السلام عليكم و رحمـة الله و بركـاته
طبعـاً حبيت انزل روايتي ف هالمنتدى حبيت اني احتفظ ب هالروايه كوني تعبانه فيها ف قلت انزلها و تنحفظ حتى لو نسيتها .. بسردها لكم و أتمنى انها تنال إعجابكم .. م اسمح بنقلـه بدون الاحتفاظ بالحقوق و المصـدر وبس " قراءة ممتعـه "
"
بسم الله الرحمن الرحيـم ..
الفصل الأول
"
” امريـكـيا. “ ..
"
كانت نايمه ع بطها وحاطه ايدها تحت مخده
فتحت عيونها من صوت المنبه عقدت حاجبها
بألم وهي تئن بخفه ضلت ع وضعها لثواني مالها
حيل تقوم ثم تحركت وهي ترفع نفسها ناظرت
الشرشف شافت بقعة دم القت نظرها ع بطنها
لبسها كله دم الوكاد ان جرحها انفتح و نزف عضت
شفتها بألم و قهر من تفسها كان المفروض يبرى بس
من اهمالها كل مره تحاول تنام بوضعيه صحيحه و تصحى
بوضعيه غلط لا إرادياً تنام ع بطنها بعدت الشرشف
عنها و اعتدلت بجسلتها سكنت لثانيه و تناظر بطنها
و بقهر : الحين ليش ناشبه لي ي خي خلاص طيبي وفكيني
هف " و بغباء " انا معك اني هاملتك بس انتي ساعديني
" سكتت لثواني وهي تستوعب وضعها و ضحكت بعبط "
يمه بسم الله وش فيني استغفرالله الله يخلف على
عقلي " و بهمس " زين امي م شافتني " ..
فجأة تذكرت الجامعه شهقت بخفه اكيد انها تأخر هذا
اول يوم من بعد اجازه دامت لشهر بسبب حادثه ازمه
مرضيه قامت بعجله متوجهه لتواليت غسلت وجهها ناظرت
نفسها للمرايا : الحين من جدي بغدي للجامعه بدون
م اتحمم م نفسك ي دكتوره ..
خذت الفوطه بعدم اهتمام لجل تتحمم " بعد دقايق! "
طلعت وهي عاضه شفتها و تنطنط من الوجع جرحها يحرقها
راحت بسرعه نشفت ع الجرح و عقمته و ضمدته وهي تتأفف
من حالها خذت مسكن لان يوجعها " بعد ربع ساعه "
بخت من عطرها اخذت شنطتها و داخله الاشياء المهمه
خذت ملزمتها و بعض من الكتب سحبت معطفها الرمادي
ووشاحها و طلعت من جناحها نزت اسفل دخلت الصاله
حصلت امها جالسه تفطر ابتسمت و بمرح : قود مورنيق مام ..
اقتربت منها وباست راسها و جلست جنبها ..
ناظرتها بطرف عين : ماني صديقتك !! .. صباح النور !!
وش منزلك !! وين بتروحي !! ..
رتيـل : افاا يمه نسيتي اليوم اول يوم بداوم خلاص
انتهت اجازتي المرضيه اللي اخذتها ..
ام رتيـل ناظرتها بتمعن بشك : انتي تحممتي صح !؟ ..
رتيـل صدت مدت ايدها تاخذ من صحن " الخيار التركي
حامض " ضربتها ام رتيـل ع ايدها تمنعها من الاكـل
وبحده : لا تاكلي من هالاشياء ؛
رتيـل بغيض : يالله صباح الخير علامك يمه منفسه من الصبح بفطر انا بس ..
ام رتيـل تنهدت بضيق : منفسه منك لانك هامله قدامك اطباق غيرها كلي منها هذي لا تقربي صوبها ولا تاكليها مفهوم بس لفتره عشان جرحك !! ..
رتيـل هزت راسها بطواعيه : خلاص ابشري يالله صار لازم امشي تاخرت ادعي لي يمه ..
ام رتيـل ابتسمت : الله يصلحك و يوفقك و ينور طريقك يارب انتبهي لنفسك ي ماما ..
رتيل ابتسمت بقوه حتى بانت صف اسنانها و نطت تضمها بقوه و تبوسها : اووخ ملاك انتي شنو احبك انا يمه .. ختمت وجهها كله ببوسات ..
ام رتيل ضحكت وهي تبعدها عنها : خلاص ي يمه الحين بتضري نفسك يلا توكلي ع الله ..
رتيل بعدت وقفت تلبس معطفها. وتلف الوشاح جول رقبتها دخلت الكتب بشنطها الصغير و خذت ملزمتها بيدها ناظرت امها وابتسمت : مام بس بوسه وحده اخر مره والله ..
ام رتيل بطقش ممزوج بحب ضحكت بخفه : يالله يالله سوي اللي تبينه بسرعه قد طبعتي كل روجك بوجههي ..
رتيل ضحكت بعفويه مسكت ايدها وباسته : اي صايره بيبي فيس وتجنني " مددت ايدها و قبصت خدودها " يمه فديتك والله ..
لفت وهي طالعه من الصاله و تضحك وهي تسمعها تتحلطم و عيون امها تتبعها لين اطلعت !! ..
"
ركبت السيـاره متوجهه للجامعـه ع الطريق رن فونها طلعته من الشنطه الكتفيه وبيدها الثانيه ملزمتها او مذكرتها شافت الاسم وابتسمت ردت : يالله حيهم شوفي ادري انك مشتاقه م يحتاج تقولي !! ..
نوف : هاللي بتذبحـني بثقتها ترا لا تصدقي نفسك ترا داقه اقول ان محاظرتك بدت وحضرتك م وصلتي !! ..
رتيـل شهقت بخفه : تقولين الصدق ي السويده !! ..
نوف بعصبيه : سويده تسود راسك قلي آمين ي مال العافيه ..
رتيـل ضحكت : هههههههههههههههههههههههه هذي حقيقتك تقبليها ي حلـوتي ..
نوف : هين ان م حصلتي توبيخه حلوه من الدكتور و بعدين تعالي وراه مروقه هالكثر !!..
رتيـل سكتت شوي ثم تكلمت : الصدق ي نوف مدري مرتاحه و ماني مرتاحه يعني مدري احس بتناقض بس ..
توف بفلسفه : شوفي ي حلوتي انتي " قاطعتها " ..
رتيـل تقاطعها بطفش وهي عارفه ان بتـبدا الراديو : اقول انا ي فيلسـوفه لازم اقفل لان وصلت ..
نوف بإمتعاض : زينن زينن يلا مع السلامه ..
قفلت نزلت من السياره وهي تمشي بكل ثقه و شموخ و تشد ع معطفها و وشاحها الصغير حول رقبتها من البرد .. دخلت من الباب الرئيسي كالعاده و بدت تمشي من ع جنب الحوش حتى توصل لداخل " فجـأة "
"
بحكي و بوصف لكم عن الشخصيات المهمه فقط لروايه
” عينآك أغنية و إبتسامتك مقآم موسيقى " ..
"
"
ام رتيـل : العمر " 39 " انسانه حازمه طبيه و حنونه و عصبيه احياناً تحب بنتها توقف معها ف كل شي الا ع الغلط صابها مرض من بعد وفاة زوجها م علمت رتيـل فيه خوفاً من ان تتعب نفسيتها و ترجع لحالتها تشتغل بالجمعيات ذوي الاحتياجات الخاصه ..
#اكتفي ..
"
"
رتيـل : العمر " 21 " طيبـه حنـــونه موت عنيـده بالحيل فطيـنه تحب المغامـرات قصيره بيضه جميله عيونها وساع شفايفها صغيره و مورده بخفه خدودها مليانه من الله بس مو دبدوبه تدرس بالجامعه ثاني سنه بتخصص " كيميـاء " ذبلت و ضعفت من بعد وفاة ابوها و بتوقعها ان هي الي تسببت بموته لان مم قدرت تساعـده بس بطبعها قـويهه تتحمـل و تتجاوز و تاخذ حقها بيدها ان كان معها حق فيه .. تجيها مرات حالات عبـاطه و غبـاء ..
#اكتفي ..
"
"
متعِـب : العمر " 34 " معـاق " م يقدر يمشي " انسـان هـادئ حاله حـال نفسه م يحتك ولا يتكـلم غامض نوعـاً ما عصبي لـ قال كلمـه تنفـذ غصبن عن الكـل عنيد و بقوه و بنفس الوقت حنون قلبه طيب يدرس بس بقسم ذوي الاحتاجات الخاصه بتخضض." كيمـاء " جميـل له عوارض خفيفه و غمازه بخده اليمين ابيضاني كان انسان رياضي و معضل بس من بعد الحادث مع التعب و عدم ممارسه الرياضه ذبل و نحف ..
#اكتفي ..
"
"
نـوف : العمر " 21 " تدرس جامعـه بتخصص مع رتيل عربجيـه و خبلـه تحب المغامـرات امها و ابوها متوفيـن حقانيـه تحب تعتمـد ع نفسها ذكيـه طويـله جميـله امريكـياً الاصـل بس درست بدايتها ف السعوديه .. لو اجتعو هي و رتيـل و شلتهم ع الدنيا السـلام ..
#اكتفي ..
"
"
ملاحظـة : كل الشخصيـات وضعهم المـادي عالي و ممتـاز .
الوصف بيساعدكم ع الخيال .. واذا م عجبكم تخيلوهم مثل م تريـدون. ..
"
"
قفلت نزلت من السياره وهي تمشي بكل ثقه و شموخ و تشد ع معطفها و وشاحها الصغير حول رقبتها من البرد .. دخلت من الباب الرئيسي كالعاده و بدت تمشي من ع جنب الحوش حتى توصل لداخل رفعت عيونها وهي تدورهم بعيونها تعهدهم بمكانهم المعـتاد و سرعان ابتسمت بشوق تقدمت لهم بخطوات اشبه بالركض بحذر اقتربت و بهـدوء معتاد : السلام عليكم ي بنات !! ..
البنات لفو لها و صرخو بفـرح و شوق لها ..
العنود تضمها بشوق : ارحبي الحمدالله ع السلامه قرة عينا بشوفتك والله ..
رتيل تشد عليها تبعد عنها و بضحكه : ي العياره !! ..
ليـان بإبتسـامه هادئه : ونا انشد وراه الجامعه منوره سلمتي ي عيني اخر الاوجاع يارب ..
رتيـل بمرح وبإبتسامه جذابه : الله يسلمك جعلني قداكم لا خلا و عدم منكم !!..
وحده من شلتهم : هاه الحين عساك زينه م بك خلاف صح !!..
رتيـل ناظرتها بهدوء : شوفت عينك مابي شي والله الحمد !!..
تجمعو عندها اللي بشعبتها و بعض من البنات يعرفونها يتحمـدو لها بالسلامه ..
" ربع ساعه " جلست ع احدى الكراسي المرصوصه بشكل دائري وسطهم طاوله دائريه من النوع الزجاج بعد م خلا المكان من حولها بإستثناء شلتها وزعت انظارها بتفقد وكأنها تبحث عن احد ..
العنود ناظرتها : من تدورين عليه !! ..
رتيـل ناظرتها : مريـم وينها من جيت م لمحت زولها !! و كمان نوف وينهي منساع ابثرت امي متصله تقول محاظرتك انتهت والحين م اشوفها !! ..
ليـان وهي تطقطق ع الجوال رفعت نظرها لها : كلهن كانو هنا قبل تلفين مير غدن لمحاظراتهم !!..
رتيـل هزت راسها بهدوء وهي تفسخ وشاحها تحس اختقت منه و دخلته بشنطتها الصغيرهه تذكرت اجازتها الشهري فاتتها محاظرات كثيره و يمكن امتحانات بعد فزت : بنات الحين عاد مدري وش اسوي فاتتني بإجازتي المرضيه اشياء كثير كيف بلحق عليها !!..
ليـان طبطب ع كتفها : ازهليها حنا معك بنساعـدك !!..
العنــود هزت راسها ضربت بيدها ع صدرها بفزعه : افــاا عليك ونا اختك ..
رتيـل بإبتسـامه وحب : كفو والله كفو !!..
جت من خلفهم مريم وهي توها طالعه من محاظرتها وبيدها حوستها كتبها و ملزمتها شافت اخر حركه سوتها العنودx تداخلت وتشاركت بالحوار و بمرح ممزوج بالإستهبال : ي خطير ي بو راجح !!..
لفت لها رتيـل قامت و شهقت بخفه و صرخت بشوق و لهـفهه نطت تضمها : حيوانه اشتقت لك اللف !!.
مريم تشـد عليها بحب : امداك هماني عندك قبل يومين من غير اليوم !!..
رتيل بعدت و بزعل مصطنع : يومين كثير عندي يعني انتي طيب م اشتقتي لي !!..
مريم مسكت ايدها تجلسها وتجلس قبالها و تحط اشيائها ع طاوله : لو م اشتقت لك م كان استأذنت المحاظره و طلعت متلهفه اشوفك !!..
رتيـل بعتب : ليه م عاد جيتيني من اخر زيـاره قبل يومين !!..
مريم : حقك ع راسي ي خيه مير تذكرين قبل يومين بأخر زياره حكي لك ان بيفتحو قسم لذوي الاحتياحات الخاصه بالجامعه عاد من حظي المزيون طلعت انا من ضمن اللي يتعاونون ع هالمشروع و ابشرك معي البثرهه نوف !!..
رتيـل بتعجب : ليش تخصصك يسمح لهشي. !!..
مريم اعتدلت بجلستها : هذا مشروع اجتماعي إنساني يعني ماله دخل بتخصصات مدير الجامعه و الاداره وبعض من الجمعيات تداخلت و قامت بإتفاق و إختيار طـلاب من كل تخصص اظن خمس يتعانون به ولهم مكافئه ع حسب ظرف كل طالب !!..
رتيـل بفـرح : الله جميل ياربي مره مبسوطه !!..
مريم بإبتسامه : ع الفكره اختـاروك انتي بعد بس عرفو انك بأجازه و اختارو نويف بدالك !!..
رتيـل تأففت بحسرهه : لا ليش طيب اقدر انضم و اتعاون ولا مكتفيات خلاص ؟!!..
مريم هزت كتوفها : والله م عندي علم بس تقدري تحكي مع المدير و كونك من ضمن اختباراته و للعلم انه عارف بوضعك اكيد بعذرك و يوافق !!..
رتيـل صفقت بحماس : يوه مريوم قسم تحمست تعرفين مشاريع مثل كذا اموت اتعاون فيهم " قامت " بروح اكلم المديـر هالسااع !!..
مريم مسكتها من ايدها : اقول اركدي ي بنت ثاني محاظره تسحبين عليها يلا اشوف بوجهك ع القاعه !!..
رتيـل بضجر وإهمال : هف م ودي احضر !!..
مريم بركاده : خلك مثل نويف شفتها ونا جايه داخله القاعه اول الطلاب وبعد جالسه بصف الاول و رازه خشتها قبال الدكتور !!..
رتيـل سهت تتخيل شكلها و سرعان م تلتها ضحكه : ههههههههههههههههههههههههه ه م منها رجى !!..
قامت خذت ملزمتها و دفتر ملاحظاتها وشابت الماده اللي عليها : يالله انا بروح عساي اللحق ولا احصل طرده من اول يوم !!..
مريم ابتسمت من قلب لها : موفقـه ي روحي !!.. ابتسمت لها و مشت عنهم متوجهه للقـاعه وصلت شافته الباب مقفل عضت شفتها بغيض اكيد بدت المحاظره تأففت ثم تمتم بالإستغفار و توكلت ع الله اقتربت و طقت الباب ثلاث مرت متتاليه فتحت الباب بخفه و دخلت بخطوه وقفت و همست : دكتور ممكن ادخل ؟!! ..
الدكتور كان يشرح لف ليساره و ناظرها بتمعن و تكلم بصوت حاد معتاد درجه رن صدى صوته بأرجاء القاعه لضاخمة صوته و بسبب سكون و هدوء الشعبـه .
"
يتبـــع ..
روابط الفصول
الفصل الأول .... اعلاه والمشاركات التالية
الفصل الثاني .... بالأسفل