[massinissa]

أنا الكاوي بكيْ مخفي والكيْ فالذات ما برى لي
من بعد لاّ انكويت وبريت جراحي طالوا
يحياوا حتى يهولوني ونعود نساهر الليالي
جراح الحب والهوى والهجرة لا زالوا
جراح البين و الغرام ، الغيوان الشاطنات بالي
هادو من غير شك زادوا للقلب هوالو
بهم مشطون كيف راد وقدّر نعم الغني العالي
السابق ليا نصرّْفو والوعد بمجالو
لا زلت ملازم الصبر صبري صبرْ العيس فالليالي
ارفدت حمول الهوى وتكدرت حمالو
اعدروني يا اهلي و لاش تلوموني هكذا فحالي
سيرو خليو كل حال يسير على حالو

بوعزة الدريبكي