#والله_لاجيب_راسك
بقلمي ؛؛؛ يومآ ما سنلتقي ؛؛؛
البارت 5
سارة.. ضليت ابچي وابچي
باوعت الساعه نص الليل ركضت للحمام
گعدت جوه الدوش افرك برگبتي
احس روحي تنگست منه
طلعت مبلله بدلت ملابسي ونمت
گعدت على صوت الاذان صليت وكملت
نزلت للمطبخ فتحت الثلاجه فارغه
اجه ابالي ثلاجته المليانه هزيت راسي اريد انسى
سويت چاي وگعدت اشرب وفكره تاخذني وفكره توديني
لازم انهزم منه يعرف بيتي ويعرف مكان شغلي
طلعت نقالي 📱📲📲📱
..
الو صباح الخير
ماهر.. صباح النور ادري ديچ خو ما ديچ گاعده من الفجر خربتي نومتي
.. ههههه اسفه والله
بس اريد اجازه ممكن
ماهر.. خلي افتح عيوني انوب اجاوبچ هههههه
صدگ ليش خو ماكو شي شنو مريضه
.. ماعرفت شگول . اي مريضه اريد اجازه اسبوع
ماهر.. اوكي اسبوع بس راح تنقص يوميتچ
.. عادي
ماهر.. ماشي من اليوم لتداومين منا لأسبوع
..شكرآ
ماهر.. ادللي يمعوده
سديته منه لازم اختفي منا لأسبوع وأذا اضطريت اعوف شغلي
حضرت جنطتي وبدلت ملابسي
طفيت الاضويه وفصلت الكهرباء من الرئيسي وقفلت الباب وطلعت
علي.. فتحت تك عين شفت الساعه 9
گعدت سبحت وبدلت ونزلت
سمعت صوت ضحكه عاليه باوعت شفت اختي حنان گاعده ويمها بنيه ويتمضحكن
فتت من يمهن وسلمت.. صباح الخير
حنان.. صباح النووور
. صباح النور.. لچ هذا اخوج
حنان.. اي لعد منو
..فديت الجمال
حنان.. لج ثگلي تره ميحب الخفيفه
علي.. دخلت المطبخ وصحت .. حناااان حنااان
شويه وأجت .. هااا شبيك ماتشوف صديقتي يمي
علي.. وجع وأذا شنو يعني
هاي المشهورة صاحبتچ؟
حنان.. ههههه اي
.. ماعاجبتني احسها مو راحه كم مرة نبهتج اختاري صديقاتج عدل
حنان.. 😏😏 لا حبابه
جريتها من كفشتها بس ما اذيتها .. لاتدخليها للبيت مرة ثانيه افتهمتي
حنان.. اااخ ولك افتهمت
.. ابتسمت هديتها وبست راسها .. حلوووو أگولج امي وين ماشفتها
حنان.. امي من الصبح طلعت راحت للعزا
علي.. ياستار منو مات
حنان.. رجل صديقتها توفه بحادث
علي.. الله يرحمه
يله اني طالع
حنان.. الله وياك
رجعت گعدت يم صديقتي نسولف
علي.. طلعت ما ألي واهس اسوق اليوم
ركبت ورا وخليت كرار يسوق
كرار.. وين اخذك استادي
..لبيت حسام
كرار.. خيرك استادي اشو ضايج
.. باوعتله هيچ 😒
انلصم من يمه 😂
وصلت لبيت حسام خابرته وطلعلي ورحنا نتريگ بالمطعم
گعدنا ناكل
حسام.. لك متشوق اعرف وين وديت البنيه الي بالشقه
.. وليش متشوق
حسام.. هههه هيج فضول
.. رجعت لاهلها
حسام.. والله اني متعجب ليش مااشتكت عليك
.. 😒 حتى اكسر راسها غير
حسام.. انت شبيك گالب الخلقه مو اخذت ثارك
.. مااعرف بعدني مفور حسام
حسام.. هههه يمعود كافي عاد اليوم نسهر مو
علي.. اي وعلى حسابي
حسام.. اي هذا الحچي الزين
سارة.. رحت لخالتي موجوده بنفس المنطقه
بعدها زغيرة عمرها 35 وأولادها زغار اكبر واحد عمره15 والبقيه ازغر منه ولد وبنات
اني عمري 23 يعني اكبر منهم اگدر اخذ راحتي
استقبلتني وفرحت بيه وگالت بعد لتروحين عيشي ويانا
تشكرت منها
رتبتلي غرفه خليت بيها غراضي وارتاحيت بيها
.. لج خاله جوعانه شمسويه ريوگ
ام احمد.. ههههه چنچ على ريوگ خاله هسه اسويلچ
.. فديتج خاله اليشوفج يگول اختي الچبيرة مو خالتي بعدچ شباب
ام احمد.. اي شعبالج لعد
راحت تسوي ريوگ ارتاحيتلها نفسها حلوه
بس بعدني قلقانه من الصار اوووف
تريگت اكلت اهواي رحت للغرفه ارتاح تمددت ع السرير
ام احمد .. اجه ابو احمد وانطيته خبر بوجود سارة گال خليها البيت بيتها يعني مااعترض
علي.. تريگنا وطلعنا افترينا رجعت حسام للبيت واتفقنا نسهر بالليل
كرار.. استادي ارجعك للبيت
.. لا اطلع لبيت البنيه
كرار.. يابنيه استادي
.. تغشم روحك لك 😠
كرار.. اسف استادي والله راحت من بالي
وصلنا للبيت گلت لكرار انزل ويايه
دگينا الباب لمن طاح حظنا محد يفتح
.. لك هاي وينها
كرار.. استادي يجوز بالشغل
ضربت راسي لك شلون نسيت اووووف
امشي للمحل
توجهت للمحل التشتغل بي الطريق ازدحام
شبيه ضجت من ما لگيتها ليش انقبض گلبي
ليش وليش فكره تاخذني وفكره توديني
وصلنا بالگوه نزلت وكرار ضل بالسيارة
.. السلام عليكم
ماهر.. عليكم السلام تفضل ارتاح بس يخلص الولد يصور جوه انتضر
.. ما جاي اصور 😒
ماهر.. لعد بيش اخدمك تفضل
.. اكو بنيه هنا تشتغل عدكم وينها
ماهر.. منو قصدك عدنا اثنين خو ماكو شي خويه
.. لا ماكو شي .. موجودات اثنينهن هسه لو لا
ماهر.. لا وحده مجازه
.. ممكن تصيح هاي الموجوده
ماهر.. اي هسه
هم كون تطلع هيه 😏 دخل جوه شويه واجه وياه بنيه باوعت مو هيه
ماهر.. تفضل عندك شي وياها
.. لا لا مشكوره اختي اخذت من وقتچ
خليتها راحت جوه وطلعت بطاقتي لصاحب المحل
تفاجأ وعرفني گال حنان دائمآ تصور يمنا
.. اريد رقم البنيه عندك ؟
ماهر.. منو قصدك سارة
.. اهااا اسمها سارة مو
اي اي اريده ضروري
ماهر.. ترددت انطيه بس شفته كلشي بيده يسوي يهجم بيتي فوگ راسي
دورت بالسجل يمي لگيته اني عندي حافضه بنقالي بس ماحبيت ابينله
طلعته من السجل .. تفضل هذا الرقم
علي.. سجلته بنقالي وطلعت ركبت السيارة
.. امشي كرار
كرار.. وين استادي
.. للشقه
كرار.. تدلل استادي
اباوع للرقم ابتسمت رقمها مميز بكلشي نازكه هاي البنية (سارة) حلو اسمها
تلمست وجهي مكان الراشدي
اااخ سارة سارررررررة
انطبعتي بدماغي الا اكسر راسج وراس الخلفوج
سارة.. اجت خالتي گالت تعالي الغدا جاهز
اعتذرت منها گلتلها شبعانه ثگلت بالريوگ
گالت اوكي اشوكت ميعجبج اكلي
بصراحه استحيت من رجل خالتي بس سلمت
ورجعت للغرفه خليهم ياخذون راحتهم
گعدت افكر شلون خو ما اضل هيج
الى متى اضل مهزومه وشغلي شلون
صاحب البيت يطلبني مادفعت الايجار وأذا هذا الشهر مادفعت يمكن يشمر غراض البيت برا
اووووف يابه رحت وعفتني وحيدة 😭
دگ نقالي رقم غريب
📱📲📲📱
ماجاوبت
حنان سجلته رقمها يمي لعد منو هذا
اوووو ماناقصه اني خلي يدگ ويسكت وحده
علي.. وصلت للشقه گعدت طلعت الرقم وأتصلت
ماردت دگيت مرة لخ هم ماكوو
ههههه قابل وين تروحين
ورجعت دگيت
سارة.. اشو هذا يلح خليني ارد اشوفه منو
..الووو
..السلام عليكم
.. عليكم السلام منو حضرتك
.. معقوله ماعرفتيني يا سارة
.. هذا يعرف اسمي 😳 بدا الشك يلعب براسي .. منو انته؟
.. اني علي اخو حنان اعتقد التقينا البارحه ههههههه
.. لك حقيرررر تضحك على طياح حضك
.. گلتلج هذا لسانچ اگصه احچي عدل ولتجاوزين
.. اجاوز ونص والله اذا ضليت وراي اروح اشتكي عليك 😡
سديت الخط
اباوع لأيدي ترجف ياربي شلون عرف اسمي ورقمي
اي حنان ماكو غيرهه هيه گالتله
ضليت اتراجف اريد اهدي روحي ماكو
اخذت النقال وخابرت حنان
📱📲📲📱
..الوو
حنان.. هلا والله شونج حبي
.. شلوني من ورة اخوچ حياتي صارت جحيم وأبچي
حنان.. لحضه لحضه شگاعد تخربطين
.. انتي انطيتي رقمي مو
حنان.. حبي فهميني والله مو اني . ليش اخوي شمسوي
فصلت الخط وضليت ابچي الى ان غفيت
حنان.. 📱📲📲📱
الو علاوي وينك
علي.. اني بالشقه شرايده
.. لك انته شمسوي لسارة خابرتني تبچي وكلشي مافهمت منها
علي.. مامسوي شي اسمعي والله اذا وصلتي خبر لأمي لو لأبوي ماتلومين الا نفسج
.. اي شصاير فهمني
علي.. بعدين افهمچ
سديته منها لك راح تشهرني بنت اللذين لازم اسوي حل
بيدي گلاص ماي عصرته قوي لحد ما انكسر بأيدي وطلع دم
ماحسيت بألم گلبي مفور على الماتتسمى
(تصويت للبارت)
|