[فيتامين سي]

بدر آآآه لو اعرف ياشوق بس وش سسر هالكرهه هذا لي )

........................

لميس : ارييج

اريج : خير مع ان ماوراك خير

لميس : قوومي قوووومي بنروح الظهران نتغدى

اريج وقفت : احللللللللللللللللللللللل للفي

لميس : والله يالله يالله قووومي سامي اخوي يحترينا برااا بس انا وانتي وهوو

اريج : يالله ياالله جايييه جايييييييييييه

وقفوا لميس واريج ولبسوا عباياتهم ونزلوا وركبوا سيارة اخوهم سامي وبما أن اريج الكبيره هي ركبة قدام

سامي : تأخرتوا

اريج : لا تأخرنا ولا شئ لبسنا عباياتنا ونزلنا

سامي : تبون الظهران ولا الرااشد

لميس : الظهراااان

اريج : الظهرااان احسسن

سامي : طيب

وصلوا للظهران ونزلوا سامي واريج ولميس

اريج : تعاااااااااااااااااااااال وا

لميس وسامي : شفييييك

اريج : تعالوا تعااالوا بدخل محل كوتون

لميس : اووه اريج مو حلو

اريج بأصرار : روحوا المطاعم وقولوا لي انتو وييين اوكي

سامي : لالا وين تروحين لوحدك

اريج : ليه احنا مانجي لوحدن

سامي : بس تجين مع لميس هالمره لحالك لالا بنجي معك نحتريك براا

اريج : لايكثر بس روحوا وانا اجيكم

راحوا سامي ولميس وجلست اريج بمحل كوتون تششوف الملابس

خلصت وشرت لها جينز وتيشرت وطلعت

طلعت جوالها من شنطتها الفخمه شافته مقفل وشهقت

اريج : ياويليييييييييييييي الحين كيف اتصل عليييهم

راحت لجهة المطاعم وجلست تبحث عنهم مالقتهم

اريج : الله يقلعهم ويين راحوا

وجلست تدور وتدور لكن صدمة بأحد طويل وجلسمها متصادم بجسمه

اريج كانت منزله راسها وتحاول بجوالها يفتح بس اول ماصدمة فيه تيبست رجولها ورفعت عيونها العسليه له وطاحت عينه بعينها

اريج بأرتباك : آس .آسفه

ببتسامه عذبه ذوبت اريج : حصل خيير بس ياحلو شسمك

اريج مشت على طول وجلست تحاول بجوالها يفتح لكن حست بهالرجال يلحقها ويصفر

اريج بصوت خايف : ياويلي ياويلي وش اسسسوي هالحين هالزفت يلحقني

دورت اخوانها مالقتهم ولفت ترجع ورى يوم شافته وقف يوم وقفت وجلس يناظر فيها

كانت اريج جذابه بعبايتها وعيونها الوساع العسليه جذابه وحلوه طاحت عيون الرجال بعينها

واريج نزلت عيونها وعلى طول مشت بجمبه ولا كأن احد جمبها لكن الرجال مسك يدها ووقفها

: ياحلو عطينا وجه

اريج بعصبيه : هيييه ابعد عن يدي

: ماراح ابعد الا لما تعطيني رقمك واسمك

اريج : احلم وابعد عن يدي

جاء صوت من وراها : ارييييييييييييييج

اريج التفتت لورى وشافت اخوها سامي وشاف الرجال وهو ماسكها من يدها وشابك يده بيدها عشان ماتهرب

: اووه اسمك حلو اريج

اريج ناظرت بأخوها بخوف اما سامي تقدم للرجال وقال : ايا الحيوان القليل الادب ابعد عن اختي

: اختك الي ماسكه يدي

سامي بعصبيه : احترم نفسك وابعد عن اختها

ابعد يده عن اخته ومشى وهو مبتسم وبنفس الوقت متضايق لانه رمى البلى عليها بس مايهمه ياما حصلت له هالموقف

..............

ريان < العمر : 25 .. معيد في جامعة الملك فيصل بالخبر

..................

سامي بعصبيه : امشي يالحيوانه امشي

اريج دموعها على خدها واخوها ماسكه بقوه : والله مالي دخل والله ياسامي والله

سامي : بعدين نتفاهم امششي

راحوا لطاولتهم

سامي : لميس قومي

لميس : لييييه جالسه اكل

سامي بعصبيه : اقولك قوومي

قامت لميس خوف من اخوها وماسك اريج ويناظر بلميس الي تمشي بسرعة اخوها

طلعوا برا وركبوا السياره سمعت صوت وراها اريج قبل لاتركب

: ارييييج

اريج وسامي ولميس التفتوا كانت اسيل مع اختها نوره وأصروا على بنت عمهم رشا تجي معهم وجت

سامي : تعرفينهم اريج

اريج هزت راسها بنعم : ايه صحباتي

سامي : روحي لهم ولاتتأخرين

راحت اريج لهم وسلمت عليهم

اسيل : وييين اريج وحشتيني وش هالصدفه

اريج ابتسمت بحزن : وانتي وحشتيني

اسيل : ارووجه شفيك متضايقه

اريج : لا بالعكس لامتضايقه ولا شئ

اسيل : ايه صح اعرفك هذي طبعاً تعرفينها اختي نوره والثانيه بنت عمي رشا

رشا سلمت على اريج : السلام

اريج : وعليكم السلام تشرفت بمعرفتك يارشا

رشا : وانا بعد اتشرف بك

نوره : شخبارك اريج

اريج : الحمدلله بخير وانتي شخبارك

نوره : تمام

اريج : يالله انا بروح اخوي سامي واختي لميس يحتروني بالسياره

اسيل : وييين بدري

اريج : لا والله جايين من زمان تغدينا وبنرجع تبون شئ

اسيل ونوره ورشا : سلامتك

ركبت اريج السياره قدام

سامي ماتحرك والتفت لاريج : مين هذا

اريج ودموها على خدها : والله ياسامي والله انه واحد من الطايشين مسك يدي والله

سامي : انا واثق فيك يا اريج وقولي لي السالفه من اولها

اريج بكت : اول ماتركتوني دخلت المحل وطلعت وطلعت جوالي من شنطتي شفته مقفل والله واذا مومصدقني اخذه وحاول تفتحه وجلست احاول فيه يفتح ومشيت لجهة المطاعم وصدمة فيه وبعدها اعتذرت وقالي حصل خير ومشيت عنه وجلس يلحقني ويصفر وانا خفت وجلست ادوركم مالقيتكم والتفت ارجع ورى ومريت جمبه ولا كأني شفته ومسك يدي وقالي شسمك وكذا وانا ماعطيته وجه وجلست اقوله ابعد عن يدي موراضي ولحد ماجيت ومشى والله هذا الي صار واذا مومصدقني الله شاهد على كل شئ

سامي ابتسم : طيب خلاص لاتبكين مصدقك انا لو مو واثق فيك ولا كان شكيت فيك

وحرك السياره ولميس فهمت السالفه كلها وسكتت وعارفه ان السالفه كلها صدق ومستحيل اريج تسوي الغلط وماخذتها بأهميه اما اريج دفنت راسها بحضنها وجلست تبكي

لميس : ارووجه ووجع خلاص ليه تبكين حنا واثقين فيك

اريج : لا بسس سامي بالبدايه شك

سامي : اي واحد بمحلي بيشك صح لميس

لميس : صح واول مافهمتينا السالفه خلالاص عادي

سامي : الحين نرووح ستار بكس عشان اريج تحبه وشتبين اطلب لكم

لميس : انا كبتشنو

سامي : والحلوه اريج وشتبي

اريج بصوت مبحوح بعد مامسحت دموعها : موكا بارد

سامي : اووكي

....................................

على طاولة الطعام اللكل جالس نوف وساره ورائد وابوفيصل وام فيصل

نوف : اييه يمه ماقلت لك

ام فيصل : شنوو

نوف : اليوم رئود اخوي اخذ شوق من شقتها وطلعها ويوم تدقين عليه يجينا كان اهو معها من 10 لـ 12

ام فيصل : جد رائد

رائد ابتسم : ايه جد اتصلت عليها وطلعتها معي تمشينا ورحنا ستار بكس ورحنا الواجهه البحريه وسولفنا ومرينا نوره وساره ورجعتها شقتها

ابوفيصل بعصبيه : وبدر يدري

ساره : لاا

رائد : لا

ابوفيصل : وليه تطلع بدون علمه

رائد : ماطلعت مع غريب م اخوها

ابوفيصل : ولوو ماني نخسر الرجال

رائد : يبه تخسره لمجرد شوق تطلع مع اخوها واصلاً اتصل عليها وقالت له عادي ماعصب

ابوفيصل : الحمدلله

نوف : ابي اعرف ليه تحسب له مليون حساب

ابوفيصل : لان حنا شراكه معهم وزوج بنتي

ساره : بس كأننا فقاره وانت تشغل عنا وتطلب رضاه وكأن مو مصدقين ان الولد ماخذ اختنا

ابوفيصل : ايوه مومصدقين بدر هذا بلاكم ماتعرفوه من بد البنات اختار اختكم

نوف : والزقتين فيه وفي اهله

ام فيصل: نوف اسكتي على الاكل تقولين هالكلام

نوف : طيب اسسفه

ابوفيصل : هالمره بمشيها مره ثانيه ماراح امشيها

ساره : والله انا مدري هو انسان ولا ملاك

ابوفيصل : مو ملاك انسان بسس هو اللكل يتمناه

نوف : واختي ماتتمناه

ابوفيصل : لانها مجنونه

ام فيصل : لاتفتحون سيرة شوق وبدر خلالاص سكروها واكلوا وانتو ساكتين

.............................................

جاء العصر على الساعه 3

بدر : شوق

شوق : خير

بدر : جهزتي اغراضك

شوق : هذهم

بدر : البسي عباتك بودي الاغراض السياره وتعالي اركبي اووكي

شوق : طيب

ركب بدر الاغراض السياره وركب وشوق ركبت وراا

بدر : شوق كم مره اقولك اركبي قدام

شوق بعناد : وكم مره اقولك ماراح اركب وحرك

بدر يدري لو بيجادلها بيتب وبتعاند اكثر ففظل يحرك وهو ساكت لكن صوت مسجات توصل لشوق ازعجته

بدر : مين يرسل لك

شوق : مالك دخل

بدر بعصبيه : انا زوجك ولي دخل

شوق : لا مالك دخل بس زواجنا بالاوراق فاااهم

بدر : شوق مين تراسلين قوولي

شوق بعصبيه : مالك دخل مالك دخل

بدر التفت لورى وسحب الجوال منها لكن صرخة شوق اوقفته : انتبببببببببببببببببببببب ببببببببببببببببببببببببب بببه

بدر التفت لقدام وكانت سياره قدامهم تمشي لف بدر بقوه للجهه الثانيه وصدم بالرصيف ماكانت الصدمه القويه عاديه سكر السياره بدر واسترخى على الكنب بتعب وهو يحمد الله ماصار شئ مو خايف على نفسه كثر ماخاف على شوق

شوق بعصبيه : شفت شفت كنت بتروحنا

بدر ببتسامه : تصدقين انا ماخفت على نفسي ولا على السياره خفت عليك انتي وانقذت بس حياتك انتي بس لو كنت انا لحالي كان تسببة بنفسي وسويت الحاث عشان اموت ولا تجرحيني كل يوم

شوق اثرت فيها كلمته ونزلت راسها ورفعته وردت : اذا ماتتحمل الجرح مني طلقني وارتاح وريحني

بدر : ترتاحين انتي لكن انا مارتاح اتعذب انا ياشوق قبل لاتزوج متعذب ويوم تزوجتك بظل متعذب مدري متى الراحه بحس بطعمها حسسيني ياشوق بالراحه لاتحبيني على الاقل عامليني عدل مثل الاخو لاخته

شوق : بتوديني للبيت ولا بنوقف كا

بدر حرك السياره والصمت كان ثالثهم وماقدر بدر يقطع الصمت

وصلوا للبيت ونزلوا كان البيت فخم فيه اشجار من برا وبعدها باب فخم دخلوا البيت وكانت حديقه كبيره عشب وكراسي وانوار وفيه طيور مو حقيقه مجرد تزيين للحديقه وفيه طريق ممشى وفيه بركه كبيره وفيه مراجيح كان البيت فخم من قدام دخلوا داخل كان بالجهه اليمنى صاله واليسرى صاله والمطبخ بوسط البيت والدرج الكبير بالوسط وفيه غرفه داخل البيت فخمه وكل غرفه لها ستايلها ورونقها صعدوا للدور الثاني كان فيه صاله فوقيه كبيره وبلكونه ودخلت شوق غرفتها كانت سرير بونفرين كبير وفي ستاير وصاله وبلازما ودورة مياه "الله يكرمكم" والجبس فخم وصبغ الغرفه فخم ودارت على كل غرف البيت لكن تذكرت شئ ان الغرف كلهم على بونفر الا غرفتها على بونفرين

شوق التفتت لبدر : بدر

بدر : عيون بدر

شوق : ليه غرفتي بونفرين

بدر : لان شوق وبدر بينامون بغرفه وحده

شوق بعصبيه : هييه هييييييييييييه لاتنسى نفسك انا بختار لي أي غرفه بس انام معك بغرفه وحده احلمم

بدر : بس ياشوق حنا زوجيين مو اخويين والله

شوق : احمد ربك لو عاملتك مثل اخوي وانا بختار لي اي غرفه او انام بالصاله عادي بس معك بغرفه لالا

بدر : خلاص لاتعصبين انا بدور لي أي غرفه وانتي نامي بغرفتك

شوق حمدت ربها انه وافق بس بعض الاحيان بدر يعند ويمشي رأيه لما يشوفها تعانده دخلت غرفتها ورتبت اغراضها

دخل عليها بدر : خلصتي

شوق : باقي شوي الا اقول الحين تبيني انظف انا هالبيت الي وشكبره لوحدي

بدر : ايه شفيها

شوق : جيب لي شغاله

بدر : اجيب شغاله وانتي وش شغلتك بالبيت

شوق وقفت وتخصرت : ليه شايفني شغاله

بدر : لاانتي اكرم من الشغاله بس

شوق : لا بس ولا شئ البيت وشكبره وتبيني انظفه

بدر : محد بالبيت وماراح تنظفين غير تحت

شوق : هههههههههههههههه وليه ماراح يصير فيه غبار واضطر انظف

بدر : اخذي شغالة اهلي ولا اهلك

شوق : افففففففففففف بتجيب شغاله يعني بتجيب فاهم

بدر : لا مافهم الاستيعاب بطيئ

شوق عصبت وطلعت من الغرفه وهي طالعه ضربت بدر بكته

بدر ابتسم : صراحه ألمتيني

شوق نزلت تحت وجلست وناظرت بشكل البيت كان فخم وحلووو



شوق ابتسمت بسخريه وهي سرحانه : ( وشبيقولون الناس بنت صغيره متزوجه واحد تاجر ومعروف وله مكانته مسكنها ببيت فخم قصر وحلاله بعده بيكون لها هذا كلامهم لكن مايدرون انا كيف اتعذب وكيف حياتنا يحسبون الناس اننا عايشين بسعاده مانعرف طعم الحزن بالعكس حياتنا كلها حزن بحزن ولا مر طيف السعاده نقول غريبه )

جاء بدر وشافها مبتسمه ومبين على ابتسامتها السخريه لكن حلوه وعذبه