السلام عليكم .. اعتذر عن التأخير بالقراءة ..
خليني افوت بالرواية اول شي ..
باعي رعد هذا .. تحركيه بانزين وسخ حتى يعرف ان الله حق ..
ما له اي حق بالي يطلبه ..
ولا احد يجي ويكول لي هذا شرع وهذا دين ..
لان دينا دين يسر مو عسر .. وما دام هي تطلع للضرورة القصوى فالحق معها .
بس لانه يمد ايده عليها او يغلط ويجرحها قدام الكل .. لانها راحت لامه او لانها ععالجت ابنها ..
فهذا ما اسميه الا مخبل .. ومحتاج يتعاقب ..
باعي اي وحدة تدافع عن هالكلب الي اسمه رعد تجي تواجهني ..
يعني المسكينة عايشة عمرها بطاعة وخوف .. تخاف تطلع دون ما يدري سبع البرومة ويجي يضربها ويطلع عقده الذكورية البائسة عليها ..
خليها تعوفه حتى يعرف قيمتها ..
وين الله يوكع وهو بوحده ويخابرها يكوللها تعالي انجديني وتكوله ها مو مايصير اطلع ..
شكد اكره هالنماذج مثله ..
ام سوسو .. طريقتج بالكتابة حلوة .. سهلة وسلسة ..
عندي تعقيب صغير الحوارات تكون يا بين اقواس او مبدوءة بشخطة حتى تبرز عن السرد بالذات بالفصل الاول كان السرد والحوار مندمجين ..
بس بالفصول الباقية لا ..
نرجع لرعد الوغد .. اني كارهته .. وراح اصوت انها اكتفت منه ... تعيش بكرامتها احسن من ان تنهان كدام اولادها ..
وخلي يولي هال...... مابيه اشتم بعد ..
سوسو عذبيه فدوة الج .. لا تصيرين طيبة قلب وترجعيها اله .. ما يستاهلها .. هالصبرت وياه وتحملت منه الضيم ..
ما يستاهلها
التعديل الأخير تم بواسطة Malak assl ; 15-07-19 الساعة 12:15 AM |