اقتربت من امها وهي تلحفها بحب انحنت حتى تبوس راسها ابتسمت بذبول وهي تلف و تطلع من الصاله و تصعد الدرج دخلت جناحها بتعب و هلاك رمت شنطتها و معطفها ع الارض اتجهت للسرير و رمت نفسها و غمضت عيونها كلها ثواني نامت بتعب ..
"
« يوم جديـد + عند ام رتيـل » ..
"
فزت بخوف و هلـع وهي تبلع ريقها تحس حلقها ناشف ناظرت نفسها متلحفه سهت لثواني من لحفها وهي كانت منتظره رتيل ونامت بدون م تحس بلعت ريقها مره ثانيه ناظرته ليسارها اخذت كوب المويه شربت منه و هي تتنهـد بعدت عنها الوشاح طبقت و رجعته مثل م كان طلعت من صاله صعدت للجدرج وهي تهرول فتحت باب جناحها دخلت شافت اغراضها مرميه ع الارض نقلت نظرها لها نايمه بالعرض و بأهمال وبلبسها و كـ العاده نايمه ع بطنها هزت راسها بيأس تقدمت لها ابعدت شعرها عن وجهها وهي تتاملها وتمسح ع شعرها بلطف و حنيه هزتها من كتفها بخفه : رتيـل يمـه اصحي !!..
رتيـل مثل ماهي حاسه ساكنه و بلا حـراك .
ام رتيـل بتعب : رتيـل ي بنت " صرخت بخفه من حستها م تحركت " رتيــل !!.
رتيـل فتحت عيونها بفزع سكنت لثواني تستوعب ناظرتها امها و بإرهـاق : وش فيك يمه اتركيتي انام بس شوي !!..
ام رتيل بحده : قومي ي مال الصلاح كم مره قايله م تنامي بـ هالطريقه وراه م توحين بالكلام " عصبت من شافتها رجعت نامت ثاني صرخت بقوه " قومي ي بنت جعلك باللي ماني بقايله !!..
رتيـل فتخت عيونها رفعت راسها و تسترجع شعرها للخلف و تقلب نفسها لظهرها وتنسد نفسها ع سور السرير تنفست بتعب و ناظرت بإمها وهي تبحلق فيها ببلاهه !!..
ام رتيـل عقدت حاجبها بإستغراب : انتي اشفيك " ناظرت ملابسها امسكتها من بلوزتها " وين كنتي ليلة البارحه ؟ امتى رجعتي؟ وليش مو معطيتني خبـر؟ .
رتيل مسكت راسها بإنزعاج : يمه يمه ي الله صباح الخير وش عندك " وبسخريه مازحه "x ي محققه كونان " انتهى ليلة البارحه و هذاني قدامك !!..
ام رتيل عصبت و صرخت عليها بقوه : احكي و جاوبي ع اسئلتي ولا تجادليني !!..
رتيل حطت ايدها ع اذنها بلعت ريقها بإرتباك : لا تصرخي يمه خلاص بحكي بحكي كنت عند صديقتي و " قاطعتها امها بنفس عصبيتها صرخت " لا تكذبي !!..
رتيـل عضت شفتها و غمضت عيونها بخوف : فالمقبره كنت فالمقبره خلاص ارتحتي بس لا تصرخي !!.
ام رتيل مسكت راسها و تتنفس بعصبيه : كم لي انبهك م تروحي هناك هاه م توحين انتي احكي لك م يجوز م يجوز !!..
رتيـل سكتت نزلت راسها بضيق ممزوج بالتعب !!.
ام رتيل ناظرتها بقرف من حالها : قومي يلا نظفي نفسك من هالقرف و صلي الفجر و بوجهك ع الجامـعه !!..
رتيل بهدوء رفعت راسها : ان شاء الله يمه بس ماني رايحه للجامعـه !!..
ام رتيـل بحده : لا بتروحي م بخليك هنا لحالك انا رايحه للمركـز وانتي بتروحي للجامعه غصبن عنك !!..
رتيل م تكلمت رفعت ايديها وهي تمسح ع وجهها بتعب !!..
ام رتيل تنهدت حاوطت وجهها وبكفوفها وباست جبينها بحنيه : قومي ي يمه الله يصلح قلبك و يهديك !!..
رتيـل ناظرتها ابتسمت بذبول و هزت راسها و قامت متوجهه للتواليت !!..
"
"
طلعت من التواليت وهي تنشف شعرها و عاقده حاجبها بألم من جرحها رمت الفوطه ركضت لغرفة التبديل وقفت قدام المرايا فكت الحبل الامامي " لابسه روب الحمام اعزكم الله "x بحيث يبان فقط بطنها ناظرت لبطنها من خلال المرايا وسعت عيونها بصدمه وهي تشوف جرحها ملتهب منفتح باقي خياطته مبطي م راحت لمراجعاتها ولا تاخذ علاجاتها همست بوجع " اه ياربي يوجع الله ياخذك من فايـز " تنهدت جلست وهي تاخذ الابره و الخيط تحاول تخيطه بس ماش رمت الابره بعصبيه والم قامت عقمته و ضمدته بلاصق ناويه تروح لدكتوره اكيد بتحصل منها خصام بس مو مشكله لبست ع السريع و طلت من غرفه متوجهه لتسريحه سرحت شعرها و فردته حطت ايلاينير و روج لحمي انهت به تعطرت اخذ اشيائها وطلعت من نازله من للدرج للصاله دخلت حصلته فاضي نادت الخدامه أحنبيه : اين والدتي؟!..
الخدامه : لقد ذهبت قبل دقائق معدوده !!..
رتيـل بهدوء : هل افطـرت؟!!..
الخدامه هزت راسها : لا ي أنستي لقد قالت انها لا تريـد !!..
رتيـل هزت راسها لبست معطفها ولفت عنها طالعه من البيت تنفست بضيق اكيد انها زعلت مني ولا م تفطر بدوني شافت العم فارس وهو ينزل من سيارته مشت له وقفت قباله وبإبتسامه بشوشه: صباح الخيير عم فارس !!..
العم فارس براحه انها شافها بخير ابتسم : صباح النور و السرور ي بنتي وش حالك !!..
رتيـل محافظه ع ابتسامتها : شوفة عينك ي عم الحمدالله انت وصلت امي؟!!..
العم فارس هز راسه : اي توي راجع من عندها !!..
رتيـل بإمتنان : مشكور لا ترجع لها انا بروح اخذها طيب بس تساعـدني برضاوتها ؟!!..
العم فارس : عرفت صح وين كنتي ليلة البارحه !!..
رتيـل تتهدت : اي والله " ناظرت ساعتها وبعجله " احكي لك بعدين كل شي بس ينتهي دوامي انا يلا صار لازم امشي انتبه لنفسك !!..
العم فارس ابتسم لها و هز راسه .
ركبت سيارتها و حركت مسرعه متوجهه للجامعه م راح تلحق لو راحت للدكتورهه " ربع ساعه " وقفت السياره و نزلت رمت المفتاح ع الحارس اللي كان واقف عشان يوقف السياره فالمواقب " هذا شغله " دخلت الجامعه وهي تركض تلحق ع المحاظره و كلها ثواني وصلت للقاعه فتحت الباب تنهدت براحه م شافت الدكتور بس القاعه مليانه يعني فوق هي متأخره الدكتور بعد متأخر مشت وهي تحمد ربها ولا بيسوي لها سالفه !!..
"
"
« بإحدى المراكز لذوي الاحتياجات الخاصه » ..
"
جالسه ف نكتبها وبيدها قلم تحركه بين اصابعها بعشوائيه ساهيه و تفكـر .. سحبت كرسي نكتبها تقدمت لها وجلست جنبها وناظرتها تأملت تفاصيل ملامحها الشاحبه : علامك ي ام رتيل تقل شايله كومه همـوم ع ظهرك !!..
ام رتيـل ناظرتها و بقلق : خايفه ي ام متعب !!..
ام متعب اعتدلت بجسلتها وحطت ايدينها ع المكتب : وش هو اللي مخوفك هالكثر !!
ام رتيـل رمت القلم تنهدت بتعب : خايفه ع رتيـل هالبنت متعبتني و هامله متعبه نفسها كل تفكيرها محصور للحين بالحادث لدرجة نست تعاليمها الدين الاسلامي " نزلت راسها و بضيق " م قدرت انسيها اللي صار مب قادره احافظ عليها ي خوفي اخسرها مثل ابوها !!..
جات ام هنادي من جولتها شافتهم متجعين خذت كرسيها وانضمت معهم من سمعت اخر كلامها ثم اردفت بهدوء : بس انتي معاها م بيصير لها شي !!..
ام متعب ناظرتها و هزت راسها بتأيد و رجعت نظرها لها !!..
ام رتيـل بحزن : بس انا مب دايمه لها الا م يجي و يقلتني هالمرض !!..
ام هنادي بلعت ريقها : انتي م حكيتي لها !!..
ام رتيل ناظرتها و هزت رايها بنفي ..
ام متعب : بس كان المفروض تصارحيها من الاول احسن م تكشف هشي بوقت غلط بتنصدم و تنهار !!..
ام رتيـل مسحت وجهها بضيق : يمكن حكيكم يكون صح بس انتو شفتو حالتها بعد الحادث م صدقت تصحى بعد غيبوبه دامت لشهر اشلون تبوني ارجع اعلمها ههشي مب ضامنه بثبات حالتها !!..
ام متعب مسحت ع كتفها بلطف : م عليه ي متعب هونيها و تهون لا تيأسي والله معك و كمان مع بنتك !!..
ام هنـادي ابتسمت بحزن عليها بس م بينت : صح كلامها وبعدين حسب كلام بنتي عنها بنتك قويه تقدر تحمي نفسها وانتي تعرفين بطبعها بتتجاوز وانتي امها بعون الله بتتجاوزين هالمرض و بتتعافين و يمكن بدون م هي تعرف بعد بس خلي ايمانك بالله قوي و دايم متوكله ع الله الله م ينسى عبده !!..
ام متعب ابتسمت : بكل الاحوال م تدرين وش الخيـره من هشي !!..
ام متعب ناظرتهم وابتسمت بإمتنان ارتاحت من كلامهم عطوها جرعه بسيط لو هالاقل من تفائل والامل تذكرت جلستها غمضت عيونها بضيق قامت خذت معطفها و شنطتها : ادعو لي عندي جلسه كيماوي اذا جا فارس احكو له !!..
قامن معها وهم يواسونها و يحاولون يقونها بأبسط الكلمات استودوعها و دعواتهم ترافقها !!..
"
« الجامعـه » ..
"
طلعت من المحاظره وهي قافلـه معها من الدكتور لو ماهي مهدده و موقعه ع تعهد انها بتنحرم من هالماده كان م حضرت له تأففت بغيض وهي تشوف نوف تضحك عليها : ضحكتي بلا ضروس ان شاء الله اسكتي !!..
نوف تضحك بقوه : ههههههههههههههههههههههههه ههههههههههههههههههههههههه هههه اما انتي والله شي !!..
رتيـل ناظرتها بعصبيه : الله ياخذك للجنه اروح عند المدير ابرك لي !!..
شمقت عليا و مشت عنها و نوف باقي مثل م هي داخله ف نوبة ضحك ..
وصلت دقت الباب ثلاث مرات دخلت من سمعته يسمح لها بالدخول تقدمت ووقت قبال مكتبه ..
المديـر رفع راسهx ابتسم بلطف من شافها : أهلاً ي رتيل " و قام مد ايده يصافحها " الحمدالله ع سلامتك طهور ان شاء الله !!..
رتيـل ناظرت يده م تجرأت ترده من ابتسامته اللطيفه و غصب مدت ايدها و صافحته وردت له الابتسامه : لله يسلمك أستاذ م تقصر اسفه اذا اشغلتك عن شغلك بس جايه احكي بموضوع !!.
المدير جلس : انا هنا بخدمتكم اشوف طلباتكم " اشر لها ع الكرسي " اجلسي و قولي موضوعك !!..
رتيل جلست و تكلمت بثقتها المعتاده : استاذ موضوعي بستفسر شوي بس عن مشروع " ذوي ألإحتياجات الخاصه " يعني لو ف مجال انضم و اششارك فيه !!..
المدير : شوفي انتي كنتي من ضمن اللي اخترناهم بس م الله كتب لك هشي بس انتي فيك تشاركي ك فعـل إنسـاني !!..
رتيـل بفهـــاوهه : اشلون يعني !!..
المدير ضحك : هذا وقت فهاوتك ي رتيل يعني انتي فيك تشاركي بس شغلكx بيكون غير و متعبه ولا يشمل المكافئه !!..
رتيـل بإحراج : عادي استاذ ابي انضم و اشارك بدافع انسانيتي و حبي لـ مثل هالمشاريع و المكافئه ماني محتاجتها و غيري اولى مني بكل الاحوال انا مابي الا الاجر والثواب !!..
المديـر رفع حاجبه بإعجاب : الله يجزاك بالخير والله لو غيرك م رضى ف الشغل طيب دامك راضيه بكل شي خليني قولك بكرا بيكون افتتاح لـ القسم زملائك بينتهي شغلهم من بعد الافتتاح وانتي يبتدي شغلك راح يكون شغلك " الاشراف " بتشرفي فقط ع شخص واحد و طبعـاً يكون بإختيارك يعني تساعديه تهتمي فيه تشوفين متطلباته و ترافقيه م تتركيه ..
"
يتبــــع ..
|