بسم الله الرحمن الرحيم
،
"ربِّ ادخلني مدخل صدق وأخرجني مخرج صدق
وإجعل لي من لَدُنك سُلطانًا نصيرا"
،
السلام عليكم ورحمة الله وبركاته
للي يسألون عن موعد البارتز الى الآن مافيه وقت
مُحدد لكن بحاول انزل بأقرب وقت
"البـارت الثالث "
رواية غرامك يالخفوق ذبحني هآت حضنك يحتويني/بقلمي .
،
لَمْ أُخَطِّطْ أَبداً .. كي أدخلَ العِشْقَ ،
فتاريخي النِسائيُّ ..
قَضَاءٌ وَقَدَرْ .
كم تَفَاجأتُ بحُبِّ امرأةٍ
جَعَلَتْني وردةً ..
بعدما كنتُ حَجَرْ .
*نزار قبّاني.
،
ثم مشت بخطوات سريع على الممر المظلم ..
وطلعت برا القاعه ..
وصدمت بشخص ماكانت تتوقع
انها تصدم فييه ولا جاء ببالها انها
راح تصادفه ...!
رمشتْ بعينها لثَانيه ..
وقالتْ مُتأسفه : آسمه ماشفتكْ والله .!
سِهام ناظرتْ فيها من فُوق لتحتْ: لا عَادي
حَبيبتي حصلْ خير ..
شُموخ القت نظره تتفحص وجهها
واضحه أثار البكاء..
شُموخ مدتْ يدها تسلم : السلام عليكم معاكِ شُموخ..
سِهام تتصنع إبتسامتها : اهلاً وعليكم السلام
حيّ الله شُموخ ، اكيد تعرفيني معاكِ سِهام..
شُموخ : الله يبارك فيك ، وتشرفتْ بمعرفتك سِهام..
طمنيني عنك عساك بخير ؟
سِهام : الحمد لله بخير ، انتِ كيفك ؟اخبارك؟
سمعتْ انك بتكملين دكتوراه ..
شُموخ عوّرها قلبها ، لما سمعتْ اخر كلامها
وكأنها جرحته .. اخفتْ مشاعرها ..
وقالتْ : ايه ان شاء الله بكملها ..دعواتكْ
سِهام " هه يا حليلك بتكملينها ولا ابوك بيستقعد
لك ، مو هينه يا شُموخ " : الله يوفقك حببتي
والزواج متى نَاويه تتزوجين ان شاء الله ؟
شُموخ تنرفزتْ من هالسؤال، اللي غثها
طول اليوم .. ما خلصت من سيرته
قالتْ : ايه خطبوني كثير .. بس انا رفضت
تعرفين دراسه وانا ماني مستعده لمسؤولية الزواج
بصراحه ، وانتِ تعرفين متعب من ناحية الدراسه
فماني مستعجله ولاحقه على الشقى ..
سِهام بنفسها " والله انك كذوب ، متقدم لك ولد مبارك
وتنكرين انك ماراح تتزوجين ! وجيتك للحفله
والترزز قدام عاملة الخطابة ام مطلقْ ،التابعة لعُمر
هذا وش تسمينه بالله ، آااه ودي اذبحك كريهه "
ثم قالتْ : اي والله صدقتِ الدرسه اهم ، والزواج
لاحقه عليه وعلى الشقى مثل قولتك...
شُموخ ماحبت تسألها عن الزواج ...
لأن سِهام تمر بمرحلة الإنفصال العاطفي
لِسه مشاعرها مجروحه من عُمر ..
فقالتْ : وانتِ ما كمّلتي دراستك ؟!
سِهام : لا وقفت ، باقي كم ترم وبكمّلهم ان شاء الله
شموخ : الله يوفقك يارب ..
سِهام تناظر ساعتها ثم مدتْ يدها لشُموخ: يلا عن انذك
وفرصه سعيده اني صادفك.. وتشرفتْ بمعرفتك..
شموخ : اذنك معك وانا اسعد حبيبتي..
طلعتْ سِهام برا .. ماجلستْ
اما عن شُموخ واحت لقسمْ المشروبات الباردة
و اخذت لها مشروب وجلست بأحد جلسات
الحديقة حطت رجل على رجل...
وفتحت جوالها تتأمل صورها ..
كل صوره تقول الزين عندي
ابتسمت برضىٰ على نفسها ...
لمحت بنتْ عمها غِيْد ،ما طوّلت داخل ..
مجرد مادخل العريس وشافنه وجلس طلعت ...
غِيْد بحماس : يووه فانك نص عمرك يجنن تبارك الله
احلى من الشايب عُمر حقك ..
شموخ بتحذير : غِيْد حبيبتي عن الغلط
هذي ثاني مره اقولك ...!
غِيْد اخذت كوب الماء تشرب وعيونها بشُموخ
قالتْ: والله اني صادقه ، شايب كبير قرّب
يصك الأربعين وانتِ ناشبه فيه...وشوفي على كثر
الحريم اللي اخذهم ولا وحدة جاب منها ولد ...
لو اني بمكانك ماراح اخذه ان شاء الله كان حبه ..
مُستحيل باخذه ...وبعدين عمّي ماراح يرضى
بواحد مثله ..!
شموخ بضيق قامت: عن اذنك انا انتظرك بالسياره ..
خلصي اللي بيدك وتعالي..
غِيْد شهقتْ : خيير على طول تزعلين ...!!
ترى كنتْ امزح معك اقول اجلسي
واقضبي ارضك..
شموخ تاخذ نفس : غِيْد اقولك قوومي ...
راح يطوّلون للصبح وانا لازم انام بدري عيوني بدتْ توجعني
، قومي لا نتأخر..انتظرك هناك لك خمس
دقايق ان ماتحرّكتِ بسحبْ عليك ..
تركتها شموخ ...ومشتْ
غِيْد بتأفف : اوووف منك يا شموخ الله يعين اللي
بياخذك عزّ بتطلّعين عيونه ..وقرونه بعد
قامت غِيْد واخذت شنطتها
و لحقت شموخ...
،
بعد إنتهاء حفل زفاف
" سمو الأميرة هَنوف "
في الجُزء الآخر من القصرْ
تحديدًا بمكتبه الخَاص
كان مستلقي على كرسي الإسترخاء ..
وبيده كوب قهوة اسبريسو
اخذ رشفه منه ، ثم حط الكوب بمكانه..
وقام متجهه للشبّاك الزُجاجي الطويل..
مُطل على واجهة القصرْ ..
وبَاله مشغولْ مع البنتْ اللي شافها بالحفلة
تعلق بعيونها ..حس بمشاعر غَريبه
إتجَاهها .. لكنْ سرعان ما تجاهله هالمشاعر المجهولة!
ودّه يعرفها وفي بَاله وحدة مخطط عليها ..
يتمنى ان خطابته الخَاصة " أم مطلق "
اختارتها هي بالذاتْ .. لأجل يرتاح بَاله اكثر
وهو على اعصابه ..
طبعًا عُمر شخص مزواج .. تزوج حريم كَثار
اخرهم طليقته سِهام .. انفصل عنها من شُهور..
والحَينْ في باله وحدة ..والثانيه أم عيون
اللي شافها ..!
قطع حبلْ افكاره .. صوت طق الباب
دخلتْ سكرتيرته الخاصة بمكتبه الموجود في القصر
كانتْ بكامل حجابها وسترها..
لقتْ السلام: السلام عليكم
طال عمرك الخطابة" ام مطلق " حضرت...
تسمح لها بالدخول ؟
عُمر مشى بهدوء لمكتبه وعيونه على الباب ، جلس
ثم قَال : وعليكم السلام خليها تتفضلْ ..
دخلت ام مطلق بعد ما القتْ السلام ...
وجلست وبيدها الجهاز سلمته لعُمر
قالتْ : طال عمرك هذي السيرة الذاتيه والمعلومات
عن وحدة اسمها شموخ بنت ناصر الـ
وهي عزباء ان شاء الله تناسبك ؟
عُمر ابتسم بهدوء ظَاهري ..
ثم اخذ الجهاز من يدها وبدأ يقرأ بصمت ..
اول مره يشوف سيرة ذاتيه وصلته هالطول ...!
وماهي غَريبه عليه ..كون أنه يعرفها تمامَ المعرفة !!
عُمر يبي يتأكد من عيون ، اللي شَافها بوقتْ الزفة
ذبحه الفُضول اكثر عنها ..
قال : عَطيني الصور ..
ام مطلق اعطته الكاميرا
وقالتْ : سم طال عمرك هذي الصور..
عمر اخذ الكاميرا من يدها
وقال : عطيني اشوف ...
توسعت عيونه بدهشه سرعان ما أخفاها عن
عيون أم مطلق...
قَال بنفسه " والله نفس العيون اللي شفتها
لكنْ ما عرفتها هنا ، البنت تغيرت مرّه ! "
جلس للحظة يتأمل تفاصيلها..
ورفع حاجبه مستغرب: متأكده ان هذي شموخ !
ولا مودل ثانيه؟
ام مطلق : الا شموخ ومعروفه ..
توها جايه من ابريطانيا ماخذه الماجستير ...
وبتكمل دكتوراه بعد ..
عُمر بخبثْ قَال : يا حليلك جَايتني برجولك هههههه
وفرتي علي صَراحه يا أم مطلقْ ..
أم مطلق مافهمت قصده ، كملت
بحماس قالت : ايه حتى طويلة العمر استقبلتها
وضيفتها بشكلْ خَاص ..واهتمتْ فيها
اكثر من ضيوفها بعد ..
عمر هنا انقهر وعض شفته السفلّيه
وقال : لا والله بشكلْ خاص بعد ...!
أم مطلق : ايه هذا اللي شفته ، يمكن انها ناويه تخطبها
لك ان شاء الله ...
عُمر تَجاهل الرد عليها ..
ام مطلق ذبحها الفضول تنتظر جوابه،
ومتأكده ان شموخ دخلتْ راسه من اول نظره ..
عشان تاخذ فلوس زياده على مهمتها
وقالت بثقه وهي تترقبْ ردة فعله: هاه عساها عجبتك
يا طويل العمر..
عُمر بهدوء فتح درجة الخَاص بالشيكات..
واعطى أم مطلق شيك بقيمة نصفْ مليون ..!
وقال لها بتحذير : خذي حقك وابيك تختفين
من الوُجود فاهمه يا ام مطلقْ !
ام مطلق اخذت الشيك بسرعه ...من يده
وقالتْ : هاااه ان شاء الله طَال عمرك ..
وجلستْ تقراه وتوسعت عيونها .!
مو قادره تنطق حرف واحد من الصدمه،
يوم شَافتْ المبلغ كبير واول مره تستلم هالكثر ..
بلعتْ ريقها : ااان شاء الله طال عمرك ..الله يجزاك خير
وعسى الله يوفقكم يارب ..
عُمر اشر لها تطلعْ .. صدع راسه من دعاويها..
طلعت أم مطلق كانت مبسوطه ..
ومشتْ مع احد رجال .. يرافقها لأجل تختفي
عن انظار امه الأميرة نَجدْ ..
طبعا في واقعنا يوجد خطابات خاصين
للهوامير واصحابْ االنفوذ والسُلطة
راعين حريم ،كثيرين المزواج ..
فتحضر الخطابه تبعهم الحفلات والمؤتمرات
لإختيار الزوجة على حسبْ مواصفاته ..
ان جمعتْ بينهم بالحلالْ ..اخذت حقها
واكثر ..
قَال : اكيد انك ناويه عَليها يا يمه ههههههههه
والله عَارف انك بتخطبينها لخَالي بندر ماهو
لي ، عَشاني راعي حريم ومشهور عنّي الطلاق ..
آاااخ بس لو تَدرين منْ تكون والله لا تتفلين بوجهها حَتى
الوعد بكرا يصير خير يا يمه ..!
عُمر ابتسم بمكر وخبثْ.. وفي بَاله شيء
أعظم لازم يسويه .. !
،
دخلت القصرْ ..
قابلت مشرفة الخدم ام ضَاري.. اعطتها العباية
"ام ضاري" وحدة كبيرة..
عمرها بالأربعينْ تشتغل عندهم هي وزوجَها
وولدها ضاري توفى وهو صغير وماعندها عَيال..
ام ضَاري تعبتر رئيسة الخدم ..
شُموخ سألتها : ماما وينها ؟
المشرفة ام ضَاري : الوالدة بجناحها فوقْ..
شُموخ : وبابا موجود ؟
المشرفة ام ضَاري: نعم موجود ونايم ..
تنفست براحه شموخ : الحمد لله
مشت للمصعد وفتح الباب...
وصادفت امها : اهلين ماما ..
ام شموخ "نورة" حاطه يدها على خصرها ..
وقالت: ليش تروحين من دون اذني ؟؟
ولا تحسبين نفسك بلندن داخله
و طالعه على كيفك..
شموخ بهدوء : ماما والله مو قصدي اروح بدون اذنك
بس انا بلّغتك بورقه ومشيت لأن ...
وقتها متضايقه من موضوع الزواج
ام شموخ زفرت : ادري يا حبيبتي انك متضايقه
بس هالمره بسامحك المره الثانيه لأ
وموضوع الزواج خالصين منه ..
شموخ ماسكه أعصابها من هالسَالفة ...
وقالت : ماما حبيبتي ممكن بكرا نتفاهم على
هالموضوع لأني مصدعه وبنام....
ام شموخ باستغراب : اوكي يصير خير بشوف وش
نهايتها معك يا شموخ...
شموخ طلعت والتفتت على امها ..
وقالت : ايه صح نسيت ،يا ماما
تسلم عليك الأميرة نجد ..
ام شموخ : الله يسلمها وش عرّفك فيها !
شموخ وقفت لفت جسمها كله ..
وقالت : حفيدتها هنوف تصير من صديقات
غِيْد وجاتني دعوة منهم ،وقلت خليني اروح
فاضيه ماعندي شي ..
ام شموخ : اها .. يلا نامي ولا تسهرينْ
شموخ تأشر على عيونها : من عيوني يالغالية
تصبحين على خير...
ام شموخ : وانتِ من اهله حبيبتي ..
دخلتٌ غرفتها ..
فصخت كعبها .. ولبست سليبر إيرمز
قالت بتنهيده : آاه يازين الراحه بس..
راحتْ لغرفة الملابس..
نزلتْ فستانها .. واخذت لها بجامه ..
ثم دخلتْ الحمام "انتم بكرامه" اخذتْ دش عالسريع
وطلعتْ لافه شعرها بالمنشفة..
لقتْ العّاملة مجهز لها الديتوكس
عبارة عن مويه بارده بقطع الليمون والنعاع والخيار
شربت منه ثم تمددت على كرسي المساج..
حست جسمها تخدر ...
تنفست براحه ،وبالها مشغول بعُمر ..
ابتسمت برضى على اللي سوته : اكيد بكرا بيخطبنيً
بعد ماتوصل له ام مطلقْ وبتكون خطبته مُفاجاة
صادمه لأهلي ...
قامت ولبست جلال الصلاة
صلّت الوتر ...
ثم حطت راسها عالمخدة بتنام
ازعجها تنبيه رساله على جوالها
شافته من رقمْ غَريب ، فتحتْ الرسالة
مكتوب فيها " صدقيني بتندميين يا شموخ "
ضحكت بسخريه : ههههه اكيد ذي من زوجاته ،
وشكلها سِهام ان مَاخاب ظني ..يا حليلك
مسويه فيها ناصحه ..تقلعي مناك بس!
قفلت جوالها بعد ما اعطت الرقم بلوك
حطتْ راسها ونامتْ ..
،
صَباح يوم جَديد
على طاولة الطعام يفطرون بهدوء..
او ما يُسمى بهدوء مَا قبلْ العَاصفة ..
وعيون نورة ام شُموخ .. تغمز لزوجها نَاصر
يفاتح موضوع ولد الشيخ مبارك ..
نَاصر اشرلها بمعنى بعدين ..
تنهدت نورة ، واحترمت رغبته رغبته ...
ناصرماله خلق الهواش بوقتْ الفطور ..
شُموخ ...بالها مشغول
بالرِسالة المجهولة اللي وصلتْ لها
اليوم الفجر .. غير عنْ البَارحة ..
وكأنها حجة قويه عشانْ تقنع اهلها
برفضْ الزواج من ولد الشيخ مبارك ..
وانصدمتْ من اللي قرت عنه...
ماتوقعته يكونْ بهالحقارة
والسذاجه ..
وبنفس الوقتْ المعلومات
اللي جابتها لها غِيْد عنه و عن خواته
فيما يخص موضوع الدراسه والشَهادة..
رجعتْ لواقعها .. ماحستْ نفسها
الا وانهت فطورها ...
ومستْ فمها بالمدنيل وقامتْ
قالتْ : الحمد لله شعبتْ..
جات مشرفة الخدم حصه
وعيونها على شُموخ
ثم ناظرتْ نورة ...
قالتْ : طال عمرك ..جهزنا القهوة والجسلة
في الحديقة...
نورة : يعطيكم العافيه ...
المشرفة ام ضاري : الله يعافيك..
ومشتْ .. بعيد عنهم
وطلّعت جوالها المشرفة ام ضاري
وارسلتْ رِسالة مَكتوبْ فيها ..
" طال عمرك واضح عليها ان الرسالة وصلتْ لها
وبتناقش اهلها بالموضوع .. فتطمن
اللي مَاشي عليه بيصير"
دخلتْ جوالها بجيبها وكملتْ طريقها ..
اما شُموخ ،نادتها امها وقالتْ: شموخ حبيبتي على
وين رايحه ؟
شُموخ الفتت لأمها : ماما والله عارفه انكم بتفاتحوني
بموضوع الزواج ..
خصلوا فطوركم ، تلقوني بالحديقة
هناك انتظركم ..
ومشتْ .. تاركه استغراب امها وابوها
نورة التفتت لناصر : متأكد ذي بنتي شُموخ ؟
نَاصر هز اكتافه : مدري بس الله يستر وش مخبيه بنتك..
بس قومي نشوف وش عندها .. يمكن الله هداها
وبتوافق على ولد الشيخ مبارك ..
قاموا من السُفرة رايحينْ للحَديقة ..
شُموخ كانت جَالسه حاطه رجل على رجل
وتحتسي كوبْ القهوة بهدوء .. ثم لمحت
امها وابوها عدلتْ بجلستها ..
واستقبلتهم بابتسامه : هلا بالحُلوين ..
ابوها وامها اجلسوا : هلا بعروستنا الغَالية
شُموخ بلعتْ ريقها " ياربي شلون بقنع بابا باللي راح
اقوله ..! " اخذتْ نفس عَميق
ثم زفرتْ وقالتْ : ماما وبابا .. انا موافقه على الزواج
بس بشرط
ناصر طار من الفرحه ، "اخيرا غيرتْ رايها"
نورة قالت : وش هي شروطك يابنتي
واعبرينا موافقينْ ..
نَاصر باهتمام : ايه وش هي شروطك يا بنتي
واكيد ولد الشيخ مبارك موافق عليها ..
شُموخ اعتفس وجهها : رجعنا لطاري ولد الشيخ مبارك !
ناصر بحده : ايه وش فيه بعد رجال والنعم فيه
لا يكون بترفضينه بعد مثلْ غيره !؟؟
شُموخ : لا يا بابا بالأول اسمع كلامي وشروطي بعدها
لك القرار ..
ناصر زفر : وش هي شروطك اخلصي علينا ..
شُموخ : انا قررتْ اتزوج بس شرطي اختار الزوج
اللي ابيه ..
نورة : يعني ماتبين ولد الشيخ مبارك ؟
ناصر بانفعال : شلون ترفضين رجل مثله صاحيه انتِ
ماراح تلقين احسن منه ..
شُموخ تحاول تهدي الوضع : يا بابا الله يهديك
خلني اكمل كلامي بعدين احكم ..
ناصر تأفف : ااوف منك انتِ وشروطك اخلصي علي
تراني عطيتك وجهه..
شُموخ : بابا صحيح كلامك عن ولد الشيخ مبارك
رجال والنعم فيه .. بس يا بابا هو مايناسبني
من ناحية المستوى الدراسي ..
نورة : وش لون مايناسبك !!
شُموخ بصبر : شهادته دبلوم وانا ماجستير وبكمل
الدكتوراة .. فواحد مثل ولد الشيخ مبارك
اكيد راح يرفض انّي راح اكمل دراستي..!
مو انتم تبوني اتزوج واكمل دراستي شلون تزوجوني
واحد مثله ..راح يمنعني بعدين ولا يسكتني
بشهادة مزوره مثل باقي خواته .. !
نورة : صدق هالكلام يا شُموخ ولا من راسك
شُموخ : والله صدق يا ماما توني سألتْ عنه
وعن طبيعة خواته ..
شُموخ سُبق وتكلمتْ مع غِيْد عن ولد الشيخ
مبارك واعطتها بعض المعلومات عن شهادته
ووضع خواته .. هنا جات النقطة لصَالحها
وتحطها حجّة للرفضْ ..
ناصر قال بحده : تحطين شروطك اللي تبينها
يا بنتي وينفذها غصبن عليه .. اكيد ماراح يرفض
شروطنا دام بيتزوجك..
شموخ جلستْ جنب ابوها بهدوء تمتص غضبه...
ومسحت على كتفه ثم مسكت يده
وناظرتْ بعينه بجديه ..
وقالتْ : يا بابا ياحبيبي ولد الشيخ مبارك
مو مثل ماتظن.. ما تهمه دراستي ،فهو اكيد راح يشوف
مكاني فبيتي ومايبيني اكون أعلى منه ..!
ناصر : بس هذا يا بنتي ماهو عذر ..
عشان ترفضيه !
شُموخ : يا بابا يا حبيبي الزواج مو لعبة
واذا تبي الصدقْ يعني ...
ناصر : وش عندك قولي ؟؟ سامعه شي عنه بعد ؟
شُموخ : ايه يا بابا .. سامعه
نورة بفضول : وش اللي سمعتيه يا بنتي ؟
شُموخ تتذكرْ الرسالة اللي وصلت لها عنه اليوم الفجر
وقررت تقولها ، دام الكلام مافَاد مع ابوها
غير تقول اللي قرته عَنه ..
قَالتْ: سمعتْ ان ولد الشيخ مبارك بياخذني
تحدي .. عشان صَاحبه
ناصر توسعتْ عيونه : ومن ذا صاحبه
الرجال جاي امس ولا لمح لي شي .. غير الكلام
اللي سمعته عنك يسمْ البدن .. !
شُموخ : اكيد يا بابا ماراح يقول لك الحقيقة
بس هذا الكلام اللي وصلني عنه ..
يعني سَالفة اتزوج بنتك عشان كلام الناسْ
هذا كله كذب وغير صَحيح ..
نورة وقفت بعصبية قالتْ : قليل الأصل يشوف الزواج
لعبة وتحدي يخسي ياخذ بنتي والله ..
ناصر انقهر ووقف متها
وقال بتهديد لشُموخ : شُموخ انا شاك بكلامك
مستحيل هالشيء يطلعْ من ولد الشيخ مبارك
لكن روح هالحَينْ اتأكد منه وان ن ليقتك كذوب
والله ثم والله مَا تلومين الا نفسكْ ..
وتتزوجينه غصبنْ عليك ..
شُموخ وقفته ومسكتْ يده .. ناظرته بثقه
وقالتْ : بابا مايحتاج تتأكد .. بس تقدر تصرفه
بدون مشاكل وشوشرة ..
ناصر : وليش ما تبيني اتأكد .. الا بتأكد بنفسي
واشوف انتِ تكذبين ولا كلامك صح
والزمه حدّه حتى يعرف الزواج ماهو لعبة
وتحدي .. هالنذل
نورة : ناصر انتهبه على نفسكْ ..
مشى زوجها ولا رد عليها .. شاد على قبضة يده
مقهور .. " شلون امس جايني ويقول لي كلام
واليوم القى كلام ثَاني عنه .. ان شاء الله كلام شُموخ
كذب واعلمها شلونْ تكذبْ مره ثَانيه .."
طلع من قصره .. وركب سيارته وحرّك
بسرعه ...
،
في الحَديقة ..
نورة ام شموخ التفتت لبنتها
وقالتْ : انتِ صادقه بكلامك يا شُموخ ولا تحطين
سوالف عشان ما تتزوجينه !
شموخ بثقه : ليه احط سوالف يا ماما ..؟
وهذي حَقيقة ولد الشيخ مبارك .. ماكنتْ بقول
لبابا عشان مايزعل .. بس وصل الحد انه يغصبني
هنا ماعليش لازم اقول له الصدقْ ..مو اروح
ارمي نفسي على شخص ما يستاهلني
وبياخذني لعبه وتحدي .. وين عَايشين احنا !
نورة : من وين جاك الكلام ؟
شُموخ طلعتْ جوالها وورتها الرِسالة : شوفي يا مَاما
هذا اللي وصلني اليوم ..
نورة حطتْ بدها على فمها مصدومه : شلونْ يسوي
كذا عديم التربية حَسبي الله عليه ..مالقى الا ابوك
يلعب عليه ..
شُموخ ببكاء : آاه .. شفتي الحّقيقة بعينك يا ماما
ولا بابا بيغصبني عليه خايف من كلام الناس ولا خاف
على بنته ومستقبلها مع من يكونْ ..!
نورة تهدي فيها : خلاص يا بنتي اهدي وابوك انا
بكلمه .. اهدي ولا تشيلين بخاطرك عليه
تعرفين نقطة ضعفه كلام الناس عنه وش يقولون
وهالحين ابلشوه فيك يقولون زوجها لا تضيع
من يدك ...حسبي الله عليهم ..
شُموخ اكتفتْ بالبكاء .. يكفي كلام امها
عوّرها اكثر .. وبنفس الوقت
قدرت تتخلص من سالفة ولد الشيخ مبارك
وفي بالها تنتظرْ قدوم عُمر فَارس احلامها
تشوفه ...!
،
شُموخ صعدتْ غرفتها بعد اللي صَار
وحستْ بشعور الإنتصار على ولد الشيخ مبارك
اللي خرّب مزاجها هاليومين ..
وقلب حالهم فوقْ تحت ..
اخذتْ جوالها وانسدحتْ على السرير
تطقطق عليه شوي
ثم شافت تنبيه من بنت عمها غِيْد
"انا وامي جايينكم بالطريق "
قامتْ شُموخ بعجلة : يووه لازم اتجهز
راحتْ لغرفة الملابس عالسريع
ولبستْ فستان مُورّد بزهرة الزئبق من دولتشي انذ قابانا
وحلق ماجيك الامبرا من فان كليف..
وخَاتم .. رطبت بشرتها
وحطتْ قلوس وردي ..
ثم لبستْ صندل لون لحمي من جيمي تشو..
وتركت شعرها مفتوح ..
ابتسمتْ برضىٰ على شكلها..
ونزلتْ تحتْ للصَالة .. شافتْ الخدم يجهزون
الضيافة والتقديمات .. ويبخرون الصالة..
سمعتْ صوت رن جوال امها ..
جت امها على الجوال
نورة : الو هلا مينْ معي ..
.. : الو السلام عليكم الأختْ ام شُموخ ؟
نورة : هلا وعليكم السلام حياك ..
ايه تفضلي مين معَي ؟
..: بارك الله فيكِ ...
معك حضرة الأميرة نجد..
،
الى هنا نتوقف
"نهاية البارت "
* قِراءة مُمتعة للجَميع .. وردود رائعة.
التعديل الأخير تم بواسطة فيتامين سي ; 08-10-19 الساعة 06:50 AM |