بقلمي ؛؛؛يومآ ما سنلتقي ؛؛؛
#والله_لاجيب_راسك
البارت 3
سارة.. دخلت للمحل ارجف من الخوف
ماهر.. مساء الخير شدعوه ماتسلمين 😏
سارة.. ابتسمتله . اسفه ماانتبهت
ماهر.. شبيه وجهج اصفر 😳
سارة.. اهوووو والله بطران اشگد يسأل
.. يمكن من التعب
عفته ودخلت جوه
شبيه خايفه اني قابل شراح يصير روحه ماراح اروح بعد بعد شكو 😌
نسيت الصار
صار العصر استأذنت وطلعت للبيت
احس روحي تعبانه 😔
اخذت تكسي ومثل كل مرة ابو التكسي زاحف 😒
لأن يشوفوني وحدي اصعد يعني شلون اجيب حارس وياي 😠
وصلني للبيت ومقبل ياخذ فلوس
شمرتهن يمه ونزلت 😄
دخلت للبيت وقفلت الباب كالعادة
ركضت للحمام من اشوف روحي تعبانه اسبح وأستعيد نشاطي
بدلت وگعدت بالصاله
بطني تزقزق نسيت اشتري لفه اتعشى بيها
فتحت الثلاجه فارغه بس مي و3 بيضات وجبن باكيت واحد 😔 هذا المن اريده للعشا لو للريوگ 😖
احسن شي اسوي كيكه وأشبع بيها ع الاقل المواد موجوده
رفعت شعري وبديت اشتغل بالكيكه
علي.. فكرت شلون اردها الها 😏 والله لأكسر راسها
هاي تمد ايدها عليه تخسى 😡
حنان.. اخوي يفكر خير انشالله
علي.. هههه لج ولي تعبان والله
حنان.. منو متعبك
علي.. اروح اشوفلي مزة احسن من مگابل وجهج 😂
حنان.. عابت مامليت يوميه وحده
علي.. ماجابرهن بس بفلوسي اجيبهن 😒
حنان.. دروح لعد
علي.. طلعت بسيارتي اشرت للحمايه
لحد يسوق اني اسوق
كل شويه تجي ابالي هاي الضربتني
ضربت الستيرن بكل قوتي
📱📲📲📱
الوو.. حسام انته وين
.. موجود بالبيت شنو شبيك عصبي مبين
علي.. جايك
فصلت الخط
من اعصب كلشي ماشوف گدامي خابرت صديقي حسام هوه الوحيد الاحچيله البداخلي
وصلت لبيتهم طلعلي وأخذته بسيارتي نفتر
حسام.. يمعود مو خطر عليك تفتر وحدك بلا حمايه
علي.. ترى ماناقصني لك انعل ابو السلطه لابو الفلوس
حسام.. ههههههه لا لا مو طبيعي اليوم
امشي اخذك لمكان ترتاح بي والله
علي.. 😒😒
سارة.. دگ نقالي وأني بالمطبخ
باوعته رقم غريب
رديت.. الوو
حنان.. هلو سارونه شلونج
سارة.. منو انتي
حنان.. لج اني حنان ترى خابرت علمود الصور اشوكت يطلعن متشوقه اشوفهن
سارة.. 😠 لا بعدهن هاي السوالف يم ماهر مو يمي 😏
حنان.. اهااا اوكي حبي باي
سارة .. بايات 😒
اشگد لزگه يگول اني صاحبة التصوير 😌
شعليه اني اشتغل عدهم 😏
حسام.. اخذت علاوي للملهى بس شرب اهواي وأبتليت بي
.. لك علاوي تخبلت امشي اوديك للبيت
علي.. ههههههه نروح ليش
حسام.. لك لا تفضحنا امشي
جريته جر خليته بالسيارة ومشيت
ابوه مايقبل يشوفه سكران اخذته للشقه مالته
حسام.. راح اخذك للشقه مالتك بات بيها والصبح روح للبيت خوش
علي.. اي اي شخبصتنا 😨
وصلنا للشقه
اشو بس دخل ذب روحه ع القنفه ونام
وأني ضليت بلا عشا
لك هوه مو صوجك صوج اليطلع وياك 😒
سارة.. حاولت انام ميجيني نوم اوووف ياربي
گعدت شغلت التلفزيون وضليت افرفر بيه
علي.. فتحت عيوني شفت حسام گاعد گبالي
وياكل
.. هاي شتاكل ولك
حسام.. اتعشى 😒
علي.. تعال هنا آكل وياك
حسام.. جبت لفات همزين حسبت حسابك ابو بطن 😂
خليت الاكل گدامه وگعدت أكمل اكلي
علي.. ههههه مشكله آكل وماكو
لو غيري هسه مايطلع من الباب 😁
حسام.. هههههه
انت شبيك اشوفك مو طبيعي
علي.. لا تغثني خليني اتزقنب 😒
حسام.. ههههههه اكل يمعود اكل
كملت اكل وگمت غسلت ايدي
ولا تروح من بالي بنت الكلب
حسام.. شبيك تحاچي روحك 😳
علي.. لك ضربتني والله مااخليها
حسام.. ياستار منو هاي
علي.. وحدة
حسام.. لك علاوي عوفها لاتورط روحك
علي.. لك شلون اعوفها 😡 هانتني
اني ابوي ماضاربني اخر وكت تجي هاي تضربني
ضربت ايد بأيد بسسيطه والله اشوفها نجوم الضهر
حسام.. 😏😳
سارة.. گعدت الصبح لگيت التلفزيون يشتغل 😳
ضربت راسي اووووف غفيت ونسيته للصبح
تريگت جبن وچاي
نضفت البيت ورحت ابدل وراي دوام
لبست بنطرون اسود وبدي اسود وحتى نضارات سود وخليت شعري مفتوح 😌
خابرت لصديقتي سجى عدها سياره گلتلها مريلي اخذيني بدربج احسلي من التكسيات
رمشتلي وطلعت 😊
.. صباح الخير
سجى.. صباح النور لج شطالعه كيكه يلوگ الاسود عليج 😉
سارة.. ههههه هاي انتي تزحفين بدل ابو التكسي لو شنو 😄
سجى.. لا والله مو مجامله
صدگ ليش ماتشترين سياره الج ترتاحين من التكسيات
سارة.. ولج منيلي خليني ادبر الايجار بالاول
سجى.. عادي اخذي اقصاد
سارة.. والله بطرانه انتي ولج اللگمه گوه مدبرتها انوب سيارة
سجى.. حقج والله 😌 يله اني موجوده اذا فارغه امرلج
سارة.. شكرآ حبي متقصرين
سجى.. اليوم محاضرتي تبدي بالعشرة
يعني عندي وقت
سارة.. باوعت ساعتي اي هسه الساعه تسعه ونص
يبوووي هسه ماهر يعصب عليه متأخرة
سجى.. لا لا وصلنا دقايق بس
وصلتني للمحل ونزلت وياي ☺ شفت ماهر مفور بس من شاف سجى سكت
سجى گالتله اني اخرتها مرينا للسوگ وبدت تصفط بالچذب 😁
صدگها وگال عادي
بوستني وراحت وأني التهيت بشغلي
علي.. ما صدگت يجي الصبح
خابرت الحمايه مالتي 📱📲📲📱
.. كرار وينك
كرار.. موجود سيدي بالباب
علي.. اريدك بشغله تعال للشقه مالتي
كرار.. تأمر استاد
ضحكت بداخلي كرار مسؤؤل الحمايه الخاصه بيه ابوي حمايته وحده واني وحدي
خبلني مرة يگول سيدي ومرة يگول استاذ 😂
اجاني للشقه وحسام بعده يمي
كرار.. نعم استاذ
علي.. دگعد اگعد
كرار.. ترددت اگعد بعدين گعدت
حسام.. ولك شناوي علاوي
علي.. كرار اريد تجيبلي البنيه الراقبتوها قبل كم يوم
كرار.. شلون نجيبها استاذ
علي.. مااعرف المهم تجيبها لهنا مو تاخذها للبيت جيبها هنا
كرار.. تؤمر استاذ . واذا رفضت تجي
علي.. شوف شغلك ولا تدردم يله روح من اخابرك نفذ
كرار.. حاظر
حسام.. ضليت مفهي 😳 لك شتريد تسوي
علي .. هههههه مو شغلك يله روح لاهلك قبل لتجي
حسام.. لا بله 😠 اضل هنا اعرفك مخبل ومحد يعقلك غيري
علي.. اهوووو لك روح ماراح اذبحها لتخاف 😒
حسام.. الله يستر منك يله خليني اولي لاتورطني وياك 😏
راح وسديت الباب وراه
گعدت احس راسي ثگيل البارحه شربت هواي 😞
دخلت للحمام فتحت الدوش وتبللت ملابسي
ضليت ساعه كامله بالحمام وطلعت بدلت
بردت وأنشلت 😨 هوه وكته المرض 😠
خابرت لكرار 📱📲📲📱
.. ها كرار وينك
كرار.. مراقبين المحل استادي
علي.. حلوووو بس تطلع جيبوها
كرار.. امرك استادي
#يتبع
(تصووويت للقصة🐸✋😂)
|