[فيتامين سي]

البارت (٣)

"""توجهنا للجنوب المحافظة الي بيها اهل بابا ما اكدر اذكر اسمها وبعد كم ساعه وصلنه ضلينه نسولف اني وماما
واني كل الي بالي انو زياره عاديه
حالها حال اَي زياره رحت بيها لأهل بابا

وصلنه هالمرة محد دك وكال نوكفلج بعد مكان عن المنطقة ولا ابد
بس شنو المنطقة من طبيت الها عبالك بيها شي
وصلت لبيت اهل بابا لكيت اكو عالم يمهم روس بلا جنوس
وكلهم مسلحين كالت ماما هاي شكو يا ستار شصاير كتلها
ما ادري خلي مدخل ونشوف .

بوكتها مثل كل مره اروح بيها الهم بنطرون وبدي
وشال ماكو وجنت حاطه النضاره علمود الشمس
نزلت من السياره بعد ما صفيتها كلها تباوع
عليه ولد عمي مخنزرين عليه ما اهتميت

نزلت اني وماما وطبينه جوة لكينه النسوان تارسه البيت وطباخين يطبخون كميه جبيره مال اكل مثل العزايم
سلمت ودخلت اني وماما
طبيت جوة على بيبي
وصاحتلي هله بلعابتي
هله تعالي وصلت يمها
بوستها وسلمت عليها
ماما سلمت
عليها. من ورة خشمها هلا
كعدنه النسوان كلهن صافنة بوجهي وتباوع عليه
كتلها خير بيبي كالو مريضة ومو زينه
كالت ها اَي بس اليوم احسن كتلها انشالله دومج زينه

لعد شنو هذا التجمع الي بره صاير شنو اكو مناسبة
منهن ضحكن ومنهن صفنن بوجهي
كالت اَي اَي عزيمه مال شيوخ
كتلها ولعد شكو كلهم مسلحين
حتى ولد عمامي كالت ها
انتي شمفهمج بعاداتنه احنه هيج
هذا طبعنه من صير عدنه عزيمة
سكتت كلت يجوز صدك بس
اني كم عزيمة شفت الهم ولد
عمامي ميسلحون
بعدين كلت بكلبي
اوي هسه اني شعليه
شدخلني بيهم ضلينه كاعدين
والنسوان يسألن بيه ويحجن وياي
وَشنو الكليه داومين بيها
كتلهن مصصمة ديكورات وكذا
كالن وهاي شنو مفهمنه
كتلهن بكلبي لو اشرح من السبت للسبت
هم ما تفهمن عاد فهمتهن اختصاصي شنو
بعدها صبو اكل ومدو السماط او مفرش الاكل
ومدوها وليمة شكبرها اني هذا الاكل كلة ما اكلة
كمت رحت لسيارتي قريبه عالبيت صفيتها
طلعت نساتل وكمت اكل هذا اكلي
ما احب أكلاتهم الدسمه
حتى اللحم شي قليل أكله بس من اشتهي
بحيث انواب يصير بيه فقر دم ومضاعفات
بسبب هذا الشي بس أراجع دكتور تغذيه
وينطيني أدويه تصعد نسبه دمي
والنسوان يكولن اوي هاي شنو هذا اكلج
يالبغداديه وين يلزم كلبج هيج اكل
بعدين اكلي حتى تسمنين وتصيرين مثلنه
لا هيج جنج عارضه أزياء
خليج متينه احسن كلت بكلبي
وع عود عبالهن اجسامهن حلوة
وحدتهن برميل مال نفط
اني وزني ٥٥كيلو ومن أصير ٥٦
رأسا اروح للجيم العب رياضة
علمود ما اسمن وذني مكيفات
باجسامهن مال الطنطل
بعدها كتلهن اني اترخص
اريد اروح ارتاح تعبانه
من الطريق ونعسانة كمت وصارن بوجهي بنات عمامي وعماتي المزوجات
وسلام ومباوس وكذا خبلني ساعه ما هدني
بس كلها تباوع عليه مدري شلون
مهتميت همة عدهم عبالك جايه من الفضاء
لان هيج البس
لان همة بابه عرب كلش بحيث اغلب بناتهم متستخدم
التلفون اما بالنسبه للبنيه الي ما مزوجة حتى مال أمها
التليفون ما تلزمة عاد مو تشيل تليفون
وممنوع عليهن اَي برنامج من برامج مواقع التواصل الاجتماعي
رحت للغرفه الي هيه كل ما اجي انام بيها
اني وماما قفلت الباب وبدلت ملابسي لبست تراكسود
لان اني ابد ما اعرف البس دشداشة نهائي
بس من اجي لبيت اهل بابا البس عريضات
حتى ليحجون ما البس ضيق
وفتحت القفل مال الباب خاف ماما تجي تبدل
او ترتاح ورجعت مددت لان تعبانه ما حسيت
غير المغرب ماما كعدتني وتكول يله حبيبتي
عيب كلها تسال عليج وعمامج وجدج يريدون
يشوفنج كافي نوم

كمت طلعت غسلت وجهي ولميت شعري ورحت سلمت
عليهم وكذلك صافنين بوجهي كلت بكلبي مو قصه
ملابسي لان اني كدامهم اطلع كل مره هيج عادي
كعدت يم جدو بطلب من عنده وسألني شلونج ما لونج
كتله الحمدلله وعمامي هم يحجون وياي اجاوب على كد السؤال
بعدها اجة تلفون لواحد من عمامي وحجة بالألغاز ويه جدو
انعقج وجها لجدو ورد كال لعمي كلة مو كلنه باجر وبعدني عد وعدي
مفهمت شي وما اريد افهم لان أمور متخصني


تفاعل فدوة 🌹😘🌹😘🌹😘🌹