الجـزء الأول ..
-
-
-
نزل من سيارته وركض لبيت اخوه
ووجهه اسود واضح فيه الخوف
دق الباب بقوة : محمممد
انفتح الباب وظهرت امامه بنت اخوه تأملته
بنظره استحقار وبسخريه اردفت ؛
هلا عمي حمد
حمد بلع ريقه وتكلم بربكة
" ماتمنى ابدا يشوفها " : ابوك وينه !
وصله صوت اخوه : ياسمين من عندك !
ياسمين بدون نفس : عمي حمد
دخلت لداخل البيت البسيط
ودخل حمد وراها
قابله اخوه خارج من الصاله ؛ تعال للمجلس
اختفوا عن انظار ياسمين وتقفل باب المجلس
همست بحقد : ليتك بتموت وتفكنا من شرك
بخطوات مقهوره اتجهت لغرفتها هي واختها
فتحت الباب واستندت عليه : حمد جاء
رفعت راسهاا بنعومه وشعرها انسدل
للجانب الاخر : وين ابوي ؟
ياسمين قربت لها وجلست جنبها ع السرير ؛
راحوا للمجلس
دمعت عيونها وبغصه ؛ دانه شكله قرب موتنا
دانه شتت انظارها بعيد عن ياسمين
ياسمين بقهر : ليش احـ..
قاطعتها دانه : بسس،
كفايه حلطمه وارضي باللي صار
ياسمين بنبره غريبه : مابعد صار شيئ
دانه بنظرات شك : ياسمين لا تتصرفين من راسك مصيبتنا وحده اذا عندك حل قولي لي
ياسمين ببطء : نهرب
دانه شهقت بقـوه وبخوف : اسكتي ابوي لايسمعك
مجنونه انتي ، قسم ماغير تربينا جدتي بالعصا
ياسمين وعيونها ع الشنط المرتبه
في زاويه الغرفه : يعني وش ؟ مافي امل
دانه بهدوء عكس داخلها : ايه مافي امل
لا تسودين وجه ابوي كلمه وقالها لازم ينفذها
ياسمين بتنهيده : يارب .....
-؛ ددااااانـهه
وقفت دانهه وطلعت للصاله : نعم
ابو دانه : بروح مع عمك حمد لجدتك قفلي الباب
دانه بعتب واضح في صوتهاا : طيب
ابو دانهه صد بسرعه وطلع من الصاله
مشت وراه عشان تقفل الباب سمعته
يهمس : جهزي نفسك انتي واختك
فيه ناس بيجون بعد المغرب
طلع بسرعهه بدون اي كلمه ثانيه
او رد من دانه
قفلت الباب ووقفت عندده بخوف
" كيف اقول لياسمين !
خلاص الى هنا وبس ؟ الله يستر "
-
-
------
في مكان اخر الوضع مختلف ..
صررخت بحده والعصا تنزل بقووه ع الحائط ؛ قووومي انتي واياها بسسسرعههه
جعلكن باللي مانيب قايله
بكسل جلست وحدده منهم وهي تفرك عيونها : اوووه يممه بس شوي تكككفين
وصلهاا الرد من ملامح امها الحاده
وقفت بسرعهه وركضت لدوره المياه
" اكرم القارئ " وتقفلت
لتجلس الثانيه وبنوم ؛ اميمتي حبيبتي طلبتك نفداء وجهك عشاني انا دايم اسمع كلامك
اكثر من جميله
جميله بصراخ من دوره المياه : كككذذذابه يممه
ام محمد بحده : حنان بسرعه قومي اخوانك هنا
ومافيه من يسوي لهم القهوه
حنان بحلطمه : طيب كل شيئ انا
طلعت امهاا للصاله شافت محمد وحمد
يتهامسون وواضح بينهم شيئ كايد
جلست عندهم ورفعوا روسهم بسرعه
: حياك يمه
ام محمد : وش بينكم ؟ صاير شيئ ؟
محمد بهدوء : يمه فيه موضوع
حمد قاطعه ؛ محمد بيزوج بناته
ام محمد رفعت حواجبها : هااااو محمد ،
اخوك صادق ؟
محمد التفت لحمد بنظرات حاده :
ايه فيه ناس متقدمين لهم كفو
وانتي تدرين البنات اخاف عليهم الدنيا مافيها امان
وودي اشوف كل وحده ببيت زوجها
ام محمد بتوجس : الصدق ؟ وجهك ماهو عاجبني ؟ موافقات البنات ؟
محمد : ايه
وقف وخرج من البيت
وحمد مرتبك يخاف امه تسأله عن شيئ
ام محمد بنص عين : حميد وجهك الاقشر وراه مصيبه علمني وش عندك
حمد بلعثمه وانفعال : ءءاا يمه مافي شيئ
ام محمد صدت عنهه وهي توقف بوهن : بروح لبيت محمد اشوف البنات
طلعت وحمد وجهه اسود يخاف بنات اخوه يفضحونه عند امه
رفع جواله واتصل ع محمد لكن قفل ف وجهه
انقهر وقرب للباب يشوف امه داخله لبيت اخوه المجاور لبيتها
وصله صوت جميله من وراه : حمد ! شفيك
التفت لهاا : ءءا امي راحت لبنات محمد قفلي الباب
وطلع ..،
عقدت حواجبها ؛ وش تبي عندهم اللحين ؟
صرخت بصوت عالي : ححححناااااااان
حنان من الغرفه : خييييرر
جميله : بروح لبيت محمد مع امي
طلعت بسرعه لبيت اخوووها وهي خايفه
البنات فيهم شيء .
|