.
.
.
الجـــــــــــزء الثــــالــــث والثـــــلاثــــون
.
.
.
يـوم ثـآني بيت بو فيـصل
جالسين في الصآله مع بعض بعد الغدا
ام فيصل : عاد وش ذا العجله مايمدينا نجهز نفسنا
تركي : يمـه ! ترى قلت بعد 4 شهور ماقلت بكره ولاسبوع الجاي
داليا لفت لامها : اي يمه معه حق يمدي
ام فيصل : والله مدري كيفك بس اذا ماامدانا لاتقول ليه وليه هذا انت تسمع
تركي حط يده على فمه : ههمم ماني بمتكلم ولا انطق بحرف
ام فيصل : اي زين ......" وسكتت فتره ثم لفت على نوف " اقول نوف يمه
نوف لفت لها : هلا خالتي
ام فيصل تغمز : اقول مابه شي بالطريق
نوف انخطف لون وجهها وعلى طول لفت لفيصل وتلعثمت بكلامها : ..... الله كريم
فيصل : قريب يمه قريب وتسمعين هالبشآره ،
ام فيصل وهي تصب لها شاهي : اي عاد تراني ابي حفيد بسرعه تراكم بتطقون السنه من اعرستو
نوف تضايقت من كلآم خالتها حيل ولاردت بكلمه
.
.
بعد سآعتين لما رجعو بيتهم ..
نوف مطنقره وواصله حدهآ وتحوس في غرفتهم ترتب بنرفزه وياصافعه ذا وهابده بذا وتتحلطم : حمل وحمل كأن الواحد شاكي الحال ! ي خي حنا مرتاحين كذا والي يسمع الحين كملنا عشر سنين من اعرسنا وحنا ماكملنا السنه من يشوفون الواحد يضحك غصب يكدرون خآطره يعني وش فيها اذا ماحملت للحين ابفهم بس وشفيهاااااا توني ماكملت شهرين من اجهضت وش ذا العجله غصب حركات بيت اهل الرجل يعني غصب ! .... وبيدهآ ملمع الزجاج صفعته ع الارض وهي تنافخخ وجلست على الكرسي وهي تمسح وجهها
.....
عن فيصل الي حس انها متضايقه وراح يتكلم معها شوي الا ويتسسمر مكانه وهو يسمع حلطمتها وقف وهو كاتم ضحكته اول مره يسمعها تتحلطم بهالطريقه ، كان الباب مفتوح طل برآسه ولقاها جالسه ورافعه شعرها بعضاضه بإهمال ونازله خصله على جنب ومارفعتها ، توه بيدخل الا يسمعها تزفرر بقوه وتقوم تاخذ الملمع مره ثانيه وتبخ على المرايه ورجعت تشتغل جلس يراقبها شوي راحت نفضت السرير وترتب بحماس وكأنها تطلع حرتها ظل واقف عند الباب ولاول مره تشتغل بهالحماس ويكون موجود
......
خلصت شغل الغرفه وراحت اخذت فوطتها بتتروش وراحت اخذت الولاعه شغلت الفواحه وبدت تطلع الريحه في الغرفه وهي باقي وتتحلطم : يالله عسا يروق هالمزاج بهالجو الرايق ، فججأه حست بقشعريييره برقبتهآ لما حست بفيصل يلامسها ويفك شعرهآ ويحرك شعرها كأنه ينفضه
وبصوت اقرب للهمس : وتبين الجو الرايق لحالك ولا معك احد
نوف تكذب : لحالي لو سمحت مابي احد معي
فيصل ضحك : ههههههههههههههههه مو بكيفك
نوف شالت يده من على كتفها : كيفي ، ولفت قابلته وهي تسحب نفس ، وبعد بروح اتروش
فيصل رفع حاجب بتحدي : متأكده
نوف تعدل الفوطه على كتفها : ايه ! وش بتسوي بالله وخر بس وخـ... مآحست الا جرها بقوه لعنـده ويمشي ويسحبها وراه وهي تثقل بنفسها : فيصصل وجني ان شاءالله اتركني عاااد
بعناد مشى من غير مايسمع لها ودخلها الحمام غصب وسحب الفوطه منها علقها وهي مطيره عيونها : وش تبي ؟؟
فيصل بنذاله قفل الباب سحب الشاور وشغله ع البارد ويمده لوجهها صصرخخت بروووععه حطت يدينها على وجهها تحتمي : ططفففففهه
فيصل يلعب بالمويه عليها من فوق لتحت وملابسها سبحت : تبين تروقين لحالك اججل ها ؟
نوف وهي ماده يد وباليد الثانيه تبعد المويه عن وجهها
وانتبهت للبآنيو كان يشتغل نص منه شاور والنص الثاني عادي وبدأ يتعبا ، وفيصل جالس على اطرف البانيو ، صرخت بقوه : بتتططفففيييهه ولاشلون خلاااص عاادد والله دمرتني
فيصل بنذاله يركز المويه على فمها وهي شررقت وتصد وهي تككحح وتصد المويه بيدهآ ووو
وبحركه سريعه راحت له بسرعه ودفته بصدره ولآشعوري سحبها معه وتتتتررررررررررشششش طآحو ثنينهم فيه ، قآمت نوف وهي تحس بثقل المويه بملآبسها ومكشره : زين كذا زين الحين ؟
طلع فيصل وبدل مايعصب الا كان ميت من الضضحك : ههههههههههههههههههههههههه هههههههههه تستاهلييييننن زين اسوي فيك
________________________
بيـت بو مشآري ،
عند نور وريم الي جالسين بالصاله ونور ماسكه الجوال وتتبوسم
ريم طفشت منها : نوووررر خلك معي عاد
رفعت راسها نور وهي مبتسمه : هاه وش تبين ؟
ريم وهي تقلب عيونها : تركي تركي تركي بالليل تركي الصبح تركي الظهر تركي ماتطفششون ؟
نور كشرت : اعوذ بالله ترى من زمان ماكلمته
ريم نطت عندها : طيب وش رايك نكلم لينا تنزل ونسوي لنا شي نروق نفسنا فيه مثلا نطلع نتمشى ونفرفر
نور رجعت نزلت راسها للجوال : طيب كلميها وشوفي ،
.
.
_____________________
عنـد لينآ ومشآري ،
لينآ متسنده على الجدار ورافعه رجل متكيه فيها على الجدار وبتذمر : حلوه هذي انا ادرس عمري كله عشان الطب وتجي تقول لي لا ؟ ولا بعد قبلوني وماباقي الا اختبر تحديد مستوى والدراسه باقي عليها سبوعين وبالبارد تقول مافيه طب !
مشآري يسحب نفس : يابنت الحلال شوفي لك اي شي تدرسينه غير الطب
لينا : وانا مابي غير الطب شلون يعني ؟
مشآري قآم لعندها : انتي متزوجه وبتجيك فتره حامل وبعدها عيال وشلون تبين تدرسين بذا الظروف ؟
لينا كشرت : ياسلاامم يعني مافي احد يدرس الطب وهو متزوج ؟ تراي متزوجه مو ذابحيني اقدر ادرس طب
مشآري بهدوء : مافي طب لا يعني لا
لينآ وتحس قلبها يففوووور من القهر تركته ومشت للغرفه وصفقت الباب بقوه ، وقف مشآري وهو عاض شفته ويزفرر بضيق واخذ جواله ومفاتيحه وطلع من الشقه ونزل الدرج الا بوجهه ريم : جيت وجابك الله
مشآري ماله خلق : وش عندك ؟
ريم : لا بس كنت ادق على لينا ماترد قلت يمكن نايمه
مشآري : لا بس تعبانه شوي وتوها بتنام ، ومشى من عندها وطلع من البيت وريم تناظره ومكشره وراحت وبسسرعه تنط عند نور الي كانت لاهيه بالجوال : شششففتتتتييي ؟
نور ارتاعت وضربتها براسها : وش شفت وش شفت يابقره روعتيني ماتخلين الواحد بحاله
ريم بعدت عنها واخذت جوالها وهي مطنقره : انا وش قطني بينكم ، ودخلت المطبخ اخذت لها فروتز وشيبس وطلعت لبرا بعد مارمت نظره لنور الي فططسست ضحك عليها وقامت لحقتهآ وهي ميته ضحك وراحت واخذت حبة بطاطس : وشش فيها عصبت
ريم تشد بالشيبس بيدها : انقلعي داخل لعند رجلك اشبعي منه لايطير روحي روحي خليني اروق انقلعي لداخل
نور تسبل بعيونها : افااااااا
ريم حقرتها وفتحت الجوال ولا كأن احد جنبها
نور كشرت وضربتها براسها : مالت عليك وعلي انا الي الحقك ، ورجعت داخل واخذت جوالها وراحت لغرفتها
_____________________
عنـد نواف ومشاري
مشآري مو مقتنع : مسألة اخليها تدرس الطب لا مستحيل صعبه
نواف : وين الصعب بالموضوع خلها تدرس الي تبيه وش فيك انت
مشاري : اي شي ثاني غير الزفت الطب مو داخل راسي زوجتي تكون دكتوره وبالمستشفى وشفتات اخر الليل وهالحركات ذي انا ماحبيتها ابد
نواف : ايي ليششش
مشاري تعدل بجلسته : اسمعني الطب بيشغلها عني وعن بيتها وبكرا لاجابت عيال بعد بيشغلها عنهم بتصير حياتها دراسه بدراسه وبعدها شغل جامد مراح توفق بين الامرين يا تعطي الطب حقه وتهملنا او تعطينا حقنا وتهمل الطب وش له العباله ذي كلها ياكثر التخصصات الثانيه وهي نسبتها عاليه حمدلله تسجل بأي شي وبيقبلونها ،
سكت نواف احتراما لرغبة مشآري وان كان تمنى ان لينا تدرس بمثل ماتبي بس يبقى مشاري زوجها يسوي الي يبيه
.
.
السآعه 1 الليل
رجع مشآري البيت وكان هدوووء والكل نايم راح لجناحه وفتحه وشافه على حطته من طلع مشى لغرفتهم وفتح البآب بشويش ودخل بهدوء وبقشعريره من برودة الجوو وظلامه ، شآفها نايمه وماحست بوجوده وبهدوء حط اغراضه على الطاوله وراح غير ملآبسه ورجع انسدح على السرير وسحبها لحضنه وماحست ابد تنهد بتعب وغلب عليه النوم
_____________________
بعـد مرور ايـآم اسابيع وشهـور ،
بعد 3 شهور ونص وبقى على زواج تركي ونور سبوع بالضبط
ابتـدت الدوامات وكل من رجع لحيآته ودواماته الي بالجامعه والي بالمدرسه
عن سعـود ،
تشافى وطلع من المستشفى ورفض نهائيا انه يرجع للسعوديه من غير الشهاده الي وعد ابوه يجيبها له ورجع لشغله بحماس مثل اول ماجا
علاقته مع داليا مثل العسسل مكالمات ليل نهار وابد مايملون من بعض
........
مشآري ولينا ،
وقفت قيد السمستر الحالي بكلية الطب ومادرست وبراسها تدرس السمستر الجاي يعني تدرس
ومشآري مطنش رغبتها هذي ومراح يخليها لو تسوي وش تسوي
توترت العلاقه بينهم من جهه دراستها ومن جهه امه الي كانت مكرهه عيشتها وبدور لينا انها تسكت ماتتكلم ومن يكلمها مشآري بشي بسيط انفجرت بوجهه صراخ وتبكي وهو متضايق من اسلوبها ذا حيل
..........
تـركي ونور
الي بقى على زواجهم سبوع علاقتهم من احلى مايكون بس الي مجنن تركي انها من 3 اسابيع مقاطعته ولاتشوفه ومن هالاسبوع ماتكلمه وهو بيجن جنونه هبلت فيه ويتوعد فيها وعييد بس خل يشوفها
..........
نوآف وشوق
نواف الي من كذا شهر تعين رسميا ممرض في احد المستشفيات ،
علاقته مع شوق نفس ماهي يعشقها بس لازم يهبل فيها ويجننها اول مآيشوفها
بس من بدت الدوامات وفي شي معكر مزاج شووق في المدرسه وماسكه اعصاببهاا لاتفجر المدرسه باللي فيها
ومحد يدري بهالشي غير توأمها ندى ،
............
فيـصل ونوف
الي كآنو عايشين حياتهم بهدوء واستقرار ولو ام فيصل ماتتدخل بينهم وتزعجهم بموضوع الحمل الي من جد بدا يضايق نوف وتحط حرتها بفيصل الي ماكان متضايق ابد ولااهتم لكلام امه .... عآشو الثلاث شهور الي مضت وسط ضغط ام فيصل الي كل ماشافت نوف سألتها ومن شافت فيصل قالت استعجل ياولدي
.
.
هيـآ اخيرا ،
بنعرف وش صار بينها هي وتركي مع الاحداث ،
_______________________
يـوم الثلاثاء ،،
تحديدا مدرسة شوق وندى وريم
كانت عليهم حصه فاضيه والاستاذه غآيبه طلعت ندى مع البنات يتمشون شوي برا بينما شوق كانت تكتب الي مالحقت عليه
فجـأه دخلت الانسانه الي موتره لها حياتها وررككض لعند صديقاتها : سسسممعععووو
تركت القلم وهي تسحب نفس وتركز في الي تقوله هالبنت
الي اسمها " شـذى "
شذى وهي متحمسه ولامه يدينها لصدرها : يمه يمه رحت امس مع امي وشفته اااهه يابنات والله انه يطيحني من طوله من يبدا يتكلم واحس اني بعالم ثاني
بهاللحظه شوق رصت على القلم بيدهآ وصارت تبلع ريقها بغيض
وحده من البنات : والله شكلك كل يوم بتعسكرين ب ذا المستشفى
شذى ضحكت : هههههههههههههه اي اي كل يوم بقول اني مريضه وبروح عشان اشوفه اوويلي بسس
صديقتها : وش اسمه نايف ؟
شذى بهيام : نواف نواف ياجعلني له بسس
رجعت شوق الكرسي لورا بصوت مزعج الفت انتباه الكل وطلعت لبرا وهي تفور من القهر وراحت لمكان ندى ،شافتها جالسه مع كم بنت راحت وسحبتها من يدهآ وندى انفجعت : بسسم الله شفيك
شوق وهي متوتره وترجع شعرها لورا وعيونها يتطاير منها الشرار : بذذبحها والله بذبححها
ندى عرفت السالفه : شذى ؟
شوق صرخت : وفيي غييرررررههاااااااا
ندى انفجعت وسكرت فم شوق بيدها : شششش
طلعت الابله من الفصل القريب منهم : وش ذاا الازعاااج ؟ على فصلك يلاااا
ندى خافت : ان شاءالله ، ومسكت يد شوق وبعدو عن ذا الفصل سحبت يدها شوق : لاتقولين اسسكتي ولاكانك تسمعين بتذبحني هذي بتذبحني كل يوم معسكره عنده وتجي تتغزل به هنا
ندى : ططيييبب واذا !! ماعليك منها سوي نفسك ماتسمعين يالبقره نواف يحبك انتي تغارين من وحده مادرى عن هوى دارها ؟
شوق وهي تشد ياقة مريولها بقوه كانها بتشقه : اقوولك تتغزل فيه ذا الهبله تتغزل فيه كانه رجلها وتقول ماكانك تسمعيين
ندى : اافففف ياذي البلشه وش بتسوين يعني بتروحين تتهاوشين معها خبله انتي ؟
شوق صدت وهي تهز رجلها بتوتر مو عارفه وش تسوي
قربت منها ندى اكثر وضربتها بخدها بخفه : اروح ملح للغيرانه والله اخ بس لو يدري نواف والله انه يتشقق من فرحته
شوق ابتسمت من جا طاري نواف ولفت لندى : انا بموت غيره وهالصخله تتغزل فيه داخل
ندى تهبل فيها : من قلت اسمه ابتسمتي !! وينها الي شوي بتذبحني
شوق تخزها كاتمه الضحكه : انطمممي يووهه
ندى فقعت ضحك وقامت وسحبتها معها : قومي بس قووممي اسمعيها واضحكي ياختي يعشقك انتي خليها تسوي الي تبيه ، ورجعو للفصل
____________________
عنـد لينا ، السآعه 11
بهالوقت جالسه وتتابع فلم تضيع فيه وقتها الين يجون ريم ونور وتنزل معهم خوفا من ام مشاري وحركاتهآ
وبوسط مللها واندماجها بالفلم فجأه والا باللي يضرب الباب بكل همجيه فززت بروعه وطارت تركض وفتحت الباب والا بوجهها ام مشآري الي هبت بوجهها : اسسمعي يابنت الناس مسألة انك تاخذين ولدي وانا ماني طايقتك ف هذي مشيناها بس انك تعكرين له مزاجه ويتضايق بسببك ليل نهار هذي مارضاها وان كان مو عاجبك ولدي ولا قرارته ف تقدرين تنقلعين لبيت اهلك وازوجه الي احسسن منك وتسواك وتسوى عشره منك وتسمع كلامه وترضى باللي يقوله مو مثلك انتي مسودة له عيششته
لينا انصدمت من كلآمها وماعرفت ترد
ام مشاري بجفاف ومن غير نفس : والحيين بتنزلين تسوين معي الغددا انتظررك تحت يلاا على الاقل يجي يشوفك طبختي الغداا ويروق
لينآ وفكها يرتجف من القهر : اطبخي غداك لحالك ، وصفقت الباب بوجه ام مشاري الي ارتاعت وزادت النار بداخلهاا ضربت الباب براحة يدها : هينن يازفت ههيين
طنشتها لينا ودخلت غرفتها وجلست على السرير ماتحملت الا وانفجرت بالبككي كلامها قوي ححييل
نزلت ام مشاري وهي تضرب الارض بمشيها قهرها واصل حده وتتوعد وتسب فيهااا
______________________
مـاليزيا ،
سكر محمد لاب توبه لف لسعود الي متننحح : تهقى صدق ولا شسالفتهم ذولا
سعود مفهي : والله مدري علمي علمك بكره نتأكد
محمد : واذا صار كلام ذا الايميل مضبوط
سعود زفرر : بكوون اسعد انسان بذا الدنيا
محمد كشر : اييهه واحنا لنا الله
سعود فقع ضحك : ههههههههههههههههههههههههه هه الله يرزقك ،
_______________________
في السعـوديه تحديدا بيت بو مشآري الساعه 2 الظهر ،
دخل مشآري جناحهم ولقى التلفزيون شغال وباين انها كانت جالسه من قبل ، رآح لغرفتهم شافها فاتحه الدولاب وجالسه تدور شي تلبسه ، رفع حواجبه مستغرب لما سمع صوت شهقاتها الي تطلع بالغصب ،
رآح بسرعه وسحبها لفها له ومطير عيونه : ووش فييك وش ذا المشاهق ؟
لينآ صاده بوجهها وتحاول تفك يدينها منه : مافيني شي وخخرر
مشآري رفع وجهها له : اشوف حطي عينك بعيني ، ويتنهد وهو يشوف عيونها مجمرين ،: قولي وش فيك وش صاير لك
دفعته بقوه وبنرفزه : ماافينيي شي قلت لك لاتنشب ليي افف ، صدت بتمشي الا سحبها من زندها وهو راص عليه ويدفعها للجدار بقوه ويقرب منها وهو راص على اسنانه : تراني صبرت كثير ، وان كان الي فيك عشان الزفت الطب حطي براسك اني مراح اغير رايي تسمعين ؟ وطلع من عندهآ وهو منرفز ونزل يتغدا
اما هي جلست على الارض وهي منزله راسها ورجعت من جديد تصييح وقلبها محروووق تعبت تعبت من ذا الحال
___________________
بيت فيصل ،
السآعه 1 في الليل ،
جالسه في الصاله والجوال بيدها وتهز رجلها بتوترر وقلبها يضرب بقوه من الخوف : قال نص ساعه وبيرجع والحين له ساعتين ومايرد ؟
ورجعت تتصل عليه مره ومرتين وثلاث ومايرد ، قآمت وهي تحس بخلاياها ترججف خافت لايصير فيه شي
وصارت تروح وتجي مثل المجنونه وكل دقيقه تتصل عليه
وبعـد سآعه
كانت جالسه على اطرف الكنب ودموعها مثل الشلآل خلاص تحس بدمها نشف من الخوف عليه 3 ساعات ومايرد عليها ولارجع يتصل
تركت باب البيت مفتوح شوي عشان اذا جا تشوفه شوووي والا حست بأنوار سياره دخلت الكراج قآمت بسرعه ومغص ببطنها من شدة الخوف وطلعت ركض لبرا ،
نزل من سيآرته وثوبه بجهة صدره كله ددمم ، شاف نوف تركض جهته وحضضنته بقوه وبإندفاع : وويينننكك
بعدهآ شوي عنه بيتكلم الا ششهقت : وشش ذااااا
فيصل بتعب وهو يسحب نفس واطرافه ترجف : خليـ..ـني ادخـ..ـل
___________________
بيـت بو سعـود
دخل نوآف وهو منهد حيله من التعب مكروف كرف رآح لغرفته على طول يتروش ويصحصح واول ماخلص الا دخلت لين الغرفه وهي تغمز : هاااهه وش صار اليوم ؟
نواف فهم قصدها وضحك : هههههههههههههههههههههه جات جات بس اليوم مافيها شي
لين رفعت حاجب : من جدها هذي خبله ؟
نواف مو مهتم : بزر وش بيطلع منها ، وبعدين انا مطنشها ابد فتره بتحس على نفسها بتمل وبتبطل ذا الحركات
لين تكتفت : كم عمرها ياللي تقول بزر
نواف رمى نفسه على السرير وهو ماسك الجوال : وانا شدراني بس الي اعرفه انها بزر والا ماكان تصرفت بهالطريقه يلا يلا طلعي وطفي الانوار وسكري الباب وراك
لين تأففت بملل : وش ذذااا من المستشفى للنوم وتقوم من النوم وتروح للمستشفى
نواف غمض عيونه : لين اتعود بس واضبط اوقات دوامي ويضبط الوضع يلا سكري الباب
لين تنافخ بضجر وطلعت وسكرت الباب معها ، راحت غرفتها وخطر ببالها سعود خذت جوالها واتصلت على الرقم الي كان يكلمهم منه وكانت تكلمه باستمرار من ذا الرقم
.
.
.
عنـد محمد وسعود
رن جوال محمد ورد على طول : ايوواا ،
لين بإندفاع وهي واصله معها : اوووهه اشوا انك رديت والله طقت كبدي من ذولا الي نايم والي تعبان والي تزوجت ونستني وانت طاير بذيك الديره وامي وابوي مو حولي سسعوود بنتحر بنتحر قسم بالله بيجيني توحد من ذا الوحده الي انا فيها وبترجع بعد انت وبتتزوج وبتروح بيت لحالك انت ومرتك وانا ساعتها بروح مستشفى الامراض النفسيه من الي بيصيبني
محمد فتح فممهه بفهاوه تنننححح مو عارف يرررد :.....
لين وهي تنافخ : وش فيك ساكت اكلم الجدار انا
محمد تعدل بجلسته وبهدوء تنحنح وهو كاتم الضحكه : انا مو سعود
لين وكأن احد ضربها كف على وجهها : ههمممم
محمد كتم ضحكته : انا صاحبه هنا وذا رقمي الي يكلمكم منه وحاليا هو مو جنبي
لين تبلع ريقها وترمش بسرعه : اوكي اسفه .. وسكرت الخط بوجهه ورمت الجوال على السرير وهي تضرب جبهتها بغباء .: اوف اوف وش بيقووول عني الحين ياربي سردت له حياتي كلها بدقيقه ، ورمت براسها على المخده وهي تحس بإحراج ماعمرها حست به وتتأفف ..: والله لو اني نايمه احسن لي من قصة الوجه ذي ياربي
_______________________
عنـد فيـصل ونـوف
نوف قمطت وهي تشوفه بذا الحال وعلى طول رفعت يده على كتفها وشدته من خصره ومشت معه لدآخل ، دخلته للغرفه وجلسته على اطرف السرير وفكت ازرار ثوبه وساعدته يفصخه وبيدها تتفحص جسمه مافيه شي !! ميلت راسها لفيصل الي مغمض عيونه بقوه : فيصل من وين ذا الدم
فتح عيونه الي كانو مايلين للاحمرار وبصوت مغبون : كان في حادث وانا جاي وفيه بزر مالحقت اوديه للمستشفى مات ،
نوف عضضت شفتها وهي تكتم الشهقه
فيصل نزل راسه لفانيلته وبجهة صدره الي كله دم : تخـ..ـيلي امه وابوه ماتو واهو باقي يون يتألم والاسعاف ماوصل حملته بسرعه بوديه للمستشفى ..." رفع راسه لها وعيونه متجمعه فيها الدموع " ... تخيلي طول الطريق يبي امه ويون يقول ماما وبنص الطريق سكت ورخت اطرافه بين يديني ... نزل راسه كأنه يلوم نفسه " مالحقت مالحقت
ماتحملت نوف وضمته بقووه وهي شاده على راسه بصدرها : الله يـرحمه يومه
فيصل شد عليها وحيل مغبون والغصه ناشبه ببلعومه : وقفت بنص الطريق وانا اهززه بقوه واكلمه مايررد مااتت بين يديينيي بيينن يدينننيي تمنيت اني ماشفته تمنيت اني ماوقفت واخذته
نوف نزلت بسرعه على ركبها وسكرت فمها بيده : ششش ليش تلوم نفسك ، فيصل هذا يومه مكتوب يموت بهاليوم قول الله يرحمه لاتسوي بنفسك كذا ، وقآمت وساعدته يقوم ودخلته للحمام يتروش ولما طلع ساعدته يلبس ومسكت يده سدحته على السرير وانسدحت جنبه وصارت تمسح على راسه وتقرا عليه ،
_______________________
يـوم جديد ،
في الجـامعه
لين قالت لهم عن الي صار البارحه وفقعو ضحك عليها وهي للحين مفتشله من غباء الموقف
داليا : اااممم قبلها بشوي كان يكلمني وقال انه عنده شغل بيقوم يسويه
لين تغطي وجهها بيدينها : اففف الله لايوريكم وانا كني مفجوعه وانا اتكلم وهو بككللل برود انا مو سعود ياربي مو جايه انسسى
نور تضرب كتفها بخفه وهي تضحك : انسي انسي موقف وعدى لاتفكرين فيه كثير
داليا فجأه شهققت ولفت نور لها بقوه : انننتتتي هيي وش انتي مسويه بتركي حرام عليك
نور فهمت قصدها وضحكت : هههههههههههههههههههه وش تبيني اسوي يعني
داليا رفعت صبعها بتهديد : كيفك ترى بدا يخطط ويدبر .." وفزت بحماس " قبل امس جاني يقول كلمي نور قولي لها تبين تطلعين معها السوق وانا الي بوديكم .." وبغمزه .." بس طبعا انا مارضيت والحين حول على شوق وندى وانتي بكيفك
نور طيررت عيونها بخوف : هههيي زواجنا باقي عليه سبوع انهبلتو تخربون علي بأخر شي
داليا بضحكه : وه وانا وش دخلني زوجك ذا انجن وقعد
نور تسندت على الجدار وهي تتأفف
ضحكت داليا وضربت يدها : خلاص خلاص مراح يقدر انه يخرب عليك خذيها مني
نور عطتها نظره بمعنى بنشووف ، وكملو سوالف الين ما كل وحده دخلت محاظرتها
__________________
بيـت بو مشـآري
نزلت لينا بهدوء وطلعت من باب الصاله وهي تنتظر سايق بيتهم يوصل
ام مشاري كانت بالمطبخ حست بالباب ينفتح طلت براسها بسرعه وانتبهت بلينا تركت الي بيدها وراحت تركض تشوف وش عندها ، وقفت عند النافذه وانتبهت فيها تاخذ اوراق وملفات من سايقهم ورجعت تمشي بترجع لداخل قامت ام مشاري ووقفت بوجهها واول مافتحت لينا الباب : وش ذول الي بيدك ؟
لينا سحبت نفس : اوراق تخصني
ام مشاري تنزفزت : ننععم ؟ اقوول تكلمي قولي وش ذا الاورااق
لينا : شهاداتي واوراق تسجيلي الجامعه ارتححتتي ؟ برد قلبك الحين
ام مشاري رفعت حاحب : وش له اوراق الجامعه وخرابيطك ذي حسب الظاهر مشاري مايبيك تدرسين الي تبينه ولا انا غلطانه
لينا تناظرها بتحدي : الطب بدرسه يعني بدرسه
ام مشـآري ابتسمت على جنب وهي تضرب الاوراق من تحتهم وتطيرهم من يد لينا : حلم بليس بالجنه احلمي ياماما احلمي قد ماتقدرين لمي اوراقك وطسي فوق مابي اشوف رقعة ذا الوجه، تركتها ورجعت المطبخ وبراسها افكار خبيثه تنهي حياتهم بكل سهوله
لينا انغببنتت ونزلت تلم اوراقها وفكها يرتجف من شدة القهر وماردت عليها قآمت وصعدت جناحها واول مآدخلت رمت الاوراق بقوه تناثرو بأرضية الصاله جلست مستنده على البآب ودموعها تنزل بإندفاع ... وتنقل نظرها بكل قطعه بالشقه تذكرت ماليزيا تذكرت وناستها معه خافت ترجع خافت من ام مشآري والي خافت منه صار
_______________________
بيـت فيصل
سحب ذراعه من تحت رآسها ويقوم وهو يناظرها بشك ويتحسس جبينها وذراعها حرارتها مرتفعه ، تعدل بجلسته وهو يهزها بخفيف : نووف ! .. نووف نووف قومي حرارتك مرتفعه قومي
فتحت عيونها بإنزعاج ولفت له : وش فيك
فيصل قآم بسرعه وعدلها بجلستها ويحط يده على جبينها وهي مغمضه عيونها بتعب حس عليها وهمس : تعبانه ؟
حطت يدها على خدها ورفعت كتوفها بمعنى مدري ..
فيصل وقف ويعدل المخده لها ورجع سدحها ويغطيها باللحاف : بروح اجيب لك كمادات واجيك زين .. ومن غير مايسمع منها رد طلع من الغرفه يجيب لها كمادات ومآرجع الا ويلقاها غمضت وكأنها رجعت نامت جلس بأطرف السرير ويضرب خدها بخفيف : نوف
نوف وهي مغمضه : ههمم مانمت
فيصل : زين بس خفت انك نمتي وترتاعين الحين وانا اكمدك ،، ويحط الكماده على جبينها وبهاللحظه ارتعشت نوف من برودتهاا ، جلس عندهآ حول النص ساعه الين مارجعت نامت قام تروش وراح بيتهم يطلب من امه تسوي لها كذا شي يصحصحها وعلمها انها تعبانه
________________________
في مـآليزيـآ ،
محمد وسعود واقفين عند المدير وبيتأكدون من الرساله الي وصلتهم
المدير : كلام الرساله الي وصلتكم صحيح
محمد عقد حواجبه : كيف كذا صاير مشكله او شي ؟؟
المدير : لا لا تطمن لامشاكل ولاشي بس صارت شوية تغييرات من الاداره هنا نفسهم ومراح يأثر عليكم بشي
سعود ظل واقف متنح سحبه معاه محمد وهو يضحك وطلعو لبرا : ووش فيك تقول احد صافقك كف !
سعود رفع حواجبه : والله للحين مو جاي استوعب
محمد براحه : لآ ياعمي استوعب استوعب
سعود رفع راسه وهو يزفر بابتسامه : في شغلات لازم اسويها تجي معي بو الحمد
محمد ضرب فخذه : يلاا ، وقـامو مع بعض وكل واحد شاق ابتسامته اكثر من الثاني
_________________________
ببيت بو مشآري ،
دخل البيت مع ابوه الي راح غرفته على طول يبدل ثوبه اما هو راح يطل في المطبخ لما حسهم موجودين كلهم فيه
ريم طفشت من امها : يممهه مستحيل تسويها مستحيل
ام مشاري : وششو يعني اككذب انا ؟ تكذبين امك عشان مرت اخوك يالهبله ؟؟ اقولكم اليوم سايقهم جاب لها اوراقها حق الجامعه وقالت بتدرس الطب يعني بتدرسه يعني من كلامها حتى غصبا على اخوكم الي ياما طلع قوته علي وعليكم والحين قدامها مايقدر يرفع صوته مسويته مثل الخاتم بصبعها
نور طنقرت : ييمممهه ! يعني اذا كانو متفاهمين مع بعض صار خاتم !! كيفهم يعني لازم يصارخ ويهاوش ليل نهار عشان يبرد خاطرك ؟
................
عنـد مشآري الي من سمع ان سايقهم جايب اوراقها وبتدرس غصب حط رجله وركض لجناحهم فتح الباب بسسرعه وبصراخ : لليييننننااااااااااا
فززت من صرخته وقامت بسرعه طلعت من الغرفه : نعم
راح لها بعصبيه ويشد بقبضته على زندها وعيونه يتطاير منها الشرار : وش اوراقه الي جبتيها اليوم ؟
لينا بألم وتحاول تفك يده : مشاري فـ.... صصرخخ بوجهها : جااااااووووببببيييييي
لينآ وهي مغمضه عيونها ويدها على يده وبترجي : والله مو مثل ماسمعت مو مثل ماسسمعت مراح اددرس شي بسس فكننيييي
فك يدهآ وهو يناظرها بشك : وش يعني مو مثل ماسمعت
عطته ظهرها ومشت للغرفه وهي تمسح دموعها واخذت الاوراق من على طرف الطاوله ولفت بتطلع الا كان وراها تماما مدت الاوراق من غير ماتناظره : جبت اوراقي عشان بسجل مره ثانيه وبغير تخصصي ،
مشـاري وكأن احد صفقه على وجهه وبلعثمه : والطب ؟
لينآ نزلت راسها بعد ماحست دموعها بتخونها : مو مكتوب اني ادرسه ، ورفعت راسها بتنهيده وهي تنقل النظر بين عيونه ..: ليتك جيت سمعتت مني قبل تتهجم علي وتصارخ ، وسحبت الاوراق من يده ورمتهم على التسريحه وجلست على الكرسي معطيته ظهرها وهي ماسكه نفسها لاتصيح قدامه
مشآري رفع راسه وهو حاط يدينه على خواصره ويزفرر : لينـ.. قاطعته بهدوء ..: روح تغدا عوافي عليك
راح لعندها قابلها وجلس على ركبته الا هي صدت بوجهها للجهه الثانيه ، تكلم بهدوء : لينا ! اسمعيني
لينآ ماردت ،
فز عندها شوي وهو ماسك يدينها شاد عليهم : وين لينا الي سافرت معها قبل شهور ؟ وينها الي تتكلم لي بكل شي يصير؟ وينها الي كسرت كل الحواجز بيني وبينها والي صارت لي اقرب من روحي لي
لفت له وارتكززت عينها بعينه حست بدموعها بتخونها ولآخر لحظه ، ناظرها بترجي : ليه من جينا هنا تغيرتي وصرتي لينا الي تكرهني ؟
عضت شفتهآ وفكها يرتجف وطاحت دموعها غصب وبهمس : والله مـ..ـااكرهـ..ـك
مشآري ونفذ صبره : تصرفاتك اجل وش تسمينهاا ؟ مانتي لينا الي اول ماتزوجنا انتي وحده ثانيه تركتها هناك ورجعت ، ... تنهد بضيق وقآم من عندها ويحس بضيق الدنيا كله فيه طلع من جناحهم ونزل مر من عندهم وطلع من البيت بكبره ، ركب سيارته وصار يمشي من غير هدف او وجهه يروح لها ، عقله مشوشش من جهه امه تخرب عليهم عيشتهم وتقسى على لينا بغياب ومن جهه لينا تتستر على افعهالها وتكتم بقلبها كل شي تسويه فيها
_____________________
عند فيصل ونوف ،
كآن جالس على اطرف السرير وبيده مقياس الحراره ،
الا بدخلة ام فيصل ووراها ندى وشوق وداليا ومعهم صينية الاكل
راحت ام فيصل وجلست جنب نوف : بسسم الله وش به وجهك شاحب كذا ؟ توك امس وش زينك وش صار
نوف رفعت كتوفها بمعنى مدري
ام فيصل : يمكن اثر روعة البارح طلع عليك الحين الله يهديك قلنا لك مافيه الا العافيه هذا هو جا وانتي الي طحتي مريضه
ابتسمت نوف بتعب : يمكن
اخذت ام فيصل الصينيه من يد ندى وحطتها على رجولها : يلا يلا استعدلي عشان تاكلين
نوف كشرت وتصد الاكل بيدها : لا خالتي مالي نفس والله
فيصل طير عيونه : نووووفف وش مالك نفس ككلي كليي
عشان تصحصحين شوي
ام فيصل اخذت لها شوربه ومدت الملعقه لها : مو على كيفك افتحي فمك يلاا
فتحت فمها نوف وبتكشيره وهي تتذوق الشوربه اكلت وتوهاا ام فيصل بتعطيها لقمه ثانيه الاا فززت نووف من السررير وررككض للحمام
لحقوها كلهم بسرعه ، فيصل يضرب الباب : نوووف وش صاارر
ندى : يمكن الشوربه ثقيله عليها وهي تعبانه معدتها ماستحملت
طلعت نوف من الحمام ووجهها اصفر شاحب وعيونها حمرا ، مسكها فيصل وساعدها تمشي الين السرير وسدحها : خلاص يمه مو لازم تاكل الحين
ام فيصل وعيونها على نوف الي غمضت : اقول فيصل ليه ماتاخذها المستشفى
نوف بهدوء وهي شبه مفتحه : لا مايحتاج بصير احسن
ام فيصل طنشتها وضربت فيصل بكتفه بخفيف : ماعليك منها لو ماصارت احسن لليل اخذها المستشفى ولا تسمع كلامها ، ولفت لبناتها : يلاا .. وطلعو من الغرفه
فيصل نزل راسه ويقرص خدها بخفيف : يعني افهم الحين انك ارتعتي علي امس وطحتي مريضه الحين ؟
نوف ابتسمت : لاتصدق نفسك اني خفت عليك ! انا خفت لاني جالسه لحالي بذا البيت
فيصل رفع حاجب : ااامممم لالا باين باين
_______________________
في الليـل ، تحديدا في المستشفى
نـواف يسحب دم من حرمه كبيره في السن ويحط قطنه صغيره ويوقف : عليك العافيه ياخاله
وقـام طلع من الغرفه الا بصوت من وراه : لو سمحتت
نواف سحب نفس ولف لها : آمري
مشت لعنده : عادي اجي معك وانتظر نتيجة التحليل وانا عندكم في الغرفه
نواف ابتسم بغرابه : ماله داعي ! خلك عند الوالده يمكن تحتاج شي وانتي مو معها
شذى بإندفاع : لاا امي الحين تنام مراح اسوي شي بجلس على الكرسي بس الين تطلع النتيجه
نواف وهو يستغفر بداخله : امشي طيب ، ومشى قدامها وهي وراه تسوي حركه بيدها ، يسسس
دخل المختبر وعطاهم عينة الدم وطلع للغرفه الي فيها الممرضين وكان هالوقت مافيه احد
جلس على الكرسي وياخذ اوراق عن المرضى ويعبي بياناتهم وجواله بأطرف الطاوله
شذى وهي تناظره بتمعن : اامم وش تكتب ؟
نواف بدون مايرفع راسه : بيانات عن المرضى الي بهالوقت الحين وانا موجود
شذى : اااممم ، وتنتبه لبطاقه مكتوب عليها اسمه كامل : انت نـواف الـ...
نواف رفع راسه بسرعه : ننعم !!
شذى اختبصت واشرت على البطاقه : قريت اسمك توني
نواف سحب البطاقه ورماها بالدرج : النتيجه يمكن تطول تقدرين تروحين عند امك
شذى وهي تفكر وتحس اسم العايله مو غريب عليها بس ماهي قادره تتذكر زين
قطـع تفكيرها الجوال وهو يـرن وبفضول فززت تشوف اسم المتصل وتعقد حواجبها باستغراب وهي تقرا " شوق"
وتنصصدم وهي تشوفه قام بسرعه وهو مبتسم واخذ الجوال وطلع من الغرفه بسرعه وقامت على طول ولحقته
وانتبهت فيه يطلع من المستشفى ويمشي برا وهو يكلم
بوزت وهي مميله فمها : اااففف منن ذذي " وبشهقه " ححح لايكون خاطبب يممه لااا كان امووووتت
.
.
عند نـواف الي فاقع ضحك : ههههههههههههههههههههههههه ههههه توك قبل يومين تلوع كبدك من صوتي ؟
شوق زفرت : اايي هذا انت قلت من يومين من زمان مالاعت قلت اكلمك
نواف بضحكه وهو يزفرر : يعني ماتعرفين تقولين اشتقت لك ؟
شوق : اي مرراح اقوول اساسا ماشتقت لك
نواف : اي بس انا اشتقت لك ووجع ان شاءالله يومين يالظالمه اكلمك حاقرتني وش مسوي لك ذابح لك احد انا
شوق : بالله ! تستهبل على امي وطول ماانا اكلمك تنرفزني والحين تقول وش مسوي لك ، خلك يمكن تتأدب معي شوي
نواف بعناد : بأحلامك ! اساسا احلى مافيك اذا عصبتي يتنفخون خدودك ويصير وجهك احمر ودي كذا التك ككف ساعتها بس انتي وش دراك بقره
شوق : والله معك حق ! بقره يوم اتصل عليك
نواف ضحك بقووه : ههههههههههههههههههههههههه ههههههههههههه خلاص اسف اسف
شوق وهي لابسه السماعات وعاضه على السلك وتخز معصبه : ضحكت من سرك بلا ضحككت من غير ضروس قل امين
نواف وهو يبتسم : وبترضين تاخذين واحد بدون ضروس؟
شوق صصننمت وهي مطيره عيونها وتضرب جبينها بقوه وتنسدح على السرير وهي كاتمه الضحكه
نواف : ردي ! لو صرت بدون ضروس بعدين ترضين تاخذيني ولا ماتبيني
شوق بضحكه : بسكر انا بسكر
نواف ضحك : هههههههههههههه تتععااللييي ..... طوط طوط طوط ، بعد الجوال عن اذنه بتكشيره : وجع سكررت
_______________________
يـوم ثآني في الجامعه
هيـآ تناظر نور بعيون يتطاير منها الشرار وبححقدد فضيع
اختها منيره : يابنت خلاص اتركي البنت بحالها وش لك بالمشاكل
هيا بنرفزه : اووووهه مراح اسوي شي اسكتي بالله صكيتي راسي ! وبعدين سويت ولا ماسويت مستحيل يلتفت لي موضوع خالصين منه
منيره : ااافف اجل وش له كل يوم مرتزه تراقبينها ؟ وكل يوم تقولين كم باقي على زواجهم فكينا ياخي خلاص الله يهنيهم ويرزقك باللي احسن منه
هيآ وهي تقوم : اعد الايام عشان مانسى يوم زواجهم
منيره قامت معها : ووش تبين بيوم زواجهم " وبشهقه " لاتقولين بتروحين. !
هيا ابتسمت بخبث : عيب علي مااروح
_______________________
بيـت بو مشآري ،
صحـى من النوم ومالقاها جنبه تنهد وقام يتروش وطلع لبس ثوبه وشمآغه ويتعطرر وياخذ جواله ويطلع من الغرفه وهو يدورها : ليناا !
طلعت من المطبخ وبيدها كاس عصير برتقال ، مدته له وبهدوء ممزوج ببرود : صباح الخير
مشآري وقف مستغرب وعاقد حواجبه : صباحك ورد ! متى قمتي ؟
لينا ميلت راسها : انكسرت ايدي وانا مادتها !
مشاري ابتسم واخذ العصير وشربه ولما خلص رفع يدها وباسها بظهرها : تسلم الايد الي سوته
ابتسمت لينا واخذت الكاس منه ورجعته للمطبخ وطلعت وراه وكان بيطلع الا فجأه وقفت ولف لها ورجع لها وبهدوء : طول ماانا ماني موجود انتي بتبقين هنا مراح تطلعين ابد ولو احد جا وطق عليك الباب انتي وش؟
لينا مافهممت : انا وش ؟
مشاري : انتي نايمه وجوالك سايلنت ماسمعتي ولاحسيتي بأحد جا لو احتجتي وش ماكان ماتنزلين ابد سامعه ؟
لينا هزت راسها بالموافقه
كآن قريب منها حاوط خصرها وباسها بخدهآ : انتبهي لنفسك ولو احتجتي لشي كلميني
حسست برعشه قويه وقشعريره من قرب صوته ورفعت عيونها لوين ماتركها وطلع ظلت واقفه متسمره مكآنها ويتردد في بالها الموقف الي صآر
توهآ حست انه فقدته وفقدت كلامه المعسول فقدت حركآته فقدت كل شي من جااو لهنا ، وكأن رغبه قويه الحين تلحقه وتضمه وتقول له خلينا نطلع من هنا ونعيش بمثل مانحب ونبي
جلست على الكنب وهي مغمضه ومسنده راسها وبأطراف يدها المرتجفه تتحسس خدهآ وتتنهد تنهيده طويله تعلن اشتياقها الفضيع لمشآري الي تعرفه يموت عليها مشاري الي بس يبي رضاهآ
_____________________
بيت فيـصل
فيصل : ابي افهم وش الي بتخسرينه اذا رحتي للمستشفى
نوف بتعب : والله مافيني حيل اقوم عشان كم دوا يعطوني اياه خلاص شوي واصير احسن
فيصل بضجر : من امس وهذا كلامك شوي وبصير احسن شوفي وجهك وش صار اصفرر ، مو بكيفك يلا قومي
نوف بترجي : فيصصلل عاااااد
حقرها فيصل وقام جاب عبايتهآ : لاعاد ولاثمود ماني بسامع كلامك يلا قومي البسي ولا انا البسك اياها الحين
مسكت العبايه وهي تتأفف ولبستهآ وقآمو طلعو من البـيت وراحو للمستشفى
.
.
اخذو منها دم عشان التحاليل وبما ان جسمها ضعيف وتعبانه مجرد ماسحبو منها دم حست بدوخه فضضيعه ماقدرت توقف اخذوها على طول لوحده من الغرفه وركبو لها المغذي وتركوهم مع بعض وجلسو ينتظرون نتيجة التحليل
_____________________
في مـدرسة البنات
ندى ماسكه شوق من يدها : ماتروحين يعني ماتروحين
شوق بترجي : خليني اروح تكفين الفسحه ماباقي عليها وقت وتنتهي بس شوي وبرجع
ندى صرخت : شششوووقق
شوق بضعف والدموع متجمعه بعينها : تكفيين
ندى وهي عاضه طرف شفتها وتناظر البنات الي يتمشون وتلف لشوق : بتروحين دقايق ياشوق دقايق وترجعين ولا وربي عارفه اذا طولتي مو زين لك
شوق اشرت لها ب تم ، وراحت ركض للمكآن الي يجدد وجعهآ وحزنها المكان الي يخلي شوق انسانه ثآنيه ضعيفه ومهزوزه كئيبه حيل وماتضحك
فصل من بعد الي صار تسكر وماصارو يدرسون فيه ابـد ، فتحت الباب بهدوء وطلت براسها
مـرت سنه !!
بس كل شي على حطته خبصة الطاولات والكراسي مثل مآهي ، دخلت والموقف يتكرر قدامها كأن توه الحين حست بقلبها يضرب بشكل جنوني جلست على الارض وفصخت سوارة يدهآ ومسكتها بقوه ودموعهآ صارت تنزل على طول بدون سابق انذار ، ومن بين دموعهآ : سـ..ـاره فـاقـ..ـدتك
.
.
في مكآن ثاني في المدرسه
شذى : اسـمه نواف الـ.... من قريت الاسم وانا ابي اتذكر ياربي مو غريب بس عجززت ماعرفت
وحده من البنات شهقت : يالغبيييييهه وحده معنا اسمها شوق الـ....
شذى كشرت : اااععع هذيك النفسيه ؟
البنت : اي اي هذي
شذى : شرايكم نقوم نسألها اذا يقرب لها او لا ؟
البنات بحماس : ايي
وقامو معها ومشو وهم يدورونهاا
وحده من البنات شافت ريم وندى مع بعض وراحت لهم : اقوول بنات
ريم : هاا
البنت : هويتي ! قولي امريي مثلا
ريم بضحكه : خخللصي
البنت : شوق وين ؟؟ تعبنا وحنا ندورها وينها
ندى : وش تبون فيها
البنت بحماس : موضووع ضروري بس وينهار تكفون
ندى بتنهيده : وين بتلقينها يعني ؟؟ برايك انتي
البنت تضايقت : لاتقولين بذاك الفصل
ندى هزت راسها ب اي : عجزت منها الا تبي تروح
البنت تغمز لها : الحين نخليها تطلع ، وتلف لشلتها : يلاا بنات عرفت هي وين
ومشو كلهم وكآنو 6 بنات وراحو للفصل الي كانت فيه شوق
فتحو الباب ودخلو بهاللحظه ششهقت شوق بروعه ولفت بسرعه لجهة الباب وهي تمسح دموعها
وحده من البنات : اووهه ياشوق لي متى وانتي على ذا الحال
شذى وتكره طبع شوق بس تحاول انها تجامل : ماعليكم خلوها علي
شوق وهي تلبس سوارتها وتشرب مويه مطنشه شذى : وش عندكم ؟
شذى تسبل بعيونها : اقولك تعرفين واحـد اسمه نـواف الـ..... ؟
ششرقت شوق بالمويه وتككحح بققوهه
راحو لها البنات يركضون والي تضربها بظهرها
شذى ضحكت : دااممك شرقتي يعني تعرفينه ؟ امانه جد تعرفينه تكفيين ضبطيه لي
شووق انجن جنونههاا وعيونها يتطاير منها الشرار ، اهي اصلا تبي الزله : نننعععممم ؟ وش تفضلتي به ياححلوه ؟ وش قلة الادب ذيي
شذى جمدت ملامحها : اقول بس ! احترمي نفسك وكلميني مثل ماانا اكلمك
شوق بصرراخ وعصبيه : تعلمي الاحترام ياماما بعدين اطلبيه وش ذا الوقاحه جايه تطلبين مني اضبط ولد عمي لك ؟ اسسمعي تراني ساكته لك من فتره وادري انك دابله بكبد ولد عمي وكل يوم مرتزه بوجهه بالمستشفى اقوولك شي !! ترااااااه حايمتن كبده منننكك احفظظي ماي وجهك ولاعاد ترتزين بوجهه قسسم بالله من اشوفك انقرف واشمئز وش ذا الوقاحه
البنات كلهم مصصصنمين مكانهم طلع ولد عمهاااا !!؟
وشذذى تناظرها وشياطين الارض كلهم بوجهها
شوق وهي راصه على اسنانها : لو اشوفك معتبه عنده اعرفي مراح يصير لك طيب والله لافضحك بين بنات المدرسه كلهم " وبنبرة تقلد صوت شذى المايع " ضببطيي لي نوااف ... "وبتكشيره" ..: غبيييه اااعع ... ومرت من عندها وبعناد دقتها بكتفها ومشت
شذى وهي تتنفس بغيض وترمش بعصبيه وبجنون سحبت شووق من شعرههاا : انناا اعلللمممكك
صررخت شوق وهي ماسكه يدها : وووججججعععع .. ودفت شذى بقوه من صدرها تراجعت شذى لورا
شذى وهي تحرك شعرها بنرفزه وعينها على اساور شوق تقدمت بسرعه ومسكتهم مع بعض وتجررههم بقوه كلهم ويتقططععوون وحده وحده ويتناثر على الارض لولو صغغار بلون سمآوي
توهآ بتتكلم ماحسست الا بصفعة كف على وجهها : اعلمك الوقاحه على اصووول ،
شوق وعيونها على اللولو الصغار ودموعهآ تنزل بإندفاع اطررافهها ترجف وقلبها يضرب بجنون رفعت عيونها لشذى الي تلم شعرها بتططلع
حمررت عيونها من العصصبيه وقلبها يحتررق ويفوورر وكأن شياطين الانس والججنن واقفيين قدامها مشت لششذى وو !!
_________________________
في المستـشفى ،
من لما عرف نواف بتحاليل الدم الخاصه بنوف وحالف اهو ياخذ النتيجه لهم
واول مـآطلعت اخذ الورقه وراح للغرفه الي فيها نوف
دق الباب بهدوء ، استعدلت نوف وضبطت حجابهآ فتح الباب نواف وطل : ادخخل ؟
فيصل : اوووهه نواف تصدق ناسي انك هناا ادخل ادخل على اساس مادخلت للحين
نواف ضحك ودخل سكر الباب ويلعب بالورقه بيده : على البرررككهه بو العزز ! عزوز جااي بالطرريق ،
جممدت ملامحهم ثنينهم وكان فيصل ماسك يد نوف شد عليها اكثر وبفهاوه : تمزح !
نواف باستهبال : ياعمي كبرت وصرت ممرض ماعندي وقت امزح مع احد اقولك عزوز جاي بالطريق ، على البركه نوف الله يتمم لك
فيصل لف لنوف وبعيونه نظرات غريببه وبنفس الوقت نوف مو قادره تعطي ردة فعل
بهاللحظه نواف حس وجوده غلط سحب نفسه بهدوء وطلع من الغرفه
فيصل بنبرة سؤال : حـآمل !!؟
نوف وهي تناظره بطرف عين وتهز راسها ب " ايه "
قآم بهدوء وجلس بأطرف السرير وبتردد مد ايده وحطها على بطنها ورفع عيونه لها ومايدري ليه يحس انه مرتبك !
نوف ابتسمت وهي مقدره موقفه اخذت يده وشدت عليها : بتضل كذا متنح ! حتى مافيه كلمة مبروك ؟
فيصل ضحك لاشعوري وقرب منها اكثر ضمها بقوه : اعذريني بس والله ماني جاي استوعب
نوف ضحكت وبعدته عنها وهي عاقده حواجبها : انت بو عبد العزيز ؟
فيصل غمز لها وهو يقرص خدها : وانتي امه
_______________________
في المـدرسه ،
ضربتها بقوه على صدرها تراجعت شذى لورى وطاحت على وحده من الطاولات
هججمت عليها شوق بعصبية الدنيا كلها وسحبتها بقوه رمتها على الارض واستلمتها ضررب وهي تصصارخ : حححييييواااااننننهه والله اقتلك واشرب من دمك
وشذى ماكانت مستسلمه شددت شعر شوق بقوه وصارو يتضاربون ويصفعون ببعض
والبنات بسسرعه تطايرو الي تعلم المديره والي تعلم البنااات
وبدقاايق صار تجمهر بالفصل والبنات متجمعين وخايفين يقربون ، وشوق الي كانت تضرب بشكل معممي قطعت شعر شذذى وشمخت وجهها ويدينها وماكانت تحس ودموعها اربع اربع وتصصصاارخ
دخلو الاداريات وااننففففجععوو شوق على شذى بالضبط وتصفق ابهاا ، رككضت المرشده وسحبت شوق بصعوبه : ووشش تتسسسووون
شوق وهي تثقل نفسها وتصارخ ببكي : اتررررككوووننيي ااذذبححههااااااااا الححييووواااننهه
المديره راحت وساعدت شذى الي انعدمت عدام وقومتها
بهاللحظه شوق فززت بتهجم عليها وصصدوها البنات ورفعت صبعها بتهديد ووجهها احمر وعروقها مششدوده : والله لانههييييكك واعللمممك ششغغللك
المرشده سحبت شوق بقوه وطلعو من الفصل ونفس الشي المديره
واخذوهم ثنتينهم للاداره والمديره معصصبه تبي تعرف وش صاير
عن شذى الي كانت جالسه ومنزله راسها وتتحسس جسمها مكان الضرب وخايفه تقول لانها غلطانه بكل الحالات
وشوق الي واقفه وتتنفس بسرعه واطرافها ترجف من التوتر وصاده بوجهها ودموعها ماوقفت
المديره بصصرخه : بتتكلموووون ولا شلوون ؟؟ واساسا وش موديكم لذاك الفصصل ؟ ماتدرون انه ممنوع احد يدخل فييهه
المرشده الطلابيه راحت لشوق واهي الي تعرف بقصة شوق وليه تروح ذا الفصل وعاذرتها :شووق تكلمي وش فيك طايحه بالبنت ضرب ؟ وش مسوية لك
شوق لفت للمرشده والدموع متحجره بعينها فجأه شهقت بقوه وارتتمت بحضن المرشده وتصييح بقهر
المديره خافت ووقفت راحت لهم : وش صاير ؟
شوق رفعت راسها بقهر وهي تخز شذى الي كانت عاضه شفتها بخوف : اوول شي كنت بالفصصل لحالي عششان اشتقت لساره جتني هذي وبكل قلة ادب تقول لي ضبطي لي ولد عممك "وتششهق بقوه" ولما صرخت عليها وهزأتها جرتني من شعرري واانا عصبت وضربتها " وتلف للمرشده وترفع يدها بوجهها وهي تحس بخنقه وصوتها راح " وقطعت لي اخر شي باقي لي من ساره
المرشده ضمتها بقوه وبيدها تمسح على راسها : خلاص خلاص
شوق تتمسك فيها بقوه وتصيح بحرقه : هذا الي بققى لي منههاا هذا الي يذكرني بريحتهااا والحين مابقى لي ششي
.
.
.
نرجع بالزمن سـنه ونص
شوق بأول ثانوي
وكانو شله شوق وندى وريم وساره ، علاقة شوق وساره حيييل قويه اقوى من علاقة شوق وندى مع بعض
دايم يخططون مع بعض ويستهبلون مع بعض صديقات من وهم صغار وكبرو مع بعض
بفتره من الفترات ساره دايم تطيح على اهلها وتحسس بعوار فضيع ببطنها
خذوها اهلها المستشفى وسوو لها التحاليل وطلع معها المرض الخبيث بالكبد " عفانا الله واياكم "
المرض تمكن منها وماله اي علاج
خضعت للكيمياوي تساقط شعرها وذبل جسمها انقطعت عن المدرسه لفتره طويله بسبب وجودها في المستشفى وبهالفتره شوق صارت معها يوميا تجيها وبالويك اند تنام عندها مافارقتها ولا يوم
وبيـوم من الايـام
دخلت شوق الغرفه ولقت ساره معها خيط ومعه لولو صغار بلون سمآوي وتسوي فيهم سواره
راحت شوق لعندها : اوووهه وش تسووين ؟
ساره وهي تبتسم وتربط الاسواره ورافعه حاجبها وتمسك يد شوق وتلبسها اياه وترفع راسها لها : لو صـار لي شي بتبقى هالاسواره تذكرك فيني
جمددت ملامح شوق وعبست بوجهها : اووه ساره وش ذا الكلام لاتقولين كذا توقفين قلبي
ساره وهي تتنهد وتلبس بيدها الاسواره الثانيه : طيب طيب مراح اتكلم بس وعد ماتقصخينها
شوق زمت شفتها وهي ماسكه نفسها لاتصيح وجلست عند ساره وحضنتها بقووه : راح تتشافين وترجعين ساره القديمه وبترجعين للمدرسه بس خلي املك بالله كبيير
ساره بهدوء : والنعم بالله
.
.
وبعد كم شهر ، كان المرض يروح ويرجع عليها فتره تخف وفتره ماتقدر تشيل جسمها من الالم
بالفتره الي طلعت من المستشفى طلبت من اهلها انها ترجع تداوم وفعلا رجعت تدوام واول يوم استقبلوها البنات بحرارره ومشتاقين لها بالحيل كانو مصدومين من شعرها الي واصل لحد رقبتها ووجهها الاصفر وجسمها كيف صارت ضعيفه وهزيله بس كانو مايبينون لها حزنهم ابد
ومرو اسبوعين على دوامها فالمدرسه وكانت تحس بتعب فضيع بهذي الفتره لكنها قاومت وحبت انها تعيش حياتها مثل ماكانت عايشه قبل المرض
وبيوم من الايام
كآنت عليهم حصة رياضيات وكتبت الابله سؤال على السبوره وتبي احد يقوم يحله
ومن بين البنات الي رفعو يدهم اختارت ساره انها تقوم
وفعلا قامت وبدت تحل وفجأه بننص الحل ،
والبنات يكتبون وراها ، ششهقو بروعه لما شافوها طاحت فججأه على الارض
وقامو كللهم يسسرعون لها واجتمعو حولها
شوق برركض جابت علبة مويه وجلست حاضنه راسها وتهز راسها وتحاول تصحيها وهي تشههق بخوف ودموعها تنزل لاارادي مع انها كانت تضحك : سااررره قومي عن العبطط تخووفيني علييك
ورفعت راسها للابله الي طلعت تركض تنادي الاداريات واتصلو بالاسعاف ورجعت : ابله الحين بتقوم لاتخافوون بنااتت " وتنزل راسها لساره وتضرب خدها بشويش " :
قومي ساره روعتييهم قومي يلا لاتسوين كذا مافيك شي قوومي كملي الحل يلااا
بعـد سآعه
سيارة الاسعاف عند المدرسه والمسعفين داخل حملو ساره على السرير ووجهها مغطى بمعنى انها ماتت
الكل يصييح بهاللحظظه
وشوق تلحقهم وماسكه السرير وتصصارخ : مماااماااتتت صصدددقوووووننييي والله والله بتتتققوووومم لاتتغغطووونن وجهها تكففوووننن سسسسساااااااااااارررررهه
طآحت على الارض كأنها ساجده وتصيييح وترفع راسها الابله : قومي ياشوق قومي ، وتشوفهم عن البواابه بيطلعون خلااص تمسكت في الابله ووقفت : ماماتت صدقييني اصلا هي تشافت خلاااص وشوفي رجعت تداااوم رجععت وشعرها بدا يطول مثل اول " وتهز راسها بالنفي " ماماتت بتقوووم
وماتت ساره !
وشوق انعدم حالها وتغيررت صارت كئيبه وطول الوقت تصيح وتتذكرها غابت عن المدرسه لايام طويله وهالفصل تسكر ماعاد احد يدرس فيه لانه يحمل ذكرى كئيبه وكل من دخل فيه خانته دموعه ،
مرت الايام والشهور وبدت شوق ترجع مثل ماكانت وتتعود على موت ساره
بس هالاسواره ماتفارقها ولا لحظه وحييل تعززهها وماتتخلى عنها
.
.
.
_____________________
السـآعه 8 الليل
انتشر خبر حمل نوف والكل فرح ويبارك لهم
بيـت بو فيصل
دخلت ندى غرفة شوق الي كانت ظلام وبارده ، راحت جلست بأطرف السرير وتضربها بخفيف : شووق بس خلاص عاد قومي
شوق ببحه من كثر مابكت : اطلعي برا تكفين ندى
ندى بعناد : مراح اطلع لمتى بتجلسين كذا يلا قومي بعدين عندي لك خبرين بيفرحونك
شوق بحده : اططلللععيي برراا
ندى شالت اللحاف عن وجهها وقامت شوق وشعرها مبعثر ووجهها احمرر : غغببيييه ماتفهميين ؟
ندى ابتسمت ومدت يدها وفتحتها
طيررت عيونها شوق وهي تشوف اللولو الصغار بيدها : حقييني ؟؟
ندى : اييه ، لما خذوك الاداره وعرفت ان الحماره قطعتها لك رحت الفصل وحاولت اجمعها مره ثانيه عشان ترجعين تسوينها
شوق حطت يدها على فمها وهي تضضحك بفرح وطبت على ندى حضنتها بقووه وندى تضحك : يلا يلا قومي ارجعي سويها والبسيها وبعدين في خبر ثاني حلوو لازم اقوله لك
شوق بعدت وهي تمسح دموعها بظهر يدها : وشو ؟
ندى بهمس وهي تغمز : فيصصصل بيصير ابوو
شوق بصراخ : احححلللففففيييي وقامت بسسسرعه وتقحص لبرا الغرفه وتنزل طيران وكلهم مجتمعين وفيصل واقف طبت عليه حضنته : حبيبببييي الي بيصصيير ابوو
فيصل تراجع بخطواته و تمسك بقوه وهو يشدها عن لايطيح : خبله انتي خبله فيني انتي
شوق بعدت وهي تضحك وتبوس خده : ياخخي فررححت لك هذي جزاتي
فيصل ضحك وضربها بخدها بخفه : افرحي افرحي
ام فيصل تناظرها بطرف عين : اييه افرحي سبوع عطالي بهالبيت وش وراك
شوق وهي تضحك : سبوعين يمه سبوعين لاتنسين
الكـل ضحك عليها ولاهي مهتمه اصلا ان المدرسه عطوها فصل تأديبي لمدة سبوعين
______________________
بـآقي 3 ايام على الزواج والكل مجتمع بيت بو مشاري
بمناسبة حفل توديع العزوبيه
،
شوق وهي تقلد نبرة شذى بالكلام وتحرك شعرها بدلع : امماا ولد عمك ؟ تكفين ضبطيه لي اااننن اننننن
البنات فقعو ضحك عليها : هههههههههههههههههههه
شوق وهي تضرب كفينها ببعض : بس وربي اني بلعتها لسانها يااني طحت فيها ضرب سنه بساعه
ندى وهي ترفع حاجب بتأييد : ايي البنت عضت الارض للامانه
شوق تآخذ كاس عصير وتشرب : تستاهل الوصخه عشان تتعلم الادب على اصول
لين تربط المواضيع : يعني البنت الي معك ذي نفسها الي ناشبه لنواف في المستشفى
شوق تهز راسها بالايجاب : ااييي اااففف وكل يوم مرتزه بفصلنا وتسرد لنا وش سوت
لين بنبره غريبه : وانتي توطيتي ببطنها عشان انها ناشبه لنواف وجايه لك تضبطينه لها والا عشان قطعت سوارة المرحومه ؟
شوق وهي ترجع شعرها لورا : صراحه كنت ابي الزله عليها لانها باطتن كبدي بذا الموضوع ف لما قطعتها صراحه ماتحملت
لين ابتسمت على جنب اساسا كانت شاكه ان بين نواف وشوق شي من حركاتهم ! ولا معقوله ينرفزها وتضحك !! : ااامممم
ام مشاري واقفه وتناظر لينا بغييض ودها لو تروح وتفركها في الارض !! " هين يابنت ابوك هين بس !!
عن لينا الي حاسه بنظرات ام مشاري لها بس مطنشه
________________________
في مـآليزيآ ،
محمد وهو يزفر : اظن انك حفظت كم الماسه بذا العقد
ضحك سعود : هههههههههههههه وانت وش حارق قلبك
محمد : ياخي طقت كبدي ماغير تتمقل فيه بس عااد كلها كم يووم وبتلبسها اياه فكنا عاد
سكر سعود العلبه ووقف وهو يتنهد : ااف منك طلعت العن من نوافوه
محمد ضحك : هههههههه تصددق اني اول مابرجع اابي اشوف ذا النواف الي بلشتني فيه
سعود بنص عين : اااوو ابشرك لايقين على بعض طنجره ولقت غطاها ، واخذ جوال محمد الي كان على الطآوله واتصل على لين : خلني اكلم بس
محمد وهو ينافخ : اووهوو هذا انت ياتكلم ياتتمقل بهدايا ارحمنا ياخي
.
.
عند لين الي رن جوالها ولما طلعت شافت رقم سعود بس خافت يكون محمد ! ارسلت له : منوو ؟
عند سعود رفع حاجب : تستهبل ذي اي والله منو
محمد مافهم : وش فيك
سعود وهو يكتب رساله : داق على اختي وتقول منوو ؟ على اساس مدري مين بيكلمها برقم دولي الهبله ذي
محمد تذكر يوم كلمته وضحك بخفيف
سعود عطاه نظره واشر له بمعنى مجنون ! ومحمد رفع يده : لاا ابد سلامتك بروح اخمد انا ورانا اشغال بكره
وطلع من عنده
وسعود اتصل على ابوه ورد عليه بسرعه : هلاا والله بسعود هلا بولدي
سعود : هلا فيك زود يبه شخباركم
بو سعود : بخير يابوك ماناقصنا الا وجودك بيننا وانت وش مسوي
سعود وهو يضرب شنطته الي جهز فيها اغراضه : ااببد متشوق لشوفتكم واجهز لها
بو سعود بضحكه : وش دعوه تجهز لبعد شهور
سعود : جيتي باقي عليها سبوع يالغالي
بو سعود فزز : تممززح معي
سعود : ههههههههههه لا والله مامزح صار فييه تغييرات وبدل ماكانت 8 شهور اكتفينا بخمس شهور وهذا حنا سبوع وراجعين
بو سعود بفرح : الله يبششرك بالخير ويفرحك مثل مافرحتتنني
سعود : بس ماوصيك مابغى احد يعرف بذا الشي غيرك انت وفيصل ونواف غيرهم لاحد يعرف
بو سعود ويأشر على خشمه : على هالخششم انت تامر بس والله يرجعك بالسلامه ان شاءالله
سعود : الله يسلمك
________________________
السـآعه 2 الليل ،
بيـت بو سعود
فتح باب غرفته وشغل الانوار ومايحس الا باللي طلعت بوجهه : بووووووووهه
رجع لورا ضرب بالجدار : ووججججععع
لين فقعت ضحك : هههههههههههههههههههه
نواف يعض طرف لسانه ويدور شي يهبدها فيه : خبله انتي ؟ وش تسوين بغرفتتي
لين طلعت يدها من وراها ورفعتها تعرضها بوجهه نواف : ادور على ذا
نواف شهق من شاف عقد شوق بيدها وسحبه بسرعه : وكسسسرر وش له ماخذته هاه وش تبين فيه
لين تضيق عيونها : تفكر نسيت ! ولا مغفله ماحسيت بتصرفاتكم انت وهالخبله شوق ماشاءالله خبول تلوقون لبعض
نواف ضربها براسها : هههههههههه وش تبين
لين وهي تتنهد : ابد من زمان وانا اقول العقد ذا من له ؟ بس لما اليوم شوق قالت وش صار معها بالمدرسه ابصمت بالعشر ان العقد ذا لها
نواف مافهم : وش صار بالمدرسه !!
لين كشرت : واو يعني ماتدري ؟
نواف مافهم : ادري ب وشو هييهه تكلمي لا التك كف
لين تجلس على الكرسي وتتسند : الهبله شوق مفصوله من المدرسه سبوعين
نواف شهق : وووششوووووووو ليييهه ؟
لين ضحكت وسحبته من يده : وجع لاتصارخ الحين تجي امي تقول وش صاير ،
نواف ارتبك : زين قولي ليه مفصوله وش مسويه ماقالت
لين ضربته بيده : بعد صاير تكلمها ! اي والله ماقالت
نواف يسوي بيخنقها : بتتكلمين ولا شلوووون
لين بعدت : خلاص خلاص بتكلم يمه ! اسمعني تعرفف البنت الي تجي لامها في المستشفى ؟
نواف رفع حاجبه : اييه !!
لين فزت بحماس : البنت ذي مع شوق بالمدرسه زييين وتخيل ان صديقاتها مع شوق بالفصل وكل يوم تجي وتقول انها شافتك ومدري ايش وطبعا شووق تقول انها واصله حدها منها بس ساكته وذا الاسبوع جت لشوق شكلها عرفت انكم تقربون لبعض وطلبت منها تضبطك لها وشوق هزأتها ولعنت خير خيرها وذي البنت عصبت ومعطت شعر شوق وقطعت سوارتها الي من صديقتها الله يرحمها شـ.. قاطعها نواف بإندفاع : لحظه لحظه اي سواره واي مرحومه ؟؟
لين ضربته : اكمل شسوت بعدين اعلمك سالفة السواره
نواف مفهي : طيب
لين : لما قطعت سوارتها هجمت عليها شوق وضربتها خلتها تعض الارض واخذوهم للاداره وعطوهم فصل تأديبي ثنتينهم " وتقرص يد نواف وهي تغمز " واسألها انتي عشان وش ضربتيها ؟ قالت للامانه اني كنت ابي الزله عليها لانها قاهرتني اخخس واقطع البنت تنفصل من المدرسه عششانك ياولد وش عليك
نواف بضحكه : تمزححين ؟
لين : والله بعدين عندك اياها روح اسالها اذا هي تداوم ولا مفصوله
نواف : طيب وش سالفة سوارتها ؟
لين وهي تتنهد : ماتذكر قبل سنه وشوي ماتت صديقة شوق وتأثرت حيل عليها ؟
نواف وكأنه تذكر : اي اي بلا اذكر
لين : اي هذي كانت صديقة شوق بالحيل قريبه منها بشكل كبير والسواره هذي اهي مسويتها لشوق لما مرضت وقالت لها تذكريني فيها
نواف زم شفايفه : ااامممم
لين وهي تقوم : بس ان جيت للصدق ف شوق لعنت خيرها عشانك ايوووااا وش عليك
نواف رمى عليها علبة الكريم : اااصصص اننطططمي لااقوم عليك الحين
لين ضحكت وطلعت من الغرفه وتركت نواف يسترجع ذاكرته من فتره شوق اذا كلمته فجأه تنرفز وتقط عليه تلميحات بمعنى ان في احد مغنيك عني وتقصد شذى بكلامها صار شوي شوي يتذكرر وعرف الحين السبب البنت غيرانه !!! وختمت غيرتها ولعنت خير شذى
انسدح على السرير على بطنه وهو مييت ضحك ولقى شي يستلم شوق فيه
_________________________
يـوم الزواج
اول واحد صحى بالبيت تركي ، تروش بسرعه وطلع ومتوقع ان الكل قام من نومه وينصدم ان ولا احد قايم
انففججع وراح اول شي لغرفة داليا وفتح الباب بقوه وشغل الانوار وراح يفتح الستاير : هههيييهه قووومي وش ذا النوم للحين
داليا بصوت كله نوم ودفنت راسها تحت المخده : ببسس ششوووي حرام عليك
تركي راح لعندها بسرعه ويشيل اللحاف عنها ويقومها وهي مغمضه عيونها ويضرب خدودها : قومي قومي ولاشوي ولادقيقه قومي يلا عشان تجهزون
داليا شوي وتصيح : حرام عليك امس مسهرنا لبعد الفجر والحين تقومنا من الصبح
تركي مطير عيونه : اليوم زواجي زواجي انتي مستوعبه قوووومي يللاااا
وتركها بعد ماطير النوم من عينها ويروح لغرفة شوق ويفتح الباب بقوه ومن طبع شوق نومها ثقيل طفى التكييف وشغل كل الانوار وماحست بشي
راح لعندها ويهزها بقوه ويتكلم بعجله : شوق شوق شوق شوق قوممي يلا يلا يلا
شوق وهي دايخه وتلف وجهها للجهه الثانيه
ابتسم بخبث وتخطر براسه فكره : انتي ماينفع معك كذا !! ، وينحني لها ويحملها بسرعه وشوق ارتاعت : بسسم الله شنو شصاير ويني انا ششنوو
تركي فقع ضحك عليها ويدخل الحمام وهي مرتاعه مو مستوعبه ويشغل المويه ويرش بوجهها صصرخت بروعه : ياااااحممااااااااررر
طفى المويه وهو يضحك ويمشي بيطلع من الحمام : يلا خلصي تروشي عشان يمديكم تجهزون
شوق وهي وصصلت حدها بروحها ميته نوم وماسكه طرف بلوزتها مبعدتها عن جسمها : يقطع شكلك انت وعرسك فوقك
وطلع راح لغرفة ندى الي كانت مقفله الباب وخاف يدق الباب بقوه ويروع امه وابوه ، وشههق لما تذكر فيصل ونوف ويطلع برا البيت ويروح لبيتهم
ويعلق صبعه على الجرس وييررررننن بقوه بدون ماينقطع
.............
فيصل ونوف الي كآنو نايمين
فزت نوف بروعه وتصرخ : ففيييصصل صصاير شي وبعدت اللحاف بسرعه ونزلت ترككض ، وفيصل يقوم وراها ويركض بعد
واول مافتح الباب زفر تركي وهو يهمز صبعه : كل ذا نوم ! تشنج صبعي
فيصل يفرك جبينه وعيونه : وش فيك وش صاير
تركي طير عيونه : الساعه 9 الصبح اليوم عرسي لمتى بتنامون
فيصل تووسعت عيونه بصدمه ويلتفت لنوف الي تناظره وهي منفجعه طير النوم وتوها 9 !!!
فيصل من بين اسنانه : الحين يالوح ومخلي نوف تركض على الدرج زين ماطاحت وطاح الي في بطنها قلنا ماندري وش صاير بالاخير اليوم عرسك والحين الساعه 9 "ويرص بقبضة يده كانه بيعطيه بوكس بعينه " : اقول روح لااتوطا بك الحين
تركي بجديه : وش فيك انت على ماتقوم الحين ونروح نجهز يالله يمـ.... " سكر فيصل الباب بوجهه " رفس تركي الباب : وووجججععععع
___________________
عـلى المغرب
بيـت بو مشآري
الكل مختبص وبيروحون القآعه عشان يتضبطون هناك
نور وهي متوتره وتروح وتجي وريم تتمشى برود
جت نور وكفختها بالشنطه على راسها : حطيتي عدساتك ؟
ريم شهقت : يييووووهه نسيت
نور زفرت : يوووووهه ريم اخلصي عاااد مو كذا السايق ينتظر براا
ام مشاري بصوت عالي : يلااا ياببننااااااااااات
ونزلو بسرعه نور وريم ولينا بيطلعون والرجال سبقوهم للقاعه
ام مشآري تكلم لينا : اقول لينا بغرفتي شنطه صغيره حاطه فيها البخور والعود روحي جيبها
لينا زمت شفايفها : ان شاءالله ، وراحت
ام مشاري تأشر لنور وريم : يلا طلعو بسرعه وطلعو وطلعت وراهم وقفلت باب الصآله من برا وهي تبتسم بخبث
وراحت قفلت باب المطبخ الخارجي : علميني وشلون بتجين العرس
نـزلت لينا وهي تتكلم على الدرج : مـاشفـ..... فجأه سكتت لما مالقت احد ...: وينهم ، ، شههقت وركضت بسرعه جهة الباب وتفتحه الا مقفوول ، جمدت ملآمحها لما فهمت الحركه وترص على المقبض وتهز الباب بقووه : ههههييي نوووررر ررييمم ، فجأه رفعت راسها بشهقه لما انطفت الانوار ، ضربت الباب بعصبيه : لاااعععاااد مو كذا وش ذا المبزرره تعالي اففتحي البباااااااااابب
....
سكرت ام مشاري العداد وراحت ركبت السياره وتكلم السايق : حرك
ريم لفت بسرعه : يمه ليناا
ام مشاري بحـده : قلت حــرك
حرك السايق ومشى طلع من البيت ونور وريم يناظرون بعض مفهيين مو عارفين وش سوت امهم ب لينا وليه ماجات
واول مـادخلو القآعه استقبلوهم الكل وكانو سابقينهم وهم آخر ناس جاو
ام سعود تتفقدهم : وه وين لينا ماشوفها وياكم ؟
ام مشاري تبتسم بتسليك : بتجي بتجي بيجيبها مشاري
ام سعود : الله يصلحها وكان جات معاكم مره وحده بتطلع الرجال تخليه يرجع لها
ام مشاري : مافي مشكله عادي بس هي تأخرت شوي وقالت امشو ومشينا
ريم سحبت نور بعيد وترص على اسنانها : اممي تكذب تكذب
نور معصبه : ادري تكذب هي مسويه بلى بالبنت وش نسوي الحين
ريم : نكلم مشاري طبعا ونقول له يروح البيت الحين
نور خافت : طيب اذا عرفت امي بتعصب وبتقلب الدنيا علينا
ريم وصلت معها : يااعمي بقررييح تعصب كيفها اجل تقول للبنت روحي جيبي البخور بعدين تقول هي بتتأخر وش ذا العبط اهي ماتبيها تجي العرس انا متأكده
نور وهي تطلع جوالها : طيب طيب بكلم مشآري اسكتي
واتصلت علـيه وكل شوي تلتفت وتدور امها خايفه تشوفها
________________________
عنـد الرجـال
كآنو واقفين بجنب بعض والناس تجي تبارك لهم
عن تركي الي من دخل القاعه وقلبه يررقققع بشكل مو صاحي وكل شوي يرفع يده يراقب الوقت ويبيه يمر بسرعه
عنـد نواف وفيصل الي كانو واقفين جنب بعض
نواف : ماعرفت ولد عمك للحين دايم يبي يفاجأ الكل بحركاته
فيصل ضحك : هههههههههههههههه بس والله له فقده مكانه كبير هنا
نواف يتنهد : كلها اربع ايام ويكون بيننا
عنـد مشـآري
الي كآن منشغل ويشرف على التجهيزات عقد حواجبه بشك وهو يسمع جواله يرن ومو متأكد ، طلعه من جيبه والا يشوف نور تتصل ، رد بسرعه : هلاا نور وش عندك
نور بصوت هامس : مششاري اطلع من القاعه الحين
مشاري انصدم : ننععم وليييه !
نور وهي تزفر : مششاري اطلع من القاعه بسرعه وارجع البيت ضروري لينا صاير لها ششي هنناااك
مشاري طيير عيونه وركض لبرا القاعه وراح جهة السيارات وهو يركض وركب سيارته وهو مرتبك وخايف : ووش صايير تكلمي وش فيها لينا
نور بخوف : م مشاري مدري واالله م مدري كيف اتكلم بس امي مسويه بالبنت شي وماجات معنا اكيد مسويه لها شي
مشششاري جن جنونه ورمى الجوال وداس البنزين على اسسرع شي ويسوق بسرعه جنونيه وهو عاض على طرف شفته مايدري وش ممكن صاير لها وطاير قلبه بالحيل
______________________
عند هيآ
الي كانت تحط مكياج وفستانها معلق على الدولاب
ومنيره واقفه عند الباب : وش بتستفيدين اذا رحتي علميني
هيا زفرت : اووههوو تراك من الصبح وانتي تحنين تحنين خلاص عاد الزواج وبروح ريحي لي بالك
منيره تهز راسها بالنفي : ماتروحين
هيا طنشتهآ وجلست ترسم الايلاينر وتبتسم ببرود اعصاب لكن من دآخلها تحترق
منيره ترفع صبعها بتهديد : والله اقـول لامي انك بتروحين عرس ذا التركي
هيا على طول صفعتها بالبلاشرر : اقسسسم بالله اذبحك تفهمين وش معنى اذبحك خلاص منيره وربي طفشتيني حنتك مالها داعي خليني اجهز بهدوء لان حنتك مراح تقدم ولاتأخر وفري كلامك لنفسك اوووفف
تنهدت منيره وطلعت وصفعت الباب وراها وهي معصصبه
سحبت نفس هيآ وراحت سحبت فستانها الي كان نفس فستانها بيوم ملكتهم ناعم ححييل وبعناد بتلبسه اليوم
____________________
|