#والله_لاجيب_راسك
بقلمي ؛؛؛ يومآ ما سنلتقي ؛؛؛
البارت 9
شفت الدكاترة يتراكضون واحد طاب واحد طالع شنو السالفه
الفهمته يحاولون يرجعوها للحياه بالصدمه الكهربائيه
ماهر.. شفت سجى موتت روحها من البچي حاولت اهديها
لزمت ايدها .. يمعوده على كيفچ
بلكي ترجع ترجع تعيش ادعيلها
حضنتني ومستمرة بالبچي
ضاعت بحضني اني طويل وعندي عضلات وهيه قزمه
ضليت امسح على شعرها وأهدي بيها
مرت عشر دقايق وطلع الدكتور
.. بشر دكتور
.. الحمدلله رجع القلب ينبض
عافنا وراح بچينا من الفرحه وسجى حست على نفسها وخرت مني گعدت ع الكرسي
علي.. مريت للبيت شفت اهلي مابيهم شي
طلعت صاحتلي حنان
.. علاوي فدوه اريد فونك
.. لج مستعجل من اجي انطيه الج
.. لاااا اريد انقل منه عفيه
.. وأني طالع شلون اضل بدون نقال دطيري
عفتها وطلعت رحت لبيت سارة
وگفت گبال الباب ترددت انزل لو لا
آخر شي قررت انزل دگيت الباب محد يجاوب
اتصلت نقالها مغلق
اوووو هاي وينها اكيد بالشغل
مريت للمحل دخلت ماكو احد
دگيت الباب طلعتلي بنيه .. تفضل
.. العفو اختي سارة موجوده
.. لا راحولها للمستشفى
.. شنووو شصاير
.. مافتهمت من ماهر شي بسرعه طلع يمكن حادث
ضربت راسي حسيت صاير شي
طلعت من المحل خابرت 📱📲📲📱
.. كرار شوفلي سارة بيا مستشفى بسررررعه (صياح)
.. حاظر استادي
خليت راسي ع الستيرن وبچيت اي بچيت اول مرة بحياتي اسويها
يمكن تعودت عليها بحياتي وماريد اخسرها
اوووف ياربي
تدمرت حياة بنيه يتيمه بسببي 😔
حنان.. هففففف سارة اعتمدت عليه وعلاوي ميقبل ينطيني فونه
انتضره من يجي امري لله
علي.. نص ساعه وخابرني كرار
.. استادي عرفت بيا مستشفى
.. دزلي العنوان
سديته منه ودزالي برساله مشيت بكل قوتي حتى الاشارة گطعتها
شفت المرور انخبصو وراي وطلعت سيارتهم وراي ههه حقهم ميعرفوني منو
ضيعتهم
بس يمكن سجلو رقم سيارتي
ويسجلون 😡 لأحرك ابو الخلفهم ماناقصهم اني
وصلت للمستشفى سألت گالو بالعنايه المركزة
اوووووف ياربي كله مني لو متفاهم وياها قبل متطلع
اكو كراسي موجوده گعدت ضليت متوتر
سجى.. هذا منو
.. ماهر.. هذا استاذ علي ابن الوزير الفلاني
.. وشجابه يعرف سارة
.. اي يعرفها حتى مرة طلب مني رقمها
يمكن صداقه بيناتهم بس ليش هيج متوتر
.. دگوم شوفه
.. باوعتلهه . شنو هالميانه ها وغمزتلها
.. ولي مو بحالك ترى اني محروگ گلبي ع سارة وانته بطران
.. يله رايح استفسر منه
.. السلام عليكم
.. رفعت راسي شفت صاحب المحل جريت نفس .. عليكم السلام
.. تدري سارة ماتت وگوه رجعو دگات قلبها
.. شنووو
جريته من قميصه ذبيته ع الحايط .. لا تگول ماتت (صياح)
ماهر.. يمعود هدني شبيك شنو هالاعصاب قابل شگلت اني روح اسأل الدكتور
.. حسيت على روحي وهديته . اسف
رجعت لمكاني گعدت
سجى.. شفتهم يتلاغون مو وكتهم ذوله هففف احس بدوخة اشرت لماهر
.. ها سجى
.. يمعود دخت طالعه بلا ريوگ
.. اجيبلچ اكل
.. لا اني اروح اكل وأجي تلعب نفسي هنا
.. وحدچ 😡
.. لا بله اكيد وحدي انته ضل هنا
.. انلصمي رايح اجيب اكل وأجي
عافني وراح
ضحكت بداخلي الله يكون بعون مرته اذا هيج غيور وعصبي
علي .. گاعد ومثل الاطرش بالزفه
بسرعه گمت رحت لغرفة الدكتور
طگيت الباب ودخلت گلبي مفور ومالي خلگ الرسميات
.. دكتور من الاخير اريد اعرف حالتها شنو
.. ليش عصبي هذا قضاء وقدر والحمدلله احنا مقصرنا بشي
.. جريت نفس اريد اهدي روحي ماكو . اشوكت تصحى
.. الله اعلم حاليآ تحت المراقبه
.. هلگد خطره
.. عدها كسر بالرجل اليمنى وكسر بالجمجمه وتحتاج عمليه لخ
بس يستقر وضعها نسوي العمليه
.. فار دمي جريت الدكتور من ياخته شتنتضروووون عالجوهاااا (صياح)
دخلو الامن مالت المستشفى جروني منه
.. شيل ايدك لك تعرفوني اني منو والله اهجم الدنيا فوگ روسكم اذا صارلها شي
طلعت الهث من العصبيه
طلعت برا ضليت گاعد بسيارتي انتضر ما حركت ولا فكرت اروح
دگ نقالي 📱📲📲📱
.. ها كرار
.. استادي محتاج شي اجيك
.. لا
.. والحمايه ادزهم الك
..اي دزهم هنا اكو اهواي ناس همج وأحتاجهم سيارة وحدة كافي
.. امرك استادي
.. جيبلي ملابس ابدل
.. من البيت استادي لو من الشقه
.. اكيد من الشقه ماريد اهلي يشكون بشي
.. امرك استادي
سديته منه اشوف تاليتها اذا ضلت هيج اخذها وأسافر بيها حياتي ضلمه بدون سارة
اجو الحماية سيارة وحدة مثل ماطلبت
خليت واحد بالباب مال العناية يراقب الوضع والبقيه برا
كرار جاب ملابس بدلت داخل السيارة لان مضلله
سجى.. اجه ماهر جاب لفات وعصاير
مالي نفس بس جبرت نفسي اكل لان بطني فارغه
.. ماهر هاك اكل
.. لا مااشتهي
.. جريته من ايده گعدته يمي . لازم تاكل خليت اللفه بأيده وفتحت العصير يله اكل
.. شفته صافن بوجهي . شبيك
.. ماكو شي
ضل ياكل وأني رحت للحمام عدلت وجهي من البچي شكلي تخربط
علي .. گاعد وصافن لشويه دخلت مره تصرخ
ام احمد.. ساررررة لج اگعدي خاله فدوة اروحلج گعدي
تصرخ وتلطم اجاها الدكتور گلها لو تسكتين لو تطلعين برا عدنا مرضى ومانريد صوت
سكتت بس ضلت تبچي
اجو رجاجيل وشباب وحتى جهال وياهم استفسرت گالو عمامها
2 زلم وشباب 5
اشرت لكرار .. خاف يعرفون بالسالفه وأتورط جيب الحمايه وتعال
راح بسرعه جابهم وأجه ضلو يفترون يمي
اجاني رجال .. بويه شنهي عندك مريض
.. اي
.. وهاي الحمايه المن
.. الي
.. اه صدگ وضل يباوعلهم
طلعت برا وطلعتهم هيج أئمن على روحي
مرت يومين وسارة بعدها بالمستشفى
وأني يومين ماشايف النوم
شفت الدكتور طلع
شويه اجه وياه دكاترة دخلو سألت السستر شنو الموضوع گالت المريضه صحت
فرحت وعيوني دمعت من الفرحه حسيت الروح ردتلي
بس اشوفهم متوترين شنو السالفه
سألت الدكتور
.. لازم نسوي العمليه نشيل الكليه متدمرة وجودها خطر ع المريضه
ام احمد.. اليوم عملية سارة من الصبح رحت للمستشفى
طلعوها ع السديه وأني وياها ردت ادخل مادخلوني سدو الباب
گعدت ابچي بالباب
اشوف ولد شاب واگف والدمعه بعينه غريب ماعرفته
.. خاله انته منين
.. ماعرفت شگول .. صديق سارة بالشغل
.. سوده عليه هالبنيه ماارتاحت بدنياها
.. انتي مرت عمها
.. لا خالتها اني
.. الله يصبركم
دگ نقالي 📱📲📲📱
شفته ابوي رديت.. الو
.. الو وينك
.. يم جماعتي خير
.. من شفتك ماشفت خير (صياح) تعال لابوك لابو الخلفك
.. يابه اعصابك والله ماگدر اجي گول شصاير
.. لك كلب هيج اني ربيتك تروح للملاهي
تالي عمري يهددوني لو ادفع دفتر لو ينشر صخام وجهك
.. ضليت مفهي هاي منو مصورني الخايف منه صار .. مسافه الطريق جاي
سديته منه وطلعت يوم ورا يوم تكثر مشاكلي سارة وهسه فيديو
خرب العيشه هاي ركبت سيارتي ورحت للبيت
(تصويت للبارت)
|