البارت الثالث عشر
لا تزيد الجرح ماقصـر زمانـي
شايلٍ بالقلب أحـزان السنيـن
لا تعيد الجـرح مافينـي كفانـي
في الحشا لك جرح ياالغالي دفين
فزت فاطمة على رنة الفون : الو
فوز : هلا فاطمه اخبارك
فاطمه : اهلين الحمدالله انتي اخبارك
فوز : الحمدالله تمام
فاطمه : عسى ماشر صاير شيء
فوز : لا مافي شيء بس ابشرك جنى ولدت وجابت ولد
فاطمه : ولدت توها مادخلت التاسع كيف ولدت
فوز : ولده مبكره نزل لها نزيف واضطروا يسون لها عمليه
فاطمه : لاحول ولا قوة الا بالله طيب هي اللحين اخبرها واخبار الولد
فوز : لا الحمدالله مافيها شيء هذا هي جنبي نايمه من مفعول المخدر والولد الحمدالله بس خذوة الحضانه بيسون له فحوصات
فاطمه : يلا الحمدالله على سلامتهم ومبروك ماجانا
:
:
:
:
الصباح
الجد محمد : ها وش صار على موضوع الخطبه
محمد فيصل : ان شاء الله كلها كم يوم بتشوفني اقول لك جيب الملائك
محمد : على خير اجل
:
:
:
:
وجدان : صباح الخير
نوره : صباح النور
وجدان : مبرووك جنى ولدت
نوره : ولدت مو توها مادخلت التاسع
وجدان : اي بس جنان تقول جاتها ولاده مبكره
نوره : يلا الحمدالله على سلامتها وعقبال افرح بعيالك
وجدان تضيع السالفه : ابوي طالع بدري اليوم
نوره : اي عنده شغله بيخلصها وبيروح الدوام الا ماقلتي لي وش رايك باللي قالك ابوك
وجدان : وشنو اللي قال ابوي
نوره بغمزه : موضوع الزواج محمد
وجدان انحرجت : يمهه
نوره : ها ماقلتي وش رايك
وجدان : انتي وابوي وش رايكم
نوره : انا وابوك نقول والنعم بالولد بس الراي الاول والاخير لك
وجدان : اجل اللي تشفونه
نوره : يعني افهم من كلامك انك موافقه
وجدان هزت راسها
نوره اطلقت زغروطه : الف مبروووك حبيبتي والله يتمم لك على خير بقوم اكلم ابوك عشان تروحين تسوين التحليل
:
:
:
:
جنى حركت راسها وهي تهمس : فراس
فوز فزت وقربت منها : يمه جنى
جنى فتحت عيونها وطالعتها وحطت ايدها على بطنها وتحسسته : يمه ولدي
فوز باست راسها : الحمدالله على سلامتك يمه ولدتي وولدك الحمدالله بخير بس حالين بالحضانه بيسون له فحوصات بسيطه وبيجبونه
جنى لفت راسها وطالعت فراس
فوز طالعت ولدها وغمزت له واشرت على جنى ليقوم يبارك لها
فراس صد بوجهه عنها
فوز تبي تغير الموضوع : الا وش بتسمونه
جنى : اللي بيسميه فراس بيكون حلو
فراس لف عليها وبنفسيه : سميه انتي مو انتي اللي تبين تجبين خلاص سميه انتي وقام طلع براء
جنى نزلت دمعتها
فوز قربت منها ومسحت دمعتها : لاتبكين يمه مو زين لك وصدقيني اذا شاف الولد بيغير رايه
:
:
:
:
حامد : دائم خلصنا اجل انا استئذن واذا في شيء او ناقص شيء عطوني خبر
فيصل: يعطيك العافيه
تركي : الله لايهينك ي ولدي بطريقك ناد لي محمد
حامد : ابشر ي عم
فيصل : في شيء
تركي : لا مافي شيء بس ابي اخبره موافقة وجدان
طق الباب
فيصل : ادخل
محمد : امرني عمي طلبتني
تركي : اي تفضل محمد اجلس
محمد : خير عمي في شيء
تركي : لا بس حبيت اقول لك وجدان وافقة وشوف لك يوم خذها هي وامها وروحوا لتحليل وان شاء الله ربي يوفقكم
فيصل : اجل روح اللحين انا عندي صديق بالمستشفى بكلمه وان شاء الله يخلصكم بسرعه وخير البر عاجله
محمد قام باس راس ابوه وعمه : شرف لي ي عم اخذ بنتك وان شاء الله احطها بعيوني
:
:
:
:
فوز بعد ما خلت الدكتوره تطمن على جنى طلعت لولدها
فراس فز واقف : في شيء يمه
فوز : اي في
فراس : شنو في
فوز : اللي في ماتوقعتها منك ي يمه
فراس صد بوجهه عنها
فوز : طالعني ماكنت قاسي وش غيرك مو ولدي اللي اعرفه
فراس : الزمن يخلي الواحد كذا
فوز : طيب البنت وش ذنبها
فراس : مالها دخل الذنب للي كان السبب
فوز : شفت انت قلتها مالها دخل حرام تجرحها وهي نفسك مالها ذنب مو زين تكسر خاطرها ادخل يمه وطيب خاطرها
قاطعتها فاطمه : السلام عليكم
:
:
:
:
وجدان : نعم شنو تقولين مستحيل اروح معه
نوراء : هذا كلام ابوك ويلا اشوف قومي جهزي لا يوصل الولد وناخره
وجدان : مايصير يمه قمت الاحراج
نوره : لا احراج ولا شيء قومي اشوف خلصيني
:
:
:
:
فاطمه بحنيه : تحسين ب شيء يمه تعبانه
جنى مسكت ايدها وباستها : مافيني شيء يالغاليه تعب بسيط
فوز : وان شاء الله كلها كم يوم وتطلعين وولدك عندك
فاطمه : ان شاء الله تقومين بالسلامه
دخلت الممرضه بالولد وعطته جنى
جنى خذته وضمته بحنان وباسته وعطته امها
فاطمه خذته منها : ماشاء الله تبارك الرحمن ربي يحفظه باسته ومدته لفوز
خذته فوز وباسته ومدته لفراس : الله يحفظه لكم خذ يمه شوف ولدك
فراس صد عن امه : بعديه عني
جنى رفعت راسها له ونزلت دمعتها وبالم : فراس هو ماله ذنب وبشهقه لومني انا وعاقبني بس هو لا
فاطمه مسحت على ظهر بنتها : ذكروا الله واخزي الشيطان ي يمه وخذ ولدك وشوفه
فوز خزت ولدها وقربت منه وبهمس : وش وصيتك عليه وجنب امها بعد شوف ولدك وبلا مشاكل
فراس قرب من امه وخذاه وباسه بدون يشوفه ورجعه حق امه وطلع
فوز حطت الولد بسريره وطلعت وراه
بكت جنى ضمتها امها فاطمه : هدي يمه مو زين لك البكي
جنى بشهقه : للحين شايل علي لانه حملت مو بايدي يمه غصبن عني صار هالشيء
فاطمه : لاتقولين كذا هو بس تعبان تحصلينه هدي لاتبكين
:
:
:
:
فوز : وقف وش اللي سويته
فراس : لاتجبريني يمه صعب اتقبل
فوز بعصبيه : وش صعب هذا ولدك وهذي زوجتك غصبن عليك تتقبل
فارس بهمس : استغفر الله
فوز : اللحين ترجع معاي وتطيب خاطر مرتك وتعتذر منها وتاخذ ولدك ولا بزعل عليك
فارس باس راسها : بشري يالغاليه كل شيء ولا زعلك
:
:
:
:
جنى رفعت نفسها عن حضن امها من سمعت صوت فتحت الباب دخل فراس وقرب منها مسح دموعها وباس راسها وبهمس : انا اسف مو قصدي بس كنت تعبان خصوصا من بعد خوفنا وتوترنا عليك امس ولا تبكين مو زين لك
وفاطمه يوم شافتهم سحبت نفسها وطلعت لفوز
الى الملتقى