بقلمي الاء محمود 🌻
🌻 الفصل السادس 🌻
وافنان بدات تقرب من السرير باابتسامه وفرحه وتنحت لما لقت ع السرير علبه كبيره وفتحتها لقت فستان بيبي بلو منفوش وعريان من الاكتاف بس كان شكله خيال ولقت كارت مكتوب
" انا ندا اخت ادم بتمناه الفستان يعجبك اشوفك بليل ف السهره هتستمتعي جدا " سابت الكارت وبصت للفستان تاني وابتسمت وكانت بتتمناه الليل يجي عشان تلبس الفستان ودخلت خدت شاور عشان تنام شويه قبل حفله بليل عشان مايبقاش شكلها تعبان
اي ان كان ف هي بنت برضو ونفسها تشوف شكلها بالفستان الغالي ده ياجماعه اي حاجه جديده وخصوصا لو غاليه هتبقا هتموت عاليها😂😂😂
افنان : صحيت وخلصت لبس وبدات تحط لمستها الاخيره وبصت لنفسها ف المرايه وحسيت كانها اميره من جمالها الخلاب
الشباب كلهم واقفين والبنات جم وقفه معاهم
مازن : اومال فين افنان كل ده بتلبس يالههوي ع البنات عشروميت ساعه عقبال مايلبسوا وضحك جامد
امال : ضربته ف كتفه بهزار ... اتلم هي زمانها نزله وفجاه هدوء حصل ف المكان
وناس من الموجودين مين البنت الجميله دي ..
حد تاني : دي مش جميله بس دي كانها ملكه
بنت : فستانها حلو اوووي عامله زي الاميرات بظبط
كلهم بصوا لقوها افنان وفضلو متنحنلها من جمالها
شكل فستان افنان عشان متتخيلوش كتير 😂😂

ندا : بصت ل ادم لقته هيمان ف جمال افنان ورقتها ف الفستان وابتسمت وفرحت لاخوها جدا
امال راحت تجيب افنان
افنان بتوتر : وبتكلم نفسها جواها هي الناس كلها بتبص عليا ليه يمكن شكلي ف حاجه غلط فاقت ع ايد امال مسكاها وبصتلها فقربت منها امال هما بيبصولي كده ليه هو ف حاجه ف شكلي غلط
امال : حاجه غلط ده انتي قمر شكللك حلو اوووي يا فوفي والله
وصلوا ف المكان اللي واقف فيه الشباب
ماذن وخالد صفرولها
خالد : ايه يا بنتي الجمال ده كله
مريم : فوفي حقيقي شكلك حلو اوووي بجد
مازن : لالا ده احنا نعاكس براحتنا بقا لمؤاخذه يا امال يا حبيبتي وضحك جامد وكلهم ضحكوا ع كلامه
امال : رفعت ايدها باستسلام من حقك الصراحه من حق الجميل يدلع
افنان : حضنت امال بس انا جميله عشان الفستان حلو بس
خالد : صدقيني اهم حاجه الحشو وضحك جامد
وكلهم ضحكوا
افنان بضحك : حشو ! دايما فصيل وووجهت كلمها ل ادم .. هي فين اختك !؟ عشان اشكرها ع الفستان
ادم : كان لسه هيرد لقاه اخته جمبه
ندا بضحك وهزار : انا اهو اللي بدوري عليها بس حقيقي زي ماتوقعت زي القمر والله وحضنتها
افنان بحب : وحسيت براحه غريبه من نحيه ندا ... حقيقي شكرا جدا ع الفستان بجد
ندا : هشش بس يا بنت مافيش بين الاخوات شكر ده اذا سمحتيلي طبعا اني نبقا اصحاب واخوات
افنان : يا خبر ده يشرفني وانا مبسوطه جدا اني اتعرفت عليكي بجد وحضنتها
وكلهم قعدو يهزرو
ندا : يلا يا جماعه بقا نرقص ولا انتوا مش ناوين وضحكت
كلهم : طبعا ناوين
افنان : انا ماليش مزاج
ندا : مفيش حاجه اسمها كده
افنان : بستسلام وضحكت اوك اشطا موافقه
خالد : بحركه دراميه تسمحيلي بالرقصه دي سنيوريتا افنان
وكلهم ضحكوا ع طريقتوا
افنان : شور بيبي وضحكت
خالد : بعيد شويه عن افنان وبص ل ادم اللي كان هيموت من الغيظ ... بوص انا هفتحلك الطريق وضحك
كلهم ضحكوا
كريم لنفسه : انا كنت حاسس اني ف حاجه من نحيتك ليها بس مش مهم اهم حاجه هي هتكون ايه معاه وفاق ع صوت ندا بتكلم ادم
ندا : واضح انه كله بيساعدك يا مسهل .. انت بوص وكل حاجه بتعرف تصرف فيها ال افنان مش عارف حقيقي باب النجار مخلع وضحكت جامد
وكلهم ضحكوا وبصو ل ادم لقوا هيولع فيهم
مازن : طب يلا يا جماعه نختفي من هنا قبل مالقصر يولع بينا عشان ادم هيتحول لتنين مش ذئب لا ... وضحكوا كلهم .
ادم : غصب عنه ضحك من طريقه مازن
وكلهم راحوا يرقصوا وكانت اغنيه "نشيد العاشقين" ل احمد جمال 💜
صاحبة الصون والعفاف احلى واحدة في البنات
اللي عمري قلبي شاف زيها في المخلوقات
وف المقطع ده خالد اتحرك ف قرب ادم من افنان🙊🙈
"تسمحيلي برقصه هادية تسحميلي بقرب منك
حلم عمري تكوني راضية عن وجودي بس جنبك"
افنان برتباك : كانت لسه موطيه راسها من الكسوف ولسه هتبعد لقت ادم قربها من حضنه اكتر
ادم بحب : ايه خايفه ولا مش حبه ترقصي معايا !
افنان : حسيت ان قلبها هيطلع من مكانه ودقاته بتزيد وجسمها بدا يسخن من التوتر من كتر قربها منه ولنفسها انا ف حضنه انا حاسه قلبي هيقف
ادم : بيبصلها بصات ونفسه يدخل جوا دماغها يعرف هي بتفكر ف ايه بس حس برعشتها ف ايديه وعرف ان لمسته ليها وقربه منهابيوترها فبتسم بس من غير متاخد بالها .. احم كل ده بتفكري تجاوبي وضحك .. هو بيعمل اي حاجه هو عايزها تبصله وبس ونجح ... لقاها رفعت راسها ودي كانت اللحظه اللي مستنيها انه يبص ف عنيها
افنان : اول مابصت ف عنيه حسيت ان خلاص هتقع بس مسكت نفسها وحسيت كان ف طبله ف قلبها ومش راضيه تقف وانه خلاص هيخرج من جواها لدرجه ان جالها احساس اني اكيد اللي حواليها سامعين نبضات قلبها ووشها احمر لمجرد التخيل وبعد صمت مش عارفه تقول ايه وحسيت انها بتبصله بطريقه ملفته
افنان باحراج : احم لا طبعا عادي ادينا بنرقص اهو وابتسامتله
ادم : ابتسامتها البريئه خلته عايز ياخدها ف حضنه كأنه عايز يخبيها عن عيون اللي حواليه ويبعد بيها عن اي حد .. وفاق ع صوتها
افنان : البيت حلو اوووي وحقيقي زوقك حلو
ادم : ابتسم ابتسامه واسعه
افنان جواها : يخربيت حلاوه ضحكتك ياشيخ .. ابتسامه كمان ومش بعيد اتهور وابوسك .. تبوسيه ! ايه يا سافله يا سهله يا رخيصه ايه اللي انا بفكر فيه دي وضحكت من افكارها وضحكت ع نفسها
ادم بستغراب : بتضحكي ع ايه
افنان : ابدا متهتمش وضحكت .. بصت تاني ف عنيه لقتها لونها اخضر واللون ده خلاها فضلت مركزه معاها اكتر وحسيت ان مشاعرها هتتفضح حالا لو افكارها وعنيها ماتلموش شويه وضحكت وبعد صمت شويه
وطبعا ادم مش مركز ف حاجه غير اني هي ف حضنه وبس ودي مخليه مبسوط لابعد الحدود
افنان : ادم
ادم : حس كانه اول مره يسمع اسمه ف حياته .. نطقها لاسمه غير اي حد بينطقه وفاق من افكاره
افنان لنفسها : يابني بطل تبصلي كده هقع من الارتباك اهدي اهدي هو بيبصلك بس .. ع اساس مثلا اول مره ولد يبصلك ... لالا هو غير اي حد لا وطردت كل الافكار وكملت : بطريقه طفوليه ادم ممكن اسألك سؤال هموت واسئله بجد
ادم : ضحك هتموتي وتسأليه .. لا بعد الشر اسألي
افنان : يا احلي بعد الشر سمعتها ف حياتي ف ايه يا افنان فوقي كده وضحكت .. واخيرا.. احم اه هو انت لون عينك ايه بظبط عشان مش عارفه احدد اصل كل ماشوفك بيكون لونهم مختلف ف انت حيرتني الصراحه وضحكت جامد و بطريقه طفوليه بص انا عارفه اني دي حاجه متخصنيش بس حقيقي نفسي اعرف
ادم : ضحك ع طريقتها وكان نفسه يقولها انا روحي وجسمي وكل حاجه تخصك انتي وبس وفاق من افكاره و .. بس قبل ماقولك انتي ف اللي شوفتيه عجبك انهي لون !؟
افنان باندفاع : الاخضر طبعا .. اتكسفت احم قصدي يعني اصل حاسه اني ليها علاقه بحاجه حلوه
ادم بضحك : انتي شوفتي ايه تاني غير الاخضر
افنان : لما شوفتك اول مره كان لونهم رمادي غامق ولما العربيه كانت هتخبطني لقتهم رمادي فاتح جدا بس قولت ممكن تكون دي عنيك وف الكافيه مكنتش واخده بالي بسبب الاضائه و لما كنت برقص ف البار مع صحابي ... بأحراج احم وانت كنت بتبصلي لقتهم لونهم اخضر .. وكملت كلامها بانفعال طفولي جدا بص يا ابني انا احترت وضحكت جامد
ادم : ضحك ع ضحكها بصي الرمادي الغامق لما بكون متعصب والفاتح وسكت شويه قبل مايكمل كلامه وبصلها .. واتنهد لما بكون خايف او قلقان
افنان : تنحتله .. وانت كنت خايف عليا
ادم : بصلها كتير انتي كنتي شايفه ايه !؟
افنان برتباك : وتوهت ف الكلام بضحك . ها مكملتش والاخضر انا حاسه اني ليها علاقه بالانبساط مش عارفه ليه وضحكت
ادم : ضحك من تتويها للكلام بس قدر ده .. من انها عملت كده عشان تداري ع كسوفها ورد عليها ايوه بتبقا خضرا لما بكون مبسوط
افنان : ابتسمت ابتسامه حسيت ان بوقها وجعها منها ولنفسها هعتبر ان الانبساط ده لما بكون موجوده بس هعرف اذا كان كده ولالا .. اممم ماشي ياتري ف الوان تانيه عشان متحيرناش بس وضحكت جامد
ادم بخبث: مش عارف استكشفيهم انتي بقا انتي اللي شايفاني
افنان بكسوف : كانت لسه هتكلم بس الاغنيه خلصت وحمدت ربنا انها خلصت عشان كانت شويه وهتقع بسببه وتعمل حاجات القانون هيحسبها عليها وضحكت بس من غير ماياخد باله
وراحوا وقفوا مع الشباب
مازن بخبث : كل ده رغي كلتي ودان الراجل كل مابص عليكوا القيكي بترغي
افنان : رفعت حاجبها وبصت لمازن بتوعد .. مازن اتلم ها اتلم
ادم : ضحك ع تصرفها
واليوم خلص وكل واحد طلع ينام ف اوضته
بس المرادي كلهم مبسوطين
ادم ف اوضته ...
الباب خبطت
ادم : ادخل
ندا بهزار : ينفع تفضيلي نفسك ارغي وبخبث ولا الرغي ده لا افنان بس وضحكت
ادم بتحذير : ندا بس ها بس
ندا : رفعت ايديها باستسلام اسفين ياريس وضحكت واخوها ضحك معاها عارف انا المفروض اشكرها
ادم بستغراب : ع ايه !؟
ندا : عشان اخيرا بدات اشوفك مبسوط وبتضحك زي الاول انت فيك حاجات اتغيرت اوووي وبلاحظها لما بتكون هي موجوده .. ادم انا فرحنالك اوووي بجد
ادم : خد اخته ف حضنه وقعدوا ع السرير عارفه يا ندا انا حاسس اني طاير ايوه طاير حاسس بأحاسيس غريبه بس كلها احاسيس حلوه انا عمري ماحسيت الاحساس ده لما كنت مع اروي .. ندا انا بحبها وحقيقي بعترف بده من كل قلبي بس ف نفس الوقت واتنهد خايف .. خايف متقبلنيش وتخاف مني خايف اووووي يا ندا .. انا اول مره احس احساس الخوف ده بس حسيته لما ... وسكت واتنهد تنهيده طويله وكمل حسيت اني ممكن اخسرها .. انا مش عايز اخسرها .. لو هي موافقتش ومقبلتنيش انا مش هبعد انا هحافظ عليها حتي لو من غير ماتحس .. انا حاسس برابط بيني وبينها انا لحد دلوقتي مش فهمه بس الرابط بيخليني اققرب وققرب انا مش عايزها تبعد وف نفس الوقت خايف لو وافقت تتأذي بسببي انا ممكن يحصلي حاجه انا مببالغش بس ده بجد يا ندا فهماني
ندا : حسيت بوجع اخوها وانها اول مره تشوفه كده ... اروي عمرها ما كانت حب يا ادم عمرها .. بلاش تفكر ف اي حاجه دلوقتي وسيب كل حاجه لحالها وع فكره انا حاسه انها هتفتحلك الباب شخصيه افنان مش اي حد بتتعامل معاه بس افنان اتعاملت معاك وكانت بتتضحك كمان وبهجتها من كلامها معاك كان باين ف عنيها وده يخلي عندك امل يا حبيبي
ادم : بجد كان كلام اخته طوق نجاه ليه وبصلها وابتسم .. شكرا انك معايا انتي عارفه اني مبعرفش اتكلم مع حد اوووي بس معاكي بحس اني برتاح وابتساملها تاني
ندا : قامت وكانت هتخرج بعد كده لفتله .. و بخبث : بعد كده مش هترتاح ف الكلام غير معاها وحضنها هو اللي هيطمنك خليك واثق ف ده تصبح ع خير وحدفتله بوسه ف الهوا
ف اوضه افنان ...
خدت شاور وبدات تسرح شعرها وبتبتسم وبتعيد ف كلام ادم ف دماغها .. افنان اهدي اهدي انتي ايه هتحبي واحد انتي متعرفيش عنه حاجه وغير دي اول مره تكلمي معاه لوحدكوا اهدي كده واعقلي وافتكرت الافكار اللي كانت بتجلها وهي بترقص معاه فضحكت ع نفسها جامد يخربيت كده وكمان بقا تفكيري بقا قليل الادب بسببك يا ادم بيه مش كفايه اني خلاص اتجننت كمان ف فكاري ده انت عملت احتلال عليا خلاص وضحكت تاني ع نفسها
ف اوضه ادم .. موبيله رن
واحد من رجالته : زعيم احنا لقيناه رنيم ......
يتتبع «««««««««
اكتبوا رايكوا ف الكومنتات وشجعوني 💜💜
|