#والله_لاجيب_راسك
بقلمي ؛؛؛ يومآ ما سنلتقي ؛؛؛
البارت 8
سمعت صوت سيارة وهورن بالباب
گمت طفيت الضوه وطلعت قفلت الباب وركبت بالسيارة .. السلام عليكم
كرار.. اخ الله شلون عيون تدوخ .. وعليكم السلام
مشيت وأباوعلها بالمرايه مبينه ضايجه
.. خير انشالله
.. باوعتله .. شكو 😒
.. ترى استادي دزاني ماجاي من كيفي
.. كرار لاتدوخني البيه كافيني
.. فريت ايدي هاي شبيها اسكت احسلي
وصلنا لباب العمارة نزلت نزل ويايه
.. خير شعندك نازل
.. هيج الاوامر
.. هههه لتخاف مااشرد
.. دتفضلي گدامي تأخرنا
مشيت ومشى وراي
وصلنا لباب الشقه دگ الباب
علي.. گاعد انتضرها تجي ضليت افرفر بالتلفزيون
اندگت الباب عرفته كرار . فتحته
كرار.. استادي هاي الامانه
.. باوعت شفتها واكفه وراه ودايره وجهها
.. اي روح ومن اريدك تجي
دخلت وقفلت الباب وراها
سارة.. گعدت بالصاله داشوف هالشيطان شنو نهايته
شميت ريحة اكل تشهي
علي.. اشوو گعدتي گومي حضري العشا
.. باوعتله صفح . شعجب ماعندك خدامه
.. ههههه لا صعبه تعرفيني ولد شاب وعزابي وغمزتلها
عصبت وشمرت المخده بوجهي .. لچ اااخ ههههه
رحت للمطبخ شفت الاكل جاهز رتبت السفرة
وأجه گعد ع الكرسي وگدامه الطاوله بدا ياكل .. يله اكلي وياي
.. لا متعشيه
عفته بالمطبخ وطلعت
باوعت شفت درج صار عندي فضول اصعد
مادام بعده ياكل خليني اصعد
صعدت شفت صالة وممر صغير وغرف اثنين وبلكونه
رحت للبلكونه وگفت الهوا منعش ويخبل
ضليت اغفي هذا وكت نومتي ب11
فتحت وحدة من الغرف مديت راسي غرفة نوم دخلت وقفلت الباب
شمرت روحي ع السرير هفففف تعبت ونعسانه حيل والفراش مريح ماحسيت على روحي وغفيت
علي.. خلصت اكل صحتلها .. سارة تعالي شيلي الاكل
ماكو صوت .. لج ساااررة
هم ماكو طلعت دورتها بالصاله ماكو معقوله انهزمت
تأكدت من الباب مقفول لعد منين طلعت
صعدت فوگ ادورها وصلت لغرفتي افتح الباب ميفتح
.. ههههه ولا تگعد راحه بنت اللذين
دگيت الباب ماكو صوت هاي شبيها
نزلت طلعت نسخه من المفاتيح وصعدت
فتحت الباب
شفتها نايمه ضحكت بداخلي شنو دجاجه شبساع نامت باوعت الساعه 11 ونص
تقربت يمها جمالها يذبح لابسه فستان اسود طويل اخ الله منين جايبه هذا الجمال
تمددت بصفها وطفيت الضوه
شغلت ضوه خفيف ضليت العب بخصلات شعرها شميته ريحته تموت
شفتها تحركت .. سارة اگعدي يمعوده ماكملت السهره ساررره
.. اممممم
.. اشتعلو اهلج على هذا الرد .. لج اگعدي
تقربت منها بست شفايفها
سارة.. نايمه نومه مريحه وتخبل حسيت اكو احد يمي من ريحة العطر شويه وزاد العطر يمي عرفته علي بس كملت نومتي مالي خلگه
حسيت بيه من باسني بهدوء حسيت احساس غريب ماعرفه شنو
عجبني الهدوء البي اني
بادلته الشعور وضلينا نتباوس
علي.. من تفاعلت وياي ماصدگت هههه استمريت ومارفضت
عفت شفايفها وضميت راسي بشعرها شفتها حركت ايديها وحضنتني
اخ الله قلبي الصغير لا يتحمل 😉
شلت راسي باوعتلها فاتحه عيونها يعني گاعده
همستلها.. بعد وكت نمتي
.. متعوده
صوتها بحد ذاته اغراء لان نعسانه هاي مايفيد الهدوء وياها موتتني
بوستها بكل قوتي ورحت وياها بعالم ثاني
سارة.. گعدت الصبح باوعت يمي علي نايم على بطنه وبدون قميص
باوعت يمي شفت هدومي مشمورات
ضربت راسي كله منييي كله منييي ضليت ابچي اذكر كلشي ليش مارفضته
ليييششش ابچي والطم بوجهي
علي.. گعدت على صوتها تبچي وتگول ليش
.. شبيج تخبلتي
.. ليش سويت بيه هيج لك ليش
.. ماجبرتج انتي راضيه
شحاچيه اذا الصوچ مني
اخذت ملابسي ودخلت للحمام وهوه رجع نام
ياربي شسويت بروحي اني 😭 سبحت ولبست هدومي وطلعت شفته گاعد
.. صباح الخير
.. اكرهك
.. لج ماجبرتج والله انتي شجعتيني
.. ضربت صدره وأصيح لك شرفي وأخذته شتريد مني بعد الله لا يوفقك
دموعها هزتني
متعود ع بنات الملاهي ومااحس بتأنيب الضمير لأن هنه بايعات نفسهن وهاي شغلتهن
بس سارة غيررر
مو بت ملهى ولا رخيصه هفففف دخلت ايدي بشعري ورحت للشباك اشم هوا
سارة .. استحقرت نفسي صرت مااسوى فلس
ركضتله لزمت ايده .. الله يخليك تزوجني استر عليه انته مو تحبني
.. مو وكتچ سارة لا تعصبيني خليني افكر بحل
.. حل شنو ماكو حل غير الزواج حتى لو شهر وتطلگني موافقه 😭
.. كافيييي اشگد تهذييين (صياح)
نزلت راسي بيمن اتوسل بعد اخذ اليريده وشمرني ومايقبل يستر عليه
دگ نقالي شفته ماهر ادري تأخرت على دوامي مارديت
دموعي تصب احس روحي اختنگت طلعت من الغرفه
شفت المفاتيح ع الطاوله فتحت الباب وطلعت
علي.. اريد افكر مااگدر وهيه تگرگ فوگ راسي عصبت عليها وطلعت يمكن راحت
خابرت حسام 📱📲📲📱
.. الو حسام اريدك بموضوع تگدر تجي
.. شكو
.. تجي لو لا
.. اي طبعآ اجي يله جايك
دخلت للحمام سبحت وبدلت وگعدت انتضره
وأخيرآ وصل
.. خير شنو موضوعك
.. سارة
.. لك شبيها لا تضل تحچي الغاز فهمني
.. جبتها البارحه ونمت وياها
.. شنو شنو لك شسويت علاوي اني حذرتك من البدايه
.. لا تضل تلومني (صياح)
.. اي انته محد يلومك غير حكومه اشحده اليحاچيك ههه هوه العراق منين طاح حضه 😏
.. حسام ماجبرتها والله چانت راضيه
.. شلون يعني خاف شربتها شي
.. والله حيرة لا ولك ماشربتها والله
.. وشگالت
.. طلعت تبچي وتريد زواج
.. اي استر عليها خطيه
.. وأهلي
.. شبيهم اهلك يفرحون غير
.. لا شتعرف انته امي حاطه عينها على وحدة وتريدها الي
.. اي عادي تتزوج اثنين لك والله خطيه سارة
.. ماعرف عقلي انشل من التفكير
سارة .. طلعت مشي وصلت للشارع العام عيوني مغوشه من الدموع عبرت الشارع
ماحسيت الا سيارة ضربتني وصارت الدنيا سوده بعيني
ماهر.. سارة تأخرت شسالفه اذا متجي تنطيني خبر
تذكرت سجى
📱📲📲📱
الو السلام عليكم
.. عليكم السلام منو
.. اني ماهر
.. شرايد
.. لحضه عيني والله معجب بيچ وقصدي شريف لاتفهميني غلط
.. انته متزوج وتدور بنات 😡 لك ماتستحي
.. اهوووو هسه عوفي موضوعنا سارة ماتجي اليوم
.. ماعرف
.. شعجب مو تجي وياچ
..لا اني بالكليه هسه اخابرها اشوفها وين
سديته منه
دگيت على سارة محد يجاوب هاي شبيها
دگيت مرة لخ جاوبني رجال.. الو
.. الو منو انت هذا مو رقم سارة ؟
.. اسف اختي اني الدكتور وهذا نقال البنيه تعرضت لحادث
.. شنووو
حطيت ايدي على حلگي .. شدتگول بيا مستشفى
انطاني العنوان وغلق الخط
طلعت بسرعه بسيارتي عفت الدوام بالطريق خابرت لماهر انطيته خبر گال مريلي نروح سوا
مريتله للمحل ورحنا للمستشفى
دخلنا سألنا ع الاسم گالو بالعمليات و
وحالتها خطره
ضليت ابجي على صديقه عمري وماهر يمي واگف
.. يمعوده ادعيلها مو بس تبچين
.. باوعتله لك هاي صديقتي وأختي يارب احفظها يارب
.. آمين
انفتح الباب طلع الدكتور متوتر
ماهر.. ها دكتور بشر
سجى.. دكتور الله يخليك شنو صار
ضل صافن بوجوهنا
.. اسف فقدنا المريضه
.. ضرخت بعالي صوت لاااااااا
علي.. احس گلبي مقبوض ياربي اول مرة احس هيچ ياستار خاف اهلي صاير عليهم شي
(تصويت للبارت)
|