مع الزحمه وصلوا للمستشفى واسعفوا دلال ودانه لكن راكان حس شئ بأتجاه دلال شئ غريب يمكن إعجاب او حب مايدري بس هالشئ غريب ودائماً يحسه لمجرد اول مايشوف دلال لكن هالمره غير يوم شافها هالمره تبكي ومكسوره بعكس غرورها ودلعها جلسوا على الكراسي شذى وريما وهم متضايقين على حالتها عرفوا ان دلال اعتدوا عليها وماعادت بنت ولكن دانه مايدرون
طلع الدكتور
راكان راح له : دكتور شخبارهم
الدكتور : شنو تقرب لهم ؟
راكان : دانه اختي ودلال بنت خالي
الدكتور : دلال مافيها شئ بس دانه لازم نسوي لها عمليه بظهرها لانها تعرضت لكسر بظهرها
راكان : قويه
الدكتور ابتسم وهو يطمن راكان : لاتطمن مو قويه بنعمل لها العمليه بكره
راكان : مشكور دكتور ماقصرت
الدكتور : لاشكر على واجب
مشى الدكتور وراكان سمحوا له بدخول غرفة دلال بس اما دانه ماسمحوا لهم بالدخول دخلوا راكان وشذى وريما غرفة دلال الي متكوره وراميه وجهها بحضنها وتبكي وتشهق
ركضت لها شذى وضمتها وبكت معها : دلاال قولي لي وشفيك قولي لي السالفه
دلال بصوت يقطع القلب : شذى ......شـ.....ذ....ى........اعتدى ..علـ..ي..علي اعتدي
وجلست تضرب بيدها السرير بجنون وتبكي وتشهق راكان اول ماشافها بهالحاله تقدم لها
راكان بصوت مليان حنان : دلال اهدي وقولي السالفه
دلال : وش اقول وش اقول اكثر من كذا اكثر من اعتدى علي
راكان : دلال انتي مو بنت
دلال وهي تبكي : لاااااااااا مو بنت مو بنت مو بن
راكان كان عارف من اول ماسألها سووا لكم شئ وقالت ايه لكن يوم سمعها منها حس ان شئ داخله تحطم لكن الاحساس الغريب الي يحس فيه رجع له ورق قلبه لها
راكان : وش صار بالضبط
دلال استسلمت انها تخبرهم : نزلنا نروح المطبخ سمعنا اصوات صراخ اغاني وضحك دخلنا الصاله انا ودانه شفنا 3 رجال وشغالتكم ارتيني ويرقصون واغاني وكذا وتقدموا منا ودانه ضربتهم وطلعنا من الصاله وجانا واحد وهو الي اعتدى علي (وبكت بطريقه تقطع القلب)....................................... ..... .................................................. .............................................
راكان : وبعدين ؟
دلال : بعدين جيتو انا جلست ابكي ودانه طيحها هذا على الدرج وبسس
ولفت وجهها وجسمها للجهه الثانيه وانسدحت على السرير وغطت كل جسمها ووجهها بالبطانيه وبكت بصوت عالي وتشهق
ريما وشذى جلسوا حوالينها بالسرير وراكان يرق قلبه لها
راكان : ( وييين دلال الدلوعه المغروره الي نبرتها واضحه فيها الغرور والثقه صارت مكسوره وتبكي وبنبرتها واضح الانكسار والحزن .. دلال ارجعي الدلوعه المغروره الواثقه بس لاتكونين المكسوره الحزينه )
.............
في بيت ابوسامي
طلعت منال من المستشفى بعد ماخيطوا لها رقبتها ماصار لها شئ لكن للحين ببالها الانتقام ونفذت اول خطوه من الانتقام
اول ماحققوا معها مين ضربك قالت لهم مين ضربها عبدالعزيز وسجنوه ورشا رجعت بيت اهلها مثل العازبه لكن على ذمة رجال ومنال مبسوطه على حالهم الحين نفذت اول خطوه وثاني خطوه بتنفذها اليوم ماتابت
في الذاكره
...
في المستشفى اول ماسمحوا لها بالخروج قالت لاخوها
منال : انا بروح دورة المياه "الله يكرمكم" خلكم هنا اوووكي
سامي : اوكي
راحت منال مو ناويه لدورة المياه "الله يكرمكم" راحت لغرفه ولبست روب الدكاتره وعملت حالها دكتوره وراحت لغرفة واحد مريض بالايدز وسحبت منه دم وحطته بأبره وللحين الدم موجود عندها ناويه تسوي فيه شئ
.................
صحت من افكارها وهي مبتسمه بخبث وفتحت شنطتها وطلعت الابره الي فيها الدم
منال : ههههههههههههههههههه مو انا منال الي تاخذين مني زوجي يارشا
لبست عبايتها ونزلت تحت لكن من حظها ان مافي احد ركبت مع السايق وتوجهة لبيت رشا وصلت ونزلت رنة الباب وفتحت لها الخدامه
: مين ؟
منال : انا منال مدام رشا موجود
: يس مدام فزل "تفضل"
دخلت منال ونزلت رشا بدلع وغنج واول ماشافت منال وقفت بنصف الدرج خايفه لاتجيها بلاوي بعد اكثر من كذا منها
منال : ماراح تقولين لي تفضلي
رشا بعصبيه : انتي وشجابك هنا هاااه وش جابك
منال : مشتاقه لك ماتحمدتي لي السالفه بعد الانكسار الي برقبتي صار من سبب زوجك جيت انا بنفسي لك عشان تتحمدين لي السلامه
رشا : منال اقصري الشر واطلعي برا
منال : لا رشااا حرام عليك تطرديني
وجلست بأقرب صاله وحطت رجل على رجل ورشا بقهر راحت لها وبنبرة أمر : برا
طلعت منال من شنطتها الابره الي فيها دم المريض بالايدز والي ناويه بتنقله لرشا
رشا بخوف : شنو هذا
منال : هذا لك
رشا : انتي مجنونه
منال مسكتها بقوه وقربت الابره منها ورشا بسرعه اخذت الابره ورمتها ومنال اخذتها من عالارض وابتسمت بخبث ودخلت الابره بيد رشا ورشا تصارخ
رشا : ياحقييييييييييييييييييييي يره ابعدي هالابره عني ابعدي
طلعت منال الابره من رشا وابتسمت بخبث : رشا حبيبتي انا اخاف علي حللي بالمستشفى وشوفي المرض الي فيك وتابعي حالتك
وابتسمت بخبث وطلعت وهي بيدها الابره رمتها بالشارع وانكسرت
وركبت السياره وهي تبكي
منال : ( سامحني ياربي سامحني ماسويت هالشئ الا من قهري والله ابي اخذ حقي يارب سامحني يارب )
وصلت لبيتهم وانزلت وهي تبكي وركضت لداخل وماعبرت الموجودين والي بس كانت اريج
اريج اول ماشافتها تبكي وتركض لفوق ركضت وراها
اريج : منااااااااااااااااااااااا ااااااااااااااااااااااااا ال
منال بصوت عالي : مابي اشوف احد لاتصعدين لي
اريج ماهتمت ودخلت رواها الغرفه
منال بعصبيه : قلت مابي احد وشتبين
اريج : وشفيك انا عارفتك مسويه اجرام قولي وش سويتي بعد عبدالعزيز بالسجن ماباقي الا رشا
منال ارتمت بأحضان اريج : اريج انا سويت الي ماينتسوى الي ماينتسوى
اريج بخوف : شسويتي يامنال
منال : تذكرين يوم اقول بالمستشفى قبل لانطلع بروح دورة المياه "الله يكرمكم"
اريج : ايوه
منال : مارحت دورة المياه "الله يكرمكم" لبست لبس الدكتور وعملت حالي دكتور ودخلت غرفة مريض بالايدز واخذت منه دم ورحت لرشا ونقلته لها
اريج : انتي هبله ولا هبله ولا ايش انتي عاقله ولا مجنونه
منال : اريج انا ماسويت هالشئ الا من حر مافيني
اريج : سوي أي شئ لو تعطينها مخدرات تقدر تتعالج بس الايدز الايدز يالمجنونه الايدز تبين تروحينا ورى الشمس بتفضحينا انتي ولا ايش
منال : ارييييييييييج انا موندمانه مو ندمانه بس منقهره للحين منقهره
اريج طبعت كف قوي على خدها : مجنووووووووووووووووووووون ه
منال جلست على الارض وتبكي : يارب سامحني يارب
اريج : رشا كيف دخلتي الابره فيها
منال : غصبتها
اريج : وهي صاحيه ولا ايش ؟
منال : لا صاحيه
اريج : ياويلي ياويلي عشان تشتكي ونروح ورى الشمس لا وبعد صاحيه لا بالله بننفضح والسبه انتي وحقدك
منال : يالله يالله يالللـااااااااااااااااااا اااااااااااه
اريج طلعت من الغرفه وسكرته بقوه وهي منقهره من منال وجلست بالصاله
اريج : ( لامن جد بننفضح وهالسبه هالمجنونه منال )
.........................
في اليوم الثاني
...
في بيت ابوفيصل
ساره : ياويلي وشخبار شوق
رائد : وش اقولك ياساره تبكي وتشهق تقطع القلب
ساره : ياويلي على اختي ياويلي من هم لهم ماذاقت طعم السعاده بحياتها هالمسكينه
رائد : ايه والله
ساره : بس في شئ غريب بالقصه ان شوق ماتحب بدر كيف تبكي عليه واهي الي تتمنى له الموت
رائد : مدري سألتها وقالت كنت ناويه افتح صفحه جديده
ساره : هالمسكينه يوم نوت تفتح صفحه جديده صار لها الي صار ياويلي
..............
في بيت ابوفارس
اول ماتلقى الخبر فارس ما تضايق كثر ماتضايق على شوق بما ان وصله ان حالتها تقطع القلب
جلس بالصاله على الكنب ككون مافي احد وعلى وجهه باينه الضيقه رن التلفون ورفعه وهو ماله خلق شئ
فارس : الوو
صوت انثوي ناعم : السلام
فارس : وعليكم السلام
: موجوده لجين ؟
فارس : طيب لحظه
وجلس ينادي بصوت عالي : لجييييييييييييييييييييييي يييييييييين
دقايق وجات لجين وهي تصارخ : نعم خير ليه تنادي بصوت عالي انا مو
فارس بمقاطعه وضيقه : تلفون
لجين عرفت سبب ضيقة وراحت للتلفون ردت : الوو
: هلا شخبارك
لجين ببتسامه : هلا وغلا بجووري انا تمام انتي كيفك ؟
جوري : هلا فيك .. دوم ان شاء الله انا بخير
لجين : شخبار مرة اخووي الي تتغلى وتعمل فيها ثقل
جوري ضحكت بنعومه وخجل
لجين : ياعيني على الخجل الا اقوول جوري انتي موافقه
جوري : هممممم ماراح اقولك يالملقوفه
لجين : يالله عااد قولي موافقه ولالا فرحينا على هالضيقه
جوري : همممم موافقه
لجين جلست تزغرد : اقوول مبروك
جوري وبصوتها الفرحه : ايووه
لجين : مبروووووووووووووووووووووو وك يامرة اخوي
جوري : الله يبارك فيك الا قولي لي وش الضيقه ؟
لجين بضيقه : زوج بنت خالتي شوق صاير له حادث وبالمستشفى وحالته خطيره
جوري : لاحول ولا قوة الا بالله (وتذكرت شئ وتكلمت بلهفه وخوف) وشوق شخبارها
لجين : حالها مايسر ابد ياجوري
جوري : ياربي هالبنت مسكينه ماذاقت طعم السعاده
لجين : ايه والله المسكينه
جوري : بأي مستشفى بزورها
لجين : بمستشفى سعد التخصصي
جوري : اوكي يالله مع السلامه
لجين : مع السلامه
سكرت جوري من لجين وهي متضايقه على شوق ومقرره تزورها نزلت تحت شافت كالعاده اختها نجد جالسه
جوري : نجد
نجد : خيير
جوري : نجد زوج صديقتي شوق بالمستشفى وبزورها
نجد التفتت لها : لاحول ولا قوة الا بالله
جوري : اي والله شفتي وحالته خطره
نجد : من خبرك
جوري : لجين وقلت لها اني موافقه
نجد : وااااااااااااااااي الف مبرووووووووووك
جوري : هالفرحه ماكتملت
نجد : ليه ؟
جوري : لان زوج صديقتي شوق بالمستشفى
نجد : هذا شئ مقدر ومكتوب
جوري : بزورها اليوم
نجد : انتي هبله تزورينها
جوري : ليه هي صديقتي ولازم اوقف معها مهما صار
نجد : جوري تبين تسوين مشكله بالمستشفى وتتهاوشين معها اهي للحين بعز الصدمه ماصحت منها لاتزورينها الا لما يمر وقت
جوري : يعني ماروح
نجد : لا لاتروحين
جوري : يالله
.........................
في المستشفى
شوق واقفه عند الباب الزجاج لغرفة بدر وتناظره من الزجاج وهي تبكي
شوق : بدر لاتخليني لاتخليني
سمعت صوت من وراها جاي ويبكي كانت ام بدر وابوبدر
ام بدر ركضت لشوق : شخباره
شوق بوسط دموعها وتشهقها : حالته خطره
ابوبدر : شوق وش قال الدكتور ؟
شوق : يقول احتمال كبير يكون مقعد
ام بدر جلست تضرب براسها : ياويلي ياويلي ياولدي يابدر ياويلي
ابوبدر : لاحول ولا قوة الا بالله
رن جوال ابوبدر ورفعه وبيتلقى صدمه ثانيه رفع الجوال ورد
ابوبدر : نعم راكان
راكان بضيقه : يبه شخبار بدر اخوي ؟
ابوبدر : حالته خطره احتمال كبير يكون مقعد
راكان : لاحول ولا قوة الا بالله يبه بقولك خبر
ابوبدر : بعد شنو ؟
راكان : يبه دانه
ابوبدر بخوف : وشفيها دانه
راكان : يبه امس في بيتنا الانسه الشغاله عازمه رجال عندنا
ابوبدر بخوف وصدمه : شنوو
راكان : ايوه يايبه ورقص واغاني وشافتهم دانه مع بنت خالي دلال وهجموا على دانه وضربوها
ابوبدر بخوف : انت وش تقول وش تحكي انت صاحي ولا مجنون
راكان : انا مثلك ماصدقة لكن هذا الي صار لاتخاف ماتعرضوا لدانه بس ضربوها
ابوبدر : بسس متأكد
راكان : ايوه بس ونقلتها للمستشفى قالوا في كسر بظهرها وبيعملون لها عمليه
ابوبدر : ياويلي على بنتي ياويلي
راكان : هذا الي صار يايبه وحالتها بخير
سكر راكان من ابوه وابوه موقادر يتحمل الي يصير وخبر ام بدر
ام بدر صرخت : يمممه بنتي
شوق : يااربي وش هالمصايب وش هالمصايب يااربي
دقايق ووصلوا اهلها وارتمت بأحضان امها واختها اروى وساره وهي تبكي
شوق : اروى ساره بدر بيصير مقعد بيصير مقعد
اروى : هذا شئ كاتبه الله ياشوق ولا لنا اعتراض عليه
شوق : ونعم بالله بس يا اروى يوم قررت افتح صفحه جديده التقيت خبر ان صار له حادث انا خايفه مايسامحني اخاف يموت وهو زعلان مني
ساره : شوق وش هالكلام له طولة العمر ان شاء الله
شوق : اميين
..........
في المستشفى
دانه سوت العمليه والحمدلله بأحسن حال لكن لابد من التعب
ودلال طلعوها من المستشفى
في غرفة دانه
كانت جالسه وتحس بتعب بظهرها موعارفه تتحرك ولا شئ
ام بدر : شخبارك حبيبتي يألمك شئ
دانه لفت وجهها للجهه الثانيه مالها خلق أي أحد لا امها ولا ابوها ولا اخوها ولا احد
ام بدر بضيقه : دانه شفيك
دانه بصراخ : مابي اشوف احد مابي اشوف احد طلعي برااا طلعي برااا
ام بدر بضيقه وقفت : طيب طيب براحتك
طلعت ام بدر وراحت لغرفة بدر شافت شوق واهلها والحزن يعمهم وككون المكان زحمه كانت تفضل تروح لدانه لكن قلبها مع بدر الي للحين ماصحى وماتدري متى يصحى لكن دانه مالها خلق احد وحالتها النفسيه زفت
ام فيصل : شخبار دانه يا ام بدر
ام بدر بضيقه : حالها ماتغير وكل يوم يسوء
ام فيصل : لاحول ولا قوة الا بالله الله يصبرك
ام بدر : ماخبروكم عن ولدي بدر بشئ
ام فيصل : لا والله حاله ماتغير
جلست ام بدر جمب ام فيصل وجلست تبكي بحرقة قلب
ام فيصل حطت يدها على ظهرها : تعوذي من الشيطان يا ام بدر ولاتبكين انتي انسانه مؤمنه بالله
ام بدر : ونعم بالله .. لكن في اصعب يا ام فيصل اثنين من عيالك يدخلون المستشفى واثنينهم حالتهم سيئه
ام فيصل : مالومك والله بس هذاني مريت بمثل مامريتي ثلاثه من عيالي بحادث واحد وفقدت وحده منهم روح قطعه مني فقدتها بالله عليك في اصعب من كذا
ام بدر بكت بحرقة قلب ودفنت راسها بحضنها
اقبل راكان بجهتهم وناظر حالتهم واول ماطاحت عليه عينه على امه الي راميه راسها بحضنها وتبكي
راح لها وجلس جمبها ككون في مكان جمبها فاضي
راكان : يمه لاتبكين ترى دموعك غاليه
ام بدر : كيف مابكي ياراكان كيف مابكي واثنين من عيالي بالمستشفى واحد ماصحى وماندري متى يصحى والثانيه حالتها النفسيه زفت
راكان : الله يصبرك وان شاء الله يقومون بالسلامه
ام بدر : اميين
راكان وقف : انا رايح لدانه
ام بدر : لا لاتروح ماتبي احد
راكان : لا بروح بكلمها بموضوع
ام بدر : طيب روح
اختفى راكان عن امه وتوجهه لغرفة دانه
|