنـد دآليا
تدور علآجها بجنون : مستحيل ماخلصص انا كنت ماخذه معي احتياط بتركيا وماستخدمته اصصلا كيف الحين وي راح
وتجلس بتعب وهي تحس بدوخه : يآربي ووش ذاا
ندى وشوق خآيفين وقآلبين الغرفه يدورون ، ندى انتبهت لداليا وراحت لها بخوف : بسسم الله عليك داليا وش فيك !
داليا بهدوء : ضاق نفسي من رجعت وانا فاقده بعضهم ماشوفهم !
ندى تساعدها : طيب قومي انسدحي عن لآتتعبين
قآمت انسدحت وشالت المخده من عند راسها وحطتها تحت رجولها تبعد عنها الدوخه غمضت عيونهآ بتعب
شوق : تذكري ماعطيتيهم احد !
داليا بتعب : لا ...فججأه خطرت ببالها نوف وتهديداتهآ وانها بتسوي المستحيل وتنزل هالجنين ، فتحت عيونها بسسرعه بخوف من فكرة انها تكون اخذتهم .. وتقوم بسسرعه تطلع من الغرفه بوسط صدمة شوق وندى الي لحقوها يبون يعرفون وين تروح
ندى تركض وراها ع الدرج : ياغبيه توك دآيخه بشوييششش لاتطيحين
داليا بعجله : لاحد يلحققنننيييي
ومرت من عند امها وابوها واخوانها وتفتح الباب بسرعه وتطلع ووراها شوق وندى
ام فيصل خآفت : بسم الله وش صاير
تركي بخوف لف لفيصل : وش فيها مرتك ؟
حط ستكانة الشاي بسرعه وققاام خاف لايكون صار فيهاا شي ويلحقونه تركي وامه وابوه
_______________________
في بيـت هيـآ
تفتح درجهآ وتطلع 3 الاف ريال الي عطآها جراح وتحطهم بشنطتها وتنزل لامها وهي تصارخ : يممممههه
امها بملل : هذاني هنا وشهو له الصراخ
هيآ بضحكه : مدري بعد مدري وين رايحه ... المهم اسمعي ابغى اروح السوق
امها ستغربت : وش عندك ؟
هيا ابتسمت : يمه بعد 4 ايام زواج ولد خاله تركي وعزمني ولزم علي اروح عشان اتعرف على خوآته
امها تنهدت : ومن وين لي الفلوس اعطيك
هيا قآمت بحماس : اذا عشان الفلوس تطمني عندي الي يكفيني
امها مستغربه : ومن وين لك ؟
هيا : مدبرتهم ماعليك .. بس قولي لي اروح ولا
امها : روحي بس لاتبطين ارجعي بدري
هيا بحماس : ان شاءالله
وتقوم بسرعه تدخل غرفتها وتلبس عباتهآ عشان تروح السوق
_________________________
في بيـت فيصـل
فتحت البااب بقوووه على نوف الي كانت تلبس عباتها : بسسم الله الرحمن الرحيم
داليا بخوف : نوف ... " وبلعت ريقها " وش اخبار حملك؟
ندى وشوق شهقو مصدومين وهم يناظرون بعض
نوف انقهرت انهم درو : للحين زين
داليا : يعني الجنين ماصار فيه شي
نوف تأففت : اااففف لا لا وش فيك
داليا سكرت الباب بوجه ندى وشوق وتلف لنوف : اخذتي ادويتي ؟؟؟ عشان ينزل جنينك ؟؟
نوف اانصصدمت : ننعععمم
داليا وعلى صوتهآ : قووليي اايي ولاا لااا اخذتي اددويتتيي ولااا
نوف راحت فتحت دولآبها ومن بين ملابسها تطلع الادويه وترميهم في الارض : شكله مراح ينزل
داليا شهقت مطيره عيوونهاا وترروح بسرعه للادويه وتشوفها ماكله نصهاا ضربت خدها بقووه : نننوف حرام ححرررااام عليك
نوف بملل : وش الي حرام بالله
داليا حاطه يدها على جبينها مو مصصدققه : ننووووففف لو الي ببطنك مانزل بييجججيي على الددنييااا مششوووهه
ووبصراخ : اانناااا مرااح اتتزوووج ععششااانن مااححممللل واخذ ذي الادوويييهه واجييييببب طففلل ممششوووهه
.................................
برا الغرفه اللكل انصددم من الكلام الي سسمعوه
ام فيصل مصدومه همست : نوف حامل ؟؟
فيصل يناظر الباب مو مصدق : مدري يمه !
شوق بلعت ريقها بخوف : المجنونه ماخذه ادوية داليا تبي تنزل الجنين
تقدم وهو مو مصدق بعد ندى وشوق عن الباب وفتتححهه وهو متتننحح
لفت له داليا ونوف الي قامو بسرعه
فيصل يناظرهم وبهدوء عكس براكينه : وش الي سمعته