بسم الله الرحمن الرحيم
،
"ربِّ ادخلني مدخل صدق وأخرجني مخرج صدق
وإجعل لي من لَدُنك سُلطانًا نصيرا"
،
السلام عليكم ورحمة الله وبركاته
اشكركم على تفاعلكم الحُلو الصراحه اسعدني
وبإذن كل ما تفاعلتم اكثر راح انزل البارت بدري
"البـارت الخامس "
رواية غرامك يالخفوق ذبحني هآت حضنك يحتويني/بقلمي .
،
إفهميني ..
أتمنى مخلصاً أن تفهميني
ربما .. أخطأت في شرح ظنوني
ربما سرت إلى حبك معصوب العيون
و نسفت الجسر ما بين اتزاني و جنوني
أنا لا يمكن أن أعشق إلا بجنوني
فاقبليني هكذا .. أو فارفضيني ..
*نزار قبّاني.
،
غِيْد قفلت جوالها من كثر إتصالات الناس
وازعاجهم ...
عقب الفضيحه اللي انتشرت..
تأففت بضيق وقالت : اوووف من هالعالم
خلاص فكونا مب ناقصيين لكم انتم بعد
لاحول ولا قوة الا بالله....
تناظر بشموخ اللي صحت وتحممت عالسريع
جالسة على سريرها وبيدها
الجهاز تقرأ بصمت تعليقات الناس
وسبهم لها ما اعطت اي ردة فعل اكتفت بالبرود
وتتحسب عليهم بقلبها ..
خافت غِيْد من سكوتها اشبه بهدوء قبل العَاصفة..!
وقالت بنفسها " ياربي هذي وراها ساكته الله يستر منك
يا شموخ لا يكون ناوية على شي ثاني ..!"
غِيْد جلست وقالت بفضول : شموخي وش تفكرين فيه؟!
شموخ ناظرت فيها ، ثم تنهدت
وقالتْ : ما افكر بشي بس قاعده اقرا كمية
السذاجه والجهل بردود الناس ...
ماصدقوا يجي اسمي بفضيحه
وهاتك سب وكلام يسم البدن
حسبي الله والنعم الوكيل..
يكفي ماما وبابا والله يكفي.
رمتْ الجهاز وجلستْ تبكي مقهوره على حالها
والمصيبة اللي طاحتْ فيها ..!
غِيْد جلست بجانبها وضمتها لصدرها
وقالتْ : خلاص حبييبتي اهدي اكيد اللي مسوي
هالفضيحه راح ياخذ عقابه..
شُموخ انفجرتْ بُكاء ماقدرتْ تتحملْ اكثر
كلام الناس عنها ،اهون من كلام امها وابوها
مصدومه من ردة فعل اهلها لها..!
على طول اتهموا بنتهم ..
شُموخ بعدتْ عن حضن غِيْد
واشرت على نفسها مقهورة
قالت: انا اللي قاهرني بابا ..
المفروض يوقف معي ..
تخيلي وقف ضدي ،ومد يده علي
وسمعنّي كلام يسمّ البدنْ
تخيلي ...اتهمني بالخيانه لديني
ولأهلي . !!
وماما طردتني ماتي تشوف رقعة وجهي
حتى وش اللي غيرهم علي ..!
انا بنتهم الوحيدة يعاملوني كذاااا
لييييش ليييييش ..
غِيْد سحبتها لصدرها تضمها
قالت : خلاص حبيبتي لا تبكين ذبحتي عمرك بالبكاء
واهلك مثلك مصدومين ..فلا تلومينهم ...
شُموخ قاطتعها: ما الومهم الا الومهم ونص
قد ماهو قاهرني وغابني
بابا العاقل لهالدرجة ينلعبْ بعقله !
ويصدق ...!وش هالأب اللي ينضحك عليه
اناا شاكه ومتأكده انه ولد الشيخ مبارك
من يوم ما دخل بيتنا
انقلب حال بابا ..فجأة يبي يزوجني
حسبي الله عليك...
يا ولد الشيخ مبارك
الله لا يوفقك..
غِيْد : يا بنت استهدي بالله يمكن تظلمين الرجل
وهو بريء ! يمكن يكون شخص ثاني
متعاديه معه وجاء يشوه سمعتك !!
شُموخ مُصرّه انه ولد الشيخ مبارك
قالت : الا مااافي غيره ولد الشيخ مبارك
وبياخذ جزاته الحقيير ..
الباب انفتح بقوة بقوة وضرب بالجدار
انفجعت شموخ وغِيْد من قوة الصوت
الفتت للبابا طاحت عينها على ابوها
ونَاصر جاي لناحيتها
ووجهه مايبشر بالخير سحبها من يدها
وقال : تعاااالي تعاالي امشي معي
يا سواد الوجهه ...
شموخ مصدومه من ابوها
وقالت : بابا وش فييك والله ما سويت شي
يا بايا كل هذا تحت راس ولد الشيخ مبارك
والله العظيم هو ...
ناصر ثار من الغضب و اعطها كف جامد يسكتها
قال : لاتطرين اسمه على السانك
ولا والله اقصه لك قص..
شموخ عورها خدها من قوة الكف اللي جاها
وبكتْ قالت : بابا الله يسامحك لييش
تظلمنني بابا اسمعنني تكففى تكففى
والله ماسويييت شي ...
غِيٌد وراهم تترجاه يرحم شُموخ شوي
وقالت : تكفى يا عم والله ماسوت شي بنتك
حراام تظلمها.. تأكد بالأول ثم بعدها احكم
مايصير اللي تسويه كذا !
نَاصر دف غِيْد بيده وطاحت على الأرض
وقال : شيلي يدك عني لا اكسرها لك فاهمه
ومالك دخل ببنتي ،وانقعلي من بيتي
لاعاد اشوفك هنا...
غِيْد تبكي تترجاه : تكففى والله بنتك بريئه
ماسوت شي حراام عليك يا عممي
ياويلك من الله ...
نورة جايه على صراخ بنتها : خييير يا ناصر وش فيك
تسحب البنت مهبول انت وخر يدك عن بنتي
شموخ : ماما تكفييين فكييني منه
نورة تحاول تبعد يده عن شموخ وبحده
قالتْ : شييل يدك عن بنتي يا ناصر
تعااال ويين موديييها يا ناااصر
ناصر والنيران تعمي عيونه مايشوف الدرب
قال: بروح استرها عقب فضيحتها اللي سودت وجيهنا
الله يسود بوجهها
نورة : ياويلي ويلاه من ذا اللي بترمي عليه بنتي
ماتخاف الله يا نَاصر ببنتك حرام اللي تسويه
اتقى الله في نفسك ..
ناصر : عمر راعي الحريم هو اللي جاي
يستر على سواد الوجه بنتك ..
شُموخ توسعت عيونها وكتمت شهقتها
من طاري الأسم ...
نورة بصدمه : عُمر اللي يطلق الحرييم يخسسي
اعطييه بنتي يتزوجها وبكرا يروح يطلّقها
انا ماني راضيه باللي صار ببنتي
بس ماني مجنونة مثلك اودي بنتي للنار ..
تترجاه يفك بنتها وقالت:والله ما ياخذها
ياناصر ..
نورة متمسكة ببنتها شُموخ ..
نَااصر سحب بنته بقوة من يدين نورة
وقال بحده : ماهوب على كيفك تقررين ..
انا ولي امرها وكلمتي هي اللي تمشي يا نورة
ويلا انقللعي عني وجهي ..
اشر للخدم يمسوكنها لا تجي عنده للمجلسْ
نورة راحت تمسك يده تترجاه: تكفى يا ناااصر لا ترمي
بنتي بالنار تكففى لا ترمييها على هالشايب
اللي مايخاف الله ببنات الناس تكفى
يا نااصر طاالبتك ...
نَاصر دفها عنه وطاحت على الأرض
مقهورة على بنتها وبحسسرة
قالت: حسبي الله والنعم الوكيل ..فيك يا نَاصر..
غِيْد تبكي على حال شُموخ " ماراح يرحمك ياشموخ
بيطلقك والله ترجعين مكسسورة..! "
،
دخلها نَاصر بمجلس مغلق
مافيه غير عُمر واقف بطوله وهيبته ..
وعيونه تتفحص شموخ من فوق لتحت..
بإعجاب مخفي!
ناصر رمى بنته قدام عُمر
وقال : هذي هي يا استاذ عُمر..
شُموخ مسحتْ دموعها .. بكفوفها
ماهي مستوعبة ان عُمر جاي بنفسه هو يخطبها !
لا وبهالطريقة المُهينه لها ..!
حستْ بشعور الغبنه ..شلون يصدق الكلام
عنها .. معقولة عُمر مثلهم ماراح يصدقها لو حلفتْ !
هي ماتبيه يتزوجها بالوضع هذا ..!
كانتْ تتخيل انها تتحدا اهلها وتاخذه دامهم
يبونها تتزوج ..
على الأقل تكونْ اهون من هالموقف
اللي انحطتْ فيه وتتمنى الأرض تنشقْ وتبلعها ..
ابوها جبرها ..
وهي طبيعي راح تواقف دونْ تردد
بس تبي تبرّيء نفسها من هالفضيحه
" لازم ادافع عن نفسي دام بابا وقف ضدي
وصدق الفضيحه "
شدّتْ على قبضة يدها ..
ثم اخذتْ نفس طويل ورفعتْ راسها
تناظر بعيونْ عُمر بثباتْ وجُرئه ..!
قالتْ دفاع عن نفسها :انا بريئه من الفضيحه اللي
اتهمتوني فيها واعرف من اللي ورى
هذا كلّه هو...
نَاصر قاطعها وسحبها من يدها لعنده
وقال : يا قليلة الأدب تتهمين
الرجل ما تستحين على وجهك !
عُمر يناظر بعيون شُموخ للحظة
هالعيونْ حرّكتْ مشاعره .. مُرتبطه بجُزء من ماضيه
الحَزينْ ..!
ثم صرف النظر عنها ..يشتت تفكيره
وتقدم لنَاصر ونزل يده من شُموخ
وقال :اتركها يا عمي تتكلم .. يحق لها تبرر
عن نفسها...
ثم التفت لها ، قال : قولي من اللي عرفتيه
يا سِتْ شموخ ..
شُموخ ناظرت بأبوها اللي يهددها بنظرته
بنفسها مقهوره"الله يسامحكْ يا بابا "
ثم صدتْ عنه ،قالتْ : اللي يتبلاني هو
ولد الشييخ مبارك...
ناصر انصدم منها وقال : وش تقولين انتِ ماتفهمين
اقول لك الرجل لا تظلمـ ..
قاطعه عُمر بهدوء وقال : معك حق يا عمي ماهو
ولد الشيخ بس اهدى .. انا اعرف اللي يتبلى على بنتك
مثل ماذكرتْ شُموخ ..
شُموخ مصدومه : اييش تقووول !!!
مُستحيل انا متأكده انه ولد الشيخ مبارك
مافييه غيره ممكن يأذيني..!
ناصر اكثر صدمه من بنته ناظر بعُمر
وقال: وش تقووول انتً اجل من يكون ؟!!
عُمر طلع جواله من جيبه اتصل
على احد رجاله ،قال: دخلوه للمجلسْ..
ثم قفلْ الجَوال .. ونزل بشته اعطاه شُموخ
وقال : استري نفسكْ ..
شُموخ اخذت البشتْ منه ويدها ترجف
من الخوف والتوتر..
عُمر : اللي يتبلى على بنتك موجود قدرنا
نمسكه والحين تقدر تشوفه يا عمّي
المتهم موجود برا..
نَاصر طلع من المجلس المغلق
توسعت عيونه يوم شاف الرجل ماسكته الشرطة
وقال بعدم تصديقْ : هذا انتْ يا طَارق !
واحد من العكسر قال : طال عمرك هذا المتهم
تم القبض عليه من قبل مكافحة الجرائم المعلوماتيه
شُموخ طلعتْ ورى عُمر ..
ورفعتْ راسها طاحتْ عينها على طارق
وقالتْ باستغراب : طااارق وش جابك هنا ؟؟
ناصر التفتت لبنته : هالحقيير هو اللي ناشر فضيحتك
الله لا يبارك فيه ..
شُموخ مصدومه قالت : اييييش تقول باااباا ؟
عُمر بهدوء قال : اللي سمعتيه يا شُموخ صحيح
هذا طارق تم القبض عليه بسبب
فبركة الصورة وتشويه سمعة والضرر لنفسك
ولأهلك ..
شُموخ تقدمتْ لطَارق تناظر فيه من فوق لتحت
وكمية الحقد والقهر بقلبها ..
قالت : لييييه يا طااارق تسوي فيني كذا
قووولي وش سوييت لك اناا ؟؟
لايكون حااقد علي عشان البحثْ!!
لهالدرجة كمية الحقد اللي فييك
خلتك تأذيينيي ..
طارق يبكي ويترجاها : تكفييين يا شُموخ سامحيني
والله كانت بلحظة غضب وماهو نيتي اسوي فيك
كذااا سامحيني تكفيين يا بنت ناصر
ناصر بانفعال : تخسسي تسامحك يالكلب
بتاخذك عقابك وتخيس بالسجن بعد الله لا يوفقك
شُموخ تفلت بوجهه ، من الغبنه فيها
تشوهت سمعتها قدام اهلها والعالم
وطعنوا بشرفها .. ومحد صدقها
غير عُمر .. ! وجيته كانتْ صدمه كبيره لها !!
قالت: تفوو عليك وعلى اشكالك
تترجاني اسااامكك بعد !!
تخسسي عقب اللي سويته
فيني أذيتني وطعنتني بشرفي لك وجه
تطلب السماح بعد ...!
"نرجع للذاكرة للخلف "
-ابريطانيا
"طارق" كان طالب يدرس مع شموخ الماجستير
بجامعة كامبريدج حُلم كل طالب
هالجامعة دخولها والدراسة فيها صعبة جدًا..!
وشُموخ كانتْ من الطلاب المتفوقين
واللي سمعتهم كويسة ويمثلون الجَامعة
طارق كان عنده بحث بمادة صعبه جدًا
وطلبْ من شُموخ تساعده بحكم انها شاطره فيهم
وقرب وقت مناقشته للبحثْ
وعنده نقص كثير بهذا البحثْ
اضطر بهاللحظة انه يتصل بشُموخ وتساعده
وقال : الوو السلام عليكم
شُموخ بصوت تعبانه وواضح الزكمة لاعبه فيها
قالتْ : هلا وعليكم السلام مين معي ؟
طارق : مع طارق وسمعتْ انك تساعدين الطلا بالبحوث
وبعد اذنك ابيك تساعديني لأن مناقشتي للبحث
قربتْ وبحثي ناقص فأحتاج مساعدتك
شُموخ تكح ، قالتْ : هلا فيك طارق والله ودي اساعدك
بس الحين تعبانه وما اقدر ..اذا تسمح لي يعني..
طارق كان متحمس وحاط امالاه فيها
لكن صدمته بردها .. انقهر منها وشد على الجوال
قال: طيب اقدر اجيك في البيت او بكوفي قريب من بيتك
لأني والله محتاج مساعدتك ومالقيت غير انتِ
شُموخ بضيق ، قالت : لا والله اعتذر يا طارق
انا تعبانه وملازمه فراشي مقدر اطلع ولا استقبل
احد في بيتي .. المعذره منك
طارق يترجاها وداخله يغلي وهو يحاول فيها
قال:تكفيين طيب ارسل لك وحده
من الكلاس تجي تعطيك اوراقي ؟
شُموخ زادت الكحه عندها
قالتْ : قلت لك والله ما اقدر استقبل احد انا فيني
حمى واذا تحسنتْ ابشر بالخير ..
طارق عض شفته السفليه مقهور منها
حتى البنت مافادت معها ..
قال : اذا تحسنتِ هاه ..!!
اوك سلامتك وما تشوفين شر ..
باااااي...
وقفل الجوال بوجهها ..
شُموخ : الله يسلمك مع السلامه ..
شُموخ استغربت منه : اوف لهالدرجة زعل
طيب وش ذنبي لي عذري وبكفيك قبلته ولا ماقلبته
روح دور احد غيري يساعدك
وقفتْ علي انا بس .... استغفر الله ..!
،
طارق قفل جواله وحقد عليها
اكثر وقال بوعيد : تساعدين خلق الله
وعيال بلدك لا تتعذرين بالمرض جعلك للبلاء ان شاء الله
والله لا اوريك يا شُموخ صاحبة السمعة الحسنة ..
بس هيّن حسابك معي ..
مرتْ الأيام وطارق رسبْ في المُناقشة حقته
واضطر يعيد من جديد .. هنا زاد حقده على شُموخ
يفكر بأي وسيلة مُمكنْ يأذيها لأجل
يبرد على قلبه ..
راح لملهى رقص يغير من نفسيته شوي
وصادف شُموخ داخله ..رايحه
لوحدة من الطالبات تاخذ منها اوراق الاستبيانْ
هنا طارق ابتسم بخبث
وقرر يلقط لها كم صورة ..وطلع
دخل شقته دخل الصور بجهازه
ثم بدا يصمم عليهاا ويفبرك الصور
عاد طارق مايحتاج فنان في التصميم
ثم دخل صفحته بأسمه المُستعار
بأحد المواقع الأجنبية قلم بنشر الصورة
قال : والله لا تطيح سمعتك بالأرض يا شُموخ
مرتْ الأيام وطارق ينتظر الصورة تنتشر
بس محد ربع لها ..
تخرجتْ شُموخ على خير
وطارق نسى الموضوع والباسوورد بكبره
ونسى حقده على شُموخ
ورجعْ للسعودية ..وماكان حاط
براسه 1 % ان الصورة تنتشر!
،
لكنْ من قَام بنشر الصورة ؟
عُمر من خلال بحثه السابقْ والعَميقْ
وعلى حسبْ ماخطط له لأجل ياخذ شُموخ
ويضمن انه يتزوجها ..!
قام بنشر الصورة على المواقع العَربية
ثم بلّغ على طارق
هنا عُمر قدر
يضرب عصفورين
بحجر واحد ..!
الأول طلّع نفسه مثل الشعرة من العَجين
الثاني اخذ بنت ناصر
رُغما عنْ انفه !
،
* الآن *
طارق جالس عند رجول ناصر يترجاه
قالت : تكفى يا ابو شُموخ خل بنتك تسامحيني
كنت ناوي احذفها والله بس نسيت الباسوورد
والله ماتوقعتها تنتشر بعد هالمدة
والله العظيم ..
نار انقهر ورفسه برجله طيره
قال : تخسي يالكلب تسامحك بنتي
حسبي الله عليك انت ماتشوف الحال اللي وصلتنا له
شوهت سمعتي وسمعة بنتي
لا بارك الله فيك ..يالخبييث
ثم تفل بوجهه : تفوو عليك وعلى
اشكالك يالتذل
شُموخ تبكي وتسمح دُموعها
قالتْ : والله يا طارق ماراح اسامحك
وربي راح يعاقبك باللي سويته فيني
والدنيا دوراه ..
طارق يترجاهم وحالته حاله ..
شالوه من بيته فجأة وجابوه لقصر ناصر
مصدوم شلونْ انتشرت فجأة
وهي قديمة ولا انتشرت عند الغرب .!
مقهوور وحاسْ بالظلم لكن معترف
بغلطه وندمان اشدّ الندم انه
اذاها وطعنْ بشرفها
وخرّب سمعتها ..
ناصر اشر للعكسر ياخذونه
مايبي يشوف رقعة وجهه
ثم دخلْ شاف شُموخ واقفه
وتناظره بعتاب ..
ناصر حاس بالفشيله وتأنيب الضمير
انه تسرّع وظلم بنته شُموخ
واعطاها عُمر اللي يشوفه مايستاهلها
بحكم انه راعي حريم ..
لكن اكبر بعينه لما نقذ سمعة بنته
اللي طاحتْ بالأرض..
عُمر حاسْ شعور الإنتصار راضي باللي خطط له
واقف يشوف السيناريو يصير مثل ماتوقعه بالضبطْ.
وقال بنفسه " والله لا اخليّك تندم يا نَاصر .!"
بكل ثقه قال : الحمد لله يا عمي مسكنا هالخسيس
اللي مايخاف الله ببنات الناس..
نَاصر قال : والله ماتقصر يا استاذ عُمر
عُمر قاطعه : بدون رسميات يا عمي انا الحين
بحسبة ولدك .. واعتبرني زوج بنتك
على سنة الله ورسوله
من هاللحظة ..!
ناصر شاف عُمر كبر بعينه اكثر
ويستاهل انه ياخذ بنته شُموخ
يكفي انه نظف سمعتها من الأرض ..!
قال: بنتي حلال عليك وتستاهلها
واشهد انك رجل كفو والنعم فيه
واكيد بنتي راضيه فيك..
ثم نَاظر بشُموخ متأمل انها بتوافق عليه
قال: بس تعرف القرار الاول والاخير
يرجعْ لبنتي شُموخ ..
قاطعه صوت صراخها من بعيد
نورة جايه بعبايتها
قالت برفض وتهديد : يخسسسسى
تاخذه بنتي....وبنتي ماراح توافق على
واحد مثلك مايشررفنا ..
،
الى هنا نتوقف
" نهاية البارت "
*قِراءة مُمتعة للجميع.
التعديل الأخير تم بواسطة فيتامين سي ; 09-10-19 الساعة 05:54 AM |