شذى كانت تلعب مشاري الي طول الفتره يبكي فاقد الحنان فاقد الأم والأب الي يضمونه ويحسسونه بالأمان فاقد كل شئ
شذى وقفت وجلست تدور فيه بالصاله ارتاحت إنه نام وبترتاح من بكاءه ودته لغرفته وسدحته على السرير وغطته بالبطانيه ونزلت تحت شافت امها توها جالسه بالصاله
شذى جلست جمبها : اففففف ازعجني وربي مشاري ودلال ماهي حاله معها تاركه ولدها ولاهيه بحياتها وكأنها بنت
ام دلال : شنسوي ياما حاولنا معها وماتقتنع مدري هالبنت تغيرت .. رجعت لطبعها الأول
شذى : وطبعها الأول يقال عنه زين لايطاق .. وربي شجون بنت عمي صارت أهون منها
ام دلال : ايه والله .. الا أقول شرايك نزور شجون مسكينه والله تكسر الخاطر ماشفتيها بالعزا شلون تبكي بحرقة قلب المسكينه فقدت كل شئ بحياتها امها وابوها بيوم واحد
شذى : ايه عادي نزورها اغير من جوها الكئيب
ام دلال : اجل تجهزي على الساعه 7 العشا
شذى : اوكي
........................................
في المستشفى
ريان بعد ترجي ووآلخ سمح له الدكتور يدخل رغم إن حالة أشواق ماتسمح لأحد يدخل عليها
دخل الغرفه وشافها كلها مغطيه مسك يدها وقال بحنيه : أشواق حبيبتي
ريان نزلت دمعه لحالتها ومرت بذاكره ذاك اليوم المؤلم .. في الذاكره
..................
ريان : أشواق لاتتركيني انا زوجك وحبيبك وكل شئ وانتي كل شئ بحياتي لاتتركيني
أشواق ناظرته ببتسامه باهته وهي منسدحه على السرير وتعبان مسكت يده : ريان بنتي حطها بعينك .. إذا فقدت أشواق فعندك أشواق الثانيه وهي بنتي الي بتجي من بعدي
ريان مسك يدها وبرجا : أشواق لاتتركيني انا احبك ومابي احد من بعدك انتي كل حياتي
أشواق : دامني كل حياتي بنتك بعد كل حياتك لأنها بنتي وبنتك مني ومنك قطعة مننا اثنينا .. ريان احبك
وطاح جسمها كله على السرير وماتت
ريان صرخ : أشوااااااااااااااااااااق
ومسك يدها وجلس على الارض يبكي ويصرخ بأسم أشواق
....................
نفض راسه وصحى من أفكاره على دمعة انهارت على خده مستحيل ينسى أخر كلمه منها وهي كلمة "ريان احبك"
ناظر بأشواق وقال بضيق : سامحيني يابنتي لأني ماوفيت بعد أمك وتركتك ومن أولها رميتك بالمستشفى الله يعلم بأخرها
طلع من الغرفه مو قادر يتحمل يحس أول مايشوف أشواق يتذكر زوجته المرحومه أشواق
جاو ام أشواق وابو أشواق وهم متضايقين ويبكون
ام أشواق بقهر : يالحيوان يالحقير بالأول غصبت بنتي تحمل وحملت وماتت وجابت أشواق وفرحنا فيها ونسينا أشواق والحين رميت بنتها بالمستشفى وحرقتها يالحيوان
ومن قهرها طبعت كف على خده
ابو أشواق :ام أشواق امشي لاتتعبين نفسك مع هالأشكال .. هذا عيال العز لا بغوا الشئ ياخذونه بالغصب يحسون الدنيا على كيفهم
ام أشواق : ايه والله صدقت
تفل ابو أشواق بوجهه ريان ودخلوا لغرفة أشواق وبكوا لحالتها
...
ريان طلع من المستشفى وهو منهار
..........................
في بيت ابوسامي
ام سامي : حسبي الله عليه كانه ماذوقك من تزوجتي طعم الفرح
اريج رغم الي سواه تدافع عنه : يمه الغلط غلطي والمفروض اتحاسب عليه انا حرقة بنته وعميتها
ام سامي : وتدافعين عنه الي ببطنك اغلى من بنت ماعمره عرفها وسأل عنها
اريج :......................
منال : يمه لاتقوينها ترى اهي غلطانه اجل عدل تخلي بزره تدخل المطبخ وتفتح الغاز وهي موجوده
ام سامي : هي جايه تفضفض وتبيني اواسيها مو اوقف ضدها
منال : بس يمه هي ماسوت شئ صح سوت شئ غلط
ام سامي : بنتي عمرها ماسوت الغلط البنت حركيه وشيطانه دخلت المطبخ بدون علم اريج صح يا اريج
اريج نزلت راسها ولا ردت :...................
منال : صح ولا غلط يا اريج يالكامله
اريج :.................
لميس : والله انا كرهت الزواج ولهالسبب وحده منكم زوجها يخونها والثانيه زوجها متزوج كان وعنده بنت والله حاله هالزواج الله يعلم انا وش بيصير زوجي راعي خمر وسهر
ام سامي بعصبيه : فال الله ولا فالك يالشينه إن شاء الله يكون حظك احسن من حظ خواتك وتفرحيني بعد هالحزن
منال : امي انتي متأذيه مني إني كبيره واشتغل وعايشه عندك
ام سامي : يا منال ماقلت هالكلام وماقصدته بس انا مامره فرحت بوحده منكم ماذكر فرحت إلا بحمل اريج وهذا يالله شوفي شصار لها المسكينه .. وهالولد سامي اقوله تزوج يقول لا مدري وش ناقصه ولا واحد منكم بيفرحني .. كن عين جايتكم
اريج : انا برجع شقتي خلاص
ام سامي : نعم والله وانا امك ماترجعين شقتك
اريج : لا برجع
ووقفت لبست عبايتها وحطت شنطتها على كتفها وراحت للباب
ام سامي : والله يا اريج لا أزعل عليك لو طلعتي
اريج : يمه عشاني إذا تحبيني خليني اعيش حياة مستقره وانا راضيه بالذل والإهانه من ريان
وطلعت من البيت وهي تبكي تحس حتى امها طفشت منها ماعادت فاضيه لها
طلعت من بيت اهلها وراحت للشقه وتحس بشئ منعها من الدخول عزة نفسها منعتها ماتبي تبين له إن هي وحده مو عزيزة نفس وماتقدر تعيش بدونه ورجعت له .. بس وش تسوي مضطره ترجع وين تروح
فتحت باب الشقه ودخلت رمت شنطتها على الكنب وراحت للغرفه فسخت عباتها ورمتها واخذت بطانيه وراحت للصاله انسدحت على الكنب وتغطت بالبطانيه ونزلت دموعها ومن التعب غمضت عيونها ونامت
.................................
بعد صلاة المغرب
شذى لبست جينز وتيشرت بربري تترول واستشور شعرها من قدام وبرمته من الجهتين بتوكه بربري ومن تحت مجعد وككونه طويل شعرها لنصف ظهرها صاير جنان .. اكثر شئ يبرزها بشكلها شعرها الي عامل لها لوك رهيب لبست جزمه بربري وصايره ناعمه وكيوت حطت قلوس فوشي وكحل رسمته رسم خطير .. كن رسم صالون وحطت مسكره ولبست عباتها وحطت شنطتها بربري على كتفها ونزلت تحت شافت امها لابسه وجاهزه
ام دلال : هاه جهزتي
شذى : ايوه
ام دلال : ومشاري ..؟
شذى ناظرتها بأستغراب : مشاري .. بنوديه معنا
ام دلال : اجل نخليه فوق مين ينتبه عليه
شذى : يمه خلينا نوديه بيت عمتي ام بدر لأني ماسبحته ولا لبسته ولا شئ
ام دلال : اجل خلاص جيبيه ونوديه بيت عمتك
صعدت شذى الغرفه واخذت مشاري بين يدينها ونزلت تحت وركبوا السياره وانطلقوا لبيت ابوبدر
نزلت شذى رنت الباب بعد رنتين فتحت دانه
دانه صافحة دانه : هااي شذوي
شذى : هايات يالدووبه
دانه : هممم غريبه زايرتنا وشكلك هيك كاشخه قلوس وكحل وحركتات
شذى : اعجبك صووح
دانه : لا مو صوح ..
شذى : والله بنزور بنت عمي شجون بعد وفاة امها وابوها مسكينه .. وجايبه مشاري عندكم
دانه : وين امه
شذى : والله مدري عنها المهم اخذيه
وعطته دانه : يالله سسلام
دانه : سلام
طلعت شذى ودانه دخلت البيت وجلست مع مشاري للصاله وجلسته وجلست تلعبه وجلست تفكر بموضوع زواجها
دانه : بكره ملكتي وماجهزت لها ششئ وش بسوي بلبس من ملابسي القديمه لالا لازم البس بدله حلوه واكشخ قدامهم ولا اخاف ماعجبهم ويرفضوني .. الحين الحين لازم اروح المول واشتري لي ملابس
تركت مشاري وماهتمت له الفرح نساها مشاري وراحت لغرفة امها
ودخلت الغرفه شافت امها قدام المرايه تتعطر
دانه : مامي وين بتروحين
ام بدر : بيت الجيران
دانه : توويب مامي بعد مايوصلك السايق بيت الجيران خليه يجيني اوكي
ام بدر : ليه ..؟
دانه : بروح المول بشتري لي ملابس حق ملكتي
ام بدر : عندك يادانه ملابس
دانه : لا يمه سوري ماراح ألبس إلا جديد
ام بدر : على راحتك
دانه : صح نسيت اقولك إن مشاري جابته مساعه شذى
ام بدر : ودلال وراكان تحت
دانه : لا بس مشاري
ام بدر : انا بطلع وانتي بتطلعين وهو مع يمن يقعد المسكين
دانه : لحظه بشوف بدر يمكن موجود
ام بدر : شوفي
راحت دانه غرفة بدر وشافته منسدحه على السرير ويفكر
دانه نطت بوجهه : الي ماخذ البال يتهنى به
بدر : انتي ماخذه البال
دانه : مبين .. اقول بدًور انا بطلع بروح المول ومامي بتروح بيت الجيران ومشاري انتي الي بتتنبه عليه اوكي
بدر : ياسلام والله وانا تشوفين حالتي اقدر أنتبه عليه واسوي له الي يبي
دانه : هذا انت تقضي اغراضك وانت جالس او قل للخدامه لا بغيت شئ
بدر : لا والله دانه اسف تعبان وماني رايق لهذرة الأطفال
دانه : لا جبت عيال بتقول كذا ماني رايق لهذرة الأطفل اقول لايكثر وبجيبه لك يعني وين نوديه حنا هاه ويين
بدر : اتوقع عنده ام وابو مو فاضي له انا
دانه : اقول بدًور لايكثر هرجك
ونزلت تحت اخذت مشاري وحطته على السرير ونزلت بسرعه عشان لايقول شئ
لبست جينز وتيشرت احمر ولبست عباتها الي من الأكمام وسيعه وفيه زخرفة بالأحمر ومن داخل احمر وشنطتها حمرا ومعلقه جوالها البلاك بيري الكيرف ملبسته كفر أحمر ومعلقه على رقبتها بسلسال
وصايره جذابه بالعبايه
نزلت تحت وجلست تنتظر السايق دقايق وجاء طلعت وركبت السياره وراحت للمول
.........................
في شقة شجون
جاوا ام دلال وشذى وجلسوا وضيفتهم شجون
شجون : ياهلا والله فيكم تو مانور البيت
ام دلال : منور بوجودك يالغاليه
شجون : عاد كان قلتوا لي إنكم بتجون عشان استقبلكم عدل
ام دلال : لا داعي للكلافه حنا اهل
شجون : تسلمين والله
شذى : شخبارك شوجي ..؟
شجون : ماشي الحال وانتي شخبارك وشمسويه مع الثانويه ..؟
شذى : تمام والثانويه ماشي الحال والله كرف وكذا تعرفين
شجون : وشمسويه مع القدرات والتحصيلي
شذى : والله رحت الدورة حق القدرات والتحصيلي .. الله يعين بسس
شجون : الله يوفقك
ام دلال : شمسويه مع الزواج مبسوطه
شجون : اكيد دام مع ولد خالتي
ام دلال : وشخبار مرة اخوك ساره
شجون : والله بخير رجعوا من أيطاليا
ام دلال : الحمدلله على سلامتهم .. صرتوا صدقه ولا عدوان
شجون : هههههههه لا صدقه ولا عدوان
شذى : بالعرس احسها حبوبه كله تبتسم وتضحك
شجون : لأهلها وصديقاتها والي متعوده عليهم
شذى : يعني مع الي تعرفهم لا
شجون : مدري عنها من تزوجة ولا مره كلمتها غير بالعرس
شذى : من جدك شجون من العرس
شجون : ايه وسافروا شهر العسل ورجعوا على موت امي وابوي وماكلمتهم
شذى : اهااا ..
شجون : بس واضح عليها مو سهله
شذى : كيف يعني
شجون : مو على نياتها وحليوه .. مو سهله فيها يعني
شذى : اهاااا
...............................
ساره جالسه بغرفتها وطفشانه من رجعوا من شهر العسل ماطلعوا غير بالكورنيش
دخل عليها تركي
ساره اول ماشافته وقفت وراحت له : تركين خلنا نطلع
تركي : لا ساره مالي خلق
ساره بعصبيه : تركي من بدايتها كذا من رجعنا من شهر العسل ولا طلعنا
تركي : انتي لو تدرين بالظروف الي امر فيها كان عذرتيني
ساره : اووه وكل مره بتقولي ظروف وظروف امك وابوك ماتوا ومر على موتهم اكثر من اسبوع .. وش الظروف هاااه
تركي : الورث
ساره : مو الورث بس لك انتي حارق نفسك واختك مروقه على الأخر
تركي : وهذا الي قاهرني لازم نخلص كل شئ ولا حلالنا بيضيع
ساره : وش عليك منها انت روح للمحكمه وشوف الي لك واخذه والي لها بالطقاق بتاخذه ولا بكيفها
تركي : لا لازم تكون معي حنا اخوان مو اعداء
ساره بأستهزاء : الأخوه تقطعكم صراحه
تركي : ساره رغم المشاكل الي تصير بيني وبين شجون بالفتره الأخيره إلا أني مارضى تستهزئين فيني وفيها طيب
ساره : طيب يالأخوان
تركي : الكلام معك ضايع
ساره طلعت من الغرفه وراحت للصاله وحطت رجل على رجل وجلست تهز بقهر من بدايتها هواش الله يعلم بنايتها شنو طقاق
............................
في بيت ابوفارس
لجين وهي تنادي شهد من الدرج : شهييييييييييييييييييييييي يييييييييييده
شهد من تحت : خيييييير
لجين : يالتبنه انتي وين شاحن لاب توبي
شهد : مو عندي
لجين : كذاابه مين بالبيت يعني بياخذه
شهد : اقول بس روحي دوري عدل
لجين : بدوره واذا مالقيته بذبحك
دخلت لجين غرفتها وجلست تحوس بغرفتها تدور الشاحن واخيرأ لقته وحطته بالكهرب وركبته بالاب توب وجلست تطقطق على الاب توب ورن جوالها وكان رقم غريب ماردت هي ماتحب ترد على أرقام غريبه
واستمر الرقم يرن ويرن ردت لجين وهي معصبه : الووو
: ياهلا وغلا
لجين اول ماسمعت صوت رجال سكرت بوجهه
لجين وهي تتحلطم : ناس فاضيه ماتستحي
واستمر الرقم وقررت تسكر جوالها عشان تفتك وكملت تطقطق على الاب توب
....................................
بعد مرور الأيــــام
في مكه
سافروا فارس وشوق لمكه مشتهيه شوق تسافر مكه لكن الحاله الي كانت تجيها رجعت لها وحسبت إن راسها بينفجر من صوت القرآن والشيخ الي يقرى
وصرخت من الألم : خلااااااااااااااااااااااا ااااااااااااااااص
والحريم التفتوا عليها وجات لها مره كبيره وجلست جمبها : يابنتي وشفيك ..؟؟
شوق : راسسسسي راسي بينفجر طلعوني من هنا طلعوني
طلعت الحرمه شوق من المسجد وشوق شوي ارتاحت شافت طيف فارس جاي وحست بكرهه غريب له
جاء لها فارس وجلس جمبها : شوق شفيك ..؟
شوق بحقد : ابعد عني لاتقرب مني
فارس : شوق انا وش سويت لك فهميني شفيك
شوق بصراخ : لاتقرق ابعد عني
فارس ارتبك وابعد عنها والحرمه طلبت منه يبعد
الحرمه : يابنتي فهميني شفيك
شوق : راسي خلاص خلوني لحالي خلوني
الحرمه : وين نخليك الحين بيطلعون الناس من المسجد وزحمه وتضيعين وتخوفين زوجك عليك
شوق بعصبيه : انا ماعندي زوج مااعندي
ووقفت تركض بتبعد عن الناس وفارس لحقها ومسكها وجرها وراه للفندق وصلوا للفندق ودخلوا للسويت حقهم
شوق دخلت الغرفه وقفلت عليها الباب وفارس يضرب الباب
فارس : شوق افتحي وشفيك ليه تغيرتي
شوق : مافيني شئ اوووه
فارس جلس بالصاله وحس بطفش منها من بعد ماتشافت من السحر وهي حالتها كذا اهو زوج ويبي الحب مايبي الكره والزعل وهالحركات
طلع من السويت ومن الفندق كله وجلس يتمشي بشوارع مكه
وشوق اول ماطلع فارس طلعت من الغرفه وجلست بالصاله وتأففت : افف واخيراً فك
................................
في ألمانيا
ريان سافر مع أشواق بيعالجها وطمنوه وقالوا إن علاجها بسيط بس عمليات تجميل بوجهها وعمليه لأستراجاع البصر
والحين هي منومه بالمستشفى وهو جالس في الفندق تحت مايبي يحبس نفسه بالسويت
رن جواله وكانت أريج تتمنى إنه يرد وهو يعطيها مشغول كسرت خاطره ومايبي يغلقها ويأثر على الي ببطنها ورد
ريان : الو
اريج من لهفتها بكت مو قادره تتكلم :....................
ريان : هلا اريج
اريج وهي تبكي : ريان ليه ماترد علي اقلقتني عليك خليتني ابكي خفت صار لك شئ لكم ايام مسافرن لألمانيا مافكرت بتتصل علي ولا خلاص نسيتني ونسيت الي ببطني واخذت قلبك بنتك أشواق
ريان كسرت خاطره : كنت مشغول
اريج : مشغول ماتقدر ترسل مسج او على الأقل يوم وصلت تطمني عليك ماتخليني كذا قلقانه
ريان : ماعليه لاتخافين واصلاً انا ماهمك
اريج : من قال الا وربي تهمني وكثير بعد
ريان : لو اهمك كان اهتمتي ببنتي
اريج : يالله ردينا لطير يلي
ريان : اريج قال الدكتور إن بنتي بخير بس عمليات تجميل بسيطه بوجهها وعمليه بعينها وترجع مثل قبل
اريج : الحمدلله
ريان : اريج انا سامحتك والمهم تتعلمين من خطأك مو تغفلين واخذي لك هذا درس طيب
اريج بضيقه : طيب .. ريان احس بألم ببطني
ريان : اكيد بتحسين بألم ككونك كله تبكين وغالقه نفسك
اريج : اسأل نفسك مين غالقني
ريان : مو وقت العتاب الحين .. يالله انا بسكر تامريني على شئ
اريج : ماراح تسألني ابي شئ ناقصني شئ ولا خلاص ماعدت اهمك
ريان : لاحول ولا قوة إلا بالله اريج انتي ماتقدرين ظروفي ماتحسين باللي انا احسه انا بنتي بالمستشفى منومه بيسون لها عمليتين وتعاتبين ومدري ايش
اريج : طيب انا اسفه بس اسألني تبين شئ محتاجه شئ ناقصني شئ ككونك بعيد عني
ريان : طيب ولا يهمك تبين شئ محتاجه شئ ناقصك شئ
اريج : لا ابي سلامتك
ريان : يالله مع السلامه وانتبهي على نفسك
اريج : طيب وانت انتبه على نفسك واول مايسون لأشواق العمليه بكره خبرني طيب
ريان : طيب
....................................
اروى جالسه بالصاله تناظر صورة ولدها مرون الي راح وتركها صور تضمها اهي ومروان ونزلت دمعه حاره على خدها
اروى : وينك يامروان ياروح امك انت ياقطعة مني لو إنك موجود كان انت عزوتي لا عافوني الناس ولدي الظهر الي استند عليه وسند وعزوة لأختك اليتيمه
دخلت جنى الغرفه وهي تشرب عصير تفاح وسحبت الصورة من امها وجلست تناظر بمروان وقالت ببراءه : ماما وين مروان اهو مسافر
اروى ابتسمت بحزن : ايه مسافر وماراح يرجع
جنى : وبابا بيرجع ولا ماراح يرجع مثل مروان
اروى : حتى بابا ماراح يرجع
جنى : ليه ماعندنا لا بابا ولا اخو مثل خالتي ساره وشوق عندهم اخو وابو ماسافروا وتركوهم
اروى ضمة جنى : معليه حبيبتي حنا عندنا ابوي وامي واخواني وخواتي الله لايحرمني منهم وبعدين بيجيبون خالاتك شوق وساره عيال وبيصيرون عيالهم اخوانك
جنى : جد متى
اروى : متى ما الله كتب
طلعت جنى من غرفة امها واروى ناظرتها بضيقة
اروى : مين بيربيك ياجنى امي وابوي مو مكلفين فيننا انا لازم ادور على شئ مو اقعد كذا عاطله لا شغل ولا مشغله وكني بزره اهلي يصرفون علي
اروى جلست تفكر بسالفة الشغل
اروى : بروح اقدم على وظيفة وإن شاء الله يقبلوني
ونزلت تحت اروى وجلست جمب امها
اروى بعد فتره من الصمت : يمه انا قررت اشتغل
ام فيصل بأستغراب : ليه
اروى : بس بشتغل عشان اصرف على بنتي
ام فيصل : ليه ناقصتك فلوس ولا حنا عاجزين عنك
اروى : انتوا مو مكلفين فيني وانا ماعدت صغيره وتصرفون علي انا كبرت وعندي بنت ومحد بيدوم لبنتي غير الله ثم انا
ام فيصل : اقول بس بلا هالهذره .. واهجدي ببيتك وانتبهي لبنتك لا جلستي الصبح بتتروشين انتي وبتجهزين نفسك للدوام ولا بنتك
اروى : يمه خليني اقدم ويقبلوني وبعدها نتكلم بالمهم
ام فيصل : والله انا مو عاجبتني كل هالسالفه الي دخلتيها ببالك
اروى : لا بتعجبك صدقيني
............................................
شجون جية مرة عمها وبنت عمها شذى فرحتها وهي الي ماكانت تفرح كذا لكن ماتدري كذا حست بفرحه يمكن لأن تحس مرة عمها مثل امها
شجون : وين تو الناس مرة عمي
ام دلال : والله مانقدر نطول وانتي متزوجه وزوجك بيجي لازم نروح
شجون : لا والله حلفت عليكم تقعدون تو الناس ونستوني بالكس
ام دلال : مره ثانيه تزورينا
شجون : عاد كذا تكسرون بخاطري اجلسوا تكفون ياسر مايجي هالوقت
ام دلال : مره ثانيه إن شاء الله زورينا الحين السايق يحتري برا
شجون : براحتكم
شذى : عاد لاتخلين بكره زورينا
شجون : هههههههههههههه مره وحده بكره
شذى : ايه جد
شجون : إن شاء الله يوم الأربعاء
شذى : حيااك
طلعوا ام دلال وشذى وشجون تضايقة لأنهم طلعوا وسعوا صدرها بجيتهم وفرحت فيهم حيل
بعد ماطلعوا نصف ساعه وجاء ياسر دخل وجلس جمبها بالصاله
ياسر : الصاله عطر وكذا وضيافات مين كان هنا ولا كل هذا لي
شجون : لا مو لك هع هع عيال عمي كانوا هنا
ياسر : اهااا انبسطتي
شجون : ايه والله وسعوا صدري
ياسر : زين ..
شجون : وعزموني وبزورهم يوم الأربعاء انت فاضي
ياسر : حتى لو كنت مشغول افضى لك
شجون : تسلم والله
لجين جالسه تذاكر عليها اقزام صعب بكره
جلست تفكر بحياتها وكيف ممله ماعندها احد فارس وتزوج وفي مكه وريناد الي تعتبرها اختها وصديقتها وتزوجة وشهد تعتبرها مهما كبرت صغيره بتصرفاتها وحركاتها
لجين : اففف طفش هالدنيا شويقه الدبه وتزوجة اخوي وسافرت وانشغلت عني واشغلت بعد اخوي .. ورينادوه وتزوجة وزوجها يشتغل في الرياض وماتجينا إلا بالأسبوع مره افففف
نزلت لجين تحت وشافت امها جالسه وشهد على الاب توب جلست جمب امها وقالت لها
لجين : يمه شرايك نسوي لريناد سوبرايز
ام فارس : كيف ..؟
لجين : نزورها بالرياض ماعندنا لا شغل ولا مشغله
ام فارس : ياسلام مخططه الأخت
لجين : تكفيين يمه خلينا نروح طلبتك طلبه والله مشتاقه لريناد .. وطفشانه من حياتي خلينا نغير جو تكفين
ودفنت راسها بحضنها تبكي .. كذا فجـأه بكت تحس نفسها مخنوقه
ام فارس بخوف : يمه لجين وشفيك تبكين
لجين : ابي اروح الرياض
ام فارس : طيب طيب خلاص بقول لأبوك وبنروح بس ليه بنروح ريناد وعبدالله فيهم شئ
لجين : لا مافيهم شئ بس مخنوقه مخنوقه ابي اسافر مابي ارجع الشرقيه مابي
ام فارس بكت معها : لجين حبيبتي لاتضيقين صدري يكفي انا ضايق صدري لحالة اخوانك فارس المسكين متعذب مع زوجته وريناد الي حالتها حاله مع اهل زوجها .. بعد تجين انتي وتكملينها وتزيدين هالضيقتين ثلاث .. خليني افرح فيكم انتي وشهد لاتبكين
مسحت دموعها لجين عشان امها ولا اهي ودها تبكي وتبكي من الخنقه الي فيها
وقفت وقالت بصوت مبحوح : طيب شوفيني مسحت دموعي
ام فارس : ابتسمي
لجين ابتسمت ببتسامه باهته : هذاني ابتسمت
ام فارس : ايه كذا بتفرحيني
وراحت لجين غرفتها وناظرت نفسها بالمرايه وهي مبتسمه لكن دموع تساقطت على خدها وقلبت وجهها لأحمر من البكاء
لجين رمت راسها على التسريحه وجلست تبكي ناظرت بأغراض غرفتها ناظرت بالعز الي عايشه فيه
لجين : عز وفلوس لاب توب وجوال وفلوس على كيف كيفي اسوي الي ابي اهلي معطيني الحريه من سفره لسفره ومن بلده لبلده يحسبوني الناس عايشه بوناسه ووساعة صدر ما أعرف شئ اسمه الحزن لكن مايدرون إن الخافي اعظم مادروا إني اتعذب من داخل .. مادروا إني اتعذب مادروا اهلي إن شرف اختي الي كنا نستر عليه ونحافظ عليه ضاع وانتشرت فضيحتها وصاروا البنات يعايروني بالجامعه جد ناس ماتستحي
وبكت من الألم والضيقه وعلى شرف اختها الي ضاع تبي تشوفها تبي تعلمها بفضيحتها تبي تذبحها ضيعت شرفها وشرفهم صارت سيرتها بكل إلسان وش اكبر وأعظم إن الأنسان يخسر شرفه الي كان يحافظ عليه ويستر عليه تستر
..................................
ابو فارس كان بالدوام جالس بمكتبه ونافخ ريشه دق التلفون ورفع السماعه ورد كان المتصل تاجر معروف كثيير
رفع السماعه ورد ابوفارس : السسلام
: وعليكم السلام
ابوفارس : ياهلا ياهلا ببو بندر
ابوبندر : ياهلا فيك .. كيف الحال وكيف اوضاع الشركه
ابوفارس : والله ماشي الحال
ابوبندر : اقول ابوفارس قريت الجريده اليوم
ابوفارس : الجريده ..؟
ابوبندر : ايه الجريده
ابوفارس : لا والله ماحصل لي الشرف إني اقراها
ابوبندر : اقراها ورد علي
وسكر الخط بوجهه وابوفارس استغرب ورفع السماعه ودق على السكرتي
ابوفارس : جيب جريده اليوم بسسرعه
دقايق وجاب السكرتي الجريده وحطها على مكتب ابوفارس .. فتحها وقلبها ماشاف شئ لكن لفت نظره فضيحة
: فضيحة بنت التاجر المعروف ابوفارس الـ؟؟؟؟ .. اكتشفت الصحفي محمد الـ؟؟؟ فضيحة بنت التاجر بزواجها بالسر وبدون علم أهلها وحملها من هذا الشاب ونقلها للمستشفى بسبب اعراض الحمل واكتشاف اهلها بزواجها وحملها واسقطت الطفل بحالة جنون من هول هذه الصددمه ولقد تم إعلان زواجها ريناد الـ؟؟؟ وعبدالله الـ؟؟؟؟ ونتمنى الستر لبناتنا وابنائنا المسلمين والمسلمات
ابوفارس طاحت الجريده من يده والعرق يسري بجسمه مو قادر يستوعب الكلام وجلس يقراه اكثر من مره جاه مسج بجواله "هههههههههههه هاه يالتاجر اجل بنتك متزوجة بالسر وحامل "
ابوفارس اخذ الجوال ورماه بالأرض من العصبيه وطلع من مكتبه واللكل يناظره وبيدهم الجريده والي يبتسم بسخريه ابوفارس ناظرهم بنظرات حاده وعصبيه وشوي ويفور ومن هول العصبيه شاف تحفة كبيره قدامه صدم فيها رماها برجله بالأرض وتكسرت
ركب سيارته وتوجهه للبيت بعد دقايق ووصل حاط السرعه على الأخر .. كان بيصدم
وصل البيت وفتح الباب بعصبيه ودخل وصراخ : يالخماااااااااااااااااااا اااااااااااااااااااااااه
ام فارس جات تركض من صراخه ووقفت قدامه : ابوفارس وشفيك
ابوفارس من عصبيته عطاها كف : وين بنتك الحيوانه وينها
ام فارس : أي وحده
ابوفارس : ام المصايب رينادوه ( واخذ الجريده ورماها بوجهه ) اقري اقري فضية بنتك
ام فارس اخذت الجريده وقرت الكلام وطاحت من يدها وطاحت على الأرض وتبكي وتضرب بنفسها
ابوفارس : والله لأذبحها واشرب من دمها
..
لجين كانت تتسمع عليهم من فوق الدرج وبكت وهي تشوف حالة امها وابوها ومادروا إنها تدري من أسبوع
.................................
..|[ مخنوقه واحس الحنقه هدتني ]|..
في مكه
شوق : انا مقدر اتحمل انا مقدر لازم نرجع للشرقيه اليوم
فارس : لييه
شوق : ماقدر احس مخنوقه رجعني
فارس : بس الطياره بعد بكره
شوق وهي ماسكه راسها من الألم : قعده بمكه ماني قاعده مقدر اتحمل احس راسي يألمني مخنوقه واحس الخنقه هدتني
فارس : طيب بس تحملي لبعد بكره عشاني
شوق : لا عشاني ولا عشانك رجعني يعني رجعني لو مشي
فارس : من جدك انتي ياشوق كيف ارجعك
شوق : دبر نفسك
فارس تأفف وطلع من الغرفه ورفع الجوال واتصل على صديقه
فارس : الوو يزيد
يزيد : ياهلا والله بفارس
فارس : ياهلا فيك اقول يزيد عند ابوك باص في مكه
يزيد : كيف ..؟
فارس : يعني باص جاي لمكه وبيرجع للشرقيه
يزيد : والله مدري بدق على ابوي وبخبرك
فارس : طيب بسرعه مستعجل
يزيد : إن شاء الله
سكر يزيد واتصل على ابوه وقاله إن فيه وبيرجع اليوم اتصل على فارس وخبره وقاله فارس إنه يبي مقعدين فاضيين
دخل فارس الغرفه على شوق الي تعتصر من الألم وهو خايف عليها بس طفش منها شوي لكن مازال يعزها
فارس : دقيت على خويي وقال إن عندهم باص بيرجع الشرقيه اليوم على الفجر جهزي اغراضك وجهزي نفسك
شوق : الحمدلله
فارس : ارتحتي الحين
شوق : لا
فارس : وش تبين بعد اسوي هااه ..؟
شوق : ابي ارتاح منك بعد
فارس منصدم ومثل المويه الي منكبه عليه ... تبي ترتاح منه يعني كرهته وتبي تطلق
........................................
تركي : ساره انتي لازم تزورين اختي شجون من تزوجنا ولا زرتيها ولا زارتك
ساره : بس هي المفروض تزورني مو انا
تركي : اقول جهزي نفسك الحين تزورينها
ساره : ياشيخ بس انت احلف تقرر عني انا مالي خلق اليوم خلها بكره
تركي : لا بتزورينها اليوم
ساره : لا بكره
تركي : قلت لك اليوم
ساره : قلت لك بكره
تركي : بنشوف مين الي بكلمته بتمشي انا ولا انتي
ساره : انا
تركي : لا انا
ساره : لا انا
تركي : إذا انتي طفله بأسلوبك وتصرفاتك فأنا بنزل مستواي حبتين لطفولتك
ساره فتحت عيونها بصدمه : في نفس بأعمارهم كبار لكن بعقولهم صغار وفي ناس بأعمارهم صغار لكن بعقولهم كبار
تركي : وش قصدك
ساره : يعني انت بعمرك كبير لكن بعقلك صغير
تركي : ينطبق عليك
ساره تخصرت : لا عليك
تركي : اقول بس لايكثر وروحي لبسي ويالله احتريك بالسياره
ساره : والي يقولك ماراح البس ولا راح اروح
تركي : ساره إذا انتي عنيده وانا عنيد وكل واحد يبي يمشي رأييه عمرنا ماراح نكمل حياتنا مثل باقي الناس
ساره : انا بتم على ما انا ماراح اغير طبعي وإذا انت تبي تكمل حياتك معي وتبينا نعيش مثل الناس غير أنت طبعك واستسلم لعنادي
ودخلت غرفتها وقفلت الباب
تركي ناظر باب الغرفه الي تسكر ومايدري هو بيكمل حياته معها ولالا بس مايظن مادامها عنيده وتبي تمشي كلمتها وهو مايحب احد يكسر كلمته متعود من وهو صغير على العز والدلع وإن ماينرفض له طلب وكلمته الماشيه ماعمره تعود على احد يمشي كلمته عليه حتى امه وابوه واخته ماقدروا على عناده
..............................
في اليوم الثاني اشرقت الشمس .. وتجدد النشاط
صحت اروى من النوم واخذت لها دش ولبست تنوره جينز سودا وتيشرت ابيض وفوقه صديري اسود وفتحت شعرها وتناثرت على وجهها الناعم وحطت قلوس فوشي وراحت وصحت بنتها جنى الي بالموت صحت ولبستها لبس المدرسه ورفعت شعرها ونزلت لها خصل على وجهها ولبستها شنطتها ولبست عباتها اروى ونزلوا تحت وجلسوا على طاولة الطعام يفطرون
ام فيصل : جهزتي كل اوراقك وملفاتك
اروى : ايه جهزتهم
ام فيصل : خذتي شهادتك وكل شئ
اروى : ايه يمه كل شئ .. دعواتك إنهم يقبلوني واتوظف
ام فيصل رفعت يدينها : يارب تتوظفين واشوفك مبسوطه
جنى : ماما انتي بتروحين المدرسه
اروى : ايه بصير معلمه
جنى : جد وتدرسيني انا وصديقاتي
اروى : لا حبيبتي مو انتي بنات اكبر منك
جنى : ماما درسيني عشان ادلع فيك عند البنات
اروى : ههههههههههههه خلاص ولا يهمك
رن جوال اروى وكان اخوها رائد الي ماراح يحضر محاضرته الأولى عشان يوديها تقدم على وظيفه
اروى : هلاا
رائد : يالله انا احتريك برا
اروى : اوكي يالله باي
سكرت اروى من رائد والتفتت لجنى
اروى : يالله جنى حبيبتي خالك رائد يحترينا برا
وقفت جنى واروى لبست حجابها وباست راس امها وطلعوا وركبوا السياره
رائد وهو يحاول يتحرش بجنى ويغيضها : في وحده راكبه بالوسط وعع مو حلوه وليونه احلى منها
جنى موتها يمدحون ليان واهي موجوده عصبت : انا احلى من ليان وليان وعععع
رائد : لالالا ليان احلى
جنى ضربته على يده : لا انا احلى
رائد : هههههههههه طيب طيب انتي احلى
اروى : وش تبي بالمناقر معها صياحه
رائد : على امها
اروى : لحووول وكل ماصاحت ولا تعبت ولا استعسرت قلتوا على امها
رائد : الحق ينقال
اروى : لا والله ماكنت انا عسره وعنيده مثلها اهون
رائد : عاد زمان اول مافيه دلع مثل الحين بنتك مدلعتها للأخر ياهدينه لاتنكتين
اروى : بنتي وحبيبتي ومالي غيرها
رائد : اقول بس مع هالمسلسل التركي انتي وبنتك .. نزلي بنتك وصلنا مدرستها
جنى : مابي انزل
اروى : ياسلام والله وش ماتبين تنزلين حلوه ذي يالله نزلي
جنى : ماب انزل غصب
اروى : جنى هناك صديقاتك يحترونك يالله يالشاطره انزلي
جنى حطت شنطتها على كتفها ونزلت وباست امها بخدها وباست خالها وعند باب المدرسه ودعت امها ودخلت
.............................
اريج بطنها يألمها .. يألمها بششكل فضيع صرخت من الألم : آآآآآآآآآآآآآآآآآآآآآآآآآ آآآآآآآآآآآآآآآآآآآآه
وعدلت جلستها من السرير وماسكه ظهرها من الألم مو قادره تستحمل تحس روحها بتطلع بتموت بطنها يألمها
اريج : آآآه يابطني آآآآآآآآآآآآآآآه
رفعت جوالها واتصلت على اخوها سامي مره ومرتين وثلاث ولا يرد واخيراً بالمره الرابعه رد
اريج : الو سامي
سامي صوته غرقان بالنوم : خير
اريج وهي تتألم وتبكي : سامي بطني بطني روحي بتطلع تعبانه تعال لي بسرعه
سامي : بعدين بعدين
وسكر الخط بوجهها وكمل نوم
واريج تتألم وتعتصر من الألم اتصلت عليه مره خامسه ولا يرد عليها واتصلت على بيت اهلها ورد ابوها
ابوسامي : الو
اريج : يبه بطني يألمني بقووه تعال لي تكفى بسرعه بموت روحي بتطلع
ابوسامي : طيب طيب دقايق وانا عندك
سكر ابوسامي وطلع من البيت وركب السيارته وتوجهه لشقة اريج وصل شقتها ونزل ورح لشقتها ورن الباب مره ومرتين وثلاث ومحد فاتح بس يسمع آهات وصراخ اريج
اريج وقفت من الألم وجلست تحبي بالأرض مو قادره تمشي فتحت الباب لأبوها وطاحت على الأرض مغمى عليها
...............................
ومرت الساعه وصارت الساعه 12 الليل
شوق وفارس وصلوا للشرقيه وشوق تحس شوية براحه لكن بترتاح اكثر لما يبعد عنها فارس وترتاح منه
راحت بيت اهلها شوق وكان البيت فاضي مافي إلا الخدامه ميري الي كانت تنظف البيت
شوق : ميري وين ماما
ميري : مدام في نوم
شوق : اهاااا مافي احد هنا
ميري : مافي احد
شوق صعدت غرفتها ورمت نفسها على السرير بتعب وغمضت عيونها ونامت
.......................
فارس راح بيت اهله وشاف ابوه جالس بالبيت وحاط يده على وجهه ومتضايق وام فارس وكذلك ولجين وشهد مرتمين على بعض وحالتهم منقلبه فوق تحت
فارس بخوف : وشفيكم ..؟
اللكل :..............
فارس : انا وصلت من مكه كلموني قولوا لي وشفيكم ( وناظر كل واحد منهم ) يمه يبه لجين شهد ردوا علي وشفيكم
لجين وقفت وسحبت فارس وطلعت معه للحوش وجلسوا بالكراسي
فارس : لجين خبريني وربي ارعبتوني وشفيكم
لجين فهمته كل السالفه وفارس انصدم وتضايق وحس بالخجل من نفسه ومن الناس
فارس : انتي تتكلمين من جدك
لجين : يعني اكذب .. شوف حالتنا منقلبه فوق تحت ابوي ماله عين يشوف الناس ولا يروح الشركه وامي موقادره تروح دوامها متفشله من الناس وانا مارحت الجامعه وشهد ماراحت المدرسه مو قادرين نحط عيننا بعين الناس
فارس : إن لله وإن إليه راجعون
لجين : ونعم بالله
فارس : بس مو عدله ماتداومون كلكم
لجين : وش نداوم الناس عرفت بالسالفه والناس ماعندهم غير الشماته .. وكل واحد بيقول للثاني السالفه وبيزيد عليها كم بهار
فارس : انتوا مالكم ذنب الذنب ذنب اختكم الي سوت فضيتها وفضحت نفسها وفضحتنا معها
لجين : قلتها بلسانك فضحت نفسها وفضحتنا يعني الفضيحه بتعم الجميع .. إلا قولي ليه رجعتوا من مكه
فارس بتصريفه : هاه انا طالع الحين
لجين : بتطلع ..؟
فارس : ليه تبيني احبس نفسي مثلكم انا واحد جاي من سفر وبروح دوامي وبقضي اشغالي ولا كأن شئ صار واتمنى انتوا وكذلك
............................................
تركي كان جالس بمكتبه ونافخ ريشه دق على اخته شجون وبعد ثلاث رنات ردت عليه
تركي : السسلام
شجون : وعليكم السلام
تركي : شخبارك ..؟
شجون : تمام وانت
تركي : الحمدلله
شجون : وينك اشتقنا لك نسيت إن عندك اخت وتسأل عنها وعن اخبارها
تركي : والله عذريني تعرفين ماعدت فاضي مثل قبل
شجون : لاتبرر في اختراع اسمه جوال على الأقل تسأل عن اخباري وتسكر وتدري انا ميته حيه بخير مو بخير
تركي : والله عذريني ياشجون ماجا ببالي ابد وانشغلت الدوام والزواج وكذا والله ماعدت فاضي
شجون : طيب خلاص عذرتك
تركي : شخبارك وشخبار ياسر
شجون : الحمدلله بخير وياسر بصحه وسلامه
تركي : الا أقول اليوم بنزورك انا وساره
شجون : حياكم الله وانا بنفسي اشوف ساره واسولف معها من تزوجتوا ولا شفتها ولا شافتني ..
تركي : ايه والله وانا حاب تتعارفون على بعض وتصيرون صحبه
شجون : ايه والله
تركي : يالله تامريني على شئ الحين
شجون : لاسلامتك
سكر تركي من شجون وجلس يفكر بحياته مع ساره وكيف بيكملها
تركي : يالله احس إني بورطه بمصيبه كيف اطلع منها .. المشكله إنها تب تكون أم وتحب الأطفال وتناظر غيرها بس هي مستحيل تكون ام مستحيل .. كيف اتصرف معها وش شعورها لما اخبرها إني عقيم .. انا غبي المفروض خبرتها من البدايه إني عقيم وماجيب عيال عشان تتأقلم وماحط نفسي بموقف حرج مثل هذا
.....................................
دانه رجعت من الجامعه وبدلت ملابسها لبست بجامه حمرا حرير ساده ورفعت شعرها ونزلت تحت ودخلت المطبخ
دانه : الغاليه وش طابخه لنا اليوم
ام بدر ببتسامه : طابخه كل الخير .. طبخت اليوم بشاميل
دانه : هممم عاد انا اموت بالبشاميل تسلم يدياتك ياحلى ام بالدنيا
ام بدر : اشوف النفسيه عسل اليوم
دانه نزلت راسها بخجل وبعدها رفعته : يمه متى بيجون
ام بدر : قالوا المعرب
دانه : يمه تتوقعين بيعجبون فيني
ام بدر : اكيد واذا ماعجبوا فيك مين بيعجبون فيه
دانه : جد
ام بدر : ايه جد يالله تغدي ونامي
دانه : صحيني الساعه 5 طيب
ام بدر ببتسامه : طيب
وصعدت دانه غرفتها وانسدحت على السرير وهي تفكر كيف بيصير شكلها وكيف شكله وكيف شكل اهله وبيعجبون فيها ولا لا وراح يكونون لبعض ولا لا
تلاشت هالأفكار لما غمضت عيونها ونامت
...................................
اروى ابتسمت بفرح : يعني من بكره اجي واستلم وظيفتي
: ايوه من بكره وراح تستلمين وظيفتك
اروى : طيب أي سنه راح ادري ..؟
: راح تدرين ثالث ثانوي في مدرسه الـ؟؟؟؟
اروى : مشكوره وماقصرتوا
: نصيحة مني لازم تتعاملين مع بنات ثانوي بالأستقامه بالطيب والعصبيه .. لأنهم شوي صعبين تعرفين ثالث ثانوي وشوي كبروا وراح تتعبين معهم وخاصتاً لأنك صغيره ومو كبيره كثير
اروى : إن شاء الله بكسبهم وبكون عند حسن ظن اللكل
واخذ الأوراق وطلعت من المبنى وهي مبسوطه حدها ركبت مع اخوها رائد ومن الفرح ضمته
رائد : وظفوك
اروى : ايه مدرسه على ثالث ثانوي ومن بكره استسلم شغلي
رائد : مبرووك اجل العشا عليك اليوم
اروى : العشا والغدا اذا تبي بعد
رائد : ههههههههه من بدايتها صرتي بطرانه يالله خلينا نبشر امي بتفرح
اروى : لا رجعنا البيت نخبرها
..........................................
في المستشفى
ابوسامي وام سامي كانوا واقفين وقلقانين حدهم .. طلع الدكتور وتوجهه لهم
ابوسامي : شخبارها ..؟
الدكتور : وش تقرب لها
ابوسامي : ابوها
الدكتور : اضطرينا نولدها لأن احتمال كبير لو ماولدناها بيصير الطفل عقيم .. ومبروك جاابت بنت
ابوسامي فرح وابتسم وام سامي وكذلك
ابوسامي : نقدر ندخل عليها
الدكتور : لا ماتقدرون لأننا معطينا منوم ككونها تعبانه
ابوسامي : اذا صحت نقدر نشوفها
الدكتور : ايه بس قبل مادخل عليها وأسمح لكم بالدخول
ابوسامي : طيب
رن جوال ام سامي ورفعته وكان ريان الي خبروه إن اريج بالمستشفى وهو قلقان ردت عليه وصوتها مليان فرح
ام سامي : الو
ريان : الو خالتي شخبار اريج طمنيني عليها ..؟
ام سامي بفرح : الف الف مبروووك جابت شموخ
ريان : جد الحمدلله الحمدلله يارب .. وهي شخبارها الحين إن شاء الله بخير
ام سامي : إن شاء الله تكون بخير الحين معطينها منوم يقول الدكتور وماسمح لنا بالدخول إلا لما تصحى ويشوف حالتها الصحيه تسمح إن ندخل عليها ولالا
ريان : إن شاء الله تقوم بالسلامه ابشرك خالتي بنتي أشواق سووا لها العمليه واسترجعت بصرها ولله الحمدلله بس باقي عملية التجميل وبيسونها اليوم وإن شاء الله نرجع الشرقيه وتقوم بالسلامه
ام سامي : الحمدلله
ريان : خالتي لا صحت اريج قولي لها يسلم عليك ريان ويبارك لك وفرحان حيييل لأنك جبتي شموخ وإن شاء الله تشبهك
ام سامي ابتسمت : طيب بيووصل إن شاء الله
سكر ريان من ام سامي وهو فرحان وقلقان خايف عملية التجمل لبنته أشواق ماتنجح وماتكمل فرحته
..................................
في الصاله
كانت جالسه ام سعود مع ولدها سعود
ام سعود : انا كلمة امس خالتك ام سامي
سعود بحماس : ايه وش قالت
ام سعود : تخيل ياسعود وش طالبه تنتظرها لما تخلص ثانويه وبعدها تتزوجون
سعود : عادي مابقى لها إلا شهرين
ام سعود : اقول لها نملك تقول تخلص ثانويه ويملكون مانبيها معلقه
سعود : عادي طيب المهم إنها بتكون لي وانا الحين اعتبرها زوجتي مستقبلياً
ام سعود : يالمهبول انت انا خايفه البنت يخطبها احد احسن منك وتوافق ويخلفون بالوعد
سعود : لا ماتوقع ومن في اصلاً احسن مني
محمد : ياشيخ احلف انت بس انا احسن منك
سعود : ابلع العافيه انت بس
محمد : واذا قلت ماراح ابلعها وش بتسوي
ام سعود : بلا هالمناقر انت وياه الحين وسعود خلنا نتفاهم وكلم عمك اليوم وأصر عليه إن تملكون خلال هالأسبوع والزواج وكل شئ بعد ماتخلص ثانوي المهم نضمن إنها لك
سعود : الي تامرين عليه يالغاليه
...............
في غرفة غدير جالسه بزاوية لحالها تفكر بكلام اختها ديما
ديما : انتي اصلاً وحده غبيه ومفهيه انا لو منك بهالنعومه والقوام والله لألعب لعب البس واكشخ واسوي مثل حركات البنت مو اكون غبيه ومعقده كله كتب ودراسه وهم .. وسعي صدرك يالهبله صدقيني ماراح تنبسطين إلا لما توسعين صدرك وتعيشين حياتك مثل البنات لبس وطلعه وجوالات وسفر ولاب توبات وسعي صدرك دام عندك فلوس شوفي بسام يلعب لعب بأمي وابوي وانتي الجدار القصير لهم
غدير : بس انا مو راعية هالحركات وانا مقتنعه بشخصيتي
ديما : لاتحسين الناس بيقولون وحده محترمه ومثقفه بيقولون وحده معقده وتجيب اللهم
...
غدير وهي تكلم نفسها : جد انا بنت معقده واجيب اللهم ومحد يحب يجلس معي واقربهم اختي ديما الي دائماً ماتحب تجلس معي لأني غثيثه ومعقده واجيب اللهم ... شسوي ماعرف اسوي حركات البنات لأني مو منهم
رفعت الجوال واتصلت على صديقتها "هيام" ردت عليه بعد رنتين \
هيام : اهلييين
غدير : اهلين هيام
هيام : شخبارك غدير
غدير : بخير وانتي شخبارك
هيام : تمام .. غريبه غدير داقه
غدير : ههههههه لا بس دقيت اتسلى واسولف معك
هيام : لا جد غريبه المعروف غدير ماتدق إلا تبي دروس ولا تبي زيادة معلومات
غدير : وش قصدك
هيام : لا مو قصدي شئ
غدير : اقول هياموه الحين وش الموضه الي يسونها البنات
هيام : لا انا اقول غدير فيها شئ اقول ياقدعه وش ماكله او شاربه اليوم
غدير : مافيني شئ بس حابه اسوي مثل البنات ممكن تساعديني
هيام : اوكي من عيوني روحي معي اليوم المول واعلمك حركات البنات والموضه
غدير : تسلمين يالغلا
هيام : لا ماشاء الله في تطور يالغلا وهالكلمات لك مستقبل زاهر
غدير : ههههههههههههههههه مالت عليك يالله سسلام
هيام : سلام
.......................................
رن جوال ملاك اكثر من مره من رقم غير معروف رمته على الكنب بطفش طفشت من هالأتصالات الي مالها داعي
فيصل : ليه ماتردين ولا عشاني جالس جمبك
ملاك : مو كذا رقم يدق مدري مين ومزعجني
فيصل جن جنونه : شنو تعرفينه اعترفي مين هذا
ملاك بعصبيه : فيصل وش تقول انت انا مو بزره وراعية هالحركات عشان تشك فيني انا ام وعندي بنت مو مراهقه
فيصل سحب الجوال واتصل على الرقم وبعد رنه رد وبعصبيه تكلم : الوو
الرقم الي كان يتصل سكر
فيصل بعصبيه : ليه يوم رديت انا سكر هااه فهميني هالسالفه وراها إن اعترفي بكل شئ بسرعه
ملاك بعصبيه طلعت من الغرفه وضربت الباب بغرفه وراحت لبنتها ليان عند الخادمه وسحبتها من الخدامه ولبست عباتها وطلعت من الشقه وهي معصبه مو طايقه غيرة فيصل الي تحس إنها يوم عن يوم تزيد
راحت لبيت اهلها بتاكسي ونزلت وحاسبته ودخلت بيت اهلها وشافت امها
ام نايف : ياهلا والله
ملاك : هلا هلا
وحطت ليان عن امها وراحت لغرفتها وهي معصبه وشبه بتبكي
.....
في غرفة نايف كان يرسل مسج لسهام يبيها تقتنع إنه يحبها وهو كذاب اصلاً محد يحل مكان نوف هو عذابه قريب لعذاب ساره يوم ماتت توأمها
نايف دق عليها وبعد رنتين ردت عليه سهام
سهام بعصبيه : نايف لاتعلقني معاك دامك مو متزوجني انا وحده محترمه وربوني اهلي على الأحترام والأخلاق مو للحركات انا ماكلمتك للتسليه وهالخرابيط انا كلمتك وابيك تتزوجني
نايف : صدقيني سهام بتزوجك وربي بتزوجك بس انا بحاول مع امي وابوي
سهام : وانا مو بنت رخيصه ماعندي عزة نفس اجلس احتري امك وابوك يوافقون تخطبني
نايف : سهام صدقيني انا بسوي المستحيل عشان بس يوافقون اهلي حتى لو مارضوا بتزوجك بتزوجك
سهام : انا ماسمح لنفسي اتزوج واحد اهله مو موافقين علي
وسكرت الخط بوجهه
ونايف حده متضايق ومعصب من ابوه الي حطه بموقف حرج مع سهام مثل كذا وهو مواعدها بالزواج
..............................
في المغرب الساعه 7
لبست غدير بنطلون جينز ضيق برتقالي وتيشرت احمر فااقع بفقاعة البرتقالي وسوت شعرها مجعد وصارت حفللله ولبست عباه وسيعة من الأكمام ومزخرفتها وحاطه فيها كرستالات شاريتها من السوق جاهزه ..
نزلت تحت وهي تحسب نفسها بكامل الكشخه ومثل البنات واكيد بتعجب اختها ديما بتغيرها
غدير نزلت وفتحت عباتها وجلست تدور جمب امها وديما إلا تشوف ديما ميته ضحك وبنتها مها وكذلك واخوانها محمد وسعود وبسام وكذلك
غدير : شايفين مسرحية تضحك انتوا
ديما جلست تكح من الضحك : كح كح كح كح كح كح كح
مها : ماما صحححه
محمد طاح من الضحك على ولد اخته نواف وهو ميت ضحك
سعود : غدير بتروحين عرس
غدير بغباء : لا بروح المول
ديما : تكفييين لبسي عبايتك ذيك الي تحوم الكبد بس لاتلبسين ذي لاتفشلينا
غدير دارت : بالعكس تجنن شاريتها من السوق مثل البنات
ماتوا ضحك اخوانها على شكلها وعفويتها
بعد 10 دقايق سكتوا من الضحك
غدير بعفويه : ليه تضحكون ..؟
ديما : غدير طالعي نفسك بالمرايه
غدير : ايه احس إني كشخه مثل البنات بيخقون علي البنات
بسام حسبها تمزح او تستهبل : عييدي وش قلتي
غدير : اووه الكلام معكم ضايع
ومشت بتطلع بتركب السياره صديقتها هيام تحتريها
صرخ محمد : لاااااااااااااااااااااااا لا تطلعين
غدير خافت والتفتت له : ليه بروح المول مع صديقتي
محمد : روحي غيري عباتك يالحفله
غدير : حلوه والله
محمد : لاتحلفين روحي غيريها
ديما : غديروه روحي غرفتي فيه عباتي القديمه الورديه روحي اخذيها لاتفشلينا
غدير : والله حلوه
بسام : صراحه غدير احسدك على هالألون عباتك كرستالاتها خطيره والأحمر مع البرتقالي يجنن
غدير صعدت لغرفة ديما واخذت العباه الورديه كانت من الاكمام وسيعه وفيها دوائر وردي فاتح وغامق ومن داخل وردي وشافت شنطه مرميه ورديه قالت يالله خلني اخذها طقم واخذتها وصارت الحين كول
نزلت تحت وهي مو معجبه بستايلها عاجبها الي قبل
ديما : الحين صرتي خطيره
غدير طلعت برا ينقال زعلانه لأنهم تطنزوا عليها وحفلوا فيها الأرض
....
سعود : اما اختكم هذي الحفله عليها ذوق لايعلى عليه
محمد : بس ذوقها خطير انت شفت الكرستالات الي بعباتها تجنن لونها ابيض ترهش
ديما فطست ضحك : ههههههههههههههههه الله يقطع شرك محمد لاتذكرني بس
بسام : اقول سعود لاتفشلنا بخطوبتك
ديما : ايه والله لا انا وراها وراها ولا اخليها بالهتله الي عايشه فيها
ام سعود : حرام عليكم صج مايعجبني طبعها بس هي اعقل واحسن واطيب قلب وحده من بينكم واحبها ومارضى عليها
ديما : ماشاء الله وانا ديما حبيبتك الي جبت لك الأحفاد الي تحلمين فيهم مها ونواف وتحبين غديروه الي تجيب اللهم اكثر مني وانا الي اطلع معك واسولف واجامل جيرانك عشان عيونك
ام سعود : ماقلت كذا .. اقول كلكم احبكم لاتفضحوني
بسام : ايه كذا واصلاً انا ادري إنك تخفين حبك لي
ام سعود ضربته على خفيف : اقول بس اسكت
محمد : اقول يمه ذي بنتك غديروه كيف بتنخطب مع هالعقده الي فيها والذوق الحفله الي عليها
ام سعود : ليه وش ناقصها بنتي جمال وقوام ونعومه ماشاء الله عشان الذوق خلاص مو مخطوبه
بسام : اقول يمه تدافعين عنها واجد لاتقوين راسها بسس
ديما : عاد اسمع مين تكم العم بسام
بسام : وليه موعاجبك عمك بسام
ديما : اقول اسكت بس لو بقعد اذمك بذمك لين بكره
بسام : اصلاً من قال إن فيني عيوب
ديما : ماشاء الله ملاك منزل من السما
سعود : اقول بس انا واحد خاطب وفري بزي مو فاضي لبزران مثلكم
محمد : احلف انت بس
ام سعود : لحوول ولا واحد تولى له احد سعود ومحمد وبسام وديما كرهت الجلسه معكم والله
بسام : إلا غديروه ماعندها احد مسكينه يمكن تقدر على مها ونويف
نواف : انا رجال ماتقدر علي لا قالت اسمي بس ابقق عيوني وتخاف مني لأني رجال واخوف
بسام : لحد يسمعك بس
........................................
شوق صحت من النوم وفتحت عيونها بتعب وتحس جسمها متقطع مو قادره تحرك شئ
عدلت من جلستها حست بالألم شوي يخف وقدرت تقوم وحست بدوخه وكن احد يجرها
طاحت على السرير ومسكت راسها من الألم وتردد ببالها صوت السديس وهو يصلي بالناس بمكه
وحست بالألم يزيد ويزيد اخذت حبة منوم شوي شوي حست بنفسها ناعسه ونامت
<< من صار يجيها الألم بمكه وهي تطرده بحبة المنوم
.....
ساره كانت ببيت اهلها .. تبي تطلع كشخه لما تروح لشجون اليوم لأن من كلام تركي إنها إنسانه تموت بالكشخه واول مايلفت نظرها شكل البنت وبعدها ملابسها
ككون اروى اسمن من ساره فتطلع ملابسها شوي وسيعه على ساره فراحت لشوق مثل جسمها
دخلت الغرفه وشافت شوق بحاله غير طبيعيه تتنفس بتعب ومرتميه بطريقه غير طبيعيه رجولها ونصف جسمها كنها بتطيح وراسها وظهرها على السرير وكرتون حبوب طايحه بالأرض والمويه طايح بالأرض
خافت عليها وجهها احمر وتتنفس بسرعه ونايمه بطريقه ترعب
ساره : ششوق شووق
شوق نايمه ومستحيل ترد عليها
ساره خافت من جد واخذت الحبوب الي طايحه بالأرض وقرتها حبوب منوم
ساره صرخت : ششووووق شووووق
شوق :..................
ساره هزتها بقوه وجلست تضرب فيها وتكب عليها مويه واخيراً حست وردت
شوق : هااه
ساره : شوق شفيك انتي تعبانه
شوق : انا لا مافيني شئ انتي شفيك صحيتيني
ساره : شوفي نفسك بالمرايه وكيف نايمه ترعبين وثانياً ليه ماخذه حبوب منوم
شوق بأرتباك : مافيني شئ شكلي طحت من السرير خذت حبوب لأني فيني أرق مانام وخذتهم
ساره : بس مو زينين على صحتك
شوق : طيب طيب وشتبين جايه
ساره : بدور لي شئ من ملابسك بروح ازور حماتي شجون
شوق : هذا عندك الدلاب ومره ثانيه تشوفيني نايمه لاتصحيني
ساره : براحتك بس حالتك تخوف
وراحت للدلاب فتحته احتارت تلبس جينز وتيشرت ولا فستان
ساره التفتت لشوق : شوقو البس جينز وتيشرت ولا فستان
شوق : براحتك اذا في فستان ناعم عندي لبسيه
ساره جلست تحوس بملابس شوق ولقت فستان بيج ضيق وفيه ورود اسود من تحت وبعدها ضيق بالوسط بالأسود ومن الأكمام باف وفيه كسرات كان ناعم الفستان
لبسته ساره وناظرت فيه نفسها كان مخصر على جسمها ومطلع جسمها وكان قوامها رهيب
لفت مره ومرتين وثلاث ودخل مزاجها الفستان
وحاست بأكسسوارات شوق لقت اسوارتين اسود لبستهم وكأنهم جايين طقم مع الفستان واخذت حلق اسود
ماتحب العقد كثير فما فكرت إنها تدوره
كانت مستشوره شعرها وفتحته وبرمته من الجهتين ونزلت لها خصل وصارت ناعمه
ولبست كعب اسود وطلعت من غرفة شوق وراحت لغرفتها وحاست بالأشياء واخذت لها شنطه بيج ماركة "قوتشي"
رن جوالها وراحت له وكان تركي رفعته وردت
ساره : هااي
تركي : هلا
ساره : ششو بدك
تركي : شكلك رايقه وتتكلمين لبناني
ساره : بيلئوق "بيلوق" علي مااا
تركي : مااا
ساره : ههههههههه .. ليه داق
تركي : اطمن عليك
ساره : لا ترى كذا مقدر
تركي : مصدقه
ساره : مالت
تركي : عيييب
ساره : طيب اسفه ..
تركي : خلصتي .؟
ساره : هممم يسس بس باقي البس عباتي واشوف نفسي بالمرايه لمدة 5 دقايق وبعدها انزل وافسخ عباتي واوري كشختي اهلي وبعدها بطالع نفسي وبعدها بخلص
تركي : وللللللل .. مادريت إنك تحبين نفسك لهالدرجه وتحبين تناظرين نفسك كثير
ساره : انا امووت بالمرايه
تركي : طيب عبري عن حبك للمرايه بالسياره يالله عاد لاتتأخرين انا احتريك تحت
ساره : طيب حبيبي ماراح اتأخر
تركي : طيب يالله مع السلامه
سكرت ساره من تركي ونزلت تحت ركض وراحت الصاله لأمها واروى
ساره فسخت عباتها : مامي رورو شرايكم
ولفت لفه
ام فيصل : قمر ماشاء الله
اروى : تهبلين
ساره : جد
ام فيصل : ايه والله جد
ساره لبست عباتها بسرعه وتحجبت ونست تحط قلوس وكحل ومسكره اهم شئ تعتبره اهي
وبسرعه ركضت لغرفتها واخذت قلوس فوشي وحطته .. ساره تطول وهي تحط الكحل تعتبره هو الميك آب كله الكحل
حاولت تخفف يدها وترسمه بسرعه ورسمته وطار
ناظرت نفسها ومن القهر صرخت : ياللللللللله
وراحت دورة المياه "الله يكرمكم" وناظرت بوجهها يضحك بالكحل مسحته بسرعه بالمويه وطلعت واخذت كلينكس ومسحته ورسمته رسمه عاديه وحطت مسكره ونزلت تحت ولبست حجابها
ونست ساعتها وركضت لفوق واخذت ساعتها ولبستها ونزلت ونست تتعطر وصعدت فوق وتعطرت بعطرها ماركة "جيفنشي" وحطت العطر بالشنطه ونزلت وهي تركض وطاحت بالدرج لأنها لابسه كعب وصرخت
ساره : آآآآآآآآآآآآه
اروى : ههههههههههههههههه مسكينه
تألمت بس بسرعه قامت وجلست تمشي على رجل وحده وطلعت برا وهي تمشي على رجل وحده وماسكه رجلها
ركبت السياره وجلست تحوس برجلها وتتألم
تركي : وششفيك
ساره : تخيل لبست وكذا ونسيت احط قلوس وكحل ومسكره وصعدت فوق وحطيت واخترب الكحل ومسحته وحطيت من جديد ونزلت ونسيت ساعتي وصعدت واخذتها ونزلت وبعدها نسيت عطري وصعدت فوق وتعطرت وحطيته بالشنطه وانا انزل طحت بالدرج افففف
تركي : ههههههههههههههههه والله محد قالك تلبسين هالكعب
ساره : شسوي ماعندي انا جزمه لا سودا ولا بيج وشويقه اختي الدبه ماعندها إلا هالكعب تزيد من طولها
تركي : كان لبستي شحاط
ساره : حلوه ذي كاشخه وحالتي حاله والبس شحاط
تركي : عادي
ساره : عندك بس عندنا حنا البنات مو عادي
تركي : تكفين انتي بسس
.....................................
شجون كانت بتلبس تنوره بس فكرت إنها بتروح وتجي وماراح ترتاح ولو لبست فستان نفس الحاله
فلبست جينز ضيق اسود وتيشرت احمر ساده وفوقه كرفته سودا وفتحت شعرها وسوت باف ونزلت لها خصل وصارت ناعمه
وفكرت إنها راح تتحرك كثير وبالكعب ماراح تعرف تتحرك وتاخذ راحتها فلبست شحاط احمر ولبست حلق احمر وساعه سودا
راحت للمطبخ كانت عامله مقليات صرخت لما شافت المقليات تحترق
شجون : لااااااااااااااا
ياسر كان توه كاشخ وبيطلع لابس ثوب وطاقيه وشماغ ومتعطر ولابس ساعه فخمه
راح لها المطبخ وشافها تتحلطم
ياسر : وشفيك
شجون : المقليات احترقت
ياسر : طيب عادي
شجون : اففف بالنسبه لك عادي انا تعبت عليهم
ياسر : اجل لو مسويه مفطح واحترق وش بتسوين بتذبحين نفسك
شجون : انا اسوي مفطح تحلم انت انا ماسويت أسهل شئ معكرونه اسوي مفطح
ياسر : على سبيل المثال اعرفك داده ماتعرفين شئ
شجون تخصرت : شقصدك
ياسر : لاتتخصرين اقول الحقيقه
شجون : اقول بس اطلع الحين بتجي مرة اخوي
ياسر : ومين بيجي .. ملك على غفله
شجون : بيجي اخوي اهو الملك وزوجته هي الأميره
ياسر : ماشاء اللهـ يالله انا طالع تامريني على شئ
شجون : ايه لاهنت اشتر ورق عنب ومقليات وبيتزا لأني تعبت مو طابخه وهي قربت بتجي
ياسر : طيب يالله سلالام
........................................
في المطار
راكان كان مع ابودلال بيسافرون دلال مكشره وزعلانه لأنه بيسافر وبيتركها وبتضطر تروح بيت اهلها وتنام عندهم وتشوف اكرهه إنسان على وجه الأرض بالنسبه لها وهو ولدها مشاري
..
كانوا بالمطار ام دلال وشذى وابو بدر وام بدر وبدر بكرسيه ودانه ودعوا كلهم ابودلال وراكان وراحوا
شذى غرقة عينها بالدموع : السند راح ومدري بيرجع لنا شافي متعافي ولا بيرجع مثل ماراح
ام دلال : لا إن شاء الله بيتشافي لا تقولين هالكلام تفائلوا بالخير تجدوه
شذى : وانا متفائله برب العالمين
ام بدر ببتسامه : إن شاء الله يقوم لكم سند وتفرحون فيه
ام دلال : إن شاء الله
دانه راحت لشذى : شذووي المفروض تنبسطين لأن ابوك بيسافر يتعالج وتفائلي وكله قولي إن بيرجع بدون هالكرسي
شذى : إن شاء الله
دانه : يالله عاد وخري هالتكشر وابتسمي ماحب اشوفك مكشره وترى مايلوق عليك
شذى ابتسمت : هذاني ابتسمت
دانه : يالله تراهم مشوا وخلنا خلينا نلحقهم من جدهم مشوا
شذى ودانه مشوا وراهم وهي يسولفون ويضحكون لكت شذى بالهم مشغول بأبوها
.................................
ابوفارس : حسبي الله عليها من بنت كانها فشلتنا وسودت وجهها إن شاء الله تموت ونفتك منها
ام فارس :..................
شهد : يمه انا علي اختبارات ولازم اروح المدرسه بس مالي وجهه اكيد بيجيني كم طنازه من البنات
ام فارس بعصبيه : لاتفكرون بالطلعه او تعدون هالباب انتوا بتنحسبون بالبيت فاهمين
شهد : والمدرسه
ام فارس : انسيها
شهد : طيب طيب
لجين بهمس لشهد : شهد لاتكلمين امي وهي بهالحاله وراح تروحين المدرسه إن شاء الله
شهد ارتمت بأحضان لجين وبكت من القهر وكيف بتقابل الناس تبي تختبر وتطلع ماتبي تخالط البنات وتجلس معهم ولجين وكذلك تبي تحضر المحاضرات وتختبر وتطلع ماتبي تخالط البنات حتى بنات خالها وخالتها
شهد : لو ريناد مو اختنا ولا جابتها امي كان ماعرفنا شئ اسمه حزن وهي مصدره
لجين : لا شهد لاتقولين هالكلام وهذا ابتلاء من رب العالمين
شهد : إلا والله عقاب لنا ولها .. عقاب لنا لأننا تركناها تسرح وتمرح على كيفها وعقاب لها على الي الفضيحه والمصيبه الي سوتها الي ماتنسي ابداً
لجين : صدقتي والله لكن إن شاء الله بالأستغفار وذكر الله بيهون كل امر عسير
شهد : ماظن
لجين : استغفر الله بسس الله قادر على كل شئ
شهد : الناس ماعندهم إلا الشماته والتطنز وموتهم هالأشياء الفضايح
لجين : بس خلاص شهد سكتي لاتذكريني بالناس وكلامهم لاتخليني ابكي وافضح الخافي
........................
ريناد وعبدالله من عرفوا بالخبر واهم قالوا إنهم موراجعين للشرقيه بعد هالفضيحه ونشر صورهم
ريناد وهي تبكي : ليتني ماعرفتك
عبدالله : الفضيحه مو بس فضيحتك حتى انا
ريناد : انت الي حاولت معي وغصبتني اتعرف عليك وفرضت نفسك علي لحد ماتعلقت فيك
عبدالله : ريناد هي ابتدت بالظلام لكن انهيناها بالنور
ريناد : نور هااه نور .. النور إننا تزوجنا بالسر بدون علم اهلنا وحملت
عبدالله : بس الطفل طاح
ريناد : والعقاب فضيحتنا
عبدالله : آآآه بس انا لو اعرف مين الي نشر الخبر ومين وصل هالخبر لهالزفت الصحفي
ريناد : والمشكله محد يدري بالسياره غير اهلي واهلك
عبدالله : انا والله لو اعرف مين نشر هالخبر لأذبحه بيدي هذي واشرب من دمه
.................................
هديل << اكيد نسيتوا هالأنسانه الي كان لها دور بسيط بروايتنا
هديل اخت عبدالله كانت بغرفتها تكلم صاحبتها اماني
هديل وهي تصارخ بعصبيه : يالحقيره يالخاينه العشره الي بيننا انا اقولك سر اخوي وتروحين تقولينه لأخوك واخوك ينشره جد ماتستحين على وجهك
اماني : صدقيني وربي اخوي قريب مني حيل وانا خبرته وعارفه إن سري في بير لكن مدري وش صار وليه نشره ووش الهدف
هديل : مو اللوم عليك اللوم علي انا الغبيه الي خبرتك واحسبك من جد صدقه وسري في بير مستحيل يطلع اثر سري اقوله لك من جهه وانتي تقولينه من جهه ثانيه لأخوك الصحفي
اماني : هديل امانه سامحيني والله ماكان قصدي
هديل : اسامحك على الفضيحه الي سويتيها لنا ولأخوي
اماني بصوت مبحوح شبه يبكي : انا اسسفه
هديل : ماكل جرح بلسمه كلمة اسف
اماني : والله صدقيني انا بفهمك موقفي انا قلت لـ
هديل بمقاطعه : لاتبررين لي خطاك مابي اسمع عذر
اماني : هديل خليني افهمك موقفي تكفين انا والله خبرت اخوي
هديل : اووه خلاص كم مره عدتي هالكلام ... خلاص كل شئ بيننا انتهى وانسي إن عندك صديقة اسمها هديل فاهمه
وسكرت الخط بوجهها وجلست تبكي وهي متكوره وتهز نفسها من الضيق وتحس باللوم والقهر من نفسها كيف طاوعت نفسها وقالت سر خطير مثل هذا لأماني وهي تدري إن اخوها صحفي بس ماتوقعت ابداً إن اماني تقول لأحد وهي دوم تقول لها اسرار عن حياتها الخاصه ومامره سمعتها من أحد
.........................................
في المسشفى
اريج توها صاحية وسمع الدكتور لهم بالدخول ككون حالتها الصحيه بخير
ام سامي وهي مبتسمه بفرح : كلللللللللللللللللللللللل للللللللللللوش
منال : الف الف الف مبرووووك
لميس : وربي الفرحه صارت فرحتين فرحة خطوبتي وفرحة ولادتك بشموخ الحلوه
اريج ابتسمت بتعب : ابي اشوف شموخ
لميس : الحين نايمه شفناها تهبل كتكوته تشبه لك
اريج : ماتشبه ابوها
ام سامي : ماسمعتي زوجك شيقول يتمنى إنها تشبهك ويقول لو تشبهك بتطلع قمر
اريج : يسلم شخبار بنته اشواق
ام سامي : يقول سووا لها العمليه واستردت نظرها واليوم بيسون لها إن شاء الله عملية تجميل وراح تصحى بكره وإن شاء الله تتشافى
اريج : إن شاء الله
منال : وااي مو مصدقه واخيراً طفل بينعش بيتنا الكئيب
لميس : عقبال ماجيب انا بعد عيال
منال : مافي أمل تكونين ام
لميس : ليه إن شاء الله ياحبيبتي
منال : لا ولا شئ
لميس : مادريتي اريييج اليوم دقت مرة عمي ام سعود وطلبت وترجت من امي إن الملكه تتم بهالأيام والخطوبه والعرس متى ما أبي
اريج : وانتي وافقتي
لميس : ايه وافقة شسوي ترجت امي وامي ومنال اقنعوني يعني فتره خطوبه اتعرف عليه وكذا
اريج : ايه جد
ام سامي : اريج حبيبتي لاتتعبين نفسك وتتكلمين ارتاحي
منال : يمه لاتدلعينها
ام سامي : إذا مادلعتكم ياعيالي مين ادلع
اريج : لا عادي مو تعبانه بس شوي احس بلوعة بكبدي
ام سامي بخوف : انادي لك الدكتور
اريج : لالا مايحتاج احسه خف
دخل سامي وبيده بنت اخته شموخ الي تبكي وهو مبتسم
سامي دخل الغرفه : جيت وجبت معي بنت اختي شموخ الحلوه
اريج من الفرح قامت من السرير والأجهزه عليه ماهتمت راحت لبنتها وشالتها بين يديها
باستها اريج اكثر من بوسه مو مصدقه واخيراً صارت ام وولدت
اريج : بس حبيبتي ليه تبكين لاتبكين ياعيون امك انتي
جات النيرس تركض وهي مرتبكه دخلت عليهم الغرفه
النيرس : مدام هذا مافي بيبي انتي انا في يغلط في يعطي بيبي مو حق انتي
سامي : انا متأكد قاري الأسم
النيرس : لالا في غلط بسيط تعال في شوف اتأكد
راح سامي مع النيرس لغرفة الأطفال وشاف السرير الي فيه بنت اخته ومكتوب عليها ريان الـ؟؟؟؟
سامي مو مطمئن وحس هالبنت بنت اخته بس مايدري تخربط هالبنت مكتوب عليها اسم ريان زوج اخته
حملها بين يدينه وراح لغرفة اخته وعطاها اريج ..
اريج : لالا هذي مو بنتي ذيك بنتي
سامي ببتسامه : لا هذي بنتك مكتوب عليها اسم ريان
اريج ناظرت بأمها وخواتها منال ولميس
منال : اصلاً هذي تشبه لك ومبين بنتك لاتشكين
اريج : جد تشبهني بس مدري حبيت ذيك البنت
لميس : مامدى حبيتيها
سامي : تصدقين كل الأطفال مكتوب عليهم اسماء اهلهم إلا هالبنت
اريج : يمكن يتيمه
ام سامي : وإذا يتيمه بتتبنينها يعني
اريج : ايه
لميس : اقول بس اريج لايكثر هرجك يكفي عندك اشواق بنت ريان وبنتك شموخ وبعد بتربين الثالثه
اريج : من جدك اتبناها .. يكفي عندي شموخ
وجلست تبوسها وتضمها تحسها شئ بجد بنتها تشبهها كثيير
..................................................
|