29-07-19, 03:28 AM
|
#973 |
| 
 الحب ولع في الدرة 😂😂😂
عنوان مناسب جدا للفصلين.. 😍😍😍
طبعا قبل كل شيء لازم نشكرك على المبادرة الرائعة دي فصلين مرة وحدة اسعدتينا بكرمك فلكِ كل الشكر🤗🤗🤗
نبدأ اولا مع الاستاذ هادي الشريف الي قد ماحاول يكون هادئ ويسيطر على اتجاه أفكاره لكن معرفش لانه ببساطه بيحب هدية وللحب سلطان يخليك تنطق حاجات عمرك ماكنت تفكر تقولها.. عموما حبيت جراءته بطلبه لايد هدية وطريقة كلامه مع والدها.
اما هدية خلاص اعترفت لنفسها بالتلاتة انها بتحب هادي ولو كان حلمها ثمن للحب ده فهي مستعدة للتضحية بيه بطيب خاطر... الخوف عندي من اتجاه أفكارها وحكامها على سبب طلب هادي لها وبالتالي تصرفها حيكون ازاي معاه.
النجم هشام الصراحة انا من بداية الرواية متخوفة من هشام لانه شخصية متناقضة عنده طموح عالي ومستعد يقدم تنازلات في سبيل يوصل وزي ما حصل و سبب زعل زينه منه.. انا متفهمة نوعا ما خوفه على فرصته من الضياع لان زي ماشفنا هديه صحيح تمتلك الموهبة لكن عادي ضحت بيها لأجل الحب لكن هشام غيرها مش ممكن يتنازل عن الي وصله في سبيل اي شئ. خوفه على أخته مبرر لكن لسه مش عارفة اطمنله😒😒😒 وطبعاً النجم بيفكر يتجوز اول ما يعمل شوية فلوس لكن برضه مش مطمناله🙄
زينه ست العاقلين ماشاء الله حبيتها وحبيت اسلوبها في التفكير انسانه واقعية وبسيطة اتمنى ميتغيرش هشام عليها ويجرحها.
اشرف ماشاء الله الراجل اول مابدأت أفكاره تجمح راحت للعض والبوس لالالا يا رونتي ده تجيبه وتحطينه جنب اخوه مدحت في ركن الخيالات الجامحة😂😂😂
يا ترى حيعمل اي بالاجازة🤔🤔🤔
الله يسامحك يا عسلية حطيتي الفكرة في رأس البونية وهي مش ناقصة وجع دماغ.. عاليا والكشر يا ساتر ازاي تفكري كده يا عاليا أعوذ بالله 🙄🙄🙄 يابت باينك طبيتي ولا حد سمي عليكي😂
حودة... هو في راجل زي حودة وجمال حودة ورجولة حودة وقلب حودة لا انا قربت اقول شعر فيه😍😍😍 نيالك يا عسلية ياريتك تتعدلي كدة وتبوسي ايدك وش وظهر كدة وتعرفي انك اخذتي زينة شباب وسيد رجالة السوق كله❤️❤️❤️
حازم معرفش يكمل صبر ٧ ايام 😂😂😂 وعايز يخطب في نفس اليوم الواد متسربع ماصدق كريمة توافق😍 الحب بقا❤️❤️❤️
وكريمة رغم أنها وحيدة لكن بتحسن التصرف وبتعرف ازاي تحافظ كويس على نفسها من كلام الناس ومن أي حاجة تمسها.. حبيت انها اعتمدت على عقلها اكتر من قلبها بالموافقة واكتفيت مؤقتا انها ترتاح لحازم ومنجذبة له ومحتاجة اهل وعيلة اكثر من حب وعشق ومشاعر ملتهبة👍👍👍
مالك وسلمى.. الاتنين منتهى الروعة.
سلمى قدرت تنجو بنفسها من تسلط امها ورعونة وعنف اخوها قدرت تطلع بشخصية سوية رغم وجود جروح غائرة في نفسيتها وهذا شي اكيد الا انها عرفت تطلع من مأساة اهلها وقدرت تختار رجل قوي وبنفس الوقت ماسلمتش ولغت شخصيتها لا سلمى انسانة قوية مش زي مجدي الي بيداري ضعف شخصيته بعنفه مع اقرب الناس له..
مالك راجل وعارف كويس ازاي ياخذ حقه ويدافع عن نفسه وعن الناس الي يحبهم... حبيت تصرفه مع ام مجدي وحبيت احتوائه لسلمى.
حبيت لمة السوق في القهوة عشان يتفرجو عالنجم بيغني وحبيت فرحتهم بنجاحه.. مشاعرهم رغم بساطتها الا انها عميقة ومؤثرة❤️❤️❤️
نجي بقا للبنات ولمتهم حلوة جدا وازاي ممكن كلهم يستفادو من نصايح بعض
واتمنيت لو سلطان سمع نعمة وهي بتشجي وتمدح هادي الي بينور في الظلمة.. فكرك كان عمل فيها ايه🤔🤔🤔
لكن بعد ما شفت سلطان وهو بيكسر بنفس نعمتي اقوله عملك اسود يامعلم هي دي جزاء نعنع ترفض طلبها وتكسر نفسها 😢😢 والظاهر ده قرنا جابها ورا فضلنا نقول نعمة بقت أستاذة وبتدي دروس لحد ماخربناها عليها😂 لكن المهم سلطان لحق نفسه في آخر لحظة... 😤
اخيراااااا وصلت للدكتور مدحت حبيب قلبي الي الأمور خرجت من اي ووو خالص 😁😁 وفي لحظة لقى نفسه حاضن وشوية ومعرفش يمكن يعمل ايه 😂😂 الراجل عاوز احتواء 😂 اجري بالمأذون يارونتي البنت مش ناقصة فضايح😂
اما تهاني حبيبتي من كتر الي شافته بقت مستكترة على نفسها الحب والفرحة لكن عوض الله جميل و اهو الدكتور الوسيم المؤدب ابو ضحكة جنان ونظرات جريئة وذقن كل كم يوم تتحلق خطبها وعاوزها تبقى امرأة حياته وأم اولاده..
تسلم ايدك يا صاحبة الدم والروح الخفيفة❤️🌹😘😍
|
|  |