[لامارا]

البارت الثامن عشر🌿

لا تجعلون الروايه تلهيكم عن طاعاتكم اللهم بلغت اللهم فشهد

‏تُبهرني سُلطة كبريائي على مشاعِري دائماً.


نزل يدك لااكسرها لك
لفو مصدومينن وبالاخص نشور
قرب محمد /لا اشوفك رافع يدك عليها
لؤي رفع حاجبه/هوب هوب هد العب زوجتي تراها
محمد وهو يفك يد لؤي من يد نشور
محمد/واختييي تراها ولا مديت يدك عليها تلقا من يوقف بوجهك واولهم جدي وانت خابر موقف عمي خالد وغمز له
لؤي/محممممممد مالك شغل
محمد /لا صار الموضوع خواتي يصير لي شغل
لؤي بسخريه/من متىى صارت من وقلدها خواتك
محمد/من اول ماانولدت وهي اختي وسحب يد نشور ومشا وهو يقول /انتبههه تكد يدك يالؤي والله ماارحمك
ومشا مع نشور المصدومه الي ماسمعت من كلامه ولا شي يدور ببالها بس نزل يدك لااكسرها لك شعوررر غريب جاها بهلحظه شعور انتصار شعور ان في احد كسر لؤي فيه احد رفع صوته عليه فيه احد اخذ حقه مصدومه من محمد
محمد/ليش رفع يده عليك
نشور/ولا شي سالفه تافه
محمد/تمام لاتفكرين بها كثير واذا رفع يده مره ثانيه علميني
نشور/ليش
محمد/وش الي ليش
نشور/ليش دافعت عني
محمد/لانك اختي
نشور/اختك
محمد وهو يلف نشور له/نشور انتي اختي طبعاا وانا اعتبرك اختي كان ودي اتقوب منك لاكن انتي مااعطيتيني فرصه اني حتى افتح موضوع معك حتى لو بسيط اشوفك تطلبين اشياء من فهود ولما يرفض مرات كنت اتمنى تلفين لي وتقولين محمد طيب انت كنت بقول من عيوني لاكن كل مره يخيب ظني لما يرفض تمشين وتطلعين تقربتي من فهد بقووووه وسمحتي له انه يدخل حياتك وشاركتيه بهمومك كنت اتمنى تبادرين لي حتى انا لاكن ماشفت ابد اي مبادره طول الثلاث السنوات الي راح فيها فهد كنتي تطلعين مع عمي راشد ومرات جدي واذا مالقيتي احد خليتي احد من خوالك يجي وكنت انتظر تجيني تقولين محمد عادي تساعدني لاكن ماالقيت ذا الشي منك لاكن بتظلين اختي والي يمسك يمسني والي يحزنك يحزني والي يفرحك يفرحني ومولازم تكونين قريبه مني ابدااا اهم شي تكونين مرتاحه انا ارتاح لو بعيد عني
نشور مصدومه حاليا من الي قاعده تسمعه يتمنى يصير قريب منها وهي صاده عنه
نشور/انت مجنووون اكيد ابيك قريب مني وابيك اخوي وضحكت مصدومه كنت اتمنى هلحظه تجيي كنت اتمنى حتى اني اتكلم معك ومع عيسى ماادري يمكن انا مااعطيت مجال لاكن ماوضحت لي انتا وضمته وهي تبتسم /اهلا بك بعالم نشور الكئيب الي الكل دخلو فيه وغرقو بكئابه ولا احد نجا لاكن انشاءالله انت تنجا
محمد ضحك /اهلا بيي معليك سباح انا اطلع واطلعك معي بعد
نشور /صعببب
محمد/مافي شي صعب على محمد
ضحكت نشور /ننتظر ونشوف
محمد ابتسم /يله بروح للعيال
••••
لؤي/واللله طلع له لسان
فهد/شمسوي انت عشان يطلع له لسان
لؤي صد/ولا شي مشكله بيني وبينه وبنحلها
محمد من وراه /وشوله تصير بيني وبينك خلنا نقول للعيال يمكن يساعدونا وغمز له
عصب لؤي يهدده/محمممد مو تسوي تهديد تبي تعلم علم مايهمني تبي تقول قول ولا طقيت خبر بعد
محمد /لا تخاف مو من عادتي انقل السوالف
فهد /ياااهوه عااد حريم انتم حرريم تتهاوشون وقدامنا بعد الواحد دقنه ملي وجه وتتهاوشن قدامنا تبون تتهاوشون اطلعو برا
محمد/هدي ياعمي محنا متهاوشين اسااسا نقاش بس وانتهى مااخذت بخاطري ومااتوقع لؤي اخذ بخاطره
لؤي/حتى اناا مااخذت بخاطري نسيت اصلا
عساف/زينن لؤي
لؤي/هلا لاكن اسمع اذا بتسالني عن عرسي اذبحك طفشت وين ماامشي سالوني عن عرسي
عساف/كم سوال
لؤي وهو ينسدح /تفضل اذا مااجاوبت على عساف القلب اجاوب من
عساف/يااغناتي والله المهم حلويات الرجال حجزتها
لؤي/لازم
الكل/تستهبل
لؤي /اووووف وربي نصيحه ياعيال لاتعرسون عبالي الامر سهل طلع اصعب من الصعب
عساف/اااسمع بس من يبي الدح ماقال اح مااحد ضربك على يدك وقال اعرس انت الي تزوجت
لؤي/يووووه عاد اف اخلص ىش عندك بعد
عساف/الكرروت ياغبي ياغبي ياغبي ماطبعتها
فهد/انا بطبعها عليي
لؤي/اسف فهد بس مااقدر اقول لا تم تم تم
ضحكو كلهم
عساف/اصبر باقي الاجازه لازم تضبطها ولا بتتورط ترا
لؤي/اي دخل واسطه عمي خالد ماقصر وعطوني ثلاث ايام
عساف/حلو وبعد فيه ماوديت اغراضك ولا اغراض مرتك لبيتك
لؤي/بوديها مع فهود انشاءالله الا صح ماقلت لكم خطتي جبت المصور وابيه يصور مقطع لي وانا اتجهز فهمتو يعني وانا البس الساعه الكبكات وانتم تلبسوني البشت وانا اتعطر واتبخر يعني التفصيل فهمتو
عزوز/الله حلو
لؤي/اي وبعدها نطلع ونصف كلنا مع بعض ويصورنا وبعدها يصورنا وحنا نركب السيارات ونمشي وتبدا الزفه عاد وهو يصورني
فهد/على اساس كنت بتستاجر سياره بس دام خلاص جتك سياره بتزف بها
لؤي/ااي
عساف/متحمس
لؤي ابتسم له وصد
سكتو
لؤي يعتبره هم تخيلو انكم تتزوجون بشخص تدرون انه خاييين تخيلو بس كيف الشعور الي يحس به ماينلام
••••
الحمدلله
نشور /ميّ مااطلب منك لا حب ولا شي احترام بس تجلسين تعلميني وش جهزتو ذا عرسي بععد انا بشوف وش الصوره الي راح يطلع فيها مااطلب منك تسولفين معي ولا شي بس علميني وش حجزتو وروحي ساعديني تكفين ذا عرس بيجي فيها قرايب امي وصديقاتها وصديقاتي صديقات صديقاتي عالم كبيره جداا لطفاً
ميً/تمام وش تبغين
نشور/الاستقبال طلبتو وش عليه
ميّ بدت تعلمها بالتفاصيل
نشور/ماافيه فنانه ولا فنان اجل وش!؟
ميّ/dj>>>دي چي
نشور بصدمه/نعممم
ميّ/احمدي ربك كان ماافيه بس رشا طلبت امي وحطته دي چي ويعني طلعو اشياء امس مافيها اغاني او شي زي كذا
نشور /يعني وش يرقصون على موتن قهر ولا زلزله ايش التفكير الغبي ذاا وقامت شكرا ميّ الله يسعدك وراحت لفهد
نشور/فهد
فهد/هلا
نشور/وين لؤي
فهد/عند العيال
نشور/خله يجي ابيه
فهد/شسالفه الا على جيت لؤي
لؤي/وش بكم
فهد/توي بدق عليك وش السالفه
نشور والدمعه بعينها/تخيلل جايبين دي چي طيب مااعترض لاكن مافيه شي به مختارين اناشيد فهد حنا ب 2019 مو 2010 عازمين عالم جدا كبيره كل واحد عرسهم احسن من الثاني ماابي اغاني ماابي اورق او عزف بعرسي ماابغاه ابغا على الاقل فنانه تحيي العرس بدون عزف او دي چي انا اختار الي يطلع فيه
لؤي/من قال لك
نشور/مو مهم من قال ليي المهم ماتشتغل هلاناشيد لو يبقا بدون شي
فهد/نشور ماقد جبنا بعروسنا فنانه !!!
نشور /فهههد ذاك اول الحين لا مافيها ذنوب حتى مااقلت جيبو لي فنان او فنانه كبيرر مايطلع الا بموسيقى ويغنون لا فنانه بدون موسيقى شي بسيطط او انا اعطيهم فلاش الي راح يشغلون عليه الدي چي
لؤي ساكت
فهد /تفاهمي مع زوجك اذا وافق انا اقول لاابوي ومشا
نشور لفت ل لؤي والدمعه بعينها/لؤييي والله لااصير مسخره عند الناس الي بتجي تكفىى مااطلبت شي منكم فنانه وانا ادفع فلوسها بعد
لؤي"لا تقولين لؤي لا تقولينننن مااقدر اقول لا انهزم قدام عيونك قدام دموعك قدام لفظك لااسمي"/تمام اعطيني اسم الفنانه الي تبين وانا اجيبها
نشور بفرحه/صدققق ماااحد يعارض
لؤي/مااحد له شغل
نشور قربت منه لاشعوري وضمته /لؤيييي مااتدري قد ايش اسعدتني مرره شكرا
لؤي مد يده لضهرها وتذكر صوتها يوم تقول /اوك حبيبي مثل مااتفقنا نطلع بكره الساعه 8 ابعدها عنها
لؤي/سويت هلشي مو عشانك اولا عشانه عرسي والي يطلع عليه من سب بيتوجه لي انا ثانيا لا تقربين مني مره ثانيه مااتشرف وقرب منها وهو يهمس قذارتك تصير علي
واقفه تغمض عيونها وتفتحها وترجع تغمضها بصدمه وببالها بس يدور "قذراتك تصير علي"
علا من وراها/بووو
فزت بخوف/خرعتيني
علا/وش بك واقفه هنا
نشور /تخيلللي وقامت تقول لها
علا/وافق لؤي!!!
نشورر/اي ولا تعبت حتى وانا اطلبه
علا/غريبهههه صدمه صراحه بس راح ياكلونك يانشور والله نصيحه مني لا تحيبين
نشور/راح اجيب واعلا مابخيلهم يركبونه اهم شي لؤي وافق ماعلي من الباقي ولؤي عند كلمته اقول امشي بس ندور لنا على وحده حسبييي الله اليوم 20وعرسي ب3وين القا الحين ببكي بس اهم شي اخذت الموافقه
علا/اعرف وحده انا صوتها يجنن وتعرف امي بعد اذا اعجبك صوتها نخلي امي تكلمها ولؤي يحول
نشور/وريني
علا/اكتبي بالانستا ****
وبدو يختارون الطقاقه
••••
الحمدلله

ابراهيم صرخ/مااتفهمين ماابي
شهد رجعت بصدمه/طيب لاتعصب
ابراهيم /ابفهم مااكنتي بتسافرين وش الي غير رايك
نوف من ورا/ابراهيممم حدك عاد مو على امي زودتها
ابراهيم/جابك الله تعالي علميني امك ليش كنسلت سفرتها!؟
نوف تنهدت وجاوبته لان لو ماجاوبته بيعصب/جدي عيا عليها وحلف لو تسافر قبل عرس نشور ماايعرفها ولا تعرفه
ابراهيم/اوووه يعني جبرها تحظر عرس بنتها الي ماتدري عنها وقررت تسافر عشان ماتحظر عرسها وتتهرب منها وبالاعياد تدق من الفجر وتعياد كل الناس بسرعه وتقفل جوالها عشان بنتها لادقت عليها ولا ترد على رسايل بنتها ولا باركت لها حتى بزواجها ولا عمرها راحت لبيت ابوها لا درت ان بنتها فيه والمناسبات الكبيره تعتذر منها بحجت انها جالسه عندي ولا درت ان بنتها مي حاظره طلعت مليون عذر وراحت واخر شي يعي جدي عنها ويحلفها بعد خيبه صراحه لاكن اذا تبين يام نوف نكلم لك جدي اذا مصره مرره تسافرين ومره وحده نفكك من حظور العرس وغمز لها ومشا يتخبط الارض بعصاه
حياته صارت مظلمه جداااا ومايحب الا عصاه الي يعتبرها مي منافقه صديقاته الي ماتركته ابد ساعدته بدون لا تتافف او تتضايق او تهاوش او تتحلطم
شهد بدت تمسح دموعها الي تتساقط منها
صار ولدها قاسيي جدا جدا يصيحها يوميا يجرحها يوميا يعاتب ويصارخ ويسخر ويستهزي ويجرح ولا يهمه من تكون ابد بالقعده وبالقومه يذكرها بنشور كل مااتتذكر كيف انها ضحت ببنتها عشان عيالها واخر شي يصير كذا معاها جاف قاسي مايرحمها ابد طيب تضحيتها طيب تهربها من نشور تحملها ل امجد عشانهم مااصار يشوفها ابد انعما واعمى عقله وقلبه معه >>يظل مو عذر كان بامكانك تتطلقين من امجد وتطالبين بعيالك والحين القانون مو مثل اول يخيرون العيال من يبغون امهم ولا ابوهم والي تحت ال15مع امهم القانون ماايظلم لاكن حنا نظلم انفسنا ونظلم عيالنا
مو عذر ذاا يعني لما اجي لولدي اقول له تركتك عشان اخوانك مااتركهم!!!!!
هل بيسامحها بسهوله لانها ضحت به وفكرت بعيالها وخلته هوو ؟!
لو تحب صدق مااتخلا حتى الموت وهي تخلت عن نشور بكل سهوله وزود على انها تخلت عن نشور ماعاملتها معامله كويسه مثل الباقي خلتها كاانها منبوذه وتكرهها مررره تتهرب منها تقفل جوالها عنها ماتفتح رسايلها ولا تقرب منها ابددد ابدد وكانها مااتعرفها حتى
••••
لؤي/الي قلته عندي وراح اجيبها
ام لؤي/تعصيني يالؤي
لؤي/محشوومه يمه لاكن انا وعدت نشور ولازم انفي بوعدي وال دي چي الغوه والفنانه الي تبيها نشور راح تجي والي عندي قلته ومشا
ام لؤي بحقد/من الحيننن ساحبه ولدي لمها سوسه مثل امها
حلا/يمه بتسكتين روحي علمييي جدتي
امها/لؤي وقال شي ينفذه ينفذه لو دخلت العالم كلها بسكت هلمرره لاكن ماراح امشيها انا اووريها
دخلت سديم
سديم/وش بكم اصواتكم طالعه برا
حلا/تعالي تعالي شوووفي نشور وش مسويه
سديم كشرت/شمسويه
حلا /تخيلي
••••
استغفرالله

متجمعين كلهم بدون استثناء احد
على التلفزيون
المذيعه/والان نتابع مع بعض مشاهدينا مقابله العربيه مع الفنان الكبير مشاري ال *** ويكون اول واحد اشترى سياره ال*** وكااول سياره بالسعوديه وقيمتها ***
الكل لف لنشور
تدري وشايفه المقابله قبل لا تعرض حتى
المقدم/مساء الخير اعزائي المشاهدين والمشاهدات نرحب بضيفنا مع بعض مشاري ال***
مشاري ابتسم/ياهلا والله ارحب فيك والمشاهدين واقول صيام مقبول لكم باذن الله
المقدم/باذن الله مشاري ال ** كيف بديت هل تعرضت للفشل للاحباط او الانتقاد
مشاري/اكيد اكيد شف اي انسان عشان ينجح لازم يتعرض للفشل مستحيل بتطلع كذا بدون فشل الحمدلله بفضل الله طلعت واجتهدت اشتغلت على نفسي والحين اشوف اني راضي عن نفسي تماما
المقدم/اكيد وانت كبير يامشاري
مشاري/حبيبي الله يسعدك
المقدم/هل فيه شي جديد لك قريبا اغنيه
مشاري/باذن الله بالعيد وانا مواعد جمهوري بها
المقدم/مشاري محتوى اغانيك حب يعني بااختصار انا لما احب اروح اسمع اغاني مشاري ال**** هل عندك ملهمه
ضحك مشاري/لا لاكن هاذي النصوص الي توصلني وتعجبني واختارها والحين الاغاني الماشيه ياما تكون اغاني حب او حزن
المقدم /تعجبني صراحتك
مشاري/نتعلم منك وضحك
ضحك المقدم/طيب ممكن تخبرنا عن السياره
مشاري/اكيد اول شي السياره كانت حلمي وان اكون كااول شخص دخلها لسعوديه والحمدلله اجتهدت واشتغلت وجمعت قيمتها وحققت امنيتي
المقدم/هل احد ساعدك بمبلغ لان مي هينه قيمتها
مشاري/اول شي كل الي فيه انا بفضل الله ثم فضل جدي وابوي واهلي لو ماكانو معي ماوصلت للي وصلت فيه اليوم والسياره ساعدوني فيها لاكن كااغلب انا دفعتها
المقدم/الله يزيدك ياحبيبي
مشاري /امين يارب
المقدم/نعرفك كامدير اعمال كبير جدا لك استثمارات بالسعوديه وبالخارج جدا
مشاري قاطعه/بفضل ربيي ثم دعوات الوالده والوالد
المقدم /الله يخليهم لك سؤالي مافيه تعب عليك مابين شغل وتسجيل اغاني والبومات وموجود بالسوشل ميديا بعد مايتعبك
مشاري/اول شي التيسير والتسهيل من الله سبحانه بخصوص الاغاني لما اسجل ترا ماياخذ ساعه ومدير الاعمال هو الي يضبطه مايقصر احب امسي عليه الوليد ال*** ومعروف بعد الفضل لله ثم له هو معي بكل خطوه اخطيها اخوي الي ماجبته اميي ولو لي نجاح من 10انا 2وهو8 حقيقي يتعب معيي تعب اما السوشل ميديا ترا الناس تحسب لما اووه تكون بالسوشل ميديا يروح يومك كله عليه لا من 24ساعه انت ماتصور الا ساعه تقريبا بيومك كامل ولا ياخذ وقت واداره الاعمال الحمدلله قادر اني اعطيها من وقتي والحمدلله مثل ماقلت لك التيسير من الله سبحانه
لما قال الوليد ال ** لف لؤي لنشور لاكن نشور ماطالعت له
المقدم /وانت نجم كبيرر تقدر تقسم وقتك اكيد طيب عطني اسم كان دافع لك من بديت شهرتك كان يواسيك وقت حزنك وتحبيطك
مشاري ضحك/لا ذيي فيها زعل ناس كثير والله خواتي عيال عمامي عماتي وابوي والراس الكبيرر جدي اخوياي كثيرر والله
المقدم/الله يخليهم لاكن نبغا اسم لازم فيه اسم يكون من سالتك طرا في ببالك وحتى الناس الي ذكرتهم يقولون صح يستاهل
مشاري /والله كثير لاكن الدافع الي خلاني اكمل حقيقي اختيي الله يخليها لي هي السند لي وهي الي كانت ورايي دايم في كل شي هي سنندي في الحياه حققيقي
المقدم/تذكر اسمها
مشاري/بدون ذكر اسماء !
المقدم /علعموم الله يخليها لك ناخذ كم سوال من اساله التويتر
مشاري/توكلنا على الله
المقدم/اوول سؤال من اخوننا طلال يقول طلعت اشاعات ان عايله ال **** <<عايله ابو نشور
طلعت اشاعات ان عايله ال *** لكم صله قرابه معاها معن مشاكلكم كبيره بين بعض اجابتك
مشاري/مو اشاعه صحيح عايله ال **** والي هو مدير الاعمال سالم ال**** ماخذ من عايلتنا قديما وماكملو ماحصل بينهم نصيب وعندهم بنت وابد ماافي مشاكل بيننا بالعكس قرايب وحبايب وابد اشاعه ان بيننا هوشه مي صحيحه
المقدم/وحاليا البنت وينها
مشاري رفع حاجبه/اعتقد ان هاذا شي خااص مالك حق تسال عنه ولا المشاهدين ؟!!
خالد/يعررف يسوولف هلورع
الجد/الناس مدرري وشوله حاشره نفسها بخصوصيات الناس
الجده/المفروض قال هلاشاعه غلط وماعندنا لا بنت تقرب لهم ولا شي
الجد عصب /ننكر بنتنا يامزنه
نشور تنهدت ولفت تكمل المقابله
المقدم/اعذرنا يافناننا السؤال الثاني هاذي اختنا ميّ تقول هل صحيح انك تعرضت لحادث متعمد لما حصل لك الحادث قبل شهرين مثل ماقالو
مشاري انقهر من الاساله /لا ابدد مو متعمد صار علي الحادث قضاء وقدر
المقدم/ماتشوف شر السؤال الثالث تقول اختنا زهره هل صحيح ملكت وطلقت او للحين مملك
مشاري بتعجب/ملكت متى كاني ملك وانا ماادري فامدري وضحك
المقدم ضحك/يعني مااتزوحت للحين
مشاري/لا
المقدم/ولا انت ناوي
مشاري/بالبدايه تسالني اذا كنت افضا ولا لا وخصوصا مع اعمالي والحين تسالني لي نيه اتزوح ولا لا
تفشل المقدم
راشد/كفو المقدم مستفز
المقدم/يعني افهم من كلامك مالك نيه
مشاري/عاد سوا لي نيه او مالي نيه هاذا شي خاص اتمنى الخصوصيه مااحد يتعدا عليها
المقدم/رغبه شخصيه السؤال الرابع من محمد هل صحيح مقفل الخاص حق مواقع التواصل الاجتماعي وجمهورك مايقدر يتواصل معك
مشاري/صحيح لاكن مو ان جمهوري يتواصل معي او لا ذي رغبه شخصيه فيني وتحصل فيها ازعاجات عشان كذا قفلته لاكن مايتواصلون معي الا كل اسبوع افتح لهم اساله في الانستغرام وبكذا يتواصلون معي مااتوقع لهم حاجه فيني اكثر من كذا؟!
المقدم/جواب سليم السوال الخامس من اثير تقول هل صحيح حصل بينك وبين الفنان الكبير *** دويتو لاكن تكنسل
مشاري/صحيح لاكن ماتكنسل صار فيه اخطاء بالنصوص وتمت استعاده النصوص للامير *** الله يطول في عمره
وراح يعيد النصوص ونرجع نعيد التسجيل
المقدم/يعني راح يحصل
مشاري/ان قالها الله
المقدم/السؤال السادس من وحيده تقول هل صحيح ان جاتك عروض قويه جدا على موسم جده وموسم الرياض وجو فيه فنانين كبار لاكن رفضت
مشاري/صحيح
المقدم/سبب رفضك
مشاري/الوقت الي جاتني فيه العروض ماكان مناسب وطلبوني لحق جده لشهر 10 لاكن مااعندي وقت والله ولا يشرفني
المقدم/خساره كبيره
مشاري/كل شي يتعوض التوفيق على الله
المقدم/والنعم فالله السوال السابع من بيسو تقول وين الوجه السنه ذي وحاطه ضحكه وسبب انكم ماسافرتو من بدايه الاجازه مثل العاده
مشاري ضحك /وجهتنا هلمره لااذربيجان وسبب اننا ماسافرنا شي شخصي
المقدم/السوال الثامن والاخير والغريب انك حاط لايك على هلسوال لاكن لايوجد رد وجاننا فضول اننا نعرف الرد من شروق تقول هاه يامشاري متى تمشي خواتك بالسياره
مشاري مات ضحك وانحرج
ونشور ابتسمت لانها شروق شروق ماغيرها
المقدم ابتسم /شكلها من اهلك
مشاري سيطر على نفسه وشطح على سؤال المقدم/قريب انشاءالله
المقدم انحرج/طيب اسمح لنا الحين نتداول لك مقاطع وتعلق عليها
مشاري/توكلنا على الله
بدا يشتغل المقطع كان مسوي نفسه نايم الا جاء خالد شغل اغنيه بسماعه الا قام بسرعه وبدو يرقصون بضحك وطقطقه
انتهى المقطع
المقدم/جاء اقبال كبير على هلمقطع ووصل ترند لمده يومين البعض انتقد والبعض اعجبه المقطع السوال هل ندمت على تنزليك للمقطع خصوصا فيه شخصيات كبار انتقدت المقطع
مشاري/اول شي مثل ماقلت انت الحمدلله هلمقطع جاه اقبال كبيير لاكن لولا اختلاف الاراء لبآرت السلع انا لما انزل شي يعجب البعض وينتقد البعض مستحيل بيعجب الجميع ودايم ناخذ المواضيع بالشي الايجابي ليش مانفكر انه اعجب الاغلب خلاص ليش نفكر بالنقد ابدا مااندمت وسويت مثل هلمقاطع كثير
المقدم /صحيح لولاء اختلاف الاراء لبارت السلع المقطع الثاني
مقطع هواش مو واضح وبعدين طلعو خالد وعزام يسحبون مشاري وهو يصارخ وطلعو برا الكوفي
مشاري بصدمه/كيف جبتوه هاذا؟
المقدم/مصادرنا ممكن توضح لنا شسالفه
مشاري/سوء تفاهم
المقدم/اشرح اكثر للجمهور
مشاري/اشرح ايش سوء تفاهم حصل وانتهى والمقطع قديم اساسا وتحصل مثل هلاشياء
المقدم/المقطع الثالث
مقطع مشاري ينتقد محل كبيرر معروف بالرياض
المقدم/توضيحك
مشاري/هلمحل طلب من اعلان رحت بعلن لهم الجوده جدا سيئه المحل بعد التعامل ابد مو راقي ولا يجي مثل سمعه هلمحل التصاميم جدا جدا سيئه اعتذرت قلت مااعلن مااضحك على متابعيني عشان اعلان صاحبه المحل الله يستر عليها بدت تصارخ وتهاوش ومو على كيفك والناس تجمعت الي بالمول وحطت نفسها بموقف جدا محرج ولا تسوا عليها باامكانها جابت مشهور ثاني واعلن لها
المقدم/طلعت صاحبه المحل تقول انك مارجعت قيمه الاعلان
مشاري/ابد مو صحيح اساسا من طلعت للمحل صورت لناس وانا احول لها فلوس الاعلان ومو من مراجلنا نسرق فلوس الناس
المقدم /اكيد اكيد المعروف لايعرف مشاري ال** تشرفت فيك واخير كلمه تقولها لجمهور
مشاري /اول شي الله يسعدكم قد ماتسعدوني والله يرزقكم من حيث لا تحتسبون الشكر لله ثم لكم تتعبون وتجتهدون وتصممون وهشتاقات دايم ترند محبه جمهور كبيره مي بسيطه يسععدوني دايم الله يسعدهم الكلامات ماتوفيكم حقكم حررفيا شكرا من القلب والله يقوني على محبتكم واوفي وعدي لكم
المقدم /مشاري راح الوقت وحنا ماحسينا اشكر تقبلك لدعوه وحضورك احترامك لنا واسلوبك الراقي وتفهمك اشكرك وشرف كبير لي اني استضفتك معي اليله وبنختم معك بكلمه توجهها للمشاهدين وبعدها اختم انا وتختم لنا بااغنيه
مشاري/اول شي حبيبي انا الي تشرفت فيك واني طلعت ببرنامجك الكبير وثانيا لا اله الا الله وحده لا شريك له له الملك وله الحمد وهو على كل شي قدير ولا حول ولا قوه الا بالله اشهد ان لا اله الا الله واشهد ان محمد عبده ورسوله اذكاركم حافظو عليها وصلاه الوتر وفرضكم ولاتنسون الصلاه على حبيب البشر نبينا محمد اللهم صل وسلم عليه واحبكم وانتظرو جديدي وشكرا لكم ولاتنسوني انا ووالديني من دعواتكم
المقدم /اختم معكم احبتيي مع الكبير مشاري ال*** وانتظرونا بحلقه جديده مع ضيف جديد وبالختام لا يسعنا الا السلام فلسلام عليكم ورحمه الله وبركاته
طفت المبات وصارت الاضاءه على مشاري الي وقف برزانه وثقل ورزه ومعه المايك بدا يغني لاكن بدون موسيقى هاذا كان شرطه عشان رمضان
خالد لف لنشور /يغني بدون موسيقى؟!
نشور /لا بس عشان رمضان طلب منهم يغني كذا بدون موسيقى
خالد/اها
وبعدها انتهت المقابله ورجعو على الاخبار
يطالع فهد حس بغيره او قهر شعور ماعرف يحدده يعيش تناقض بين نفسه بين انه مهتم وبين انه مو مهتم
بدون مايحس راح عاد المقابله وقدم الين ماجات فقره التغريدات وقدم لتغريده شروق واخذ حسابها راح بحث عنه لقاه مفتوح بدا يشوف تغريداتها والردود ولقاء ان الاغلب متابعها ومتفاعله بتويتر مرره تغريداتها عن الحب والشوق والعتب تناقض تغريداتها مو طبيعي
تغرد عن الحب وبعدها علطول عن الاشتياق والعتب!!


••••
اشهد ان لا اله الا الله واشهد ان محمد عبده ورسوله

مشت الايام بغمضه عين نشور تطلع من الفطور لسوق ولا ترجع الا اخر اليل وتكون بجناحها ومع علا ماقابلت لؤي ابددداً

فهد/ذي كل الاغراض
نشور/اي
فهد/نشور ترا مالك رجعه لهلجناح اخخخذتي كل شي
نشور /اااي
ولف فهد يطالع المكان فاضي وتسريحتها بها اشياء قليله غرفه الملابس قفلتها خلاص وحاطه شنطه فيها اشياء لها لحد يوم الزواج لبس العيد والاشياء الثانيه وبجنبها شنطتها حقت يوم العرس اغراضها كعبها وكل شي
فهد/الرسمات والفازات والزين منتي ماخذتها
نشور/لا
فهد/اغراضك القديمه كلها اخذتيها من غير جهازك
نشور /اي
فهد/يبي لها جناح بس الملابس الله يعين لؤي
نشور تخصرت/لا والله ترا الاغلب عطيتها بنات خالاتي مااخذتها
فهد /اقول جهازك اكثر من 10شناط وملابسك القديمه8شناط وكل ذا وعطيتي بعد الله يعين العشير
نشور /ااقول برا برا يله دامك معه يله
طلع فهد وهو يضحك
تنهدت وهي تحس بكبته مااتبي هلزواج يقرب ابد وكيف وهو بعد 4ايام وبكره العيد من بتعيد خلاص بتروح عند خوالها ليووم الزواج
دخلت علا/نشوور جت حق المكياج
دخلنها وزينتهن وراحت
بدت نشوور ترتب جناحها ترتيب نهائي بلا عوده مع الخدم وبعدها شغلت البخور فيه وراحت تلبس
مشاعر متلخبطه قاعده تعيشها حاليا
صلو صلاه العيد والكل اجتمع
طلع لؤي لنشور طق الباب
نشور وهي تلبس الاساوره/تعالي علا تعالي
دخل لؤي يطالع فيها باانبهار
لفت نشور بصدمه
مكياجها

https://images.app.goo.gl/Q3ChBy7jUk8TjCXE7

فستانها
https://images.app.goo.gl/QHGSfpsh6HsJw8vL7

وهي تطالع فيه بثوب الابيض والدقله والشماغ الكبكات والساعه والقلم انبهرت
قرب منها/كل عام وانتي بخير
نشور/وانت بخير
لؤي/انا زوجتي مااتلبس هلاشياء ويقرب فتحت الرجل لركبه والصدر طالع مافيه غيري فستانك تراك زوجه لؤي ال *** مو السافلين الي تكلمينهم
نشور بصدمه/نعم
لؤي/الي سمعتي مااتطلعين بهلشكل غيري فستانك
نشور/وديت كل ملابسي ؟!
لؤي/اجل البسي لك اي خرده وامشي خوذي من علا اي شي
نشور وفيها الصيحه /ترا ماني طالعه عند عيال بنات بس
لؤي/قلت لك ماتلبسين هلاشياء عند الناس تلبسين لبس ساتر وطويل ولا يكشف شي من جسمك
نشور لفت ودموعها بدت تنزل دمووع قهررر ظلم تخيلو صبح العيد احد يجي يخليك تغير فستانك الي مااعندم الا هو وفرحان فيه
لؤي/دموع التماسيح مااتمشي علي يله بسرعه
نشور مسحت دموعها وراحت للغرفه تتمنى هلحظه بس تقتله راودها هلشعور بتطلع وتطعنه
لؤي /انتظرك
نشور/بنااام الله ياخذك بنام
جاء لها بسرعه ومعصببب مسك معصمها بقوه/اولا لسانك لا يطول لااقصه لك تفهمين ثانيا بتمشين غصب عنك وبتطلعين غصب عنك وتعايدين امي وابوي بسرعه
وهو يحذفها ويطلع لصاله
قامت نشور وهي تبكي زحفت لااخر شي بالزاويه وقعدت تصيح بقهرر وخيبه
لؤي ماتحمل صياحها وطلع برا الجناح كله نزل تحت
الجده كشرت/وينك لك ساعه ينتظرونك وينتظرون المدام الي للحين مانزلت واخر شي راحو يوم جو الرجال
لؤي/الحين تجي وين عمتي رشا
رشا من وراه/هلا
لف لها لؤي وهمس/شوفي نشور فوق ومشا
الجده/وش عننده
رشا/يقول لي ان نشور تبي معن يلع معن امش
الجده/وووي عشتوو من الحين يركض لها ركض وراها مانزلت وعايدت جدها الي يعصي الكل عشانها
رشا تنهدت ومشت
والجده /ساحرته يام لؤي ساحرته انتبهي لولدك اجل لؤي الثقيل الي متايعطي احد وجهه يطيعها وينزل تحت عشانها وينادي لها معن بدال ماايخليها هي تنزل وتطيعه
ام لؤي/وش اسوي ياخاله تعبت منه
الجده صرخت/ماعندي تعبت ولا ماتعبت تخلينه يطلقها طيب ولا غصب وكل واحد وشطارته كانك مره سنعه تعرفين كيف تخلين ولدك يطلقها
فوق
دخلت رشا مع معن
رشا/معن حبيبي خلك بالصاله ياما اناديك
معن/لا واللله ادل عطيني دوالتس>>احل عطيني جوالك
رشا/يافرقااا لانه عيد مابقول لك شي هاك ومثل مااتفقنا سبيدرمان مافيه زين
معن وهو يقعد وياخذ الجوال /زين
وراحت رشا لنشور
دخلت لقت نشور بمكانها ومنهاره تبكي رحمتها مرره تدري ان لؤي ضايقها
جت لمها /وش بك
نشور تبكي
قعدت بجنبها بالزاويه/لؤي ضايقك
ونشور على وضعها
رشا /امم خليني اخمن عشان لبسك صح
نشور هزت راسها
رشا /طيب تدرين ان لؤي ماقصده يضايقك والله وتراه طيب لايغرك انه صلب ولا يضحك ماافي اطيب منه وتلقينه مو قاصد يبكيك مثل يوم كذا لاكن لؤي غيورررر مرره مررره على اشياءه بشكل موطبيعي تدرين يوم اني تخرجت من الثنوي وقلت ابي طب وقف الكل بوجهي
ورحت لاابوي واقنعته ووافق ابوي قلت له يبه انا تربيتك وكم هلكلام واني ابي طب لان وضيفته مضمونه وقف الحل ضدي واولهم لؤي لاكن ابوي وامي معي المهم وجيت بقدم على الطب ماانساها دخل علي لؤي ودمعته بعينه يطلبني ماادخل طب يقول تكفين كل شي الا الطب ماابيك تختلطين بالقرف والمجتمع ال**
يقول انا اسمع اشياء انتي ماتسمعينها وكل ذا من غيرته
نزلت دمعته متخيله ماايعرف وش يسوي عشانه غيران وعبر لي بدمعته لؤي الجبروت الي دمعوه ماتنزل قدام احد نزلت دمعته قدامي دمعت الغيره دمعت القهرر
ومن ذاك الموقف شلت الطب من راسي نهائي عشان كذا سو معاك كذا وتوي شفته الندم واضح عليه وهو الي خلاني اجيك حتى ابوي قال مااكتمل عيدي وانا ماسلمت على نشور يله ياحبي قومي غسلي وعيدي مكياجك والبسي شي ثاني عندك ولا اجيب لك
نشور /مالي نفس
رشا/نشورر ذي اخر ايام العزوبيه لازم تحللينها ومعن من مشوين يسال عنك يله
ابتسمت نشور
رشا/للحين زعلانه من لؤي
نشور/كان ممكن يجي بطريقه ارقا مااراح اقول شي كان ممكن يجي يقول نشور فستانك حلو بس انا مااحب زوجتي تلبس هلاشياء عند الناس اغارر عليك
تلقيني بقول له من عيوني الحين اغيره مو الطريقه الهمجيه ذيي
رشا/نشور كلنا نعرف ان لؤي مايعرف يعبر بالكلام تلقين الكلام ذا بباله بس طلعه بطريقه دفشه
نشور /ماابي منه كلام حلو بس يكفيني شررره
رشا/يممهه ثنائي جمميل تصدقين احلى معرس وعروسه لؤي المتكبر القاسي الي ماايعرف يعبر بالكلام نشور المتواضعه الحنونه الي كلامها ينقط عسل
نشور/مو هااذا البلا مافي تفاهم تلقيينا ليله العرس انا ماسكه شعره وهو مو ماسك شعري متهاوشين
رشا/بتحبيييينه صدقيني بتشهقين بااسمه بعد
نشور كشرت/تف تف بسم الله علييي الله لايقوله
رشا ضحكت/عندك ملابس
نشور /ايي فيه لبس بكره شكلي بلبسه
رشا /يله ترا معن بالصاله ننتظرك
نشور/ماعيدتك وضحكت وقربت تسلم عليها وعيدتها وطلعت رشا
لبست الجمبسوت ذا
https://images.app.goo.gl/aXf4nshKSYsfPzpz7
ناعم ماكان لها خلق ضبطت مكياجها ومسحت الي كانت حاطته لها الكوفيره وشعرها عدلته وتعطرت اخذت جوالتها وطلعت
نشور/حبيبيييي وفتحت له يدينها
جاءها معن يركض وضمها /اثتقت لث
نشور/ياعمرري والله وانا اشتقت لك كل عام وانت بخير
معن حط يده على راسه يسوي يفكر /امم بابا وث دالي ادا احد دال لي تل عام وانت بخيل ام اي ثح وانتي بخيل
نشور ضحكت /وووووويه وووويه يالبييييه لبى والله هلمبسم وهليد وهلصوت لبىىىى
استحى معن وقامت نشور وهي تسولف معه ونزلو تحت مع رشا
سلمت عليهم وعايدتهم وجلست مع علا ورشا بجنبها
رشا بهمس /شوفي وتوريها المحادثه
لؤي :رحتي لها
رشا:حرام عليك يالؤي جيتها وهي نايمه بالزاويه على الارض ودموعها على خدها
وطول مارد قراها
نشور ضحكت /وش به مارد
رشا /يفكر اصبري
الا رد
دقيقه صحيتيها؟
رشا :لا
لؤي :لا تزعجينها الحين اجي واشيلها احطها بسريرها
رشا /اخص ياحركات
ردت عليه
رشا:لا معن قومها وقامت وهي تقول حرام عليك حرام
وش مسوي بها الي خرربت عيدها يالؤي
لؤي سكتت
نشور /لا احساس ولا ضمير تلقينه عادي الوضع عنده
رشا/شدراك يمكن ندم
نشور /لو كل الناس يندمون هو ماايندم
رشا تنهدت الا رد
لؤي/ماسويت شي هي دلوعه بزياده
نشور بسخريه /ماقلت لك
رشا ماردت عليها
رشا: بالله لؤي يعني حتى اعتذار منت معتذر لها والبنت بهلحاله وتقول دلع وش به قلبك صاير قاسي مااعرفتك كذا!!
لؤي /اف عميمه عاد تحقيق اساسا انا الغبي الي قلت لك اهم شي خلي عينك عليها واي صح لبسها الغبي ذام خليها تغيره لااحرقه وللله
نشور /وتقولين طيب
رشا يوم شافت كلام لؤي زي كذا انقهرت وقامت من عند نشور تتفاهم على كيفها معه ولو يسب نشور ماتشوف نشور
رشا بقلبها"ماالومك تعوفينه والله دام هاذا كلامه ""

علا /وراك غيرتي فستانك حلووو كان
نشور/ماارتحت فيه وغيرته
علا /والمكياج
نشور تتصنع الضحكه /تخيلي نسيت اني ماتوضيت عشان الصلاه واضطريت امسحه عاد احس ذا احلى بعد عشان لبسي ذاك مو مناسب مرره ولا
علا/اااي بجد ذا احلى بس قهرر والله مو تسوينه يوم عرسك 😂😂
نشور ضحكت/لا ماعليك
علا /ماينقال عنك انتي الوضع عندك ايزي
نشوور/شدعوووه يبوي ماني لهدرجه
علا ضحكت/متى بتروحين ؟؟!
نشور/بس اعايد جدي بروح لان عندهم غدا ااسااسا
علا/اها
نشور /يبب
ومثل ماقالت بس عايدت جدها وعمامها وفهد وداها علطول فهد ولا شافت لؤي ابددد
قفلت جناحها باانهيار بيوحشها واخذت اغراضها وشناطها حقت يوم الزواج بعد ماشطبت على الجناح مره اخيره وطفت الاضاءه وبخرته
وطلعت
فهد/يله ياحبي انتبهي لنفسك
نشور /وانت بعددد ولا تنسا ترا وعدتني تصور معيي يوم العرس
فهد /مااعليك عند وعدي لك انتي عيني ولؤي عيني الثانيه كلكم عينين براس لو مااصور معاكم اصور مع مين
ابتسمت نشور ونزلت /يله مع السلامه واخذت الشناط ودخلت وهي تشر له بيدها بمع السلامه
ومشا فهد
دخلت وعايدت الكل وجلست مع البنات وسوالف وضحك وبعد الغدا نامو علطول
نشور كانت تحاول تنسجم مع شروق لاكن مي قادره مل ماناظرت لشروق تتذكر الكلام ماتنكر ان ضايقها هلشي انها مو قادره تنسا لاكن شتسوي مابيدها شي
نامو وماصحو الا الفجر
شجون /تكفييييين
نشور /مالي خلق شوج بلبسه بلبسه بكره
اسماء/منتي خايفه
نشور بتبلد /لا احسه يوم عادي اصلا حتى ارتباك مافيه
شيلا/يمكن عشانك تعرفينه ومتعوده عليه وبس تتهاوشون عشان كذا
نشور/اي اتوقع عشان كذا
شروق /يله امشو نسوي باقي الثيمات حقات الحفله
نشور وهي تقوم وتتحلطم/الحفله لي وانا اضبطها وتذكرت فهد يوم العشاء له وهو يحجز الحلويات وضحكت
راحو وبدو يعلقون الثيمات بترتيب وحطو الطاوله عند الاستقبال ورتبنها خلصن الساعه عشره من كل شيي
حطن كل شي على الطاوله الي مايجتاج ثلاجه والي يحتاج ثلاجه حطنه بالثلاجه وتاكدن من طلب الكيكه
وبعدها جو العيال وطلعو معاهن مطعم
المغرب :::
شروق تتثاوب/اف النعاااس الف
اسيل /مرره
جت شذى/بناتتتت المقطع جاهز الي مسوينه سبرايز لنشور
شروق /اي توي تاكدت منه جاهز
شذى/حلو
جت نشور/يله منتم ناوين تجون؟؟؟
جن الكل وشغلو الشمعه والاغاني وبدت نشور تقص الكيكه وبعدها تجمعن عليها وبدن يبكن ونشور تبكي معاهن
شوي وشغل بلوجكتر وهاذا الي مااتدري عنه نشور
كان تسجيل اصوات بيوم ملكتها
شروق /نشوووووووووووووور حبيبييييي قلبي الف الف مبروك الله يجعله عقد تنعقد به سعادتك يااارب
وبعدها رساله من اسيل تبارك لها
وبعدها تسجيل اصوات ورسايل
يعني على حسب كل وحده وش ارسلت لها بيوم ملكتها تبارك لها
وكانت نشور تشوف وتبكي بفرحه
والعيال يوم يباركون لها وخوالها وجدتها مسجله لها صوت بعد
ومتابعينها بعد
انتهى المقطع وبدن يبكنن
نشور وهي تمسح دموعها/من فكرته
اسيل/اكيد شروق
لفت نشور لشروق وابتسمت لها وفتحت يدينها لها وجت شروق بسرعه وضمتها وقامت تشاهق وتعتذر
بهمس/اسفه والله اسفه والله ندمت والله مااقصد واالله والله وبدت تحلف وشاده على تيشيرت نشور من ضهرها وتبكي بقوهه
نشور/يااحبي سامحتك ولا ااخذتها بخاطري واالله والله
وبعدت شروق عنها بصعوبه ومسحت دموعها
شروق كان هممممم على قلبها وانزاح كله
الكل مستغرب لاكن مااسال
وبعدها بدو يجون الحريم ونفس الحكايه يحون يسلمون ويتمنون لها التوفيق ويهدون ويروحون
الساعه 1 بليل
فاطمه /يمهههه اجل تقولين سمنانه
نشوور وهي تضحك/مرررره صايره دب
فاطمه تطقطق/اشوف معن هلايام صاير يسحب علي اثري عشاني دب صرت
الكل مات من الضحك
فاطمه /والله صاير مايعطيني وجه😂😂😂
نشور وهي ماسكه بطنها/يمههه فاطمه تكفين اسكتي خلاص بطني عوررررتني
فاطمه /اضحكي اضحكي بكره وراك بكاء لصبح تخيلووو يابنات يوم عرسي الله لايوركم ياصحت صياح بغا يغما علي من كثر ماصدعت معن يرتجف عندي من الخوف من كثر ماابكي ويعايرني بها يقول خربتي ليلتنا عشان صياحك
نشور مااتت من الضحك/ياعمرررري يامعن تلقينه يقول لا عادت من عرس انا وش الي قرد بي وتزوجتها
فاطمه/واللله 😂😂ولا عاد الصبح مانمت وهو نعسان يحووول بس خايف علي مايبي ينام ويتركني وغفا عندي وطاح من الكنب يمهههههههه متتتتت من الضحك من كثر مااضحك تخيلو دموعي تصب هو خاف يحسبني انهبلت يقول تضحكين وتبكين ونسا انه طاح حتى
ومن بعد ماطاح عاد وانا اروق ويروح الخوف واعين من الله خير وانام يقول لو دريت طحت من اليل
شروق دموعها تصب من الضحك /تكفينن خلاص انطمييي بطني اههه
نشور /يمههههه تخيلت ماعوره راسه
فاطمه وهي تاكل فصفص/اقول لكك نسا انه طااح جاء يمي يحسبني مهبوله
شيلا/ماالومه واللله
فاطمه ضحكت/وهه يالبى اشتقت له والله وتشوف ساعتها اساسا تاخرت يابنات وانتن نامن بعد وراكن عررس هين نشور ماايحتاج اقول نامي لانك ماراح تنامين من الخوف وترسل لمعن يجيها وتقول تخيلي بكره مثل هلوقت ذا وانتي معه لحالكم يذبحك ياكلك يطشك مااحد يدرررري لك حتى ياوووووويلك
وبدت تخوفها
نشور قامت وهي تتخيل اسااسا لؤي بليه شرس يمكن يسوي لها شي/اللله يقلعك لااعاد اشوفك انقلعي ياحمار
وماتتت هنا فاطمه من الضحك وهي تقوم /بنقلع بنقلع واشوفك بكره وغمزت لها وراحت مع شروق وهي تضحك
نشور كشرت /مالت عليها انا بروح انام
البنات وراها /كلنا مو بس انتي
••••
الحمدلله

جاء سالم /وين لؤي
فهد /طلع الحين يجي
وراح سالم برا الا لقاه
سالم/لؤي ابي اكلمك بموضوع
لؤي /ابشر ياعمي ومشا معه وقعدو برا
سالم /ماادري كيف افاتحك بالموضوع
لؤي/قله بدون مقدمات
سالم/اسمع ياولدي انا ماابيك تعيد غلطتي مع ام نشور
سبب طلاقي منها هو

تمت✔


لا اله الا الله وحده لا شريك له له الملك وله الحمد وهو على كل شي قدير

ان اصبت فهو من الله وان اخطئت فهو من نفسي والشيطان

توقاعتكم تسعدني
بخصوص البارت مااعرف انزل البارت الجاي يوم السبت او لا عشان العيد بس احتمال كبير لا

تحياتي:-صمت غرور🌱

#عشر_ذي_الحجه
‏ عشر أيام ليست أيام عادية ، أيام يحبها الله وأقسم بها " وليالٍ عشر "، صباح التكبير والتهليل والتحميد❤🌱
كبرو
الله اكبر الله اكبر الله اكبر لا اله الا الله الله اكبر الله اكبر ولله الحمد
...