السلام عليكم ورحمة الله وبركاته ...
العيد وخروفه هو موضوع الناس هذي الايام ...وبتلاقي النكت والصور الي يرتسلوا في كل عيد اضحى من السنين الماضية بيرتسلوا لك كمان هذي المرة وبتضحك عليها مثل كل مرة
( هذا مو شعر ي جماعة
)
المهم ....
امس ونحن نتعشى وابو العيال ما على لسانه غير من وين يجيب خروف العيد مرة من عند فلان ومرة من علان وانا بس اهز راسي اسلك له ليين ما ذكر شي عن عمر الخروف .....
وشفتوا الانسان لما يتكلم عن حاجه ما يعرف عنها شي تجي على راسه ....
وهذا الي حصل لي ....
انا قلت له اكييد لازم يكون ( ثني )
قال لي كيف ثني
قلت له اسمع ابي دايما يقول ثني بس اكيد لانه يمكن عنده اثنين اسنان .....
ضحك مووت ويقول ليش هو ارنب ...ي دلخه هو اصلا يولد ومعه اسنان ...
انا هذاك الوقت انحرجت وقلت اكيد لازم ارجع كرامتي المهدورة وقلته اها اكييييد اثنين من اسنانه طاحوا عشان كذا ابي يقول عنه ثني ....
هههههههههههه
ابي اكحلها عميتها ....
ولا تسألوا ايش صار بعدها لاني اصبحت نكته في البيت على الطالعة والنازلة يقولي ايش اخبار اسنان الخروف .....
...............
المهم ي حلويين اذا ضحكتوا خلصتوا .....
خلونا نتكلم شويه كل واحد عن نفسه والمكان الي هو عايش فيه ...
يعني من وين تجيبوا الاضحية ( لأن كثير من الناس يجيبوها من الارياف )
وكمان ميين من عايلتك يذبحها وعلى من توزع ....
يعني دردشة خفيفة ولطفية في ايام مباركة ومميزة ....
اتكلموا عن اي شي خططكم للعيد او حتى موقف حصل لك في الاعياد الماضية ....
وهذا كافيه المنتدى يعني يعني ندردش براحتنا
