البارت 14
#حنة_العيد. و#شهگة_النعناع.
لا أشعر بخير إلا بجانبك مهما أبتعدت أعود إليك لايغنيني عنك شيئاً انت الجميع والجميع انت .🖤
وانت تدري تدري كل ليلة بغيابك
ينهدم ثلثين عمري وانت تدري
لحظة من فرحة ودادك
بيها يكبر باقي عٍّمري •
وصلت للبيت تغديت وصعدت غيرت ملابسي.. حطيت راسي عالمخدة... غمضت عيوني تذكرت كلام دعاء اذا امي عرفت بغيث دااتوصل وياه واليوم شفته شنو ردة فعلهه لو بابا يعرف و اسامة اللي كارهه اسم غيث..
اووووف..
سحبت التليفون واتصلت بغيث..
گلتلة غيث اذا اهلي عرفوا دااتواصل وياك شنو يسوون..
گال كملي امتحانات واخطبچ..
فرحت حييل بحبه الية اللي ديزيد..
گلتلة الله ليحرمني منك..
وبقى غيث طول هل فترة يدعمني حتى اشد حيلي وادرس..
وكل امتحان اطلع اشوفه ابقى وياه ربع ساعه اكعد بالسيارة..
وبعدهه ارجع لعمو ابو علي..
الى ان وصلت للامتحان الاخير حظرت ملابسي، ساعة تسعة ونص بالليل..وكملت مراجعه..
اتمددت عالچرباية.. سحبت فوني واتصلت بغيث حتى اسلم عليه قبل لا انام..
اتصلت رفض المكابمة ورجع خابرني..
غيث : هلا وكل الهلا شلونچ گلبي
سمر: هلا بيك غيث الحمدلله انت شلونك
غيث: والله جنت موزين هسه من سمعت صوتج صرت زين شخبارج والله مشتاقلچ
سمر :الحمد لله اني الاشوق انت شخبارك
وبقينة نسوولف وگلتلة غيث باچر اخر امتحان ممصدكة ح اكمل متت تعب...
غيث:هانت هانت... ان شاء الله تفرحينا بنجاحچ..طلعت روحي من هل سادس
سمر: شنو انت دتمتحن انت التقرا
غيث: لواني امتحن احسن مااشيل هم مثل ما شايلچ هم
سمر: هههههه يمة فدوووة اروح لغيوثي الي شايلي هم
غمضت عيوني ورجعت راسي عالمخدة والتليفون على اذني ...
وانفتحت باب غرفتي ... فتحت عيوني امي عيونها من الغضب جاحظة علية..
الكلمة مطلعت مني ..
مباشرةً انسحب الفون مني ...
وجرت اذني وحچت بصوت ناصي وحرگة...
صار مرتين تسوينها بية....
المرة الاولى سامحتچ
هل مرة ماكو سمااح ....
غيووثي موووو وتدلعي چان استحيتي بس انت الحيا مرفوع عنچ وزايحته وحدة بلا عقل وغبية ولو عندچ عقل مترجعين تحچين وي شخص لااتفه الاسباب فرط بيچ...انت عرفي الي يحبچ بأصعب المواقف الچ وهل ميتسمى ب اتفه الاسباب تركچ...
انت وحدة غبية وبلا عقل ومتخافين على نفسچ
بالله مخفتي على سمعة اهلچ؟؟
ولچ انت صاحبت اخووة ... اخوتچ شنو وضعهم وانت تحچين وي هل ميتسمى ..
وهل حقير يضحك عليج وعندة انت لعبة هو يقبل يخابرون اخواته بانصاص الليالي..
سمر: يوم والله منتظر الامتحان حتى يخطبني ورا خطوبتنا باسبوع نتزوج والله غيث موحقير..
امي: انچبي ياغبية ..
فتحت التليفون تگلب وقرت الرسائل..وعلت صوتها بوحدة من الرسائل اللي كاتب بيهه غيث
( عطرچ لسه بيه من حضنتچ الصبح وميهون لي انزع القميص)
لهنا امي كسرت التليفون مااشوفة الا قطع صغيرة بالگاع..
اتقربت مني وضربتي... اول مرة تضربني... گالت نامي باچر حسابچ...
هسه دنيا ليل واريد افكر بعقوبة تليق ب افعالچ السخيفة يا مترباية...
نزلت امي... بقيت اشهگ وابچي ياربي شهل حظ ليش هيج ديصير ويايه..
بقيت ابجي للساعة خمسة الصبح مااعرف شنو اسؤي...
هسه شلون حال غيث فجأة انقفل تليفوني..
گمت توضيت وصليت وصرت ادعي الله يهدي امي.. ومتسؤي شي... افعال امي كلش تخوف من تمنع احد بينة من شي، ومناخذ كلامها اعرف امي كلش زين متعديها على خير..
صارت ساعة ستة كمت غيرت ملابسي وراجعت..
نزلت ساعه سبعة امي تحظر الريوگ..سلمت عليهه مجاوبتني عفتها وطلعت للحديقة انتظر الخط...
اخواني طلعوا للدوامات.. اسامة.. ومهند
مهند يمتحن وياية بس ولا كأنما لا دفتر بيدة لا قلم ع بالك مدير يروح بس يوقع.. والله حتى المدير عندة دفاتر واقلام هذا ضارب الدنيا چلاق..
گاعدة عالمرجوحه سمعت هورن سيارة عمو ابو علي، طلعت..
سلمت وصعدت..
عمو ابو علي: شلونچ بابا سمر اشو مو على بعضچ
سمر : عمو الامتحانات تعبتني حييل من البارحة منايمة..
ابو علي: الله يساعدچ عمو وميضيعلج تعب..
وصلت للمدرسة صارت بوجهي، رانيا...
يومية اشوفها بس من اللي، صار وياية بسببها صرت مااسلم عليهه..
رانيا: شلونچ سمر
سمر: الحمد لله زينة بس فكي عني اني اصير بخير
رانيا: سمر والله اسفة والقران ماادري اللي ح يصير، هيج بيچ والله اني حتى اتصلت بغيث واعتذرت منه وگلتلة انت ماالچ ذنب من يوم اللي، سلمت عليچ وانت عصبتي عليه وگلتي اللي، صار، بسببچ واني گلبي مكسور عليچ والله مااجنت ادري بعواقبها..
اتمنى تسامحيني... وصدكي لو شتردين اسوي واسعى حتى ترجعين لغيث..
والله معندي صديقة بس انت وانت مو بس، صديقة.. انت اعز من الاخت.. لان وگفتچ الاخوات ميوگفنها سترتي، عليه ربي، يستر عليچ وينطيج اللي تردي.. وگفتچ ما انساها طول عمري..
والله سمر ادعيلچ بصلاتي قبل لا ادعي لنفسي..
حضنتني رانيا وگامت تبچي..
سمر : رانيا والله اللي، بيه مكفيني..لو تدرين شصار (.......... سولفتلهه اللي صار...
چنت محتاجة احد اسولف وياه ورانيا طلعتلي وبقينة نسولف ونسينة نراجع الامتحان..
رانيا فزت : ولچ سمر بعد عشر دقايق للامتحان..
هاچ تليفوني خابري، غيث وگوليلة ب اللي، صار وخلي، يتصرف..
اني مگلت لا اتصلت بغيث مرة ومرتين مجاوب كتبتلة مسج (صباح الخير غيث اني سمر ضروري احچي وياك)
انتظرته مجاوب......
دگ جرس الامتحان رحنه للقاعات.
اخذت الدفتر كتبت اسمي وكل عقلي بالبيت خايفة من ردة فعل امي...
اخذت الاسئلة حتى مااتذكر شنو كتبت... ساعه عشر ونص، طلعت..بيج قصص عراقيه حقيقيه من واقعنا.روعه الطائي
رانيا بعدهه تكتب اشرتلهه هزت راسها..
رحت لجنطتها اخذت فونها شفت مكالمات من غيث رجعت خابرتة اول رنة جاوب
غيث: سمر راح اتخبل شصار عليچ
سمر : امي عرفت دااحجي وياك
غيث:اي عرفت لان فونچ مغلق موتيني قلق عليچ لچ حتى للدوام مرحت للساعه ستة گاعد انتظرچ وماادري وبالصالة نمت...
سمر: اي يعني شلون اگولك بالاقمار الصناعية لو بالهوى غير امي اخذت تليفوني وكسرتة وقبل لتكسرة قرات الرسائل ولعبت بيه لعب وهسه منتظرتني ارجع من الامتحان ومااعرف شمنتظرني
غيث: اني جاي اشوفچ
سمر:لا الله يخليك معايزة منو يكول ممراقبتني امي لا غيث، لا لتجي
غيث: اووووف شيخلصهه وي امچ...
سمر:اي غيث لتتصل هذا رقم رانيا اني ح ارجع للبيت شوف شلون ادبرهه واحجي وياك
غيث : اليوم ادز اهلي اخطبچ واريد اشوف احد يطلع ويعارض
سمر: الله يسهل يلا غيث مع السلامة...
هلي بيه درو كمت اني احبك
ودرو بس انته تلفتلي انتباهي
هلي يدرون من تزاعل وياي
اضل اصرخ رحمتك يا الاهي
هلي نشدوني عنك وگلت بالروح
ونشدوني عله روحي وگلت ماهي
لجل حالك انه بهذلت حالي
وحالي يكول يله المهم حالك
ودلالك زاد زيدلي اذيتي
واذيتي چماله هم تحب دلالك
يشابع نوم والله قرايه قاريك
مدري شمالني وادري اشمالك
گالولك گبل عندي علاقات
غيرك عاشك انه هواي اسامي
عشگت غيرك نعم بس تدري اشلون
اعشگتهم مو صدگ وانه بأحلامي
واني عندي قصد حبيت غيرك
حتى امتلك خبره في غرامي
صار سنين احضر واقره لهواك
وصار اسنين احضر في كلامي
لأن ميصير احبك مثل غيرك
وانه الضامك لاخر ايامي
انه الحبيتهم جانو بروفات
حتى انته تضل مسك ال ختامي
يتبع....