[فيتامين سي]

السلام عليكم

#فصليه لظالم (وحش)

البارت 8

"""تقرب اكثر واني ازحف وارجع ليوره
كعد كدامي كال وهسه صرتي مرتي
وهسه صرتي فصيلتي وبين العشاير انعرفتي
فصليه وهسه صرتي على ذمتي ولو اموتج بعد
احد يدخل لو هيه اطلع جنازتج هم يحجي ويضحك باستهزاء
واني ابجي اول مره اشوف احد بهيج قساوه
هذا ابد ما عنده رحمة مبين من عيونه كال اَي يالعرمة
هسه شو ما الج حس بعد وينه قانونج الي خبصتينه بي
وينهم اهلج ها شو اجوي هسه كفلو العقد وراحو
وهمة يدرون شنو راح يصير بيج بس ما اهتمو عادي
وهسه بعد كل هاي الهوسه جا وكت الحساب خوش يالمثقفه
سمعت بيج مو منا كالو من المدينه ولو مبين من لبسج ماكو داعي اسال باوعتله .بنضره كره
ابتسم باستهزاء ولف العكال على ايده باوعت عليها كتله
شراااح تسوي كال هسه تعرفين وضحك وبلش يضرب بيه واني ويه كل ضربه احس روحي تطلع جان كلش قاسي من يضرب بيه عبالك ديضرب بحايط واني اعيط واكله عوفني حار شلون ضربني بالعكال بوكسيات على وجهي عبالك ديضرب ولد بوكس مو بنيه يلزم ايدي يلويها ما يهدها الا يسمع عضام ايدي تطكطك جرني من شعري وسحلني بالغرفة صارت كدامه مزهريه حاطين بيها ورد ضربني بيها اجا الريموت كباله ضربني بي وكع براسي بطحني بالكاع ونام فوكاي وخنكني رد انوب صم حلكي وخشمي علمود ما أتنفس لحد اخر لحضة حسيت روحي طلعت يله حلني
رد شال راسي وركعه بالكاع رد الكوشات مال التخم الديواني مالتهم محطوطه الله شاهد على كلامي الوحدة بيهن وزنها ٥كيلو من الثكل لان
كلهن محشايات خشب من الداخل
شالها وضربني بيها باوعت بس الدم يجري من راسي وراسي انفتح
بيومها شفت ضرب حتى داعش يمكن من يكمش واحد من جماعه الإسلام واهل البيت ميعذبه هيج عذاب اني بيه حاله من اشوف الدم اخرب بساع
لذلك طلعت معدل ٩٦ بس ما رحت طبيه حتى صيدلة ما رحت اخاف من الدم حسيت الدنيا صارت صلمه ما أغمى عليه بس احس اريد انام وما بيه افتح عيوني ابد وما بيه انهض واشيل راسي من الكاع حسيته صافن عليه بس ما سوه شي ولا صاح احد يساعدني ولا هو ساعدني
حسيت بي تحرك راح فتح الباب ورجع عليه
سحلني من شعري تمنيت بوكتها أزين راسي صفر موسى
من الوجع ال بي
وضل يمشي بيه يابه ابشع يوم شفته بحياتي هذا اليوم
حسيت بي وكف بمكان وكام يحجي اريد افتهم شنو يكول ويحجي ماكو
ابد بس بين الصاحيه والغافيه
سمعت مره تكوله عفيه بوليدي السبع أريدك دوم هيجي دفرني
وسمعته يكول كومي بوسي إيدين وراس حبوبتي ما رديت ولا نهضت
رفع راسي من شعري كال مو احجي وياج ما رديت ولا فتحت عيوني
همة عبالهم أغمى عليه
سمعت وحدة تكوله فدوه وليدي هاي مغمى عليها خلي اشوفها كللها بالطمره
عساها بالموت ......
بعدها ما حسيت بشي بعد من كد الدم الي وكع من راسي
ام علي الخدامه : فدوة وليدي خلي اشوفها متشوف حالتها
.........:ام علي كتلج معليج عوفيها خلي تموت احسن
الجده :لا وليدي شلون تموتها من البدايه ما استفادينه شي
وبعدك ما اخذتها ولا اخذت بثأر اخوك
الام : بعد وليدي مو من البدايه خليني اشفي غليلي منها مو بسهوله تموت الا اخليها يوميه تتمنى الموت
........:ام علي تعاي ام علي تعاي شيليها منا وداويها وخليها بالمخزن
ام علي : وليدي تعال شيلها وياي خطيه واكعه واني ما اكدر اشيلها وحدي
..........: استغفرت الله ورحت شلتها وديتها للمخزن وكطيتها بالكاع وخليت وطلعت بعدج ما شفتي شي والله الا اطلع روحج واخليج تتمنين الموت
عبالج موت اخوي هين هذا حزام ضهري
زمرد :كعدت المكان الي اني بي بس اضلم اريد أكوم ما بيه راسي يوجعني يريد ينفجر .زين شلون المكان اضلم حتى ما اشوف شي شلون يربي ضليت كاعده بمكاني بس داموت من الوجع
اوف يربي هاي وين جانت مضمومتلي ماما شلونها شدسوي كمت ابجي واحجي ويه نفسي ريتك بابا عايش وتشوف شلون نذليت اليوم
ابوك وإخوانك واهلك كلهم باعوني بابا لو انته موجود يصير بيه هيج
ضليت ابجي بمكاني هم من الوجع وهم من الي صار وشلون انذليت اليوم
وهم اشتاقيت لماما وشدسوي وهسه شلون صارت درو بيت جدو اهل بغداد اوف يربي هاي وين جانت دخيلك الهي
وره يمكن اكثر من ساعتين تخبلت من الوجع الي صار بيه كمت أتلمس الكاع بيدي شنو هاي شو غراض هنا وين اني
تلمست الكاع وصلت لمكان اكو ضوة من جوة عرفت هاي الباب رحت ازحف لحد موصلت يمها كمت ادك بيها وأصيح
افتحولي الباب ضلام وحوش وضليت اعيط
وره شوي اجتي مره فتحتلي ألباب باوعت عليها كالت كومي بنيتي كومي تعاي وياي
كتلها وين اجي كالت تعاي يريدونج كتلها فدوة اريد احد يداويلي راسي حموت من الوجع
اجا هذا الحقير اثناء ما داحجي وية المرة
من شفته ختلت وره ضهر المره عبالي أمه لو وحدة من أهله
كتلها فدوة خاله لتعوفيني ويه هذا المجرم (الوحش)



يتبع .......

رأيكم بتعذيبها الاول 😞😞😞