[فيتامين سي]

#على_قيد_الموت
ج١ من جيلان
١٧_______١٩
#على_قيد_الموت
17
مريم السعدي
فاروق- مجرد وصلت للكهوه تضايقت خربطت بالحجي هواي. وهاي حتكول لايناس ايناس تشمي لاياد يوووه واياد تعبان يريد يرجع يسمع كلمه حلوه حتكعد تكوله اخوك هيج واخوك هيج هاي شون شغله تعبانه گاعد بالگهوه وافكر دگت امي عليه وره ساعتين رحتلهم بالسياره وصلتهم للبيت عيوني مفاركت دره الگاعده ورايه بس ابد مرفعت عينها وباوعتلي الا لمن حجيت وسالتها
زين دره اوديها لبيتهم لو بيت ام ايناس
دره- باوعت مستغربه بيتنا!!!شمعرفه ببيتنا باوعتله بالمرايه ابتسم درت وجهي لابيت عمتي وي نوسه رديت
فاروق- بداخلي طبعا بيت عمتج سايق الخلفوج اني بس ردتج تباوعيلي وصلتهم ونزلت صل بالي خاف تحجي ماريد مشاكل لو اياد يشيل بگلبه كل عزيز عده الاعز منه وهاي ماخذه كلبه وعقله وصلت للبيت تمددت فتحت حسابي بالفون كلبت تذكرت دره اكيد عدها صفحه عالفيس بس شون حوصللها شوون تذكرت ايناس دخلت على اياد دورت ايناس لكيته دورت باصدقائها همزين منسويه اخفاء نامو اسم دره بس لكيت شجره الدر ضحكت اكيد هي دخلت صفحتها كلبت بيها كلها حكم واقوال دينيه وايات وادعيه جامع الا شويه باوعت المواليد 1987اكيد هي دخلتلها
السلام عليكم
مردت يمكن مفاتحه بقيت اگلب بالتعليقات واصدقائها وجماعتها فلسسته لفيسها ردت
عليك السلام منو
عرفتيني
لا
ههههه ام خدود بنجرتي السياره
ههه هلو فاروق شونك
يعني صورتي شكبرها مشفتيها
مدخلت والله ههه
طبعا اعتذر دخلت بله احم ولا دستور
يابه كلت السلام عليكم طلابه
هم صح باعي بس ردتج بحجايه
گول
لا مو مال رسايل ماحب اراسل ردت احاجيج عادي
اي عادي صرنا اهل هاك رقمي دزيته
ضليت صافن شو سهله هاي اني حتى مو قصدي عالشبكه قصدي عالفيس وبس هالمره وخلص بقيت صافن عالرقم اآخر شي دكيت عالفيس
الو
هلو فاروق
هله بيج باعي بس ردت منح شغله
كول اذا اكدر اسويها
اني خربطت بالحجي وياج اليوم واتمنى ميوصل الحجي لايناس اني شوي شقايه ثگيل ومااتشاقى وي احد صراحه بس شو انتي تضحكيني وحسيتج حالج حال ريناد وسهاد خواتي اخذت راحتي
لا مخربطت عادي شقه وليش داكولها انوسه حساسه ناقصه مغثه هي
مو علمود شي بس اياد فرحان بيها وهي تجي تشكيله تكسر فرحته
زين هم تفكر بي لا اطمئن ماكول شي اصلا اعرف دتتشاقى ويايه
خوش مشكور اخذت من وكتج هواي
هله بيك فاروق
الله وياج ديري بالج على خدودج ههه
متجوز من سوالفك الله وياك سديته ورحت وي انوسه نرتب بالغراض ونحضرها جانت طايره من الفرح واني مكيفه لفرحتها ايناس يتيمه من صغرها وابويه حاول يسد النقص ويكون بمكان عمو بس ماكو مثل حنان الاب افرح من اشوفها فرحانه اياد ترس دنيتها فرح
ايناس- قرب يوم المهر وصارت خمسين مره اكدر البدله ممصدكه واباوع لروحي بالمرايه اتخيل عيونه من تباوعلي اني بحياتي مفرحت هيج فرح اياد چان ديتعب هواي بس مينام الا بحضني واضل اراقبه هو ونايم سوده عليه هلكان باجر مهري اليوم نودي جهاز الولد اخته اللي بالخارج سهاد خابرتني وباركتلي چنت فرحانه بهيج عائله طول عمري احلم يكون عدي اخوه وخوات والله ماقصر ويايه رحيم بعبده جهاز الولد اليوم نودي لبيتهم خالي اخذله قاط احسن نوعيه وامي وصتله سلحه ذهب وچانت فرحانه وهي ترتب الملابس الداخليه والعطور غراض الزيان والدشداشه. والجواريبات مخلت شي ناقص. مثل ماجهزوني جهزته الغرفه كملت بضرف اسبوعين طلعت فرشوها حسب مكالت ريناد وعلكو البردات رحت لبيتهم اني وامي اياد مكان موجود حبيبي جان طالع اتصلت بي كال عدي شغل صبغ تركته براحته مكتله حروح ماريد يعوف الشغل علمودي طبيت لبيتهم الولد جانو كاعدين يشربون چاي وره الغده سلمت اني وامي وكعدنا اني اسولف وي ريناد وزياد كلسا ذاب حجايه يضحكني فاروق رجل على رجل يگلب بجهازه من اول لاجارعني ولا هاضمته
فاروق- يوم ميشوفون الغرفه لعد
يااا نسيت كومي ام ايناس اشوفج الغرفه شون صايره. حلوه تعاي ماما انوسه
اي خاله اباوع كام فاروق فتح الباب المفتاح بجيبه هاي شنو بله باوعتله معاجبني
فاروق- هاج هاي صارت غرفتج ---شفتها معاجبها المفتاح صدفه خليته بجيبي
ايناس- لا خلي مو هسه هه نصيت راسي بدخلتي للغرفه اياد ورايه برجلج اليمنى انوسه ضحكت نصيت راسي طبيت بطبتي هلهلت خالتي كلبي رجف جانت اسطوريه تمنيته بصفي واباوع بعينه اللهفه ويشوف لهفتي اباوع على كل ركن نقش وفاروق بشرح كونه الفصال منه هاي تفيدكم بهيج شي وهاي تخلون بيها فلان شغله. واني اهز راسي راضيه احس العبره خانكتني من الفرح هالغرفه حتجمعنا سوه اباوع لامي تبجي وتمسح دموعها تقربت حضنتني وبوستني لا يوم والله مو وكتج
ام ايناس- اني اليوم ارتاحيت اني كملت واجبي واذا رحت لابوج حيكون راضي عني انتي حتطلعين من بيت ابوج وتطبين بيت ابوج بيت ام اياد احسن من بيتنا مليان حنان وامان زياد وفاروق اخوتج
- اباوع عله عيونها تحجي ودموعها على خدها انداريت عليهم كلهم غرغرت عيونهم فاروق ايده بجيبه يباوعها بحنان
ام ايناس- ريناد اختج طول عمرج تتمنين يكون عدج اخوه وخوات واب وهاي الله عوضج بيهم اني من اليوم بعد تطمئنت عليج اذا الله اخذ امانته
لا يمه فدوه لتوجعين كلبي كافي كمت ابچي حضنتها واشهك رفعت راسي زياد يمسح بدموعه وفاروق التفت عالباب ميريد يبينها اما خاله مكدرت تبقى بالغرفه طلعت و هم تبچي شكد عيب بس ريناد تضحك بقه گلبي مقبوض وفرحان نفس الوكت كمت اباوع بالوجوه فاروق يباوعلي بحنان طلعو بقيت وحدي فتحت الجنطه وعفتها مفتوحه طلعت صار بوجهي رجال ب50من عمره لابس دشداشه بيجي عكد حاجبه من شافني
فاروق- دااصعد فوك متت قهر عليها ابويه اجه من الشغل صارت بوجهه ضل صافن لحد هسه مشايفها نزلت اضحك يابه هاي ايناس مرت اياد
ايناس- نصيت على ايده بستها جرها وحضني باسني من راسي طول عمري جنت اتمنى ابوس ايد ابويه خالي ماعدهم هالسوالف جديين حنانهم وعاطفتهم ميضهرو ها.
ابو فاروق- احنا الباجريصير عدنا 3بناتو3ولد انتي حالج حال ريناد شتردين تامرين
مكدرت احجي مسيطرت على دموعي
فاروق- ابويه ضل صافن باوعلي هزيت راسي غلس يمعود فلم صرنا جوه هسه وانت موهنا عافها ابويه واخر كلمه كالها عجبتج الغرفه كالت كلش حلوه
مهناييين بيها بابا
ام ايناس- فدوه ام ايناس بنتي طايره بيكم ديرو بالكم عليها باوعت لفاروق ابتسم
خاله ليضل بالج انوسه بعيوننا طلعت من عصمتج بعد واليدخل ببيتنا ميعجبه يطلع
اي والله صح مديهلي اطلع ههه انشاء الله عامر بوجود راعيه يله اني اروح
ام فاروق- دضلي عالعشا يا ام ايناس
لا عيني موعد الابره مالتي نلتقي بالافراح انشاء الله باجر هم عدنا كومه شغل انشاء الله يوم لفاروق ولزيودي ابو ضحكه الحلوهفدوه لضحكته حيل احبه لزياد اني
زياد- تسلمين خاله حبتج العافيه جتني الضحكه نصيت
فاروق- طلعت المره باوعتله شبيك تضحك ووجع
ردت اجفص اكولها حبتج ححيه هههه
هههه همزين لحكت
صاير تضحك زين
اه راسن اكلني مو اكلكم متنطون مجال
صعدت فوك فتحت الفون اكلب شفتها لدره فاتحه فيس
ليش مجيتي وي عمتج وانوسه
مكدرت والله بابا مصارله مجال يوصلني
على هاي جان خابرتي اني اجي عليج
لا يابه عليمن ممحتاجيني
ياميحتاجوج غير انكلبت مناحه كلها تبجي عمتج بجتنا
ياااا ليش
شمدريني خطيه علمود ايناس تنهدت يمكن لان يتيمه
اي خطيه عمرها محست بحنان الاب
يمنا انشاء الله تحس سكتت وهي هم سكتت
طلعت من الفيس طفيت ونزلت جوه انضف الحديقه باجر الجمعه تصير يمنا ومنا نروح لبيت البنيه طب اياد للبيت شعره بي صبغ وشويه ايده ووجهه قطرات
ولك هاي شنو
شكو مال صبغ اويلي يابه اخ يمه ضهري
جابو جهازك بس شنو كوله ارقى موديل بس البدله ام ال700
ممم بيها الخير فايت اسبح تعبان
مرتك جتي وي امها ايدي بالزرع اقلم واحاجي
هاه وكفت صافن جتي ايناس عكدت حاجبي واني موهنا طلعت امي من المطبخ
ها اياد حبيبي الله يساعدك
ياامي ليش مجلبتي بيهم عالعشا حان شفتها
يمه المره مريضه كالت موعد علاجها خطيه
خرب اووووف طبيت سبحت ولطعت راسن دكيتلها بينما امي تحضر الغده
الوو
ها حبيبي ريحتج تارسه الغرفه ليش مكلتي حتجين
مردت اعطلك عن شغلك مطولنا هواي ذبينا الجهاز وطلعنا بس اشتاقيتلك ردتك ويايه
اني وياج كلبي باجر تصيرين من صدك مرتي
انشاء الله تنهدت حلوه الغراض
بعدني مشايفها توني طبيت
باجر هم تطلع
لا حبيبي باجر راحه باجر مهرنا اجيج مصحصح تعبان ارنوبتي اريد ارتاح
تنام حبيبي
خل اتعشى وراها انام بحضنج
ماشي
ليشصوتج مخنوك حبيبي
لا ماكو شي بس دااشتاقلك
بس اصبري ويايه حتى اعيشج عيشه مرتاحه گلبي
اريدك بس انت ماريد فلوس والله
اطمءني ماكو فلوس ههه حبيبي غير الم روحي حتى مااتداين
خوش على راحتك
باعي ربع ساعه اتعشى واجيج
ماشي گلبي داانتضر
اوك باي
باي
سديته كملت اكل زياد يحجيلي الصار فاروق ياكل بثگل وامي تسوي لفه لريناد وابويه يضرب على كتفي مكيف بيه حجالي زياد كلشي تدمرت من كال بچت راح اعوضها امها وابوها واضيرلها عائله بس خل تصير ببيتي
فاروق- كمل اكلك ولتضل تسولف نام ارتاح باجر ب12 نروح للحلاق تلاثتنا اخذت موعد
زياد- اني وصيت مزايق رفعت حاجبي ونزلته مرتين باوعتله لاباد ضحك ونصه عالاكل
فاروق - عليش قابل زففه نترت بي
الغيها؟باوعت لاياد ورجعت باوعت لامي
لالا يمه عوفها نطبلهم بزفه اني افرح بيها لخاطري
فاروق- ضلو ضلو خربطو عفتهم وصعدت فوگ
ريناد- مااعرف شبيه احس راسي يون عليه وبس ادوخ وحراره بجسمي وخدودي نار
زياد- رنوده شبيج عكدت حاجبي وجج احمر يوم باعيها
ريناد- ماادري نفسي تلعب
زياد- شو تعاي لزمت كصتها ولج هاي مصخنه
ريناد- باوعت لامي
ام فاروق- كومي شربي هذاك الدوه عالرف بالملحق
شربت بدت نفسي تلعب اكثر واحس بدوخه
اياد- شبيج لج شو باعيني دايخه نترت بيها
صدك حسيت الدنيا تفتر بيه وبعد محسيت بشي الا واني بفراشي زياد يسويلي كمادات وفاروق ديمسر الابره باوعلي ها صحيتي
ريناد- ماه ماه ماريد ابره اخاف
اهووووو شون وي الزعط فضيها صخونتج 40
ماما حبابه كوليله
ماما لازم تضربيها شون طيني فاروق اطلعو من الغرفه هاي تستحي
ديله عيني ساندرا بلوك
ضربتلي ماما الابره ورجعت نمت وعيني على فستاني المعلك بالباب مال الكنتور باجر راح البسه باجر خالاتي وعماتي يجوون يمكن ياسر هم اخ كلبي هسه وكت مرض بله بس يله حتى خدودي تصير حمره ههه بس خاف مااكدر اروح ابقى دايخه -------
يتبع
#على _قيد_الموت
18
مريم السعدي
ايناس- صباح المهر حسيت باوعت بوجهه تعبان حبيبي ونايم بتعب وعمق كمت على كيفي سديت الخط ساعه عشره الصبح بس سديته دكت خاله عليه
صباح العرايس يمه يله كومي سبحي نص سلعه احنا يمكم عدكم گهوه
اي خاله هه بعيني كمت راسن دره دازه ميت رساله تكعدني بس جنت فاتحه خط وي اياد فديو فمشفتها توني اكوم من الفراش طبت متخوصره بعد ضلي فد ساعتين كومييي عاد ورانا حفيفه وصبغ
اي يمعوده اي الله يعينه الياخذج
عساه مااحذني
هاي شبيج
مبيه شي يله فضيها شكد فاهيهههه يبوو
طبيت غسلت يمكن ميت مره دكت باب الحمام عليه طلعت توها خالتي جايه هلهلت خطيه خجلت طبيت للغرفه راسن بدلت ولبست حجابي وطلعت
دره- ب11 الا ثلث اكلتي شي
لا هو طيتيني مجال
لج يمه متواعدين ب10وي المره
اوهووو تره ابطل
لا والله يله خل نبطل عوبه مو موتتي روحج عليه
ههه طلعت بوست خاله لعد ريناد وين
مريضه عفتها نايمه ورجلج هم نايم بس فاروق وزياد دينضفون بباب البيت صبوها البارحه واليوم ديشيلون الباقي مال رمل والحصو
ماما ايناس سويتلج لفه جبن وعصير يلزم كلبج
اي ماما عاشت ايدج خاله البدله اخذها ويايه
اي لعد شون يعني هنا تبدلين
اي
هاهي لعد يله امشي دره خبصتج مو هههه دمها حار هالبنيه ممنوع الغلط هه
ايناس- طلعنا وصلنا السايق مالتنا للصالون
الصالون جبيروخبصه من طبيت صاحت ام الصالون على ثنين وياها وكالت كعدي بدو حفيفه وجهي اول مره اخذه كله تملخت كل مره بس انضف الحاجب والشارب هالمره كله بقيت مغمضه حسيت بدو يغسلون شعري من الصبغ مااختاريت اي شي كله دره وخالتي حسيت رجه بجيبي اياد هذا اياد اكيد دره بيش سلعه بعدني مغمضه
ب12ونص
ههه هاج فتحيلي خط جان الماسك بوجهي ماشوف الوين ادوس بالشاشه
هاج
الو
حبيبي
ها حبيبتي صباح الخير
هههه صباح الضهر
شبعت نوم اخ يابه ضهري تكسر
نوم العافيه
دتسوين
شمدريني مغمضه ومدري شديلطخون
ههههه ديبنون
اي والله
حروح للمزين اني حيلبخولي
ههه لتصبغ طرف سكسوكتك
لا ماسوي سكسوكه حسوي شارب مدام ثخنان
اللله
تحبين الشارب
اي احبه ههه
بعدين يموم يضوجج همست
هاي شنوو صاير وكح
مشتاقلج والله
اني هم
شيجيب باجر
ليش
باجر اجيج الصبح اووف ربييييي
لتصيح هسه يجيك فاروق
شسويله بعد
فاروق- يلههههه اياااد فضها فوت اسبح
يله حروح
ايناس- ها هههههه
مو دنروح للمزين ههههه لا لج
والله خايفه لا بفد يوم كاعد يمي بالغرفه ويصيحك وتنزل طاير
لا بذاك الوكت اعمل نفسك ميت هههه
خوش خل نشوف
باي
هلو حبيبي
ياترى راح اعرفج
اي مو هالحد
الله اليعلم بعد بيباي
باي ههه ذبيت الجهاز بجيبي كملو شغل بدو مكياج حسيت بي واشتغل التجرجربشعري كمت اغفي كعدت على صوت دره تحاجي ماما على موعد الابره اباوع لروحي معرفت نفسي مو شغله حسن وجمال بس شغله مستغربه المكياج وي الحمره والتسريحه غيرني وكفت اخذت صفح اباوع رفعه التسريحه باوعت لخاله دمعت عينها ماما شحيصير بيها لعد غطوني وطلعت انتبهت عالسايق يباوعلي يبتسم عمي سلمان من جنت بالمتوسطه خالي مخلي يوديني ويجيبني نصيت راسي وصلنا للبيت عماتي موجودات وخالاتي ومرت خالي والبنات هلهلو ماما طلعت ركض شافتني خلت ايدها على وجهه تبجي ياعمري لتبجين شون بله
دره- عمه فدوه لعينج هسه تنصب مناحه وتبجي ويخرب الشغل صار ساعتين نشتغل
هههه طبيت لبست بدلتي وسمعت صوت سيارات وهورنات شبسرعه مديت راسي دررره تعاي سوي السحاب
ولج جوي
ادري ادري يمه گلبي حيوكف
علكيفج سويت السحاب عدلت الاسقي باوعتلها شنو هالجسم البدله لونها بيجي مخ صره على طولها والضهر بي فتحه تخبل عليها التسريحه نازله على ضهرها الشامه الجبيره اللي بركبتها بينت محاسنها اكثر. طبو الرياجيل بالهول الجبير من الباب الخارجي مال هول والنسوان من باب الصاله الخارجي صاير باب بصف باب عالخديقه يطلع ومن الحديقه عالشارع البيت جبير حلو للكعدات طبو الزلم كلهم وطبو عمات الولد وخالاته كعدو اباوع عليهم بس عينهم عالاثاث والبوفيه والله يا الله يختلفون عن ام اياد وبساطتهم مو حقه فاروق متعقد من الفيكه -----
ايناس- بقيت انتضر خاله طبت نزعت مداليه بيها خرزه زركه من ركبتها لبستها الي باوعت بعينها ابتسمت. كالت اخاف يحسدوج ماعدنا هيج حسن
اعرف هي دتجاملني بس كلامها وحده يهدا الخوف والحرج اللي بداخلي
دره- عمه اجه السيد
اي يمه جاهزه
دره- عزه بعيني بعدني ملابسه
ايناس- يوم الاركض بعرسج
دره- افتكرينا حاگه عدله ابدل وهي تباوع
لج لتباوعين
والله عليج جسم بت خالي صببه هههه خليجي
هههه لبست كوستم مرتب كيف بس مستر حيل لونه ابيض مال مهري الجابو بالجهاز اهل الولد مجرد تكسيمه على جسمي كافي ميحتاج تخلع بعد خليت شال على شعري تقربت من ايناس اباوعها ترجف
شبيج
ماادري خايفه وخجلانه حتى بردانه
هههه تره احنا بحزيران خرب ههه هاي شحتسوين بالعرس
والله مادري صاحو اجه السيد وكفت
يله امشي طلعت وراها كعدت بين الفجباب الفاصل بين الهول والصاله ---
ريناد- كعدت لكيت امي رايحه والبيت فارغ بس بابا ديرش بالحديقه بابا وين ماما
راحت يابه لبيت البنيه
واني ويامن اروح
ويانا
شنو بنص الولد،
اني وياج باباتي شون صرتي ايوم
راسي حيطك
وجهج احمر
ادري دااحس نار يطلع منه
ميخالف اشربي الدوه هسه تفكين
اي بابا طبيت اكلت غسلت وجهي ولبست ثوبي كوه امشي توازني مختل سمعت هوسه الولد وزياد يصيح خبصنا سويت شالي وخليت ببطن عيني كحل خفيف. اباوع لروحي للمرايه بعد 15يوم النتايج واني ميته خوف طلعت لكيت فاروق يلغ مثل الرباط قماش داير مداير خصر اياد وزياد يلبسه الفصوص بدل الدكم بالستره
اياد- هااا هاي هنا شو متروحين
ماما عافتني
زياد-شون صرتي رنوده
زينه احسن
زياد- احنا نوديج موو
اي لعد شون اروح
فاروق- اخذتي دواج لتسوينا عرس هناك
ريناد- اخذته
فاروق- تعاي يمي اشو لزمت كصتها نار باوعتها بقلق ولج انتي تفورين
شسوي نصيت راسي اياد مخوصر يباوعلي احس يكولي بعينه مو وكتها طلع بابا من الغرفه طالع حلوه صعد فاروق عالبوفيه جاب شيشه عطر عطره هواي
زياد- انت العريس ابو فاروق
انشاء الله يجي يوم افرح بيكم كلكم
زياد- الله كريم خل نخلص من الصغير متحمل ينتضر ابو الحب
فاروق- يله يابه هذا ياسر اجه والولد كلهم بره.
اياد- انتي لتطلعين اخر شي يله باوعت على ايناس روحي طلعت بنص الولد. راح. تمشي طلعت لكيت نص شباب العشيره جايين سلمنا وكعدنا شوي انلمو احس روحي موديلز طالع هههه وفاروق كلسا جاي يمي يعدل لو ياخه لو رباط لو الساعه لو المحزم القماش عرض شبر كام الوالداجاه تلفون من الجهات العليا
زياد- يله يله اصعدو
ياسر- صعدت واباوع على باب البيت اياد فات وفاروق ضل ينتضر بباب المطبخ. المن يردون النسوان وراحو التفتت واشوف الكمر فدوه لمحمد باع خدودها تضوي تثرب زياد خله ايده على كصتها خرب والله اذا صارت الي حتىى من اخوها البسها عباه. بقيت متسمر بمكاني غير ادير وجهي باوعلي فاروق عاكد حاجبه انداريت راسن هسه انطرد طبيت بالسياره وسويت روحي داشغل اغاني اباوع بالمرايه ورايه من جوه ليجوه صعدوها ليوره زياد بصفها فاروق واياد ليكدام هلكد يخافون عليها عمي حقهم وصلنا لبيت العروس ونزلو الولد للحديقه بقيت بالسياره ابحوش اخر شي يله نزلوها نزلت وي نزلتها ابتسمت لاياد ونضره خاطفه شفت عينها على حذائي همزين لمعته زايد. ههه رفعت راسها بسع ونزلته يمهههه كلبي عينها تخبل بس ذبلانه ومدمعه خشمها احمر
زياد- فوتي وراسن كعدي يم امي
ريناد- اي طبيت للبيت من باب الصاله اباوع بالوجوه كلهم غربه اخيرا لكيت دره. ابتسمتلي اشرت تعاي هنا تقدمت كعدت يمها ماما وين
يم العروس ميصير نروح يمها ههه حتى تسمع زين خاف ناثر عليها ومتسمع حجي السيد
ها انداريت بالصاله الداخليه لكيت عماتي ياا وخالتي هيانهم كمت سلمت عليهم ورجعت يم دره
دره- الرياجيل كولهم كعدو
ماادري والله اخوتي كبل طببونيزهنا وفاتو للغرفه اللخ
ها باوعتلها عبالك مالج خلك
ماادري بس دوخه ولعبان نفس
خاف ضغطج
مادري
دتعاي خا اقيسه الج اخذتها لغرفه عمتي قست ضغطها شفته صاعد كلش ولج صاعد ضغطج شنو الفلم
شون شسوي
تمددي ارتاحي
لالا ماريد خل اشوف ايناس
كيفج بس كعدي مرتاحه وكلسا شربي مي
اي ميخالف رجعت كملو عقد وهلهلو وطبت ايناس مثل الورده وكفت بوستها ورجعت كعدت تصفق وهلاهل واغاني ودخل اياد خجلان حبيبي ومنصي راسه والجكليت والهوسه تدك براسي دك اباوع لدره تباوعلي لبست شالها من دخل اياد لبسها الذهب لايناس
ايناس- فات خجلان حبيبي ارجف وكف بصفي حسيت بلمسه ايده طخت بايدي يباوع لامه يبتسم وامه تاشرله بوسها من راسها اندارعليه ميباوع بعيني اخر شي باوع بلحضتها ذبلت عينه ودمعت اشوف تفاحه ادم تتحرك وتصعد وتنزل يبلع ريك اتامل كل سم من وجهه وملامححه وهو دايخ بعيني تقرب باسني من راسي همس بهالقرب ----
اياد- مدا اكدر اوگف ببعد
ايناس- اشرتله اكعد عينه نزلت على الشامه اللي بركبتي ابتسم باستغراب كعد وكعدت بصفه منصي يباوع على كعدتي --- لايك القاط عليك
وانتي كمره احاجيها واباوع بحضنها اخاف ارفع عيني وتصير نضره على شي النوبه اتخبل والناس كاعده عذاب قربها عذذاب شون حتزوجها بله حقه فاروق يكولي حتصير خروف الها على هالحب اوف ربي جابو الذهب وبديت البسها الكلاده وامشي طرف اصابعي الترجف علو محور ركبتها اني ابو النسوان والمغامرات داارجف رجع بيه الوكت من يوم الذبت النسكافي عليه من اول سمطه اويلي الله من اول مره عرفت اني منو من اول نضره وهمسه حب وهاي كدامي صارت الي وكلها اسبوع لو عشر ايام وتكون بغرفتي ومتنام الا بحضني بعد لبستها التراجي اذنها صغيره غمضت وميلت بركبتها تدغدغت لبسنا الحلقه ولبستها اويلي يا الله هسه صارت صدك من صارت حلقتي بايدها امي تهلهل على انغام كلبي اليرجف جروها عماتي ترگص. كوه تميل بجسمها مباوعت ولا ورطت روحي ريناد مامو وينها اتلفت وعيونهم عليه. جريت هدوم امي وينه ريناد
هيانها كاعد بسراك التفتت بعد عني نفرين كاعدين بصفحتي حاتات ثنين حلوات بس كمري احلى اشرتلها شبيج
ريناد- باوعلي يمكن يريد اشاركه فرحته وكفت بوسته وكفت يمه مبيه حيل اركص والله. اباوعله مبتسمه تقربت من ايناس بستها باوعتلي مستغربه وج انتي نار
ماادري دايخه طلعت غسلت وجهي باب الهول انفتح ديوزعون اللفات والكيك. والعصير خالهم يمكن هذا صاح
شويه منا بابا الشباب تبينين
اي عمو باوعت لروحي لابسه حجابي بس هم ميصير حقه شوي وطلعو بره ودگت زفافه اياد طلع وشالو فتحو البردات مال الصاله الجام مضلل ضلو يباعولهم للولد من ديركصون اني صافنه على اخوتي يردحون فاروق واگفدبثكل يصفك واياد يركص وياسر شايله چانو كلش فرحانين نزله لاياد وعدل هدومه جانت دمكمتين مفتوحه من صرته ليفوك اندار عالجام وعدل روحي عباله محد ديشوفه غرت لان كل البنات شافو ضجت هيج شارك احساسي توه نضره بس ميت واحد يباوع من ارجع من المدرسه ليش هذا هيج اثر بيه ضلو يهوسون نص ساعه وتدك المزايق براسي احس شويه وراحو كل الشباب بقو يمكن بس اخوتي وابويه وولد عمتها وخوالها بالطرمه بيتهم جبير حلو الصاله كامت تفتر وي البنات الديركصون بس اني كاعده ولافهزالشال الله يچرم اخت العريس دخت كلش مكدرت وكفت فتت للهول فارغ كعدت طبت دره بيدها اللفات
ها ريناد اكلتي
لا ماريد عفيه
زين هاج لبن بلكن ترتاحين بله ملح هذا
شكرا وكفت اخذه بتعب ماريد اردها وتضل تلح ماريد حجي وادوخ واوگع. ماحس بشي بعد
دره- يا عزززه لج ريناد كومي. خاله خاله تعاي
ها يمه شكو
خاله ريناد تخربطت
يايمه ركضت عليها للهول وجهه اصفر وشفافها ترجف يمه بتي عفيه دره بس صيحي فاروق بره فدوه
اي خاله لبست شالي صحت ياببه
ها بابا
بابا صيح ابنهم. الجبير
اي شكو بس
مامو شي بس صيحه
فاروق- سمعت صوتها استغربت شعجب طلع حسها والكل شباب كاعدين صح كرابتها بس هم اصدقاء الولد. مااعرف شصار بيه اجه ابوها باوعلي تعال امك تريدك
شكو
زياد- هاي ريناد بيها شي طبعا من طبت. مو على بعضها
فاروق- اكعد انت هسه اشوف شكو طبيت وره ابوها اشوف العوبه متمدده ووجهه اصفر ركضت كعدت على ركبي هاي شبيها بتج حتخبلني رفعت راسي اشوف غزال ابتسمت رفعت حاجبي نسيت ريناد اختي لو مو اختي لابسه كوستم مستر وممستر كصيف ولافه الشال بيدها جهاز الضغط وايد اللخ عطر بس عليها جسم مصبوب صب دنگه رفعت راسي ابتسمت ورجعت نصيت غير تروح الضحكه الموقف المفروض يقلقني ربي لتذب الضحك عليها والله مو وكتها صحصحت ريناد
دره- هاك قيس ضغطها تره ذيج الساعه جان مفول
مفوول باوعتها ابتسم شكد يعني
زايد 3عن الطبيعي تره اعرف ومو وكت تصنيفك نترت بي تره الضغط بالارتفاع خطر
ادري يابه ادري باوعت لامي ترجف شبيج يمعوده ماكو شي هاي كعدت مثل الصطل من اكل الجباسه ى
نزعت الستره انتبهت عينها على جسمي واني اخر نوديل لابس القميص سبورت لزك وجسمي مرتب عبالج لعد بس انتي تفرين راسي راحت امي تحيب عبايتها لان مو مال تضل بعد باوعت لدره ريناد وكفت تغسل عالمغسله باوعتها لج طلعتي صدك غزال غمزت
انت اكبر انتهازي طبعا هزيت راسي اضحك احنا بيا
بيا حال باعيها ماتت كلشي ماعليها انتو البنات متموتون
هااه رفعت حاجبي باوعت بعينه ضل يباوع لملامح وجهي مبتسم تخبل ابتسامته من يجبرها تروح وتجلب
يتبع
#على-قيد-الموت
19
مريم السعدي
فاروق- كملت امي واني اباوعلها شلت الستره بطرف اصبعي شمرتها وره ضهري باوعتلها رافع حاجبي تباوع وتدير وجهه جانت واكفه بمكانها وجهه عليه بعد اربه مترات اتخاف تمشي وتبين ملامح جسمها لا ن التنوره حيل كصيفه واني واكف اليوم لو اني لو انتي صار عدي فضول اشوف انحناءات جسمها استغفر الله -----
دره- طبت امه واني اخاف اتحرك واكفه منتجيه بالحايط اذا اندار فضيحه التنوره مكسمه
ام فاروق- يمه لعد وين الشمعه الجبيره حتى اخذها ويايه جيبيها
دره- ها اي خاله
فاروق- اشرتلها بحاجبي يله روحي بسخريه هي فاهمتني واني احب احراجها دارت وجهه تمشي بثكل علكيفها حتى متبين حركه جسمها بس وين يبوووو ذاك التجسيم الرهيب اشتعلووو اوف يمه عركت انداريت على امي --- يوم شوكت تزوجيني
ام فاروق- هااا بس گول ياااه زوجنا وخلصنا منه كام يحوص الاكبر منه
ههه لا يوم اتشاقى جتي ريناد وجتي ام ايناس بيدها الشمعه بعد مطبت دره طلعت اخذت الولد ورحنا سيارتي مكفت زياد واياد راحو وي ياسر اخذت امي وريناد وطلعت
ياسر- طلعت مسنوده على امها وگفت بدون ناحس على روحي اياد بصفي چان شافني وگفت باوعلي نسيت نفسي من شفتها هيج هاي شبيها مريضه باوعلها گال
ها تخربطت
اي يمه خل تروح لازم اوديها للدكتور هاي تخوف شو ضغطها ديصعد
ياسر- يابه كلبي راح شبي ضغطها ديصعد تمشي ذبلانه وجهه بلا ملامح حسدوها خرب حضي صعدت السياره وي فاروق بقيت اباوعلها صافن امها صعدت وابوها نسيت عيوني عليها اياد اندار ضل صافن عليه عاكد حاجبه درت وجهي طلعت حجه --- ااا تره تاير اخوك نازل مااعرف شون دبرتها عساس داباوع عالتاير
اياد- مممم عوفه هو يحير بروحه تنهدت كلتها ببرود وراح افگس عينه انتبهت عينه تلاحگها وين متروح ويلغمط السالفه بس عليمن على النسيونجي منا وهيج ممنوع يشوفها بعد وصلني للبيت وچان سرحان الطريق كله زياد اتصلو بي خطيه من السجن اليوم مناوبته بليل تبدي وهو ميت تعب اول مطبينا طب سبح وبدل بدلته وراح واني بعدني بالهدوم تذكرت من جنت صغير وابقى بعدوم العيد لليل وامي گوه تنزعهن الي
ابو فاروق- ها ياب روح بددل
اي يابه باوعت لريناد متمدده بالهول هايوم شون صارت هاي
ام فاروق- هي زينه بس شنو سالفه الضغط والله حتخبلني بعدها شكدوتها
اياد- بقيت صافن وبالي يم لعابتي
فاروق- نزلت شفته واگف بالكليدور الممر. ها شو ممبدل شنو مكيف بهدومك
ها لا هسه ابدل
خاف تريد تروحلها هو انترشكو جيت لو باقي شوي گاعد وياها بعد وكت توها ب8
اياد- بقيت اتصفن انداريت على امي يووم يصير اروحلها لو خالها يگوم يحجي
لا يمه خليها لباجر البنيه هم تعبانه عيب من اهلها العشيره كلها ببيتهم
اياد- خوش فتت للغرفه لحد هسه غرفه عرسي مطابلها ميخلوني ابات بيها وابويه متهجول غراضه بغرفتي وينام بغرفه ريناد توني اكعد ارتاح داانزع حذائي وصلت رساله وره رساله فايبر صورها مال المهر كعدت اتفرج براحتيمبينه كل تفاصيل جسمها المكدرت اتامله كدام العالم فتحه ضهرها الابيض ركبتها الشامه الجبيره البيها اللعبت بيه طوبه وراها دزت صورنا دنلبس الحلقات والذهب خجلي وركصنا ضحكت هاي اني صدك حتزوج صدك هاي صارت مالتي دكتلي واني مكببر علو وحده واضحه رديت
الو
الو
سكتت هي هم سكتت لهنا خلص الكلام فتحت فديو وره شوي بعدها ببدلتها وبعدني ببدلتي كامت وكفت اتفرج على جسمها وقوامها فلت تسريحه شعرها نزل ملفلف اندارت ابتسمت بهدوء ذاب گلبي فتحت الرباط ونزعت الستره تباوعلي ساكته واني ساكت مبتسم مرت عشر دقايق لسكوتنا همست
احبج
نصيت راسي اعرف ابتسمت
حروح ابدل وارجع اتصل بيج
ماشي اني هم سديته بدلت وره شوي هو دك فتحته لفتي بيدي دااكل ضحكت
ههه ها ام بطن
طيبه اللفات؟
اي تخبل بس ياسر اكل اربعه سكتت باوعت بعينها نصت عالقوطيه مال ببسي مر عليها الاسم عادي متاثرت بيه الحمد لله جريت نفس
شعرج يخبل هيج ملفوف
باوعتله بخجل مبتسمه
اكولج شنو هالشامه غير سطرتني
موجوده بس انت مشايفها لان ملابسه مدلع من احاجيك
ايداليوم يله انتبهت بس غير تخبل تدير هاي من تتحاوط بحمار شون تصير
اياااد خزرته
شكو بعد شكووو مالتي صرتي،
شاربك هم جان كلش لايكلك
ممم تنهدت باجر اجيج من الصبح
وين
لبيتكم غير
عماتي باتو غمضت عيني قوي
اهووووو عمدت حاجبي شون ابوكج منهم
شتريد ليش تجي باوعتله ميتسمه مو عدك شورجه باجر
اريد اجرب شي وياج باوعتلها ذبلت مجرد فكرت بهالشي
نصيت راسي خجلانه مااعرف شسوي ردت بس يسد الفديو
باعيني
ماه درت وجهي عنه
وياامن رفعت حاجبي
رفعت راسي بخجل عيونه سكرانه وحمر
اريد ابوسج
كلبي دك بسرعه ابتسمت نصيت
شبيج احجي
خايفه
ليش
اول نره اجربها واول مره راح احس هالاحساس بس انت اعرف بيك مو اول مره
ليش الحلال مثل الحرام واني متمنيج صار سنه
خاف تتذكر اول وحده بستها
اشششش ليش اني دااتذكرر احد من اباوع بعينج حتى اسمي انساه طلعي هالتفكير من راسج بس تدرين خايف عليج
ليش عكدت حاجبي مستغربه
اخاف افقد واذيج ارتجيت عالتاج مال الجربايه ذبلت ورخت كل اعصابي دگه كلبي السريعه دمرتني
اني الزم وجهك واگولك على كيفك همست واحجي ماباوع بعينه
بلعت ريك تنهدت باوعي بعيني وعيدي الكلتي
رفعت راسي الزم وجهك
شون
اشرت بايدي يم الشاشه كانما هو بين ايدي وجهه غمض عيني
اوووويلي يمه ايناس فتحيلي الباب راح اجي هسه
اذا جيت تلگه عماتي كلهم ديصورونه هه
لا هههه
والله
ماشي باچر
الله كريم طبت دره مكفوشه وبيدها المهده تريد تنام
تعبانه حبيبي
اي والله
واني هم ميت تعب خل ننام يله
اي بس
بسيش شبيج
اني اليوم مااكدر افتح فديو وياك
ليش بلههه تخوصرت بنتره هاي جديده مصدكت عقدت
دره- نريد ننام يمعووود شون يعني
اياد- هاي شنو بس لا سمعتنا
ههه لالا توها جتي تنام يمي اليوم سورري باوعتله بتوسل
اليوم استراحه منا وهيج ممنوع --قاطعتني
اساسا اليوم مراح انام لان مو على نفسك
انتي صدك تحبيني لو بس تعلق
انت شتكول رفعت شعري ليفوك يباوع على حركه ايدي
عوفي مرفوع حلو يبين وجهج غمضت عيني تعبت اريدج يمكن مراح اكدر اتحمل اكمل الاسبوعين
ههه يله باي
باي سديته وحاقد على دره تمددت انام بس اتگلب تعبت لحد مغفيت الف ياعلي حسيت الصبح ضوه الشمس ضرب بوجهي باوعت عالساعه ب8 بدلت وطلعت كلها نايمه امي ابويه ريناد فاروق وزياد مو بالبيت اخذت تكسي عدل للجادريه طبكت بباب بيتهم نزلت شفت عماتها يروحون كلهم فد كيه صعدو سلمت عليهم وطبيت مشيتي براحتي جانت كلش ماثره بيه حسيت نفسي واحد منهم ومرتي جوه متلهف اخذها بحضني متلهف اشوف ضعفها بيدي وصلت النطبخ دكيت الباب
ام ايناس- منو
ااني خاله اياد
هله هله يودي تعال تفضل
صباح الخير
صباح العرايس يمه
هه خاله كعدت ايناس
لا يمه نايمه هسه اكعدها الك
لالا عوفيها. اني اگعدها
يمكن دره يمها
دره-عمممه
ها يوم ها ي كعدت دره
دره - من هنا مديت راسي رجعت راسن
اياد- نصيت راسن لان متدري بيه هنا فاتت ركض
ام ايناس- فوت كعدها ماكو احد بالغرفه ههه هسه تكيف كعدها واطلعوحتى نتريك سوه
عاشت ايدج همست ذبيت حذائي وطبيت بهدوء شفت خالها متمدد بالصاله اوو هذا هنا مراح اخذ راحتي والله اخذها واطفر لبيتنا فتحت باب غرفتها مااعرف شصار بيه صار 4شهور اشوفها وكانما عايش بيها بالكام وبالواقع اول مره اشوفها تقربت من فراشها نايمه وحاضنه المخده اوف يابه تنكرط جريت المخده غرت سوت
جججججج رجعت عالباب قفلتها على كيفي ردت بس دقايق وياها بهالدفو شلت الفراش مخليه ايدها على عينها الساعد نمت بصفها وانحشكت بركبتها جسمها دااافي مال النوم التفتت عليها حضنتني ونت شوي اني بديت افقد من داامشي شفافي على ركبتها حاوطتني بايدها يمكن عبالها مخدتها حسيتها جمدت ابتسمت همست شنو هاي
اني بحضنج
انت يمي لو فاتحه كام لو دااحلم
ماادري حضنتها قوي عصرتها شهكت اياد
عمري تخبلت من صاحت اسمي فتحت عينها باوعتلي دفعتني ضحكت
ههههههه
شجابك هنا شطببك
خاله گالت فوت گعدها دنتريك
انداريت على فراش دره ملابسها الداخليه من تنام تنزعها خرب غطيتها للملابس بالففراش منتبه راسن وكفت امشي اطلع
معليه تمددت بفراشها تغطيت
اياد حباب خالو هنا
واذا لج انتي مرتي
والله اخجل فدوه
تنهدت كمت عدلت فراشها اباوعلها صافنه عليه
يله شبيج امشي غسلي وجهج دناكل متت جوع
اي همست وكفت عالمرايه كعد عالجربايه يباوعلي شلت شعري ليفوك وخليت حمره فاتحه ابتسم
هاي ياطعم
باوعتله هاه
الحمره ياطعم احجي مبتسم احب اخجلها
تقربت منها شو خل اضوك
اياااد دفعته
لج لتدفعيني تنهدت امشي بدلي دنروح بيت ابويه حمووت
ماه فتحت الباب مقفوله صدك تحجي
اجيتها حضنتها من وره انهزمت وفتحت الباب وطلعت بسيطه بسيطه عدلت روحي. وطلعت خالها توه گام سلمت عليه رد باستغراب شسويله شيكول خلي يگول مرتي صارت بعد فرشو الميز بغرفه الطعام وخلت امها خطيه اشكال الوان وايناس. تعدل بالميز وعينها عليه مستغربه وجودي وفرحانه جانت مثل الفراشه واني الوب اريدها بحضني حتخبل تريكنا وخالها گعد يسالني شنو اعمالي وهاي حجيتله عن كلشي كال
اريد تصبغ بيت الحجيه وعدهم كم بوري مكسور ليش اجيب غريب واذاماعدك مجال كول عادي
اي عمي شكو بيها باجر من ارجع من الشورجه امر
اني ادزلك سلمان بس ها تاخذ فلوس واذا متاخذ تره ماريد
لاياب شنو. السالفه فلوسيش احنا اهل
لعد اشوف غيرك
شون يفوت غريب وايناس باوعت ضحكت عمي اخذ الضعف بعد ههه
هاهي لعد باجر من تجي من الشورجه دك تلفون لسلمان
ماشي عمي كملنا ريوك اباوع الساعه ب11 باوعت لايناس اشرتلها يله
ايناس- ماما حروح لبيت عمي
ليش يمه غداكم هنا ابقو
الخال- يله ام ايناس اترخص اني يله درره
اي بابا جيت باوعت لايناس خزرتها اشرتلها تجي على صفحه باوعت بعينها ديري بالج عروحج فتهمتي مو تاخذين راحتج بعدين يطلعها من خشمج تره من تتزوجين
اي اي خوش راحت وسدو الباب امي فاتت للغرفه هو كاعد يباوعلي مبتسم براحه مشيت من يمه وكفت عالسنك جرني قوي واخذني لغرفتي خربت ضحك وخوف
تلعبين باعصابي موو سديت الباب قفلتها صهرها عالباب دفعتها لزمت ركبتها غمضت عينها قوي
هاي شبيج
مادري
ههه خبله همست تقربت منها فتحي عينج باعيني شووو
ماه ماه
لتعاندين قويت لزمتي على ايدها فتحت عينها برقه الفراشه عضيت شفتي تقربت بستها برقه كامت تتنفس سريع ارتفاع وانخفاض بعضلات صدرها وشفافها ترجف متعتي مراقبتها تذوب وتتاثر رجعت تقربت غمضت بقيت بهالقرب نفسنا واحد ترجف بيدي متقربت بعد بس صافن على ملامح وجهه الذايبه فتحت عينها تقربت هي تخبلت من حسيت رايدتني بقيت بمكاني وصلت شفتها لشفتي مكدرت فقدت محسيت الا وهي لازمتني من وجهي مثل مكالتلي وتهمس حباب دااتاذه ابتعدت شفافها متفطره وشوي دم ابتعدت بلعت ريك اتمالك روحي اتنفس سريع وارجف وهي تتلمس خدي بايدها الاثنين
احبج
اموت عليك باوعت بعينه عبالك جنت ميته
هزيت راسي انتي كل حياتي
ابتسمت تقربت على صدره حضني قوي
مدااكدر اوكف بعد
نكعد
لا ننام نيميني بحضنج تره البارحه منمت
ماما موجوده
ماسوي شي بس اغفه على ايدج اريد اجربها بالواقع
باوعت بعينه اريد اامن واخاف باوعت للفراش فتحت الباب من قفلها وطفيت الضوه
شنو حتسوين حتنزعين
جج تمددت تقرب فتح الحزام
هاي شنو دتسوي
لا ضايقني اكلت هواي بس اشيله وانام
اوك تنهدت براحه تقرب نام مديت ايدي باوع بعيني نام عليها تراكسودي ردن طويله جان لابس قميص نام على ايدي اتمنى اقربه لصدريدبس ميكعد راحه اريد احضنه قوي بقه يباوعلي بقرب محدود واني اباوع بعينه كلسا يبوس جوه راسه ايدي ويرجع يباوعلي اخذ ايدي الثانيه مشاها على ركبته. غمض براحه ورجع باوعلي
يمكن من اتزوج مراح اطلع من الغرفه
نصيت راسي
ليش تخجلين مني رفعت حنكها تقربت بستها بسرعه ورجعت ماريد اجبرها على شي ولا اريد ااذيها كمت اغفي على عطرها وومصدك صدك نايم على ايدها مو بس حلم غفيت
بقيت اتفرج على ملامحه غفى جريت ايدي خدرت نطاني ضهره غطيته زين وحضنتهرمن ضهر جر ايدي وحضنها ويون مرتاح الله لا يحرمني منك رجع غفه ابتعدت ووكفت كمت من الفراش ساعدت ماما بالغده ماما جانت مكيفه بوجوده اكثر مني يمكن تحس بامان لان اكو رجال يحل عليه بالبيت اوف ربي شون حعوفج ---
ساعتين وكعد من النوم طلع من الغرفه مديت راسي جنت لابسه ثوب گصير جلد النمر شتائي ومحضره كل الغده وي ماما باوعلي اشر باصبعه يسب ههه لان عفته وطلعت خجلان من ماما
لج ليش خليتيني نايم وطلعتي
مو خطيه انت داسويلك غده ههه
شكد عيب من خاله شتكول عليه هسه ماعدهم فراش ببيتهم جاي ينام
لا كتله البارحه منمت احجي بدلع وهو طاير يباوعلي بفرح
طالعه نمره
ههه يله خل ناكل
لا بعد وكت والله
نطلع للحديقه
كيفج خاف يشرف اباوع على رجلها مبرومه فدوه لاالله الله يصبرني طلعت حلو متشرف طرمتهم كعدنا عالمرجوحه ايدي بايدها اباوع بعينها واسولف ونضحك خاله صبت الاكل وتغدينا بلمه خطيه هاي شون حتضل وحدها وره متروح الله يساعدها
------ رجعت وره الغده طلعت جان عدي شغل صبغ عدت الايام واني طمست بالشغل رجعت ماحاجيها بس بليل صار 3 وجبات اكلي بره من الفجر شورجه والعصر صبغ وبوريات وكهربائيات صبغت بيتهم بوجود خالها شفتها كم مره بس بيومها مر اسبوع واني بس كم كلمه بليل قبل مانام احاجيها جانت صابره وممعترضه خطيه تحددالعرس بيوم الخميس بعد 6ايام ماعدي شي بعد بس الزفه واجيبها الولد رممو البييت زياد مشايفه صار سبوع وفاروق حاير بالبيت حتى التانكي بدلناه ابويه تحول لغرفتي كملنا البيت الصبغ الترميم كعد صار حلو منتضر عروستي فاروق هالايام منتبه عليه يصفن هواي مااعرف عده مشكله اولا. ماعدي بي صداقه مجرد احترام ومهابه واجه يوم الاربعاء مسويت حنه بس بليل اخذوني الولد لبيتهم احنيها ضلو بره واني فتت جانت طالعه شمس واني مكدرت اباوعها كدام العللم كالعاده حنيتها وطلعت راسن رجعت للبيت وبالي يم باجر خايف عليها مني اباوع لسيت النوم اللي محضرته امي معلگته بالزاويه باجر حتكون بين اديه -----
يتبع