مساء الخير ع اجمل متابعين اتمنى لكم قراءه ممتعه
🌹🦋 البارت 34 🦋🌹
🌹🦋 بين الفقر والطغيان 🦋🌹
🌹🦋 للكاتبه رونق 🦋🌹
وجان انصدم بيها
طالعه تخبل من صدك تاخذ العقل جنها باربي
مخليه مكياج خفيف
دخلت وجانت خجلانه
رفعت وجها بايدي
خل اشوفج
شنو هالجمال ياالله
وين راح اضمج من العيون
شلون راح اخليج تنزعين البوشيه
لج والله مااتحمل احد يشوف هذا الجمال
سكتت
كالت نروح لو ماتكدر
لا شلون منروح
غير اسعد واحد بالدنيه اني لان حبيبتي راح تروح ويايه
جهزي نفسج ويله
كليلهم لينتظرونه خل يتعشون
اخاف نتاخر عيب منهم
اوك
ع ماتجهز نفسها
نزلت نغمة حسام الرسام ام بيتي
طلعنه وشغلتها الاغنيه
وجنت حيل فرحان
اول شي رحت لشركه ولد عرف
اخذت السبلت وانطيت العنوان وكتله ظروري ادزه بالليل
انطيت رقم عمي ابو زينب
وخبرتهم يكله هديه من حيدر
وبعدها رحنه للمولات افترينه هواي
ع مود الطبله والكراسي
ملكينه كالت مو لازم
اوصي من النت بعدين
بعدها رحنه لواحد كتلها هذا اخر شي نشوفه
وجان نلكي منهن واخيرا بس بعد عناء
حيل فرحت كالت والله مراح انسى هذا جميلك
لج بابا شمسويلج
اشتريناهن وهم انطينه العنوان والرقم مالت عمي والعنوان
كالت خلي اتصل ابابا واخبره
خابرته وكلتله اكو غراض راح يجيبوهن بس يخابروك اطلع
ودخلوهن لمن نرجع
بعدها كالت خل اشوف شاخذ لفاطمه
كتلها شنو الي ابالج
والله مااعرف
حتى لو فرشه حلوه ونازكه
همزين ذكرتيني حتى اخذلج وحده الج
اخذتها لمحل مفروشات وجانت دايخه انواع الفرشات لكينه
اخر شي اختارت وحده لفاطمه نازكه حيل عجبتني
بعدها كتلها انتي تختارين الج لو اني اختار
كالت لا ع ذوقك اختار
جان احلى شي سمعته منها
اختاريتلها وحده نفس الالوان الي انطتنياها
مااعرف راح تعجبها لو لا
سالتها ها حلوه لو تبدلينها
كلش حلوه هاي هي
اذا تردين اخذي وحده نفس مالت فاطمه
كالت لا غير وقت اخذ
اتحاسبت وي الرجال وطلعنه
خليتها تصعد
كتلها يمكن اتوهمت بالحساب ابقي هنا
لحضات واجي
ردت اجيبلها بعد وحده نفس فرشة فاطمه
اخاف هاي معجبتها
لان اكثر وحده عجبتها الاختارتها لفاطمه
اني حيل حبيتها بس هي مااعرف عجبتها لو لا
رجعت ع السريع اخذت نفسها
مخليتها تحس بيه
بعدها رحنه لمحلات ملابس
كتلها اخذي شنو الي يعجبج
واي لون يعجبج اهم شي مستورات
واخذي شكم وحده اذا امير ماهو او بغرفتج او من ترحين لاهلج
كالت اوك
اني صافن معقوله هاي زينب لو وحده غيرها
شاكللها متعترض ابد
طبعا حيل اتفائل من تكعدني واشوفها اول وحده
اول مره كعدتني ترقيت وصرت رائد
واليوم هي الي كعدتني
اسعد واحد بالدنيه اني
نزلنه سويه
انتبهت لايدها بدون حلقه
كلت لازم اجيبلها حلقه
بدينه نختار سويه
الحلو بالموضوع تاخذ رايي
هذا تقبل البسه
واني اكلها اي
ابد مااشرت ع شي يعجبها وكتلها لا
كلت خلي اي شي يعجبها تاخذه
اخذت اشياء معدوده
اني بديت اختار الها
هواي اختاريت
كالت والله هواي مااريد بعد كافي
اسكتي معليج انت
شنو تردين بعد
كافي
واحذيه
عندي هواي
اشو كلها رياضيه ماعندج غيرهن
لا عندي بس مااكدر البس عالي لان مبوشه
اخاف اوكع 😂😂😂
طلعنه كالت اريد بعد مكياج شكم شغله مو هواي
لان ماما لعبت بيه جوله
كل مااجيهم مااخلي
اي عادي
تعالي نروح نشوف محل يبيع
فعلا شفت كوزمتك ونزلنه وبدت تختار
كلتلي عادي احجي ويا واساله ع شكم شغله
اي عادي ماكو مشكله
بدت تساله ع اشياء وهو ينطيها
هواي اخذت
بكلبي ضحكت اذا شكم شغله هاكد
لعد اذا هواي شلون
طار الراتب اليوم 😁😁😁😁 بس فدوه الها تستاهل زنوبتي
لو تدري حنان جان اتخبلت
لازم اعوضها عن كلشي انحرمت منه
باجر لازم اجيبلها ذهب
لان خطيه محصلت نيشان لا مني ولا من مروان الله يرحمه
كملت واتحاسبت
همزين هالمره ممعانده هي تدفع
كالت اني شلعت كلبك بس حباب بعد بس اريد شغله منك
انت تامرين امر بس كولي
اريد محل اطفال اريد اشتري للجهال
خاف نروح لفاطمه من ترجع
اي تدللين
وكفنه واختارت الهم
ذوقها يجنن
كملنه وكتله بعد شنو الي تردي
كلشي مااريد بعد يله خلي نرجع
الساعه ب11 الى ربع
محسينه بالوقت ابد
شغلت اغنيه محمد الفارس ام جهالي واغني ويا
هم محتاجه بعد شي
لا كلشي مااريد حيل اتاخرنه
كلتلها خوش نتعشى مشاوي
اي والله حيل اتاخرنه بعد يامشاوي
نجي مره لخ قبل لا التحق
ان شاء الله
وصلنه ونزلنه
وجانن الغراض واصلات
لعبوا بينه جوله لان جايبيهن
كتله شي قليل والله واعذرونه من التقصير
لك بابا تحجي صدك ماكو فرق بينه والله
دخلنه وجانوا بيت عمهم وابنهم الغثه هنا
غير اتعقد منه
سلمنه وهي باللحضه طلعت
فديتها زنوبه تحس بيه مااقبل
ع اعصابي شاف وجها
عمي بده يتشكر مني ع الهدايه
كتله شجايبلكم شي بسيط
كال لك بابا اذا هاي شي بسيط لعد شلون المو بسيط ويضحك
حسيت الوجوه مو طبيعيه
اترخصت منهم ودخلت لجوه
ع عنادهم حتى ابين الهم علاقتي بيهم قويه
صحت وينج حبيبتي
اتعمدت ارفع صوتي
زنوبتي حبيبتي وينج
اجتني تركض
ها صحتني
لج جوعان حيل سويلي شي بسيط
بس مااريد يم الغثه
اسكت ليسمعونك عيب منهم
دعوفي العيب وجيبي العشه
اوك
منو بالمطبخ
بس ماما والبنات تعال اذا تريد
انطيهن خبر
اوك
لحضات وكالت تعال
سلمت وكعدت
نور وين هي ونظوري
ضحكت رنا كالت وي رقيه
وهمه ناسين الدنيه وياها
كالت الكل بلا عشه
منتظرينه
اني مو كتلج لينتظرونه
والله كتلهم بس مااعرف ليش انتظرونه
كالت رنا لتخافون مو ع مودكم
بس اجوي الغثه والتهينه وياهم
ام زينب كالت عيب ماما لتحجين هيج
لحضات واجه عمي كال راح يرحون
تعالن سلمن عليهم عيب
دخلنه بس زينب كتلها ممنوع ادخلين بعد
كالت اوك
وره شويه راحوا
زينب: انجبرت اروح للمركز
اخذتني ماما حيدر وصلني
معبالهم متزوجه لان ماكو شي يدل اني متزوجه
لكينه ماكو احد عليهن
بلشن بيه نظفن وجهي وسون حواجبي
باوعت لنفسي حيل اتغيرت
شكلي كله اتغير
اتعجبن بيه
ماما طلبت منهن يكصن شعري
مقبلت كلت اخاف ميقبل ويسويلي سالفه
اخذت رايي ووافق حتى اصبغ شعري
طلبت منها مو هواي تاخذ منه شعري
وكتلها بقي ع لونه
بس صدك اني ضايجه منه
دائما ضافرته لو لافته
لان طويل
طلع يخبل شعري
كلتلي راح اخليلج مكياج
كتلها بس خفيف
كالت ماشي
كملنه واجه حيدر
الصراحه خجلانه ارواي وجهي
بس من دز عليه رحتله
وبقه صافن عليه حقه والله
اذا اني نفسي متعجبه من شكلي
حتى اخواتي بقن صافنات
ماما بقت تحجي عليه
اكول الولد هاج ومتزوج عليج
حقه يابه
اذا انت جنج رجال
اشو لا لبس حلو ولا مكياج ولاحفافه
العب بيج جوله ادور اني هنا يمج قريبه
واشوف شلون اخليج جنج بدويه
سكتت
بعدها رحنه للمولات
وبدينه نشتريد
كملنه الهدايه مالت اهلي
بعدها اخذت فرشه لفاطمه حيل عجبتني
اني انحرمت من كلشي
من ابسط حقوقي محرومه
لا لبس لا فرشه حلوه لا ذهب لا مكياج
جان بنفسي هيج فرشه
بس كلت عيب اشتريها شيكول غارت من اختي
اشترالي وحده نازكه وحلوه لون احمر واوف وايت
كلش عجبتني حلو ذوقه
بس جانت بنفسي فرشه مثل الي اخذتها لفاطمه
اتحاسب وطلعنه
وبعدها من وحده كلي نشتري ملابس
حيل فرحت بداخلي
لان لازم اتصرف طبيعي كدام اهلي
لان ماما بدت تشك بيه
اشترالي كومه وحيل حلو ذوقه
وطلبت منه يمررني بالكوزمتك
اشتريت مكياج الي احتاجهن
طبعا هواي خسر
بس اني بالبيت اتحاسب ويا وانطي كلشي خسره عليه
مستحيل اخلي يدفعلي
اخذت ملابس للجهال خطيه
رجعنه وجان الوقت متاخر
لكيت بيت عمو وابنه الغثه اموت منه
بس سلمت وباللحضه طلعت
ادري بحيدر ميقبل
لا يسويلي سالفه
بعدها استغربت من صاحني حبيبتي زنوبه
انتابني شعور جميل من صاحني
حسيت بنفسي من صدك حبيبته
بعدين عرفته ع مود ابن عمو
اجه كعد يمنه بالمطبخ
وكلي جوعان
بس لكيت اهلي بعدهم
انتظرنه شويه لمن طلعوا بيت عمو
اتعشينه وكملنه وكلي يله خل نرجع
كالت ماما خلي الجهال اليوم يمنه وتعالو باجر عليهم
لان اليوم لا شفنه ولا سمعنه منكم
كضيتوها طالعين
حيدر كال اي عادي خل يبقون وباجر نجي
لا ماما مااكدر انام بدونهم
وهذا نظوري بس يكعد بالليل يبجي
متعلق بيه
هسه وينه ذكرج بحالج
اشو كله وي رقيه
ميخالف ماما والله ماارهم بدونه
ع راحتج ماما بس باجر من وكت تعالو
تدللين خاله من عيوني اني اجيبهم
رجعنه كال خل نمر بالسوبر ماركت
كتله لا مااكدر حيل تعبت وظهري موتني
خليها غير مره
كلي ع راحتج
رجعنه وجنت حيل تعبانه من صدك
نزلنه العلاليك
اتفاجأت من شفت الفرشه جايبها الي نفس مالت فاطمه
الصراحه حيل فرحت
هو راح لبيته
واني بدلت للجهال وشغلتلهم طيور الجنه
ودخلت اسبح
ممتعوده امشي هواي واني عليه الشهريه
حيل اذاني ظهري
طلعت من الحمام ولبست دشداشه من ذني الجبتهن
لون جويتي بينصل وبيها فتحات اثنين فوك من الركبه
لكيت حيدر يم الجهال ومنيمهم
عبالي راح ينام وبعد ميجي
اخذت غير دشداشه حتى ابدل
سد الطريق عليه
هاي ليش تردين تبدلين
لا مو حلوه معجبتني
بس اني عجبتني حيل ابقي لابستها
شاكوله هذا وشلون افهمه اخجل منه هيج البس
ممرتاحه بيها
بروح سيوفي ابقي بيها
بقيت بيها بس طلعت روب عندي لبسته
شفته كام يضحك 😂😂😂😂😂
اكيد راح تكولين بردت
اي صدك مو سبحت حيل بردت
لعد خل اكوم اطفي السبلت
وروحي انزعي هذا
لا مو خطيه الاطفال حاره عليهم
معليج بيهم انت
اجه اتقدم يمي
ليش تخجلين مني
اشو 3 مرات منزعج بيدي
وحفظت جميع تفاصيلج
ليش هيج تخجلين مني
سكتت
نشفت شعري ومشطته
ردت ارفعه لفوك
كلي عوفي هيج
عفته هم كلت خل ينشف
خليت عطر
لعد المكياج المن جبتي
خلي منه لان ممنوع تخلين خارج الغرفه
لا مااخلي بس من اروح يم اهلي
ميخالف بس هم خلي لان عاجبني اشوفج تخلين هنا
خل يكون بعلمج اذا انت تخافين الله صدك
حرام عليج تمنعيني من شي
ولازم شاطلب منج تنفذين
سكتت محجيت شي
احس بنفسي منومه مغناطيس شنو الي يطلبه انفذه
خليت مكياج بس خفيف
نزعني بيده الروب
يله تعاي نامي بحضني واسكتي
اني فكيت حلكي 😲😲😲😲 وعيوني 😳😳😳😳
شنو تريد تنام يمي
اي لعد وين انام
عوفي الجهال بفراشاتهم وتعالي خلي انام هنا احنه
نظام غرفتي
غرفت الجهال وحد وغرفتي وحد
بينهن فتحه مسوين عليها اطار حلو
بس ابد ماانام بغرفتي صدفه
لان اخاف يكعدون ومااسمعهم
لا عفيه انت نام ع فراشي هناك
واني هنا يمهم
ليش ماخليتهم يم اهلج
مااعرف انام اله بحضني نظوري
لعد اتعودي ع حضني بمكانه
احنه شتفقنه حباب
مو كلت مااجبرج
وهسه منو الجبرج ع شي
اشو انت سادتها بوجهي من كل النواحي
عليج الشهريه لتخافين مراح اتقرب عليج
بس انام سويه ع فراش واحد
والله مااكدر
سد حلكي باصبعه
اس ولا كلمه
تعالي وشوفي شلون راح تنامين بهدوء
اشر ع صدره
هذا الامان الج
سحبني بهدوء
وشايله هم شكبره
اخاف يتعود لو يتماده
كتله بس تسويلي شي اعوفك واكوم
لج والله شلعتي كلبي
شاسويلج قابل
هي شبكه وبوسه وبس
شنوووو
بطلت ماانام
دتعاي واسكتي راح تكعدين الجهال واني كوه نيمتهم
خلي بس نسولف لمن انام
اوك
تدرين جان حلم حياتي انام وياج بنفس الفراش
وهسه اتحقق
كلشي مااريد بعد من الدنيه
خلالي ايده وكلي نامي عليها
كتله حباب بس نسولف
اي والله شبيج
بس نامي ع ايدي
نمت بعيد عنه
كتله هيج احسن
هاي شبيج راح اكلج قابل
اتقربت يمه وجنت حيل متوتره
سحبني وقربني ونيمني ع ايده
اليوم راح نبقى سهرانين
اسالج واساليني
اوك
انت تبدين تساليني لو اني
بكيفك
لعد انت اسالي
لا انت اسال
انت ليش هيج حلوه وتاخذين العقل
اني احس بنفسي صخنت 🤒🤒🤒
راسا غيرت الموضوع
هاي الفرشه الثانيه النفس مالت فاطمه نسيتها ونزلتها
بس نامي ع ايدي
وين اخذها
غير الك لبيتك ي براحتج
هاي جبتها الج
لويش كلفت نفسك جبت وحده كافي
اس ولا نفس سدي الموضوع
لعد خلي نتحاسب شكد خسرت حتى انطيك بعدني ممكمله
قاطعني وجان يبوسني ب👄
كمل كلي كلما اتخربطين بالحجي هذا عقابج
واذا عاجبج العقاب خربطي براحتج
والافضل الج متحجين هيج
لان اروح لاهلج واشكيلهم واكلهم تقبلون متخليني اشتري شي اله تدفع هي
سكتت محجيت شي
والله اذ عدتها وبستني اكوم انام هناك
صيره حبابه ولتخربطين بالحجي واني راح اصير حباب وياج
اوك
وهسه خل نكمل فالاسئله
هم حبيتي بحياتي
لا
وشنو السبب
من جنت طالبه ابد مااطلع من الباب
لان بابا حيل يخاف علينه
لا شايفه ولا سامعه
سياره تاخذني وتجيبني
زين اقرباء جيران
ابد مااعرف اقرباء
وحتى الجيران ماالنه علاقه بيهم
زين ومروان
اخاف احجي وتزعل
لا عادي احجي كلشي ابالج
مروان كرهته كره مو طبيعي
هواي ذلني وهواي احتقرني
زين شلون جانت علاقتج بي
جان يجبرني ع اشياء اسويهن
خلاني اكره نفسي كره واتمنى الموت باليوم الف مره
مثل شنو جبرج
ع هواي اشياء
وجان يطلع افلام ويجبرني اسوي نفسهن
كافي اسكتي
كعد كام يشرب جكاير
عفيه الغرفه تخنك من ريحة الجكاير واخاف ع نظوري
زين اقرباء جيران
زين انت من اخذتي هذا القرار مفكرتي بالمستقبل شراح يصير
بعد الشهر شراح يكون مصيرج
كلشي مفكرت بذاك الوقت ردت بس ننقذ حياة اخويه
وكلت بعد مااتزوج ابد
لعد الطفل شلون صار غير تحسبين حسابج
والله جنت مفكره وحاسبه وجنت اخذ حب منع الحمل
بس بيوم الجمعه والسبت مااخذ لان مااروحله
معبالي لازم يوميه لو شيصير
زين هاي السواف شلون عرفتيهن
ياسوال قصدك
حب المانع
من النت
تعرفين اكثر فساد الشباب من النت
سكتت
زين شنو شعورج جان من صار الطفل
شعوري مينوصف ابد
شتتوقع بيوم الي اعرف نفسي حامل يموت ابو
ادمرت دمار
اني لو ماحامل عادي
جان مشت حياتي طبيعيه
ويجوز كملت دراستي
يعني شلون تمشي حياتج
يعني مااتزوج فد مصيبه
واهلج مراح يجبروج
مستحيل يجبروني
هههههههه واذا واحد من ولد عمج رادج
ارفض
زينب انت غشيمه لو تسوين نفسج غشيمه
سكتت
بس الله حابج وخلاني اوافق عليج وسترتج
راد يجمعنه اني وياج رغم كل الظروف
زين شنو شعورج من سمعتي خبر وفاة مروان
حيل ضجت علي وانقهرت وبريته الذمه باللحضه
هواي دعيتله قبل ليتوفه
ومن مات حسيت الدنيه ظلمتني هواي
اني لو ماحامل عادي
اني ميهمني حياتي
بس نظوري مااله ذنب
ويبقى ابن حلال مو ابن حرام
محبيت اموت واموته ويايه
زين سويتي احسن قرار اخذتي
ادري زين سويت بس تدري دفعت الثمن حيل غالي
ادري بيج
والله وروحه لمروان حيل متندم ع كلشي سويته بيج
زين شنو شعورج اتجاهي جنتي
ههههه جنت احقد حقد عليك مستحيل تتصوره
واكرهك حيل
اموت منك وجنت اسميك المغرور واناني
لان انت جنت مغرور واناني وشايف نفسك شوفه
حيل ضجت علي وانقهرت وبريته الذمه باللحضه
والله مفكرت بيوم اتقرب الك لو اتقرب لاخوتك
الله شاهد
اني لو ماحامل عادي
بس كلشي سويته كله ع حساب اهلي
خفت ع بابا خطيه
بس يسمع بيه يموت والله
زين شنو جان اصعب موقف اذيتج بي
زين سويتي احسن قرار اخذتي
من تهمتني كدام اهلك وفتشت الجنطه وخليتني بالشارع بالمطر بوحدي
والثاني من رفضتني وكمت تهين بيه
لهسه ذني الموقفين يحفرن بكلبي حفر
زين شنو شعورج اتجاهي جنتي
اني اتخبل من الوحده الي تذب نفسها كوه ع الرجال
فجأه شفتج بذاك منظرج
اتخبلت عقلي وكف
وماجنت اعرف البنات دازاتلج رساله ع اساس مني
بس تدرين شصار بيه
ذني الموقفين الذكرتيهن كرهت نفسي بوقتها
حيل انقهرت عليج وضجت من نفسي لان هيج سويت
جنت اتمنى تعتذر مني بوقتها
بس انت جنت حيل مغرور
لاوالله مو مغرور
بس تصدكين بعمري وحياتي ممتنازل لبشر وطالب السماح
ولا معتذر من شخص
انت الوحيده الي اعتذرت منها
زين هسه شنو شعورج اتجاهي
ماعندي اي شعور
شلون يعني
يعني مااحب تتقربلي ابد
وشنو السبب
مااعرف كل الي اعرفه مااحب تتقربلي
زين اهلج شلون محسوا بعلاقتنه
اني صرت خبره بالجذب 🙈🙈🙈
ادري بيج 😂😂😂🤣🤣🤣
هسه اجه الدور الج اساليني اي سؤال ابالج
🤔🤔🤔🤔 خل افكر
بعدين كتله
سولفلي عن ام نور وعلاقتك بيها
زواجي جان تقليدي
بس تصدكين بعمري وحياتي ممتنازل لبشر وطالب السماح
بس ابد مجمعنه حب ولا يوم
زين لويش طلكتها
معقوله متعرفين
لاوالله مااعرف لان ابد مساله
خانتني واني اكره الخيانه واكره الوحده المتزوجه
وكلشي متوفرلها وتخون
حقدت ع كل النسوان
كلت الكل تخون والكل ادور فلوس
لهذا اتعاملت وياج هيج
جنت اتوقع انت الي ذابه نفسج ع اخويه
طلكتها واخذت نور منها
تصدكين بسهوله اتنازلت عنها
حسيت بفرق جبير بينج وبينها
انت فضلتي الذل ولا فراك ابنج
تحجي صدك اني ليله وحده يم اهلي مااتحمل يبقى
مو ادور للدوم
اني هو الي خلاني لهذا الوقت باقيه وياك
والى تريد الصدك مااتحمل ابد لو ما ابني
نقطة ضعفي نظوري
اي اعرف
بيج انت تختلفين عن البقيه بهواي اشياء
زين حنان هم حبيتها واتزوجتها
😂😂😂🤣🤣🤣 انت مخبله اكيد
لج بابا اني محبيت بحياتي كلها بس مره وحده حبيت وبجنون
وهي انت
وداعت امي وداعت الجهال محبيت غيرج ابد
بس حنان مجرد نزوه عابره
حبيت اسويها شغلة عناد وي نفسي وحبيت ابين الج اني مو بحالج
وفعلا ذاك الوكت احتاجيت زوجه بجانبي
وانت عفت الدنيه كلها ورحتع ع حنان
ليش شبيها 🤔🤔🤔😁😁😁
ابد مموالمتك
انت وين وهي وين
جبيره بالعمر ومو حلوه وسمينه
🤣🤣🤣😂😂😂 قسمتي غير
اي اعرف
لويش عود
عنوديه بشكل واني اتخبل من العناد
وشوفت عينج البيت مبهذل ووسخ
والله متحلف بيها هالمره اله اتوبها من صدك
بس تدري بنفسك ضلمتها وياك
ادري والله تدرين بيوم الاجيتي بالليل
بيوم حنتي
حسيت بغلطي من خطبتها لحنان
بيومها طيرتي النوم مني
اني صحيح رفضتج من اجيتي
لان مجنت متوقعج هيج تسوين بيه
ليش شبيها 🤔🤔🤔😁😁😁
حتى من سافرت جنت فاصل عن العالم
وتفكيري بس بيج وبس
زين بقى بس سؤال ابالي
شنو اسالي
لويش تشرب ولويش ادور بنات ليل
منو كلج شمدريج بيه
دائما من اصلي اشوفك تجي وواضح عليك هذا الشي
اني مجنت اشرب بس من وره الخيانه
والله متحلف بيها هالمره اله اتوبها من صدك
لان مردت الوث ايدي بدمها الساقطه
واتوقعت اهلها راح يكتلوها
بس الظاهر همه الي منطيها مجال
وخفت ع نور خطيه كلت تبقى وصمة عار تلازمها ع امها مو زينه
جنت يوميه اشرب وانام وي وحده شكل
بس هسه لا
صارلي فتره جبيره
ابد مااطيق اتقرب لوحده
وحتى الشرب صدفه
من اضوج اشرب بس قليل ابد ماافقد السيطره
بس حرام عليك
هو شنو الي مسوي مو حرام
اشو اني من فوك لجوه حرام بحرام
حتلو مدامك تصلي ميطيحلك الحرام
اخاف الله يعابيك بالاطفال دير بالك
وعد مني بعد مااشرب بس سامحيني
الله كريم
ين انت شلون رهمتها تصلي وتشرب
كلمن وعليه ذنبه
اتحاسب ع الصلاه وحد واتحاسب ع الشرب وحد
زين ليش جنت وياي قاسي بشكل
وخفت ع نور خطيه كلت تبقى وصمة عار تلازمها ع امها مو زينه
واتموت من الفقير
لج والله يمكن لو ماشايفج وي مروان وعبالي وحده ساقطه
يمكن متقبلج بسهوله لو مو فقيره
اخر همي الفلوس والله
بس جنت حاقد عليج وع السويتي
جنت اتحجج بالفقر
تدرين توقيت جيتي الكم بذاك اليوم اكبر غلط
ليش محاولت يوم تسالني ليش اتزوجت بالسر
جنت قافل من ناحيتج والي ابالي انت جذابه
لو شتحجين مااصدك بيج
بس لو محاول ومكلف نفسك وسال علينه
جان عرفتني
جنت اكبر غبي بذاك الوقت
بس والله انت ثبتيلي عكس تفكيري
جنت ماامن باي وحده
خليتيني احس بنفسي شكد جنت متوهم
واتموت من الفقير
والنبي مو زين عليك ولا ع صحتك
وحرام عليك
الله كريم
كوم صلي يجوز اذن هسه
كام صله اني محسيت نمت باللحضه
كعدت ثاني يوم لكيته محاوطني بثنين ادي
حاولت اسحب نفسي مااكدر
كوه فلتت نفسي
الساعه ب12 ونص
نزلت سويت غده
تمن وباميا
صعدت لكيتهم كلهم نايمين ع الفراش ويضحكون
صباح الخير
كلهم كالو صباح النور
اجوي بوسوني نور ونظوري
يله تعالو للحمام
دخلتهم للحمام وغسلتلهم
لعد واني مدخليني
وحرام عليك
الله كريم
😳😳😳😳 حباب صير عاقل وانزل اتغده
خره لخ لتحجي هيج كدام الجهال
اخاف تزعلين
كتله خابر محمد عيب خل يجون يتغدون
صدك اتصل بي وكله تعالوا هنا اتغدوا
الساعه ب12 ونص
حيل مشتاقه لرسل
كام يحجي حيدر
يابه شدعوه عليكم لاتمرون لا نشوفكم
لك هو انتو موجودين حتى نجيكم
هو بس البارحه رحنه يم بيت عمي ابو زينب
اني بوست رسل
صبيت وكعدنه سويه
اني تقريبا اتعودت بس مو 100%
يعني كاعد احاول اكون طبيعيه واكل وياهم
كملنه وكمنه اني ورسل نغسل المواعين
همه غسلوا ورجعوا كعدوا
اي تعاي سولفيلي شكو ماكو
شنو التطورات الي صارت
والله ماكو اي تطورات
كتلها اريد اخذ موافقه اكمل دراستي السنه وانزع البوشيه
يله اتقبله
حيل مشتاقه لرسل
معدلج ينقبل كلية طب تدرين
اي ادري حرامات
لازم احاول اقنعه يخليني اكمل
كالت مراح نزعجكم ابد
احنه ناكل بوحدنه اخذوا راحتكم
مدام محد يمكم
اني تقريبا اتعودت بس مو 100%
متعوده عليج
بالليل نتجمع بالحديقه
اوك
اريد اروح لاهلج اباركلهم
اني ومحمد
وروحوا ويانه
ان شاء الله
شويه وراحوا لان جايين تعبانين من الدوام
كلي العصر نروح نخلي الجهال يم رقيه ونروح للسوك
شكو بالسوك
اريد اشتريلج حلقه وشكم شغله
لامااريد ماكو داعي
لازم احاول اقنعه يخليني اكمل
امس ع اعصابي بدون حلقه
الي يشوفج يكول صاحبته ميكول زوجته
اني تقريبا اتعودت بس مو 100%
ب5 كون جاهزين
اوك
وين دراجته لنظوري
خل العبه شويه
جبتها الهم
سوينه كيكه
اوك
سويت كيكه عاديه مو اسفنجيه
اباوع علي شلون يلعبه
من صدك احسه ابنه معبالك ابن اخو
كملتها
كال بدلوا
حيدر : اسعد واحد بالدنيه اني
كلشي مااطمح اكثر اريدها كبالي بس
شكد احاول وياها تتقبلني
بس دائما تخلي حاجز بيني وبينها
مستعد ابقى هيج اهم شي تسامحني من صدك
من رجعنه للبيت
رحت كبل للبيت سبحت ولبست تراك خفيف
وصعدت لكيتها بالحمام
نيمت الجهال
طلعت اتفاجأت بيه
طلبت منها تنام يمي
كوه اقتنعت
بدينه نسولف
حجتلي عن مروان
الصراحه حتى من مروان اغار
اتمنيتها بس اني الوحيد بحياتها
بس مبين عليها ماكو حب بحياتها
كال بدلوا
هواي حجينه وبعدها اذن
كمت صليت
رجعت لكيتها 👈😴😴😴😴
ضربتني بوري
حتى بوسه محصلت
نيمتها بحضني ونمت
حسيت براحه نفسيه
كعدت لكيتها ماكو
اجو نور ونظوري
حسيت ملكت الدنيه
من صدك حسيت عندي عائله
وعايش طبيعي مثل الناس
نزلنه اتغدينه
ومحمد وزوجته ويانه
حجه محمد ويايه
كلي خطيه زينب دير بالك عليها
اتحملت ظيم هواي منكم
انت ومروان الله يرحمه
كتله والله بعد ماازعلها لو اموت
بس غير تسامحني
تسامحك بس خليها ع راحتها
لتضغط عليها ابد
كتله العصر هم راح نطلع
نخلي الجهال يم اهلها
واخذها للسوك
لك شنو هالتغيرات
معقوله تاخذها بيدك للسوك
اريد اشتريلها حلقه
لهسه ملابسه بيدها
زين تسوي
بعدها راحوا وكتلها نروح
محجت شي
اني كلت لامها البارحه اخلي الجهال يمكم
سويت كيكه
كتلها اخذي منها لاهلج
ورحنه وصلنه بس شربت جاي ورحنه
رحت لصايغ عرف
راواني الحلقات
كتلها اختاري الي تعجبج
كل الي تعجبها تطلع جبيره
اصبعها صغير
راح جاب من غير محل
اخر شي اجتي وحده ع ايدها موديل تركي كلش حلوه
بعدها كتلها اختاري زنجيل ومحبس واي شي يعجبج
اختارت زنجيل ابو النبض وقفلت بعد مرادت شي
كتله راويني التراجي
كلي خل اراويك طقم احلى
كتله اوك
كل الي اراويهيا متقبل بي
عرفتها تحب الشي الناعم
عجبني واحد وكلت اخذه العجبها والماعجبها
لان عيب من الولد شلعنه كلبه
بعد محتاجه شي
كالت لا هاي هيه
تحاسبنه وطلعنه
كتلها الحلقه ممنوع تنزعيها ولا لحضه
اوك
من ارجع باجازتي الثانيه هم اجيبج واشتريلج بعد
شعجب امج متسالج ع الذهب
ماما تدري بيه اتخبل من لبس الذهب
بس تسالني ع الحلقه وكتلها ايدي تتحسس
من صدك محد يلحكج بالجذب
سكتت
رجعنه من وكت
اني كلت لامها البارحه اخلي الجهال يمكم
ورجعنه
كتلها نتعشه بالحديقه
بس اريد خبز حار
اوك
وصلنه قبل الاذان
كتلها البسيهن وممنوع تنزعيهن
لا ماارتاح البسهن دائما
ومااحب الذهب
عفتها ع راحتها
رحت للسياره اكو تراك بي اليه جبته ولبسته هذا مخلي بالسياره ابد ماانزله بس من يتوسخ
بدينه نجهز اني وعمي المنقله
الظاهر هم يحب الشوي مثلي
كام يحجي عليه لان جايب وياي اللحم
كتله ماكو فرق والله
بس اشتهيت وجبته
صلينه وكملنه وبدينه نشوي
وام زينب خبزت
كملنه واتعشينه بره
هم مخلين مبرده مثلنه بالحديقه
بس همه الحديقه زغيره مو نفس حديقتنه
كملنه وبقينه فتره
وكتلها يله نرجع
كالت يله
رجعنه وبالطريق مرينه بالسوبر ماركت
كتلها اشتري الي تحتاجيهن
اشترت بس مو نفس ذاك اليوم
مو هواي
كالت عندي باقي هواي
كرزات مااخذت اني اخذت كتلها يفيدنه
رجعنه للبيت
وهم بقينه بالحديقه للاذان
خابرت اهلي وهاي الحقيره ولا ذكرتني ولا كالت خل اطمان علي
اني متقربتلها ولا حاولت لان جوابها واضح
ابد متريدني اتقرب
بقينه بس نسولف وانام وياها بالفراش
حتى بوسه متقبل
صدفه تخليني
كلت خليها ع اجازتي الثانيه
من اروح اراسلها واصارحها
رحنه لاهلها كتلها خل البنات يساعدنج بالكليجه
رحنه الظهر اتغدينه يمهم
وبدن بيها
سولي كميه جبيره
وكروسان هم سولي كميه جبيره
اتعشينه ورجعنه
مبقتلي من الاجازه بس باجر وراها التحق وي الصلاه
اجمل ايام حياتي عشتهن بذني الي شكم يوم
حسيت بنفسي من صدك بحلم
راحن لفاطمه هي وامها ورسل
كامت ب 2 ونص تبدي بالصلاه يمكن صلاة الليل
مرات انام ومرات ابقى اكلب بالموبايل لمن ياذن
اليوم بقيت وصلينه سويه
كملنه حضنتها ونمت
ثاني يوم جهزت جنطتي وخلتلي كل ملابسي
وجهزت الكليجه
بالليل كتلها خل ناكل موطا ونرجع
طلعنه فرينه شويه ووكلتهم موطه ورجعه
اتسوكت الها اشكال واللوان لان اهلي بعدلهم 5 ايام يله يرجعون
رجعنه وطلعنه بالحديقه
كالت اريد افتح وياك موضوع مهم يخص حياتي
بس مااريد جواب هسه
اريد لمن تلتحق وترجع يله تنطيني خبر
كولي شتردين انت تامرين امر
اريد اكمل دراستي حرامات معدلي عالي حيل
يحقلي طب
اني اتفاجأت كلشي متوقع اله هذا الشي ابد ممفكر بي
كتلها ممنوع منعا باتا
اي شي تردين اسوي الج
بس دراسه لا
مو كتلك مااريد هسه الجواب
اني حابه ادرس واحقق حلمي
زينب ولا واحد بالميه تفكرين بهذا الشي
اذا ع التعين والراتب
كل شهر راتبي كله الج
اتمنى تفهمني
اخر همي الفلوس
اني اريد احقق حلم حياتي
درست وسهرت وتعبت
حرامات هيج
اريد احس بكياني وذاتي
اتمنى تفتهميني دوام ماكو
هذا قراري النهائي
ولتحاولين وياي لان مراح يتغير رايي ابد
لعد اني هم راح انطيك اخر حل عندي
وياريت الجواب لمن ترجع
لو تخليني اكمل لو كلمن يروح لحال سبيله
يعني شنو قصدج
يعني اطلكني واني راح اشوف حياتي
هذا اخر قراري
وجان عقلي يوكف ......
توقعاتكم حبايبي شراح يكون ردة فعله لحيدر ؟؟؟؟؟؟
راح يخليها تكمل دراسه لو يرفض ؟؟؟؟؟؟؟؟
راح يطلكها لو مستحيل يفكر بهذا الشي ؟؟؟؟؟؟؟
زينب شراح تكون ردة فعلها بالحالتين ؟؟؟؟؟؟
اذا رفض ؟؟؟؟؟
اذا وافق ؟؟؟؟؟؟
حيل اذاني هذا البارت لان خليته الكم طويل حتى باجر محد يداعيني ابارت لان باجر ماانشر
مريضه حيل والله وكوه كدرت اكمله هذا البارت
اذا صرت زينه انزل واذا لا اعذروني لان من صدك تعبانه ومريضه
تحياتي للجميع 😘😘
|