[فيتامين سي]

بقلمي ؛؛؛ يومآ ما سنلتقي ؛؛؛
#والله_لاجيب_راسك
البارت 2

زين تگدرين تدفعين ع الشهر الجاي بس يصيرن مليون اهواي عليچ 😊
سارة.. 😔 الله كريم انشالله ادبرهن ع الشهر الجاي
ابو فؤاد.. يله عمو اني اترخص منچ
سارة.. الله وياك عمو

سديت الباب وضليت ابچي
الرجال حقه يريد فلوسه ياربي منين اجيب اني 😭😭
وينك بابا رحت وخليتني لا اخ ولا اخت 😰

ماكملت غدا انسدت نفسي رحت غسلت المواعين ورحت لغرفتي نمت 😊

ثاني يوم رحت للشغل ساعه 9
..صباح الخير
ماهر.. صباح النور اكيد اليشوفچ يشوف الخير 😉 منوره وربي
سارة.. ابتسمتله شكرآ من ذوقك 😌

عفته ودخلت جوه بغرفة التصوير اكو بنيه ويايه يعني صرنا اثنين
ارتاحيتلها حبابه خوش بنيه

استمريت بالشغل مر اسبوع كامل
ماهر.. ماشاء الله صرتي محترفه ست سارة
سارة.. ههههههه مو احسن منك استاذ

دخلت بنيه سلمت وراحت جوة گمت اني اشوف الزبونه
تفضلي هنا اي نوع تريدين من الصور
.. زاد فضلچ حبي سمعت بيكم خوش تصورون اجيت اجرب 😉
سارة.. ابتسمتلها اي حياچ الله

اخذتلها كم صورة لقطات مختلفه
حنان.. اووووف هسه لو جايبه وياي ملابس ابدل كل لقطه شكل
سارة.. ههههه لو جايبه كنتورچ مو افضل 😂
حنان.. ههههه اي والله

تصويرج حلوو شنو رأيج تجين ويايه للبيت
سارة.. 😳 لا حبيبتي مااگدر
حنان.. شنو متگدرين هسه احاچي ماهر مايردلي طلب
سارة.. 😳 تعرفي
حنان.. اي اني بنت الوزير شعجب معرفتيني
سارة .. ولا صغرن بيچ ماعرفتج 😒

حسيتها مغرورة شوية
حنان.. هسه تجين وياي مو
سارة.. ماريد اتمشكل وياها گلتلها اوكي بس استأذن من صاحب المحل
حنان.. حبيبتي ماكو داعي يله حضري نفسج دنطلع

اخذت جنطتي والكامرا وافلام خليتهن بجنطه خاصه يله جاهزه
طلعنا باوعت لماهر غمزلي گال روحي باوعتله هيج
😒
ركبنا سيارة والحماية منا ومنا سيارة ورانا وسيارة گدامنا
اباوع للبنيه بصفي مشغولة بنقالها والسماعة بأذنها 😏
حنان.. اسفه حبي نسيتچ والله
سارة.. ههه لا عادي بعد اشگد ونوصل
حنان.. وصلنا بعد شوي

هم رجعت التهت بالنقال 😒
مرت دقايق ووصلنا لبيتهم اباوعله هذا قصر مو بيت 😏 اي طبعآ بيت وزير 😠 امنيتي اشوف بيته قبل ليصير وزير شلون چان 😏

اكو حماية بالباب المهم دخلنا بالسيارة جوة
نزلت ونزلت وراها والجنطة وياي

حنان.. تعالي حبي نروح لجناحي
سارة.. اي يله

شگول وشحچي اريد اطلع بسرعه مارتاحيت للبيت هذا احسهم متكبرين

عافت الدرج وصعدت بالمصعد وأني وراها مثل الاطرش بالزفه 😒
حنان.. دخلت جناحي ودخلتها وياي
تفضلي ارتاحي اني ابدل وأجيچ علمود نبلش
سارة.. اوكي


گعدت بالصاله وهيه دخلت جوه
هذا مو جناح بگد بيتنا 😒
شويه دخلت عليه خدامه .. شنو يحتاج ماما
سارة.. هههه لج ماما شنو
اريد عصير مثلج يبرد گلبي
.. حاضر ماما
راحت واني اضحك عليها يمكن هنديه ماعرف فلبينية الله اعلم
جابت العصير خلته گدامي وراحت
هفففف هاي وينها اشو دخلت ماطلعت
اخذت العصير وبديت اشرب

باوعت الساعه 11 الصبح بس لا تأخرني هاي
شويه وطلعت بلشت اصور ويمي مجله نختار منها اللقطات

صارت الساعه 12 وأني اصور
ماخلت شي مالبسته اشكال وانواع
حنان.. هفففف تعبت
سارة.. هاي هية خلصنا
حنان.. بس ماكملنا يله تجيلي بوقت ثاني
سارة.. 😒 انشالله
حنان .. لحضه
سجلي رقمج هنا
سارة.. لا عادي اتصلي ع المحل وأجيج
حنان.. لا لا سجلي رقمج احسن

امري لله سجلته وأستأذنت منها .. يله رايحه
حنان.. حبي الله وياج مابيه حيل انزل وياج تندلين الطريق مو
سارة.. انلاصت 😏 اي اندل

اصلآ مااندل منين دخلنا بس گلتلها اي
طلعت من جناحها باوعت يمنه ويسره ع اليمين شفت درج اي هذا ينزلني جوه

نزلت فتت من يم شباك بالصدفه
شفت حديقه وشجر وشفت مسبح جوه
😳 يعني اني مو جوه بعدني فوگ
😒 لو اعرف شكم طابق بيتهم 😏

ضليت ادور على درج انزل منه
ما حسيت الا ضربت بواحد طويل ومعضل
ثووول شبيك ماتشووف 😠

علي.. طلعت من جناحي وملتهي بنقالي





ضربت ببنيه غريبه شدخلها لبيتنا
انوب تگول ثول 😒 ردت اشيلها بأصبع واحد هههه ثول الثولچ احترمي نفسج
سارة.. محترمه نفسي عدل 😏

عفته ومشيت شفت الدرج رحتله
علي.. لحضه
سارة.. وگفت .نعم 😒
علي.. شنو انتي خدامه جديده
سارة .. ولي ترى ماناقصتك . باوعتله صفح ومشيت
علي.. هاي تستهزء لو شنو

اني الكل يهابني ابن الوزير هاي منو وتگلي هيچ 😡
لحگتها جريتها من ايدها .. انتي ابيتي وتجاوزين عليه

سارة.. شنو هاي الوقاحة يجرني من ايدي 😳
ماحسيت الا هفيته راشدي درت وجهه
وطلعت بسرعه

اباوع لأيدي ترجف تخيلته وراي سرعت بالمشي طلعت وأخذت تكسي

علي.. ضربتني راشدي هه ضحكت بداخلي مسكينه شورطها وياي
ضليت واگف بمكاني وهيه راحت

بسسيطه والله لأجيب راسك وأكسرة بعد

انطيت خبر للحرس بالباب

.. راقبو البنيه الطلعت هسه بسرررررعه (صياح)
الحرس ضلو يتراجفون واحد يردم بالثاني 😂

شافوها ركبت بتكسي طلعو وراها بسيارتهم
سارة.. ياربي اني شسويت 😔
ابو التكسي گال وين توصلين وصفتله المحل الاشتغل بي
وصلني انطيته فلوس الاجرة ونزلت

علي.. نص ساعه وخابروني
.. سيدي البنيه نزلت بمحل تصوير
علي.. حلوووو لهنا حلووو
احفظ العنوان عدل وأرجعو
.. تأمر استاذ

حنان.. اخذتلي غفوة وگعدت 😌
نزلت للمطبخ .. سويلي عصير
.. حاضر ماما
گعدت ع الطاوله والخدامه جابت العصير بديت اشرب

علي.. هلا بأختي شلونج كبد
حنان.. هلو علاوي هاي شعجب گاعد بالبيت صارلي يومين ماشايفتك 😁
علي.. ههههه فارغ اليوم
والله مليت من المواعد 😒
اليوم استراحه 😉
حنان.. هههههه صاك ويركضن وراك غير 😄

علي .. صدگ اگلچ اليوم شفت بنيه غريبه بالبيت منو هاي
حنان.. 😳 وين
ضربت راسي نسيت والله اي هاي المصورة اني جبتها
علي.. اهااا 😒😒

#يتبع
(دي 😛تصويييت للقصة😂😂👊)