#على_قيد_الموت
مريم السعدي
٧_____٨
#بارت٧
زياد- ها ايودي كعدت
اياد- تعال الحك تره فطست
هههه هاهي طلعت الصخونه
اي تقرب نزعني التيشرت وره مطلعت امي ولبسني غيره عوف البنطرون اشتعلو انيزانزعه
ولك مبيك حيل ديله ذاك اليوم جننا نسبح سوه
ههههه استغفر الله سكتت تنهدت ليش كبرنا
حتى كلبنا يتوجع خليت ايدي على كلبه شونك
تعبان والله وخايف عليها اصلا درت وجهي --- اصلا مااعرف ليش هي جانت بالمستشفى
مااتصور بيها شي يمكن واحد من اهلها
اي امها ذيج المره تخربطت باوعتله اياد خابرها من تلفونك بس اسمع حسها
لا اياد عوفها ترتاح منك طيها مجال
اي صح نصيت راسي
فاروق- طبيت لغرفته اياد ها الله يساعدهم شونك اليوم
الحمد لله احسن باوعتله مبتسم
اني اشوف لو نطلع شوي نغير جو اليوم جمعه واني كاعد
لالا اني مابيه حيل
زين واذا انت وزياد وحدكم باوعت لاياد
اياد- مالي نفس والله تمددت تقرب فاروق باوعلي بحرص طول عمره جبيرنا واحس اخاف منه اكثرمن ابويه احترام على خوف ----
محتاج فلوس لك احجي تره خير من الله
لا خويه يعني اذا احتاج وين اولي اجي عليك
لعد شبيك خاف عاشك ياول
باوعت بعينه دمعت عيني لالا ليضل بالم شوي صخونه بالعضم
فاروق- باوعت لزياد تنهدت هاك السويج اخذه واطلع يغير جو
زياد- ماشي ابتسمت طلع فاروق شلت السويج ولك اليوم افرك نص بغداد اذا ماخلي يندم لان طاني سويجه نو زياد اني
هه شكد فايخ
كوم لك جريت الجرجف كوم لا احركك هسه اكثر من مامحروك كلبك حتى تصير محروك قلب وقالب
هه اوف ربي وكفت كوه جريت التيشرت وكفت كدام المرايه والله اخجل من نفسي اباوع بالمرايه طلعنا بالسياره ريناد تباوعلي بقلق درت وجهي عنها مالي خلك اي احد تلفوني سويته ولد بالاسواق يعرف يصلح الاجهزه بيوم التمرض الوالد صلحه كعدني زياد بمطعم عالشط اباوع عالشط واجر حسره طلب نركيله
زياد- اشرب اشرب ادري بيك دتلوب على جكاره
اياد- مالي نفس زياد والله لزمت الفون فتحت الواتس اب
دتسوي اياد اكعد لترسل شي خل ترتاح واذا بكلبها حب الك ترجعلك من وحدها
لا مداراسل تنهدت فتحت المراسلات كنك الجهاز عالمطعم اباوعها متصل كعدت عدل معقوله دتكلب بمحادثاتنا نزلت المحادثات حجينا قبل يومين اويلي يابه اخر كلمه احبك حبيبي الله لايحرمني منك غمضت عيني رجعت باوعت للمحادثات لمحت يكتب الان كعدت عدل شراح تكتب شتريد تكول راحت الجاري الكتابه اختفت والله راح اموت طلع غير متصل سديت المحادثه ودرت وجهي لزياد صافن عليه نصيت راسي
انت حبيتها
هزيت راسي اي
لعد طيها مجال تستوعب الفرق بين الشخصيتين دوس على كلبك
تعبت اريد ارجع وياها نصيت يمكن تشوفني مراهق بس هي هاي الاريد اكمل حياتي وياها زياد
الله كريم ليش لا تنهدت عالاقل بت ناس ومتربايه مو استغفر الله
شبيك ابتسمت هله والله اكو شي ضامه عليه مو
اشياء نصيت راسي ودرت وجهي عالشط
شنو احجي
انت بيا حال انت مكطم
ولك مو اليسمع مصايب العالم تهون مصيبته احجي بالخوه
تتذكر الشكت قميص البدله
لا بربك
شكو وقزرقط شحجيت بعدني كلشي محاجي
ولك حب من اول شككه ههه
دشوف من يحجيلك
لا عليك الله احجي كعدت عدل طلعت من مزاجي. استمع لصديقي واخويه
طلبت تشوفني وره 3ايام عقوبه بالانفرادي واني رفضت ضلت تطلب كم مره كطعت الاكل اني مهتميت يطبها طوب بس بدت تتمرض ويودوها لدكتور السجن تجيني الاخبار اخر شي كلت خل تجي اشوف شتريد
اي
اي دزيت كتلهم خل تجي جابوها كعدت كدامي معدله روحها مو مثل ذاك اليوم هي محجبه بس بذلك اليوم من انهارت وكع حجابها
اي
اي جانت هادئه كلش تنهدت وملامحها رقيقه
اي ----ابتسمت اخويه يحجي وسكران
اي ضلت ساكته واني اباوعلها هي من النوع ناعمه شايف ذنه القزمات ونازكه كلش
ممممم جريت قمجي النركيله منه جريت نفس لان الجمره خلصت وهو مديشرب باله مو هنا
اي فكتلها احجي شتردين
اي -----
سجن النساء
زياد- ليش طلبتي تشوفيني شرايده
سيدي اني مضلومه واعرف متصدكني بس طيني التلفون اخابر خالي خليني بالسجن
وليش خالج يعني ميدري
يدري نصيت راسي خالي من عرف بيه علاقه وانثبتت التهمه عليه مكدر يجي للمحاكمه بعد صددك بيهم وهو الرباني وي بناته ماريد ياخذ فكره موزينه
مممم شكد رقم خالج
---------- طيته الرقم. دكيت باوعت بعينها كلت اسويها لا الله دك دك رد الو باستغراب طيتها الجهاز فتحت مايك
الو خالو دمعت عيني
دلال
اي خالو اني دلال بس ردتك تسمعني
ياحسافه تربايتي وتعبي بيج
خالو اني انحكمت ومضلومه مرايده منك شي بس اسمعني هذا هو
احجي
خالو انت الربيتني مو ابويه وحالي حال بناتك صرت بس قسما بذات الله اني ممسويه شي واخوانها هم تحرشو بيه واني صورتلهم فديو لزمته عليهم لزمه اهددهم اذا سووها بعد اودي للشرطه وبعد متقربو ودزو صاحبهم خالو اني الجنت دايره شركه ابويه ومصرفلهم بدون بوك يشتغلون دبرولي هالمصيبه حتى يخلصون مني
- شون تردين اصدكج و3من المنطقه شايفيج تطبين لبيته
خالو تلاثتهم كذابين مشتريهم والله هسه اني مرايده شي بس لتصدك تربايه ايدك هيج تسوي حتى القاضي كرايب مرت ابويه انس شايفه صورته عالفايبر بتلفونها لتنقهر من تتذكر خالو ارفع راسك اني تربايه ايدك مع السلامه سديته مسحت دموعي رفعت عيني بعين الضابط يباوعلي بشك
زياد- احم شسم القاضي
مااعرف مهند مااعرف شنو
ممم عرفته بداخلي جان عده كم دعوه اتهام بيها انه مرتشي وطلع منها
زين انتي شنو عملج جان
سيدي رحمه الله والديك هاهي اذا تكدر دز احد يرجعني للسجن
دلال وكفت تفضلي بس خل اكمل كلام
ميحتاج باوعتله مايسه مراح تكدر تسوي شي الفساد مثل السرطان والمحكمه كلها جوه ايدهم خلي يشبعون بمال اليتامى اذا ممكن اروح وماراح انساك بدعائي اشكرك
اهلا بيج حنتيرري صحت
نعم سيدي
اخذها للسجن اباوع على طولها ونعومتها والطريقه الحجت بيها وي خالها جريت نفس معقوله مضلومه وممسويه هالشي وفعلا قتلته دفاعا عن النفس سطرت دماغي هالسالفه طول مناوبتي -----
مطعم الملاح ----
اياد- تالي هسه
زياد- شتالي رجعت للبيت لكيتك مريض تنهدت اياد شتكول صدك مضلومه
والله شكولك بس سالفه تخلي العقل بالكف انت شتكول
اني انقهرت عليها بس عدها ثقه بنفسها وشخصيه قويه
اي خطيه اذا مضومه الله يفك اسرها
اي والله جريت نفس طيني النركيله شو وكعتلها دك
اذا انت دتحجي القصه ورحت للسجن بعقلك
والله اياد مادري شو دااشك انه مضلومه شكلي حروح لعقيد فراس واشوف قضيتها
اي روح شوف بلكن يرجعون يدورون وراهم
اي بلكن كملت النركيله ورجعنا للبيت
اياد- بالي يمج ياعمري شنو اخبارج خابرت ياسر كتله كلشي انتهى
ياسر- اني ارتاحيت ادري كلبك محروك بس اذا حبتك مراح تكدر تعيش دونك
اياد- الله يسهل
ياسر- مكتلك
شكو
مو كبلت
ويامن
منوووش
لالا خرب يومك هههه شون قبلت
يابه بهديه اجتي
والعصفور المهلوس
طلعله جناح وطار
وين لا يا الله طيرته للولد
سافر لاسطنبول بعقد عمل مصنوعات جلديه كللها انسيني
فجتي يمك تنسيها مو
اي اني الصدر الحنون هههه
ديله دخطبها
لا ولك هاي مو مال زواج هاي مال علاقه وحب من اريد اتزوج اشوفلي وحده ااسس وياها حياتي تربيلي جهالي مو تجي بهديه
صح تنهدت صح كلامك تذكرت مينا صديقتها --- ياسر اريد منك خدمه
كول
اريد رقم مينا
دنجب عاد اكعد راحه
ولك لا والله بس ردت اعرف شونها ايناس
ها خو اني هسه اخابرها واسالها
ماشي انتضرك تخابر
اوك
سديته منه بقيت انتضر. نص ساعه واتصل
الو بشر
شبشر امها منيميها مستشفى وهي هم صاير عدها فقر دم ورابطيها عالمغذي سكطتها للبنيه الله يشيلك
سكتت ركعت راسي بالحايط الله ياخذني. امها سونها اختنك صوتي
امها موزينه كلتها واكفه من السكر النوبه بتها متخربطه وميعرفون شبيها حتى منى
لا بشرفك مكايله لاحد سوده بوجي ياسر اني لازم اروحلها
انجب واكعد الا تموتها
لازم اروح خليها تتعارك تطيح حضي ولا تخليها بكلبها وكفت سديت الخط لبست هدومي باوعت لوجهي بالمرايه. واجهه خليها تاذيك بالحجي خل ترتاح يا عار -------
يتبع
#على__قيد _الموت
8
مريم السعدي
لبست وطلعت مستعجل وكفني زياد ولك ويين جريت ايدي صحت ووخر عوفني رحمه لا الله خل ارتاح
لك اياد لتخربط اكثر بس باوع بعيني
مااااريددد زياد لتتدخل الله يخليك تره واصل لاللله
اوكي روح بس خلي اهلك بين عيونك
جرييت تلفوني عالشحن وطلعت لنفس المستشفى طبيت بدت تثگل رجلي بده النفس يصعب مجرد احساسي اني راح اشوفها لمحت السايق وكفت تذكرت مكايله لاحد كملت مشيتي واحجي وي روحي اذا سالني اكوله زميلها وشنو يعني وصلت يمه السلا حجي الله يساعدك
هله يابه
ام ايناس وين جيت ازورها بلعت ريك
ام ايناس يم بنتها والله شوي تخربطت من شافت حاله امها كطعت الاكل والمي يومين ووكعت خطيه
لا بربك حتى المي لا هاي ناويه انتحار احجي وي روحي --- زين وين الغرفه
هاي كدامك بس خالهم يمهم
ها وكفت اخجل افوت بقيت واكف اي هي هنا موجوده بعد خطوات بس احس تبعدني عنها سنين ثلاث ايام مسامع صوتها اويلي يابه شكد مشتاق لهمسه احبك فتح السايق البلب ضليت صافن هذا شسوه
ام ايناس هذا ولد يسال عليج
ام ايناس-منو
اااني خاله شونج تذكرتيني
والله يمه ماادري وين شايفتك المن رايد
ااني زميل ايناس اباوع عليها نايمه والمغذي معلك بايدها خالها يباوعلي مستغرب بلعت ريك جنت على نفسها براقش
هاها تذكرتك اللي جيت ذيج المره تفضل هله بيك هي نايمه
ااني مادري بيها متخربطه جيت اشوفج انتي
اني-- اني هاي حالتي من عافنا ابوها ليهسه يصعد وينزل هسه ضاربلي الكله
معافاه خاله انشاء الله احجي وعيني عليها نايمه ملاكي الهاديء
الخال- انت وين تعرفها لايناس
العفو اني زميلها وساعدتني كم مره بالمصادر وجيت وياها اشرت على امها زرت والدتها احجي واكطع لو اسكت اشرفلي
كعدت الام عالكرسي القريب منها وطلع خالها تقربت خطوتين وجهه اصفر وشفافها بيضه بيه ولابيج ياعمري يرجف كلبي من اباوعها امها اطرافها ترجف وبس تعرك وجوه عينها اسود وكلسا تون وتلوب وتشرب مي ممستقره وهي فاقد ردت ابقى اطول وكت دخل الطبيب خرب هذا شاب بحركه لا اراديه عدلت ربطتها امها باوعتلي درت وجهي ابتسمت
يمه انت ياسر
نصيت راسي احمم لاخاله اياد ----منا وهيج ماكول غير اياد
ها يمه هاي الطبيب اجه يفحصها وانت ماقصرت اديت واجب الزياره
نصيت راسي اترخص خاله باوعت للطبيب لعد شوكت تصحى
هي صاحيه بس متقبل تفتح عينها موشراتها كلها تكول صاحيه
اياد- جمدت بمكاني بلعت ريك برجفه طلعت على طلب امها بس مطلعت من المستشفى بقيت كاعد عالكراسي بغير ممر ماريد خالها يشوفني ولا السايق اريد تشوفني وتعتب يله اطلع
ايناس- اي كاعده وحسيت من دخل وسمعت الرجفه من ديحجي وي خالي بس ماريد اشوفه ولا شوف اي احد احس روحي قشمر اني شغله من اخليها ببالي اريد اسويها وخلص مافكر بالعواقب فكرت اريد احب واعيش الحب وعشت واكلتها خوش حب حبيت ضحكو عليه ثنينهم اخ ربي معقوله كل كلمه كالها كذب هذا احساسه وهمسه بليل هم كذب ليش ليش شمسويه كلهاي لان تعاركت وياه بالمكتبه لو ادري هيج اخذ قميصه اغسله واشتريله غيره ولا اتحمل هالاذيه لو لان ماخذت رقمه معجبني يعني شاسوي سمعت صوته اكيد هو حنيت لصوته وحنانه اخ ربي طلعه من كلبي بده علاقته بكذب ميفيدني. بس هلكد احبه هلكد متعلقه بي كمت مااتخيل شكله من احاجي احاجي بس صوت وكلامه الحنين وهمساته كون الله يبتعد وميرجع مابيه قوه اذا يواجهني يمكن اموته بيدي ومااحس على روحي حسيت بفحص الدكتور وامي تساله فتحت عيني ها يوم مبيه شي باعي حاسه
الدكتور- دكومي عيني شنو هالدلال
كعدت عدل باوعت لامي خطيه تباوع بلهفه ماما حبيبتي مابيه شي
ام ايناس- حبيبتي خفت عليج لالا ارتاحي لتكومين
الدكتور- ام ايناس لازم تسوين فحص وتحليل ابو التحليل ينتضر وبنتج ماشاء الله عليها اقوى مني
ايناس- اي ماما روحي فدوه شكلج كلش تعبانه
ام ايناس- يعني انتي مبيج شي
ايناس- لا والله كلشي مبيه حضل متمدده هنا لحد متجين وانام عالقنفه كدامج الدكتور يكول اذا ماكو شي بالتحليل باجر تطلعين خالو وين لعد
خالج طلع كال ساعه وارجع
خوش جريت نفس ماشي يمه روحي طلعت ماما تمددت كلبي يوجعني لحد الان مابجيت اريد زهايمر ينسيني كلشي او يرجع الوكت والله ولا افكر بحب من ساعه السوده
طلعت امي وبقيت وحدي لزمت التلفون فتحت المحادثه مال واتس اويلي يربي شحينسيني كعدت اقره وانزل ودموعي بله ماحس تنزل تحرك بكلبي حرك اقره واتذكر اقره واتذكر صرت اعصاب ذبيت التلفون انهاريت بجي غطيت وجهي طلعت قهري وجع كلبي زاد صدري ضاق اخ يابه اخ سكتت اهدا رجيت راسي عالسديه شفت الباب انفتحت بهداوه ميلت راسي
اياد- شفت امها طلعت ختلت افتريت وره شوي رجعت مامو احد يمها هسه اكيد معقوله بعدها نايمه فتحت الباب على كيفي مديت راسي التقت عيني بعينها فزيت خايف خزرتني نصيت طبيت وسديت الباب. رفعت راسي اشرتلي اطلع
ايناس- اطلع اشرتله مهتم كمل خطواته بثگل يتهرب من عيني
اياد- وكفت بعد متر عن السديه بعده المغذي مجلب بيدها باوعت لايدها ساكت والله ضلوعي تنخض من الرجفه اني شداسوي دااطبق صوت وصوره
اطططلع عوفني عوفني
بلعت ريك نصيت بداخلي اكول اي احجي بعد بعد طلعي قهرج ولا تخلي بكلبج
اطلع داكولك شبيك متسمع اطرش صحت خنكتني العبره روح روح شتريد مني بعد روح
اباوعلها تبجي نصيت راسي ارجف كون بيه ولا بيها الالم
روووح حقير تدري من اول احسك حقير بس متوقعت انت وهذا الچلب تسوون هيج بيه
تحجي واهز راسي اي بدون صوت سكتت تباوع بعيني تاخذ نفس تتنفس بصعوبه تقدمت خطوه زركت شفتها همست ----
اطلع نمن حياتي بقيت واكف مااعرف شسوي داشوف وجهها مو طبيعي صاحت
اطططلع جريت التلفون شمرته عليه تكسر
باوعتلها ونصيت عالجهاز لملمته كلبي ممرود اطرافي منمله خليته عالميز رجعت الاجزاء شغلته ورفعت راسي باوعتلها نايمه شفتها زركه تقربت عليها جفنها يرجف ومكان ربط المغذي نازف من شمرت الجهاز حركت ايدها قوي
ايناس همست بلعت ريك ايناس باعيني فتحت عينها بصعوبه نزلت دمعه منها اويلي يابه حركت كلبي طلعت من الغرفه ركض لاكيت دكتوره دزيتها عليها وجيت وياها مفتت بقيت بس بللباب اسمعها تحاجيها ردت عليها طمنت وطلعت من المستشفى طلعت بس جسد روحي يمها متعذبه اكثر من عذابها تعبان اكثر من مرضى المستشفى كلهم مشيت بالشارع ماحاس عروحي امشي واتذكر حجيها بقيت امشي الكه روحي بفلكه شنو اني وين كعدت عالرصيف ايدي على راسي طبكت يمي سياره رفعت راسي تكسي اشرتله اي عمي يمكن عباله شارب صعدت
اييي المزاج عالي
رحمه للعباس اكرممنا سكوتك توني طالع منرالمستشفى ومااعرف وين اروح لميت نفسي هنا لا شارب ولا بالع
العفو هه مبين عليك التعب باوعتله جريت نفس ودرت وجهي عالشباك اتذكر دموعها كل دمعه منها عساها بشبابك ياحقير قبضت ايدي
ابو التكسي- باوع يولد هلي ببالك هالكلمتين تره كلها يومين ونموت الدنيا سخيفه هونها وتهون
باوعتله بقيت صافن عليه لمحت صوره شاب بالمرايه وعليه خط اسود احم هذا منو
اخويه الصغير مات بضربه براسه تدري منيش
منيش
ضربه طوبه كريكر قويه جان ديلعب بالشارع وي جماعته وشمروها الطوبه براسه قوي كلشي مبي اجاني كال راسي انسطر من الضربه وفات نام طبيت لكيته ميت الضربه بمكان خطر ونازف نزيف داخلي ومات مو داكولك الدنيا تااافهه
الله يساعدك تنهدت بردت شوي
تره هي المشكله تبدي جبيره وراها تصغر شوي شوي اهلنا جانو يكولون تبات نار وتصبح رماد
مو اي مشكله جريت نفس
الله يبرد كلبك يابه
مشكورعمي شكد تامر
هاليطلع من ايدك نعمه الله
مشكور طيته كروته وطلع هلكد برد كلبي من حجه تبات نار تصبح رماد كالها زيودي طيها وكت بس اني هم زين سويت خليتها تفرغ البكلبها -----
يتبع
|