#فصليه لظالم (وحش)
بقلمي (سقين الشمري )
الخامس
استغفرت الله ونزلت رحت امشي وَيَا دخلنه للاستقبال لكيت النسوان كاعده بعدها ومن دخلنه اجو عمامي هم
حجة جدو كال بنيتي انتي جبيره وواعيه ومتفهمة واكيد لو اخد طلب مساعدتج كلت بكلبي خير يا ستار شكو وره هذا الحجي لازم اكو مصيبه
كمل وكال مراح تردينه
كتله اَي طبعا بس خير شعجب هيج دتحجي سكت بعدين كاله يابه بروح ابوج طالبج بسالفه لا ترديني كلتله هسه غير تكول شكو وتحجي خير يا ستار
كال انتي اهدي واني اسولفلج كلت بكلبي السالفه ابد مو هينه كلش
كعدت كال يابه دتلاحضين ابن عمج الجبير ما موجود كتله ياهو منهم اني ما اعرفهم كال زيدان كتله ها اَي صح ما موجود بس خير ليش ما موجود وبعدين ليش دتكلي يعني
كال جايج هسه بالموضوع يابه شكد اكره بشر يفت كلبي بالحجي
كال زيدان ابن عمج متعارك صارله اسبوع وشوي ويه واحد ابن عشيره واعداء ويانه والي من عدهم كتلو ابوج وهاي العشيرة احنه من ذاك اليوم لحد هذا اليوم متخاربين وياها لان عدنه ثارات هواي
وهسه ابن عمج جدد الثأر وصرنه احنه العايلين هالمرة بعد ما كل عشيره راحت بطريقها
كتله واني شكو بهاي السالفه كلها ودتحجيلي كال مو زيدان من متعارك مستفزة ذاك الولد وكايم يحجي حجي مو زين
وابن عمج زيدان ضارب الولد ومتلاوين اخر شي الولد كايله هيه هاي رجولتك ابن الشيوخ وزيدان متخبل وساحب مسدس وضارب الولد ومكان الضربه حساس من كال هيج احس حيلي باد وانتهى
كال والولد رأسا وبساع بمكانه حتى روح ما ضاله بي كتله ليش وين مكان الضربه كال جايه ببصف ركبته
تخبلت احس كمت ارجع كال وابن عمج ما قبل ينهزم لرمى الشرطة وهسه نايم بالسجن واحنه كعدنه كعده عشاير وصار فصل
واهل الولد متخبلين لان الولد الي مات عنده اخو اكبر منه همة ٢فوك ٨بنات ::::::::ادري بزون لو شنو 😅::::::::: كال وجانويطالبون بدم زيدان
وبعد كعده ثانيه وتدخلات شيوخ العشاير البقيه قررو الفصل يكون
مرة و١٥٠مليون لان ابن الشيخ وبس هو وأخو
كتله اَي بالله كال والمره ماكو غير بس انتي اني من كال هيج مدري شصار بيه .كتله بعد ما صحيت من الصدمة ومن الهدوء الي عم المكان شنووووووو
كال اَي والله جدو مثل ما داكلج كتله وباي حق وشنو بس اني بقيت وشجابكم عليه
وخلصت البنات بقيت بس اني كال دقيقه افهمج بنات العشيرة محد قبل ينطي
وبنات عمج كلهن مزوجات ماكو بس من بنات عماتج واكيد ابهاتهن ميقبلون واصلا ميصير لازم من ولدي مو من بناتي وبقت بنات عمج الي ما مزوجات هنه زغار كلش عشر سنين ماكو عمرهن وذيج بت عمج مطلقه
مقبلو بيها رادو بنيه علمود دم عذريتها بدال دم المرحوم ابنهم وبت عمج مطلقه وانتي بنيه بعدج
تخبلت ما بقه عقل براسي كمت أصيح واعيط تخبلت رد عمي ابو زيدان
كال تره هواي نطيناج مجال
احنه الفصليه هنا من ننطيها تكعد وتسكت زين من عدنا كاعدين نكلج
ونفهمج تخبلت بالزايد كمت اعيط وأصيح كتلهم مسوين فضل عود بعد نص ساعه صياح وعياط ومخليت شي مسويته
كلت لماما امشي خلي نطلع داشوف بكيف منو اروح فصليه وبيا حق وبيا قانون يسوون هذا الشي
بده المصايح والمعايط ماما تخبلت وفقدت كالتله يعني ابوها راح بسبب هاي سوالفكم وعاداتكم المتخلفة تريدون هسه البنيه هم تروح مني
عاط بيها جدو كللها احترمي نفسج ولتتاجوزين ولتعلين صوتج عليه وتكول متخلفين يالمثقفه
ردت عليه وهيه فاقده كالتله طول عمري جنت محترمة نفسي واسكت وابلع ويتجاوزون عليه ولدك وبناتك ومرتك وحتى انته واسكت
بس لهنا وكافي اباوع على ماما صارت مثل اللبؤة المجروحة وتريد تحافظ على أطفالها وهيه هيج تريد تحافظ عليه
بعد صياح وعياط كالت امشي ماما زمرد امشي خلي نطلع منا مو صوجهم صوجي اني الي اخليج تجين لهنا بس بعد هايهية
طلعنه وعلى صوت صياحهم علينه مهتميت شفت العشيرة الثانيه على حس العياط طلعو مهتميت خليت وركبت بالسياره
بس شلون راح اطلع وسياراتهم صافه كدام سيارتي دكيت هورن حتى يوخرونها بس لا حياه لمن تنادي خمس دقايق ومحد وخر السياره
نزلت الجامه وكتلهم اذا متوخرون تره ادعمهن سمعت واحد من الشيوخ كال لجدو شيخ هيه هاي الفصليه رد جدو كاله اَي
تخبلت شلون يكولون عليه فصليه ومنو انطاهم الحق شغلت السياره ودست بانزين ودعمت سيارتهم همة تخبلو حتى اهل بابا لان يعتبرون هذا الشي وكاحة وصلافه
يتبع .....
|