بقلمي : الاء محمود 🌻
🌻 الفصل الثاني 🌻
ادم : بعدها عنه وبصلها انتي كويسه
افنان :
ادم : عاد نفس جملته تاني انتي كويسه
افنان : بتبصله وبس ومركزه ف عنيه اللي سرحت فيهم ومش حاسه بأي حد جمبها ولا اني ماذن بيكلم ولا صاحبتها البنات ولا اي حاجه هي ف عالم تاني .. عالم بتاعها وبس
ادم : احم واضح انك كويسه ومشي من غير اي كلام تاني
افنان : وقفه وماذن جمبها بس طبعا هي عارفه انها ماينفعش تسال هو مشي بالطريقه دي ليه
ادم : ف عربيته عمال يفكر هو ايه الاحساس اللي هو حسه بس صوره افنان مش عايزه تفارق خياله واحساسه اللي مش عارف يشيله من دماغه وسأل نفسه هو انا ليه خوفت عليها انا حاسس اني عيني فضحتني
ماذن :بيكلم ادم مبيردش
امال : مبيردش ! هو افتكرها هي صح ؟
ماذن : ايوه طبعا انا معملتش حساب كده خالص بس شوفتي افنان اول ماشافته استغربت ازاي شكلها اتغير كانها تعرفه ! واتصدمت لما شافته وكانت بتبصله بصات انا اول مره اشوف افنان بتبص لحد كده
امال : ايوه فعلا انا برضو استغربت يابني ده انتوا خرجتوا وهي خرجت ع طول وقعدت انده عليها وكانها مش سمعاني وحصل اللي حصل بقا
اليوم خلص ع كده ف اللي منهم حيران واللي خايف واللي ف دماغه فيه مليون سؤال
&&&&&&&&&&&&&&&&&&&&&&&&
نبدا يوم جديد
احمد اخو افنان دخل عليها الاوضه عشان يصحيها لقاها صاحيه وسرحانه قعد ينده عليها وهي مش معاه وباين ع عنيها انها منمتش نهاىي
احمد :: افنان ياافنااااااااااااان
افنان : ايه يازفت خضتني
احمد : خضتك ايه يابنتي انا بنده عليكي بقالي ساعه وانتي ف دنيا تانيه اللي واخد عقلك يتهناله وضحك
افنان : تصدق انك بارد ومستفز وغور من خلقتي بقا بدل مارتكب جريمه
جرس الباب رن احمد راح يفتح لقا امال ومريم قالهم خشوا شوفها عشان تقريبا ف حاجه مضايقاها
مريم وامال بصوا لبعض ودخلولها
امال : اهلا اهلا اهلا باعز الحبايب اهلا
مريم : وبصتلهم وتيراارااا وتيررايرا من عندي يجماعه لازم احط التاتش بتاعي برضو يابنات ولا ايه
افنان : ضحكت ع منظرهم ايه اللي انتوا عملينوا ده ماتجبولي طبله ونرقص احسن
مريم : ياريت والله تصدقوا نفسي ارقص هو انا ليه مشتغلتش رقاصه
امال وافنان ضحكوا ع شكلها
مريم : اضحكوا اضحكوا والله لنرقص ونخرج البت الحزينه دي من اللي هي فيه عشان مش متعودين عليها بومه وضحكت هي وامال
افنان : انا بومه ياعره طب اطلعي برا بقا
مريم : بحركه دراميه كده مكنش العشم يا صاحبتي بتطرديني من بيتك بس ع فكره انا تنحه وهقعد عادي
وكلهم راحوا ضحكوا
وراحت مشغله اغاني وقعدوا يرقصوا كتير واتبسطوا مع بعض بس افنان عملت كده عشان تلهي نفسها ومتفكرش كتير نسيبهم بقا يا يرقصوا ويخرجوا البت الحزينه ونروح لادم وماذن
...............
ماذن : قطع الصمت البحت اللي بينهم انا اسف مكنش قصدي صدقني انا مكنتش متخيل انك تبقي ف الحاله دي
ادم : ومين قالك اني مضايق بالعكس انا لو مضايق فانا مضايق ع طريقه خروجي من المكان وافتكر شكلها اول ماشافها
ماذن : روحت فين تاني !
ادم : بقولك ايه سيبك من الحاجات دي ونفكر هنعمل ايه ف الاكل .. وبعدين سكت .. هي تعرف حقيقتك انت وامال ولالا !؟
ماذن : لا طبعا احنا ممكن نخسرها لو خافت مننا لحظه وغير افنان صاحبتنا اوووي وانتيمت امال جدا
ادم : طيب
&&&&&&&&&&&&&&&&&&&&&&&&
نروح لكريم قاعد ف بار وجت واحده من البنات اللي همهم المتعه بس وبتدلع عليه اسمها لوزه
لوزه : ايه ياكوكي مالك يا حبيبي بتفكر ف ايه
كريم : بصلها بصه طويله وفجاه شافها افنان بس طرد الافكار من دماغه بس قال افنان !
لوزه : افنان ! مايضرش اي اسم منك حلو يا حبيبي ماتيجي يا كوكي نروح شقتك وضحكت ضحكه خليعه
كريم : فهم قصدها طب يلا
لوزه : تعجبني وانت فاهمني وضحكت ضحكه خليعه
نسيبهم بقا ف قله ادبهم مع بعض ونروح لافنان
افنان قاعده ف بلكونه اوضتها وماسكه النوت بتاعتها وبتكتب كل حاجه حاسه بيها بتروح للنوت تكلم فيها لما بتكون متوتره ومش عايزه تكلم مع حد مامتها الله يرحمها علمتها كده وسرحت ف شكل ادم اللي تقريبا واخد حيز كبير من تفكيرها لدرجه انها خايفه تشوفه فمبقتش تتقابل مع صحابها كتير فجاه موبيلها رن
افنان : الو
ماذن : اهلا بست هانم اللي مبتسالش علينا ولا بتعبرنا ولا نعرف مالها اصلا مالك يا ست
افنان : مافيش يابني انا فله وضحكت عشان متبينش ان ف حاجه مأثره عليها
ماذن : طيب طلما فله يبقا نخرج يا معلم كلنا هاجي قعدي عليكي انا وامال وقفل من غير مايسمع ردها عشان عارف انها هتعترض
افنان : ما شي ياماذن الزفت وربنا يستر بقا
.......
امال وماذن راحوا جابوا افنان من البيت بس المرادي مراحوش الكافيه راحوا البار عشان كلهم هيتجمعوا هناك
خالد ومريم وعمر قاعدين عمر يبقا حبيب مريم ع فكره وبيحبها جدا وع فكره عمر زي امال وماذن من الذئاب ومريم عارفه ومتقبلاه جدا برغم انها بشريه بس هو من حبه فيها مابيفكرش يأذيها
عمر : اهم جم اخيرا
قعدوا كلهم
عمر : اي يا فوفي فينك يابنتي مبتظهريش !
افنان : يابني ف الدنيا بس مابيكنش ليا مزاج اخرج
عمر : طب فكي عن نفسك كده وطلعي الجزء التافهه اللي جواكي وغير انتي ازاي مش جعانه ده انتي ع طول همك ع الاكل وضحك
وراحوا كلهم ضحكوا ع كلاموا
افنان : تصدق صح انا جعانه انت فكرتني وبعد كده بتبص لقت كريم جاي عليهم راحت قالت بصوت واطي بس مسموع للي قاعد حواليها "خلاص كده اتسد نفسي لسنين قدام "
راحوا كلهم بصوا هي بتبص ع ايه وراحوا ضحكوا لما فطسوا من ريأكشن وشها
كريم : ايه ياجماعه مضحكوني معاكوا
ماذن : لا يابني افتكرنا حاجه فضحكنا بس خير يا كريم متقعد معانا
افنان : بصت لماذن بصه ناريه وبتستحلفلوا
كريم : خد باله بس طنش ازيكوا يا شباب وحشني اوووي والله وعينه ع افنان اللي اصلا مش حطاه ف دماغها ومش بطيقوا
افنان : قامت انا هروح التويلت ووطت تقول لامال حاولوا تخلو يخلع عشان ماولعش فيكوا
امال: بصتلها وضحكت جدا عليها
كريم : ايه يا افنان قد كده مش حبه وجودي وبتتلككي بالحمام
افنان : بقولك ايه ياكريم من غير لف ودوران انت عارف اني مبطقكش وانت اساسا بتيجي عشان تحاول تقرب مني وانا رفضاك يبقا ليه بقا تقل من نفسك معايا امشي يابن الناس ولا قولك انت لو عايز تقعد قعد براحتك مهما كان هما صحابك وبيحبوك بس ماتوجهش اي كلام عليا وغير خليك مع القرف اللي كل يوم بتسهر معاهم وبتقضي ليلتك معاهم ف شقتك هما بيحبوك جدا يعني بمعني اصح هما ليقين عليك وضحكتله ضحكه سخريه وسابته ومشيت
كريم : بيطلع نار من ودانه وبص لماذن شايف اللي بتعمله معايا انا نفسي اعرف انا عملتلها ايه عشان تعاملني بالاسلوب ده كل ده عشان بحبها يعني هو انا اجرمت
ماذن : كريم صعبان عليه لانه فعلا عارف اني بيحب افنان جدا بس مش بايده يعمل حاجه بس قاله كريم الحب مابيشحتش لو هي كانت بتحبك كانت اتعملت معاك حتي زينا بس هي مش بطيقك ودي نفوس مبنتحكمش فيها
ف اللحظه دي موبيل ماذن بيرن
ماذن : الو
ادم : انت فين ؟
ماذن : ف البار مع العيال
ادم : طيب انا جاي
ماذن : بس يادم يعني
ادم : قاطعه عارف انها موجوده انا ف الطريق انا جاي
ماذن : حلو اوووي بالمره تعقل كريم عشان هربت منه ع الاخر
ادم : ليه هو عمل اي مصيبه تانيه ماهو مصايبه كتير
ماذن : لا ده وسكت بص لما تيجي تبقا تفهم
وقفلوا ع كده
افنان : بتتمشا برا لانها فعلا مبطقش كريم بس عاتبه نفسها انها قالتله كده لان مكنش ينفع تكلم بالطريقه دي اصلا بس قالت لا يستاهل انا اصلا مبحبش حد يتعامل معايا كده اي القرف ده
ودخلت واول مادخلت وشافت ادم تنحت .. وادم حس بوجودها بس مبصلهاش لانه كان بيكلم مع كريم
كريم : يابوص انا بحبها جدا
ادم : من جوا اضايق وحس بغيره بس سيطر ع نفسه عشان لو بانت عليه حقيقي هيدفن كريم مكانه من غير مايتردد حتي
امال : خلاص ياجماعه افنان جايه
مريم : ايه يابنتي كل ده ف الحمام هي كانت حاله ولاده متعصره ولا ايه وضحكت
وكلهم ضحكوا ع كلام مريم
افنان : ياخفه سكر يابت لزقت منك الصراحه
مريم : طول عمري يابنتي والله ماتقدروا تعيشوا من غيري ومسحت ع كتفها بغرور
راحت افنان خدتها ف حضنها وضحكت من كلامها بس فضلت كل شويه عشان مايبنش اوووي تبص ع ادم من تحت لتحت اللي هو برضوا بيبص عليها بس من غير ماتاخد بالها بس هو واخد باله من بصاتها ليه
دايما البنت بتتفضح يخربيت العيشه
افنان : موبيلها رن فقامت عشان تسمع اللي بيكلم
كريم : ها هتشوفلي حل يا بوص
ادم : ف ايه قصدك ع افنان لا طبعا
كريم : يابوص صدقني بحبها
ادم : عارف افكار كريم كويس وفعلا افكاره بتقول انه قد ايه بيحبها بس قاله بص يا كريم انا مش عارف اققرا افكارها ودي حاجه هتجنني عشان اول مره تحصل معايا فانا مقدرش افيدك فانها حتي بتفكر فيك ازاي بس اللي اققدر اققلهولك اني خلي عندك كرامه
ماذن : اهو شوفت ياكريم اسمع الكلام بقا وغير الطريقه الزفت دي اصلا دي لسه مهزقه واديتله اللي ف النصيب وضحك اسف يا صاحبي بس بجد افنان كانت مسخره وهي بتهزقك وعمال يضحككك فكلهم بقوا يضحكوا معاه
كريم : اتلم يا ماذن
ماذن : اتهد كده واعقل مش يمكن تغير رايها وتحبك ونخلص
ادم : لما ماذن قال كده اضايق اوووي من جوا واستغرب اوووي من نفسه بس طرد الافكار من دماغه
افنان : جت وقبل ماتقعد اشتغلت اغنيه لعمرو دياب "تعالي " والاغنيه دي هي بتحبها جدا
يلا نقوم نرقص كلهم قاموا وبقوا يرقصوا بس خالد كان بيرقص مع افنان وهي عماله تضحك ومبسوطه بالاغنيه جدا وبتتمايل عليها بكل جنون وسط صحابها وكلهم كانوا مبسوطين الموسيقه بدات تشتغل وبدات الكلمات تتقال :
"دايماً بتفاجئيني حلوة كده على طول
من اللي انا شايفه بعيني كل ما أقابلك أقول
ت
عالي تعالي حبيبتي تعالي تعالي متسبنيش تعالي تعالي في حضني تعالي تعالي يلا نعيش "
ادم : كان بيبص عليها وهي بترقص وقد ايه ضحكتها حلوه وقد ايه بتضحك من قلبها وبيقول لنفسه هي اه شبهه بس فيها روح انا عمري ماشوفتها طول القرون اللي عيشتها بعد كده بص لكريم لقاه بيبص لافنان بصت حب وشغف شديد اوووي فضايق جدا
فلحظه دي الاغنيه خلصت وجم قعدوا
مريم : بقالنا كتير متجنناش كده وبقوا يضحكوا كلهم
اليوم خلص وكل واحد روح بيته ف اللي مينهم مضايق وف اللي منهم مبسوط وف اللي منهم حيران
افنان : خدت شاور وخرجت ووقفت قدام المرايه وبتسرح شعرها افتكرت شكل ادم وقالت انه اكيد كان بيبص عليها بس هو ليه بيبصلها كده ولا عنيه .. عنيه غريبه لونهم حقيقي غريب هي خصرا ولا رمادي وابتسمت
دخل عليها اخوها
احمد : لا اله الا الله بتكلمي نفسك لا دي انتي فوتت خالص وضحك
افنان : يخربيتك خضتني انت هتقطعني الخلف انا عارفه
احمد : يا ست بخبط بقالي كتير وانتي ف البلح
افنان : ضحكت بلح يخربيتك ضحكتني طب طير بقا عشان هنام حقيقي جعانه نوم
احمد : باسها ف راسها تصبحي ع خير يا فوفي
افنان : وانت من اهل الخير تبقا اققفل النور الله يسترك وضحكوا هما الاتنين
بتكلم نفسها شكلك ياادم بجد هتجنني
افنان : حسيت اني ف هوا دخل الاوضه فجاه بس طنشت عشان كانت نيمانه جدا ومش قادره تفتح عينها بس بعد شويه حسيت اني ف حد بيلمس شعرها ففتحت عينها ببطئ لقت ...
يتبع ......
اكتبوا رايكوا ف الكومنتات 💜💜
|